შხამიანი ქამა
NPLG Wiki Dictionaries გვერდიდან
შხამიანი ქამა (ლათ. Agaricus xanthodermus Gener. რუს. Шампиньон рыжеющий)
ქუდი – 5-15 სმ დიამეტრისაა, ჯერ ნახევარსფეროსებრია, შემდეგ ამობურცული, ზედაპირი თითქმის ტიტველია, თეთრი, ხელის დაჭერისას ყვითლდება, ფირფიტები თხელია, ჯერ თეთრი ან მოვარდისფრო, შემდეგ – ყავისფერი.
ფეხი – 5-15 სმ სიგრძისა და 1-2 სმ სისქისაა, ძირში გაბერილია, ახასიათებს საყელო თეთრია.
რბილობი – მოთეთროა მურა იერით, ფეხის ძირთან მოყვითალო-ღია, ფეხის ფუძის გასქელებაში ნარინჯისფერია, ახასიათებს არასასიამოვნო კარბოლის მჟავის სუნი – ე.წ. „აფთიაქის სუნი“.
სპორები – ელიფსისებრია, მურა-მეწამული, 5-5,8 მკმ.
იზრდება ნიადაგზე ბაღებში, პარკებში, მინდვრებში ზაფხულ-შემოდგომით. შხამიანია, იწვევს საჭმლის მომნელებელი სისტემის მოშლას.