ნებაყოფლობითი ინიციატივა, მონაცემთა ერთმნიშვნელოვანი ინტერპრეტაციის და სანდოობის გარანტიის მიზნით, უნდა უნდა ფლობდეს ხარისხის უზრუნველყოფის მექანიზმს და, ამასთანავე, ახდენდეს პროგრესის დემონსტრაციას.

2004 წლის ივნისში გამართულ, გაერთიანებული ერების გლობალური შეთანხმების ლიდერების უმაღლესი დონის შეხვედრაზე მონაწილე მხარეები შეთანხმდენენ, რომ გლობალურმა შეთანხმებამ მეტი ყურადღება უნდა დაუთმოს ხარისხის უზრუნვეყოფასა და ბრენდის მენეჯმენტს. შედეგად, გლობალური შეთანხმების პოლიტიკამ, რომელიც ითვალისწინებს მონაწილეთა მხრიდან შეთანხმების პრინციპების განხორციელებასთან დაკავშირებულ პროგრესზე ანგარიშის წარმოდგენას, კიდევ უფრო მეტი მნიშვნელობა მიიღო.

ათი პრინციპის განხორციელებაში მიღწეული პროგრესის შესახებ ანგარიშგება - ვალდებულება, რომელსაც იღებს ნებისმიერი მხარე, რომელიც ხდება გლობალურ შეთანხმების მონაწილე - არ მზადდება უბრალოდ ანგარიშგების მიზნით. ეს გახლავთ მექანიზმი, რომელიც განსაზღვრავს შიდა სტრატეგიულ კურსს და თვალსაჩინოს ხდის განხორციელებული საქმიანობის ზეგავლენის და შედეგების მაჩვენებლებს და იმას, თუ რამდენად არის პროგრესი მიღწეული. ხსენებული პროგრესის შესახებ ანგარიშგება, პროცესში მონაწილე სხვადასხვა მხარისათვის, მხოლოდ ერთი ეტაპი გახლავთ იმ უწყვეტ ციკლში, რომელიც გულისხმობს ზემოაღნიშნული ათი საყოველთაო პრონციპის იდეების და ღირებულებების ქმედებაში გარდაქმნას.

გლობალურმა შეთანხმებამ ფუნქციონირება 1999 წელს დაიწყო. ამ დღიდან შეთანხმების მონაწილეთა რიცხვი სწრაფად გაიზარდა. დღეისათვის ის მსოფლიოს უდიდესი ბიზნეს-ინიციატივაა, რომელშიც გაერთიანებულია 80 ქვეყნის 2000-ზე მეტი ბიზნესის, მუშათა და სამოქალაქო საზოგადოების ჯგუფები, მთავრობები და გაერთიანებული ერების ორგანიზაციის სააგენტოები. მონაწილე კომპანიები წარმოების სხვადასხვა სფეროს წარმოადგენენ. მათ რიგებში არიან როგორც განვითარებული მსოფლიოს მსხვილი და მულტინაციონალური კომპანიები, ისე განვითარებადი ქვეყნების მცირე საწარმოები.

წინამდებარე პრაქტიკული სახელმძღვანელო მოამზადა საერთაშორისო ექსპერტთა ჯგუფმა. იგი მიზნად ისახავს მარტივი რეკომენდაციების და რჩევების მიწოდებას ყველა ზომის, წარმოების ტიპის და გეოგრაფიული ადგილმდებარეობის კომპანიებისათვის იმაზე, თუ როგორ უნდა მომზადდეს ანგარიში პრინციპების განხორციელებასთან დაკავშირებულ პროგრესზე. რასაკვირველია, არ არსებობს „ერთი და ყველაზე მორგებული უნივერსალური” მოდელი და სახელმძღვანელოც იმ ფორმით მომზადდა, რომ მან დახმარება გაუწიოს ყველა ზომის და ანგარიშის მომზადებაში განსხვავებული გამოცდილების მქონე კომპანიებს - მცირე და საშუალო ზომის საწარმოების და იმ ბიზნესების ჩათვლით, რომლებიც პირველად ადგენენ ანგარიშს.

პრაქტიკული სახელმძღვანელო განმარტავს, თუ რა ფორმით უნდა იქნას მომზადებული ანგარიში პროგრესის შესახებ და ასევე, იძლევა მაგალითებს, თუ როგორ გააკეთეს ეს სხვადასხვა კომპანიებმა. მე იმედს ვიტოვებ, რომ წინამდებარე სახელმძღვანელო დაგეხმარებათ, მიაწოდოთ ზუსტი, კომპაქტური და ინფორმატიული ანგარიში თქვენს პარტნიორებს. მე, ასევე, იმედი მაქვს თქვენი უწყვეტი მხარდაჭერის და იმის, რომ თქვენ ყველაფერს გააკეთებთ იმისათვის, რომ წარმოადგინოთ სამაგალითო ანგარიში პრინციპების განხორციელებასთან დაკავშირებულ პროგრესზე.

გეორგ კელი
გლობალური შეთანხმების
აღმასრულებელი დირექტორი

გლობალური შეთანხმების მონაწილე მხარეებმა უნდა წარუდგინონ დაინტერესებულ მხარეებს ყოველწლიური ანგარიში იმ პროგრესის შესახებ, რომელსაც მათ მიაღწიეს გლობალური შეთანხმების ათი ძირითადი პრონციპის განხორციელების სფეროში. ინფორმაცია პროგრესის შესახებ შესაძლოა გაკეთდეს წლიური ფინანსური, სტაბილური განვითარების ან სხვა სახის საჯარო ანგარიშების, ვებ-გვერდების და/ან კომუნიკაციის სხვა არხების გზით.

I ეტაპი. ანგარიშგება პროგრესის შესახებ

ანგარიში პროგრესის შესახებ შედგება სამი ელემენტისაგან:

ა) აღმასრულებელი დირექტორის ან სხვა მაღალი რანგის აღმასრულებელი მუშაკების მოწოდება გლობალური შეთანხმების უწყვეტი მხარდაჭერის შესახებ.

განცხადება მხარდაჭერის შესახებ უნდა მოდიოდეს ხელმძღვანელობის წარმომადგენლისაგან, რაც გახლავთ იმის დადასტურება, რომ გლობალური შეთანხმება მიჩნეულია იმ ვალდებულებად, რომელიც იმსახურებს უმაღლესი მენეჯმენტის ყურადღებას.

ბ) გლობალური შეთანხმების პრინციპების გატარებისკენ მიმართული იმ პრაქტიკული საქმიანობების აღწერა, რომლებიც ანგარიშვალდებულმა მხარემ განახორციელა წინა წლის განმავლობაში.

აღწერილი პრაქტიკული საქმიანობები განხორციელებული უნდა იყოს წინა წლის განმავლობაში. მართალია, მიმდინარე საქმიანობანი ძალზედ მნიშვნელოვანია, მაგრამ ყოველწლიური საქმიანობები ხაზს უსვამს უწყვეტი განვითრება-გაუმჯობესებისაკენ აღებულ ვალდებულებას.

გ) შედეგების გაზომვა, რისთვისაც შეძლებისდაგვარად, გამოყენებული უნდა იქნას ის სტანდარტული ინდიკატორები და მაჩვენებლები, რომლებიც დადგენილი იქნა ანგარიშგების გლობალურის ინიციატივის სტაბილურობის შესახებ ანგარიშგების სახელმძღვანელო მითითებებში.

უპირატესობა ენიჭება შესრულებული სამუშაოს რაოდენობრივ გაზომვას. მიუხედავად ამისა, შედეგების თუნდაც არასრული ხარისხობრივი აღწერა უმჯობესია, ვიდრე სტრატეგიისა და პროგრამის მშრალი ხსენება. მოსალოდნელი შედეგები ასახვას პოულობს კონკრეტულ მიზნებში.

შედეგების მაჩვენებლები საშუალებას აძლევს პროგრესის შესახებ ინფორმაციის მკითხველს, გაიგოს განხორციელებული საქმიანობების მნიშვნელობა და შედეგი. თუ კომპანია თავის თავზე იღებს ინფორმაციის საიმედოობის გარანტიას, იგი ვალდებულია დეტალურად აღწეროს, როგორ იქნა პროგრესი მიღწეული.

წინამდებარე პრაქტიკული სახელმძღვანელო მოწოდებულია, დაეხმაროს კომპანიებს პროგრესის შესახებ წლიური ანგარიშების მომზადებაში. იგი იძლევა პრაქტიკულ ინფორმაციას და რჩევებს ზემოაღნიშნულ სამ ელემენტთან დაკავშირებით.

ყურადღება:

წინამდებარე პრაქტიკული სახელმძღვანელო კიდევ უფრო ავსებს გლობალური შეთანხმების მიერ პროგრესის შესახებ ანგარიშის მომზადებისათვის უკვე შემუშავებულ სტრატეგიებს და ინსტრუქციებს, როგორებიცაა:

ორივე ზემოაღნიშნული დოკუმენტის მოძიება შესაძლებელია შემდეგ მისამართზე: www.unglobalcompact.org

II ეტაპი. პროგრესის შესახებ ანგარიშის გაცნობა
დაინტერესებული მხარეებისათვის

პროგრესის შესახებ ანგარიშთან დაკავშირებით გლობალური შეთანხმების პოლიტიკის ერთ-ერთი უმნიშვნელოვანესი ელემენტი დაინტერესებული მხარეების ჩაბმა და ინფორმირებაა. გლობალური შეთანხმების მონაწილე მხარეებმა პირდაპირ უნდა აცნობონ დაინტერესებულ მხარეებს პრინციპების გატარებასთან დაკავშირებით მიღწეული პროგრესისი შესახებ. ეს ხდება პროგრესის შესახებ ანგარიშის მედია საშუალებებში გავრცელებით, რომლებიც უკვე გამოყენებული იყო დაინტერესებულ მხარეებთან კომუნიკაციის მიზნით. არსებობს პროგრესის შესახებ ანგარიშის გავრცელების ორი ძირითადი მოდელი: არსებული საფინანსო ან სტაბილური განვითრების ნაგარიშში მისი ჩართვა, ან სხვა საინფორმაციო არხების გამოყენება.

ა) კომპანიები, რომლებიც ინფორმაციას აწვდიან დაინტერესებულ პირებს სტაბილური განვითრების ან სხვა ყოველწლიური ანგარიშების საშუალებით. თუკი კომპანია აქვეყნებს წლიურ საფინანსო ან სტაბილური განვითრების ანგარიშს, ინფორმაცია პროგრესის შესახებ აუცილებლად უნდა შევიდეს დოკუმენტში. მხარდაჭერის შესახებ განცხადება აუცილებლად უნდა შევიდეს აღმასრულებელი დირექტორის ან სხვა მაღალი რანგის აღმასრულებელი პირის წერილში. აქტივობების აღწერა და შედეგების მაჩვენებლების შეფასება უნდა ჩამოყალიბდეს მოკლე, შემაჯამებელ ნაწილად და მითითებული უნდა იქნას, რომ დამატებითი ინფორმაციის მიღება შესაძლებელია ანგარიშში. მითითებები თუ როგორ უნდა მოხდეს პროგრესის შესახებ ანგარიშის ინტეგრირება კომპანიის ერთიან ანგარიშში, იხილეთ დანართი „ბ“ - პროგრესის შესახებ საინფორმაციო ანგარიშის მოდელი 1.

ბ) კომპანიები, რომლებიც კომუნიკაციას დაინტერესებულ პირებთან აწარმოებენ წლიური ან სტაბილური განვითრების შესახებ ანგარიშებისაგან განსხვავებული ფორმით იმ შემთხვევაში, თუ კომპანია არ აქვეყნებს ყოველწლიურ ან სტაბილური განვითრების შესახებ ანგარიშებს, პროგრესის შესახებ ინფორმაცია შესაძლოა გავრცელდეს სხვა ისეთი არხების საშუალებებით, როგორებიცაა: ვებ-გვერდი, პრესრელიზები, ოფიციალური განცხადებები, კომპანიის მიერ გაკეთებული შეტყობინება. ასეთი დოკუმენტებიდან კომპანიის თანამშრომლები, დაინტერესებული პირები, მომხმარებლები და პროცესში მონაწილე სხვა პირები იღებენ ინფორმაციას ეკონომიკურ, სოციალურ და გარემოს დაცვის საკითხებზე, რომლებშიც ჩართულია კომპანია. დამატებითი სახელმძღვანელო მითითებების მოსაძიებლად იმასთან დაკავშირებით, თუ როგორ უნდა მომზადდეს ინფორმაცია პროგრესის შესახებ, როგორც დამოუკიდებელი დოკუმენტი გთხოვთ, იხილოთ დანართი „ბ“ - პროგრესის შესახებ საინფორმაციო ანგარიშის მოდელი 2.

III ეტაპი. პროგრესის შესახებ ანგარიშის დაკავშირება გლობალური შეთანხმების საინფორმაციო ბაზაში

მონაწილე მხარეებმა პროგრესის შესახებ ანგარიში უნდა განათავსონ გლობალური შეთანხმების ვებ-გვერდზე და, შეძლებისდაგვარად ყველგან, დააკავშირონ ვებ-გვერდის URL ბმულთან, რომელზეც განთავსებულია დოკუმენტი. ასევე, მონაწილეებმა მოკლე ანოტაცია უნდა დაურთონ იმის შესახებ, თუ როგორ უნდა მიიღონ დაინტერესებულმა პირებმა პროგრესის შესახებ ანგარიში.

ბმულის რესურსი ნუშნავს გლობალური შეთანხმების ვებ-გვერდში შესვლას და ინსტრუქციების მიხედვით მოქმედებას, რისთვისაც საჭირო იქნება შემდეგი საფეხურის გავლა:

1) მიუთითეთ, შეიცავს თუ არა ანგარიში პროგრესის შესახებ ყველა საჭირო სამ ელემენტს: უწყვეტი მხარდაჭერის განცხადება; პრაქტიკული აქტივობების აღწერა და შედეგების ან მოსალოდნელი შედეგების იდიკატორები.

2) აღნიშნეთ, რა საშუალებები იქნა გამოყენებული პროგრესის შესახებ ინფორმაციის დაინტერესებული მხარეებისათვის მიწოდების მიზნით: სტაბილური განვითარების ან სხვა მსგავსი ანგარიშები (ბიზნესის სოციალური პასუხისმგებლობის ანგარიში, ანგარიში გარემოს დაცვის, ჯანმრთელობის და უსაფრთხოების შესახებ და სხვა), კომპანიის ვებ-გვერდი თუ სხვა საშუალებები. როდესაც კომპანიები ინფორმაციის მიწოდებისათვის იყენებენ სხვა საშუალებებს, მათ უნდა აღწერონ ეს „სხვა საშუალებები“ სათაურით: „დამატებითი ინფორმაცია“;

3) მონაწილეებმა უნდა განათავსონ პროგრესის შესახებ ანგარიშის ელექტრონული ვერსია (PDF ან Word-ის ფაილის სახით), მიუხედავად იმისა, იქნება ეს ანგარიში სტაბილური განვითარების ან საფინანსო ანგარიშის შემადგენელი ნაწილი, თუ დამოუკიდებელი, ცალკე დოკუმენტი;

4) საჭიროების შემთხვევაში, მონაწილეებმა უნდა მიუთითონ ის URL ბმული, სადაც შესაძლებელი იქნება პროგრესის შესახებ ანგარიშის მოძიება.

ქვემოთ მოცემულია მცირე და საშუალო საწარმოების და იმ ბიზნესების მაგალითები, რომლებიც რომლებიც პირველად ადგენენ ანგარიშს და რომლებმაც პროგრესის ანგარიშის გავრცელების მიზნით გამოიყენეს წლიური ანგარიშებისა და ვებ-გვერდებისაგან განსხვავებული მექანიზმები.

Banco internacional de Mocambique

ჩვენ რეგულარულად ვაწვდით დაინტერესებულ მხარეებს ინფორმაციას საბჭოს შეხვედრებზე კვარტალურად, ხოლო გენერალურ ასამბლეაზე - ყოველწლიურად.

Nebico Private Ltd

გლობალური შეთანხმების პრინციპები გავაცანით ორგანიზაციის ყველა დონის თანამშრომელს ოფიციალური თუ არაოფიციალური ჯგუფური დისკუსიების დროს.

Treves

იმისთვის, რომ ორგანიზაციის თანამშრომლებს მივაწოდოთ ინფორმაცია, ჩვენ ვქმნით ჩვენს შიდა ქსელში სპეციალურ გვერდს „Com.Treves“, რომლის განახლებაც რეგულარულად მოხდება.

მულტინაციონალურმა კორპორაციებმა ერთ-ერთმა პირველებმა აიღეს ვალდებულება გლობალური შეთანხმების წინაშე. ბოლო ორი წლის განმავლობაში მნიშვნელოვნად გაიზარდა მცირე და საშუალო ბიზნესის რიცხვი, რომლებიც ასევე შეუერთდნენ ამ ვალდებულებას. მცირე და საშუალო ბიზნესი დღეისათვის წარმოადგენს გლობალური შეთანხმების მონაწილე 2000 კომპანიის 38 პროცენტს.

მსხვილ კომპანიებს სტაბილური განვითარების ანგარიშის მომზდების დიდი გამოცდილება აქვთ. მათ ასევე აქვთ სხვადასხვა სახის ანგარიშების მომზადების დიდი ისტორია, რათა გამოხატონ თუ როგორ ახორციელებენ იმ საქმიანობებს, რომლებიც უკავშირდება სოციალურ თუ გარემოს დაცვის ვალდებულებებს. მცირე ზომის კომპანიებს სტაბილური განვითრების ანგარიშის მომზადების ნაკლები გამოცდილება აქვთ და სწორედ ამიტომაც, ჩვენ მოგვყავს რამდენიმე მაგალითი მცირე და საშუალო ზომის საწარმოებისა და იმ კომპანიებისათვის, რომლებიც პირველად ამზადბენ ანგარიშს პროგრესის შესახებ. დამატებითი ინფორმაციის მოძიებისათვის იმაზე, თუ როგორ უნდა შეადგინონ მცირე და საშუალო საწარმოებმა ანგარიში პროგრესის შესახებ, გთხოვთ იხილოთ დანართი „ბ“ - პროგრესის შესახებ საინფორმაციო ანგარიშის მოდელი 2.

მსხვილი კომპანიების მსგავსად მცირე და საშუალო ბიზნესებსაც შეუძლიათ წარადგინონ ანგარიში

უნდა არსებობდეს კავშირები

წინამდებარე სახელმძღვანელო გამიზნულია როგორც გამოცდილი, ისე ახალბედა ანგარიშის წარმომდგენთათვის. სტაბილურობის ანგარიშების წყაროები შემუშავებული იქნა მთავრობების, ბიზნეს-ასოციაციების და არასამთავრობო ორგანიზაციების მიერ, რომელთა ჩამონათვალი შეგიძლიათ იხილოთ დანართ „ა“-ში გამოიყენეთ უკვე არსებული მონაცემები

დასაწყისისათვის დაუკავშირდით თქვენს კოლეგებს

არ არის საკმარისი მხოლოდ:

...სტრატეგიული კურსის ჩამოყალიბება: მონაწილე მხარეებს თხოვენ აღწერონ „პრაქტიკული აქტივობები“. პრინციპებთან დაკავშირებული სტრატეგიის კიდევ ერთხელ გამეორება არ არის საკმარისი. სხვა პრინციპებზე და კოდექსებზე მიერთება და მათი აღიარება არ ითვლება პრაქტიკულ აქტივობად. მაგალითად: მშრალი განცხადება, რომ თქვენი კომპანიის პოლიტიკაა არ შეეგუოთ ადამიანთა უფლებების დარღვევას არ არის საკმარისი იმისათვის, რომ მოახდინოთ იმის დემონსტრირება, თუ როგორ ცდილობს თქვენი კომპანია, არ დაირღვას ადამიანის უფლებები. ნაცვლად პოლიტიკაზე უბრალოდ მინიშნებისა, უმჯობესია აღწეროთ მონიტორინგის პროგრამები და მონიტორინგის შედეგები, რომლებიც ადასტურებს დამიანთა უფლებების დაცვის თქვენს მიერ გატარებულ პოლიტიკას.

...წარმატებულ და სოციალურ საკითხებზე ორიენტირებულ კომპანიად ყოფნა: მიუხედავად იმისა, რომ თქვენი ბიზნესის სახე და ხარისხი მნიშვნელოვანია, მაინც არ არის საკმარისი განაცხადოთ, რომ თქვენი არსებობა უკვე ნიშნავს პროგრესის დემონსტრირებას დამოუკიდებლად იმისაგან, თუ რამდენად „კარგი“ ბიზნესი გაქვთ (მაგალითად ბინების მშენებლობა დაბალშემოსავლიანი მოსახლეობისათვის და სანიტარული ნორმების დაცვა წყალმომარაგებაში).

...ტრივიალურ საკითხებზე ანგარიშის წარმოდგენა: თუ არ გვინდა უფრო მნიშვნელოვანი აქტივობების გაფერმკრთალება, ნუ ჩავრთავთ ტრივიალურ მაგალითებს.

....ძველი პროგრამების შესახებ ანგარიშის წარმოდგენა: ანაგრიშში წარმოდგენილი აქტივობები უნდა ეხებოდეს გასულ წელს და არ უნდა იყოს რამდენიმე წლის წინანდელ პერიოდს. წარმოადგინეთ მიმდინარე პროგრამები მხოლოდ იმ შემთხვევაში, თუ დაასაბუთებთ რა ახალი ელემენტი შეემატა მას წინა წელს და რა პროგრესის დემონსტრირებას ახდენს იგი გლობალური შეთანხმების პრონციპებთან მიმართებაში. თუ არ არის ახალი პროგრამები და თქვენ ანგარიშს აკეთებთ წინა ან არამოქმედ პროგრამაზე, დააფიქსირეთ თქვენი აზრი, რატომ უნდა შევიდეს აღნიშნული ინფორმაცია პროგრესის შესახებ ანგარიშში და როდის განხორციელდა იგი.

ყურადღება მიაქციეთ ფორმულირებას:

გამოყავით საკითხები და იყავით კონკრეტულები:

გზავნილი მუდმივი მხარდაჭერის შესახებ

იმ შემთხვევაში, თუ პროგრესის შესახებ ანგარიში მზადდება, როგორც სტაბილური განვითარების ან წლიური ანგარიშის შემადგენელი ნაწილი, გლობალური შეთანხმებისადმი მუდმივი მხარდაჭერის გზავნილი უნდა იყოს მაღალი რანგის აღმასრულებლის თანმდევ წერილში. თუ პროგრესის შესახებ ანგარიში მზადდება, როგორც ცალკე დოკუმენტი, ყოვლისმომცველი და სტაბილური განვითარების ან წლიური ანგარიშისაგან განცალკევებული დოკუმენტი, მუდმივი მხარდაჭერის გზავნილი აღმასრულებელი დირექტორის, თავმჯდომარის ან სხვა რომელიმე მაღალი რანგის აღმასრულებლისაგან უნდა იყოს, როგორც პროგრესის შესახებ ანგარიშის შესავალი ნაწილი.

მაღალი ეშელონების მხრიდან მხარდაჭერის და პროგრესის შესახებ ანგარიშის მოთხოვნებისადმი თანხვედრის განმტკიცების მიზნით, გზავნილი მუდმივი მხარდაჭერის შესახებ უნდა იყოს იმ დოკუმენტის ნაწილი, რომელიც გვაწვდის ინფორმაციას აქტივობებსა და ინდიკატორებზე. ეს გზავნილი მუდმივი დოკუმენტში უნდა ფიგურირებდეს ყოველ წელს.

მაღალი რანგის აღმასრულებლის წერილი ნათლად უნდა გამოხატავდეს გლობალური შეთანხმების მიმართ მხარდაჭერას და არ უნდა წარმოადგენდეს მშრალ განცხადებას იმის შესახებ, რომ ანგარიში ასახავს გლობალური შეთანხმების პრინციპებთან დაკავშირებულ საქმიანობას. მხარდაჭერის შესახებ პირდაპირი განცხადება უნდა იყოს ერთმნიშვნელოვანი, რომელსაც გარკვეული ზემოქმედება შეუძლია მოახდინოს ბიზნეს პარტნიორებზე.

მაგალითები

წლიური ანგარიში, 2003

Kjaer group

მენეჯმენტის მოხსენება

ოქტომბერში ჯგუფი შეუერთდა გაერო-ს გლობალური შეთანხმების საერთაშორისო ქსელს, რითიც აიღო ვალდებულება, მხარი დაუჭიროს და გაატაროს მისი 9 პრინციპი, რომლებიც უკავშირდება ადამიანთა უფლებების დაცვას, შრომის პირობებს და გარემოს დაცვის სტანდარტებს.

სოციალური და ბუნების დაცვის
საკითხების მიმოხილვა, 2003

Rio Trinto

პოლ სქინერი

თავმჯდომარე

როგორც გლობალური შეთანხმების ხელმომწერი და მონაწილე მხარე, ჩვენს ვებ-გვერდზე განთავსებულ მიმოხილვაში წარმოვადგენთ ანგარიშს ჩვენს მიერ განხორციელებულ საქმიანობაზე და იმაზე, თუ როგორ ვანხორციელებთ ჩვენს პროგრამებს იმისათვის, რომ მხარი დავუჭიროთ ცხრა პრონციპს, რომელშიც შედის ადამიანის უფლებების დაცვა, ორგანიზაციებში ასოციაციების შექმნის თავისუფლება და გარემოს დაცვის პასუხისმგებლობა

სტაბილური განვითარების ანგარიში,
2003

Skanska

სტიუარტ ე. გრაჰამი

პრეზიდენტი და მთავარი აღმასრულებელი დირექტორი

იმ მხარაჭერით, რომელსაც გამოვხატავთ გაეროს გლობალური შეთანხმების მიმართ, ჩვენ იმავდროულად მიზნად ვისახავთ, დღის წესრიგში დავაყენოთ ისეთი საკითხები, როგორებიცაა ადამიანის უფლებების დაცვის სფეროში განხორციელებული საქმიანობა, შრომითი უფლებები და გარემოს დაცვა.

მომდევნო გვერდებზე თქვენ წაიკითხავთ ყველა ათ პრინციპთან დაკავშირებულ პრაქტიკულ მითითებებს, თუ როგორ უნდა აღწეროთ თქვენი აქტივობები და გაზომოთ შედეგები ისე, როგორც ამას ითვალისწინებს:

ანგარიში პრინციპების განხორციელებასთან დაკავშირებულ პროგრესზე.

თითოეული პრონციპის განხორციელების შესახებ ანგარიშის მომზადებისას უნდა გაითვალისწინოთ ოთხი კომპონენტი:

შეეცადეთ მიუსადაგოთ საბაზისო/საწყისი ინდიკატორები თითოეულ პროგრამას და აქტივობას, რათა აჩვენოთ თქვენი კომპანიის თანმიმდევრული და არა კონკრეტული სიტუაციიდან გამომდინარე დამოკიდებულება მიმართული პრინციპების განხორციელების გაუმჯობესებისაკენ.

შენიშვნა: სად მოვიძიოთ ფაქტები

ბევრი მცირე და საშუალო ბიზნესისათვის და მათთვის, ვინც პირველად წარადგენს ანგარიშს, გლობალური შეთანხმების პრონციპების განხორციელებასთან დაკავშირებული სამუშაოს შესრულების მონიტორინგი და მასზე ანგარიშის შედგენა ახალი სფეროა. იმისათვის, რომ დაიწყოთ და განსაზღვროთ სათანადო აქტივობები და შედეგების მაჩვენებლები გთავაზობთ ტიპიურ და ზოგჯერ არატიპიურ ადგილებს, სადაც უნდა მოიძიოთ მონაცემები და პრინციპებთან დაკავშირებული პროგრესის მაჩვენებლები.

ანგარიშგების გლობალურის ინიციატივის შესატყვისი და სხვა წყაროებიდან შერჩეული ინდიკატორები

შესატყვისი ინდიკატორები გლობალური ანგარიშგების ინიციატივიდან: თუ თქვენ ანგარიშს ანგარიშგების გლობალური ინიციატივით განსაზღვრული ინდიკატორების მიხედვით ამზადებთ, თქვენ სწორი მიმართულებით მიდიხართ და აკმაყოფილებთ პროგრესის შესახებ ანგარიშის შედგენისათვის დადგენილ მოთხოვნებს. გარდა ანგარიშგების გლობალური ინიციატივით დადგენილი ინდიკატორებისა, რომლებზეც ქვემოთ გვექნება საუბარი, მონაწილეებს შეუძლიათ გამოიყენონ ის ინდიკატორებიც, რომელთა ნახვაც შესაძლებელია ანგარიშგების გლობალური ინიციატივის სახელმძღვანელო მითითებებში - ანგარიშის შინაარსი, ნაწილი 3 (მმართველობის და მენეჯმენტის სისტემები), რაც საშუალებას მოგცემთ აღწეროთ გლობალური შეთანხმების პრინციპების გატარების ზოგადი პროცესი. გლობალური შეთანხმების თანახმად, ანგარიშგების გლობალური ინიციატივის ინდიკატორები დაგეხმარებათ 10 პრინციპის განხორციელების მონიტორინგის პროცესში.

სხვა წყაროებიდან მოძიებული ინდიკატორები

Telefonica-მ და Instituto დე Empresa-მ, იმისათვის რომ ეჩვენებინათ თუ როგორ არის შესაძლებელი ერთმანეთს დაემთხვას მონაცემთა შეგროვების და ანგარიშგების კომპონენტები, გამოყვეს მაჩვენებლები, რომელიც ჩადებული იყო სოციალური პასუხისმგებლობის ინვესტიციების ინდექსებში (FTSE4GOOD ინდექსების სერია, JSE ფასიანი ქაღალდების ბირჟა, სამხრეთ აფრიკა-სოციალური პასუხისმგებლობის ინვესტიციციების ინდექსი და Dow Jone-ის სტაბილური განვითარების ინდექსი) და კითხვარებში, რომლებსაც იყენებდნენ სოციალური პასუხისმგბელობის საინვესტიციო კომპანიები (SiRi Company და Oekom Research). აქვე შედის Ethos ინსტიტუტის ინდიკატორები გლობალური შეთანხმების პრინციპებისათვის. გთხოვთ გაითვალისწინოთ, რომ ამ კვლევების და მექანიზმების რაღაც ნაწილი მიესადაგება მხოლოდ მსხვილ კომპანიებს და შესაძლოა არ გამოდგეს მცირე და საშუალო კომპანიებისთვის, ან საერთოდ არ იყოს გლობალურად გამოსაყენებელი.

მაგალითები

ქვემოთ ჩამოთვლილი მაგალითები მოყვანილია თვალსაჩინოების მიზნით უკვე წარმოდგენილი ანგარიშების მიმოხილვიდან პროგრესის შესახებ. სელექციის პროცესის და იმ კომპანიების ჩამონათვალის გაცნობის მიზნით, რომელთა მიერ წარმოდეგნილი ინფორმაცია პროგრესის შესახებ განხილული იქნა წინამდებარე სახელმძღვანელოს მომზადების მიზნებისათვის, მოცემულია დანართი „გ“-ში. მცირე და საშუალო საწარმოები შედარებით ახალი ერთეულებია, რომლებმაც უნდა წარმოადგინონ პროგრესის და სტაბილური განვითარების ანგარიშები. შესაბამისად, ჯერ-ჯერობით არ არის საკმარისი მასალა მათი საქმიანობიდან მაგალითების მოსაყვანად.

შენიშვნა

თუ თქვენ მოამზადეთ ფინანსური ან სტაბილური განვითარების ანგარიში, სადაც ინფორმაცია პრინციპების განხორციელების შესახებ მთლიან ანგარიშში არის გაფანტული, გამოიყენეთ სარჩევის ინდექსები, რაც თქვენს მკითხველებს დაეხმარება სწაფად მოიძიონ ინფორმაცია თითოეული პრინციპის გატარების შესახებ.

შენიშვნა

ანგარიშგების გლობალურის ინიციატივის წარმომადგენლებს აქტივობების და შედეგების გაზომვა შეუძლიათ აღწერონ ანგარიშგების გლობალური ინიციატივის შესატყვის ინდიკატორებზე და ანგარიშში შესაბამის ნაწილებზე მითითებით.