ცერეცო
NPLG Wiki Dictionaries გვერდიდან
ცერეცო – (Foenicum vulgare); ერთწლოვანი მცენარე, ქოლგოსანთა ოჯახის წარმომადგენელი. მას აქვს სწორმდგომი ღერო, დანაწევრებული და განტოტვილი, მწვანე ან მოყვითალო ფოთლები, რთული ქოლგაყვავილედი.
ცერეცო უძველესი დროიდან იზრდება ველურად. კულტურული ცერეცოს ძირები თათისებურად დატოტვილი და ხორციანია. მას ხმელთაშუა-ზღვის აუზის ხალხები ოდითგან იყენებენ კულინარიაში, როგორც კალორიებით მდიდარ ბოსტნეულს. ნორჩ ღეროებს კი, ეროვნული კერძების სანელებლად. ცერეცოს ეთერზეთს ფართო გამოყენება აქვს მედიცინაშიც, როგორც ამოსახველებელ საშუალებას.
ცერეცო – ბიბლიური მცენარე
„ვაი თქუენდა, მწიგნობარნო და ფარისეველნო ორგულნო, რამეთუ ათეულსა მიიღებთ პიტნაკისასა და ცერეცოისასა და ძირაკისასა, და დაგიტევებიეს უმძიმესი სჯულისაი: სამართალი და წყალობაი და სარწმუნოებაი“. (მათე 23, 23 ჯ)
