Orchis morio subsp
NPLG Wiki Dictionaries გვერდიდან
Orchis morio subsp. Caucasica [K. Koch] E.G. Camus, Bergon & A. Camus – ოჯახი: ჯადვარისებრნი (Orchidaceae). მრავალწლიანი ბალახოვანი მცენარეა. მცენარის ღერო 15-40 სმ სიმაღლისაა, მის ძირში 5-7 ვიწრო-ხაზური ან მოგრძო-კვერცხისებური ფოთლებია განვითარებული, რომლებიც ბლაგვია ან ბლაგვად-წაწვეტებული. ფოთლები სიგრძეზე დაკეცილია და რკალივით გადაღუნული. ყვავილედი მეჩხერია, ცილინდრული, კაშკაშა მეწამულ-იისფერი; ყვავილსაფრის გარეთა წრის ფოთლები მოგრძო-კვერცხისებურია. ტუჩი მოყვანილობით მომრგვალო-თირკმლისებურია, არაღრმა სამნაკვთიანი. ყვ. ნაყ. V-VI. იზრდება მთის შუა სარტყელში ველობებზე, ბუჩქნარში. კახეთში მისი ნახვა შესაძლებელია არწივის ხეობაში, სოფელ კონდოლის მიდამოებში. გავრცელებულია მთელ საქართველოში.
