Iris aphylla L
NPLG Wiki Dictionaries გვერდიდან
Iris aphylla L. - ოჯახი: ზამბახისებრნი (Iridaceae). მრავალწლიანი ბალახოვანი მცენარეა. ყვავილსაფარი კაშკაშა იისფერია, ლურჯი იისფერი, მუქი იისფერი ან მოშავო-იისფერი. ყვავილსაფრის ფოთლები თითქმის ერთი ზომისაა. მისი გარეთა ფოთლები ფრჩხილის შუა ხაზის გასწვრივ ყვითელი ბანჯგვლით ხასიათდება. ყვავილი – 1-3. ფოთლები მწვანეა, პრიალა ან მონაცრისფრო-მწვანე; ქვედა ფოთლები ხაზურ-ლანცეტაა, ოდნავ ხმლისებური, ვიწრო, სიფრიფანაკიდეებიანი და ღეროზე მოკლე. ღერო 15-20 სმ-მდე სიგრძისაა, ძირიდანვე ან ქვედა ნახევრიდან დატოტვილი, მცენარე თითქმის უღეროა. ყვ. ნაყ. IV-VI. აღმოსავლეთ კავკასიის ენდემია. იზრდება მთის ქვედა სარტყლიდან სუბალპურ სარტყლამდე – მდელოებზე, ბუჩქნარსა და სტეპებში. კახეთში მისი ნახვა შესაძლებელია თუშეთის დაცულ ტერიტორიაზე.
