|
მთავარი - ბიბლიოთეკის შესახებ - ელ.რესურსები |
| 1897 | ||
| 6 აპრილი | ||
| გაზეთ „ივერიაში“ უსათაუროდ და ხელმოუწერლად აქვეყნებს მოწინავეს თარიღით „ტფილისი, 5 აპრილი“ („ჩვენ წინა მეთაურში („ივერია“ № 61) ვთქვით, რომ..“). მწერლის თხზულებათა ოცტომეულში დაიბეჭდა სათაურით „ქართველებისა და სომხების განსხვავებული ხასიათი და ინტერესი“. |
წყარო:
გაზ. „ივერია“, 1897, 6 აპრილი, № 67, გვ. 1-3; ი. ჭავჭავაძე, თსკ ოც ტომად, ტ. 13, 2007, გვ. 323. |
|
| 1899 | ||
| 6 აპრილი | ||
| გაზეთ „ივერიაში“ განაგრძობს ვრცელი ნარკვევის ბეჭდვას სათაურით „სომეხთა მეცნიერნი და „ქვათა ღაღადი“ („ჩვენ ხომ ვნახეთ, რა ტყუილად მოუწვევია ბ-ნ გოლმსტრებს...“). |
წყარო:
გაზ. „ივერია“, 1898, 6 აპრილი, № 75, გვ. 1; ი. ჭავჭავაძე, „სომეხთა მეცნიერნი და ქვათა ღაღადი“, ტფ., „ივერიის“ რედაქციის გამოცემა, 1899; ი. ჭავჭავაძე, თსკ ოც ტომად, ტ. 14, 2007, გვ. 269. პირთა ანოტაციები: გოლმსტრემი ვლადიმირ ალექსანდრეს ძე (868-1945) პუბლიცისტი, ავტორი „პეტერბურგსკიე ვედომოსტში“ გამოქვეყნებული წერილისა „И камни возопиют“, რომელიც გააკრიტიკა ილია ჭავჭავაძემ ნარკვევ „ქვათა ღაღადში“. |
|
| 1900 | ||
| 6 აპრილი | ||
| გაზეთ „ივერიაში“ ფსევდონიმით „ახალ-მოსული“ ბეჭდავს სტატიას „პატარა საუბარი“ („თაგვმა სთხარა, სთხარაო...“). ილია ჭავჭავაძის სახელით პირველად დაიბეჭდა მწერლის თხზულება ოცტომეულში. | ||
| 6 აპრილი |
წყარო:
გაზ. „ივერია“, 1900, 6 აპრილი, № 76, გვ. 1-2; ი. ჭავჭავაძე, თსკ ოც ტომად, ტ. 14, 2007, გვ. 381. |
|
| ქშწ-კგ საზოგადოების გამგეობა ილია ჭავჭავაძეს, როგორც დიდუბის ეკლესიის გალავანში ნიკოლოზ ბარათაშვილის საფლავზე ძეგლის დასადგმელად შექმნილი საგანგებო კომისიის თავმჯდომარეს, სთხოვს ანგარიშს, რა მდგომარეობაშია ეს საქმე, როდის და როგორი ძეგლის აგებაა გადაწყვეტილი. |
წყარო:
„საისტორიო მოამბე“, ტ. 37–38, 1978, გვ. 99. პირთა ანოტაციები: ბარათაშვილი ნიკოლოზ მელიტონის ძე (1817-1845) პოეტი, რომანტიკოსი. |
|
| 1907 | ||
| 6 აპრილი | ||
| ალექსანდრე ყიფშიძეს წერილით ატყობინებს, რომ მეუღლესთან ერთად იმყოფება პეტერბურგში, დაბინავებულია მუხინის ნომრებში და სთხოვს ეწვიოს. |
წყარო:
გ. ლეონიძის სახ. ქართული ლიტერატურის სახელმწიფო მუზეუმი, ავტოგრაფი № 790; ი. ჭავჭავაძე, თსკ ათ ტომად, X, 1961, გვ. 167; ი. ჭავჭავაძე, თსკ ოც ტომად, ტ. 17, 2012, გვ. 247, 495-496. დათარიღება: წერილს აწერია მხოლოდ თარიღი. მწერლის თხზულებათა ოცტომეულში დათარიღებულია 1906 წლით, მაგრამ მეუღლესთან ერთად 6 აპრილს პეტერბურგში იმყოფებოდა 1907 და არა 1906 წელს. პირთა ანოტაციები: ყიფშიძე ალექსანდრე თევდორეს ძე (1862-1916) ისტორიკოსი, პუბლიცისტი, საზოგადო და პოლიტიკური მოღვაწე, მთარგმნელი. გაზ. „საქართველოს“ ერთ-ერთი დამაარსებელი. წერდა ფსევდონიმით „ფრონელი”. გურამიშვილი-ჭავჭავაძისა ოლღა თადეოზის ასული (1842-1927) საზოგადო მოღვაწე, ქართველთა შორის წერა-კითხვის გამავრცელებელი საზოგადოების, ამიერკავკასიის ქალთა ინსტიტუტისა და საისტორიო-საეთნოგრაფიო საზოგადოებების წევრი, ქველმოქმედი. |
