ყიფშიძე დავით

დავით ყიფშიძე

ყიფშიძე დავით ალექსის ძე (1890, სოფ. სკანდე - 1919, სოფ. სიმონეთი) - ფილოლოგი, ისტორიკოსი.

დაამთავრა ქუთაისის კლასიკური გიმნაზია. 1916 წელს დაამთავრა პეტროგრადის უნივერსიტეტის აღმოსავლურ ენათა ფაკულტეტის ქართულ-სომხური განყოფილება. იყო პეტერბურგის ქართველ სტუდენტთა სამეცნიერო წრის აქტიური წევრი. ნიკო მარის ხელმძღვანელობით სტუდენტობიდანვე ეწეოდა სამეცნიერო მუშაობას. იკვლევდა შუა საუკუნეების კლდეში ნაკვეთ ქალაქებს (ვარძია, უფლისციხე), ანისის გამოქვაბულებს, 1914 ხელმძღვანელობდა ცაგერის რაიონში არქეოლოგიურ გათხრებს. 1918 წელს მიიწვიეს თბილისის უნივერსიტეტში, სადაც გარდაცვალებამდე კითხულობდა სომხური ენის კურსს.

მანანა ლილუაშვილი

ლიტერატურა

ზ. გაიპარაშვილი, მ. ლილუაშვილი, ტფილისის სახელმწიფო უნივერსიტეტის პროფესორთა საბჭოს ოქმები 1917-1926, თბ., 2006.

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი