შუა ყურის მწვავე ბაქტერიული ოტიტები
NPLG Wiki Dictionaries გვერდიდან
შუა ყურის მწვავე ბაქტერიული ოტიტები — შუა ყურის მწვავე ანთებაში ჩვენ ვგულისხმობთ არა მარტო დაფის ღრუს, არამედ ევსტაქის მილის და მასტოიდალური უჯრედების ლორწოვანის ანთებას. ეს სტრუქტურები ისე მჭიდროდ არის ერთმანეთთან გადაჯაჭვული, რომ შეუძლებელია ვილაპარაკოთ მხოლოდ ერთ-ერთი ნაწილის ბაქტერიულ დაზიანებაზე იზოლირებულად.
შუა ყურის ანთება ითვლება ქვემწვავედ, თუ იგი 3 კვირაზე მეტხანს მიმდინარეობს, ხოლო 3 თვეზე მეტხანს მიმდინარე პროცესი, უკვე ქრონიკული ანთებაა.
შუა ყურის მწვავე ოტიტები ორ დიდ ჯგუფად იყოფა:
- შუა ყურის მწვავე ბაქტერიული ოტიტი, რომელიც შესაძლებელია იყოს როგორც ჩირქოვანი, ასევე, უბრალოდ, კატარალური;
- შუა ყურის სეროზული, მწვავე ოტიტები, რომლის მიზეზი არის ბაროტრავმა (ცხვირის უხეში მოხოცვა, ყვინთვა);
ორივე ოტიტი ყურის ანთებების იმ ნაირსახეობას განეკუთვნება, რომელსაც ტრანსუდატული ანუ ექსუდაციური ოტიტები ეწოდება.
ნებისმიერი ოტიტის ჩამოყალიბებაში უმთავრესი ფაქტორი ევსტაქის მილის დისფუნქცია გახლავთ.
იხილე აგრეთვე
- ბაქტერიული ოტიტები
- შუა ყურის ოტიტები ახალშობილებში
- ოტიტები მოზრდილებში და ზრდასრულებში
- შუა ყურის ანთების გართულებები