ჩვეულებრივი ბზა
NPLG Wiki Dictionaries გვერდიდან
ჩვეულებრივი ბზა (მარადმწვანე ბზა) − (ლათ. Búxus sempervírens) – ბზისებრთა ოჯახის, ბზის გვარის მარადმწვანე ყვავილოვანი მცენარე, რომელსაც ფართოდ იყენებენ დეკორატიულ მებაღეობაში. კარგად იტანს ყოველწლიურ სხვლას და ვარჯის ფორმირებას. რგავენ ეულად, ჯგუფად, ბორდიურად და სხვ. წარმოებაში ჩვეულებრივი ბზის მერქანს ზოგჯერ პალმის ხესაც უწოდებენ. ხარობს დასავლეთ და სამხრეთ ევროპაში, ჩრდილო-აღმოსავლეთ და სამხრეთ-დასავლეთ აზიაში. გავრცელებულია სამხრეთ ინგლისიდან სამხრეთით მაროკოს სამეფოს ჩრდილოეთამდე და აღმოსავლეთით ჩრდილოეთ ხმელთაშუაზღვის რეგიონიდან თურქეთის რესპუბლიკამდე.