სასირეთის განძი

სასირეთის განძი - არქეოლოგიური ძეგლი, აღმოჩნდა შიდა ქართლის მხარეში, კასპის მუნიციპალიტეტში, 1930 წელს წმინდა გიორგის ეკლესიასთან, სოფელ ს ასირეთის ცენტრში მდებარე ძველ სასაფლაოზე, ერთ-ერთი საფლავის გათხრისას. თარიღდება ძვ. წ XIII-XII საუკუნეებით.

განძს შეადგენდა ბრინჯაოს ნივთები:

• 1 ცალი კოლხური, 3 ცალი ცენტრალური ამიერკავკასიული და 2 ცალი ბრტყელი ცული;
• 2 ცალი ფოთლისებრი ფართოქუდიანი (ტარი არ შემორჩა), 2 ცალი ჩარჩოიანი შედგენილტარიანი და 2 ცალი სხვადასხვა ტიპის სატევარი;
• 4 ცალი ლაგაში კაუჭებიანი საყბეურებით;
• 1 ცალი სატეხი;
• ჭვირულტანიანი ფრინველის ქანდაკება;
• ბრინჯაოს სამფეხა ჭურჭელი ფრინველის ქანდაკებით დაბოლოებული სახურავით და ტანზე და სახურავზე ზენური ხვიების სარტყლებით.

ნივთები ინახება საქართველოს სახელმწიფო მუზეუმში.

1982 წ. იმავე სასაფლაოზე გაითხარა ორმოსამარხი, რომელიც თარიღდება ძვ. წ IV-III საუკუნეებით. სამარხში აღმოჩნდა მოოქროვილი ვერცხლის მცენარეული ორნამენტით შემკული დიდი ფირფიტა-დისკო და ვერცხლის საკისრე რგოლი. ინახება კასპის მხარეთმცოდნეობის მუზეუმში.

წყარო

საქართველოს ისტორიის და კულტურის ძეგლთა აღწერილობა