|
1860
| |
|
|
| |
|
|
19 ივლისი | |
|
|
| |
|
|
მუშაობს ლექსის – „თ. ნიკოლოზ ბარათაშვილზედ“ პირველ ვარიანტზე. | |
წყარო:
კ. კეკელიძის სახ. ხელნაწერთა ეროვნული ცენტრი, ავტოგრაფები, № 108, გვ. 117.
პირთა ანოტაციები:
ბარათაშვილი ნიკოლოზ მელიტონის ძე (1817-1845)
პოეტი, რომანტიკოსი. |
|
| |
|
|
1871
| |
|
|
| |
|
|
19 ივლისი | |
|
|
| |
|
|
თადეოზ გურამიშვილი წერილს და ხილს უგზავნის სიძე-ქალიშვილს. | |
წყარო:
ავტოგრაფი, კ. კეკელიძის სახ. ხელნაწერთა ეროვნული ცენტრი, ილია ჭავჭავაძის
ფონდი, № 775.
პირთა ანოტაციები:
გურამიშვილი თადეოზ ზაალის ძე (1800-1875)
ქართლელი მემამულე, ქართლ-კახეთის უკანასკნელ დედოფალ მარიამ ციციშვილის დედის –
ელენე გიორგის ასულ გურამიშვილის ძმიშვილი, ილია ჭავჭავაძის სიმამრი. |
|
| |
|
|
1874 | |
|
|
| |
|
|
19 ივლისი | |
|
|
| |
|
|
კონსტანტინე ბებუთაშვილი წერილს სწერს ნიკო ნიკოლაძეს პარიზში და უყვება „მეფე
ლირის“ საჯარო კითხვის ამბავს, რომელიც მის სახლში გაიმართა. იგი თარგმანს
ბრწყინვალეს უწოდებს და იმედს გამოთქვამს, რომ ზამთარში სცენაზეც დაიდგმება. | |
წყარო:
„ილია ჭავჭავაძე. საიუბილეო კრებული“, 1957. გვ. 127.
პირთა ანოტაციები:
ბებუთაშვილი (ბებუთოვი) კონსტანტინე ალექსანდრეს (აშხარბეკის) ძე (1847-1907)
საზოგადო და პოლიტიკური მოღვაწე, თბილისის ქალაქის საბჭოს ხმოსანი, გაზეთ „ტიფლისსკი
ვესტნიკის“ დამაარსებელი და რედაქტორი, თბილისის საკრედიტო საზოგადოების
ზედამხედველი კომიტეტის თავმჯდომარე.
ნიკოლაძე ნიკო (ნიკოლოზ) იაკობის ძე (1843- 1928)
ცნობილი პუბლიცისტი, კრიტიკოსი და საზოგადო მოღვაწე. |
|
| |
|
|
1875 | |
|
|
| |
|
|
19 ივლისი | |
|
|
| |
|
|
იღებს თბილისის საოლქო სასამართლოს პალატაში ნაფიც ვექილად მიღების
დამადასტურებელ მოწმობას, რომელშიც მის საცხოვრებლად მითითებულია თბილისი. | |
წყარო:
საქართველოს ეროვნული არქივი, ფ. 116, საქ. 278; ხელნაწერთა ეროვნული არქივი,
ილია ჭავჭავაძის პირადი არქივი № 2.
დოკუმენტი |
|
| |
|
|
1886 | |
|
|
| |
|
|
19 ივლისი | |
|
|
| |
|
|
გაზეთ „ივერიაში“ უსათაუროდ და ხელმოუწერლად აქვეყნებს მოწინავეს თარიღით „ტფილისი,
18 ივლისი“ („ირლანდიას ნატვრის განხორციელებისათვის ორი სხვადასხვა გზა
აქვს ამორჩეული“). მწერლის თხზულებათა ცხრატომეულში სათაურად აქვს „ინგლის-ირლანდიის
ურთიერობა“, ოცტომეულში – „ირლანდიის საკითხი და სალუსბერის სამინისტრო“. | |
წყარო:
კ. კეკელიძის სახ. ხელნაწერთა ეროვნული ცენტრი, ი. ჭავჭავაძის პირადი საარქივო
ფონდი, ასლი № 1052, გვ. 525; გაზ. „ივერია“, 1886, 19 ივლისი, № 156, გვ. 1; ი.
ჭავჭავაძე, თსკ ცხრა ტომად (პ. ინგოროყვასა და ალ. აბაშელის რედ.), ტ. 10, 1929, გვ.
257; ი. ჭავჭავაძე, თსკ ოც ტომად, ტ. 8, 2007, გვ. 224.
პირთა ანოტაციები:
სალუსბერი (სალისბერი, სოლსბერი) რობერტ არტურ (1830-1903)
ინგლისელი პოლიტიკური მოღვაწე, ლორდთა პალატის წევრი, 1885-1892 და 1895-1902
წლებში ბრიტანეთის პრემიერმინისტრი. |
|
| |
|
|
1887 | |
|
|
| |
|
|
19 ივლისი | |
|
|
| |
|
|
გაზეთ „ივერიაში“ უსათაუროდ და ხელმოუწერლად აქვეყნებს გაგრძელებას ვრცელი
მოწინავე წერილისა თარიღით „ტფილისი, 18 ივლისი“ („გვგონია, ჩვენ საკმაოდ
ვაცოდინეთ მკითხველს...“). მწერლის თხზულებათა ოცტომეულში დაიბეჭდა
სათაურით „საგლეხო ბანკის“ გარშემო“. | |
წყარო:
კ. კეკელიძის სახ. ხელნაწერთა ეროვნული ცენტრი, ი. ჭავჭავაძის პირადი საარქივო
ფონდი, ასლი № 1052, გვ. 730-732, გაზ. „ივერია“, 1887, 19 ივლისი, № 148, გვ. 1;
ი. ჭავჭავაძე, თსკ ოც ტომად, ტ. 9, თბ., 2006, გვ. 492. |
|
| |
|
|
1889 | |
|
|
| |
|
|
19 ივლისი | |
|
|
| |
|
|
მოკლე ბარათს უგზავნის მეუღლეს
თბილისიდან საგურამოში. სთხოვს, მომდევნო დღეს ეკიპაჟი დაახვედროს მცხეთაში
დილის მატარებლის ჩამოდგომის დროისთვის. ატყობინებს, რომ სტუმრად ეყოლებათ
ნიკოლოზ მაყაშვილი თავისი ოჯახით, ილია ოქრომჭედლიშვილი ცოლ-შვილით და
სხვები. | |
წყარო:
ხელნაწერთა ეროვნული ცენტრი, ი. ჭავჭავაძის პირადი საარქივო ფონდი, ავტოგრაფი №
394. ჟურნ. „მაცნე“, ენისა და ლიტერატურის სერია, 1992, I, გვ. 151; ი. ჭავჭავაძე,
თსკ ოც ტომად, ტ. 18, თბ., 2009, გვ. 221, 375.
დათარიღება:
იხ. „ტექსტოლოგიური კვლევები ილია ჭავჭავაძის ცხოვრებისა და შემოქმედების
მატიანისთვის“, თბ., 2016, 270-271. პირთა იდენტიფიკაცია: ნიკოლოზ ჩოლოყაშვილი
ტექსტში მოხსენიებულია „კოკო თადეიჩად“
პირთა ანოტაციები:
გურამიშვილი-ჭავჭავაძისა ოლღა თადეოზის ასული (1842-1927)
საზოგადო მოღვაწე, ქართველთა შორის წერა-კითხვის გამავრცელებელი საზოგადოების,
ამიერკავკასიის ქალთა ინსტიტუტისა და საისტორიო-საეთნოგრაფიო საზოგადოებების წევრი,
ქველმოქმედი.
მაყაშვილი ნიკოლოზ ათანასეს ძე (დაბ. 1843)
ცოლად ჰყავდა მარიამ მიხეილის ასული ამილახვარი. სხვა ცნობები მის შესახებ არ
მოგვეპოვება.
ოქრომჭედლიშვილი ილია ლაზარეს ძე (1838-1898)
საზოგადო მოღვაწე, მეცნიერი, პედაგოგი, ქველმოქმედი, აღმოსავლური ენების
სპეციალისტი. ასწავლიდა ქართულს მოსკოვის უნივერსიტეტში.
|
|
| |
|
|
1894
| |
|
|
| |
|
|
ჩათვლით 19 ივლისი
| |
|
|
| |
|
|
საგურამოს ძველ ხის სახლში სტუმრად ჰყავს და, ელისაბედ საგინაშვილი, თამარ
დოდაშვილი, ეკატერინე გაბაშვილი, ანასტასია თუმანიშვილი, ნიკო ხიზანიშვილი
და სხვები. | |
წყარო:
ლიტერატურული მატიანე, 1940, ეკატერინე გაბაშვილი, მოგონებანი ილია
ჭავჭავაძეზე, გვ. 101, 111, 119.
პირთა ანოტაციები:
ჭავჭავაძე (ჭავჭავაძე-ჯამბაკურ-ორბელიანისა,
ჭავჭავაძე-საგინაშვილისა) ელისაბედ (ლიზა) გრიგოლის ასული (1840-1925)
ილია ჭავჭავაძის უმცროსი და. დოდაშვილი თამარ - ილია ჭავჭავაძის დის,
ელისაბედის მეგობარი.
თარხნიშვილი (გაბაშვილისა) ეკატერინე რევაზის ასული (1851-1938)
მწერალი და საზოგადო მოღვაწე, ილია ჭავჭავაძის საიუბილეო კომიტეტის
წევრი.
თუმანიშვილი-წერეთლისა ანასტასია მიხეილის ასული (1849-1932)
საბავშვო მწერალი, პუბლიცისტი, მთარგმნელი, საზოგადო მოღვაწე. ქალთა
საზოგადოება „განათლების“ და ჟურნალ „ჯეჯილის“ დამაარსებელი.
ხიზანიშვილი ნიკოლოზ თადეოზის ძე (1851-1906)
იურისტი, ისტორიკოსი, ეთნოგრაფი, პუბლიცისტი, ლიტერატურის კრიტიკოსი.
განათლება მიიღო ნოვოროსიის უნივერსიტეტში, მუშაობდა საქართველოს
სხვადასხვა მაზრებში. ბოლოს იყო თბილისის მომრიგებელი მოსამართლის
მოადგილე, თანამშრომლობდა სხვადასხვა ჟურნალ-გაზეთებთან. |
|
| |
|
|
1902
| |
|
|
| |
|
|
19 ივლისი | |
|
|
| |
|
|
იბეჭდება გაზეთ „ივერიის“ ბოლო ნომერი ილია ჭავჭავაძის გამომცემლობით. | |
წყარო:
გაზ. „ივერია“, 1902, 19 ივლისი, № 152 |
