ჯაყელი აღბუღა II

აღბუღა ჯაყელი II – (1386-1451), სამცხის ათაბაგი, ამირსპასალარი, სჯულმდებელი. XIV ს. II ნახ-ში შეადგინა „სამართალი“ – სამართლის კრებული, რომელშიც პირველ წიგნად შეიტანა უფრო ადრე პაპის, ბექა მანდატურთუხუცესის, მიერ შედგენილი „სამართალი“. ძეგლის დედანს ჩვენამდე არ მოუღწევია. არსებობს 2 ხელნაწერი: ერთი – 1672 წ., მეორე – გვიანდელი, ვახტანგ VI-ის სამართლის წიგნის კრებულში შესული ნაწილი, სათაურით „სამართალი აღბუღასი“ – რედაქტირებული და სახეცვლილი ვახტანგის კომისიის მიერ.

ბექა-აღბუღას „სამართლის წიგნი“ 98 მუხლისაგან შედგება. აქედან აღბუღას ეკუთვნის 66-98 მუხლები. განკუთვნილია სამცხის სამთავროსათვის, მაგრამ, რადგან იმდროინდელ ბარის საქართველოში სოციალური სტრუქტურა ყველგან ერთნაირი იყო, ძეგლი თანაბრად მნიშვნელოვანი ჩანს მთელი საქართველოსათვის.

ც. აბულაძე

ლიტერატურა

• დოლიძე ი., ძველი ქართული სამართალი, თბ., 1953;
• კაკაბაძე ს., სჯულმდებელთა ბექას და აღბუღას ვინაობა, ტფ., 1912;
• ჯავახიშვილი ივ., ქართველი ერის ისტორია, წგ. 2, თბ., 1983 (თხზ. თორმეტ ტომად, ტ. 2).

წყარო

• საქართველოს მართლმადიდებელი ეკლესია:ენციკლოპედია