|
მთავარი - ბიბლიოთეკის შესახებ - ელ.რესურსები |
| 1873 | ||
| 6 ნოემბერი | ||
| მიდის ფინანსთა სამინისტროში ბანკის წესდების დამტკიცების ამბის გასაგებად, მაგრამ არავითარი სიახლე არ არის. |
წყარო:
ი. ჭავჭავაძე, თსკ ოც ტომად, ტ. 18, თბ., 2009, გვ. 153-155, 359. |
|
| 6 ნოემბერი | ||
| საპასუხო წერილს უგზავნის მეუღლეს. სწერს, რომ წესდების დამტკიცება ისევ ჭიანურდება, მაგრამ რაკი ხელი მოჰკიდა, საქმე ბოლომდე უნდა მიიყვანოს. სთხოვს, როცა კარდანახში ჩავა, დაწვრილებით მისწეროს, როგორ მიდის მათი სახლის მშენებლობის სამზადისი. |
წყარო: ხელნაწერთა ეროვნული ცენტრი, ი. ჭავჭავაძის პირადი საარქივო ფონდი, ავტოგრაფი № 322; ი.ჭავჭავაძე, თსკ (ათ ტომად), ტ. 10, 1961, გვ. 319-321; ი. ჭავჭავაძე, თსკ ოც ტომად, ტ. 18, თბ., 2009, გვ. 153-155, 359. პირთა ანოტაციები: გურამიშვილი-ჭავჭავაძისა ოლღა თადეოზის ასული (1842-1927) საზოგადო მოღვაწე, ქართველთა შორის წერა-კითხვის გამავრცელებელი საზოგადოების, ამიერკავკასიის ქალთა ინსტიტუტისა და საისტორიო-საეთნოგრაფიო საზოგადოებების წევრი, ქველმოქმედი. |
|
| 1886 | ||
| 6 ნოემბერი | ||
| გაზეთ „ივერიაში“ უსათაუროდ და ხელმოუწერლად აქვეყნებს მოწინავეს თარიღით „ტფილისი, 5 ნოემბერი“ („ავსტრია-ვენგერიის დელეგაციის წევრმა სმოლკამ...“). მწერლის თხზულებათა ოცტომეულში დაიბეჭდა სათაურით „ინგლის-ავსტრიის პოლიტიკური ურთიერთობა“. |
წყარო:
გაზ. „ივერია“, 1886, 6 ნოემბერი, № 240, გვ. 1; ი. ჭავჭავაძე, თსკ ოც ტომად, ტ. 8, 2007, გვ. 505. პირთა ანოტაციები: სმოლკა ფრანციშეკ იან (1810-1899) პოლონელი ადვოკატი და სახელმწიფო მოღვაწე, ავსტრიის სეიმის პრეზიდენტი. |
|
| 1890 | ||
| 6 ნოემბერი | ||
| იაკობ მანსვეტაშვილთან ერთად წერილს უგზავნის კირილე ლორთქიფანიძეს იმის დასაზუსტებლად, თუ ვისი შემოწირული იყო მის მიერ ქშწ-კგ საზოგადოებისთვის გადაცემული თანხა. |
წყარო:
ავტოგრაფი, ქუთაისის სახელმწიფო ისტორიული მუზეუმი, კირილე ლორთქიფანიძის ფონდი 913, 1049; ი. ჭავჭავაძე, თსკ ოც ტომად, ტ. 17, 2012, გვ. 144- 145, 436 პირთა ანოტაციები: მანსვეტაშვილი იაკობ ალექსანდრეს ძე (1855-1939) ჟურნალისტი, მწერალი, პუბლიცისტი, „ივერიის“ თანამშრომელი, საზოგადო მოღვაწე. ქშწ-კგ საზოგადოების მდივანი, წერდა ფსევდონიმებით: „ალექსანდრიძე“, „დონ იაგო“, „ბარელი“ და სხვ. ლორთქიფანიძე კირილე ბეჟანის ძე (1839-1919) საზოგადო მოღვაწე, პოეტი, ჟურნალისტი, პუბლიცისტი, მთარგმნელი. |
|
| 6 ნოემბერი | ||
| იაკობ მანსვეტაშვილთან ერთად თხოვნით მიმართავს კირილე ლორთქიფანიძეს, დააბრუნოს ქშწ-კგ საზოგადოების წიგნთსაცავიდან გატანილი წიგნები |
წყარო:
ავტოგრაფი, ქუთაისის სახელმწიფო ისტორიული მუზეუმი, კირილე ლორთქიფანიძის ფონდი 913, 1047; ი. ჭავჭავაძე, თსკ ოც ტომად, ტ. 17, 2012, გვ. 145, 436. პირთა ანოტაციები: მანსვეტაშვილი იაკობ ალექსანდრეს ძე (1855-1939) ჟურნალისტი, მწერალი, პუბლიცისტი, „ივერიის“ თანამშრომელი, საზოგადო მოღვაწე. ქშწ-კგ საზოგადოების მდივანი, წერდა ფსევდონიმებით: „ალექსანდრიძე“, „დონ იაგო“, „ბარელი“ და სხვ. ლორთქიფანიძე კირილე ბეჟანის ძე (1839-1919) საზოგადო მოღვაწე, პოეტი, ჟურნალისტი, პუბლიცისტი, მთარგმნელი. |
