რატი ორბელი

მიმდინარე ცვლილება 00:29, 6 ოქტომბერი 2023 მდგომარეობით

რატი ორბელი — (X-XI სს.), ჰიმნოგრაფი. პ. ინგოროყვას გამოკვლევით, X ს. 80-იან წლებში კლდეკარის ერისთავი იყო და თავი ფრიად დამოუკიდებლად ეჭირა. 989 წ. ბაგრატ მესამემ დაამარცხა და სამფლობელოები ჩამოართვა. რატი დასავლეთ საქართველოში დაემკვიდრა. პ. ინგოროყვასავე აზრით, რატისა და დავით ტბელის ძის სალიტერატურო მოღვაწეობა ერთმანეთთან იყო დაკავშირებული. რატის ეკუთვნის საგალობელი ტიტე მოციქულისა (დაცულია 1049 წ. გოლგოთურ 1965. კრებულში). მას მონაწილეობა მიუღია X-XI სს. იმ საწელიწდო იადგარის შედგენაში, რომელსაც „ახალს“ უწოდებენ.

[რედაქტირება] ტექსტი და ლიტერატურა

• პ. ინგოროყვა. თხზულებათა კრებული, III, გვ. 422, 369, 371-373.
• ქართული მწერლობა: ლექსიკონი-ცნობარი