ძოწენიძე ქეთევან

წარწერის ტექსტი

ქეთევან ძოწენიძე – (დ. 23 დეკემბერი 1916, ქუთაისი,– გ. 4 სექტემბერი 1969, იქვე), ქართველოლოგი.

დაამთავრა ქუთაისის პედაგოგიური ინსტიტუტის ქართული ენისა და ლიტერატურის ფაკულტეტი (1937), თსუ ასპირანტურა ძველი ქართული ენის სპეციალობით (1940), დაიცვა დისერტაცია ფილოლოგიურ მეცნიერებათა კანდიდატის სამეცნიერო ხარისხის მოსაპოვებლად (1950). 30 წლის მანძილზე ეწეოდა სამეცნიერო-პედაგოგიურ მოღვაწეობას ქუთაისის პედაგოგიურ ინსტიტუტში. მუშაობდა ქართული ენის კათედრაზე, 1953-იდან გარდაცვალებამდე იყო ამავე კათედრის გამგე.

იკვლეედა ძველი და ახალი სალიტერატურო ქართულის სტრუქტურისა და ისტორიის საკითხებს, ქართული ენის დიალექტებს, მწერალთა ენასა და სტილს, მისი შრომებიდან აღსანიშნავია მონოგრაფიული გამოკვლევა – „სახელთა ბრუნება ძველ ქართულში პავლეს ეპისტოლეთა მიხედვით“ (დაბეჭდილია ავტორეფერატი, 1950) და ფუნდამენტური ნაშრომი ზემოიმერულის შესახებ, რომელიც გამოიცა ორ წიგნად - „ზემოიმერული კილოკავი“ (ენობრივი მიმოხილეა და ტექსტები, 1973) და „ზემოიმერული ლექსიკონი“ (1974), კ. დანელიასთან ერთად გამოსაცემად მოამსადა „პავლენი” (გამოიცა 1974).

ქ. ძოწენიძე სამეცნიერო-პედაგოგიურ მუშაობასთან ერთად ნაყოფიერ საზოგადოებრივ საქმიანობასაც ეწეოდა, მიღებული ჰქონდა მთავრობის ჯილდოები.

გრ. იმნაიშვილი