ეა (ეია)

ეაგრე

ეაგროსი (ეაგრე) - ძველი ბერძნული მითოლოგიის თანახმად, მდინარის ღმერთი, მუზა კალიოპეს ქმარი. ერთ-ერთი მითის მიხედვით, ორფევსის მამა.

ეაკიდე - ეაკოსის ვაჟი ან საერთოდ შთამომავალი. ეაკიდად ძირითადად აქილევსს მიიჩნევდნენ.

ეაკოსი (ეაკე) - ძველი ბერძნული მითოლოგიის თანახმად, ზევსისა და ფერია ეგინას ვაჟი, კუნძულ ეგინას მითიური მეფე, ტელამონისა და პელევსის მამა, ეანტოს დიდი პაპა. სიკვდილის შემდეგ ქვესკნელის სამყაროს სამთაგან ერთ-ერთი მსაჯულთაგანი.

ეაკულაცია (ლათ.) - თესლის გადმონთხევა.

ეამი - (აბრევიატურა) საბერძნეთის ეროვნულ განმათავისუფლებელი ფრონტი, რომელიც 1941 წელს შეიქმნა.

ეანა - ტაძარი ურუქში.

ეანათუმი - შუმერის ქალაქ-სახელმწიფო ლაგაშის სახელმწიფოს მმართველთა პირველი დინასტიის ერთ-ერთი ყველაზე გავლენიანი მმართველი (დაახლოებით ძვ.წ.აღ. 2450-2425 წწ).

ეანეში ანტონიუ დუშ სანტუშ რამალიუ - პორტუგალიის სამხედრო და პოლიტიკური მოღვაწე, პორტუგალიის პრეზიდენტი 1976-86 წლებში (დაიბადა 1935 წელს).

ეანეში ჟილ - XV საუკუნის პორტუგალიელი ზღვაოსანი, 1433 წელს მიაღწია კანარის კუნძულებამდე.

ეანტები - ძველი ბერძნული მითოლოგიის თანახმად, ორი გმირის სახელი: დიდი ანუ ბუმბერაზი ეანტი და ეანტი მცირე. ტროას ომის მონაწილენი, რომელთა მეგობრობა განზოგადდა და გადატანითი მნიშვნელობით „განუყრელი მეგობრების“ სიმბოლოდ იქცა. იგივე აიაქსები.

ეარი - გაზაფხული (საბა).

ეასტ-ი - (რუსული აბრევიატურა) თავისუფალი ვაჭრობის ევროპული ასოციაცია.

ებაბარა (შუმერ. „მზის სახლი“) - მზის ტაძარი ქალაქ ლარსაში.

ებადი შირინ - იხილე აბადი შ.

ებალე - სპარტის მეფე (ძველი საბერძნეთი).

ებანი

ებანოიძე ლევან - მეცნიერი-ისტორიკოსი, ისტორიის მეცნიერებათა დოქტორი (დაიბადა 1907 წელს).

ებეიტი - ყველაზე დიდი მლაშე ტბა რუსეთის ომსკის ოლქში, იშიმის ვაკეზე (ფართობი - 90-113 კვ. კმ. სიღრმე მერყეობს სხვადასხვა წლებში - 0,6-დან 3 მეტრამდე).

ებეკო - მოქმედი ვულკანი კუნძულ პარამუშირზე (რუსეთის სახალინის ოლქი).

ებელებენი - ქალაქი გერმანიის ტიურინგიის მხარეში, შედის კიფჰოიზერის რაიონში.

ებელი ჟან პიერ - ფრანგი ბიოქიმიკოსი (დაიბადა 1920 წელს).

ებელინგი ადოლფ - გერმანელი მწერალი 1827-1896 წწ).

ებელინგი კარლ - ჰოლანდიელი ენათმეცნიერი, იკვლევდა დაღესტნის ენებს (1892-1980 წწ).

ებერბახი - ქალაქი გერმანიის ბადენ-ვიურტემბერგის მხარეში (15 ათასი).

ებერდინი ჯორჯ - იხილე აბერდინი.

ებერდინშირი - საგრაფო (იგივე აბერდინი).

ებერი ანა - კანადელი პოეტი, დრამატურგი, პროზაიოსი ქალი; წერდა ფრანგულ ენაზე (1916-2000 წწ).

ებერი ჟაკ რენე - საფრანგეთის დიდი რევოლუციის მოღვაწე, მემარცხენე იაკობინელი, ჟურნალისტი (1754-1794 წწ).

ებერკრომბი - იხილე აბერკრომბი ლ.

ებერლე კრისტოფ - ავსტრიელი დირიჟორი (დაიბადა 1959 წელს).

ებერნი - ქალაქი გერმანიის ბავარიის მხარეში (8 ათასი).

ებერსვალდე (ებერსვალდე-ფინოვი) - ქალაქი აღმოსავლეთ გერმანიაში, ბრანდენბურგის მხარეში (55 ათასი).

ებერსვალდ-ფინოვი - იხილე ებერსვალდე.

ებერსი გეორგ - გერმანელი ეგვიპტოლოგი და მწერალი (1837-1898 წწ).

ებერტი კარლ ჟოზეფ - გერმანელი ბაქტერიოლოგი (1835-1926 წწ).

ებერტი მაქს - გერმანელი არქეოლოგი, ბალტიისპირეთის და აღმოსავლეთ ევროპის ქვეყნების სპეციალისტი (1879-1929 წწ).

ებერტი ფრიდრიხ - გერმანიის სოციალ-დემოკრატიული პარტიის ლიდერი. ქვეყნის პრეზიდენტი, 1919-25 წლებში (1871-1925 წწ).

ებერტისტები - საფრანგეთის დიდი რევოლუციის დროს: მემარცხენე პოლიტიკური დაჯგუფება იაკობინელთა რიგებში (მისი ერთ-ერთი ხელმძღვანელის ჟ.რ.ებერის გვარის მიხედვით).

ებერშტი იაკობ - ჟაკ ოფენბახის ნამდვილი გვარი.

ებერჰარდი - გერმანული წარმოშობის სახელი მამაკაცისა, წარმოდგა გერმანული სიტყვებისგან: „ებერ“ (ტახი) და „ჰარდ“ (მაგარი, მტკიცე).

ებერჰარდი დენის - ამერიკელი კომპოზიტორი (1943-2005 წწ).

ებიკონი - ქალაქი შვეიცარიის ლუცერნის კანტონში.

ებილვილი - ქალაქები აშშ-ს ლუიზიანას (11 ათასი) და სამხრეთ კაროლინას (6 ათასი) შტატებში.

ებინგჰაუზი ჰერმან - გერმანელი ფსიქოლოგი, ასოციაცინისტური ფსიქოლოგიის წარმომადგენელი (1850-1909 წწ).

ები-ნური - გაუდინარი მლაშე ტბა ჩინეთის ჩრდილო-დასავლეთ ნაწილში.

ებისუ - წარმატების მომნიჭებელი ერთ-ერთი შვიდთაგანი ღმერთი იაპონურ მითოლოგიაში.

ებიჰარა ჰიროიუკი - იაპონელი პროფესიონალი მოკრივე, მსოფლიოს ჩემპიონი უმჩატეს წონაში WBA-ს ვერსიით XX საუკუნის 60-იან წლებში (1940-1991 წწ).

ებლა - უძველესი სავაჭრო ქალაქი-სახელმწიფო ევფრატის დასავლეთ ნაპირზე, სირიაში, ძვ.წ.აღ. I საუკუნეში.

ებლინგი რიჩარდ - ამერიკელი ეკონომისტი (დაიბადა 1950 წელს).

ებნერ-ეშენბახი მარი ფონ - ავსტრიელი მწერალი ქალი (1830-1916 წწ).

ებნერი კლაუს - ავსტრიელი მწერალი (დაიბადა 1964 წელს).

ებნისი - სოფელი დუშეთის მუნიციპალიტეტში (მჭადიჯვრის თემის საკრებულო), ალევის ქედის სამხრეთ კალთაზე, მდინარე ნარეკვავის ხეობაში. ზღვის დონიდან - 1040 მეტრი, დუშეთიდან - 12 კილომეტრი. 2002 წლის აღწერის მიხედვით სოფელში ცხოვრობს 229 კაცი.

ებოლა - მდინარე კონგოში, მდინარე მონგალას ერთ-ერთი მდგენელი.

ებოლოვა - ქალაქი კამერუნის ცენტრალური სამხრეთის პროვინციაში (25 ათასი).

ებონიტი (ინგლ.) - მაგარი მასალა. რომელსაც იღებენ რეზინული შენარევების ვულკანიზაციით.

ებორიხი - დასავლელგერმანელი ტომების სვებების მეფე 583-584 წლებში.

ებოტი ედვინ ებოტ - ინგლისელი მწერალი, თეოლოგი (1838-1926 წწ).

ებოტი ჯეიკობ - ჩრდილოამერიკელი მწერალი, პასტორი ( 1803-1879 წწ).

ებრ (ებრივ) - თანდებული, რომელიც დაერთვის სახელთა ფუძეს ან ნათესაობით ბრუნვას და აღნიშნავს მსგავსებას.

ებრაელები (საკუთარი სახელი იეჰუდიმ) - მსოფლიოს ერთ-ერთი უძველესი ხალხი, წარმოშობილი პალესტინის ძველი მოსახლეობისაგან; მთელ მსოფლიოში 14 მილიონზე მეტი ებრაელი ცხოვრობს.

ებრაელთა ავტონომიური ოლქი - ავტონომიური წარმონაქმნი რუსეთის ხაბაროვსკის მხარეში, მდინარე ამურის აუზში. შეიქმნა 1934 წელს. ადმინისტრაციული ცენტრი - ბირობიჯანი.

ებრაიზმი - იხილე ჰებრაიზმი.

ებრაისტი - იხილე ჰებრაისტი.

ებრაისტიკა - იხილე ჰებრაისტიკა.

ებრალიძე არჩილ - მოჭადრაკე. ოსტატი (1941). საქართველოს ოთხგზის ჩემპიონი (1938, 39, 41, 46). მსოფლიოს ექს-ჩემპიონ ტიგრან პეტროსიანის პირველი მწვრთნელი (1908-1960 წწ).

ებრალიძე რევაზ - კინოსცენარისტი (ფილმები: „ამბავი ერთი ქალიშვილისა“, „უდიპლომო სასიძო“, „ქალაქი ადრე იღვიძებს“) (1921-1980 წწ).

ებრაული დამწერლობა - ანბანური კონსონანტური დამწერლობა. გამოყენება დაიწყეს ძვ.წ.აღ. III საუკუნიდან და იხმარება როგორც თვით ებრაული ენისთვის, ისე ევროპულ (იდიში) და თურქულ (ყარაიმული) ენებზე აღმოცენებული ებრაული მეტყველების გადმოსაცემად.

ებრაული ენა (სახესხვაობები: ივრითი, იდიში) - განეკუთვნება სემიტურ ენათა ქანაანურ ჯგუფს. მისი უძველესი ძეგლებია ბიბლია და სხვადასხვა ეპიგრაფიკული ქმნილებები (მაგალითად, გეზერის კალენდარი - ძვ.წ.აღ. VII ს), თანამედროვე ისრაელის ოფიციალური სახელმწიფო ენა.

ებრაული ქვა (წვრილი გრანიტი, პეგმატიტი) - გრანიტის სტრუქტურული სახესხვაობა, რომელშიც მინდვრის შპატი და კვარცი ერთმანეთთან კანონზომიერადაა შეზრდილი.

ებრენიკი - თეთრ-მარცვალი დიკა (საბა).

ებრო - მდინარე ესპანეთის ჩრდილო-აღმოსავლეთ ნაწილში, სათავეს იღებს კანტაბრიის მთებში, ერთვის ხმელთაშუა ზღვას (აუზის ფართობი - 86,8 ათასუ კვ.კმ. სიგრძე - 928 კილომეტრი).

ებუდი - სოფელი მესტიის მუნიციპალიტეტში.

ებულიოსკოპია (ლათ.) - კვლევის ფიზიკურ-ქიმიური მეთოდი, დაფუძნებულია ამა თუ იმ ნივთიერების ხსნარის დუღილის ტემპერატურის ამაღლების გაზომვაზე.

ეგ - ქართული ენის ჩვენებითი ნაცვალსახელი, მიუთითებს მეორე პირთან ახლოს მდებარე საგანზე, გამოყენებულია მესამე პირის ნაცვალსახელადაც.

ეგადის კუნძულები - მდებარეობს ხმელთაშუა ზღვაში, ეკუთვნის იტალიას.

ეგალიტარიზმი (ფრანგ.) - კონცეფცია საყოველთაო გათანაბრებისა, როგორც საზოგადოებრივი ცხოვრების პრინციპისა.

ეგარსლან ბაკურციხელი - XIII საუკუნის ქართველი პოლიტიკური მოღვაწე, მონაწილეობდა კოხტასთავის შეთქმულებაში.

ეგაძე ოთარ - დრამატურგი, ხელოვნების კრიტიკოსი (დაიბადა 1913 წელს).

ეგბერტი - უესექსის მეფე 802-839 წლებში, რომელმაც ანგლოსაქსონური ინგლისის დიდი ნაწილი გააერთიანა (გარდაიცვალა 839 წელს).

ეგე (იეგე) ლადისლავ (ნამდვილი გვარი ნადაში) - სლოვაკი მწერალი (1866-1940 წწ).

ეგე

ეგებ (ეგება, ეგების) - იგივეა, რაც „იქნებ“.

ეგედე-ნისენი ადამ-იალმარ - ნორვეგიისა და საერთაშორისო მუშათა მოძრაობის მოღვაწე (1868-1953 წწ).

ეგეთი - როგორც ეგ არის, მაგისნაირი.

ეგეიონი - ეგეოსის ტაძარი ძველ ათენში.

ეგელნი - ქალაქი გერმანიის საქსონია-ანჰალტის მხარეში.

ეგეოსი (ეგევსი) - ძველი ბერძნული მითოლოგიის თანახმად, ათენის მეფე, კეკროპის შვილიშვილი, პანდიონის ვაჟი, თეზევსის მამა. თავი ზღვაში დაიხრჩო და ამ ზღვას მისი სახელი ეწოდა.

ეგეოსის ზღვა - ნახევრად დახშული ზღვა ხმელთაშუა ზღვის აუზში, ბალკანეთისა და მცირე აზიის ნახევარკუნძულებს შორის. ფართობი 191 ათასი კვ.კმ. მაქსიმალური სიღრმე - 2561 მეტრი.

ეგეოსის კულტურა (კრეტა-მიკენის კულტურა) - ბრინჯაოს ხანის (ძვ.წ.აღ. III-II ათასწლეული) კულტურა, გავრცელებულია ხმელთაშუა ზღვის აღმოსავლეთ ნაწილში.

ეგერ (დიალექტ.) - აი იქ, აგერ იქ.

ეგერევი ვიქტორ - რუსი არქიტექტორი, საბჭოთა კავშირის სახალხო არქიტექტორი (დაიბადა 1923 წელს).

ეგერი - ქალაქი უნგრეთის ჩრდილოეთ ნაწილში, ჰევეშის მედიეს ადმინისტრაციული ცენტრი (65 ათასი).

ეგერი (გერმ.)

ეგერია - რომაულ მითოლოგიაში წყაროდ ქცეული ქალი, რომლის კულტი გადატანითი მნიშვნელობით მრჩეველ, ხელმძღვანელ ქალს ნიშნავს.

ეგერმეისტერი - რუსეთის იმპერიაში საიმპერატორო ნადირობის ხელმძღვანელი.

ეგერტი ჯონ ემილ მაქს - გერმანელი ქიმიკოსი და ფიზიკოსი (1891-1973 წწ).

ეგერშეგი (ეგერსეგი) კრისტინა - უნგრელი სპორტსმენი ქალი (ზურგზე ცურვა, კომპლექსური ცურვა), 1988 წელს 14 წლის ასაკში გახდა ოლიმპიური ჩემპიონი, 1992 და 1996 წლების ოლიმპიადებზე კიდევ ოთხჯერ გაიმარჯვა. მსოფლიოს მრავალგზის ჩემპიონი და რეკორდსმენი (დაიბადა 1974 წელს).

ეგესტატე - ძველრომაელთა წარმოდგენით, სიღარიბისა და მათხოვრობის განსახიერება. გამოისახებოდა ხელგაწვდილად ჯოჯოხეთის კართან.

ეგვიპტე (ეგვიპტის არაბთა რესპუბლიკა, jumhuriiaTi misr al-arabia).

ეგვიპტელები - ეგვიპტის ძირითადი მოსახლეობა (54,5 მილიონი).

ეგვიპტოლოგია - აღმოსავლეთმცოდნეობის ერთ-ერთი დარგი, რომელიც ძველი ეგვიპტის ენას, დამწერლობას, კულტურას და არქეოლოგიურ ძეგლებს შეისწავლის.

ეგვიპტოსი - ეგვიპტის მითიური მეფე, 50 ვაჟის მამა.

ეგვიპტური - ეგვიპტისათვის დამახასიათებელი.

ეგვიპტური გირვანქა - ფულის ერთეული ეგვიპტის არაბთა რესპუბლიკაში, უდრის 100 პიასტრს.

ეგვიპტური დამწერლობა - იეროგლიფური დამწერლობა, რომელსაც იყენებდნენ ძველ ეგვიპტეში. უძველესი ტექსტები მიეკუთვნება ძვ.წ.აღ. IV ათასწლეულის ბოლოს.

ეგვიპტური ენა - ძველი ეგვიპტელების აწ მკვდარი ენა, განეკუთვნება სემიტურ-ქამიტურ ენათა ოჯახს.

ეგვტერი და ეკვდერი (ბერძნ.)

ეგზალტაცია (ლათ.) - უკიდურესად აღგზნებული ან აღფრთოვანებული მდგომარეობა, რაც რეფრაქტორული პერიოდის შემდეგ წარმოიქმნება ნერვულ ქსოვილში.

ეგზალტირებული - უკიდურესად აღგზნებული, აღფრთოვანებული.

ეგზამენი (ლათ.) - ძველად ითქმოდა „გამოცდის“ სანაცვლოდ.

ეგზამინატორი - გამომცდელი.

ეგზარაცია (ლათ.) - მყინვარული ეროზია, მყინვარის მოქმედება ხმელეთის ზედაპირზე, რის შედეგადაც წარმოიქმნება რელიეფის მყინვარული ფორმები.

ეგზარქატი - მართლმადიდებელ ეკლესიაში რამდენიმე ეპარქიის გამაერთიანებელი საეკლესიო ოლქი.

ეგზარქოსი (ბერძნ)

ეგზეგეზა (ბერძნ.)

ეგზეგეტიკა (ბერძნ.) - ღვთისმეტყველების დარგი, რომლის მიზანია საღმრთო წერილის - ბიბლიის (დაბადების) - ახსნა-განმარტება.

ეგზეკვატურა (ლათ.)

ეგზეკუტორი (ლათ.)

ეგზეკუცია (ლათ.) - დამსჯელი რაზმების ჩაყენება მთავრობის საწინააღმდეგოდ განწყობილ სოფლებში.

ეგზემა (ბერძნ.) - კანის ანთებითი დაავადება, რომლისთვისაც დამახასიათებელია გამონაყარი, ბუგრები, ბუშტუკები, ჩირქგროვა.

ეგზემპლარი (ლათ.) - ერთგვაროვანი საგნების ცალკეული ნიმუში.

ეგზემპლიფიკაცია (გერმ.) - ახსნა მაგალითების საშუალებით, საილუსტრაციო მასალის დართვა.

ეგზერსისი (ფრანგ.) - სავარჯიშო, ვარჯიში (ჩვეულებრივ, მუსიკაში).

ეგზიბიციონიზმი - იხილე ექსჰიბიციონიზმი.

ეგზითპოლი (ინგლ.) - არჩევნებში მონაწილე პირთა გამოკითხვა საარჩევნო პუნქტიდან გამოსვლისთანავე.

ეგზისტენციალი - გერმანული ეგზისტენციალური ფილოსოფიის წარმომადგენლის, მ. ჰაიდეგერის მიერ შემოღებული ტერმინი; აღნიშნავს ადამიანის ყოფიერების ძირითად სტრუქტურას, რითაც განსხვავდება კატეგორიისაგან.

ეგზისტენციალიზმი (ლათ.) - მიმართულება თანამედროვე ფილოსოფიაში; მისი ძირითადი თემაა პიროვნების ბედ-იღბალი თანამედროვე სამყაროში, რწმენა და ურწმუნობა, სიცოცხლის აზრის დაკარგვა და შეძენა.

ეგზიტპოლი - იხილე ეგზითპოლი.

ეგზო (ბერძნ.) - რთული სიტყვის პირველი შემადგენელი ნაწილი, აღნიშნავს გარეთ, რისამე გარეშე მყოფს.

ეგზოასკები - სოკოების ოჯახი ჩანთიანების კლასისა, ძირითადად ვარდისებრთა და არყისებრთა ოჯახის მერქნიანი მცენარეების პარაზიტია.

ეგზობიოლოგია - ექსპერიმენტალური სამეცნიერო დისციპლინა, რომელიც იკვლევს სიცოცხლის დედამიწის გარეშე ფორმებს.

ეგზოგამია (ბერძნ.) - ჩვეულება, რომლის მიხედვითაც აკრძალულია ქორწინება ერთი და იმავე გვარის ან თემის წარმომადგენლებს შორის.

ეგზოგენური (ბერძნ.) - რაც წარმოიქმნება დედამიწის ზედაპირზე გარეშე ძალების ზემოქმედებით.

ეგზოდერმა (ბერძნ.) - იგივეა, რაც ექტოდერმა.

ეგზოთერმული - რაც დაკავშირებულია სითბოს გამოყოფასთან.

ეგზოკრინული ჯირკვლები - ცხოველებისა და ადამიანის ჯირკვლები, რომლებიც სეკრეტს სპეციალური სადინარებით გამოყოფენ სხეულის ზედაპირზე.

ეგზომ - ამდენად, მაგდენად.

ეგზომი - ამოდენა, მაგოდენა.

ეგზოსტოსი - ერთჯერადი ან მრავალჯერადი წანაზარდები ძვლის ზედაპირზე.

ეგზოსფერო - ატმოსფეროს ზედა შრე.

ეგზოტერიკული (ბერძნ.) - რაც საიდუმლოს არ წარმოადგენს და განკუთვნილია ყველასათვის (ითქმის რელიგიური წესების, მისტიკურ მოძღვრებათა, მაგიურ ფორმულათა შესახებ).

ეგზოტი (ბერძნ.) - უცხო ქვეყნიდან შემოტანილი მცენარე (ან შემოყვანილი ცხოველი), რომელიც ადგილობრივი ჰავისათვის არ არის დამახასიათებელი.

ეგზოტიკა (ბერძნ.) - ყველაფერი ის (ბუნება, ყოფა-ცხოვრება, კულტურა), რაც უჩვეულოა ევროპის ქვეყნებისათვის.

ეგზოტიკური

ეგზოფთალმი - თვალის კაკლის გადმოკარკვლა თვალის ბუდიდან.

ეგიალევსი - ზოგი ბერძნული მითის თანახმად, მედეას ძმა, იგივე აფსირტე, ერთი ეპიგონთაგანი.

ეგიალეია - ძველი ბერძნული მითის თანახმად, არგოსის მეფის ადრასტეს ქალიშვილი.

ეგიდა (ეგიდე) - ძველბერძნული მითოლოგიის თანახმად, ჰეფესტოს მიერ ზევსისათვის გაკეთებული ფარი. გადატანითი მნიშვნელობით ეგიდე მფარველობას, დაცვას, ფარს ეწოდება.

ეგიინგოლი - იხილე ეგინგოლი.

ეგიკა - ვესტგოთების მეფე 687-701 წლებში (610-702 წწ).

ეგიკორეოსი - ძველი ბერძნული მითოლოგიის თანახმად, იონიელთა მითიური წინაპრის - იონის ვაჟი. ერთ-ერთი ატიკური ფილის ეპონიმი.

ეგილეა - კუნძული ევბეის სანაპიროსთან (ძველი საბერძნეთი).

ეგიმიოსი - ძველი ბერძნული მითოლოგიის თანახმად, დორიელთა მითიური მეფე, ჰერაკლეს მოკავშირე.

ეგინა

ეგინგოლი (ეგიინგოლი) - მდინარე სელენგის მარცხენა შენაკადი მონღოლეთში.

ეგიოხი (ეგიოხოსი) - ძველი ბერძნული მითოლოგიის თანახმად, ზევსის ერთ-ერთი მეტსახელი, ეპითეტი (ნიშნავს „ეგიდეს მპყრობელს“).

ეგიპტე - ძველი ბერძნული მითოლოგიის თანახმად, ბელეს ვაჟი, ეგვიპტის მითიური მეფე.

ეგიპტიოსი - ძველი ბერძნული მითოლოგიის თანახმად, ოიდიპოსის მეგობარი.

ეგისთე - ძველი ბერძნული მითოლოგიის თანახმად, აგამემნონის მკვლელი, კლიტემნესტრას საყვარელი, მიკენეს მეფე შვიდი წლის განმავლობაში.

ეგკი ვერნერ - გერმანელი კომპოზიტორი (1901-1983 წწ).

ეგლე - ძველი ბერძნული მითოლოგიის თანახმად, თესევსის მეუღლე.

ეგლომიზე - ხეზე ან მინაზე შესრულებული ორნამენტი, რომელიც კლასიციზმის ეპოქაში იყო პოპულარული.

ეგმონტი ლამორალ - გრაფი, ესპანეთის მხედართმთავარი და ნიდერლანდის სახელმწიფო მოღვაწე, ნიდერლანდში ანტიესპანური ოპოზიციის ერთ-ერთი ლიდერი, ისტორიას შემორჩა „ეგმონტ“-ის სახელით (1522-1568 წწ).

ეგმონტი

ეგმონტის კუნძულები - შედის ჩაგოსის არქიპელაგში (ინდოეთის ოკეანე).

ეგნატაშვილი ბერი - ისტორიკოსი, ჩამომავლობით აზნაური (გარდაიცვალა დაახლოებით XVIII საუკუნის მეორე ნახევარში).

ეგნატაშვილი გიორგი - სპორტსმენი, ტანმოვარჯიშე, პედაგოგი და მოღვაწე, ქართული სატანვარჯიშო სკოლის ერთ-ერთი ფუძემდებელი (1885-1962 წწ).

ეგნატაშვილი სიმონ იაგორის ძე (იგნატიევი) - XVIII საუკუნის მეორე ნახევრის მწიგნობარი, მთარგმნელი. ცხოვრობდა მოსკოვის ქართველთა კოლონიაში.

ეგნაცია - ძველრომაული ქალაქი, რომელიც იტალიის პროვინცია აპულიაში მდებარეობდა ძვ.წ.აღ. IV-III საუკუნეებში.

ეგოიანი ატომ - სომხური წარმოშობის კანადელი რეჟისორი, სცენარისტი, პროდიუსერი (დაიბადა 1960 წელს).

ეგოიზმი (ფრანგ.) - საკუთარი ინტერესების საზოგადოებრივზე წინ დაყენება, მხოლოდ პირად კეთილდღეობაზე ზრუნვა.

ეგოისტი - ეგოიზმით შეპყრობილი ადამიანი.

ეგოისტური - ეგოისტის დამახასიათებელი.

ეგონი - ძველი ბერძნული მითოლოგიის თანახმად, არგოსის მითიური მეფე.

ეგორიევსკი - ქალაქი რუსეთის მოსკოვის ოლქში (75 ათასი).

ეგორლიკი - მდინარე ჩრდილო კავკასიაში (სტავროპოლის მხარე), მანიჩის მარცხენა შენაკადი (სიგრძე - 448 კილომეტრი).

ეგოროვა ლუბოვ - რუსი სპორტსმენი ქალი, მსოფლიოსა და ოლიმპიური თამაშების მრავალგზის ჩემპიონი სათხილამურო სპორტში (დაიბადა 1966 წელს).

ეგოროვი ალექსანდრე - საბჭოთა კავშირის მარშალი (1883-1939 წწ).

ეგოროვი ალექსეი - რუსი ფერმწერი, წარმოშობით ყალმუხი, კლასიციზმის წარმომადგენელი (1776-1851 წწ).

ეგოროვი ბორის - რუსი კოსმონავტი, საბჭოთა კავშირის გმირი, მედიცინის მეცნიერებათა დოქტორი, 1964 წელს იფრინა კოსმოსში (1937-1994 წწ).

ეგოროვი ვლადიმირ - თეატრისა და კინოს რუსი მხატვარი (1878-1960 წწ).

ეგოროვი იური - რუსი კინორეჟისორი და სცენარისტი (1920-1982 წწ).

ეგორშინო - სვერდლოვსკის (ეკატერინბურგის) ოლქის ქალაქ არტემოვსკის სახელი 1938 წლამდე.

ეგოს-პოტამოსი - მდინარე თრაკიის ქერსონესში (ძველი საბერძნეთი).

ეგოტიზმი (ფრანგ.) - გადაჭარბებული წარმოდგენის ქონა საკუთარ თავზე, საკუთარ ღირსებასა და მნიშვნელობაზე.

ეგოტოვი ივან - რუსი არქიტექტორი, კლასიციზმის წარმომადგენელი (1756-1814 წწ).

ეგოფსიქოლოგია - სიღრმისეული ფსიქოლოგიის მიმდინარეობა, რომელიც წინა პლანზე შეგნებულ „მე“-ს აყენებს, როგორც წარმმართველ ძალას ფსიქიკის ინტეგრაციის დროს.

ეგოცენტრიზმი (ლათ.) - ეგოიზმისა და ინდივიდუალობის გამოვლენის უკიდურესი ფორმა; საკუთარი პიროვნებით გატაცება, წარმოდგენა, რომ იგი ქვეყნიერების ცენტრია.

ეგოცენტრული მეტყველება - სკოლამდელი ასაკის ბავშვთა მეტყველების განსაკუთრებული ფორმა, ბავშვის ლაპარაკი საკუთარ თავთან.

ეგრე - მაგნაირად.

ეგრეთწოდებული (შემოკლებით „ე.წ.“)

ეგრეტი (ფრანგ.) - ქალის თავსაბურავზე (შლაპაზე) დამაგრებული, ზევით აშვერილი ფრთა ან სხვა რამე მსგავსი სამკაული.

ეგრეში გაბორ - უნგრელი მსახიობი (1808-1866 წწ).

ეგრი (ეგრისი) - ისტორიული ქალაქი მდინარე ენგურის ქვემო წელში. დაუარსებია ლეგენდარულ ეთნარქ ეგროსს.

ეგრიდირი - ტბა თურქეთის ტავრის მთებში.

ეგრისელაშვილი გიორგი (ფსევდონიმები „დრაკო ლოკჰარდი“, „ჯორჯ ლოკჰარდი“) - მწერალი-ფანტასტი (დაიბადა 1976 წელს).

ეგრისი (ეგრი, ეგური)

ეგრისის სამეფო (ლაზიკის დამეფო) - ძველი ქართული სამეფო დასავლეთ საქართველოს ტერიტორიაზე, წარმოიქმნა კოლხეთის სამეფოს დაშლის შემდეგ დაახლოებით ახ.წ.აღ. I საუკუნეში. იარსება VIII საუკუნის ბოლომდე.

ეგრისის ქედი (სამეგრელოს ქედი, ოდიშის ქედი) - ქედი მესტიის, წალენჯიხის, ჩხოროწყუს, ლენტეხისა და ცაგერის მუნიციპალიტეტებში, კავკასიონის სამხრეთ კალთაზე.

ეგრისისწყალი (ეგრისის წყალი) - ქართული ისტორიული წყაროების მიხედვით, მდინარე დასავლეთ საქართველოში, ვარაუდით უნდა იყოს ენგური, ოხოჯა ან ღალიძგა.

ეგროსი - ლეონტი მროველის მიხედვით, ქართველთა ერთ-ერთი ლეგენდარული ეთნარქი.

ეგუავონი ავგუსტინ - ნიგერიელი ფეხბურთელი (დაიბადა 1965 წელს).

ეგუდინი ვალერი - რუსი მომღერალი, ტენორი, საბჭოთა კავშირის სახალხო არტისტი (დაიბადა 1937 წელს).

ეგუესი - მუნიციპალიტეტი ესპანეთში, შედის ნავარის პროვინციაში.

ეგუკა - კორეის რესპუბლიკის ჰიმნის სახელწოდება.

ეგური - იხილე ეგრისი.

ეგუტი კიიოსი (ეგუტი კანი) - იაპონელი მწერალი (1887-1975 წწ).

ეგუტია მარლენ - მსახიობი (დაიბადა 1937 წელს).

ეგუტერი (ფრანგ.)

ეგფრიტი - ნორტუმბრიის მეფე 670-685 წლებში.

ედა

ედაფონი (ბერძნ.) - ნიადაგში მცხოვრებ ორგანიზმთა ერთობლიობა.

ედგარ ეტელინგი - ინგლისის ტახტის ანგლოსაქსონელი პრეტენდენტი ჰაროლდ II-ის სიკვდილის შემდეგ (გარდაიცვალა 1125 წელს).

ედბალდი - კენტის სამეფოს (დიდი ბრიტანეთი) მეფე 616-640 წლებში, ეტელბერტ I-ის და ბერტას ვაჟი.

ედბერგი სტეფან - შვედი ჩოგბურთელი, მსოფლიოს პირველი ჩოგანი XX საუკუნის 80-იანი წლების დასაწყისში (დაიბადა 1966 წელს).

ედბერტი - ნორტუმბრიის მეფე 737-758 წლებში.

ედგარი

ედე

ედეა - ქალაქი სამხრეთ-დასავლეთ კამერუნში.

ედეიენ-მურზუქი (იდეჰან-მურზუქი) - ქვიშრობი უდაბნო ლიბიის სამხრეთ-დასავლეთ ნაწილში (დაახლოებით 200 ათასი კვ.კმ).

ედეიენ-უბარი (იდეჰან-უბარი) - ქვიშრობი უდაბნო საჰარის ცენტრალურ ნაწილში (ლიბია).

ედელვაისი (გერმ. edel - კეთილშობილი და wei - თეთრი. Leontopodium alpinum) - მთის ბალახოვანი მცენარე; იკეთებს მოყვითალო თეთრ ყვავილს. გავრცელებულია ევრაზიაში. ალპიური ედელვაისი - იკეთებს ქათქათა თეთრ ყვავილს (ამჟამად ძალზე იშვიათია).

ედელმანი ჯერალდ მორის - ამერიკელი ბიოქიმიკოსი. 1972 წლის ნობელის პრემიის ლაურეატი რ.რ.პორტერთან ერთად (დაიბადა 1929 წელს).

ედელფელტი ალბერტ - ფინელი ფერმწერი-პორტრეტისტი (1854-1905 წწ).

ედემი (ძვ.ებრ. „ედენ“ წარმოდგება შუმერულიდან და ნიშნავს „ველს“)

ედენა (ედენისა)

ედენი ნილს - შვედეთის პოლიტიკური მოღვაწე, ისტორიკოსი (1860-1932 წწ).

ედენი ფრედერიკ ვან - ნიდერლანდელი მწერალი (1860-1932 წწ).

ედესა - ქალაქები: ძველ შუამდინარეთში და მაკედონიაში.

ედესის საგრაფო - პირველი ფეოდალური სახელმწიფო, რომელიც დააარსეს ჯვაროსნებმა XI საუკუნის დამლევს მახლობელ აზიაში.

ედვანსტ მაიკრო დივაისიზ - ამერიკული კორპორაცია, რომელიც ინტეგრალური სქემების, ელექტრონული სქემების და კომპიუტერის კომპონენტების წამყვან შემქმნელად და მწარმოებლად ითვლება. დაარსებულია 1969 წელს. შტაბ-ბინა მდებარეობს აშშ-ს კალიფორნიის შატატის ქალაქ სანივეილში.

ედვარდსი ხორხე - ჩილელი მწერალი (დაიბადა 1931 წელს).

ედვარდსი ჯონათან - ამერიკელი ღვთისმეტყველი, ახალი ინგლისის რელიგიური მოღვაწე, მისტიკოსი და ფუნდამენტალისტი (1703-1758 წწ).

ედი დონ - ამერიკელი მხატვარი (დაიბადა 1944 წელს).

ედი ემილ ფრანსუა დეზირე - ფრანგი რევოლუციონერი, პარიზის კომუნის (1871 წ) მოღვაწე (1843-1888 წწ).

ედიბერიძე ალექსანდრე - მედიცინის მეცნიერებათა დოქტორი, ქირურგიული სტომატოლოგიის ფუძემდებელი საქართველოში (1898-1978).

ედიგეი

ედიკულა - ანტიკურ არქიტექტურაში ნიშა, რომელიც კოლონების ან პილასტრების ზემოთ იყო განლაგებული.

ედილაშვილი (ედილი) ზაქარია - საზოგადო მოღვაწე, პუბლიცისტი, პროფესიით ექიმი ვეტერინარი (1873-1956 წწ).

ედილი (ლათ.) - ძველ რომში - ტრიბუნის თანაშემწე, რომელსაც ევალებოდა ტაძრების, გზების, ბაზრების მეთვალყურეობა, ქალაქის მომარაგება სურსათით, საზოგადოებრივი წესრიგის დაცვა და სხვა, იყო არჩევითი თანამდებობა.

ედინბურგი - დიდი ბრიტანეთის შოტლანდიის მთავარი ქალაქი (470 ათასი).

ედინგტონი ართურ სტენლი - ინგლისელი ასტრონომი (1882-1944 წწ).

ედინეცი (ედინცი) - ქალაქი მოლდავეთში.

ედინცი - იხილე ედინეცი.

ედინსტვო - უკიდურეს მემარჯვენე მენშევიკ-ობორონელების, ყოფილ ლიკვიდატორთა ჯგუფი. არსებობდა 1914-18 წლებში, რუსეთის ქალაქებში.

ედირნე - ქალაქი თურქეთის ჩრდილო-დასავლეთ ნაწილში, თრაკიაში (105 ათასი).

ედირონდეკი - იხილე ადირონდაკი.

ედისა (ედისისა) - სოფელი ჯავის მუნიციპალიტეტში.

ედისონი თომას ალვა - გამოჩენილი ამერიკელი გამომგონებელი და მეწარმე (1847-1931 წწ).

ედის ჯვარი - მწვერვალი ხარაგაულისა და ხაშურის მუნიციპალიტეტების საზღვარზე, ლიხის ქედზე.

ედიტორული (ლათ.) - გამოცემის ხასიათისა, გამომცემლობითი.

ედიფიკატორები (ედიფიკატორული მცენარეები) - მცენარეები, რომლებიც ძირითად როლს ასრულებენ ფოტოცენოზის შექმნაში.

ედიქილისა - სოფელი წალკის მუნიციპალიტეტში.

ედიქტი (ლათ.)

ედიცია (ლათ.) - ტექსტის მეცნიერული გამოცემა, ტექსტოლოგიის ერთ-ერთი გამოყენებითი სახესხვაობა.

ედლისი იური - რუსი დრამატურგი, მწერალი (დაიბადა 1929 წელს).

ედლუნდი ერიკ - შვედი ფიზიკოსი (1819-1888 წწ).

ედლუნდი რიჩარდ - კინოს სპეცეფექტების ამერიკელი მხატვარი (დაიბადა 1940 წელს).

ედმერი - შუა საუკუნეების ინგლისელი ისტორიკოსი და ღვთისმეტყველი (დაახლოებით 1060-1124 წწ).

ედმონტონი - ქალაქი სამხრეთ-დასავლეთ კანადაში, მდინარე სასკაჩევანის ნაპირზე. ალბერტას პროვინციის ადმინისტრაციული ცენტრი (620 ათასი).

ედმონტონ ოილერზი (ედმონტონელი მენავთობეები) - კანადის პროფესიული ჰოკეის კლუბი NHL-ში. დაარსებულია 1979 წელს.

ედნა - ქალწულთ(ა) წინდობისა ჟამისა ნიჭი არს (საბა).

ედო - იაპონიის დედაქალაქ ტოკიოს ოფიციალური სახელი 1869 წლამდე.

ედობე (ედოუბი) - იხილე ადობე.

ედომი (იდუმეა) - ძველი მთაგორიანი ქვეყანა სამხრეთ პალესტინაში, თანამედროვე იორდანიის ტეტრიტორიაზე.

ედრი (ბერძნ.) - რთული სიტყვების ბოლო შემადგენელი ნაწილი, ნიშნავს რანდენიმე ზედაპირით, წახნაგით შემოსაზღვრულს.

ედრიანი (ეიდრიანი) ედგარ დუგლას - ამერიკელი ფიზიოლოგი. 1932 წლის ნობელის პრემიის ლაურტეატი ჩ.ს.შერინგტონთან ერთად (1889-1977 წწ).

ედსელ-ფორდი - მთები ანტარქტიდის დასავლეთ ნაწილში.

ედსტრემი იუჰანეს ზიგფრიდი - საერთაშორისო სპორტული მოძრაობის მოღვაწე, საერთაშორისო ოლიმპიური კომიტეტის მეოთხე პრეზიდენტი 1946-52 წლებში. (1870 1964 წწ).

ედუარდ - ინგლისის მეფეები

ედუარდ I - პლანტაგენეტთა დინასტიის წარმომადგენელი, ჰენრი მესამის ძე, მეფე 1272 წლიდან (1239-1307 წ).

ედუარდ II - ედუარდ I-ის ძე, მეფე 1307 წლიდან (1284-1327 წწ).

ედუარდ III - ედუარდ II-ის ძე, მეფე 1327 წლიდან, (1312-1377 წწ).

ედუარდ IV - იორკების დინასტიის პირველი წარმომადგენელი, მეფე 1461 წლიდან, (1442-1483 წწ).

ედუარდ VI - ტიუდორთა დინასტიის წარომადგენელი, ჰენრი VIII-ის ძე, მეფე 1547 წლიდან (1537-1553 წწ).

ედუარდ VII - დედოფალ ვიქტორიას ძე, მეფე 1901 წლიდან (1841-1910 წწ).

ედუარდ VIII - ჯორჯ V-ის ძე, მეფე 1936 წლის 20 იანვრიდან 11 დეკემბრამდე, უარი განაცხადა ტახტზე თავისი ძმის, ჯორჯ V-ის სასარგებლოდ (1894-1972 წწ).

ედუარდ აღმსარებელი - ანგლოსაქსთა მეფე (დაახლოებით 1003-1066 წწ).

ედუარდ VI-ის ნახევარკუნძული - მერი ბერდის (დასავლეთი ანტარქტიდა) მიწის უკიდურესი ჩრდილო-დასავლეთი წერტილი.

ედუარდზი ჯონათან - ამერიკელი რელიგიის ფილოსოფოსი, თეოლოგი (1703-1768 წწ).

ედუარდი - ტბა მდინარე ნილოსის სისტემაში, კონგოსა და უგანდის საზღვარზე, იგივე იდი-ამინ-დადა (სიღრმე 111 მეტრამდე).

ედუები - გალიის ტერიტორიაზე მცხოვრები კელტური ტომები.

ედუსა - რომაულ მითოლოგიაში - ბავშვების კვების მფარველი ღმერთქალი.

ედფუ (იდფუ) - უძველესი ქალაქი ეგვიპტეში, ნეკროპოლისი.

ედშმიდი კაზიმირ (ნამდვილი სახელი და გვარი ედუარდ შმიდი) - გერმანელი მწერალი (1890-1966 წწ).

ეე (ეეე) - შორისდებული; გამოხატავს დანანებას, წყენას, უკმაყოფილებას.

ეელი - სასმელ-საჭმელთ ათქმა (საბა).

ეერიბეა - ძველი ბერძნული მითოლოგიის თანახმად, ევრიმაქეს ასული, ეფიალტეს დედა.

ეეხ (ეეჰ) - შორისდებული; გამოხატავს სინანულს, წუხილს.

ევა (ძვ.ებრ. „ხავა“ - სიცოცხლე) - ბიბლიის თანახმად ადამის ცოლი, რომელიც ღმერთმა ადამის ნეკნისაგან შექმნა. ადამიანთა მოდგმის პირველი ქალი, დედამთავარი.

ევაგრე - VI საუკუნის II ნახევრის ქართველი საეკლესიო მოღვაწე, შიომღვიმის მონასტრის წინამძღვარი, ერისკაცობაში - ქართლის სპასპეტი.

ევაგორა - ძველი ბერძნული მითოლოგიის თანახმად, სალამინის მეფე კვიპროსზე.

ევაგრიოს სქოლასტიკოსი - ბიზანტიელი ისტორიკოსი, ღვთისმეტყველი, იურისტი და ლიტერატორი (535 ან 536 - VI საუკუნის დასასრული).

ევადნე - ძველი ბერძნული მითოლოგიის თანახმად, კაპინევსის ცოლი, რომელიც ქმართან ერთად დაიწვა ცეცხლში.

ევაკუატორი

ევაკუაცია (ლათ.) და ევაკუირება - ორგანიზებული გამოყვანა მოსახლეობისა, დაწესებულებებისა, გამოტანა ქონებისა იმ ადგილებიდან, რომელსაც რაიმე საფრთხე მოელის.

ევალდი იოჰანეს - დანიელი მწერალი (1743-1781 წწ).

ევანგელე - იხილე სახარება.

ევანგელიკური (ბერძნ.) - დაჯგუფებები, რომელთაც თავის სარწმუნოების საფუძვლად მხოლოდ სახარება მიაჩნია (ითქმის ქრისტიანული რელიგიის ზოგიერთი მიმართულების შესახებ).

ევანგელისტები

ევანდრე - ძველი ბერძნული მითოლოგიის თანახმად:

ევანდრუსი - იტალიურ თქმულებათა გმირი, ძველრომაელთათვის საკულტო პიროვნება.

ევანზი ართურ ჯონ - ინგლისელი არქეოლოგი, კრეტას ცივილიზაციის პირველაღმომჩენი (1851-1941 წწ).

ევანზი ედიტ - ინგლისელი მსახიობი ქალი (1888-1976 წწ).

ევანზი რონალდ - ამერიკელი კოსმონავტი, მეცნიერების მაგისტრი, მთვარის გარშემო შემოიფრენა „აპოლონ-17“-ით 1972 წლის დეკემბერში (1933-1990 წწ).

ევანზი უილიამ დეივის - ინგლისელი მოჭადრაკე, XIX საუკუნის ერთ-ერთი უძლიერესი მოთამაშე, ცნობილი გამბიტის ავტორი (1790-1872 წწ).

ევანზი უოკერ - ამერიკელი ფოტოხელოვანი (1903-1975 წწ).

ევანზი ფრედერიკ ჰენრი - ინგლისელი ფოტოგრაფი, არქიტექტურის ძეგლთა გადაღების ერთ-ერთი პირველი ოსტატი (1853-1943 წწ).

ევანთე - ძველი ბერძნული მითოლოგიის თანახმად, დიონისესა და არიადნეს ვაჟი.

ევანი - ერქვანთ ღვედი (საბა).

ევანსვილი - ქალაქი აშშ-ს ინდიანას შტატში (230 ათასი).

ევანსი - იხილე ევანზი.

ევანხელისტა კრისანტო - ფილიპინების ეროვნულ-განმათავისუფლებელი მოძრაობის მოღვაწე (1888-1942 წწ)

ევანჯელისტა ლინდა - პოპულარული ტოპ-მოდელი, მსახიობი (დაიბადა 1965 წელს).

ევატაკი - იატაკი (საბა).

ევბეა

ევბლეფარისებრნი - ხვლიკების ოჯახი, ახლოს დგანან გეკონისებრთან. გავრცელებულია ცენტრალურ ამერიკაში, აფრიკასა და წინა აზიაში.

ევბულე - ათენელი ორატორი და სახელმწიფო მოღვაწე, დემოსთენეს მოწინააღმდეგე (დაახლოებით ძვ.წ.აღ. 405 - 330 წწ).

ევბულიდე მილეტელი - ძველბერძენი ფილოსოფოსი, დემოსთენეს მასწავლებელი (ძვ.წ.აღ. IV საუკუნე).

ევბულოსი (ბერძნ. „სამართლიანი მოსამართლე“) - ძველი ბერძნული მითოლოგიის თანახმად, მრავალი ღმერთისა და გმირის ზედმეტი სახელი.

ევგენი III - რომის პაპი 1145 წლიდან. (გარდაიცვალა 1153 წელს).

ევგენი IV (ერისკაცობაში გაბრიელე კონდულმარო) - რომის პაპი 1431-47 წლებში (1383-1447 წწ).

ევგენიკა (ბერძნ.) - თეორია ადამიანის მემკვიდრეობითი ჯანმრთელობისა და მისი გაუმჯობესების შესახებ.

ევგენი ონეგინი - ა.ს.პუშკინის რომანი ლექსად და ამავე ნაწარმოების მთავარი პერსონაჟი.

ევგენი (იოგენ) სავოიელი - პრინცი, ავსტრიელი მხედართმთავარი და სახელმწიფო მოღვაწე, გენერალისიმუსი (1663-1736 წწ).

ევგენისტი - ევგენიკის მიმდევარი.

ევგენოლი - მიხაკის სუნის მქონე უფერო ან მოყვითალო სითხე, პარფიუმერული ნედლეული.

ევგლენასნაირნი - მიკროსკოპული, ერთუჯრედიანი, იშვიათად კოლონიური მოძრავი ორგანიზმები.

ევდამიდა - სპარტის მეფეთა სახელი ძველ საბერძნეთში.

ევდემე - ძველბერძენი ფილოსოფოსი, არისტოტელეს მეგობარი და მოწაფე ძვ.წ.აღ. IV საუკუნის მეორე ნახევარი.

ევდემე როდოსელი - ძველბერძენი ფილოსოფოსი (ძვ.წ.აღ. IV საუკუნე).

ევდემოზ I (დიასამიძე) - აღმოსავლეთ საქართველოს კათალიკოს-პატრიარქი 1630-38 წლებში (გარდაიცვალა 1643 წელს).

ევდემოზ II (დიასამიძე) - აღმოსავლეთ საქართველოს კათალიკოს-პატრიარქი 1701-05 წლებში.

ევდემონ I (ჩხეტიძე) - დასავლეთ საქართველოს კათალიკოს-პატრიარქი 1557-78 წლებში (გარდაიცვალა 1578 წელს).

ევდემონ I (საყვარელიძე) - დასავლეთ საქართველოს კათალიკოს-პატრიარქი 1666-69 წლებში.

ევდემონიზმი (ბერძნ.) - ანტიკური სამყაროდან მომდინარე ეთიკური პრინციპი, რომლის მიხედვითაც ადამიანის ცხოვრების მიზანი ბედნიერების, სიამისაკენ მისწრაფებაა.

ევდოკიმოვი მიხაილ - რუსული ესტრადის მსახიობი, პაროდისტი და პოლიტიკური მოღვაწე (1957-2005 წწ).

ევდოკიმოვი ნიკოლაი - რუსი მწერალი (დაიბადა 1922 წელს).

ევდოქსე კიზიკოსელი - ძველბერძენი გეოგრაფი და მეზღვაური.

ევდოქსე კნიდოსელი - ძველბერძენი მათემატიკოსი და ასტრონომი (დაახლოებით ძვ.წ.აღ. 408 - 355 წწ).

ევდოქსე სიცილიელი - ახალი ატიკური კომედიის წარმომადგენელი.

ევდოქსია - იმპერატორ არკადიუსის ცოლი, იოანე ოქროპირის მტერი.

ევდოშვილი (ნამდვილი გვარი ხოსიტაშვილი) იროდიონ - პოეტი, მწერალი (1873-1916 წწ).

ევე (საკუთარი სახელი ევეგბე) - განის სამხრეთ-აღმოსავლეთ ნაწილსა და სამხრეთ ტოგოში მცხოვრები ხალხი (2 მილიონი).

ეველთონტი - ძველბერძნული მითოლოგიის თანახმად, სალამინის მეფე კვიპროსზე.

ეველინგი ედუარდ - ინგლისის მუშათა მოძრაობის მოღვაწე, სოციალისტი (1851-1898 წწ).

ეველინგი ელეონორ - იხილე მარქსი ე.

ევენე ძველბერძნული მითოლოგიის თანახმად:

ევენები (ლამუტები) - წარმომავლობით, ენითა და კულტურით ევენკებთან ახლომდგომი ხალხი. ცხოვრობენ რუსეთის მაგადანის და კამჩატკის ოლქებში.

ევენკები (ძველი სახელი „ტუნგუსები“) - რუსეთის კრასნოიარსკის მხარესა და კუნძულ სახალინზე მცხოვრები ხალხი.

ევენკეთი - რუსეთის კრასნოიარსკის მხარის ტერიტორიულ-ადმინისტრაციული ერთეული. ადმინისტრაციული ცენტრი - ტურა.

ევენკური ენა (ტუნგუსური ენა) - ტუნგუსურ-მანჯურიული ენების ტუნგუსური ჯგუფის ენა. გავრცელებულია კრასნოიარსკის ევენკთა ავტონომიურ ოკრუგში.

ევენოსი

ევენსკი - დაბა რუსეთის მაგადანის ოლქში.

ევენსმუ სიგურდ - ნორვეგიელი პოეტი (დაიბადა 1912 წელს).

ევენტუალური (ფრანგ.) - რაც შეიძლება მოხდეს გარკვეულ პირობებში, სათანადო გარემოში.

ევერგლეიდსი - აშშ-ს ფლორიდის შტატში მდებარე ეროვნული პარკი.

ევერდინგენი ალარტ ვან - ნიდერლანდელი მხატვარი (1621-1675 წწ).

ევერესტი - დედამიწის უმაღლესი მწვერვალის ჯომოლუნგმას მეორე სახელი.

ევერლანი არნულფ - ნორვეგიელი პოეტი (1889-1968 წწ).

ევერტ-ლოიდი კრისტინა მარია - ამერიკელი ჩოგბურთელი ქალი, დიდი შლემის ტურნირების 18 ტიტულის მფლობელის (დაიბადა 1954 წელს).

ევექცია - მთვარის მოძრაობის ყველაზე მეტი გადახრა კეპლერის კანონების შესაბამასი მოძრაობისაგან, რომელიც გამოწვეულია მზის ზემოქმედებით.

ევეხმე - ძველი ბერძნული მითოლოგიიის თანახმად, ნილოსის ქალიშვილი.

ევთანასია (ბერძნ.) - ტკბილი, უშფოთველი სიკვდილი; უკურნებელი სენით დაავადებულისათვის, სიბრალულის გამო, სიკვდილის დაჩქარების საშუალების მიცემა.

ევთიდემე - ათენის მხედართმთავარი, ქიოსელი სოფისტი, სოკრატეს მოწაფე.

ევთიმიდე - ძველბერძენი ლარნაკმწერი.

ევია - იხილე ევბეა.

ევიანის შეთანხმებები 1962 - საფრანგეთის მთავრობასა და ალჟირის რესპუბლიკას შორის 1962 წლის 18 მარტს საფრანგეთის ქალაქ ევიანში ხელმოწერილი შეთანხმებები საომარი მოქმედების დროებით შეწყვეტის შესახებ.

ევიან-ლე-ბენი - ბალნეოკლიმატური კურორტი საფრანგეთში, ჟენევის ტბის სამხრეთ ნაპირზე.

ევიპე - ერთ-ერთი ძველბერძნული მითის თანახმად, ეპირის მეფის ქალიშვილი, რომელმაც ოდისევსისაგან ვაჟი შობა.

ევკალიპტი (ბერძნ.) - მცენარის გვარი მირტისებრთა ოჯახისა, სწრაფად მზარდი (155 მეტრამდე სიმაღლის), ავსტრალიური წარმოშობის მარადმწვანე ხე, მისი ფოთლები მდიდარია ეთეროვანი ზეთებით.

ევკარიოტები - საერთო სახელი ორგანიზმებისა, რომელთაც აქვთ მორფოლოგიურად გაფორმებული ბირთვი.

ევკლაზი - სილიკატების კლასის მინერალი.

ევკლეიები - ძველი საბერძნეთის კორინთოსა და დელფოში არტემიდესადმი მიძღვნილი დღესასწაული.

ევკლიდე - ძველბერძენი მათემატიკოსი, „გეომეტრიის მამად“ წოდებული (გარდაიცვალა ძვ.წ.აღ. 275 და 270 წლებს შუა).

ევკლიდეს გეომეტრია - გეომეტრიული თეორია, რომელიც შეუსწავლის ფიგურების იმ თვისებას, რომლებიც არ იცვლება მათი მოძრაობის დროს.

ევკლიდეს „საწყისები“ - ძვ.წ.აღ. III საუკუნეში ევკლიდეს მიერ დაწერილი მეცნიერული თხზულება, შეიცავს ანტიკური მათემატიკის საფუძვლებს.

ევკლიდური სივრცე - სივრცე, რომლის თვისებებს ევკლიდეს აქსიომებით აღწერენ.

ევკომია (ბერძნ.) - სწრაფად მზარდი ჩინური ხე, გუტაპერჩის შემცველი.

ევლალე (ევლავიოსი) - ქართლის კათალიკოსი VI საუკუნის შუა წლებში, მფარველობდა და დახმარებას უწევდა ასურელ მამებს.

ევლასევო - დაბა რუსეთის პენზის ოლქში.

ევლახი - ქალაქი აზერბაიჯანში, მდინარე მტკვარზე (50 ათასი).

ევლე - ქალაქი-პორტი შვედეთში, ევლებორგის ლენის ადმინისტრაციული ცენტრი (90 ათასი).

ევლია ჩელები (დერვიშ მეჰმედ ზილი) - თურქი მოგზაური, გეოგრაფი, ისტორიკოსი, მწერალი (1611 - 1682/83 წწ).

ევლოგია (ბერძნ.) - ნაკურთხი სეფისკვერი, ნაკურთხი წყალი და მისთანა, რომლის ნაწილს აძლევენ ეკლესიაში.

ევმაიოსი (ევმეოსი) - ძველი ბერძნული მითოლოგიის თანახმად, ოდისევსის ერთგული მონა, ღორების მწყემსი.

ევმელე - ბოსფორის მეფე ძვ.წ.აღ. 310-304 წლებში.

ევმენი - ალექსანდრე მაკედონელის ერთ-ერთი დაახლოებული პირი (გარდაიცვალა ძვ.წ.აღ. 316 წელს).

ევმენიდები (ბერძნ.) - მოწყალე ქალღმერთები, იხილე ერინიები.

ევმოლპიდები - ძველ საბერძნეთში ატიკელ ქურუმთა კოლეგია, რომლებიც ელევსინურ დღესასწაულებს განაგებდნენ.

ევმოლპოსი - ძველი ბერძნული მითოლოგიის თანახმად, ღმერთქალ დემეტრას ლეგენდარული ქურუმი, ევმოლპიდთა ტომის მითიური დამაარსებელი.

ევნეოსი - ძველი ბერძნული მითოლოგიის თანახმად, იასონის ვაჟი, რომელიც მას კუნძულ ლემნოსზე ჰიფსიპილესაგან შეეძინა.

ევნომია - ძველი ბერძნული მითოლოგიის თანახმად, მშვიდობიანი ცხოვრების და წესრიგის მფრაველი ღვთაება, თემიდას ერთ-ერთი ქალიშვილი.

ევნონი (ენონი) - ქართლის კათალიკოსი სტეფანოზ I-ის დროს (VII საუკუნის I ნახევარი).

ევნუქოიდიზმი (ბერძნ.) - დაავადება, რასაც იწვევს სასქესო ჯირკვლების თანდაყოლილი ან შეძენილი უკმარისობა მათი უშუალო დაზიანების, ამოკვეთის ან ჰიპოფიზის მიერ გონადოტროპული ჰორმონების გამოყოფის შემცირების შედეგად.

ევოკაცია - ძველ რომში - რელიგიური წეს-ჩვეულება, რაც მტრის ღმერთების შელოცვაზე იყო დაფუძნებული.

ევოლვენტა (ლათ.) - ბრტყელი მრუდი, რომელიც წარმოადგენს სხვა ბრტყელი მრუდის (ევოლუტის) შლილს.

ევოლუტა (ბერძნ.) - ბრტყელი მრუდი, გაიშლება, განიფინება გარკვეული წესით სხვა ბრტყელ მრუდად (ევოლვენტად).

ევოლუცია (ლათ.) - თანდათანობითი, უწყვეტი ცვლილების პროცესი, რომელსაც უნდა მოჰყვეს თვისობრივი გადასხვაფერება.

ევოლუციონიზმი

ევოლუციონისტი - ევოლუციონიზმის მიმდევარი.

ევოლუციური - ევოლუციის შესაფერი, ევოლუციაზე დამყარებული.

ევორა - ქალაქი პორტუგალიის სამხრეთ ნაწილში, ისტორიული პროვინციის ალტუ-ავენტეჟის ადმინისტრაციული ცენტრი.

ევორზია (ლათ.) - ვარდნილი წყლის ეროზიული მოქმედება.

ევორონი - ტბა რუსეთის ხაბაროვსკის მხარეში.

ევპატრიდი (ბერძნ.) - ძველ საბერძნეთში გვაროვნული არისტოკრატიის წარმომადგენელი.

ევპატორია - უკრაინის ყირიმის კლიმატური კურორტი და პორტი შავ ზღვაზე (110 ათასი).

ევჟენტი - სოფელი თიანეთის მუნიციპალიტეტში (ჩეკურაანთგორის თემის საკრებულო), ქართლის ქედის აღმოსავლეთ კალთაზე. ზღვის დონიდან - 1200 მეტრი, თიანეთიდან - 15 კილომეტრი. 2002 წლის აღწერის მიხედვით სოფელში ცხოვრობს 64 კაცი.

ევრაზია - დედამიწის ყველაზე დიდი მატერიკი ჩრდილოეთ ნახევარსფეროში. მთლიანი ფართობი 54,9 მილიონი კვ.კმ.

ევრატომი - (შემოკლებული) ევროპული გაერთიანება ატომური ენერგიის დარგში.

ევრეინოვი ანა - ქალთა მოძრაობის მონაწილე რუსეთში, სამრთლის პირველი დოქტორი ქალი რუსეთში (1844-1919 წწ).

ევრენი ქენან - თურქეთის პრეზიდენტი 1982-89 წლებში (დაიბადა 1918 წელს).

ევრი (ბერძნ.) - რთული სიტყვების პირველი შემადგენელი ნაწილი, ნიშნავს „ფართოს, ვრცელს“.

ევრიალე - ძველი ბერძნული მითოლოგიის თანახმად, ერთ-ერთი გორგონათაგანი, ორიონის დედა.

ევრიალოსი - ერთ-ერთი ძველბერძნული მითის თანახმად, ოდისევსის ვაჟი, რომელიც მას ეპირის მეფის ქალიშვილი ევიპესაგან შეეძინა.

ევრიბათური (ბერძნ.) ევრიბათური ორგანიზმები - წყლის ორგანიზმები, რომლებიც ბინადრობენ სხვადასხვა სიღრმეზე (შეადარე სტენობათურს).

ევრიბატესი - ძველი ბერძნულ მითოლოგიის თანახმად, კუნძულ ითაკას მცხოვრები, ოდისევსის თანამგზავრი ტროის ომის დროს.

ევრიბია - ძველი ბერძნული მითოლოგიის თანახმად, ერთ-ერთი ტიტანიდა, პონტოსისა და გეას ქალიშვილი.

ევრიბიონტები - ორგანიზმების ინდივიდები და სახეობები, რომლებსაც შეუძლიათ გადაიტანონ გარემო პირობების მკვეთრი ცვალებადობა.

ევრიდიკე - ძველი ბერძნული მითოლოგიის თანახმად, ორფევსის მეუღლე (ზოგიერთი გადმოცემის მიხედვით - აპოლონის ქაკიშვილი).

ევრიკა

ევრიკლეა - ძველი ბერძნული მითოლოგიის თანახმად, ოდისევსის ძიძა.

ევრილიტე - ძველი ბერძნული მითოლოგიის თანახმად, აიეტის ცოლი, აფსირტოსის დედა.

ევრილოქე (ევრილოქოსი) - ძველი ბერძნული მითოლოგიის თანახმად, ოდისევსის ნათესავი და ერთ-ერთი თანამგზავრი.

ევრიმედე - ძველი ბერძნული მითოლოგიის თანახმად, ბელეროფონტის დედა.

ევრიმედონტი - ძველი ბერძნული მითოლოგიის თანახმად, აგამემნონის მეეტლე.

ევრინომე - ძველი ბერძნული მითოლოგიის თანახმად, ერთ-ერთი ოკეანიდი, რომელმაც ჰერას მიერ ოლიმპოდან გადმოგდებული ჰეფესტოსი დამალა.

ევრინომოსი - ძველი ბერძნული მითოლოგიის თანახმად, ჰადესში მცხოვრები დემონი, რომელიც მიცვალებულთა გვამებით იკვებება, ხრწნადობის განსახიერება.

ევრიპიდე - ძველბერძენი დრამატურგი, დიდ ბერძენ ტრაგიკოსთა მესამე, უმცროსი წარმომადგენელი (დაახლოებით ძვ.წ.აღ. 480 - 406 წწ).

ევრიპილოსი - ძველი ბერძნული მითოლოგიის თანახმად, პოსეიდონის ვაჟი, კუნძულ კისოსის მეფე. მოკლა ჰერაკლემ.

ევრიპონტიდები - დინასტია, მეფობდა სპარტაში ძვ.წ.აღ. XI-II საუკუნეებში.

ევრიპოსი - სრუტე საბერძნეთთან, ეგეოსის ზღვაში.

ევრიპტერიდები (გოლიათი ფაროსნები, გიგანტოსტრაკები) - ნამარხი კიბომორიელები, ცნობილია ყველა მატერიკზე პალეოზოური ერიდან.

ევრისთევსი - ძველი ბერძნული მითოლოგიის თანახმად, ტირინთოსა და მიკენეს მეფე.

ევრისტიკა (ბერძნ.) - მეცნიერება, რომელიც შემოქმედებითი აზროვნების ნაყოფიერებას შეისწავლის.

ევრიტიონი - ძველი ბერძნული მითოლოგიის თანახმად, ერთ-ერთი კენტავრი.

ევრიტოსი - ძველი ბერძნული მითოლოგიის თანახმად, არგონავტი, ჰერმესის ვაჟი.

ევრიფაგია - ყოვლისმჭამელობა, საკვები რეჟიმი იმ ცხოველებისა, რომლებიც ჭამენ ცხოველური და მცენარეული შედგენილობის სხვადასხვა საკვებს.

ევრიჰალური (ბერძნ.) ევრიჰალური ორგანიზმები - ორგანიზმები, რომლებიც შეგუებულნი არიან წყლის მარილიანობის მნიშვნელოვან ცვლილებათა პირობებში არსებობას (შეადარე სტენოჰალურს).

ევრო - დასავლეთ ევროპის ქვეყნების საერთო ფულის ერთეული, რომელიც შემოღებულია 1979 წელს, მაგრამ 1996 წლამდე ეკიუ-ს სახელით მოიხსენიებოდა. ნაღდი ანგარიშსწორებისათვის ბრუნვაშია 2001 წლიდან.

ევრონოტოს - ქარია ერთი (საბა).

ევროპა

ევროპე - წინაბერძნული ხანის მიწათმოქმედების ღვთაება, მიიჩნევენ ფენიქსის ქალიშვილად.

ევროპელები - ევროპის მკვიდრნი.

ევროპეიზაცია - ევროპულ ყაიდაზე მოწყობა რისამე.

ევროპეიზმი - ევროპის კულტურის თავისებურებანი სხვა კულტურის თავისებურებებთან დაპირისპირებით.

ევროპეისტიკა - ერთობლიობა იმ სამეცნიერო დისციპლინებისა, რომლებიც ევროპულ კულტურას სწავლობენ.

ევროპეოდი - ევროპეოდული რასის წარმომადგენელი.

ევროპეოიდური რასა - კაცობრიობის ერთ-ერთი დიდი რასა, რომლისთვისაც დამახასიათებელია რბილი თმა, ღია ფერის კანი, სუსტად გამოწეული ღაწვები და სხვა. გავრცელებულია ევროპასა და აზია-აფრიკის ევროპასთან მოსაზღვრე რეგიონებში.

ევროპიუმი (Eu) - ქიმიური ელემენტი იშვიათი მიწების ჯგუფისა, ატომური ნომერი 63, ატომური მასა 151,96. აღმოაჩინა ე.დემარსემ 1886 წელს.

ევროპული - ევროპელების დამახასიათებელი, ევროპიდან მომდინარე.

ევროსი - ძველი ბერძნული მითოლოგიის თანახმად, აღმოსავლეთის (განთიადის) ქარის ღვთაება.

ევსები კესარიელი (ევსები პამფილიელი) - რომაელი საეკლესიო მწერალი, ისტორიკოსი (260-სა და 263-ს შორის - 340).

ევსეევი ნიკოლაი - რუსი პოეტი-ემიგრანტი, იბრძოდა თერთგვარდიელთა რიგებში (1891-1974 წწ).

ევსტათი თესალონიკელი - ბიზანტიელი კომენტატორი, თესალონიკეს არქიეპისკოპოსი (XII საუკუნე).

ევსტათი მაკრემბოლიტე - XIII საუკუნის ბიზანტიელი მწერალი, ავტორი პროზაული რომანისა „ისმენეს და ისმინიას სიყვარული“.

ევსტათი მცხეთელი - ქრისტიანობისათვის წამებული სპარსელი VI საუკუნის საქართველოში.

ევსტათი მცხეთელის მარტვილობა - ერთ-ერთი უძველესი და უმნიშვნელოვანესი ქართული ჰაგიოგრაფიული თხზულება. ასახავს სპარსელი ქრისტიანი კაცის წამების ამბავს, შეთხზულია VI საუკუნის 70-იან წლებში.

ევსტარი - წინაცურვალი (საბა).

ევსტაქი (ეუსტაქიო) ბარტოლომეო - იტალიელი ანატომი და ექიმი, სამეცნიერო ანატომიის ერთ-ერთი ფუძემდებელი (დაახლოებით 1510-1574 წწ).

ევსტიგნეევი ევგენი - თეატრისა და კინოს რუსი მსახიობი, საბჭოთა კავშირის სახალხო არტისტი (1926-1992 წწ).

ევსტიგნეევი კირილ - რუსი მფრინავი, მეორე მსოფლიო ომის მონაწილე, საბჭოთა კავშირის ორგზის გმირი (დაიბადა 1917 წელს).

ევტანაზია - იხილე ევთანასია.

ევტერპე - ძველი ბერძნული მითოლოგიის თანახმად, ერთ-ერთი ცხრათაგანი მუზა, ლირიული პოეზიის მფარველი. გამოისახებოდა ლირით ხელში.

ევტექტიკა (ბერძნ.)

ევტიხი ასკერ - ადიღეელი მწერალი (დაიბადა 1915 წელს).

ევტროპიუსი ფლავიუს - რომაელი ისტორიკოსი (გარდაიცვალა დაახლოებით 370 წელს).

ევტროფიკაცია - მდინარეების და ტბების გამდიდრება ბიოგენური ელემენტებით.

ევტუშენკო ევგენი - რუსი პოეტი და კინომოღვაწე (დაიბადა 1933 წელს).

ევფემიზმი (ბერძნ.) - არაპირდაპირი, შერბილებული გამოხატვა ამა თუ იმ უხეში ან ეთიკური ნორმების შემლახველი აზრისა, კეთილსიტყვაობა.

ევფემოსი - ძველი ბერძნული მითოლოგიის თანახმად, არგონავტი, პოსეიდონის ვაჟი.

ევფონია (ბერძნ.) - კეთილხმოვანება.

ევფორბოსი - ძველი ბერძნული მითოლოგიის თანახმად, ტროელი გმირი, რომელიც მოკლა მენელაოსმა.

ევფორია - იხილე ეიფორია.

ევფორიონი

ევფრატი (არამეულად - „ტკბილი წყალი“) - მდინარე თურქეთში, სირიასა და ერაყში (სიგრძე - 3065 კილომეტრი).

ევფრონიოსი - ძველბერძენი ლარნაკმწერი და მეთუნე (ძვ.წ.აღ. VI-V სს).

ევფროსინე - ძველი ბერძნული მითოლოგიის თანახმად, ერთ-ერთი ქარიტთაგანი.

ევფუიზმი (ინგლ.) - მაღალფარდოვანი სტილი, რომელიც დატვირთულია ტროპებით, მეტაფორებით, პერიფრაზებით.

ევქარისტია - იხილე ზიარება.

ევქსინის პონტო (ბერძნ. „სტუმართმოყვარე ზღვა“) - შავი ზღვის უძველესი ბერძნული სახელწოდება.

ევჰემერე მესენელი - ძველბერძენი მწერალი და ფილოსოფოსი (ძვ.წ.აღ. IV-III სს).

ევჰემერიზმი - ევჰემერეს ფილოსოფიურ-უტოპისტური მოძღვრება

ეზანა - აქსუმის სახელმწიფოს, ახლანდელი ეთიოპიის ტერიტორიის, მეფე (დაახლოებით 325 - არა უგვიანეს 375 წლისა).

ეზატი - სოფელი კასპის მუნიციპალიტეტში.

ეზეკია (ხიზკია) - იუდეველთა მეფე (ძვ.წ.აღ. VI საუკუნე).

ეზეკიელი - ძველებრაელთა ერთ-ერთი წინასწარმეტყველი (ძვ.წ.აღ. VI საუკუნე).

ეზელი - ესტონეთის ქალაქ საარემაას ძველი სახელი.

ეზერა (ნამდვილი გვარი კინძულე) რეგინა - ლატვიელი მწერალი ქალი, ლატვიის სახალხო მწერალი (დაიბადა 1930 წელს).

ეზერიშჩე - დაბა ბელორუსიის ვიტებსკის ოლქში.

ეზეროსი - ლიტვის ქალაქ ზარასაის სახელი 1842 წლამდე.

ეზიკაშვილი ოთარ - ინჟინერ-მექანიკოსი, ტექნი-კის მეცნიერებათა დოქტორი (დაიბადა 1915 წელს).

ეზ-ზაკაზიკი - ქალაქი ეგვიპტეში, ნილოსის დელტაში (280 ათასი).

ეზ-ზარკა - ქალაქი იორდანიის ჩრდილოეთ ნაწილში (520 ათასი).

ეზ-ზუვაიტინა (ეზ ზუეტინა) - ქალაქი ლიბანში, პორტი ხმელთაშუა ზღვაზე.

ეზნასი (1917 წლამდე ეზნო) - ქალაქი ლიტვაში.

ეზო - შემოკავებული მიწის ნაკვეთი, სადაც სახლი და დამხმარე ნაგებობები დგას.

ეზო-გარემო - ეზო და სახლ-კარის გარშემო ადგილები.

ეზო-ეზო - ეზოდან ეზოში.

ეზოიანი - ეზოს მქონე.

ეზოპე (ესოპე) - ძველბერძენი მეიგავე. იგავის, როგორც ჟანრის, შემქმნელი (ძვ.წ.აღ. VI საუკუნე).

ეზოსმოძღვარი - ძველი საქართველოს სამეფო სახლის (სასახლის) გამგებელი.

ეზოტერიკული (ბერძნ.) - რაც განკუთვნილია მხოლოდ იმათთვის, ვისაც საიდუმლო გაანდეს.

ეზოფაგოსკოპია (ბერძნ.) - სპეციალური ხელსაწყოს - ეზოფაგოსკოპის - საშუალებით საყლაპავი მილის შიგნითა ზედაპირის გამოკვლევის მეთოდი.

ეზო-ყურე - იგივეა, რაც კარ-მიდამო.

ეზრა

ეზუსი - კელტურ მითოლოგიაში - ღვთაება, რომელსაც მსხვერპლად სწირავდნენ ჩამომხრჩვალ ადამიანებს.

ეთანი (ბერძნ.) - უფერო გაზისებრი საწვავი ნივთიერება, რომელსაც შეიცავს სანათი გაზი.

ეთანოლი - იგივეა, რაც ეთილის სპირტი.

ეთე - ძველ ბერძნულ მითოლოგიაში აგამენონის ცხენის სახელი.

ეთერზეთები - ეთეროვანი ზეთები.

ეთერზეთოვანი - ეთეროვანი ზეთის შემცველი.

ეთერი

ეთერიანი - ქართული ხალხური სამიჯნურო-რომანტიული ეპოსი, აბესალომისა და ეთერის სიყვარულის ამბავი.

ეთერის სიმღერა - ქართული მხატვრული ფილმი, ბიოგრაფიული (ზაქარია ფალიაშვილის ცხოვრების შესახებ). ეკრანებზე გამოვიდა 1956 წელს. დამდგმელი რეჟისორი და სცენარის ავტორი - სიკო დოლიძე. დამდგმელი ოპერატორი - დიმიტრი ფელდმანი. მთავარ როლებში: ვალერიან კვაჭაძე (ზაქარია ფალიაშვილი), მედეა ჯაფარიძე (ნატო), ბელა ვინოგრადოვა, ვასო გოძიაშვილი, ქეთი დოლიძე, გიორგი გეგეჭკორი, გურამ საღარაძე, სალექსანდრე ჟორჟოლიანი, მეგი წულიკიძე, თამარ ციციშვილი, აკაკი კვანტალიანი, ედიშერ მაღალაშვილი, დოდო აბაშიძე.

ეთერიფიკაცია - სპირტისა და მჟავასგან ეთერების მიღება.

ეთეროვანი - ეთერის შემცველი.

ეთვალისი - სოფელი დუშეთის მუნიციპალიტეტში (ჟინვალის სადაბო საკრებულო), არაგვის ხეობაში. ზღვის დონიდან - 900 მეტრი, დუშეთიდან - 17 კილომეტრი. 2002 წლის აღწერის მიხედვით სოფელში ცხოვრობს 14 კაცი.

ეთიკა (ბერძნ.)

ეთიკეტი - იხილე ეტიკეტი.

ეთიკური - ეთიკის თვალსაზრისით მისაღები, მოსაწონი.

ეთილა - ძველი ბერძნული მითოლოგიის თანახმად, ტროელი ქალიშვილი.

ეთილაცეტატი - უფერო საწვავი სითხე, ეთილის სპირტისა და ძმარმჟავას რთული ეთერი; იყენებენ როგორც გამხსნელს.

ეთილენგლიკოლი (ეთანდიოლი) - უმარტივესი ორატომიანი სპირტი, უფერული, უსუნო ტკბილი სითხე. იყენებენ პლასტმასისა და სინთეზური ბოჭკოს წარმოებაში.

ეთილენდიამინი - უფერული სითხე, აქვს ამიაკის სუნი. იყენებენ საფეიქრო მრეწველობაში.

ეთილენი (ეთენი) - უფერო საწვავი გაზი, რომელიც შედგება ნახშირბადისა და წყალბადისაგან. შედის სანათი გაზის შემადგენლობაში.

ეთილენქლორჰიდრინი - ორგანული ნაერთი, ეთერის სუნის მქონე უფერული სითხე.

ეთილი (ბერძნ.) - ნახშირბადისა და წყალბადის ატომების ჯგუფი, რომელიც შედის ბევრი ორგანული ნაერთის შემადგენლობაში. ეთილის სპირტი - ორგანული ნაერთი; იყენებენ როგორც გამხსნელს სინთეზური კაუჩუკის მისაღებად.

ეთიმ გურჯი - იხილე იეთიმ გურჯი.

ეთიმ ემინი (ნამდვილი სახელი მაჰომედ ემინი) - ლეზგი (დაღესტნელი) პოეტი (1838-1884 წწ).

ეთიოპები (ბერძნ. იტიოპები, იტოპები - „მზით დამწვარნი“) - ეთიოპიის ძირითადი მოსახლეობის სახელწოდება.

ეთიოპია (სხვაგვარად - აბისინია, ძველქართულად - აბაშეთი, ეთიოპიის ფედერაციული დემოკრატიული რესპუბლიკა, ye-Ityoppya Federalawi Dimokrasiyawi Ripeblik).

ეთმოიდიტი (ბერძნ.) - ცხავის ძვლის ლაბირინთის ლორწოვანი გარსის ანთება.

ეთნარქი (ბერძნ.) - გვარის, ტომის მამამთავარი.

ეთნიკური (ბერძნ.) - ამა თუ იმ ტომთან, ხალხთან დაკავშირებული.

ეთნოგენეზი (ბერძნ.) - ხალხის, ტომის წარმოშობა.

ეთნოგრაფი - ეთნოგრაფიის სპეციალისტი.

ეთნოგრაფია (ბერძნ.)

ეთნოგრაფიული - ეთნოგრაფიასთან დაკავშირებული.

ეთნოლოგია (ბერძნ.) - ტერმინი, რომელსაც იყენებენ ეთნოგრაფიის ნაცვლად უცხოელი (უპირატესად გერმანელი) მეცნიერები.

ეთნონიმი (ბერძნ.) - სიტყვა, რომელიც წარმოადგენს ამა თუ იმ ხალხის სახელწოდებას.

ეთნონიმიკა (ბერძნ.) - ლექსიკოლოგიის, კერძოდ ონომასტიკის, დარგი, რომელიც შეისწავლის ეთნონიმებს ანუ ხალხების, ტომების საკუთარ სახელებს.

ეთნოსი (ბერძნ.) - ადამიანთა ისტორიულად ჩამოყალიბებული მეტ-ნაკლებად დიდი თუ მცირე ჯგუფი, შეკავშირებული თავდაპირველი ტერიტორიის, ენისა და კულტურის ერთობის საფუძველზე.

ეთოლოგია (ბერძნ.) - ზოოლოგიის დარგი, რომელიც ცხოველთა ქცევას სწავლობს.

ეთოსი (ბერძნ.) - ჰომეროსის მიხედვით, ადგილსამყოფელი, საცხოვრებელი კერა, კარავი.

ეთრა - ძველი ბერძნული მითოლოგიის თანახმად, ეგეოსის ცოლი, თეზევსის დედა.

ეთუსა - ძველი ბერძნული მითოლოგიის თანახმად, აპოლონის სატრფო.

ეია - იხილე ეა.

ეიადემა გნასინგბე ეტიენ - ტოგოს პრეზიდენტი 1967-2005 წლებში (1937-2005 წწ).

ეიგენი მანფრედ - გერმანელი ქიმიკოსი, 1967 წლის ნობელი პრემიის ლაურეატი რ.ნორიშთან და ჯ.პორტერთან ერთად (დაიბადა 1927 წელს)

ეიგრი პეტერ - ამერიკელი ქიმიკოსი, 2003 წლის ნობელის პრემიის ლაურეატი (დაიბადა 1949 წელს).

ეიდელმანი ნათან - საბჭოთა კავშირში მოღვაწე ებრაელი მწერალი და ისტორიკოსი (1930-1989 წწ).

ეიდემანისი რობერტ - ლატვიელი მწერალი (1895-1937 წწ).

ეიდოთია - ძველი ბერძნული მითოლოგიის თანახმად, ზღვის ღვთაება.

ეიდოლოგია (ბერძნ.) - მოძღვრება სახეობის შესახებ, ევოლუციური მოძღვრების ნაწილი.

ეიდრიანი (ედრიანი) ედგარ დაგლას - ინგლისელი ფიზიოლოგი, 1932 წლის ნობელის პრემიის ლაურეატი ჩ.ს. შერინგტონთან ერთად (1889-1977 წწ).

ეიდუკიავიჩუსი პრანას - ლიტველი რევოლუციონერი (1869-1926 წწ).

ეიე - ეგვიპტის ფარაონი დაახლოებით 1338-1334 წლებში ჩვენს ერამდე. პირობითად მიეკუთვნება XVIII დინასტიას.

ეივე მაქს (მაგიელის) - ნიდერლანდელი მოჭადრაკე, საერთაშორისო დიდოსტატი, 1935-37 წლების მსოფლიოს ჩემპიონი, ფიდეს პრეზიდენტი 1970-78 წლებში (1901-1981 წწ).

ეიზელი დონ - აშშ-ს კოსმონავტი, მეცნიერების მაგისტრი. 1968 წლის ფრენის მონაწილე (1930-1987 წწ).

ეიზელი - ბელგიის ქალაქ ბრიუსელის საფეხბურთო სტადიონი.

ეიზენი არტურ - საოპერო მომღერალი, ბანი, საბჭოთა კავშირის სახალხო არტისტი, მოსკოვის დიდი თეატრის სოლისტი (დაიბადა 1927 წელს).

ეიზენშტედტი ალფრედ - გერმანული ფოტორეპორტაჟის ერთ-ერთი პიონერი (1898 - 1995 წწ).

ეიზენშტეინი სერგეი - რუსი (საბჭოთა) კინორეჟისორი, ხელოვნების თეორიტიკოსი, პედაგოგი (1898-1948 წწ).

ეიზენჰაუერი (აიზენჰაუერი) დუაიტ დევიდ - აშშ-ს 34-ე პრეზიდენტი 1953-61 წლებში რესპუბლიკელთა პარტიიდან (1890-1969 წწ).

ეიკა - მდინარე ქვემო ტუნგუსკის მარჯვენა შენაკადი რუსეთის კრასნოიარსკის მხარის ევენკთა ავტონომიურ ოკრუგში.

ეიკები - იხილე ვან ეიკები.

ეიკენი ვალტერ - გერმანელი ეკონომისტი, ნეოლიბერალიზმის თეორიტიკოსი (1891-1950 წწ).

ეიკენი კონრად - ამერიკელი მწერალი (1889-1973 წწ).

ეიკენი რუდოლფ - გერმანელი ფილოსოფოსი, ი.გ. ფიხტეს მომდევარი, 1908 წლის ნობელის პრემიის ლაურეტი (1846-1926 წწ).

ეიკენი ჰოვარდ ჰატაუეი - ამერიკელი მათემატიკოსი, ერთ-ერთი პირველი ელექტროგამომთვლელი მანქანის შემქმნელი (1900-1973 წწ).

ეიკენსაიდი მარკ - ინგლისელი პოეტი (1721-1770 წწ).

ეიკი (ვან ეიკი) იან - ნიდერლანდელი მხატვარი, ჩრდილოეთის აღორძინების ერთ-ერთი პირველი წარმომადგენელი (1390-1441 წწ).

ეიკი ჰუპერტ - ნიდერლანდელი ფერმწერი (გარდაიცვალა 1426 წელს).

ეიკია არმას (ნამდვილი სახელი და გვარი ვილიე ვეიე) - ფინელი პოეტი, ჟურნალისტი, საზოგადო მოღვაწე (1904-1965 წწ).

ეიკინსი თომას - ამერიკელი ფერმწერი (1844-1916 წწ).

ეიკმანი კრისტიან - ნიდერლანდელი ექიმი, ბაქტერიოლოგი და ფიზიოლოგი, 1929 წლის ნობელის პრემიის ლაურეატი (1858-1930 წწ).

ეიკონალი - ფუნქცია, რომელიც განსაზღვრავს ოპტიკური გზის მანძილს ორ შერჩეულ წერტილს შორის.

ეიკროიდი დენ - კანადური წარმოშობის ამერიკელი მსახიობი (დაიბადა 1952 წელს).

ეილერი ლეონარდ - შვეიცარიელი მათემატიკოსი და ფიზიკოსი (1707-1783 წწ).

ეილერი (ეილერ-კელპინი) ულფ სვენტე ფონ - შვედი ფიზიოლოგი, 1970 წლის ნობელის პრემიის ლაურეატი ბ.კაცთან და ჯ.აქსელროდთან ერთად (1905-1983 წწ).

ეილერ-კელპინი ჰანს კარლ ავგუსტ სიმონ ფონ - შვედი ქიმიკოსი, 1929 წლის ნობელის პრემიის ლაურეატი ა.ჰარდენთან ერთად (1873-1963 წწ).

ეილვინ ასოკარი პატრისიო - ჩილეს პრეზიდენტი 1990-94 წლებში (დაიბადა 1918 წელს).

ეილი ალვინ - ამერიკელი მსახიობი, მოცეკვავე, ქორეოგრაფი, პედაგოგი. ცეკვის „მოდერნის“ სკოლის ერთ-ერთი თვალსაჩინო წარმომადგენელი (1931-1989 წწ).

ეი, მაესტრო - ქართული მხატვრული ფილმი. ეკრანებზე გამოვიდა 1987 წელს. დამდგმელი რეჟისორი - ნოდარ მანაგაძე. სცენარის ავტორები - ერლომ ახვლედიანი, ნოდარ მანაგაძე, დავით ჯავახიშვილი. დამდგმელი ოპერატორი - ლევან პაატაშვილი. მთავარ როლებში: თენგიზ ამირიძე, ელენე კვირკველია, ეკატერინე მჭედლიძე , დალი ჩიტალაძე, მაყვალა გონაშვილი.

ეიმანსბერგერი ლუდვიგ ფონ - ავსტრიელი სამხედრო თეორიტიკოსი, არტილერიის გენერალი (1878-1945 წწ).

ეიმეიდენი - ქალაქი ნიდერლანდის ჩრდილოეთ ჰოლანდიის პროვინციაში.

ეიმერია - უმარტივესი ცხოველების გვარი კოქციდიების რიგისა.

ეიმერის შელფური მყინვარი - მდებარეობს ანტარქტიდაში.

ეიმსი ოლდრინ - აშშ-ს ცენტრალური სადაზვერვო სამმართველოს თანამშრომელი, რომელიც საბჭოთა კავშირის სასარგებლოდ წარმოებულ შპიონაჟში ამხილეს 1994 წელს (დაიბადა 1941 წელს).

ეინარ იოუნსონი - ისლანდიელი მოქანდაკე (1874-1954 წწ).

ეინაუდი ლუიჯი - იტალიის რესპუბლიკის პრეზიდენტი 1948-55 წლებში (1874-1961 წწ).

ეინდჰოვენი - ქალაქი ნიდერლანდში, ჩრდილოეთ ბრაბანტის პროვინციაში (200 ათასი, გარეუბნებით 400 ათასი).

ეინმანი ედუარდ - ესტონელი მხატვარი-გრაფიკოსი (1913-1982 წწ).

ეინტჰოვენი ვილემ - ნიდერლანდელი ელექტროფიზიოლოგი, 1924 წლის ნობელის პრემიის ლაურეატი (1860-1927 წწ).

ეინჰერიები - სკანდინავიურ მითოლოგიაში - მეომრები, რომლებიც ბრძოლის ველზე დაეცნენ და ოდინმა შეიფარა მათი სულები.

ეირაგოლა - ლიტვის ქალაქ არეგალას სახელი 1917 წლამდე.

ეირამჯანი ანატოლი (ნამდვილი გვარი ტერ-გრიგორიანი) - სომხური წარმოშობის რუსი სცენარისტი და კინორეჟისორი (დაიბადა 1937 წელს).

ეირე - ირლანდიის ეროვნული სახელი, მისი ოფიციალური სახელი 1937-49 წლებში.

ეირენე (ირინე) - მშვიდობის მფარველი ღმერთქალი ძველ საბერძნეთში, მშვიდობიანობის განსახიერება.

ეირენისი - გველების გვარი ანკარისებრთა ოჯახისა (60 სმ-მდე სიგრძის).

ეირი

ეირი ედუარდ ჯონ - ავსტრალიის ინგლისელი მკვლევარი, ახალი ზელანდიის გუბერნატორი (1815-1901 წწ).

ეირიკ რაუდი (ერიკ მწითური, ეირიკ თორვალდსენი) - ნორმანი ზღვაოსანი, მიაღწია გრენლანდიის ნაპირებს, ითვლება ამერიკის პირველაღმომჩენად (X საუკუნე).

ეირინგი ჰენრი - ამერიკელი ფიზიოქიმიკოსი (1901-1981 წწ).

ეისაი - იაპონელი ბუდისტი ბერი, ძენ-ბუდიზმის სკოლის დამაარსებელი (1141-1215 წწ).

ეისებიო (ეუსებიო) პერეირა და სილვა - პორტუგალიელი ფეხბურთელი, წარმოშობით მოზამბიკელი, 1966 წლის მსოფლიო ჩემპიონატის საუკეთესო ფეხბურთელი და ბომბარდირი (დაიბადა 1943 წელს).

ეისელი - მდინარე რაინის მარჯვენა ტოტი (ნიდერლანდი).

ეისერი - პერსონალური კომპიუტერების მწარმოებელი ტაივანის კორპორაცია.

ეი-სი/დი-სი - ავსტრალიური როკ-ჯგუფი, შეიქმნა 1974 წელს.

ეისკენსი გასტონ - ბელგიის პრემიერ-მინისტრი 1949-72 წლებში, ხანგამოშვებით (1905-1988 წწ).

ეისკი - ქალაქი რუსეთის კრასნოდარის მხარეში (85 ათასი).

ეისლებენი - ქალაქი გერმანიაში საქსონია-ანჰალტის მხარეში.

ეისნერი იან - ჩეხი ისტორიკოსი და არქეოლოგი (1885-1967 წწ).

ეიტკენი რობერტ გრანტ - ამერიკელი ასტრონომი (1864-1951 წწ).

ეიტსის ნაპირი - ელზუორთის მიწის სანაპიროს ნაწილი.

ეიფელი ალექსანდრ გუსტავ - ფრანგი ინჟინერ-მშენებელი, ეიფელის კოშკის შემქმნელი (1832-1923 წწ).

ეიფელის კოშკი - ფოლადის კოშკი პარიზში (300 მეტრი, მთლიანი წონა 9 ათასი ტონა), პარიზის ერთ-ერთი სიმბოლო. აგებულ იქნა 1889 წელს ა.გ.ეიფელის პროექტით მსოფლიო გამოფენასთან დაკავშირებით.

ეიფმანი ბორის - რუსი ბალეტმეისტერი (დაიბადა 1946 წელს).

ეიფორია (ბერძნ.) - აღგზნებული, მხიარული განწყობილება, კმაყოფილების, კეთილდღეობის გრძნობა, რაც არ შეესბამება ობიექტურ მდგომარეობას.

ეიფსთური - მდინარე გალის მუნიციპალიტეტში, ოხოჯის მარჯვენა შენაკადი.

ეიშიშკესი - ქალაქი ლიტვაში.

ეიცი - მდინარე გალის მუნიციპალიტეტში, ენგურის მარჯვენა შენაკადი.

ეიხვალდი ედუარდ - რუსი ბუნებისმეტყველი (1795-1876 წწ).

ეიჰე რობერტ - დასავლეთ ციმბირის მაღალჩინოსანი რეპრესირებული საბჭოელი პოლიტიკური მოღვაწე (1890-1940 წწ).

ეკაბპილსი (1917 წლამდე იაკობშტადტი) - ქალაქი ლატვიაში, მდინარე დაუგავაზე, იგივე იეკაბპილსი.

ეკალა (ხე)

ეკალა-მთა - მთა ახმეტისა და თიანეთის მუნიციპალიტეტების საზღვარზე, გომბორის ქედზე (1602 მეტრი).

ეკალაძე ია (ნამდვილი სახელი და გვარი იაკობ ცინცაძე) - მწერალი, პუბლიცისტი, საზოგადო მოღვაწე (1872-1933 წწ).

ეკალბარდი - ეკლიანი ბარდი.

ეკალი

ეკალღიჭი (Smilax excelsa) - მცენარე შროშანისებრთა ოჯახისა, ეკლიანი მაღალი ხვიარა ბუჩქი, აქვს მცოცავი ღეროები.

ეკარიუსი იოჰან გეორგ - გერმანიისა და საერთაშორისო მუშათა მოძრაობის მოღვაწე (1818-1889 წწ).

ეკარტე - XIX საუკუნის ინგლის-საფრანგეთში პოპულარული თამაში ბანქოსი.

ეკარტსჰაუზენი კარლ ფონ - გერმანელი მწერალი (1752 1803 წწ).

ეკატერინბურგი (1924-1991 წლებში - სვერდლოვსკი) - ქალაქი რუსეთში, სვერდლოვსკის (ეკატერინბურგის) ოლქის ცენტრი (1,3 მილიონი).

ეკატერინე I ალექსის ასული (მარტა სკავრონსკაია) - რუსეთის იმპერატრიცა 1725 წლიდან, პეტრე I-ის მეორე ცოლი (1684-1727 წწ).

ეკატერინე II დიდი ალექსის ასული (სოფია ფრედერიკა ავგუსტა ანჰალტ-ცერბესტი) - რუსეთის იმპერატრიცა 1762 წლიდან, იმპერატორ პეტრე III-ის ცოლი (1729-1796 წწ).

ეკატერინე არაგონელი - ინგლისის დედოფალი, მეფე ჰენრიხ VIII ტიუდორის მეუღლე (1485-1536 წწ).

ეკატერინე დადიანი - სამეგრელოს სამთავროს უკანასკნელი დედოფალი, ალექსანდრე ჭავჭავაძის ასული (1816-1882 წწ).

ეკატერინე მედიჩი (კატრინ დე მედიჩი) - საფრანგეთის დედოფალი 1547 წლიდან, ჰენრიხ II ვალუას მეუღლე (1519-1589 წწ).

ეკატერინენშტადტი - რუსეთის სარატოვის ოლქის ქალაქ მარქსის სახელი 1920 წლამდე.

ეკატერინეს სრუტე - სრუტე კუნძულ კუნაშირსა და კუნძულ იტურუპს შორის, კურილის კუნძულების მწკრივში, ოხოტის ზღვას აკავშირებს წყნარ ოკეანესთან.

ეკატერინოდარი - რუსეთის ქალაქ კრასნოდარის სახელი 1920 წლამდე.

ეკატერინოვკა - დაბა რუსეთის სარატოვის ოლქში.

ეკატერინოსლავი - უკრაინის ქალაქ დნეპროპეტროვსკის სახელი 1802-1926 წლებში.

ეკატერინოსლავკა - დაბა რუსეთის ამურის ოლქში.

ეკატერინოფელდი - ქალაქ ბოლნისის სახელი 1921 წლამდე.

ეკატერინშტადტი - რუსეთის სარატოვის ოლქის ქალაქ მარქსის სახელი 1920 წლამდე.

ეკაუდი (ეკაუტი) ჟორჟ - ბელგიელი მწერალი, წერდა ფრანგულ ენაზე (1854-1927 წწ).

ეკბატანა - ირანის ქალაქ ჰამადანის ძველბერძნული სახელი (აღმოსავლური წყაროების თანახმად - ამატანა).

ეკბერგი ანიტა (ნამდვილი სახელი კერსტინი) - შვედური წარმოშობის ჰოლივუდის მსახიობი ქალი (დაიბადა 1931 წელს).

ეკგოფი კონრად - გერმანელი მსახიობი, პედაგოგი, თეატრალური მოღვაწე (1720-1778 წწ).

ეკებერგი ანდერს გუსტავ - შვედი ქიმიკოსი და მინერალოგი (1767-1813 წწ).

ეკენერი ჰუგო - გერმანელი ჰაერნაოსანი, დირიჟაბლების ფირმა „ცეპელინის“ ხელმძღვანელი (1868-1945 წწ).

ეკერი (ფრანგ.) - გეოდეზიური იარაღი გარკვეული სიდიდის კუთხეების ასაგებად ადგილზე.

ეკერმანი იოჰან პეტერ - იოჰან ვოლფგანგ გოეთეს პირადი მდივანი და მემუარისტი (1792-1854 წწ).

ეკერსბერგი კრისტოფერ ვილჰელმ - დანიელი ფერმწერი და გრაფიკოსი, რეალისტი (1783-1853 წწ).

ეკერტი ჯონ პროსპერ - ამერიკელი ინჟინერი. 1946 წელს ჯ.მოკლისთან ერთად შექმნა პირველი უნივერსალური კომპიუტერი, რაც ბევრი თანამედროვე კომპიუტერის პროტოტიპად იქცა (1919-1995 წწ).

ეკეჰარტი - გერმანელი მწერალი, სასულიერო პირი, ბერი (910 - 973 წწ).

ეკვადორი (ეკვადორის რესპუბლიკა, ესპან. Republica Del Ecuador).

ეკვალაიზერი - რადიოელექტრონული დანადგარი, როგორც წესი, მაღალხარისხოვანი სტერეოფონური კომპლექსების შემადგენელი ნაწილი, იყენებენ ბგერის გამაძლიერებელ სისტემათა სიხშირული არხების კორექციისათვის.

ეკვატორი (დედამიწისა) - დედამიწის ზედაპირის გადამკვეთი წარმოსახვითი ხაზი, რომელიც დედამიწის ცენტრზე გამავალი სიბრტყით წარმოიქმნება, მისი ბრუნვის ღერძის პერპენდიკულარულია და ყოფს დედამიწას ჩრდილოეთ და სამხრეთ ნახევარსფეროებად. სიგრძე - 40 075 696 მეტრი.

ეკვატორი (ცისა) - ცის სფეროს დიდი წრეწირი, რომლის თითოეული წერტილი 90 გრადუსითაა დაშორებული სამყაროს პოლუსებიდან.

ეკვატორი - ამა თუ იმ საქმიანობის მსვლელობის ნახევარი.

ეკვატორული აფრიკა - იხილე ცენტრალური აფრიკა.

ეკვატორული გვინეა (ეკვატორული გვინეის რესპუბლიკა, ესპან. Republica de la Guinea Ecuatorial).

ეკვდერი - იხილე ეგვტერი.

ეკვენზი სიპრიან - ნიგერიელი მწერალი, წერს ინგლისურ ენაზე (დაიბადა 1921 წელს).

ეკვივალენტი (ლათ.) - რისამე ტოლფასი, თანაბარღირებული რამ.

ეკვივალენტური

ეკვივალენცია - იხილე მაკავშირებელი.

ეკვიკოლა მარიო - იტალიელი მწერალი-ერუდიტი (1460-1525 წწ).

ეკვილიბრისტი - ცირკის მსახიობი, რომელიც ეკვილიბრისტიკაშია დახელოვნებული.

ეკვილიბრისტიკა (ლათ.) - საცირკო ხელოვნების ჟანრი, აკრობატიკისა და ჟონგლიორობის ნაერთი.

ეკვირინე - პერსონაჟი ქალი დავით კლდიაშვილის მოთხრობისა „ქამუშაძის გაჭირვება“, ოტია ქამუშაძის დედა.

ეკზალტაცია - იხილე ეგზალტაცია.

ეკზეკვატურა - იხილე ეგზეკვატურა.

ეკზეკუცია - იხილე ეგზეკუცია.

ეკზემა - იხილე ეგზემა.

ეკზემპლარი - იხილე ეგზემპლარი.

ეკზერციციები - იხილე ეგზერსისი.

ეკზისტენციალიზმი - იხილე ეგზისტენციალიზმი.

ეკზო - უმართებულოა, იხილე ეგზო.

ეკზობიოლოგია - იხილე ეგზობიოლოგია.

ეკზოგამია - იხილე ეგზოგამია.

ეკზონი (ინგლ.) - გენის ნაწილი, რომელიც შეიცავს ინფორმაციას ცილის პირველადი სტრუქტურის შესახებ.

ეკზოსტოსი - იხილე ეგზოსტოსი.

ეკზოსფერო - იხილე ეგზოსფერო.

ეკზოტიკა - იხილე ეგზოტიკა.

ეკი (ნამდვილი გვარი ივაკინი) ნიკოლაი - კინორეჟისორი, პირველი საბჭოთა ხმოვანი („Путевка в жизнь“, 1931) და პირველი ფერადი („Груня Корнакова“, 1936) ფილმების გადამღები.

ეკი შანდორ (ფსევდონიმი ალექს კეილი) - უნგრელი მხატვარი (1902-1985 წწ).

ეკი - სოფელი სენაკის მუნიციპალიტეტში.

ეკიბასტუზი - იხილე ექიბასთუზი.

ეკივოკი (ფრანგ. equivoque ლათ.-dan aequus „თანაბარი“ + vox, vocis „ხმა“) - ორაზროვნება.

ეკიკლემა - ძველბერძნულ თეატრში - პატარა მოედანი, რომელსაც სცენის ცენტრალური ნაწილიდან გამოაგორებდნენ და გაითამაშებდნენ ხოლმე სახლის შიგნით მიმდინარე მოქმედებას.

ეკიმაუცი (ეკიმოუცი) - ტივერთა ტომის IX-XI საუკუნეების ნამოსახლარი ამავე სახელწოდების სოფლის მახლობლად (მოლდავეთი).

ეკიმოვიჩი - დაბა რუსეთის სმოლენსკის ოლქში.

ეკიმჩანი - დაბა რუსეთის ამურის ოლქში.

ეკიპაჟი (ფრანგ.)

ეკიპი - ფრანგული სპორტული ჟურნალი.

ეკიპირება - ყველა საჭირო ნივთით მომარაგება ექსპედიციისა.

ეკის განძი - სენაკის მუნიციპალიტეტის სოფელ ეკში 1971 წელს აღმოჩენილი ვერცხლის მონეტების განძი - 907 ცალი.

ეკის მთა - სერი სენაკის მუნიციპალიტეტში, კოლხეთის დაბლობზე.

ეკისყურა - მდინარე სენაკის მუნიციპალიტეტში, ცივის მარცხენა შენაკადი.

ეკიუ

ეკლამფსია (ბერძნ. eklampsis - აგზნება) - ფეხმძიმე ქალთა გვიანდელი ტოქსიკოზი, მძიმე დაავადება, რასაც თან სდევს კრუნჩხვები და გონის დაკარგვა.

ეკლარა

ეკლარის ქვა - ამ სახელით ცნობილია ქუთაისის მიდამოების (სოფელ ჭოგნართან) ზედაცარცული ასაკის სქელშრეებრივი კირქვები.

ეკლერი (ფრანგ. eclair) - კრემიანი ტკბილეულის სახეობა.

ეკლესია (ბერძნ.)

ეკლესიასტე (ბერძნ.) - ძველი აღთქმის ერთ-ერთი წიგნი, მიეწერება სოლომონ ბრძენს.

ეკლესიოლოგია - ღვთისმეტყველური მოძღვრება ეკლესიაზე, როგორც „ქრისტეს სხეულზე“.

ეკლესიური - ეკლესიასთან დაკავშირებული, საეკლესიო.

ეკლექტიზმი (ბერძნ. eklektos - ამორჩეული) - სხვადასხვა, ხშირად საწინააღმდეგო პრინციპების, შეხედულებების, თეორიების, მხატვრული ელემენტების მექანიკური, არაბუნებრივი შერწყმა.

ეკლექტიკა (ბერძნ.) - იგივეა, რაც ეკლექტიზმი.

ეკლექტიკოსი - ეკლექტიზმის მიმდევარი, ეკლექტიკურად მოაზროვნე.

ეკლექტიციზმი - იხილე ეკლექტიზმი.

ეკლზი (ეკლსი) ჯონ კერუ - ავსტრიელი ფიზიოლოგი, 1963 წლის ნობელის პრემიის ლაურეატი ა.ლ. ჰოჯინთან და ა. ფ. ჰაქსლისთან ერთად (1903-1995 წწ).

ეკლიანი - ეკლით დაფარული.

ეკლიმეტრი (ბერძნ.) - პორტატიული გეოდეზიური ხელსაწყო ადგილის დახრილობის კუთხის გასაზომად.

ეკლიპტიკა (ბერძნ.) - ციური სფეროს დიდი წრე, რომელზედაც მზის წლიური ხილული მოძრაობა გადის.

ეკლნარი - ადგილი, სადაც ეკლიანი მცენარეები ჭარბობს.

ეკლოგა (ბერძნ.)

ეკლოგიტი - მასიური, ზოგჯერ ფიქლებრივი, კრისტალურ-მარცვლოვანი ქანი, ძირითადად შედგება პიროქსენისა და გრანიტისაგან.

ეკმაგიო - ტვიფრვა, გინა ბრწყინვალება (საბა).

ეკმალიანი მაკარ - სომეხი კომპოზიტორი, საგუნდო დირიჟორი, პედაგოგი (1856-1905 წწ).

ეკმანი ვაგნ ვალფრიდი - შვედი გეოფიზიკოსი და ოკეანოგრაფი (1874-1954 წწ).

ეკნომი - კუნძულ სიცილიის სამხრეთ სანაპიროს კონცხი, რომლის სიახლოვესაც პირველ პუნიკურ ომში რომაელთა ფლოტმა კართაგენელთა საზღვაო არმადა გაანადგურა.

ეკო უმბერტო - იტალიელი ფილოლოგი, ფილოსოფოსი, კულტუროლოგი, მწერალი. პოსტმოდერნიზმის თეორიტიკოსი (დაიბადა 1932 წელს).

ეკოგენეზი (ბერძნ.) - ევოლუციის პროცესში - ეკოლოგიურ ურთიერთობათა განვითარება ორგანიზმებსა და გარემოს შორის.

ეკოლოგია (ბერძნ.) - ბიოლოგიის შემადგენელი მეცნიერება ცოცხალი ორგანიზმების ურთიერთობის და მათს მიერ უერთიერთშორის და გარემოსთან დამოკიდებულებაში წარმოქმნილი თანასაზოგადოებების შესახებ.

ეკომიცუ რიიტი - იაპონელი მწერალი (1898-1947 წწ).

ეკონომაიზერი (ინგლ.)

ეკონომეტრია (ეკონომეტრიკა) - მეცნიერება, რომელიც შეისწავლის ეკონომიური ობიექტების კონკრეტულ რაოდენობრივ ურთიერთდამოკიდებულებას.

ეკონომი (ბერძნ.) - მეურნეობის გამგე, მნე.

ეკონომია (ბერძნ.)

ეკონომიზმი - XIX-XX საუკუნეების ზღვარზე ოპორტუნისტული მიმდინარეობა რუსეთის სოციალ-დემოკრატიულ მოძრაობაში.

ეკონომიკა (ბერძნ.)

ეკონომიკური - ეკონომიკასთან დაკავშირებული.

ეკონომისტი - ეკონომიკის, ეკონომიკურ მეცნიერებათა სპეციალისტი.

ეკონომიური - ეკონომიის მომცემი, მომჭირნეობითი.

ეკონომიქსი - ეკონომიკური მეცნიერების დარგი, რომელიც მიკრო და მაკრო მასშტაბის ბიზნესის, მეურნეობის მართვის მეთოდების, ეკონომიკური პოლიტიკის საკითხებს სწავლობს.

ეკონომო კონსტანტინ ალექსანდრ ბარონი ფონ სან-სერფი - ავსტრიელი ნევროლოგი, წარმოშობით ბერძენი (1876-1931 წწ).

ეკოსეზი (ფრანგ.)

ეკოსისტემა (ეკოლოგიური სისტემა) - ერთიანი ბუნებრივი კომპლექსი, რომელსაც ქმნიან ცოცხალი ორგანიზმები და მათი ბინადრობის გარემო და სადაც შემადგენლი კომპონენტები ერთმანეთთან დაკავშირებულნი არიან ენერგიის და ნივთიერებათა გაცვლით.

ეკოტიპები (ეკოლოგიური ტიპები) - მცენარეთა და ცხოველთა ამა თუ იმ სახეობის პოპულაციები, რომლებიც შეგუებულნი არიან განსხვავებული ადგილსამყოფელის პირობებს.

ეკოფისკი - ნავთობგაზსაბადო ჩრდილოეთის ზღვის ნორვეგიულ სექტორში.

ეკრანი (ფრანგ.)

ეკრანიზაცია (ეკრანიზირება) - პროზის, დრამატურგიის, პოეზიის ან საოპერო და საბალეტო ლიბრეტოების ინტერპრეტაცია კინემატოგრაფის საშუალებებით.

ეკრანირება - ადამიანების, ხელსაწყოების დაცვა გარეშე ზემოქმედებისგან, რისამე გავლენისგან.

ეკრანპლანი (ეკრანმფრენი) - მძიმე საფრენი აპარატი (მფრინავი ნავი), რომელსაც ჰაერში იკავებს მზიდ ზედაპირსა და ეკრანს შორის აპარატის სწრაფი მოძრაობისას დამუხრუჭებული ჰაერის ბალიში.

ეკრონი - იხილე აკრონი.

ეკუდარი - მცირე სამწირვალო (საბა).

ეკუმენე და ოიკუმენე (ბერძნ. Oikumene) - დედამიწის იმ არეალების ერთობლიობა, რომლებიც ძველი ბერძნების წარმოდგენით დასახლებული იყო ადამიანებით (ასეთებად მიაჩნდათ: ევროპა, წინა აზია, ინდოეთი და ჩრდილოეთი აფრიკა).

ეკუმენიზმი და ეკუმენური მოძრაობა - მოძრაობა, რომლის მიზანიცაა რელიგიური კონფენსიების გაერთიანება. ქრისტიანულ ეკუმენიზმს საფუძველი ჩაეყარა 1910 წელს ედინბურგში გამართულ მსოფლიო მისიონერულ კონფერენციაზე. ე., სულ ცოტა, სამ მიმართულებას ითვალისწინებს: 1. ქრისტიანული კონფენსიების გაერთიანებას; 2. არაქრისტიანული რელიგიების ინტეგრაციულ პროცესებსა და 3. ქრისტიანული ეკონომისტური ორგანიზაციების არაქრისტიანულ ორგანიზაციებთან შეთანხმებულ მოქმედებებს. უკანასკნელთა შორის გამოირჩევა ბუდისტების მსოფლიო საძმო, მსოფლიო ისლამური კონგრესი, ალ-ახზარესთან (ქაიროში) არსებული ისლამური კვლევების ცენტრი და სხვა. ქრისტიანობაში ეკუმენისტური პროცესების კოორდინატორია მსოფლიო საეკლესიო საბჭო, რომელიც 1948 წელს შეიქმნა. მასში გაერთიანებულია პროტესტანტული, მართლმადიდებლური, სომხურ-ბერძნული და სხვა კონფესიების უმრავლესობა.

ეკუმენური მოძრაობა - იხილე ეკუმენიზმი.

ეკფონეტიკური ნიშნები - თანამედროვე სანოტო სისტემის წინამორბედი სამუსიკო დამწერლობა ევროპაში, სომხეთსა და საქართველოში, გამოიყენებოდა საგალობლების ჩასაწერად.

ეკჰარტი იოჰანეს (მაისტერ ეკჰარტი) - გერმანელი მოაზროვნე, დომინაკენელი ბერი, გერმანული მისტიციზმის დამაარსებელი (1260-1327 წწ).

ეკჰაუტი ჰერბრანდ ვან დენ - ნიდერლანდელი ფერმწერი, რემბრანდტის მოსწავლე (1621-1674 წწ).

ეკჰოფი კონრად - გერმანელი მსახიობი და თეატრალური მოღვაწე (1720-1778 წწ).

ელ - პირველი შემადგენელი ნაწილი რთული სიტყვებისა, ნიშნავს „ელექტრო“-ს (მაგალითად, ელმავალი, ელსადგური).

ელ-აბიადი (ენგელა) - კონცხი აფრიკის უკიდურეს ჩრდილოეთ წერტილში, ტუნისში.

ელაბუგა - ქალაქი რუსეთის თათრეთის რესპუბლიკაში (55 ათასი).

ელაგაბალი - იხილე ჰელიოგაბალუსი.

ელადა (ბერძნ.) - საბერძნეთის მეორე სახელი.

ელ-აზიღი - ქალაქი თურქეთის აღმოსავლეთ ნაწილში, ვილაიეთის ადმინისტრაციული ცენტრი (205 ათასი).

ელაიონი ჰერტრუდა ბელ - ამერიკელი ბიოქიმიკოსი და ფარმაკოლოგი ქალი, 1988 წლის ნობელის პრემიის ლაურეატი დ.ბლექთან და ჯ. ჰითჩინგსნთან ერთად (1918-1999 წწ).

ელ-აიუნი - დასავლეთ საჰარის არაოფიციალური დედაქალაქი (190 ათასი).

ელ-აკაბა - იხილე აკაბა.

ელ-ალამაინი - ქალაქი ეგვიპტეში.

ელ-ალამაინის ბრძოლა - ინგლისის მე-8 არმიის შეტევითი ოპერაცია გერმანია-იტალიის ჯარების წინააღმდეგ 1942 წლის ოქტომბერ-ნოემბერში.

ელამი

ელამონი - კარის ადგილს სადგომი ადგილი (საბა).

ელანდი - კუნძული ბალტიის ზღვაში, ეკუთვნის შვედეთს.

ელანეცი - დაბა უკრაინის ნიკოლაევის ოლქში.

ელანი

ელან-კოლენოვსკი - დაბა რუსეთის ვორონეჟის ოლქში.

ელანსკაია კლავდია - რუსი მსახიობი ქალი, საბჭოთა კავშირის სახალხო არტისტი (1898-1972 წწ).

ელ-არაიში - იხილე ლარაში.

ელარე

ელარი

ელარჯი - საჭმელია ერთგვარი - ღომში მოხარშული და ჩაზელილი სულგუნი.

ელ-ასი (ნაჰრ-ელ-ასი) - მდინარე ლიბანში, სირიასა და თურქეთში, ერთვის ხმელთაშუა ზღვას (სიგრძე - 71 კილომეტრი).

ელ-ასირი - იხილე ასირი (პროვინცია).

ელ-ასნამი - იხილე ეშ-შელიფი.

ელასტიკური (ლათ.) - დრეკადი, მოქნილი.

ელასტინი (ბერძნ.) - ცილოვანი ნივთიერება, რომელიც კანის, იოგების, არტერიის კედლების და მისთანების ელასტიკური ბოჭკოების შემადგენლობაში შედის.

ელასტომერები - მაღალმოლეკულური ნაერთები, რომლებსაც ფართო ინტერვალში მაღალელასტიკური თვისებები ახასიათებთ.

ელატი (ხე) - ნაძვი (საბა).

ელატივი (ლათ.) - ზოგ ენაში ეწ. გამოსვლითი ბრუნვა.

ელატმა - დაბა რუსეთის რიაზანის ოლქში.

ელაშხუფი - მდინარე სოხუმის მუნიციპალიტეტში, ბავიუს მარჯვენა შენაკადი.

ელაჩიჩი იოსიპ - ავსტრიის არმიის გენერალი, ეროვნებით ხორვატი, 1848 წლის უნგრეთის აჯანყების ერთ-ერთი ჩამხშობი (1801-1859 წწ).

ელბა

ელ-ბაბი - ქალაქი სირიის ჰალაბის (ალეპოს) მუჰაფაზში.

ელბანი - დაბა რუსეთის ხაბაროვსკის მხარეში.

ელბასანი - ქალაქი ალბანეთში, ელბასანის რეთის ადმინისტრაციული ცენტრი (85 ათასი).

ელბა-ტრავეს არხი - აერთებს მდინარე ელბას მდინარე ტრავესთან გერმანიაში.

ელბაქიანი - სოფელი ქარელის მუნიციპალიტეტში.

ელბაქითა - სოფელი ჯავის მუნიციპალიტეტში.

ელბაქიძე არკადი - რევოლუციური მოძრაობის მონაწილე საქართველოსა და ჩრდილოეთ კავკასიაში (1879-1919 წწ).

ელბა-ჰაფელის არხი - აერთებს მდინარე ელბას მდინარე ჰაფელთან გერმანიაში.

ელ-ბაჰრი - მდინარე ნილოსის არაბული სახელწოდება.

ელბერდ - ალექსანდრე ყაზბეგის მოთხრობა (გამოქვეყნდა 1882 წელს).

ელბერტი - მწვერვალი აშშ-ს კლდოვან მთებში (4399 მ).

ელ-ბილაიმი - იხილე ბალაიმი.

ელბის ქვიშიანი მთები - იხილე საქსონიის შვეიცარია.

ელბლონგი - ქალაქი პოლონეთში, სავოევოდოს ადმინისტრაციული ცენტრი (100 ათასი).

ელბრუსი - დაბა რუსეთის ყაბარდო-ბალყარეთის რესპუბლიკაში.

ელბრუსკი - დაბა რუსეთის სტავროპოლის მხარის ყარაჩაი-ჩერქეზეთის ავტონომიურ ოლქში.

ელბურსი - მთიანეთი ირანში, კასპიის ზღვის სამხრეთ სანაპიროს გასწვრივ (სიგრძე - დაახლოებით 900 კილომეტრი).

ელგავა (1917 წლამდე მიტავა) - ქალაქი ლატვიაში, იგიევე იელგავა (75 ათასი).

ელგარი ედუარდ უილიამ - ინგლისელი კომპოზიტორი და დირიჟორი (1857-1934 წწ).

ელგერი სიმონ (ნამდვილი გვარი ვასილიევი) - ჩუვაში მწერალი (1894-1966 წწ).

ელგი - მდინარე ინდიგირკის მარცხენა შენაკადი რუსეთის იაკუტიის რესპუბლიკაში.

ელგიგიტგინი - ტბა ანადირის ზეგანზე რუსეთის მაგადანის ოლქში.

ელგონი - ჩამქრალი ვულკანი აღმოსავლეთ აფრიკაში, კენია-უგანდის საზღვარზე (4322 მეტრი).

ელ გრეკო დომენიკო (ნამდვილი გვარი თეოტოკოპულო) - ბერძნული წარმოშობის ესპანელი ფერმწერი (1541-1614 წწ).

ელგუჯა - ალექსანდრე ყაზბეგის მოთხრობა (გამოქვეყნდა 1881 წელს).

ელდა - უეცარი შეგრძნება დიდი შიშისა.

ელდანაცემი - ვისაც ელდა ეცა, შეშინებული, თავზარდაცემული.

ელდარი - ახმეტის მუნიციპალიტეტის სოფელ კასრისწყლის სახელი 1996 წლამდე (ტერიტორიულად მდებარეობს დედოფლისწყაროს მუნიციპალიტეტში).

ელდარის დაბლობი (ელდარის ველი) - ვაკე-დაბლობი დედოფლისწყაროს მუნიციპალიტეტში, ივრის ზეგნის სამხრეთ-აღმოსავლეთ ნაწილში.

ელ-დივანია - იხილე დივანია.

ელდიკანი - დაბა რუსეთის იაკუტიის რესპუბლიკაში.

ელდორადო (ესპ.)

ელდორეტი - ქალაქი კენიის რიფტ-ველის პროვინციაში.

ელ-დრუზი - იხილე ჯებელ-დრუზი.

ელეა - დაბა ლატვიაში.

ელებაევი მუკაი - ყირგიზი მწერალი (1905-1943 წწ).

ელეგანტური (ფრანგ.) - მოხდენილი, კოხტა, ნატიფი.

ელეგესტი - მდინარე ენისეის მარცხენა შენაკადი რუსეთის ტუვის რესპუბლიკაში.

ელეგი (თურქ.) - კაცისა და ქალის მოკლე ზედატანი, გავრცელებული იყო გურიაში.

ელეგია (ბერძნ.)

ელეელთა სკოლა - ძველი ბერძნული ფილოსოფიური სკოლა (ძვ.წ.აღ. VI-V საუკუნეები). სახელი ეწოდა სამხრეთ იტალიის ქალაქ ელეის მიხედვით.

ელევატორი (ლათ.)

ელევენდი

ელევენი

ელევსინი - ძველი ბერძნული მითოლოგიის თანახმად, ელევსინის მეფე და ეპონიმი.

ელევსინიები - დემეტრესა და პერსეფონეს პატივსაცემი წინაბერძნული ხანის წარმოშობის აგრარული დღესასწაულები ელევსინში.

ელეთმელეთი - შიშით შეპყრობა, თვზარდაცემა.

ელეილნი - სართულები (საბა).

ელელეცი - ტყირპი (საბა).

ელელიძეები - სოფელი ხულოს მუნიციპალიტეტში.

ელემენტი (ლათ.)

ელემენტარული

ელენე (მშვენიერი ელენე) - ძველმინოსური მცენარეულობის ღვთაება, ძველ საბერძნეთში კი ნაყოფიერებისა და სინათლის მფარველი ღმერთქალი, ზევსისა და ლედას შვილი, სპარტის მეფე მენელაოსის ცოლი. ძველბერძნული ეპოსის ულამაზესი და უპოპულარულესი ქალი.

ელენენდორფი - აზერბაიჯანის ქალაქ ხანლარის სახელი 1938 წლამდე.