ჭყინტი ყველი
NPLG Wiki Dictionaries გვერდიდან
ჭყინტი ყველის- ქარხნული წესით დამზადების ტექნოლოგია ქართველი მეცნიერების მიერაა შემუშავებული. იგი მზადდება ძროხის, კამეჩის და თხის რძის ან მათი ნარევისაგან. რძის გაწმენდის შემდეგ, ხდება მისი ნირმალიზება ცხიმის შემცველობაზე, პასტერიზაცია, გაცივება და შედედება 32-34 გრადუსზე, დაწესებული ტექნოლოგიური პროცესის გავლის შემდეგ, 24 საათში, ყველი მზადაა მოხმარებისათვის;
ჭყინტი ყველი რბილია, დაჰკრავს რძის ფერი. აქვს წვრილი, თხელი ფორები. იგი გაცხელებისას უნდა იწელებოდეს. ყველი უნდა შეიცავდეს 56% ტენს, 30% - ცხიმს და 4% მარილს;
ჭყინტი ყველი დიეტური პროდუქტია და ამიტომ მასზე დიდი მოთხოვნაა ყველა ასაკის მომხმარებელში, განსაკუთრებით ბავშვებსა და კუჭ-ნაწლავის სენით დაავადებულებში. ტრადიციული ჭყინტი ყველისგან ამზადებენ ეროვნულ ყველ სულუგუნს.
