ფსიქოტროპული
ფსიქოტროპული - (psychotropic), ცნების ყველაზე უფრო ფართო გაგებით, ტერმინს იყენებენ ისეთივე მნიშვნელობით, როგორც „ფსიქოაქტიურს“, ანუ ნივთიერებას, რომელიც ზემოქმედებას ახდენს გონებაზე და ფსიქიკურ პროცესებზე. ვიწრო გაგებით, ფსიქოტროპული სამკურნალწამლო საშუალება – ეს არის ნებისმიერი ქიმიური აგენტი, რომელიც, ძირითადად ან არსებითად, მოქმედებს ცენტრალურ ნერვულ სისტემაზე. ზოგიერთი ავტორი ამ ტერმინს იყენებს იმ სამკურნალწამლო საშუალებების აღსანიშნავად, რომლებიც ძირითადად გამოიყენება ფსიქიკური დარღვევების სამკურნალოდ – ანქსიოლიტური სედატიური საშუალებები, ანტიდეპრესანტები, მანიაკალური მდგომარეობის სამკურნალო საშუალებები და ნეიროლეპტიკები. სხვები იყენებენ ისეთი ნივთიერებების აღსანიშნავად, რომელთაც მავნედ გამოყენების მაღალი პოტენციალი აქვს, რადგან ეს ნივთიერებები ზემოქმედებას ახდენს გუნებ-განწყობაზე, ცნობიერებაზე ან – ორივეზე ერთად, მაგ., სტიმულატორები, ჰალუცინოგენები, ოპიოიდები, სედატიური-საძილე საშუალებები (მათ შორის ალკოჰოლი) და სხვა.
