სადენიანი კავშირი
NPLG Wiki Dictionaries გვერდიდან
სადენიანი კავშირი – ელექტროკავშირის სახეობა, რომელიც საველე, მუდმივი საჰაერო სადენებით, აგრეთვე წყალქვეშა და მიწისქვეშა კავშირის საკაბელო ხაზებით ხორციელდება. გამოიყენება ჯარების მართვისთვის და მართვის პუნქტის შიგნით კავშირისთვის.
სადენიანი კავშირის დადებითი თვისებებია: კავშირის ხაზების მაღალი ხარისხი, შედარებითი ფარულობა, შემჭიდროების აპარატურის მეშვეობით მრავალი არხის მიღების შესაძლებლობა, ადვილი გამოყენება. უარყოფითი: დიდი მოწყვლადობა, გაშლის დაბალი ტემპები, მოწინააღმდეგის მიერ დაკავებულ ტერიტორიაზე და ძნელად მისადგომ ადგილებზე გაყვანის შეუძლებლობა.