შავი მეტალურგია

შავი მეტალურგია – მძიმე მრეწველობის დარგი, რომელიც მოიცავს თუჯის, ფოლადის, ფეროშენადნობთა, ნაგლინის წარმოებას, შავი ლითონებისა და მათი შენადნობების ცხელ და თერმულ დამუშავებას, რკინის, ქრომიტების, მანგანუმის მადნების მოპოვებას, აგლომერიზაციას. შავი მეტალურგია მშენებლობისა და მანქანათმშენებლობის საფუძველია (საბრძმედე ღუმელში გამოდნობილი ფოლადის 1/3 ნაწილი მოხმარდება მანქანათმშენებლობას, ხოლო 1/4 – მშენებლობას). შავი მეტალურგიის საწყისი ნედლეულია რკინის მადანი, კოქსი და მალეგირებელი მეტალები.

წყარო

სამშენებლო ენციკლოპედიური ლექსიკონი