ოაზისი - (ბერძ.) ადგილი უდაბნოში, სადაც წყალი მოიპოვება და მცენარეულობა ხარობს.

ოაკო ალბერტო ხუან - არგენტინელი ფეხბურთელი, XX საუკუნის დასაწყისის ერთ-ერთი საუკეთესო მოთამაშე (? - 1950 წ).

ოანა მორის - ესპანური წარმოშობის ფრანგი პიანისტი და კომპოზიტორი (1913-1992 წწ).

ოას - (აბრევიატურა) სამხედრო ფაშისტური დაჯგუფება საფრანგეთში XX საუკუნის 60-იანი წლების დამდეგს.

ოასტეპეკი - ქალაქი და მუნიციპალიტეტი მექსიკის მორელოსის შტატში.

ოახაკა - ქალაქი მექსიკის სამხრეთ ნაწილში, ამავე სახელწოდების შტატის ადმინისტრაციული ცენტრი (215 000).

ოაჰუ - კუნძული წყნარ ოკეანეში, ჰავაის კუნძულების შემადგენლობაში, ეკუთვნის აშშ-ს.

ობა - იგივეა, რაც დღეობა.

ობა მინაკო - იაპონოელი მწერალი და პოეტი ქალი (დაიბადა 1946 წელს).

ობაიასი ტარიო - იაპონელი ეთნოგრაფი (დაიბადა 1929 წელს).

ობაკუ - ძენ-ბუდიზმის იაპონური სკოლა.

ობამა ბარაკ ჰუსეინ - აშშ-ს 44-ე პრეზიდენტი 2009 წლიდან დემოკრატიული პარტიიდან (დაიბადა 1961 წელს).

ობანელი თეოდორ - პროვანსელი მწერალი (1829-1886 წწ).

ობასანჯო ოლუსეგუნ - ნიგერიის პრეზიდენტი 1999-2007 წლებში (დაიბადა 1937 წელს).

ობდულიო ხასინტო ვალერა - ურუგვაელი ფეხბურთელი, 1950 წელს მსოფლიო ჩემპიონატზე გამარჯვებულიგუნდისკაპიტანი (1917-1996 წწ).

ობელისკი - (ბერძნ.) ძეგლი, რომელიც წარმოადგენს ზევითკენ თანდათანობით გაწვრილებულ სვეტს.

ობერ (გერმ.) - რთული სიტყვების პირველი შემადგენელი ნაწილი - ნიშნავს მთავარს, უფროსს.

ობერეკი (პოლონ.) - პოლონური ხალხური ცეკვა (წყვილისა).

ობერვილიე - ქალაქი საფრანგეთის სენ-სენ-დენის დეპარტამენტში.

ობერი ფრანსუა - ფრანგი კომპოზიტორი (1782-1871 წწ).

ობერი (ობერტი) ჰერმან - მეცნიერი, რაკეტული ტექნიკის ერთ-ერთი ფუძემდებელი, მოღვაწეობდა გერმანიასა და აშშ-ში (1894-1985 წწ).

ობერლეიტენანტი (გერმ.) - სამხედრო წოდება გერმანიაში - უფროსი ლეიტენანტი.

ობერმაიერი ჰუგო -გერმანელი არქეოლოგი (1877-1946 წწ).

ობერონი - პლანეტა ურანოსის თანამგზავრი; აღმოაჩინა ინგლისელმა ასტრონომმა ვ. ჰერშელმა 1787 წელს.

ობეროფიცერი - ზოგი ქვეყნის ძველ არმიაში - ოფიცრის ჩინი კაპიტნამდე.

ობერპალენი - ესტონეთის ქალაქ პილტსამაას სახელი 1917 წლამდე.

ობერსტდორფი - სამთოკლიმატური კურორტი და ზამთრის სპორტის ცენტრი გერმანიაში, ავსტრიის საზღვართან.

ობერტონი (გერმ.) - დამატებითი ტონი, რომელიც ძირითად ტონს ანიჭებს განსაკუთრებულ ელფერს, ტემბრს.

ობერშტურმბანფიურერი (გერმ.) - ფაშისტურ გერმანიაში ესესელების ოფიცრის წოდებულება, უდრის არმიის პოდპოლკოვნიკს.

ობერჰაუზენი - ქალაქი გერმანიის ჩრდილოეთ რაინ-ვესტფალიის მხარეში (225 ათასი).

ობერჰოფი - სამთოკლიმატური კურორტი და ზამთრის სპორტის ცენტრი გერმანიაში, ტიურინგენის ტყის მთებში.

ობი

ობიალიაი (1917 წლამდე აბელი) - ქალაქი ლიტვაში.

ობიანი - რასაც ობი აქვს მოკიდებული, დაობებული.

ობიექტი (ლათ.)

ობიექტივი (ლათ.) - ოპტიკური ხელსაწყოს (ფოტოაპარატის, მიკროსკოპის, ტელესკოპის) ნაწილი - ლინზების სისტემა, რომელიც მიმართულია საგნისკენ.

ობიექტივიზმი - შემეცნების მატერიალისტური თეორიის ძირითადი პრინციპი, რომლის მიხედვითაც, წინააღმდეგ სუბიექტივიზმისა, აღიარებულია ობიექტის, ობიექტური სინამდვილის, როგორც შეგრძნებათა წყაროს, არსებობა.

ობიექტური

ობივატელი (რუს. „обыватель“) - ადამიანი, რომელიც მოკლებულია საზოგადოებრივ თვალთახედვას და ცხოვრობს მხოლოდ წვრილმანი, პირადი ინტერესებით.

ობინიაკი ფრანსუა ედელენ აბატი დ' - ფრანგი მწერალი და დრამის თეორიტიკოსი (1604-1676 წწ).

ობინიე თეოდორ აგრიპა დ' - ფრანგი პოეტი და ისტორიკოსი (1552-1630 წწ).

ობის კამენი - ქალაქი რუსეთის ალთაის მხარეში.

ობიჰირო - ქალაქი იაპონიაში, კუნძულ ჰოკაიდოს სამხრეთ-აღმოსავლეთ ნაწილში (170 ათასი).

ობლატი (ლათ.)

ობლიგატო (იტალ.) - მუსიკალურ ნაწარმოებში - რომელიმე საკრავის პარტია, რომლის გამოტოვება არ შეიძლება და აუცილებლად უნდა შესრულდეს.

ობლიგატური - აუცილებელი, სავალდებულო.

ობლიგაცია (ლათ.)

ობლიგო

ობლიტერაცია (ლათ.)

ობლობა - ობლად ყოფნა.

ობლუჩიე - ქალაქი რუსეთის ებრაელთა ავტონომიურ მხარეში.

ობმოკიდებული - ობიანი, დაობებული.

ობნინსკი - ქალაქი რუსეთის კალუგის ოლქში (110 ათასი).

ობობა - ფეხსახსრიანი შხამიანი ცხოველი, იკვებება მწერებით, რომლებიც მის მიერ გაბმულ ქსელში ებმებიან.

ობოიანი - ქალაქი რუსეთის კურსკის ოლქში.

ობოლენსკაია (ქალიშვილობის გვარი - მაკაროვა) ვერა - საფრანგეთის ანტიფაშისტური მოძრაობის მონაწილე, ფაშისტებმა სიკვდილით დასაჯეს პლეტცენზეს ციხეში (1911-1945 წწ).

ობოლენსკი ევგენი - რუსი თავადი, დეკაბრისტი, პორუჩიკი (1796-1865 წწ).

ობოლი (ობოლოსი)

ობოლი კლდე - მთა კასპის მუნიციპალიტეტში, თრიალეთის ქედის ჩრდილოეთ შტოქედზე.

ობოლ-ოხერი - ობოლი და ოხერი, უპატრონო, უთვისტომო.

ობორინი ლევ - რუსი პიანისტი, პედაგოგი, საბჭოთა კავშირის სახალხო არტისტი (1907-1974 წწ).

ობოტე (მილტონ ობოტე) აპოლო - უგანდის სახელმწიფო და პოლიტიკური მოღვაწე (დაიბადა 1926 წელს).

ობრა - მდინარე პოლონეთში, მდინარე ვარტის მარცხენა შენაკადი.

ობრადოვიჩი დოსიტეი (ერისკაცობაში დიმიტრი) - სერბი განმანათლებელი, მწერალი, (დაახლოებით 1740-1811 წწ).

ობრაზცოვა ელენა - ოპერის რუსი მომღერალი ქალი (მეცო-სოპრანო), საბჭოთა კავშირის სახალხო არტისტი (დაიბადა 1939 წელს).

ობრაზცოვი სერგეი - რუსი მსახიობი, რეჟისორი, საბჭოთა კავშირის სახალხო არტისტი (1901-1992 წწ).

ო'ბრაიენი უილიამ სმით - ირლანდიის ეროვნულ-განმათავისუფლებელი მოძრაობის მოღვაწე (1803-1864 წწ).

ო' ბრაიენი ჯეიმზ (ლიტერატურული ფსევდონიმი - ბრონტერი) - ჩარტისტული მოძრაობის ერთ-ერთი ლიდერი დიდ ბრიტანეთში, ჟურნალისტი (1802-1864 წწ).

ობრეგონი ალვარო - მექსიკის სახელმწიფო და სამხედრო მოღვაწე, ქვეყნის პრეზიდენტი 1920-24 წლებში) (1880-1928 წწ).

ობრენოვიჩები - სამთავრო (1815-42, 1858-82), შემდეგ სამეფო (1882-1903) დინასტია სერბიაში.

ობრეხტი იაკობ - ნიდერლანდელი კომპოზიტორი (1450 ან 1452 - 1505 წწ).

ობროდი (კუთხ.) - უჭკუო, ჩერჩეტი.

ობსერვატორია (ფრანგ.) - შენობა, რომელიც სპეციალურად არის მოწყობილი ასტრონომიული, გეოფიზიკური და სხვა დაკვირვებებისათვის, სამეცნიერო დაწესებულება, რომელშიც ასეთი დაკვირვებები წარმოებს.

ობსერვაცია (ლათ.)

ობსიდიანი (ლათ.) - ვულკანური ქანი - მუქი ფერის მინა.

ობსკურანტი - მეცნიერებისა და სწავლა-განათლების მტერი; ბნელეთის მოციქული.

ობსკურანტიზმი - მეცნიერებისა და სწავლა-განათლებისადმი, კულტურული პროგრესისადმი მტრული დამოკიდებულება.

ობსტრუქცია (ლათ.) - სხდომის, კრების, ვისიმე გამოსვლის ჩაშლა წამოძახილებით, ხმაურით, გრძელი უაზრო სიტყვის წარმოთქმით და სხვა.

ობტიურატორი (ფრანგ.)

ობუასი - ქალაქი განის აშანტის პროვინციაში.

ობუენი ჟან - ფრანგი გეოლოგი (დაიბადა 1928 წელს).

ობუხოვა ნადეჟდა - ოპერის რუსი მომღერალი ქალი (მეცო-სოპრანო), საბჭოთა კავშირის სახალხო არტისტი (1886-1961 წწ).

ობუხოვი - ქალაქი უკრაინის კიევის ოლქში (35 ათასი).

ობუჯი - სოფელი წალენჯიხის მუნიციპალიტეტში.

ობჩა - სოფლების პირველი ობჩისა და მეორე ობჩის გავრცელებული სახელწოდება (ბაღდათის მუნიციპალიტეტი).

ოგაკი - ქალაქი იაპონიის გიფუს პრეფექტურაში, კუნძულ ჰონსიუზე (150 ათასი).

ოგარიოვი ნიკოლაი - რუსი რევოლუციონერი, პოეტი, პუბლიცისტი, ა.ი. გერცენის მეგობარი და თანამოაზრე (1813-1877 წწ).

ოგარკოვი ნიკოლაი - რუსი მხედართმთავარი, მარშალი, საბჭოთა კავშირის გმირი, მეორე მსოფლიო ომის მონაწილე (1917-1994 წწ).

ოგასავარა - იხილე ბონინი.

ოგასტა - ქალაქი აშშ-ს ჯორჯიის შტატში (50 ათასი).

ოგახაჩხალია (ოხაჩქალია) - მდინარე გალის მუნიციპალიტეტში, თეთრი ოხურეის მარცხენა შენაკადი.

ოგბომოშო - ქალაქი ნიგერიის ოიოს შტატში (680 ათასი).

ოგდენი - ქალაქი აშშ-ს იუტას შტატში.

ოგეჩა - (საუბ.) ხეპრე, ტლანქი ადამიანი.

ოგეჩო - შეძახილი ხბოს გასაგდებად.

ოგი გიუსტავ ემილ - ფრანგი გეოლოგი (1861-1927 წწ).

ოგიგია - ძველი ბერძნული მითოლოგიის თანახმად, ფერია კალიფსოს კუნძული, სადაც ოდისევსმა სამშობლოსაკენ მიმავალ გზაზე რამდენიმე წელი დაჰყო.

ოგიგოსი - ძველი ბერძნული მითოლოგიის თანახმად, ბეოტიის მცხოვრებთა მითიური მეფის ბეოტოსის ვაჟი.

ოგინსკი მიხაილ კლეოფას - პოლონელი კომპოზიტორი და პოლიტიკური მოღვაწე (1765-1833 წწ).

ოგნევი ნ (ნამდვილი სახელი და გვარი მიხაილ როზანოვი) - რუსი მწერალი და პედაგოგი (1888-1938 წწ).

ოგნიანოვი სავა პეტროვ - ბულგარელი მსახიობი (1876-1933 წწ).

ოგნივცევი ალექსანდრე - ოპერის რუსი მომღერალი, საბჭოთა კავშირის სახალხო არტისტი (1920-1981 წწ).

ოგოვე (ოგოუე) - მდინარე აფრიკაში, გაბონსა და კონგოში, ერთვის გვინეის სრუტეს (სიგრძე - 1200 კილომეტრი).

ოგორმანი ხუან - მექსიკელი არქიტექტორი და ფერმწერი (1905-1990 წწ).

ოგოსტა - მდინარე ბულგარეთში, მდინარე დუნაის მარჯვენა შენაკადი.

ოგოუე - იხილე ოგოვე.

ოგრე - ქალაქი ლატვიაში (30 ათასი).

ოდა

ოდა ნობუნაგა - იაპონელი მხედართმთავარი, ქვეყნის ერთ-ერთი პირველი გამაერთიანებელი (1534-1582 წწ).

ოდავარა - ქალაქი იაპონიის კანაგავას პრეფექტურაში, კუნძულ ჰონსიუზე (200 ათასი).

ოდალისკი (ფრანგ.<თურქ.<არაბ.)

ოდა-სახლი - იგივეა, რაც ოდა.

ოდაღაჯი (გუაიაკის ხე) - მარადმწვანე ხეების გვარი ორყურასებრთა ოჯახისა; იზრდება ტროპიკულ ამერიკაში.

ოდეთი - სოფელი ბორჯომის მუნიციპალიტეტში.

ოდეკოლონი (ფრანგ. „კიოლნის წყალი“) - სურნელოვან ნივთიერებათა ხსნარი, სპირტით გაზავებული, ხმარობენ როგორც პარფიუმერიულ-ჰიგიენურ საშუალებას.

ოდელსტინგი - ნორვეგიის პარლამენტის (სტორტინგის) ქვედა პალატა (ზედა პალატას ეწოდება ლაგტინგი).

ოდემიში - ქალაქი თურქეთის სამხრეთ-დასავლეთ ნაწილში, იზმირის ვილაიეთში.

ოდენ - მხოლოდ, მარტო.

ოდენვალდი - მთის მასივი გერმანიაში.

ოდენი (ოდენა) - სიდიდით რისამე რაოდენობისა, ტოლი, ფარდი.

ოდენი უისტენ ჰიუ - ამერიკელ-ინგლისელი პოეტი (1907-1973 წწ).

ოდენობა - სიდიდე, რაოდენობა.

ოდენსე - ქალაქი-პორტი დანიაში, ფიუნის ამტის ადმინისტრაციული ცენტრი (140 ათასი).

ოდეონი (ბერძნ.)

ოდერი - მდინარე ოდრას გერმანული სახელწოდება.

ოდერის ფრანკფურტი - ქალაქი გერმანიის ბრანდენბურგის მხარეში (85 ათასი).

ოდერ-შპრეეს არხი - მდებარეობს აღმოსავლეთ გერმანიაში.

ოდერ-ჰაფელის არხი (ჰაფელ-ოდერის არხი) - მდებარეობს აღმოსავლეთ გერმანიაში.

ოდეს - (ძვ.) იგივეა, რაც როდესაც.

ოდესა

ო-დე-სენი - დეპარტამენტი საფრანგეთში.

ოდესმე - იგივეა, რაც როდისმე.

ოდესღა - იგივეა, რაც როდესღა.

ოდესღაც - ერთ დროს, ძველად, წინათ.

ოდეტსი კლიფორდ - ამერიკელი დრამატურგი (1906-1993 წწ).

ოდი

ოდიდან (ოდით) - ძველთაგან, დასაბამიდან.

ოდითგანვე (ოდითვე) - დასაბამიდანვე, იმთავითვე, თავიდანვე.

ოდილაური - სოფელი თერჯოლის მუნიცპალიტეტში (კვახჭირის თემის საკრებულო), მდებარეობს იმერეთის დაბლობზე, მდინარე წყალწითელის მარცხენა მხარეს. ზღვის დონიდან - 140 მეტრი. თერჯოლიდან - 35 კილომეტრი. 2002 წლის აღწერის მონაცემებით სოფელში ცხოვრობს 1149 კაცი.

ოდინდელი - უძველესი დროისა, ძველისძველი, თავდაპირველი.

ოდინი - სკანდინავიურ მითოლოგიაში - ქარისა და ქარიშხლის, აგრეთვე ომისა და ვაჭრობა-ზღვაოსნობის ღმერთი; უზენაესი ღვთაება.

ოდინცოვი მიხაილ - რუსი მფრინავი, ავიაციის გენერალ-პოლკოვნიკი, მეორე მსოფლიო ომის მონაწილე, საბჭოთა კავშირის ორგზის გმირი (დაიბადა 1921 წელს).

ოდინცოვო - ქალაქი რუსეთის მოსკოვის ოლქში (130 ათასი).

ოდიოზური (ლათ.) - უარყოფითი დამოკიდებულების გამომწვევი; მეტისმეტად უსიამოვნო, არასასურველი.

ოდიოსი - ძველი ბერძნული მითოლოგიის თანახმად,Hალიძონების წინამძღოლი ტროის ომში.

ოდისეა

ოდისევსი - ძველი ბერძნული მითოლოგიის თანახმად, ტროის ციკლის თქმულებების ერთ-ერთი უმთავრესი გმირი, კუნძულ ითაკას მეფე, ლაერტესა და ანტიკლეას ვაჟი. პოემების „ილიადასა“ და „ოდისეას“ მთავარი გმირი.

ოდიშ-გურიის დაბლობი - კოლხეთის დაბლობის ნაწილი.

ოდიში

ოდიშის ვაკე - ვაკე კოლხეთის ბარში.

ოდნავ - ცოტათი, მცირედ, ძლივს.

ოდნავი - ძალიან პატარა, მცირედი.

ოდნავღა - მხოლოდ ოდნავ, მცირედღა, ძლივსღა.

ოდიშის ქედი - იგივე ეგრისის ქედი.

ოდნარდი - იხილე აუდენარდე.

ოდოაკრი - ბარბაროსთა ბელადი, იტალიის გამგებელი 476 წლიდან, რაც დასავლეთ რომის იმპერიის დაცემის ოფიციალურ თარიღად ითვლება (დაახლოებით 431 - 493 წწ).

ოდოგრაფი (ბერძნ.) - ელექტრონავიგაციური ხელსაწყო, რომელიც რუკაზე ავტომატურად ხაზავს გემის მიერ გავლილ გზას.

ოდოევსკი ალექსანდრე - რუსი თავადი, პოეტი-დეკაბრისტი (1802-1839 წწ).

ოდომეტრი (ბერძნ.) - გავლილი მანძილის გასაზომი ხელსაწყო.

ო' დონელ ი ხორისი ლეოპოლდო - ესპანეთის სამხედრო და პოლიტიკური მოღვაწე (1809-1867 წწ).

ო' დონოვანი ჯონ - ირლანდიელი ისტორიკოსი და ფილოლოგი (1809-1861 წწ).

ო, დონოვან როსა ჯერიმაია - ირლანდიის ეროვნულ-განმათავისუფლებელი მოძრაობის მოღვაწე (1831-1915 წწ).

ოდონ-ტალა (ოდონტალა) - მთათაშუა ქვაბული ჩინეთში.

ოდონტობლასტები (ბერძნ.) - უჯრედები, რომლებიც ქმნიან ხერხემლიანი ცხოველებისა და ადამიანის კბილების დენტინს.

ოდონტოლითი (ბერძნ.)

1) კბილის ქვა.

2) ზოგი განმარხებული ცხოველის (მამონტის, მასტოდონტის) ეშვები.

ოდონტოლოგია (ბერძნ.) - სტომატოლოგიის ნაწილი - მეცნიერება კბილებისა და მათ დაავადებათა, აგრეთვე მათი მკურნალობის შესახებ.

ოდორანტი - ნივთიერება, რომელიც შეჰყავთ აირში ოდორიზაციისათვის.

ოდორიზაცია (ლათ.) - დამახასიათებელი სუნის მიცემა აირისათვის (რომ მისი გაჟონვა შენიშნონ); ამ მიზნით მას უმატებენ მძაფრი სუნის მქონე ნივთიერებებს (ოდორანტებს).

ოდოში - ნაყოფის თუ თესლის მომწიფების ისეთი საფეხური, როდესაც ის ჯერ კიდევ რბილია, რძიანი.

ოდოშღერი - იგივეა, რაც ოდოში.

ოდრა (გერმანულად - ოდერი) - მდინარე ცენტრალურ ევროპაში, ერთვის ბალტიის ზღვის შჩეცინის ყურეს (სიგრძე - 854 კილომეტრი).

ოდრიკალი

ოდურენია - მდინარე ჩხოროწყუს მუნიციპალიტეტში, მდინარე ხობის მარჯვენა შენაკადი.

ოე - შორისდებული, გამოხატავს კმაყოფილებს, სიხარულს.

ოე კენძაბურო - იაპონელი მწერალი (დაიბადა 1935 წელს).

ოვალი (ფრანგ.) - ფიგურა, რომელიც წარმოიქმნება დახშული მრუდი ხაზით და თავისი ფორმით მოგვაგონებს კვერცხის სიგრძივ ჭრილს.

ოვალოიდები (ფრანგ.) - დახშული ამობურცული ზედაპირები.

ოვალური (ფრანგ.) - სიგრძივ გაჭრილი კვერცხის მოხაზულობის მქონე.

ოვამბო - ნამიბიასა და ანგოლაში მცხოვრები ბანტუს ჯგუფის ხალხი (სულ 1 მილიონამდე).

ოვანისიანი ნარ - ოპერის სომეხი მომღერალი, საბჭოთა კავშირის სახალხო არტისტი (დაიბადა 1913 წელს).

ოვარიალგია (ლათ.) - საკვერცხეების ტკივილი.

ოვარიალური - საკვერცხესთან დაკავშირებული.

ოვარინი (ლათ.) - საკვერცხეებისაგან მომზადებული პრეპარატი.

ოვაცია (ლათ.) - მოწონების, აღტაცების კოლექტიური გამოხატვა ტაშისკვრითა და შეძახილებით.

ოვეისი მუჰამად - ეგვიპტელი ფერმწერი (დაიბადა 1919 წელს).

ოვერარმი - გვერდზე ცურვის ხერხი.

ოვერბეკი ფრიდრიკ - გერმანელი ფერმწერი (1789-1869 წწ).

ოვერეისელი - პროვინცია ნიდერლანდში.

ოვერლორდი - ნორმანდიის სადესანტო ოპერაციის საკოდო სახელწოდება.

ოვერნი

ოვიდიუსი პუბლიუს ნაზონ - რომაელი პოეტი (ძვ. წ.აღ. 43 - ახ.წ.აღ. 18 წწ).

ოვიედო-ი-ვალდესი გონსალო ფერნანდესი - კონკისტადორთა ეპოქის ესპანელი მემატიანე (1478-1557 წწ).

ოვიედო - ქალაქი ესპანეთში. ასტურიის სახელმწიფოს დედაქალაქი VIII-X საუკუნეებში. ასტურიის ავტონომიური ოლქის ადმინისტრაციული ცენტრი (200 ათასი).

ოვიმბუნდუ (უმბუნდუ) - ანგოლაში მცხოვრები ბანტუს ჯგუფის ხალხი (3,7 მილიონი).

ოვისტები (ლათ.) - XVII-XVIII საუკუნეებში - ბიოლოგები, რომლებსაც შეცდომით მიაჩნდათ, რომ ზრდადამთავრებული ორგანიზმი უკვე წინასწარაა მოცემული მდედრობით სასქესო უჯრედში - კვერცხში.

ოვოგენეზი (ლათ.) - მდედრობითი სასქესო უჯრედების (კვერცხუჯრედების) წარმოქმნა.

ოვოიანი ირმა - სპორტსმენი (აკრობატიკა, ქალთა სამეული), სპორტის დამსახურებული ოსტატი, საქართველოს წარმომადგენელი, მსოფლიოსა და ევროპის ჩემპიონი (1990), სსრკ-ს ორგზის აბსოლუტური ჩემპიონი (დაიბადა 1975 წელს).

ოვოსკოპი - კვერცხის ხარისხის შემმოწმებელი ხელსაწყო.

ოვრუჩი - ქალაქი უკრაინის ჟიტომირის ოლქში (20 ათასი).

ოვსადი - ფრინველთა გვარი ბეღურასნაირთა რიგისა. ბინადრობს საქართველოშიც.

ოვულაცია (ლათ.) - მომწიფებული კვერცხუჯრედის (მდედრობითი სასქესო უჯრედის) გამოსვლა კვერცხუჯრედიდან.

ოვჩაროვი გეორგი - ბულგარელი არქიტექტორი (1889-1953 წწ).

ოზაანი - სოფელი დედოფლისწყაროს მუნიციპალიტეტში.

ოზალი თურღუთ - თურქეთის პრეზიდენტი 1989-1993 წლებში (1927-1993 წწ).

ოზანი (უზანი) (თურქ.) - პროფესიონალი სახალხო პოეტი, რომელიც საკრავზე ამღერებს ლექსებს; გავრცელებული იყო თურქი მოდგმის ხალხში.

ოზანფანი ამედე - ფრანგი ფერმწერი და ხელოვნების თეორიტიკოსი, პურიზმის ერთ-ერთი თვალსაჩინო წარმომადგენელი (1886-1966 წწ).

ოზარკი - პლატო აშშ-ში.

ოზბორნი ელბერტ ფრანკლინ - ამერიკელი გეოლოგი (დაიბადა 1911 წელს).

ოზბორნი ჯონ ინგლისელი დრამატურგი (დაიბადა 1929 წელს).

ოზბორნი ჰენრი ფერფილდ - ამერიკელი პალეონტოლოგი (1857-1935 წწ).

ოზდი - ქალაქი უნგრეთის ჩრდილოეთ ნაწილში, ბორშოდ-აბაუი ზემპლენის მედიეში (45 ათასი).

ოზენა - მყრალი სურდო, ქრონიკული დაავადება. რომელსაც ახასიათებს ცხვირის ლორწოვანი გარსის მკვეთრი ატროფია.

ოზერი - ქალაქი რუსეთის მოსკოვის ოლქში (30 ათასი).

ოზეროვი ვლადისლავ - რუსი დრამატურგი (1769-1816 წწ).

ოზეროვი იური - რუსი კინორეჟისორი, საბჭოთა კავშირის სახალხო არტისტი (1921-2001 წწ).

ოზეროვი ლევ (ნამდვილი გვარი გოლდბერგი) - რუსი პოეტი (1914-1996 წწ).

ოზეროვი ნიკოლაი - რუსი სპორტული კომენტატორი, მსახიობი, სპორტსმენი (ჩოგბურთი) (1922-1997 წწ).

ოზერსკი - ქალაქი რუსეთის კალინინგრადის ოლქში.

ოზი ამოს - ებრაელი მწერალი ისრაელიდან (დაინადა 1939 წელს).

ოზირისი - იხილე ოსირისი.

ოზმა - საწერი ქაღალდის რაოდენობის საზომი ერთეული, უდრის ოც დასტას.

ოზნი

ოზოკერიტი - მინერალი, რომელიც გარეგნულად თაფლის სანთელს ჰგავს; იყენებენ სხვადასხვა საცხის, კრემის და მისთანების წარმოებაში.

ოზოლინი (ოზოლინში) კარლ - ლატვიის უმაღლესი საბჭოს პრეზიდიუმის თავმჯდომარე 1952-59 წლებში (1905-1987 წწ).

ოზონატორი - ხელსაწყო ჰაერის ოზონიზაციისათვის.

ოზონი (ბერძნ.) - დამახასიათებელი სუნის მქონე გაზი (ჟანგბადის სამი ატომის ნაერთი); წარმოიქმნება ელექტრული განმუხტვის შედეგად (ჭექა-ქუხილის დროს) და მზის ულტრაიისფერი სხივების მოქმედებით.

ოზონი ფრანსუა - ფრანგი კინორეჟისორი (დაიბადა 1967 წელს).

ოზონიზაცია - ოზონით დამუშავება (ჰაერის, წყლის) გაუსნებოვნების მიზნით და ცუდი სუნის მოსასპობად.

ოზურგეთი (1934-89 წლებში მახარაძე) - ქალაქი დასავლეთ საქართველოში, ოზურგეთის მუნიციპალიტეტის ადმინისტრაციული ცენტრი; მანძილი თბილისიდან 328 კმ (30 ათასი).

ოზურგეთის მაზრა - ადმინისტრაციულ-ტერიტორიული ერთეული რუსეთის იმპერიაში, ქუთაისის გუბერნიის შემადგენლობაში.

ოზურგეთის მუნიციპალიტეტი (1934-89 წლებში მახარაძის რაიონი) - ადმინისტრაციულ-ტერიტორიული ერთეული დასავლეთ საქართველოში, მდინარეების სუფსისა და ნატანების აუზში. 1930 წლიდან ჩამოყალიბდა ცალკე რაიონად. 1 ქალაქი, 3 დაბა, 70 სოფელი.

ოზქანი (მელაშვილი) აჰმედ - ქართველი კულტურული მოღვაწე თურქეთში, რომლის მოღვაწეობა მიმართული იყო თურქეთის ქართველობაში ეროვნული თვითშეგნების გაღვიძებისაკენ (1922-1980 წწ).

ოთა

ოთარაანთ ქვრივი - ქართული მხატვრული ფილმი, გადაღებულია ილია ჭავჭავაძის ამავე სახელწოდების მოთხრობის მიხედვით. ეკრანებზე გამოვიდა 1957 წელს. დამდგმელი რეჟისორი - მიხეილ ჭიაურელი. სცენარის ავტორები - აკაკი ბელიაშვილი და მიხეილ ჭიაურელი. დამდგმელი ოპერატორები - დავით კანდელაკი, დიმიტრი ფელდმანი. კომპოზიტორი - სულხან ცინცაძე. მთავარ როლებში: ვერიკო ანჯაფარიძე (ოთარაანთ ქვრივი), გიორგი შენგელაია (გიორგი), ბორის ანდრონიკაშვილი (არჩილი), დინარა ჟორჟოლიანი (კესო), კოტე დაუშვილი, მერი დავითაშვილი, ალექსანდრე გომელაური, ვახტანგ ნინუა.

ოთარაანი - სოფელი საგარეჯოს მუნიციპალიტეტში (კოჭბაანის საკრებულო). მდებარეობს მდინარე ივრის ხეობაში, თბილისი-გომბორის საავტომობილო გზაზე. ზღვის დონიდან - 920 მეტრი, საგარეჯოდან - 43 კილომეტრი. 2002 წლის აღწერის მონაცემებით სოფელში ცხოვრობს 8 კაცი.

ოთარ ნორიოელი - ძველი ქართული საიმპროვიზაციო ნიღბების თეატრის გამოჩენილი პროფესიონალი ბერიკა-მსახიობი. მოღვაწეობდა XVIII საუკუნეში.

ოთარშენი - სოფელი გორის მუნიციპალიტეტში.

ოთახი - ცალკე სადგომი სახლში, ბინაში ან დაწესებულებაში.

ოთეფურა (ოთეფურადიდი) - მთა მესტიის მუნიციპალიტეტში, ეგრისის ქედზე.

ოთმანური - XV-XVI საუკუნეების ქართულ წყაროებში (აღაპებში) მოხსენიებული ტერმინი ოსმალური მონეტების აღსანიშნავად.

ოთომანთა იმპერია - იხილე ოსმალეთის იმპერია.

ოთრარი (თურარბანდი, თარარბანდი, ფარადი) - ძველი ქალაქი მდინარე სირდარიის ქვემო წელზე, არსებობდა XV საუკუნემდე.

ოთრისი - ქედი საფრანგეთში.

ოთურმა (თურქ.) - საბავშვო სათამაშო ერთგვარი, მიყოლებით წაკუზულ ამხანაგებზე რიგ-რიგობით გადახტომა.

ოთხ - პირველი შემადგენელი ნაწილი რთული ფუძეებისა, ნიშნავს ოთხი რისამე შემცველს.

ოთხამოღებით - ჭენებით.

ოთხარა (უათჰარა)

ოთხასი - რიცხვი და რაოდენობა 400.

ოთხახმით - იგივეა, რაც ოთხამოღებით.

ოთხგვერდა - იგივეა, რაც ოთხგვერდიანი.

ოთხგვერდიანი - ოთხი გვერდის მქონე.

ოთხგზის

ოთხეული - ოთხი ერთეულისაგან ან ადამიანისაგან შემდგარი.

ოთხთა ეკლესია - X საუკუნის ქართული ხუროთმოძღვრების ძეგლი, სამნავიანი ბაზილიკა სოფელ ოთხთასთან, მდინარე ჭოროხის ხეობაში (ახლა თურქეთის ფარგლებშია).

ოთხთავი - იგივეა, რაც სახარება.

ოთხთვალა

ოთხი

ოთხიანი

ოთხივკუთხივ - იგივეა, რაც ოთხკუთხივ.

ოთხიოდე (ოთხიოდ) - დაახლოებით ოთხი.

ოთხკეცი - ოთხჯერ აღებული, ოთხმაგი.

ოთხკლასიანი - მეფის რუსეთში, ოთხი კლასის შემცველი სასწავლებელი.

ოთხკუთხი - ოთხი კუთხის მქონე.

ოთხკუთხედი - ოთხი კუთხის მქონე გეომეტრიული ფიგურა.

ოთხკუთხიანი - იგივეა, რაც ოთხკუთხედი.

ოთხკუთხივ - ოთხივე მხარეს, ყოველ მხარეს.

ოთხმაგი - იგივეა, რაც ოთხკეცი.

ოთხმესდური (ოთხმისდური, ოთხმაზური) - მოხელე ძველ საქართველოში, მოიხსენიება XI-XIII საუკუნეების საბუთებში.

ოთხმოცი - რიცხვი და რაოდენობა „80“.

ოთხმოცდაათი - რიცხვი და რაოდენობა „90“.

ოთხმოცდაათიანი - საუკუნის მონაკვეთი ოთხმოცდაათიდან ოთხმოცდაცხრამეტ წლამდე.

ოთხმოცდამეათე - რიგის მიხედვით ოთხმოცდაათი.

ოთხმოციანი - საუკუნის მონაკვეთი ოთხმოციდან ოთხმოცდაცხრა წლამდე.

ოთხ-ოთხი - ოთხი რამდენჯერმე.

ოთხოსანი - მოსწავლე, რომელიც კარგად სწავლობს და საგნებში იღებს შეფასება 4-ს, კარგოსანი.

ოთხფეხა - ოთხი ფეხის მქონე ცხოველი.

ოთხფეხიანი - რასაც ოთხი ფეხი აქვს.

ოთხფეხი - ოთხი ფეხის მქონე ცხოველი, პირუტყვი.

ოთხღერძიანი - ოთხი ღერძის მქონე.

ოთხშაბათი - კვირის მესამე დღე.

ოთხშაბათობით - ყოველ ოთხშაბათ დღეს.

ოთხძალი - (ძვ.) ოთხი ძალის (სიმის) მქონე საკრავი.

ოთხწახნაგა - რასაც ოთხი წახნაგი აქვს.

ოთხწახნაგიანი - იგივეა, რაც ოთხწახნაგა.

ოთხწლედი - (ძვ.) ოთხწლიანი დაწყებითი სკოლა.

ოთხწლიანი - რაც ოთხი წლის განმავლობაში ხდება.

ოთხ-ხუთი ლექსი - ქართული ლექსის სახეობა, შედგება ოთხტაეპიანი ხუთი სტროფისაგან.

ოთხჯერ

ოთხჯერადი - ოთხჯერ გამეორებული.

ოი - შორისდებული; გამოხატავს: 1) ნატვრას, სიამოვნებას, აღტაცებას. 2) გაოცებას. 3) დალოცვას ან წყევლას.

ოიამა ივაო - პრინცი, იაპონიის სამხედრო და სახელმწიფო მოღვაწე, სამხედრო მინისტრი (1842-1916 წწ).

ოიამა იკუო - იაპონიის საზოგადო მოღვაწე, მშვიდობის დაცვის იაპონიის კომიტეტის თავმჯდომარე (1880-1956 წწ).

ოიასიო - იგივე კურილის დინება, ცივი დინება წყნარი ოკენის ჩრდილო-დასავლეთ ნაწილში.

ოიდი (ბერძნ.) - რთული ფუძის შემადგენელი ნაწილი - ნიშნავს „მსგავსს“.

ოიდიპოსი - ძველი ბერძნული მითოლოგიის თანახმად, თებეს მეფე, ლაიოს მეფისა და იოკასტეს ვაჟი. ბედისწერასთან მებრძოლი ადამიანის განზოგადებული სახე.

ოიდიუმი (ლათ.) - ვაზის საშიში დაავადება; ნაცარი.

ოიკონიმები (ბერძნ.) - ტოპონიმიკის ნაწილი, რომელიც სოფლების სახელებს შეისწავლის.

ოიკოსური მეურნეობა (ბერძნ.) - მეურნეობა, რომელშიც წარმოება და მოხმარება ოჯახის ფარგლებს არ სცილდება.

ოიკუმენე - იხილე ეკუმენე.

ოიმე - შორისდებული, გამოხატავს წყენას, გაჯავრებას.

ოინბაზი - (თურქ.-სპარს.) თვალთმაქცი, მატყუარა.

ოინბაზობა - ოინბაზის თვისება.

ოინი (თურქ.)

ოინოქარონტი („ღვინის ქარონტი“) - ფილიპე მაკედონელის ზედმეტი სახელი, რაც შეარქვეს იმის გამო, რომ იგი თავის მტრებს ხოცავდა მოწამლული ღვინით.

ოინოქოე (ბერძნ.) - ღვინის ჩამოსასხმელი ჭურჭელი, ოვალური მუცლის მქონე ერთსახელურიანი დოქი; იცოდნენ ძველ საბერძნეთში.

ოიო - ქალაქი ნიგერიის სამხრეთ-დასავლეთ ნაწილში, ოიოს შტატში (240 ათასი).

ოირათები - წარსულში დასავლელ მონღოლთა საერთო სახელწოდება.

ოირათთა სახანო - ოირათების ფეოდალური სახელმწიფო XVII-XVIII საუკუნეებში, ჯუნგარიაში (ახლანდელი ჩრდილო-დასავლეთი ჩინეთი).

ოირემე - სოფელი ზუგდიდის მუნიციპალიტეტში.

ოისირე

ოისირეშდიდი - მთა ჩხოროწყუს მუნიციპალიტეტში, ეგრისის ქედზე.

ოისტრახი დავით - რუსი მევიოლინე, საბჭოთა კავშირის სახალხო არტისტი (1908-1974 წწ).

ოისტრახი იგორ - რუსი მევიოლინე და დირიჟორი, საბჭოთა კავშირის სახალხო არტისტი (დაიბადა 1931 წელს).

ოიტა - ქალაქი იაპონიის კუნძულ კიუსიუზე, ამავე სახელწოდების პრეფექტურის ადმინისტრაციული ცენტრი (420 ათასი).

ოიუენი ერდენებატინ - მონღოლი მწერალი და რეჟისორი ქალი (დაიბადა 1918 წელს).

ოკა

ოკავანგო - იხილე კუბანგო.

ოკაზიონალიზმი (ლათ.) - მიმართულება დასავლეთევროპულ ფილოსოფიაში; იდეალისტურად წყვეტდა რენე დეკარტის დუალისტური ფილოსოფიის მიერ დასმულ საკითხს სულისა და სხეულის ურთიერთდამოკიდებულების შესახებ.

ოკაზიონალური მნიშვნელობა - სიტყვის უჩეულო მნიშვნელობა; ისეთი, რომელსაც იყენებენ გარკვეულ შემთხვევაში, სპეციალურ კონტექსტში.

ოკაზიური - კერძო, ცალკეული შემთხვევისათვის შექმნილი.

ოკაია - ქალაქი იაპონიის ნაგანოს პრეფექტურაში.

ოკაიამა - ქალაქი იაპონიის კუნძულ კიუსიუზე, ამავე სახელწოდების პრეფექტურის ადმინისტრაციული ცენტრი (420 ათასი).

ოკალმახე - მდინარე წალენჯიხის მუნიციპალიტეტში, მდინარე ენგურის მარჯვენა შენაკადი.

ოკამი - სოფლები ახალქალაქისა და კასპის მუნიციპალიტეტებში.

ოკამი უილიამ - ინგლისელი ფილოსოფოსი-სქოლასტიკოსი, ლოგიკოსი და საეკლესიო-პოლიტიკური მწერალი, ნომინალიზმის მთავარი წარმომადგენელი (დაახლოებით 1285-1349 წწ).

ოკამპო სილვინა - არგენტინელი მწერალი ქალი (1910-1993 წწ).

ოკანი მორის - ფრანგი მათემატიკოსი (1862-1938 წწ).

ოკაპი - იშვიათი ჯიში ჟირაფების ოჯახისა; სიგრძე 2 მეტრამდე, იწონის დაახლოებით 250 კგ-ს.

ოკარა - ქალაქი პაკისტანის აღმოსავლეთ ნაწილში, პენჯაბის პროვინციაში (155 ათასი).

ოკარი ემანუელ - ფრანგი პოეტი (დაიბადა 1940 წელს).

ოკარინა (იტალ.) - პატარა ზომის ერთგვარი ჩასაბერი საკრავი თიხისა ან ფაიფურისა.

ოკასი ევალდ - ესტონელი ფერმწერი და გრაფიკოსი, საბჭოთა კავშირის სახალხო მხატვარი (დაიბადა 1915 წელს).

ოკაცე (საწისქვილო) - მდინარე ხონის მუნიციპალიტეში, ცხენისწყლის მარჯვენა შენაკადი.

ოკაძაკი - ქალაქი იაპონიაში, კუნძულ ჰონსიუზე, აიტის პრეფექტურაში (320 ათასი).

ოკეანარიუმი - დიდი აკვარიუმი ზღვის პირას წყალში მობინადრე არსებათა შესასწავლად.

ოკეანე

ოკეანი - იხილე ოუშენი.

ოკეანია - კუნძულების ჯგუფი წყნარი ოკეანის ცენტრალურ და სამხრეთ-დასავლეთ ნაწილში.

ოკეანიდები - ძველი ბერძნული მითოლოგიის თანახმად, ოკეანის ქალიშვილები, ზღვის ნიმფები.

ოკეანოგრაფია - მოძღვრება ოკეანეებსა და ზღვებში მიმდინარე ფიზიკური, ქიმიური, გეოლოგიური, ბიოლოგიური პროცესებისა და მოვლენების შესახებ.

ოკეანოლოგია - იგივეა, რაც ოკეანოგრაფია.

ოკეგემი იოჰანეს (ჟან) დე - ფრანკო-ნიდერლანდელი კომპოზიტორი (დაახლოებით 1425 - 1495 წწ).

ოკეევი ტოლომუშ - ყირგიზი კომპოზიტორი, საბჭოთა კავშირის სახალხო არტისტი (1935-2001 წწ).

ო' კეი (ინგლ.) - დასტურის სიტყვა ინგლისურენოვან ქვეყნებში.

ო' კეისი შონ - ირლანდიელი მწერალი (1880-1964 წწ).

ო' კელი შონ თომას - ირლანდიის პრეზიდენტი 1945-59 წლებში (1882-1966 წწ).

ოკენი (ნამდვილი გვარი ოკენფუსი) ლორენც - გერმანელი ბუნებისმეტყველი და ნატურფილოსოფოსი (1779-1851 წწ).

ოკვარე - მდინარე ლანჩხუთის მუნიციპალიტეტში, ფიჩორის მარცხენა შენაკადი.

ოკვინორე

ოკი - კუნძულების ჯგუფი იაპონიის ზღვაში, ეკუთვნის იაპონიას.

ოკიერი (ააკიერი) იეპე - დანიელი მწერალი (1866-1930 წწ).

ოკინავა - ყველაზე დიდი კუნძული რიუკიუს არქიპელაგში, ეკუთვნის იაპონიას.

ოკინლეკი კლოდ ჯინ ეირ - ინგლისელი ფელდმარშალი (1884-1880 წწ).

ოკიპეტე - ძველი ბერძნული მითოლოგიის თანახმად:

ოკიროე - ძველი ბერძნული მითოლოგიის თანახმად: 1) ოკეანოსისა და თეტისის ქალიშვილი, ფაზისის მშობელი. 2) ფერია, მდინარის ღმერთის - იმბრასოსის ქალიშვილი. 3) ფერია, ტროასთან მებრძოლი გმირის ჰოპოდამანტის დედა.

ო' კიფი ჯორჯია - ამერიკელი მხატვარი ქალი (1887-1986 წწ).

ოკიჩობი - ტბა აშშ-ს ფლორიდის ნახევარკუნძულზე (სიღრმე 6 მეტრი).

ოკლაჰომა - შტატი აშშ-ს სამხრეთ ნაწილში; ფართობი - 181,1 ათასი კვ.კმ. მოსახლეობა - 3,2 მილიონი. ადმინისტრაციული ცენტრი - ოკლაჰომა-სიტი.

ოკლაჰომა-სიტი - ქალაქი აშშ-ში, ოკლაჰომის შტატის ადმინისტრაციული ცენტრი (445 ათასი).

ოკლენდი

ოკლუზია (ლათ.)

ოკნუსი - ძველი ბერძნული მითოლოგიის თანახმად:

ოკოლია - 1947-69 წლებში ბულგარეთის ტერიტორიულ-ადმინისტრაციული ერთეული.

ო' კონელი დანიელ - ირლანდიელი ეროვნული მოძრაობის მოღვაწე (1775-1847 წწ).

ო' კონორი ართურ - ირლანდიის ეროვნულ-განმათავისუფლებელი მოძრაობის მოღვაწე (1763-1852 წწ).

ო' კონორი ფერგიუს ედუარდ - ჩარტისტული მოძრაობის ლიდერი დიდ ბრიტანეთში, ორატორი, პუბლიცისტი (1796-1855 წწ).

ო' კონორი ფლანერი - ამერიკელი მწერალი ქალი (1925-1964 წწ).

ო' კონორი ფრენკ (ნამდვილი სახელი და გვარი მაიკლ ო' დონოვანი) - ირლანდიელი მწერალი (1903-1966 წწ).

ოკრი ბენ - ნიგერიელი მწერალი (დაიბადა 1959 წელს).

ოკრიბა - ისტორიული მხარე დასავლეთ საქართველოში, იმერეთის ნაწილი (ტყიბულის და თერჯოლის მუნიციპალიტეტები). სახელწოდება „ოკრიბა“ პირველად მოხსენიებულია XI საუკუნეში. სახელწოდების მრავალი განმარტება არსებობს, მათ შორის, ყველაზე დამაჯერებელია მისი მეგრული სიტყვა „ოკრიბიდან“ (რაც ნიშნავს „საბატკნე-საკრავე“) წარმოშობა. ოკრიბას დასავლეთით გამოყოფდა მდინარე რიონი, ჩრდილოეთით, რაჭიდან - რაჭის ქედის ერთი მონაკვეთი, ჩრდილოეთ-დასავლეთით, ლეჩხუმიდან - რაჭის ქედის გაგრძელება (მდინარე ლეხიდარის მარცხენა ნაპირის გასწვრივ), სამხრეთით - იმერეთის ვაკე, სამხრეთ-აღმოსავლეთით და აღმოსავლეთით არგვეთის მთების მასივი. ოკრიბა მთაგორიანი მხარეა, მისი ფართობი 478,2 კვ. კილომეტრს შეადგენს. ოკრიბაში ადამიანის ცხოვრების კვალი ძველი ქვის ხანიდანაა დამოწმებული. გვიან შუა საუკუნეებში ოკრიბა მჭიდროდ ყოფილა დასახლებული. იმ დროისათვის იქ 50-ზე მეტი სოფელი იყო, რომელთა უმეტესობა სამეფო და სასულიერო აზნაურებს ეკუთვნოდა. იმერეთის სამეფოს სამხედრო-ადმინისტრაციული დაყოფით ოკრიბა მეოთხე სადროშოში შედიოდა. სასულიერო ხელისუფალი გელათის ეპისკოპოსი იყო. ოკრიბას მნიშვნელოვანი კულტურული ცენტრები იყო გელათის მონასტერი, მოწამეთა და სხვა.

ოკრიბა-არგვეთის სერი - სერი თერჯოლის მუნიციპალიტეტში, ოკრიბის ქვაბულსა და იმერეთის დაბლობს შორის.

ოკრილა - მდინარე მესტიის მუნიციპალიტეტში, მდინარე ნენსკრის მარჯვენა შენაკადი.

ოკ-რიჯი - ქალაქი აშშ-ს ტენესის შტატში, ნოქსვილის გარეუბანი (30 ათასი).

ოკრობოკრო - უსწორმასწორო, ოღროჩოღრო.

ოკრუგი (რუს.) - ყოფილ სსრკ-სა და თანამედროვე ბულგარეთში ტერიტორიულ ადმინისტრაციული დაყოფის ერთ-ერთი ფორმა.

ოკულანტი - კვირტით ნამყნობი მცენარე.

ოკულარი (ლათ.) - ოპტიკური ხელსაწყოს ნაწილი, რომელიც დამკვირვებლის თვალისკენაა მიმართული; შედგება ერთი ლინზისგან ან ლინზათა სისტემისგან.

ოკულირება (ლათ.) - კვირტით მყნობა (მცენარისა).

ოკულისტი (ლათ.) - თვალის ექიმი, ოფთალმოლოგი.

ოკულოვკა - ქალაქი რუსეთის ნოვგოროდის ოლქში.

ოკულტიზმი (ლათ.) - მისტიკურ მოძღვრებათა საერთო სახელწოდება.

ოკულტური - მისტიკური წარმოდგენების მიხედვით - „იმქვეყნიურ სამყაროსთან“ დაკავშირებული; ზებუნებრივი.

ოკუმა სიგენობუ - იაპონიის პრემიერ-მინისტრი 1898, 1914-16 წლებში (1838-1922 წწ).

ო-კუნინუსი - იაპონური მითოლოგიიის თანახმად, კეთილი, გულმოწყალე ღმერთი, ადამიანთა კეთილდღეობის მფარველი.

ოკუპანტი - ოკუპაციის მონაწილე, დამპყრობი.

ოკუპაცია (ლათ) - სხვა ქვეყნის ტერიტორიის დროებით დაკავება ამა თუ იმ ქვეყნის სამხედრო ძალების მიერ.

ოკუპირებული - რის ოკუპაციაც მოახდინეს.

ოკუჯავა ბულატი - ქართული წარმოშობის რუსი პოეტი (1924-1997 წწ).

ოკუჯავა ვაჟა - ნეიროფიზიოლოგი, აკადემიკოსი, მედიცინის მეცნიერებათა დოქტორი, 1980-85 წლებში თბილისის სახელმწიფო უნივერსიტეტის რექტორი (დაიბადა 1930 წელს).

ოლა ჯორჯ - ამერიკელი ქიმიკოსი, 1994 წლის ნობელის პრემიის ლაურეატი (დაიბადა 1927 წელს).

ოლადაური - სოფელი შუახევის მუნიციპალიტეტში.

ოლავერდი - სოფელი ახალქალაქის მუნიციპალიტეტში.

ოლაინე - ქალაქი ლატვიაში.

ოლარი (ბერძ.) - მღვდლის სამოსელის ნაწილი, ყელზე ჩამოსაცმელი გრძელი და ვიწრო, ოქრომკედით ნაქარგი ქსოვილი.

ოლარი ფრანსუა ვიქტორ ალფონც - ფრანგი ისტორიკოსი და პუბლიცისტი (1849-1928 წწ).

ოლაფ I ტრიუგვასონი, ალექსანდერ ედუარდ კრისტიან ფრედერიკ - ნორვეგიის კონუნგი X საუკუნის მეორე ნახევარში.

ოლაფ II ჰარალდსონი (წმინდა) - ნორვეგიის მეფე (დაახლოებით 995 - 1030 წწ).

ოლაფ V (ულაფ V) ალექსანდერ ედუარდ კრისტიან ფრედერიკ - ნორვეგიის მეფე 1957 წლიდან (1903-1991 წწ).

ოლაფური რაგნარ გრიმსონ - ისლანდიის პრეზიდენტი 1996 წლიდან (დაიბადა 1943 წელს).

ოლაჯიუვონი ჰაქიმ აბდულა - ამერიკელი კალათბურთელი, წარმოშობით ნიგერიელი, ოლიმპიური თამაშების ჩემპიონი, NBA-ს ყველა დროის ერთ-ერთი უძლიერესი მოთამაშე (დაიბადა 1963 წელს).

ოლბანი

ოლბერსი ჰაინრიხ ვილჰელმ - გერმანელი ასტრონომი და ექიმი (1758-1840 წწ).

ოლბი ევარდ - ამერიკელი დრამატურგი (დაიბადა 1928 წელს).

ოლბია (ოლვია) - ანტიკური მონათმფლობელური ქალაქი-სახელმწიფო ახლანდელი ნიკოლაევის ოლქში (უკრაინა).

ოლბორგი - ქალაქი-პორტი დანიაში, ჩრდილოეთ იუტლანდიის ამტის ადმინისტრაციული ცენტრი (115 ათასი).

ოლბრაიტი მადლენ (ნამდვილი სახელი და გვარი მარია იანა კორბელოვა) - აშშ-ს სახელმწიფო მდივანი 1996-2000 წლებში (დაიბადა 1937 წელს).

ოლბრახტი ივან (ნამდვილი სახელი და გვარი - კამილ ზემანი) - ჩეხი მწერალი და საზოგადო მოღვაწე (1882-1952 წწ).

ოლბრიხი იოზეფ მარია - ავსტრიელი არქიტექტორი (1867-1908 წწ).

ოლბრიხსკი დანიელ - პოლონელი მსახიობი (დაიბადა 1945 წელს).

ოლგა (ქრისტიანული სახელი ელენე) - კიევის მთავრის, იგორის მეუღლე, მართავდა კიევის რუსეთს თავის შვილის სვიატოსლავის მცირეწლოვნობაში. შერაცხულია რუსული ეკლესიის წმინდანად (დაალოებით 890-969 წწ).

ოლგერდი - ლიტვის დიდი თავადი 1345-77 წლებში, გედიმინისის ვაჟი (დაახლოებით 1296-1377 წწ).

ოლგინი - ქალაქი კუბაში, ამავე სახელწოდების პროვინციის ადმინისტრაციული ცენტრი (230 ათასი).

ოლდემი - ქალაქი დიდ ბრიტანეთში (ინგლისი), შედის დიდი მანჩესტერის მეტროპოლიურ საგრაფოში (220 ათასი).

ოლდენბარნეველტი (ბარნეველტი) იან ვან - ჰოლანდიის სახელმწიფო მოღვაწე (1547-1619 წწ).

ოლდენბურგები - გერმანელი გრაფების საგვარეულო, საიდანაც სათავეს იღებს რამდენიმე სამეფო დინასტია დანიაში, ნორვეგიაში, შვედეთში, შლეზვიგ-ჰოლშტაინში (XV-XIX სს).

ოლდენბურგი - ქალაქი გერმანიის ქვემო საქსონიის მხარეში (145 ათასი).

ოლდენბურგი კლას - ამერიკელი მხატვარი, წარმოშობით შვედი (დაიბადა 1928 წელს).

ოლდერმენი (ინგლ.)

ოლდ ვიკი - თეატრი ლონდონში; გაიხსნა 1818 წელს.

ოლდინგტონი რიჩარდ - ინგლისელი მწერალი (1892-1962 წწ).

ოლდრინი ედუინ - აშშ-ს მფრინავი კოსმონავტი, მეცნიერების დოქტორი, პოლკოვნიკი, 1966 და 1969 წლების ფრენის მონაწილე, ერთ-ერთი მათგანი, ვინც პირველმა დადგა ფეხი მთვარეზე (დაიბადა 1930 წელს).

ოლდრიჩი თომას ბეილი - ამერიკელი პოეტი, პროზაიკოსი, ჟურნალისტი (1836-1907 წწ).

ოლდრიჯი აიარა ფრედერიკ - ამერიკელი ზანგი მსახიობი (1805-1867 წწ).

ოლდრიჯი ჯეიმზ - ინგლისელი მწერალი და საზოგადო მოღვაწე (დაიბადა 1918 წელს).

ოლდსი რენსონ ელი - ამერიკელი გამომგონებელი და მეწარმე, საავტომობილო მშენებლობის ერთ-ერთი პიონერი (1864-1950 წწ).

ოლე

ოლეანდრი (ფრანგ.) - მარადმწვანე მაღალი ბუჩქი ან პატარა ხე; აქვს მუქი მწვანე ლანცეტისებრი ფოთლები.

ოლეარიუსი (ელშლეგერი) ადამ - გერმანელი მწერალი, მოგზაური და დიპოლომატი (1603-1671 წწ).

ოლეგი - ძველი რუსი თავადი, მართავდა ნოვგოროდის (879 წლიდან) და კიევის (882 წლიდან) რუსეთს (გარდაიცვალა 912 წელს).

ოლეინი (ლათ.) - თხევადი ცხიმოვანი მჟავების ნარევი, რომელსაც იღებენ ცხიმების გახლეჩით.

ოლეინიკი ბორის - უკრაინელი პოეტი (დაიბადა 1935 წელს).

ოლეინმჟავა - ოლეინის მთავარი შემადგენელი ნაწილი, რომელიც წარმოადგენს უსუნო, უფერო და უგემო სითხეს; იყენებენ მედიცინაში და სხვა.

ოლენია - მდინარე გალის მუნიციპალიტეტში, ხუმუშქურის მარცხენა შენაკადი.

ოლენიოკი - მდინარე რუსეთის იაკუტიის რესპუბლიკაში, ერთვის ლაპტევების ზღვას (სიგრძე - 2292 კილომეტრი).

ოლენოგორსკი - ქალაქი რუსეთის მურმანსკის ოლქში (35 ათასი).

ოლენოსი - ძველი ბერძნული მითოლოგიის თანახმად:

ოლეოგრაფია (ლათ.) - ზეთის საღებავებით შესრულებული ნახატების რეპროდუქციის მოძველებული წესი.

ოლეონაფთი (ლათ.) - საზეთი ზეთი თეთრი ფერისა; იღებენ გაწმენდილი ნავთობისგან.

ოლესნიცკი ზბიგნევ - პოლონელი საეკლესიო მოღვაწე (1389-1455 წწ).

ოლესინი - ქალაქი ნიგერიაში (35 ათასი).

ოლეუმი (ლათ.) - ერთგვარი გოგირდმჟავა - უფერო ან ოდნავ მოყვითალო სითხე; იყენებენ საღებრების, სამკურნალო პრეპარატების წარმოებაში და სხვა; მბოლავი გოგირდმჟავა.

ოლექსეენკო სტეპან - უკრაინელი მსახიობი, საბჭოთა კავშირის სახალხო არტისტი (საიბადა 1941 წელს).

ოლეშა იური - რუსი მწერალი, მეზღაპრე (1899-1960 წწ).

ოლვიოპოლი - უკრაინის ქალაქ პერვომაისკის სახელი 1920 წლამდე.

ოლთაკე (ოლთაკი) - კოლხეთის მმართველი ძვ. წ.აღ. I საუკუნეში.

ოლთისი (ოლთისნი) - ციხე-ქალაქი ისტორიულ სამხრეთ-დასავლეთ საქართველოში, ტაოს მხარეში (ახლა თურქეთის ტერიტორიაზეა).

ოლიანგი - სოფელი წალკის მუნიციპალიტეტში.

ოლიგარქია (ბერძნ.) - მსხვილი მონოპოლისტური კაპიტალის მცირერიცხოვანი წარმომადგენლების პოლიტიკური და ეკონომიკური ბატონობა.

ოლიგემია (ლათ.) - სისხლის საერთო რაოდენობის შემცირება.

ოლიგო (ლათ.) - რთული სიტყვების პირველი შემადგენელი ნაწილი - მიუთითებს რისამე მცირე რაოდენობაზე, ნორმიდან გადახრაზე შემცირებისკენ.

ოლიგოკლაზი (ბერძნ.) - ქანწარმომქმნელი მინერალი მინდვრის შპატების ჯგუფისა.

ოლიგოპოლია (ბერძნ.) - მეურნეობის დარგის საბაზრო სტრუქტურა, რომლის დროსაც რამდენიმე მსხვილ ფირმას აქვს მონოპოლია პროდუქციის ძირითადი მასის წარმოებასა და გასაღებაზე.

ოლიგოსაპროპები (ბერძნ.) - ორგანიზმები, რომლებიც ბინადრობენ სუფთა წყლებში.

ოლიგოტროფები (ბერძნ.) - მცენარეები, რომლებიც ხარობენ საკვები ნივთიერებებით ღარიბ ნიადაგებზე.

ოლიგოფაგია (ბერძნ.) - ისეთ ცხოველთა კვების რეჟიმი, რომლებიც მხოლოდ რამდენიმე სახეობის საკვებს ჭამენ.

ოლიგოფრენია (ბერძნ.) - თანდაყოლილი ჭკუასუსტობა.

ოლიგოცენი (ბერძნ.) - გეოლოგიაში - პალეოგენის მესამე ეპოქა.

ოლიგურია (ბერძნ.) - მედიცინაში - თირკმლების მიერ შარდის სადღეღამისო გამოყოფის შემცირება.

ოლივარესი გასპარ დე გუსმანი - ესპანეთის სახელმწიფო მოღვაწე (1587-1645 წწ).

ოლივეირა კარლოს დე - პორტუგალიელი მწერალი (1921-1981 წწ).

ოლივეირა მარტინსი ჟოაკინ პედრუ და - პორტუგალიელი ისტორიკოსი და პოლიტიკური მოღვაწე (1845-1894 წწ).

ოლივერი მარია როსა - არგენტინელი მწერალი ქალი, ლათინური ამერიკის საზოგადო მოღვაწე (1898-1977 წწ).

ოლივეტი - საოფისე ავეჯის მწარმოებელი იტალიური ფირმა; დაარსდა 1908 წელს, შტაბ-ბინა მდებარეობს ქალაქ სკარმანიოში.

ოლივიე ემილ - საფრანგეთის სახელმწიფო მოღვაწე (1825-1913 წწ).

ოლივიე ლორენს (ლოურენს) - ინგლისელი თეატრისა და კინოს მსახიობი, რეჟისორი, პროდიუსერი (1907-1989 წწ).

ოლივინი (ლათ.) - მოყვითალი მწვანე მინერალი, რომელიც შედის ვულკანური ქანების შემადგენლობაში.

ოლიმპი

ოლიმპია

ოლიმპიადა (ბერძნ.)

ოლიმპიელი (ოლიმპელი) - ზევსი ან რომელიმე სხვა მთავარი ღმერთი ძველი საბერძნეთის პანთეონიდან.

ოლიმპიური თამაშები

ოლიმპიური რელიგია - გაფურჩქვნის ხანის ბერძნული პოლისების ოფიციალური რელიგია, სახელწოდება წარმოდგება თესალიაში მდებარე ოლიმპოს მთისგან, სადაც, ხალხის წარმოდგენით, ღმერთები ბინადრობდნენ.

ოლიმპო - ძველი ბერძნების წარმოდგენით, ღმერთების სამყოფელი თესალიაში. მას ძველ ქართულ მწერლობაში „ულუმბოს“ უწოდებდნენ.

ოლიმპური - რაც გამოირჩევა სიდიადით, დიდი აღუშფოთველობით. ოლიმპური სიმშვიდე - სრული სიმშვიდე და აღუშფოთველობა.

ოლინდა - ქალაქი ბრაზილიის ჩრდილო-აღმოსავლეთ ნაწილში, პერნამბუკუს შტატში (340 ათასი).

ოლინთოსი - ძველი ბერძნული ქალაქი ქალკიდიკეს ნაევარკუნძულზე. (ქალაქ სალონიკის სამხრეთით).

ოლიოკმა - მდინარე რუსეთის ჩიტის და ამურის ოლქებში და იაკუტიის რესპუბლიკაში, მდინარე ლენის მარჯვენა შენაკადი (სიგრძე - 1436 კილომეტრი).

ოლიოკმნისკი - ქალაქი რუსეთის იაკუტიის რესპუბლიკაში.

ოლიტა - ლიტვის ქალაქ ალიტუსის ოფიციალური სახელი 1917 წლამდე.

ოლიფა (რუს.) - მოხარშული ზეთი (სელისა, კანაფისა, სოიისა და მისთანების), რომელსაც იყენებენ ზეთის საღებავებისა და ლაქების დასამზადებლად.

ოლიფანტსი - აფრიკის სამი მდინარის სახელწოდება: 1) ლიმპოპოს მარჯვენა შენაკადი. 2) მდინარე სამხრეთ აფრიკის რესპუბლიკის კაპის პროვინციაში, ერთვის ატლანტის ოკეანეს. 3) ტაურიტსის მთავარი სათავე.

ოლიხნარი - ვაზის კულტურის დაყენების ერთი ძველი სახეობა დასავლეთ საქართველოში, ვაზს მაღალ ტანს უქმნიან და საყრდენად გრძელ სარს უდგამენ.

ოლკუში - ქალაქი პოლონეთის კატოვიცეს სავოევოდოში.

ოლოზი - სოფელი გორის მუნიციპალიტეტში.

ოლოლი (ყურებიანი ბუ) - იგივეა, რაც ზარნაშო.

ოლოლო - შორისდებული, გამოხატავს ნიშნის მოგებას, იხმარება პირის ნაცვალსახელებთან.

ოლომოუცი - ქალაქი ჩეხეთის ჩრდილოეთ მორავიის ოლქში (105 ათასი).

ოლონეცი - ქალაქი რუსეთის კარელიის რესპუბლიკაში.

ოლონხო - იაკუტიაში მცხოვრებ ხალხთა საგმირო ეპოსი.

ოლორი - მდინარე წალენჯიხის მუნიციპალიტეტში, მდინარე ენგურის მარჯვენა შენაკადი.

ოლპორტი გორდონ უილიარდ - ამერიკელი ფსიქოლოგი (1897-1967 წწ).

ოლსონი ჩარლზ - ამერიკელი პოეტი (1910-1970 წწ).

ოლტენია - ვლახეთის (რუმინეთი) დასავლეთი ნაწილის სახელწოდება.

ოლსტერი

ოლტი

ოლტმენი რობერტ - ამერიკელი სცენარისტი, პროდიუსერი, რეჟისორი (დაიბადა 1925 წელს).

ოლტმენი სიდნი - ამერიკელი ბილოგი, 1989 წლის ნობელის პრემიის ლაურეატი (დაიბადა 1939 წელს).

ოლტული - იხილე ოლტი.

ოლფაქტომეტრია (ლათ.) - ყნოსვის სიმახვილის გაზომვის მეთოდი.

ოლქი (თურქ.) - სახელმწიფო ტერიტორიის ადმინისტრაციულ-პოლიტიკური, სამეურნეო, სამხედრო და სხვა ერთეული.

ოლღას მონასტერი - ოლღას სახელით ცნობილი მცხეთის დედათა მონასტერი მდებარეობს მცხეთის რკინიგზის სადგურის პირისპირ, მთის კლდოვან ფერდზე, მდინარე მტკვარის მარჯვენა ნაპირზე, აგებულია XI-XII საუკუნეებში. აქ არსებული სამონასტრო კომპლექსიდან შემორჩენილია ღვთისმშობლისა და ღვთისმშობლის მიძინების ეკლესიები. ისტორიულ წყაროებში ღვთისმშობლი ეკლესია ცნობილია ახალქალაქურის სახელწოდებით. 1609 წელს ლუარსაბ II-საგან დევნილმა გიორგი სააკაძემ თავის ახლობლებთან ერთად ახალქალაქურ მონასტერს შეაფარა თავი. XIX საუკუნის 90-იან წლებში ოლღა გორნიჩმა გააწმენდინა მიწით დაფარული ეკლესია, შეაკეთებინა და დააარსა იქ დედათა მონასტერი.

ოლშევსკი კაროლ სტანისლავ - პოლონელი ფიზიკოსი და ქიმიკოსი (1846-1915 წწ).

ოლშტინი - ქალაქი პოლონეთის ჩრდილოეთ ნაწილში. ამავე სახელწოდების სავოევოდოს ადმინისტრაციული ცენტრი (165 ათასი).

ოლხონი - კუნძული ბაიკალის ტბაში.

ომა (ბერძნ.) - სიტყვების დაბოლოება, რომელიც სიმსივნეს აღნიშნავს.

ომაიანთა სახალიფო (დამასკის სახალიფო) - ფეოდალური არაბული სახელმწიფო თანამედროვე სირიის ტერიტორიაზე 661-750 წლებში.

ომაიანები - არაბი ხალიფების დინასტია დამასკის სახალიფოში (661-750 წწ), კორდოვის საამიროსა (756-929 წწ) და კორდოვის სახალიფოში (929-1031 წწ).

ომაკარე - მდინარე ოჩამჩირის მუნიციპალიტეტში, დღამიშის აუზში.

ომალო

ომალოს თემის საკრებულო - იხილე ომალო (1).

ომამდელი - ომის წინადროინდელი.

ომანი (ომანის სასულთნო, არაბ. Saltanat Uman).
- სახელმწიფო არაბეთის ნახევარკუნძულის სამხრეთ-აღმოსავლეთ ნაწილში. ესაზღვრება საუდის არაბეთს, არაბთა გაერთიანებულ ემირატებს და იემენს. აღმოსავლეთიდან აკრავს ომანის ყურის და არაბეთის ზღვის წყლები.
- დამოუკიდებლობის დღე (დიდი ბრიტანეთისგან) - 1971 წელი.
- ჰიმნი - „Ya Rabbana Ehfid Lana Jalalat Al Sultan“.
- სახელმწიფო წყობა - აბსოლუტური მონარქია.
- სახელმწიფოს მეთაური - სულთანი.
- ფართობი - 309 500 კვ.კმ.
- ადმინისტრაციულად დაყოფილია 5 რეგიონად (მანთაყა) და 4 მუჰაფაზად, რომლებიც მოიცავენ 59 ვილაიეთს.
- მოსახლეობა - 3 მილიონი.
- სიმჭიდროვე - 12 ადამიანი 1 კვ.კმ.-ზე.
- ოფიციალური ენა - არაბული.
- სახელმწიფო რელიგია - ისლამი.
- დედაქალაქი - მასკატი.
- ვალუტა - ომანის რიალი.
- ქვეყნის კოდი - OMN.
- დროის სარტყელი - UTC +4.
- სატელეფონო კოდი - +968.
- ინტერნეტ-დომენი - OM.

ომანის ყურე - მდებარეობს არაბეთის ზღვაში.

ომაჟი (ფრანგ.) - შუა სს დასავლეთ ევროპაში - ვასალური ხელშეკრულების დადების ერთ-ერთი ცერემონია; ჰქონდა სიმბოლური მნიშვნელობა.

ომარ I - იხილე უმარ I.

ომარაანი - სოფელი თიანეთის მუნიციპალიტეტში (სიონის სადაბო საკრებულო), გომბორის ქედის სამხრეთ-დასავლეთ კალთაზე, მდინარე ივრის მარცხენა მხარეს. ზღვის დონიდან - 1040 მეტრი, თიანეთიდან - 34 კილომეტრი. 2002 წლის აღწერის მიხედვით სოფელში ცხოვრობს 133 კაცი.

ომარი (ფრანგ.) - ზღვის დიდი კიბო, გავრცელებულია ატლანტის ოკეანეში.

ომარიშარა - სოფელი გულრიფშის მუნიციპალიტეტში.

ომარ ხაიამი ღიას ალ-ად-დინ აბუ ლ-ფათჰ იბნ იბრაჰიმ ნიშაბური - შუა საუკუნეების აღმოსავლეთის მეცნიერი, სპარსული პოეზიის წარმომადგენელი (1048-1122 წწ).

ომარ-ხანი ავარიელი - ავარიის ხანის გამგებელი (გარდაიცვალა 1810 წელს).

ომატიდიუმები (ბერძნ.) - ცალკეული პაწაწკინტელა თვალები, რომლებისგანაც შედგება მწერების, კიბოსნაირთა და ზოგი სხვა მრავალფეხის რთული, ფასეტური თვალები (მაგალითად, ნემსიყლაპიას აქვს 28 000 ომატიდიუმი).

ომახიანი - რიხიანი, ვაჟკაცური, ძლიერი.

ომაჰა - ქალაქი აშშ-ს ნებრასკას შტატში, მდინარე მისურიზე (335 ათასი).

ომბალო (Mentha pulegium) - სურნელოვანი ბალახი, იზრდება ტენიან ადგილებში (მეტწილად დასავლეთ საქართველოში), იხმარება საჭმლის შესაკაზმად.

ომბოხი - ფეხმოკვეთილი ადამიანის ხის ფეხი.

ომბროგრაფი (ბერძნ.) - იგივეა, რაც პლუვიოგრაფი.

ომბრომეტრი (ბერძნ.) - ხელსაწყო ატმოსფერული ნალექების რაოდენობის გასარკვევად; წვიმასაზომი.

ომბროფილები (ბერძნ.) - მცენარეები, რომლებიც ხანგრძლივ წვიმებს უძლებენ.

ომბროფიტები (ბერძნ.) - მცენარეები, რომელთაც ფესვები მიწის ზედაპირთან აქვთ განლაგებული და ატმოსფეროს ნალექის წყალს იღებენ ნიადაგის ზედა ფენებიდან.

ომბროფობები (ბერძნ.) - გვალვიანი, მშრალი ადგილის მცენარეები, რომლებიც ვერ იტანენ ხანგრძლივ წვიმებს.

ომბუდსმენი (შვედ.) - თანამდებობის პირი, სახალხო დამცველი, რომელსაც ევალება მოქალაქეთა კანონიერი უფლებებისა და ინტერესების დაცვის კონტროლი.

ომგადახდილი - ვინც ომი გადაიხადა, ნაომარი.

ომდურმანი - ქალაქი სუდანში (525 ათასი, დიდი აგლომერაცია - 1,2 მილიონი).

ომეგა (ბერძნ.) - ბერძნული ანბანის ბოლო ასოს სახელწოდება.

ომერ სეიფედინი - თურქი მწერალი (1884-1920 წწ).

ომი

ომი გეორგ ზიმონ - გერმანელი ფიზიკოსი (1787-1854 წწ).

ომია - ქალაქი იაპონიაში, კუნძულ ჰონსიუზე, სავტამის პრეფექტურაში (420 ათასი).

ომიანობა - ომის დრო, ხშირი ომები.

ომიაძე ალექსანდრე - მსახიობი, საქართველოს სახალხო არტისტი, მოღვაწეობდა მარჯანიშვილის სახელობის თეატრში (1902-1972 წწ).

ომისდროინდელი - ომის დროს არსებული.

ომისშემდგომი - ომის შემდეგ არსებული.

ომლადინა - სერბი ახალგაზრდების გაერთიანება; დაარსდა 1866 წელს.

ომლეტი (ფრანგ.) - ფქვილსა და რძეში ათქვეფილი კვერცხისაგან მომზადებული ერბოკვერცხი.

ომმეტრი - ელექტრული წინაღობის გასაზომი ხელსაწყო.

ომნიბუსი (ლათ.) - ცხენებშებმული მრავალადგილიანი კარეტა, რომელსაც დაჰყავდა მგზავრები გარკვეული მარშრუტით.

ომნოპონი (პანტოპონი) - ტკივილგამაყუჩებელი სამკურნალო პრეპარატი.

ომობანა - ომს მიმსგავსებული თამაში ბავშვებისა.

ომოიკანე - იაპონურ მითოლოგიაში - ღმერთი, რომელიც თავისი აზროვნებით სხვა ღმერთებს ეხმარება ძნელი საკითხების გადაჭრაში.

ომოლი თეოფილ - ფრანგი არქეოლოგი (1848-1925 წწ).

ომოლოი - მდინარე რუსეთის იაკუტიის რესპუბლიკის ჩრდილოეთ ნაწილში (სიგრძე - 593 კილომეტრი).

ომოლონი - მდინარე რუსეთის მაგადანის ოლქში, კოლიმის მარჯვენა შენაკადი (სიგრძე - 1114 კილომეტრი).

ომონიმი (ბერძნ.) - (ლინგვისტიკაში) სიტყვა, რომელიც ბგერითი შედგენილობით ემთხვევა სხვა სიტყვას, მნიშვნელობით და წარმოშობით კი განსხვავდება (მაგალითად, „ბარი“ - დაბლობი და „ბარი“ - მიწის დასამუშავებელი იარაღი).

ომონიმია (ბერძნ.) - მნიშვნელობით განსხვავებული სიტყვების დამთხვევა ბგერობრივად.

ომონიმიკა (ბერძნ.)

ომოფონები (ბერძნ.)

ომოფორმები - ომონიმური ფორმები (მაგალითად: შველი (არსებითი სახელი) და შველი (შენ, მას - ზმნა).

ომსკი - ქალაქი რუსეთის ციმბირულ ნაწილში, ამავე სახელწოდების ოლქის ადმინისტრაციული ცენტრი (1,1 მილიონი).

ომული - თევზი ორაგულისებრთა ოჯახისა.

ომულევსკი ინოკენტი (ნამდვილი გვარი ფიოდოროვი) - რუსი მწერალი (1836-1884 წწ).

ომუტა - ქალაქი-პორტი იაპონიაში, კუნძულ კისიუზე, ფუკუოკის პრეფექტურაში (150 ათასი).

ომუტნინსკი - ქალაქი რუსეთის კიროვის ოლქში (30 ათასი).

ომფალე - ძველი ბერძნული მითოლოგიის თანახმად, ლიდიის მეფის - ტმოლოსის ქვრივი, ლიდიის დედოფალი. მიჩნეული იყო მცირე აზიაში ქალების მფარველ ღვთაებად.

ომფალოსი - ძველი ბერძნული მითოლოგიის თანახმად, წმინდა ქვა; ყველაზე ძვირფასი ომფალოსი ინხებოდა დელფოში, აპოლონის ტაძარში, მას დედამიწის ცენტრად მიიჩნევდნენ.

ომფარეთი - სოფელი ლანჩხუთის მუნიციპალიტეტში.

ონაგრი (ბერძნ.) - გარეული ვირი.

ონადირი - IX-X საუკუნეების ქართული ხუროთმოძღვრების ძეგლი, წმინდა გიორგის ეკლესია სოფელ დიღმის მახლობლად.

ონავარი

ონანა მდივანი (ნამდვილი სახელი და გვარი ონანა ქობულაშვილი) - ქართველი პოეტი, მდივან-მწიგნობარი ერეკლე I-ისა და მისი შვილების კარზე (1657-1728 წწ).

ონანაური - სოფელი ლაგოდეხის მუნიციპალიტეტში.

ონანიზმი - სქესობრივი მოთხოვნილების არაბუნებრივი დაკმაყოფილება სასქესო ორგანოების გაღიზიანებით (სქესობრივი აქტის გარეშე). (ბიბლიური ლეგენდის პერსონაჟის - ონანას - სახელის მიხედვით).

ონასისი არისტოტელე სოკრატ - ბერძენი გემთმფლობელი, მილიარდერი (1906-1975 წწ).

ონასისი ჟაკლინ (ქალიშვილობის გვარი - ბუვიე) - ამერიკელი ჟურნალისტი და გამომცემელი ქალი, აშშ-ს ყოფილი პირველი ლედი 1961-63 წლებში, პრეზიდენტ ჯონ კენედის მეუღლე, 1968 წელს ცოლად გაჰყვა არისტოტელე ონასისს (1929-1994 წწ).

ონაშვილი გივი - მოჭიდავე (ძიუდო, +95 კგ). მიუნხენის ოლიმპიური თამაშების (1972) და მსოფლიოს ჩემპიონატის (1969) მესამე პრიზიორი, ევროპის ორგზის ჩემპიონი პირად (1974, 75) და გუნდურ (1970) პირველობაში, სამგზის მეორე (1969, 72, 76) და მესამე (1971) პრიზიორი, სსრკ ჩემპიონი (1973) (დაიბადა 1947 წელს).

ონაჰამა - ქალაქი-პორტი იაპონიის ფუკუსიმის პრეფექტურაში.

ონგერმან-ელვენი - მდინარე შვედეთში, ერთვის ბალტიის ზღვის ბოტნიის ყურეს (სიგრძე - 450 კილომეტრი).

ონგსტრემი ანდრეს იონას - იხილე ანგსტრემი ი.

ონგსტრემი ანდერს კნუტსონ - შვედი ფიზიკოსი (1888-1980 წწ).

ონგსტრემი კნუტ იუჰან - შვედი გეოფიზიკოსი (1857-1910 წწ).

ონდავა - მდინარე ჩეხეთში, მდინარე პოდროგის შენაკადი.

ონდანირხვა - სოფელი გუდაუთის მუნიციპალიტეტში.

ონდატრა - ძუძუმწოვარი მღრღნელთა რაზმისა; ბინადრობს ამერიკაში, აქვს წაბლისფერი ხშირი პრიალა ბეწვი.

ონდო - ქალაქი ნიგერიის ონდოს შტატში.

ონდოგრაფი (ფრანგ.) - ელექტრული ძაბვის ცვალებადობის ჩასაწერი ხელსაწყო.

ონდულატორი (ფრანგ.) - ელექტრომექანიკური ხელსაწყო, რომელიც იწერს ქაღალდის მოძრავ ლენტზე მორზეს სატელეგრაფო კოდის ნიშნებს ტეხილი ხაზის სახით.

ონეგა

1) ქალაქი რუსეთის არხანგელსკის ოლქში (25 ათასი).

2) მდინარე რუსეთის არხანგელსკის ოლქში (სიგრძე - 415 კილომეტრი).

ონეგერი არტიურ - ფრანგი კომპოზიტორი და მუსიკალური მოღვაწე, წარმოშობით შვეიცარიელი (1892-1955 წწ).

ონეგის ტბა - რუსეთის ევროპული ნაწილის ჩრდილო-დასავლეთ რეგიონში მდებარე ტბა (სიღრმე 127 მეტრამდე).

ონეგო - ონეგის ტბის ძველრუსული სახელი.

ონეიტესი - ძველი ბერძნული მითოლოგიის თანახმად, ჰერაკლეს და დეიანირეს ვაჟი.

ონეიროსი - ძველი ბერძნული მითოლოგიის თანახმად, სიზმრის მომავლინებელი ღვთაება.

ონეკოტანი - კუნძული კურილის არქიპელაგში.

ონერვა ლ. (ნამდვილი სახელი და გვარი - ჰილია ონერვა ლეჰტინენი, ქორწინებით - მადეტოა) - ფინელი მწერალი ქალი (1882-1972 წწ).

ონესიმი - დიდგვაროვანი მაკედონიელი, რომელმაც რომის იმპერატორთა ბიოგრაფიები დაწერა.

ონეტი ხუან კარლოსი - ურუგვაელი მწერალი (1909-1994 წწ).

ონეშტი (1990 წლამდე გეორგე-გეორგიუ-დეჟი) - ქალაქი რუმინეთის აღმოსავლეთ ნაწილში (50 ათასი).

ონთოლი - მდინარე ტყიბულის და წყალტუბოს მუნიციპალიტეტებში, ლეყერეთის მარჯვენა შენაკადი.

ონი

1) ქართული ანბანის რიგით მეთოთხმეტე ასოს - ო-ს სახელწოდება.

2) ქალაქი დასავლეთ საქართველოში, რაჭაში, ონის მუნიციპალიტეტის ადმინისტრაციული ცენტრი; მანძილი თბილისიდან 210 კმ (6 ათასი).

ონიანი ესმა - მხატვარი, პოეტი (1938-1999 წწ).

ონიანი ვახტანგ - მოქანდაკე და გრაფიკოსი, საქართველოს დამსახურებული მხატვარი (დაიბადა 1933 წელს).

ონიანი თენგიზ - ფიზიოლოგი, აკადემიკოსი (დაიბადა 1928 წელს).

ონიკაშვილი ნიკოლოზ - XVIII-XIX საუკუნეების ზღვარზე მოღვაწე მწიგნობარი, სამეფო კართან დაახლოებული, იოანე ბატონიშვილის მდივანი.

ო'ნილი იუჯინ გლადსტონ - ამერიკელი დრამატურგი (1888-1953 წწ).

ო' ნილი ოუენ როე - ირლანდიელთა 1641-52 წლების აჯანყების ერთ-ერთი ხელმძღვანელი (1590-1649 წწ).

ო' ნილი შაკილ - ამერიკელი კალათბურთელი, NBA-ს ყველა დროის ერთ-ერთი საუკეთესო მოთამაშე (დაიბადა 1972 წელს).

ო' ნილი ჰუგ (ჰიუ), გრაფი ტირონი - ირლანდიის ერთ-ერთი კლანის მეთაური ოლსტერში (დაახლოებით 1540-1616 წწ).

ონისი - ისტორიული ოლქი საფრანგეთის დასავლეთ ნაწილში, მთავარი ქალაქი - ლა-როშელი.

ონის მუნიციპალიტეტი - ადმინისტრაციულ-ტერიტორიული ერთეული დასავლეთ საქართველოში; 1917 წლამდე შედიოდა ქუთაისის გუბერნიის რაჭის მაზრაში, 1929 წლიდან რაჭა-ლეჩხუმის მაზრაში, 1930 წლიდან დამოუკიდებელი რაიონია. 1964-65 წლებში შედიოდა ამბროლაურის რაიონში, 1965 წლიდან არსებობს დღევანდელი საზღვრებით. 1 ქალაქი და 65 სოფელი.

ონიქია (ონიქოზი) - მედიცინაში - ფრჩხილების დაზიანება სხვადასხვა წარმოშობისა; ფრჩხილის ბუდის ანთება.

ონიქსი (ბერძნ.) - მინერალი, აქატის ნაირსახეობა; შედგება შავი და თეთრი შრეებისგან.

ონიჩა - ქალაქი ნიგერიის ანამბრის შტატში (350 ათასი).

ონკანი - სითხის ან აირის სადენი მილის საკეტი.

ონკენი ჰერმან - გერმანელი ისტორიკოსი (1869-1945 წწ).

ონკოლი (ინგლ.) - სპეციალური მიმდინარე ანგარიში, რომელსაც ხსნიან ბანკები საწინდრით - იმ პირობით, რომ სესხი დაიფარება ყოველ მომენტში ერთ-ერთი მხარის (ბანკის ან კლიენტის) მოთხოვნით.

ონკოლოგია (ბერძნ.) - მედიცინის დარგი, შეისწავლის სიმსივნეებს და მათი მკურნალობის მეთოდებს.

ონკოსფერო - თავისებური ჭიების უმეტესობის განვითარების ერთ-ერთი ლარვული სტადია.

ონლიქი - თურქული ვერცხლის მონეტა, მოჭრა დაიწყეს სულთან ოსმან II-ის (1618-22 წწ) დროს.

ონო ტაკასი - იაპონელი სპორტსმენი (ტანვარჯიში), ოლიმპიური თამაშების ხუთგზის ჩემპიონი 1956, 1960, 1964 წლებში (დაიბადა 1931 წელს).

ონოგურისი - ისტორიული ციხესიმაგრე დასავლეთ საქართველოში, ეგრისის სამეფოს მნიშვნელოვაბი სტრატეგიული პუნქტი.

ონოლია - სოფელი მარტვილის მუნიციპალიტეტში.

ონომასიოლოგია (ბერძნ.) - ლექსიკოლოგიის ნაწილი, რომელიც იკვლევს სიტყვას, როგორც გარკვეული საგნის ან მოვლენის სახელს.

ონომასტიკა (ბერძნ.)

ონომასტიკონი (ბერძნ.) - იგივეა, რაც ონომასტიკა (მნიშვნელობა 1).

ონომატოლოგია (ბერძნ.) - იგივეა, რაც ონომასტიკა (მნიშვნელობა 2).

ონომატოპეა (ბერძნ.) - ხმაბაძვითი სიტყვები.

ონონი - მდინარე მონღოლეთსა და რუსეთში, მდინარე შილკას მარჯვენა მდგენელი (სიგრძე - 1032 კილომეტრი).

ონო-ნო კომატი - იაპონელი პოეტი ქალი, ტანკას ჟანრის ერთ-ერთი ყველაზე თვალსაჩინო წარმომადგენელი (IX საუკუნე).

ონოფრიშვილი ირაკლი - კინოოპერატორი, საქართველოს ხელოვნების დამსახურებული მოღვაწე (დაიბადა 1935 წელს).

ონოღია - სოფელი მარტვილის მუნიციპალიტეტში.

ონსაგერი ლარს - ფიზიკოს-თეორიტიკოსი, ქიმიკოსი, ეროვნებით ნორვეგიელი, 1928 წლიდან ცხოვრობდა აშშ-ში, 1968 წლის ნობელის პრემიის ლაურეატი (1903-1976 წწ).

ონტარიო

ონტკოფა - ძაღლყურძენასებრთა ოჯახის მცენარე. იგივეა, რაც დუდღუბო.

ონტოგენეზი (ონტოგენეზისი) - ბიოლოგიაში - ორგანიზმის ინდივიდუალური განვითარება მისი ჩასახვიდან სიცოცხლის დასასრულამდე.

ონტოგენია (ბერძნ.) - იგივეა, რაც ონტოგენეზი.

ონტოლოგია (ბერძნ.) - ფილოსოფიური მოძღვრება ყოფიერების შესახებ (განსხვავებით გნოსეოოგიისაგან, რომელიც სწავლობს შემეცნებას).

ონტოფო - სოფლების პირველი ონტოფოს და მეორე ონტოფოს გავრცელებული სახელწოდება (აბაშის მუნიციპალიტეტი).

ონჩული დიმიტრიე - რუმინელი ისტორიკოსი, რუმინეთის მეცნიერებათა აკადემიის პრეზიდენტი (1856-1923 წწ).

ონჭევი - სოფელი ონის მუნიციპალიტეტში.

ონჭეიში - სოფლების ზედა ონჭეიშის და ქვედა ონჭეიშის გავრცელებული სახელწოდება (წყალტუბოს მუნიციპალიტეტი).

ონჭიქეთი - ჩოხატაურის მუნიციპალიტეტის სოფლების ზემო ონჭიქეთისა და ქვემო ონჭიქეთის ძველი სახელწოდება.

ონჭო (Satureja spicigera) - ბალახოვანი მცენარე, აქვს ვიწრო სურნელოვანი ფოთლები, იკეთებს თეთრ ყვავილს.

ონჯოხეთი - სოფელი ვანის მუნიციპალიტეტში (გადიდის თემის საკრებულო), მდებარეობს იმერეთის სამხრეთ მთისწინეთში. ზღვის დონიდან - 280 მეტრი. ვანიდან - 7 კილომეტრი. 2002 წლის აღწერის მონაცემებით სოფელში ცხოვრობს 213 ადამიანი.

ოოგამია (ბერძნ.) - მცენარეებისა და ცხოველების სქესობრივი პროცესის ტიპი - განაყოფიერების დროს ზომით, ფორმითა და ქცევით მკვეთრად განსხვავებული სასქესო უჯრედები - გამეტები შეირწყმებიან და წარმოქმნიან ზიგოტას.

ოოგენეზი (ბერძნ.) - ცხოველების მდედრობითი სასქესო უჯრედის (კვერცხის ან კვერცხუჯრედის) განვითარება.

ოოგონიუმი (ბერძნ.) - მდედრობითი სასქესო ორგანო (გამეტანგიუმი) ბევრი უდაბლესი მცენარისა, რომელთათვისაც დამახასიათებელია ოოგამია.

ოოთეკა (ბერძნ.) - ზოგი მწერის საკვერცხე პარკუჭი.

ოოკა სეჰეი - იაპონელი მწერალი (1909-1989 წწ).

ოოლითები (ბერძნ.) - ბურთისებრი ან ელიფსოიდური წარმონაქმნები, რომლებშიც შედის რკინის ჟანგეულები, კალციტი, დოლომიტი და სხვა მინერალები; წარმოიქმნება ზღვის წყალში და თბილ წყაროებში.

ოოლოგია (ბერძნ.) - ორნითოლოგიის ნაწილი - მეცნიერება ფრინველთა კვერცხების შესახებ.

ოოლონგი - იგივეა, რაც წითელი ჩაი.

ოომიცეტები (ბერძნ.) - ქვეკლასი უდაბლესი სოკოებისა (ფიკომიცეტებისა), რომელთაც აქვთ კარგად განვითარებული ერთუჯრედიანი მრავალბირთვული მიცელიუმი.

ოორტი იან ჰენდრიკ - ნიდერლანდელი ასტრონომი (1900-1985 წწ).

ოოსპორა (ბერძნ.) - ზოგი წყალმცენარისა და სოკოს ერთუჯრედიანი სპორა, რომელიც ვითარდება განაყოფიერებული კვერცხუჯრედიდან.

ოოფორიტი (ბერძნ.) - ქალის საკვერცხის ანთება.

ოოციტი - მდედრობითი სასქესო უჯრედი ზრდისა და მომწიფების პერიოდში.

ოპავა - ქალაქი ჩეხეთის ჩრდილოეთ მორავიის ოლქში (65 ათასი).

ოპაკი (ლათ.) - უმაღლესი ხარისხის ფაიანსი, რომლისგანაც ჭურჭელს აკეთებენ.

ოპალი (ლათ.<სანსკრ.) - მინერალი სხვადასხვა ფერისა, რომლის ზოგი სახეობა წარმოადგენს ძვირფას ქვას.

ოპალინა - პარაზიტული უმარტივესების გვარი შოლტოსნების კლასისა.

ოპ-არტი (ინგლ.) - თანამედროვე ხელოვნებაში - მიმართულება, რომელიც იყენებს ოპტიკურ ეფექტებს (ხაზობრივსა და ფერადს) დეკორატიული მიზნებისათვის).

ოპატია - ქალაქი-პორტი ხორვატიაში (30 ათასი).

ოპელი - გერმანიის საავტომობილო წარმოების კომპანია, შედის „ჯენერალ მოტორსის“ შემადგენლობაში. დაარსებულია 1898 წელს; შტაბ-ბინა მდებარეობს გერმანიის ქალაქ რუსელჰაიმეში.