1880 1 იანვარი

გაზეთ „დროებაში“ ბეჭდავს შინაურ მიმოხილვას, სათაურით „ვისს ნათესსა ვმკით?“. იქვე მისი და სერგეი მესხის ხელმოწერით იბეჭდება განცხადება გაზეთ „დროებისა“ და ჟურნალ „ივერიის“ ერთობლივი გამოცემის შესახებ და აკაკი წერეთლის საახალწლო ლექსი „მესტვირული“, რომელშიც ერთი სტროფი ილიას ეძღვნება: „აწ ახლებზედ გადავიდეთ, ვახსენოთ ჩვენი ილია...“  

1880 1 იანვარი

სხვებთან ერთად ხელს აწერს ქშწ-კგ საზოგადოების 1879 წლის ანგარიშს.  

1880 6 იანვარი

გაზეთ „დროებაში“ ხელმოუწერლად აქვეყნებს მოწინავეს „რა გავაკეთეთ ბათუმში?“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.  

1880 8 იანვარი

გაზეთ „დროებაში“ ხელმოუწერლად აქვეყნებს მოწინავეს „არყის ბაჟი“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 9 იანვარი

გაზეთ „დროებაში“ ხელმოუწერლად აქვეყნებს მოწინავეს „ჩვენი ხელოსნობა და ხელოსნები“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.  

1880 10 იანვარი

იღებს ალექსანდრე ბერიძის წერილს, რომელშიც სთავაზობს თავის გრავიურებს ჟურნალ „ივერიისათვის“.  

1880 10 იანვარი

ესწრება ქშწ-კგ საზოგადოების გამგეობის სხდომას გრიგოლ ორბელიანთან, რაფილ ერისთავთან, ნიკო ცხვედაძესთან, დიმიტრი ყიფიანთან, ივანე მაჩაბელთან და სხვებთან ერთად.

1880 12 იანვარი

გაზეთ „დროების“ სარედაქციო გვერდზე ხელმოუწერლად აქვეყნებს დასაწყისს წერილისა „თეატრის მატიანე“ („უწინ, როდესაც ჩვენი ქართული წარმოდგენები...“). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 13 იანვარი

გაზეთ „დროების“ სარედაქციო გვერდზე ხელმოუწერლად აქვეყნებს დასასრულს წერილისა „თეატრის მატიანე“ („ვიდრე მივყვებით ამ სათაურში მოხსენებულ წარმოდგენების გარჩევას...“). აქვე უსათაუროდ და ხელმოუწერლად ბეჭდავს მეთაურს თარიღით „ტფილისი, 13 იანვარს“ („ჩვენი ქვეყანა, სხვაზედ თუ არ მეტი...“), რომელიც მწერლის თხზულებათა ოცტომეულში გამოქვეყნდა სათაურით „ჩვენი ეკონომიკა“.

1880 16 იანვარი

გაზეთ „დროების“ სარედაქციო გვერდზე ხელმოუწერლად აქვეყნებს წერილს „ერთს პატარა შემთხვევაზე“ („დღევანდელ ნომრის ახალ ამბებში...“). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 18 იანვარი

გაზეთ „დროების“ სარედაქციო გვერდზ<ე უსათაუროდ და ხელმოუწერლად აქვეყნებს მეთაურ წერილს თარიღით „ტფილისი, 15 იანვარს“ („როგორც კერძო კაცს, ისე მთელ სახელმწიფოსაც...“). თხზულებათა ოცტომეულში დაიბეჭდა სათაურით „თვითმმართველობის მნიშვნელობა ეკონომიკისათვის“.

1880 18 იანვარი

გაზეთ „დროების“ სარედაქციო გვერდზე ხელმოუწერლად აქვეყნებს წერილს „თეატრის მატიანე“ („თეატრის ავკარგიანობა და ბედ-იღბალი...“). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.  

1880 19 იანვარი

გაზეთ „დროების“ სარედაქციო გვერდზე ხელმოუწერლად აქვეყნებს წერილს „ასათიანის მოკვლაზედ. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.  

1880 20 იანვარი

მას, როგორც როგორც ქართველთა შორის წერა-კითხვის გამავრცელებელი საზოგადოების დროებით ხაზინადარს, გამგეობა სთხოვს, რომ გადაიხადოს შეკვეთილი მერხების საფასური.

1880 20 იანვარი

მონაწილეობს ქშწ-კგ საზოგადოების გამგეობის სხდომაში.

1880 20 იანვარი

გაზეთ „დროებაში“ უსათაუროდ და ხელმოუწერლად აქვეყნებს წერილს თარიღით „ტფილისი,  18 იანვარს“. მწერლის თხზულებათა კრებულებში იბეჭდება სათაურით „ძველი საქართველოს ეკონომიური წყობის შესახებ“.

1880 23 იანვარი

გაზეთ „დროების“ სარედაქციო გვერდზე ხელმოუწერლად აქვეყნებს დასაწყისს წერილისა „კავკასიის უნივერისტეტი“ („თვითმმართებლობის წარმომადგენელ პირმა...“). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 24 იანვარი

გაზეთ „დროების“ სარედაქციო გვერდზე ხელმოუწერლად აქვეყნებს დასასრულს წერილისა „კავკასიის უნივერისტეტი“ („შემცდარი აზრია, უბრალო შიშია...“).

1880 25 იანვარი

გაზეთ „დროების“ სარედაქციო გვერდზე ხელმოუწერლად აქვეყნებს წერილს „ვისთვის არის ეს საჭირო?“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 26 იანვარი

გაზეთ „დროების“ სარედაქციო გვერდზე ხელმოუწერლად აქვეყნებს წერილს რუბრიკით „თეატრის მატიანე“ („ჩვენი საზოგადოება მესხის ბენეფისსაც...“). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 29 იანვარი

გაზეთ „დროების“ სარედაქციო გვერდზე ხელმოუწერლად აქვეყნებს წერილს „ფიქრი და შენიშვნა“(„დროების“ 12 ნომერში დაბეჭდილი იყო...“). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 იანვარი

ჟურნალ „ივერიაში“ ბეჭდავს ფრანგი მწერლის, ჟიულ კლარეტის რომანის „ერთი უბედურთაგანი“ ბოლო, მესამე ნაწილს.

1880 1 თებერვალი

თავმჯდომარეობს ქშწ-კგ საზოგადოების სხდომას და ხელს აწერს მიღებულ დადგენილებებს, რომელთა საფუძველზეც სოფელ თონეთის მცხოვრებთა თხოვნა სკოლის გახსნის თაობაზე დასამტკიცებლად ეგზავნება გუბერნატორს; საზოგადოების წევრებს – გიორგი წერეთელსა და იონა მეუნარგიას ევალებათ ასლების გადამღებ აპარატ ჰექტოგრაფის ფასების გარკვევა და მმართველობისთვის მოხსენება.

1880 2 თებერვალი

გაზეთ „დროების“ სარედაქციო გვერდზე ხელმოუწერლად აქვეყნებს წერილს რუბრიკით „თეატრის მატიანე“ („არ ვიცი, ღვთის წინაშე...“). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 3 თებერვლის შემდეგ

ეგნატე ინგოროყვასგან (ნინოშვილი) იღებს 3 თებერვლით დათარიღებულ წერილობით ანგარიშს სოფელ ჩოჩხათის სახალხო სკოლის ფინანსური მდგომარეობის შესახებ. წერილში აღნუსხულია მოსწავლეთა რაოდენობა, მოცემულია სახელმძღვანელოების ჩამონათვალი, რომლებსაც იყენებენ და სასკოლო ინვენტარის სია, რომლებიც ესაჭიროებათ.

1880 4 თებერვლამდე

უბის წიგნაკში იწერს, რა ადგილას რა ღვინო და რამდენი აქვს შენახული, სავარაუდოდ, საუბარია მის ყვარლის მარანზე, რადგან ნახსენებია წოურის და ტურაულის ღვინოები.

1880 4 თებერვლამდე

უბის წიგნაკში იწერს, რომ 4 თებერვალს უნდა დააბრონოს ნასესხები ფული.

1880 4 თებერვლამდე

უბის წიგნაკში იწერს, რაში რა გადაიხადა, ვისი რა მართებს და ვის რამდენი აქვს მისთვის მისცემი.

1880 4 თებერვლამდე

უბის წიგნაკში იწერს ყასბის სახელს, რომელმაც ხარები უნდა უყიდოს.

1880 4 თებერვალი

გაზ. „დროებაში“ ხელმოუწერლად იბეჭდება პუბლიცისტური წერილის „ფიქრი და შენიშვნა“ (უფ. ნიკოლაძის „საახალწლო...“), პირველი ნაწილი.

1880 6 თებერვალი

გაზ. „დროებაში“ ხელმოუწერლად იბეჭდება პუბლიცისტური წერილის „ფიქრი და შენიშვნა“ (უფ. ნიკოლაძის „საახალწლო...“), მეორე ნაწილი („წინადვე უნდა ბოდიში მოვიხადო...“).

1880 4 თებერვლის შემდეგ

უბის წიგნაკში იწერს ოთახების მიხედვით მატერიის ზომებს, სავარაუდოდ, საფარდედ ან კედლებზე გასაკრავად.

1880 4 თებერვლის შემდეგ

უბის წიგნაკში იწერს თანხებს, რაში რა გადაიხადა და ვისგან რამდენი მიიღო.

1880 4 თებერვლიდან

უბის წიგნაკში იწერს თანხას – 7068 მანეთს და ვადას – „17 სექტემბრამდე “. ჩანაწერის მიხედვით, ეს ინფორმაცია უნდა უკავშირდებოდეს გაზეთ „დროებას“.  

1880 14 თებერვალი

გაზეთ „დროების“ სარედაქციო გვერდზე უსათაუროდ და ხელმოუწერლად აქვეყნებს წერილს თარიღით „ტფილისი, 13 თებერვალს“ („ქუთაისის სათავადაზნაურო ბანკსა...“). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში, სათაურით „ქუთაისის ბანკის უფლებამოსილების გაფართოება“.

1880 15 თებერვალი

გაზეთ „დროების“ სარედაქციო გვერდზე ხელმოუწერლად აქვეყნებს წერილს „პირველი შკოლა ბათუმში“ („დღევანდელს „დროებაში“ მკითხველი ნახავს...“). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 16 თებერვალი

ესწრება ქშწ-კგ საზოგადოების გამგეობის სხდომას და სვამს საკითხს ბათუმში სკოლის გახსნის საჭიროების შესახებ.

1880 16 თებერვალი

გაზეთ „დროების“ სარედაქციო გვერდზე ხელმოუწერლად აქვეყნებს წერილს „კორრესპონდენტი და საზოგადოება“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 17 თებერვალი

გაზეთ „დროების“ სარედაქციო გვერდზე უსათაუროდ და ხელმოუწერლად აქვეყნებს წერილს თარიღით „ტფილისი, 16 თებერვალს“ („ჩვენ ამას წინათ ავღნიშნეთ...“). მწერლის თხზულებათა ოცტომეულში დაიბეჭდა სათაურით „ქუთაისის ბანკის ხელსაყრელი პირობები“.

1880 19 თებერვალი

გაზ. „დროებაში“ ხელმოუწერლად იბეჭდება პუბლიცისტური წერილის „ფიქრი და შენიშვნა“ (უფ. ნიკოლაძის „საახალწლო...“) მესამე ნაწილი („იმ აზრის „უფრო გარკვევით“ გამოსათქმელად...“). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 21 თებერვალი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „საფუძველი კავკასიის უნივერსიტეტისა“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 21 თებერვალი

მონაწილეობს დავით სარაჯიშვილის სახლში გამართულ ქართული სათეატრო ამხანაგობის კრებაში. იხილავენ დიმიტრი ყიფიანის წინადადებებს: დეკლამაციისა და დიქციის კლასების გაუქმების, გიორგი წერეთლის პიესისთვის „ოჯახის ასული“ ჯილდოს მინიჭებისა და ამხანაგობის წევრად მიხეილ ბებუთაშვილის მიღების შესახებ. შემოთავაზებულ წინადადებებს მხარს უჭერს კრების მონაწილეთა მხოლოდ მცირე ნაწილი, რაც ხდება დიმიტრი ყიფიანის განაწყენებისა და ამხანაგობიდან გასვლის მიზეზი.

1880 22 თებერვალი

გაზ. „დროებაში“ ხელმოუწერლად იბეჭდება პუბლიცისტური წერილის „ფიქრი და შენიშვნა“ (უფ. ნიკოლაძის „საახალწლო...“) ბოლო, მეოთხე ნაწილი („უფ. ნიკოლაძის შვილდ-ისარი მიმართლია...“). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 24 თებერვალი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას რუბრიკით „თეატრის მატიანე“ („პ. უმიკაშვილის ახალს კომედიაზედ...“). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 26 თებერვალი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „ერთი შენიშვნა „ტფილისის მოამბეს“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 26 თებერვალი

სათეატრო ამხანაგობიდან დიმიტრი ყიფიანის გასვლასთან დაკავშირებით გაზეთ „ტიფლისკი ვესტნიკში“ გამოქვეყნებული ინფორმაციის საპასუხოდ, ამხანაგობის სხვა წევრებთან: ნიკოლოზ ავალიშვილთან, დავით ერისთავთან, ივანე მაჩაბელთან, დავით სარაჯიშვილთან, გიორგი თუმანიშვილთან და იოსებ ბაქრაძესთან ერთად, გაზეთ „დროებაში“ აქვეყნებს წერილს რედაქციისადმი („ბატონო რედაქტორო!“). მასში ნათქვამია, რომ ვიდრე დიმიტრი ყიფიანი ამხანაგობიდან თავის გასვლას წერილობით არ დაადასტურებს, საზოგადოებამ ამის შესახებ გავრცელებულ ხმებს ყურადღება არ უნდა მიაქციოს.

1880 27 თებერვალი

თავმჯდომარეობს ქშწ-კგ საზოგადოების სხდომას და ხელს აწერს დიმიტრი ყიფიანის მიერ ბანკისთვის მომგებიანი ბილეთების მიყიდვის პირობების შესახებ დადგენილებას.

1880 28 თებერვალი

გაზეთებში იბეჭდება ქართველი მსახიობების: კოტე მესხის, ვასო აბაშიძის, აქვსენტი ცაგარელის, კოტე ყიფიანისა და სხვათა განცხადება („წერილი რედაქტორთან“), რომელშიც ისინი მოითხოვენ, რომ მთავრობის მიერ ქართული დრამატული საზოგადოების წესდების დამტკიცებამდე თეატრალური დასის ხელმძღვანელობა მიენდოს ახლადარჩეულ პირებს: ილია ჭავჭავაძეს, დიმიტრი ყიფიანს, ლუარსაბ მაღალაშვილს, მიხეილ ბებუთაშვილს, აკაკი წერეთელს, ნიკო ნიკოლაძეს, ისაია ფითუაშვილს, სერგეი მესხს და რაფიელ ერისთავს.

1880 29 თებერვლამდე

რუსულ გაზეთებში იბეჭდება ინფორმაცია ქართულ სათეატრო ამხანაგობასა და დრამატულ დასს შორის მომხდარი უთანხმოების შესახებ და გაზეთი „დროება“ მოხსენიებულია, როგორც ილია ჭავჭავაძისა და მისი პარტიის იარაღი.

1880 29 თებერვალი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „კიდევ „ტფილისის მოამბეს“. წერილში გაკრიტიკებულია გაზეთი „ტიფლისკი ვესტნიკი“, „ობზორი“ და მისი რედაქტორი ნიკო ნიკოლაძე. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში

1880 29 თებერვალი

გაზეთ „დროებაში“ გამოქვეყნებული მისი წერილის გამო ნიკო ნიკოლაძე წერს პასუხს „ბეჭდვითი მეყალბენი“ და ილია ჭავჭავაძეს დუელში იწვევს. დუელის დღედ ინიშნება 1 მარტი. ნიკო ნიკოლაძე სეკუნდანტებად ასახელებს ნიკოლოზ სიმბორსკის და დავით გურამიშვილს, ილია ჭავჭავაძე – იოსებ შალიკაშვილსა და ნიკოლოზ ერისთავს.

1880 1 მარტი

გაზეთი „ობზორი“ ხელმოუწერლად ბეჭდავს ნიკო ნიკოლაძის მოწინავეს „ბეჭდვითი მეყალბენი“, რომელიც მიმართულია ილია ჭავჭავაძისა და მისი თანამოაზრეების – „დროება“-„ივერიის“ თანამშრომლების წინააღმდეგ.

1880 1 მარტი

დუელი ილია ჭავჭავაძესა და ნიკო ნიკოლაძეს შორის არ შედგება.

1880 3 მარტი

თავმჯდომარეობს ქშწ-კგ საზოგადოების სხდომას და ხელს აწერს დიმიტრი ყიფიანის მიერ ბანკისთვის მომგებიანი ბილეთების მიყიდვის პირობების შეცვლის დადგენილებას. ოქმზე არის დიმიტრი ყიფიანის მინაწერი, რომელიც ადასტურებს, რომ მან ეს ცვლილება გაიზიარა.

1880 4 მარტი

ხდება ილია ჭავჭავაძისა და ნიკო ნიკოლაძის ოფიციალური შერიგება და ფორმდება ოქმი, რომლის მიხედვითაც ნიკოლაძემ უკან წაიღო თავისი სიტყვები ილიაზე, რომლებიც „ობზორში“ გამოაქვეყნა, ილიამ კი განაცხადა, რომ არ ამართლებს „დროების“ მოწინავე სტატიების ტონს ნიკოლაძესთან მიმართებით. რამდენადაც ეს წერილები ხელმოუწერლად იყო გამოქვეყნებული და ნიკოლაძე პასუხს ავტორს ვერ მოსთხოვდა, შეთანხმდნენ, რომ შემდგომში ხელმოუწერელ სტატიებზე პასუხს აგებდა რედაქტორი, ნიკოლაძე კი აღარ შეეხებოდა ილია ჭავჭავაძის პირადობას “ობზორში“ ოქმს ხელს აწერენ ნდობით აღჭურვილი პირები: ნიკოლოზ ერისთავი, იოსებ შალიკაშვილი, დავით გურამიშვილი და ნიკოლოზ სიმბორსკი

1880 6 მარტი

გაზეთი „დროება“ აქვეყნებს მოწინავეს („ტრუპპა და კომიტეტი“) ქართულ დრამატულ დასსა და თეატრალურ კომიტეტს შორის წარმოშობილ უთანხმოებათა მიზეზებზე.

1880 8 მარტი

თავმჯდომარეობს ქშწ-კგ საზოგადოების სხდომას, რომელზეც ტიმოთე კონსტანტინოვს ალექსანდრეს ინსტიტუტის ნაცვლად სთავაზობენ ექვსთვიან დაფინანსებას გორის სამოსწავლო სემინარიაში, იმ პირობით, რომ მისი დამთავრების შემდეგ ექვსი წელი იმუშავებს ქშწ-კგ საზოგადოების სკოლაში; გამოყოფენ დახმარებას კავთისხევის სკოლის მშენებლობისთვის, მაგრამ კატეგორიულად ითხოვენ, რომ დაწყებით კლასებში სწავლა ქართულ ენაზე იყოს. აკმაყოფილებენ ნიგოითისა და ლანჩხუთის სკოლების მასწავლებელთა თხოვნას წიგნებისა და სასკოლო ნივთების მიწოდებაზე. მიხეილ ყიფიანის მიერ წარმოდგენილ არითმეტიკის სახელმძღვანელოს სახალხო სკლებისთვის განსახილველად გადასცემენ თედო ჟორდანიასა და ივანე გამყრელიძეს. სტამბას უნაზღაურებენ მეჯლისისთვის დაბეჭდილი აფიშებისა და ბილეთების ხარჯებს. მსჯელობენ კომერციულ ბანკში შეტანილი თანხიდან სარგებლის მიღების შესახებ და ისმენენ ილია ჭავჭავაძის ინფორმაციას საზოგადოების მიერ დაგირავებული მომგებიანი ბილეთების გამოხსნის საჭიროებაზე.

1880 18 მარტი

გაზეთ „დროებაში“ ხელმოუწერლად ბეჭდავს ნარკვევს „ხიზნების საქმე საიდამ უნდა დაწყობილიყო“. მწერლის თხზულებათა კრებულებში იბეჭდება სათაურით „ხიზნების საქმის თაობაზედ“.

1880 23 მარტი

გაზეთ „დროებაში“ ხელმოუწერლად ბეჭდავს ნარკვევს „ხიზნების საქმის თაობაზედ“. მწერლის თხზულებათა კრებულებში იბეჭდება სათაურით „ხიზნების საქმის თაობაზედ“.

1880 5 აპრილი

მისი და სერგეი მესხის რედაქტორობით გამოდის საპოლიტიკო და სალიტერატურო ჟურნალ „ივერიის“ პირველი ნომერი, რომელშიც გრძელდება ალექსის ბუვიეს რომან „იზას“ ილიასეული თარგმანის ბეჭდვა.

1880 5 აპრილი

თავმჯდომარეობს ქშწ-კგ საზოგადოების სხდომას, რომელზეც აკმაყოფილებენ იაკობ გოგებაშვილის წინადადებას ბანქოს სათამაშო სახლებში ქშწ-კგ საზოგადოების შეწირულობათა ყუთების დადგმის თაობაზე. წყდება საზოგადოების წიგნთსაცავის კანცელარიაში მოწყობა და მისთვის კარადების შეკვეთა. იღებენ დადგენილებას, რომ წიგნებისა და ხელნაწერების შეგროვების მიზნით ქართველ ინტელიგენციასთან აწარმოონ მიმოწერა, წინა წლის ანგარიშის სამუშაო ვერსია დაეგზავნოს საზოგადოების ყველა წევრს და საბოლოოდ შეჯერდეს მათი შენიშვნების გათვალისწინებით. იხილავენ ქუთაისის სკოლის ანგარიშსა და ხარჯთაღრიცხვას ქუთაისის ბანკის ყრილობისთვის წარსადგენად.

1880 5 აპრილის შემდეგ

წერილობით თხოვნას უგზავნის ქშწ-კგ საზოგადოების წიგნთსაცავის გამგეს, რომ დროებით ათხოვს „ივერიის“ ის ნომრები, როლებშიც მისი ნარკვევი „ცხოვრება და კანონია“ დაბეჭდილი.

1880 6 აპრილი

ესწრება მოსწავლეთა ლიტერატურულ საღამოს კლასიკურ გიმნაზიაში, სადაც სხვა პოეტების ლექსებთან ერთად, მოსწავლეები კითხულობენ მის „ელეგიას“.

1880 8 აპრილი

გაზეთი „ობზორი“ ბეჭდავს შენიშვნებს ხიზნების შესახებ გაზეთ „დროებაში“ ილია ჭავჭავაძის მიერ გამოქვეყნებულ წერილებზე.

1880 9 აპრილი

გაზეთ „დროებაში“ პეტრე უმიკაშვილი აქვეყნებს გამოხმაურებას ხიზნების თაობაზე ილია ჭავჭავაძის წერილების საპასუხოდ წინა დღეს „ობზორში“ დაბეჭდილი შენიშვნების გამო.

1880 15 აპრილი

გაზეთი „ობზორი“ ბეჭდავს პასუხს ხიზნების თაობაზე ილია ჭავჭავაძესთან გამართული პოლემიკის შესახებ პეტრე უმიკაშვილის შენიშვნების გამო.

1880 16 აპრილი

გაზეთ „დროებაში“ იბეჭდება ხიზნების თაობაზე ილია ჭავჭავაძისა და „ობზორის“ პოლემიკის შესახებ პეტრე უმიკაშვილის კიდევ ერთი გამოხმაურება, სათაურით „თან-და-თან უფრო ვრწმუნდებით“. მასში გაკრიტიკებულია გაზეთი „ობზორი“, რომელსაც ყველაფერი პიროვნულ დაპირისპირებამდე დაჰყავს.

1880 25 აპრილი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „კალიის გამოსვლა“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 26 აპრილი

გაზეთ „დროებაში“ ხელმოუწერლად ბეჭდავს დასაწყისს ნარკვევისა „ხიზნების საქმის გამო“. მწერლის თხზულებათა კრებულებში იბეჭდება სათაურით „ხიზნების საქმის თაობაზედ“.

1880 26 აპრილი

თავმჯდომარეობს ქშწ-კგ საზოგადოების სხდომას, რომელზეც განიხილავენ ქუთაისის სააზნაურო სკოლის ანგარიშს, იწონებენ იონა მეუნარგიას წინადადებას ქუთაისის სააზნაურო ბანკისთვის შემწეობის თხოვნის თაობაზე და მსჯელობენ სკოლისთვის შენობის დაქირავების საკითხზე.

1880 27 აპრილი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „მთქმელს გამგონი ეჭირება“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 29 აპრილი

გაზეთ „დროებაში“ ხელმოუწერლად ბეჭდავს ნარკვევის „ხიზნების საქმის გამო“ დასასრულს. მწერლის თხზულებათა კრებულებში იბეჭდება სათაურით „ხიზნების საქმის თაობაზედ“.

1880 2 მაისი

მონაწილეობს თსს ბანკის კრებაში, რომელიც განიხილავს 1879 წლის ანგარიშს.

1880 2 მაისი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „ტუსაღებისათვის“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 3 მაისი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „საზოგადო ჭირს საზოგადო შველა“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 3 მაისი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას რუბრიკით „თეატრის მატიანე“ („მოთმინებითა თქვენითა მოიპოვეთ...“). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 8 მაისის შემდეგ

ქართულ თეატრალურ დასში იწვევს მსახიობ ესტატე იოსელიანს.

1880 10 მაისი

თავმჯდომარეობს ქშწ-კგ საზოგადოების სხდომას, რომელზეც ამტკიცებენ საზოგადოების ბიბლიოთეკის წესდებას. გაგზავნილი წიგნების მიღებაზე წერილობით დადასტურებას იღებენ სოფლების: ძიმითი, ვანი, ბახვი, სადმელი და კორცხელი მასწავლებლებისგან. წყდება კასპის სკოლისთვის მერხების, ხოლო ნაესაკოვოსთვის სახელმძღვანელოებისა და სხვადასხვა სასწავლო ნივთების გაგზავნის საკითხი. იღებენ დადგენილებას, რომ მოსწავლეთა რაოდენობის განსაზღვრისა და სოფლის კრების გადაწყვეტილების მიღების შემდეგ შემწეობა აღმოუჩინონ სენაკელ მასწავლებელს სოფელ ოფშკვითში სკოლის გასახსნელად. არ კმაყოფილდება კონსტანტინე ყიფიანის თხოვნა ასტრონომიული სურათებისთვის თანხის გამოყოფასთან დაკავშირებით, რადგან მოცემულ ეტაპზე ეს არ არის საზოგადოების პრიორიტეტი. თანხმდებიან, რომ სტიპენდიები პირველ რიგში გაიცეს დამამთავრებელი კურსების სტუდენტებზე. საზოგადოების მდივანს ავალებენ ამ სტუდენტებისა და საზოგადოებისათვის საჭირო მასწავლებელთა რაოდენობის გარკვევას.

1880 12 მაისი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას რუბრიკით „თეატრის მატიანე“ („მართალია, უნაკლო არ ყოფილა...“). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 12 მაისი

პეტერბურგიდან იღებს დიმიტრი ყიფიანის წერილს ქშწ-კგ საზოგადოების წევრებად მისაღები კანდიდატების შესახებ.

1880 13 მაისი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „მაჰმადიან ქართველთა ბედი“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 17 მაისი

გაზეთ „დროების“ სარედაქციო გვერდზე ხელმოწერით „ქართული თეატრის მოყვარე“ აქვეყნებს სტატიას „ქართული თეატრის მატიანე“ („13-ს მაისს იყო მ. მ. საფაროვის ბენეფისი...). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 19 მაისი

თავმჯდომარეობს ქშწ-კგ საზოგადოების სხდომას, რომელზეც მტკიცდება საზოგადოების პირველი წლის მუშაობის ანგარიში და იგეგმება მომდევნო წლის ხარჯთაღრიცხვა. ზაქარია ჭიჭინაძის მიერ წარმოდგენილი ხელნაწერი წიგნების სია გადასამოწმებლად და ფასზე მოსალაპარაკებლად გადაეცემათ ივანე მაჩაბელს, იონა მეუნარგიასა და გიორგი თუმანიშვილს. კმაყოფილდება დავით ერისთავის თხოვნა საზოგადოების წევრობიდან მისი დათხოვნის შესახებ.

1880 მაისი

ს ბოლო გამოდის ჟურნალ „ივერიის“ მეორე ნომერი, რომელშიც ქვეყნდება მისი ლექსი „ჩემო კარგო ქვეყანავ“ და ალექსის ბუვიეს „იზას“ მისეული თარგმანის გაგრძელება.

1880 1 ივნისი

თავმჯდომარეობს ქშწ-კგ საზოგადოების წლიურ კრებას, რომელზეც კითხულობს საზოგადოების პირველი წლის მუშაობის ანგარიშს.

1880 4 ივნისი

თავმჯდომარეობს ქშწ-კგ საზოგადოების სხდომას, რომელზეც მსჯელობენ პირველი სექტემბრისთვის თბილისისა და ბათუმის სკოლების გახსნის აუცილებლობაზე, იღებენ დადგენილებას შესასწავლი საგნების, მასწავლებლების მიზიდვის, ინფორმაციის გავრცელების, ხელფასებისა და სხვა ხარჯების შესახებ. ნიკო ცხვედაძეს ავალებენ იმ ნივთების სიის შედგენას, რომელთა საცავი და მარაგიც სჭირდება საზოგადოებას. საეკლესიო გალობის აღმდგენი კომიტეტის თხოვნის საფუძველზე, ყოველთვიური დახმარება ეძლევა მელქისედეკ ნაკაშიძეს, რომელიც მსურველებს უფასოდ ასწავლის ქართულ გალობას.

1880 27 მაისი -12 ივნისი

გაზეთ „დროებაში“ მისი ხელმოწერით იბეჭდება ქშწ-კგ საზოგადოების საანგარიშო მოხსენება.

1880 17 ივნისი

გაზეთ „დროებაში“ იბეჭდება სერგეი მესხის წერილი „როგორც ზოგიერთ ავადმყოფს“, რომელშიც საუბარია ნიკო ნიკოლაძის გამოლაშქრებაზე ილია ჭავჭავაძის წინააღმდეგ.

1880 20 ივნისამდე

ქართული დრამატული დასი მისი რეჟისორობით ამზადებს ახალ პიესას.

1880 20 ივნისი

ვასო აბაშიძე, ილია ჭავჭავაძისა და თეატრალური ამხანაგობის მიმართ პროტესტის ნიშნად, არ მიდის სპექტაკლზე და წარმოდგენა არ შედგება.

1880 22 ივნისი

იშლება ქართული თეატრალური ამხანაგობა.

1880 23 ივნისი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „სასამართლოები ჩვენში“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 27 ივნისი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „ქართული ენა სასამართლოებში“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 28 ივნისი

გაზეთ „დროების“ სარედაქციო გვერდზე ხელმოუწერლად აქვეყნებს დასაწყისს სტატიისა „ერთი კვირა უცხოეთში“ („ვგონებ უცხო სახელმწიფოთა შორის...“). ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 5 ივლისი

გაზეთ „დროების“ სარედაქციო გვერდზე ხელმოუწერლად აქვეყნებს დასასრულს სტატიისა „ერთი კვირა უცხოეთში“ („როდესაც ამ ოთხასის წლის წინათ...“).

1880 10 ივლისი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „პირველი შკოლა ბათუმში“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 18 ივლისი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „სასამართლო და ადგილობრივი ენები“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში. 1880 27 ივლისამდე საგურამოში იღებს კოტე ყიფიანის წერილს, რომელშიც ნათქვამია, რომ 15 აგვისტოსათვის ქართული დასის ყველა წევრი ადგილზე უნდა იყოს.

1880 27 ივლისი

საგურამოდან თბილისში საპასუხო წერილს უგზავნის კოტე ყიფიანს. სთხოვს თეატრალურ დასში მისაწვევად მსახიობების შერჩევაში დახმარებას და ეპატიჟება საგურამოში ამ საკითხების განსახილველად.

1880 3 აგვისტომდე

 საგურამოშია.

1880 6 აგვისტო

გაზეთ „დროებაში“ სარედაქციო გვერდზე ხელმოუწერლად აქვეყნებს სტატიას „ბათომის გუბერნატორის განცხადება“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 8 აგვისტო

მდე ის და მისი ნათესავი იოსებ შალიკაშვილი ქშწ-კგ საზოგადოების ბიბლიოთეკას გადასცემენ ხელნაწერ წიგნებს: „ვისრამიანს“, „ქილილა და დამანას“, „სიბრძნე სიცრუისა“ და სხვ.

1880 10 აგვისტო

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „თახშირის გადახდა ბათომის მაზრაში“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 12 აგვისტო

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „ბათომის მაზრის მოხელეთა მოპყრობა მცხოვრებლებთან“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 15 აგვისტო

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „კიდევ ძველ წიგნებზე“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 21 აგვისტო

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „დაბრუნებული აფხაზები“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 29 აგვისტო

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „იმერელი მოსამსახურენი თბილისში“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 4 სექტემბერი

თავმჯდომარეობს ქშწ-კგ საზოგადოების სხდომას, რომელზეც წყდება ხელშეკრულების დადება ქუთაისის სკოლის ცალკეულ თანამშრომლებთან. ბათუმის გუბერნატორის რჩევის თანახმად იღებენ დადგენილებას ადგილობრივ სკოლაში მოლას მიწვევაზე. განიხილავენ თბილისის სკოლის გახსნის საკითხს.

1880 4 სექტემბერი

სიონის ტაძარში ესწრება მარი ბროსეს პანაშვიდს, რომელსაც იხდიან გაზეთ „დროების“ რედაქციის ინიციატივით.

1880 24 სექტემბერი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „გლეხკაცებისაგან მამულის შეძენა“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 სექტემბრის ბოლო

გრიგოლ ჩარკვიანის სტამბაში ცალკე წიგნად იბეჭდება მისი პოემა „მეფე დიმიტრი თავდადებული“.

1880 3 ოქტომბერი

თავმჯდომარეობს ქშწ-კგ საზოგადოების სხდომას, რომელზეც თბილისის სკოლის მასწავლებლად ირჩევენ დავით ღვინიაშვილს და საქმის მწარმოებლად – ანა ქანანოვს. დგინდება ხელფასები, ინიშნება სკოლის გახსნის დღე. იღებენ გადაწყვეტილებას, რომ განცხადება ამის შესახებ ქართულ და რუსულ გაზეთებში სამ-სამჯერ დაიბეჭდოს. თანხმდებიან, რომ პარაკლისი გადაიხადოს ქართველმა მღვდელმა და სწავლა დაიწყოს იმავე დღეს.

1880 15 ოქტომბერი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „სომხური გაზეთების პოლემიკა“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 17 ოქტომბერი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „მაჰმადიანთ გაქრისტიანება“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 4 ნოემბერი

თავმჯდომარეობს ქშწ-კგ საზოგადოების სხდომას, რომელზეც ბათუმის სკოლის მასწავლებლად ირჩევენ ალექსანდრე ნანეიშვილს. რაფიელ ერისთავის მიერ დასაბეჭდად წარდგენილ ქრესტომათიას „სკა“ შესაფასებლად გადასცემენ გიორგი წერეთელს, გიორგი უთურგაულს, თედო ჟორდანიასა და პეტრე უმიკაშვილს. იღებენ დადგენილებას, რომ საზოგადოების მიერ ნაყიდი წიგნებიდან ორ-ორი ეგზემპლარი დაეგზავნოს ყველა სასოფლო ბიბლიოთეკას და 500 მანეთის ღირებულების წიგნები დაურიგდეს ღარიბ მასწავლებლებს. დადებითად წყდება თბილისის სკოლაში ათზე მეტი მოსწავლის უფასოდ სწავლებისა და ნიკოლოზ ვუჩეტიჩის საბავშვო წიგნის „წითელი ფარანი“ ქართული თარგმანის დაბეჭდვის საკითხები.

1880 8 ნოემბერი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „ქართული ენა ჩვენს საშუალ სასწავლებლებში“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 11 ნოემბერი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „ახირებული ლოღიკა გაზ. „კავკაზისა“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 12 ნოემბერი

სერგეი მესხთან ერთად განცხადებით მიმართავს საცენზურო კომიტეტს 1881 წლიდან ჟურნალ „ივერიის“ ყოველთვიურად გადაკეთების ნებართვის მისაღებად.

1880 16 ნოემბერი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „ვეფხვისტყაოსნის“ რედაქცია“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 23 ნოემბერი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „აჭარის მდგომარეობა“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 24 ნოემბრამდე

უბის წიგნაკში იწერს, რამდენი აქვს გადახდილი მღებავისთვის და რამდენი – სახლის გადახურვისთვის.

1880 24 ნოემბრამდე

უბის წიგნაკში იწერს მისამართს „ლიტეინის“ ქუჩაზე და თანხებს, ვის რამდენი აქვს მისთვის მისაცემი.

1880 24 ნოემბერი

მონაწილეობს ქართული მწერლობის მოყვარულთა პირველ ყრილობაში. განიხილავენ „ვეფხისტყაოსნის“ რედაქციისა და გამოცემის საკითხებს. რედაქციის გამგედ ირჩევენ გრიგოლ ორბელიანს, თანაშემწეებად - ილია ჭავჭავაძესა და რაფიელ ერისთავს.

1880 25 ნოემბერი

გაზეთ „დროებაში“ სერგეი მესხთან ერთად ბეჭდავს განცხადებას „დროებისა“ და „ივერიის“ გამოცემის პირობების შესახებ 1881 წლისათვის.

1880 27 ნოემბერი

თავმჯდომარეობს ქშწ-კგ საზოგადოების სხდომას, რომელზეც იხილავენ საზოგადოების თავმჯდომარის დიმიტრი ყიფიანის შენიშვნებს. მსჯელობენ წლიური ანგარიშის მომზადებაზე, სასწავლო გარემოს სისუფთავის დაცვასა და მოსწავლეთა დასჯის მიზნით მათი ჩაკეტვის დაუშვებლობაზე. განიხილავენ საზოგადოებისთვის წიგნებისა და სხვა სახის შემოწირულობათა საკითხს; მადლობას უცხადებენ შემომწირველებს. იწონებენ ილია ჭავჭავაძის წინადადებას საზოგადოების სასარგებლოდ მეჯლისის გამართვის შესახებ და ორგანიზებას მასვე ავალებენ.

1880 30 ნოემბერი

ილია ჭავჭავაძისა და სერგეი მესხის ხელმოწერით გაზეთ „დროებაში“ იბეჭდება განცხადება 1881 წლიდან „დროებისა“ და „ივერიის”ერთობლივი გამოცემის შესახებ. ნათქვამია, რომ „ივერია“ გამოვა თვეში ერთხელ, იმავე პროგრამით, როგორც გამოდიოდა. რედაქციიის ადგილსამყოფელად მითითებულია გოლოვინის (ამჟამად რუსთაველის) გამზირზე ივანე ბაგრატიონ-მუხრანელის სახლი.

1880 5 დეკემბრამდე

ცალკე წიგნად გამოდის „კაცია – ადამიანი?!“

1880 6 დეკემბერი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „დაბადებამდე სიკვდილი“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 8 დეკემბერი

კავკასიის მეფისნაცვლის მთავარი სამმართველოს უფროსი შუამდგომლობს საცენზურო კომიტეტთან, რომ 1881 წლიდან ილია ჭავჭავაძესა და სერგეი მესხს მისცენ ჟურნალ „ივერიის“ ყოველთვიურად გამოცემის ნებართვა.

1880 9 დეკემბერი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „ქალაქის რჩევის უსაქმობა“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 11 დეკემბერი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „ქუთაისის საოსტატო სემინარია“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 12 დეკემბერი

თავმჯდომარეობს ქშწ-კგ საზოგადოების სხდომას, რომელზეც ინიშნება ბათუმის სკოლის გახსნის თარიღი. იღებენ დადგენილებებს თანამშრომელთა ხელფასებისა და სხვადასხვა ხარჯების შესახებ. იქვე აღნიშნავენ, რომ თუ სკოლას გამოყოფილი თანხა არ ეყოფა, მომდევნო წელს შეეძლებათ დამატებითი კრედიტის მოთხოვნა. მადლობას უცხადებენ იოსებ ნაცვლიშვილს შემოწირულობების შეგროვებისთვის და სთხოვენ, გაავრცელოს ინფორმაცია, რომ თითოეული შემომწირველი საზოგადოებისაგან მიიღებს შესაბამის ქვითარს. არ აკმაყოფილებენ ივანე მაჩაბლის წინადადებას საკვირაო სკოლების გახსნის შესახებ, რადგან ამ ტიპის სკოლებმა რუსეთში მოლოდინი ვერ გაამართლა. იღებენ გადაწყვეტილებებს ბიბლიოთეკაში დასადები წიგნებისა და ჟურნალ-გაზეთების შესაკრავად ყდების შესყიდვისა და საზოგადოების დადგენილებების პრესაში გამოქვეყნების შესახებ.

1880 21 დეკემბერი

თბილისიდან ბათუმში დეპეშას უგზავნის მასწავლებელ ალექსანდრე ნანეიშვილს. სთხოვს აცნობოს, როდის იქნება შესაძლებელი ბათუმის სკოლის გახსნა, რათა დაგეგმოს ჩასვლის დრო.

1880 24 დეკემბერი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „ბათომის სკოლა“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 25 დეკემბერი

თავმჯდომარეობს ქშწ-კგ საზოგადოების სხდომას, რომელზეც განიხილავენ ბათუმის სკოლისთვის შენობის დაქირავების, სასწავლო საათების რაოდენობის განსაზღვრისა და პროგრამის დამტკიცების საკითხებს.

1880 31 დეკემბერი

გაზეთ „დროების“ სარედაქციო გვერდზე ხელმოუწერლად აქვეყნებს სტატიას „გავლილი 1880 წელიწადი“. ტექსტი ილია ჭავჭავაძის სახელით პირველად დაიბეჭდა მწერლის თხზულებათა ოცტომეულში.

1880 დეკემბრის ბოლო

გამოდის ჟურნალ „ივერიის“ 1880 წლის მეოთხე ნომერი, რომელშიც იბეჭდება ალექსის ბუვიეს რომან „იზას“ ილიასეული თარგმანის დასასრული.

წყარო:

პირთა ანოტაციები:

შმერლინგი ოსკარ ივანეს ძე (1863-1938)

გერმანული წარმოშობის ქართველი ფერმწერი, გრაფიკოსი და კარიკატურისტი, ჟურნალ „კოღოს“ დამაარსებელი. თანამშრომლობდა პერიოდულ გამოცემებთან: „ფალანგა“ და „ეშმაკის მათრახი“

მესხი სერგეი სიმონის ძე (1844/1845-1883)

მწერალი, პუბლიცისტი ჟურნალისტი, საზოგადო მოღვაწე. დაამთავრა პეტერბურგის უნივერსიტეტის საბუნებისმეტყველო ფაკულტეტი. 1868 წლიდან მიიწვიეს „დროების“ რედაქტორად. იყო „ახალი ახალგაზრდობის“ ლიტერატურული ჯგუფის წევრი. დიდი წვლილი შეიტანა ქართული ჟურნალისტიკის, ლიტერატურის კრიტიკისა და თეატრის განვითარების საქმეში.

მაჩაბელი ივანე (ვანო) გიორგის ძე (1854-1898)

პოეტი, მთარგმნელი, პუბლიცისტი, საზოგადო მოღვაწე, სათავადაზნაურო საადგილმამულო ბანკის დირექტორი.

1880

თბილისის ფოტოატელიეში იღებს სალონურ ფოტოს.