შენობის ფასადის საანგარიშო სიმაღლე
NPLG Wiki Dictionaries გვერდიდან
შენობის ფასადის საანგარიშო სიმაღლე – შენობის ფასადის საშუალო სიმაღლე, რომელიც ტოლია ფასადის საანგარიშო ზედაპირის საშუალო სიმაღლისა. იმ შემთხვევაში, როდესაც შესაბამისი ფასადის მხარეს გამომავალი სამერცხლულებისა და სახურავის სხვა მსგავსი მოცულობითი ელემენტების ჯამური სიგანე წარმოადგენს ამავე ფასადის საანგარიშო ზედაპირის საშუალო სიგანის 1/2-ზე მეტს, მაშინ შენობის ფასადის საანგარიშო სიმაღლის განსაზღვრისას ფასადის საანგარიშო ზედაპირის საშუალო სიმაღლეს ემატება შესაბამისი ფასადის მხარეს გამომავალი სამერცხლულების და სახურავის სხვა მსგავსი მოცულობითი ელემენტების სიმაღლე.