ტამბურინი

ალბერტ დიურერი. ფლეიტაზე და ტამბურინზე დამკვრელები

ტამბურინი – (ფრანგ. tambourine),

1. დასარტყამი სამუსიკო საკრავი, მცირე ზომის ცილინდრული დაფდაფის სახეობა, სიმაღლე ბევრად ჭარბობს დიამეტრს. ტამბურინის სამშობლოა პროვანსი (საფრანგეთი), აქედან წარმოდგება მისი მეორე სახელწოდება – პროვანსული დაფდაფი.
2. პროვანსული წარმოშობის ძველებური ფრანგული ხალხური ცეკვა, 2/2 ან 2/4 მუსიკალურ ზომით. სრულდება მკვირცხლი, სწრაფი ტემპით ფლეიტებისა და დაირის თანხლებით (დაირის ფრანგული სახელწოდება „ტამბურინია“, აქედან მოდის ცეკვის სახელწოდებაც). ტამბურინის ფორმაში დაწერილია XVII–XVIII საუკუნეების ფრანგ კომპოზიტორთა ოპერების დივერტიმენტული საცეკვაო ნომრები.
3. ლიტერატურაში გვხვდება როგორც დაირის სახელწოდება.

წყარო

ხელოვნების განმარტებითი ლექსიკონი