|
მთავარი - ბიბლიოთეკის შესახებ - ელ.რესურსები |
| 1852 | ||
| 1852 8 დეკემბერი | ||
| გარდაეცვალა მამა – გრიგოლ პაატას ძე ჭავჭავაძე. |
წყარო:
იური ჩიქოვანი, ქართული წარჩინებული გვარები, თავადი ჭავჭავაძეები, არტანუჯი, თბ., 2002, გვ. 65. პირთა ანოტაციები:ჭავჭავაძე გრიგოლ პაატას ძე (1811-1852) ილია ჭავჭავაძის მამა. 17 წლისამ დაიწყო სამხედრო სამსახური ნიჟეგოროდის დრაგუნთა პოლკში. მონაწილეობდა რუსეთ-თურქეთის 1828-1829 წლების ომში, თავი გამოიჩინა ყარსის, ახალქალაქის, ახალციხის აღებაში, იბრძოდა ტაო-კლარჯეთში. 1845 წ. დაინიშნა კახეთის ათასკაციანი მილიციის უფროსად და იგერიებდა ლეკთა შემოტევებს. |
|
| 1863 | ||
| 8 დეკემბერი | ||
| გაზეთ „კავკაზში“ ფსევდონიმით „В. Г.-зон“ იბეჭდება მისი ლექსი „მუშას“ ივან ვოსტორგოვისეული თარგმანი. |
წყარო:
გაზ. «Кавказ», 1863, № 96; ილია ჭავჭავაძის პერსონალური ენციკლოპედია, თბ., 2010, გვ. 266. პირთა ანოტაციები: ვოსტორგოვი ივან ივანეს ძე (1864- 1918) რუსი არქიმანდრიტი, საეკლესიო მწერალი, მისიონერი. ასწავლიდა საღმრთო სჯულს თბილისის გიმნაზიებში. 1900 წლიდან სამრევლო სკოლების ზედამხედველი. |
|
| 1872 | ||
| 8 დეკემბერი | ||
| ბრუნდება თბილისიდან დუშეთში |
წყარო:
ი. ჭავჭავაძე, თსკ ოც ტომად, ტ. 17, 2012, გვ. 37, 379-380. დათარიღება: დროზე მინიშნებულია 9 დეკემბრის წერილში. |
|
| 1877 | ||
| 8 დეკემბერი | ||
| გაზეთ „ივერიაში“ ხელმოუწერლად აქვეყნებს წერილს რუბრიკით „საპოლიტიკო მიმოხილვა“ („საფრანგეთი. მაკ-მაჰონს ძალიან გაუჭირდა...“). |
წყარო:
კ. კეკელიძის სახ. ხელნაწერთა ეროვნული ცენტრი, ასლი, № 217, გვ. 509-514; გაზ. „ივერია“, 1877, № 41, გვ. 3-7; ი. ჭავჭავაძე, თსკ ოც ტომად, ტ. 6, თბ., 1997, გვ. 149. |
|
| 1880 | ||
| 8 დეკემბერი | ||
| კავკასიის მეფისნაცვლის მთავარი სამმართველოს უფროსი შუამდგომლობს საცენზურო კომიტეტთან, რომ 1881 წლიდან ილია ჭავჭავაძესა და სერგეი მესხს მისცენ ჟურნალ „ივერიის“ ყოველთვიურად გამოცემის ნებართვა |
წყარო:
საისტორიო მოამბე, ტ. 3, 1947, გვ. 198-199. |
|
| 1882 | ||
| 8 დეკემბერი | ||
| წერილს იღებს გრიგოლ დადიანისგან. ადრესანტი უზიარებს თავის აზრს იმის შესახებ, რომ არ მოსწონს გაზეთი „შრომა“, რადგან ძალიან არქაულ სტილში წერენ. |
წყარო:
გიორგი ლეონიძის სახელობის ქართული ლიტერატურის მუზეუმი, 16.547.222. პირთა ანოტაციები: დადიანი გრიგოლ ლევანის ძე (1814-1901) სამეგრელოს მთავრის - ლევან V-ის ვაჟი, პოეტი, ჟურნალისტი, სამხედრო და საზოგადო მოღვაწე, ქველმოქმედი. წერდა ფსევდონიმით „კოლხიდელი“. |
|
| 1885 | ||
| 8 დეკემბერი | ||
| ჟურნალ „თეატრის“ რუბრიკაში „ჩვენ ლიტერატურაზე“ რაჟდენ ჩიკვაიძე „ალისუბნელის“ ფსევდონიმით წერს „ივერიის“ მიმართ მკითხველის უმადურობაზე. მისი აზრით ჟურნალის ხარისხს ავტორთა მოტივაცია განაპირობებს. ამიტომ ხელახლა წამოჭრის საკითხს ლიტერატურული ფონდის დაარსებასთან დაკავშირებით. |
წყარო:
ჟურნ. „თეატრი“, 1885, № 16, გვ. 155-156. პირთა ანოტაციები: ჩიკვაიძე რაჟდენ ნიკოლოზის ძე (1863-1940) პოეტი, პუბლიცისტი, მთარგმნელი. წერდა ფსევდონიმით „რ. ალისუბნელი”. |
|
| 1886 | ||
| 8 დეკემბერი | ||
| გაზეთ „კავკაზში“ მისი ხელმოწერით იბეჭდება გაზეთ „ივერიის“ ხელმოწერის პირობები 1887 წლისათვის. |
წყარო:
გაზ. «Кавказ», 1886, № 326. |
|
| 1901 8-10 დეკემბერი | ||
| მონაწილეობს თბილისის გუბერნიის თავადაზნაურთა საგანგებო კრებაში, რომელიც განიხილავს კახეთში არყის აქციზის შემოღების, თბილისში კადეტთა კორპუსის გახსნის, თავადაზნაურთა შვილების განათლებისა და სხვა საკითხე |
წყარო:
გაზ. „ივერია“, 1901, № 266-269; გაზ. „ცნობის ფურცელი“, 1901, № 1666-1668. |
