აჭარა ევროპელებმა „დაიპყრეს“

2008 წლის იანვარში აჭარას 3 915 ტურისტი ეწვია, რაც გასული წლის ანალოგიურ მაჩვენებელს 75,4 პროცენტით აღემატება. საგულისხმოა, რომ აქედან 2 585 შიდა ტურისტია, უცხოელი კი - 1 330. 2007 წლის შესაბამის მაჩვენებელთან შედარებით, შიდა ტურისტების რაოდენობა 55,2 პროცენტით გაიზარდა, უცხოელი ტურისტების რიცხვმა კი 135 პროცენტით იმატა. როგორც აღმოჩნდა, ყველაზე მეტად აჭარის რეგიონით ევროპელი ტურისტები დაინტერესდნენ: იანვარში ჩამოსული უცხოელი ტურისტების მთლიანი მაჩვენებლის 94,4 პროცენტი სწორედ მათზე მოდის. 4,3 პროცენტი აჭარას ამერიკიდან ესტუმრა, 0,9 პროცენტი კი - აზიიდან. ჯერჯერობით ავსტრალიიდან და აფრიკიდან მხოლოდ 0,2-0,2 პროცენტი შემოვიდა. კიდევ უფრო დაწვრილებით მონაცემებს თუ გადავხედავთ, აღნიშნულ პერიოდში აჭარაში ჩამოსული უცხოელი ვიზიტორებიდან 44 თურქეთიდანაა, 6,6 - დიდი ბრიტანეთიდან, 4,6 - რუსეთიდან, 4,5 - უკრაინიდან, 4,3 - სომხეთიდან, 3,8 - კვიპროსიდან, 3,4 - აზერბაიჯანიდან, 2,3 - გერმანიიდან, ხოლო დანარჩენი 26,5 პროცენტი - მსოფლიოს სხვადასხვა ქვეყნიდან.

„ჯეოსელი“ ფრთებს შლის

ფიჭური კავშირგაბმულობის კომპანია „ჯეოსელის“ აბონენტებს GPRS სერვისით სარგებლობა ამ დროისათვის უკვე მსოფლიოს 47 ქვეყანაში შეუძლიათ. თუკი თქვენ ამ ქსელის აბონენტი ბრძანდებით და რუსეთში, აზერბაიჯანში, ავსტრიაში, ბელგიაში, ბულგარეთში, საფრანგეთში, ესპანეთში, თურქეთში, ჩინეთში, უკრაინაში, ბრაზილიაში, აშშ-ში, კანადასა თუ სხვა ქვეყანაში მოგზაურობა გადაწყვიტეთ, „ჯეოსელის“ GPRS სერვისებით სარგებლობისას შეგიძლიათ მიიღოთ და გააგზავნოთ სურათები, შეამოწმოთ თქვენი ელექტრონული ფოსტა, ისარგებლოთ ინტერნეტითა და მობილური ტელევიზიით (მესამე თაობის ოპერატორთა ქსელში). იმ ქვეყნების სრულ ჩამონათვალს, რომლებშიც GPRS სერვისით სარგებლობაა შესაძლებელი, „ჯეოსელის“ ოფიციალურ ვებ-გვერდზე იხილავთ

ვიცნობთ ჩვენს ვიზიტორებს?

საქართველოს ეკონომიკური განვითარების სამინისტროს ტურიზმისა და კურორტების დეპარტამენტმა იანვარ-თებერვალში ბაკურიანსა და გუდაურში შიდა და უცხოელ ტურისტებს შორის ტურისტული ბაზრის მარკეტინგული კვლევა და არსებული ტურისტული რესურსების ინვენტარიზაცია ჩაატარა. კვლევის მიზანი ვიზიტორების წარმომავლობის დადგენა, მათი დემოგრაფიულ ჭრილში განხილვა, საქართველოს სამთო-სათხილამურო კურორტებზე ჩასვლის მიზნების, ასევე ორგანიზებული და არაორგანიზებული ტურების რაოდენობის გარკვევა იყო. მკვლევარებმ შეისშეისწავლეს ტურისტული დანახარჯები, მომსახურების ხარისხისა და ფასის თანაფარდობა, შეთავაზებული ტურისტული პროდუქტით მიღებული კმაყოფილების ხარისხი და მისი გაუმჯობესების გზები და შეეცადნენ, გაერკვიათ, რა სახის ახალ, დამატებით შეთავაზებებს ითხოვს მომხმარებელი.

კვლევის შედეგებს ბაკურიანისა და გუდაურის ტურისტული ბაზრის ანალიზის მომზადებისას, ტურისტული პროდუქტისა და ინფრასტრუქტურის გაუმჯობესების მიზნით კერძო და საჯარო ორგანიზაციებისათვის რეკომენდაციების შემუშავებისას და საინვესტიციო წინადადებების მომზადებისას გაითვალისწინებენ.

ტურიზმისა და კურორტების დეპარტამენტი ჩატარებული კვლევის პრეზენტაციას უახლოეს მომავალში თბილისში, გუდაურსა და ბაკურიანში გამართავს და შედეგებს ადგილობრივი სასტუმროების მენეჯერებს, ტუროპერატორებს, არსებულ და პოტენციურ ინვესტორებს, ადგილობრივი მუნიციპალიტეტების ხელმძღვანელებს, არასამთავრობო, საერთაშორისო და დონორ ორგანიზაციებსა და ექსპერტებს გააცნობს.

კვლევის მეთოდოლოგია ტურიზმისა და კურორტების დეპარტამენტმა გაეროს მსოფლიო ტურიზმის ორგანიზაციის, სხვადასხვა კონსალტინგური კომპანიებისა და ამერიკელი ექსპერტების რეკომენდაციების გათვალისწინებით შეიმუშავა.

„ახალი ცოცხი“ კარგად გვისო...

საქართველოს ნავთობისა და გაზის კორპორაციის შვილობილ კომპანიებს ახალი დირექტორები ჰყავთ. კომპანიას „იორის ველი - ნავთობი და გაზი“ ამიერიდან ბექა ოდიშარია უხელმძღვანელებს, „საქართველოს გაზის ტრანსპორტირების კომპანიას“ კი - გრიგოლ ნატროშვილი.

შპს „ იორის ველი - ნავთობი და გაზი“ სახელმწიფო საკუთრებაში არსებული სალიცენზიო ბლოკების ოპერირებას ახორციელებს, „ საქართველოს გაზის ტრანსპორტირების კომპანია“ კი მაღალი წნევის გაზსადენის სისტემის ექსპლუატაციას, მის ტექნიკურ მომსახურებასა და საქართველოს ტერიტორიაზე ბუნებრივი აირის ტრანსპორტირებას უზრუნველყოფს.

„მაგთიკომის“ ახალი სერვისცენტრი

ფიჭური კავშირგაბმულობის კომპანია „მაგთიკომმა“ ჭავჭავაძის გამზირის №2-ში, ივანე ჯავახიშვილის სახელობის თბილისის სახელმწიფო უნივერსიტეტის მოპირდაპირე მხარეს ახალი სერვისცენტრი გახსნა.

ამრიგად, თბილისში ამ დროისათვის „მაგთიკომის“ მომსახურების 8 ოფისი მოქმედებს, მთლიანად საქართველოში კი - 41. აქედან 29 ქვეყნის სხვადასხვა რეგიონში მდებარეობს, ოთხი კი - მაგთიმობილი“ - მოძრავია.

BP ჟურნალისტებსაც წყალობს

კომპანია „BP“-მ ნავთობისა და გაზის ბიზნესში მისი პარტნიორების სახელით საქართველოში ბიომრავალფეროვნების ყოველწლიური კონკურსის გამარჯვებულები გამოავლინა. დაჯილდოების საზეიმო ცერემონია საქართველოს ეროვნულ მუზეუმში, „BP“-ს მიერ გასულ წელს გარემონტებულ და აღჭურვილ აუდიტორიაში გაიმართა.

კონკურსის პირველი კატეგორია - „საუკეთესო პროექტი ბიომრავალფეროვნებაზე“ მნიშვნელოვანი ეკოლოგიური სისტემების, დაცული ტერიტორიების, გადაშენების საფრთხის წინაშე მდგომი სახეობების, ეკო-ტურიზმისა და ეკოლოგიური ცნობიერების ამაღლების თემატიკას მოიცავდა. კონკურსის ამ კატეგორიის ბიუჯეტმა 25 ათასი დოლარი შეადგინა.კონკურსის მეორე კატეგორია - „ საუკეთესო სტატია და ვიდეომასალა ბიომრავალფეროვნებაზე“ მიზნად საქართველოში ეკოლოგიური ჟურნალისტიკის პოპულარიზაციას ისახავს. აღნიშნული კატეგორიის მთლიანმა ბიუჯეტმა 1 000 დოლარი შეადგინა.

წლევანდელი, რიგით მეექვსე კონკურსის მთავარი ჯილდო გადაეცა პროექტს „ეკოლოგიური ბილიკი და მყინვარწვერის მწვანე კარიბჭე“, რომელიც არასამთავრობო ორგანიზაცია „ყაზბეგის სათემო ტურიზმის სახლმა“ წარმოადგინა. პროექტი, რომელიც 17 850 დოლარით დაჯილდოვდა, მყინვარწვერის ტერიტორიაზე ეკო-ტურიზმის პოპულარიზაციას, პროფესიონალი გიდის სამსახურის ჩამოყალიბებას, საინფორმაციო დაფებისა და მასალების უზრუნველყოფას, ბიომრავალფეროვნების დაცვის სფეროში ადგილობრივი მოსახლეობის ცოდნის ამაღლებასა და ეკო-ტურიზმის განვითარებას ითვალისწინებს.

ჟიურიმ ასევე მოიწონა ბოტანიკური ბაღისა და ბოტანიკის ინსტიტუტის პროექტი „საქართველოს ფლორის გადაშენებისა და სერიოზული გენეტიკური ეროზიის საფრთხის წინაშე მდგომ ენდემურ სახეობათა კონსერვაციული სტატუსების დადგენა“, რომლის ავტორებმა საჩუქრად 5 ათასი დოლარი მიიღეს.

ზოოლოგიურ პარკს პროექტისათვის „საზაფხულო სკოლა - ბავშვები ბუნების დაცვისათვის“ 1 800 დოლარიგადაეცა.

ეკოლოგიური ჟურნალისტიკის კატეგორიაში პირველი პრიზი და 500 დოლარის ოდენობის ფულადი ჯილდოს მფლობელი გახდა ემზარ დიასამიძე სტატიისათვის „სფაგნუმი - გამდიდრების ახალი შანსი“, რომელიც გაზეთ „ბათუმელებში“ დაიბეჭდა.

მეორე პრიზისა და 300 დოლარის ოდენობის ფულადი ჯილდო წილად ხვდა მარიკა ვაჭარაძეს გაზეთ „ BP“-ში გამოქვეყნებული სტატიისათვის „ განახლებადი ენერგია“.

მესამე პრიზი და 200 დოლარის ოდენობის ფულადი ჯილდო მიიღო ირაკლი აკობიამ „Mega TV“- ით გასული სატელევიზიო გადაცემისათვის „ SOS - გადავარჩინოთ მდინარეები“.

კონკურსი „BP“-ს და მისი პარტნიორების მიერ საქართველოში გარემოს დაცვის სფეროში ნაკისრი ვალდებულების ნაწილია და მისი მიზანი წელს ქვეყნის ბიომრავალფეროვნების დაცვის მნიშვნელობის შესახებ ცოდნის ამაღლებასთან დაკავშირებული საუკეთესო იდეების წახალისებაა.

მინისტრმა საათი უკვე იყიდა...
ჯერი თქვენზეა!..
ან დაიწყეთ ვაჭრობა 700 ლარიდან...

თბილისში, რუსთაველის გამზირის ¹23-ში მსოფლიოში აღიარებული ბრენდის - „ Cartier“-ს მაღაზიამ დაიდო ბინა. სალონის ინტერიერი „Cartier“- ს სტანდარტების სრული დაცვითაა მოწყობილი და, როგორც მისი მმართველი იანა გრიშინა ამბობს, საფრანგეთიდან საგანგებოდ ჩამოსულმა დელეგაციამ მას დსთ-ს სივრცეში ერთ-ერთი საუკეთესო უწოდა და თითქმის მოსკოვის ბუტიკებს გაუთანაბრა. „Cartier“-ს ბუტიკები ბაქოსა და ალმა- ატაშიც აქვს გახსნილი. სალონში წარმოდგენილი ძვირფასი ქვებით მოოჭვილი სამკაულებისა და საათების, ხელჩანთებისა თუ სხვა აქსესუარების ფასები, ბუნებრივია, საკმაოდ მაღალია, რადგან „Cartier“ „ Le. w. Luxury“ კლასის ბრენდია. მაგალითად, საიუველირო ნაკეთობების ფასი 700 ლარიდან იწყება, საათებისა კი - 4 ათასი ლარიდან. იანა გრიშინა აცხადებს, რომ „ Cartier“-ს ხელმძღვანელობამ თბილისში მაღაზიის გახსნის გადაწყვეტილება, ცოტა არ იყოს, რთული მარკეტინგული კვლევის შედეგად მიიღო, რადგან საქართველოს ბაზარი თავისებურია, თანაც, ქვეყანაში „Luxury business“ -ი არც თუ ისე ფართოდაა წარმოდგენილი. თუმცა, ფრანგული მხარე მაინც ოპტიმისტურადაა განწყობილი, რადგან, მათი აზრით, საქართველოს ეკონომიკა წარმატებით ვითარდება, ქვეყნით უამრავი უცხოელი ინვესტორია დაინტერესებული, თბილისი კი უკანასკნელი სამი წლის მანძილზე ძალიან შეიცვალა და საოცრად გალამაზდა.

მაღაზიის გახსნას საქართველოს ეკონომიკური განვითარების მინისტრი ეკატერინე შარაშიძე და საქართველოს სავაჭრო-სამრეწველო პალატის თავმჯდომარე ჯემალ ინაიშვილიც ესწრებოდნენ მინისტრმა აღნიშნა, რომ ასეთი დონის კომპანიების დაინტერესება საქართველოთი კიდევ ერთხელ ადასტურებს, რომ ქვეყანა წარმატებით ვითარდება. როგორც აღმოჩნდა, ეკატერინე შარაშიძე თავადაც „Cartier“- ს თაყვანისმცემელია და მის მაჯას ამ ფირმის საათი ამშვენებს.

მაღაზიის გენერალური დირექტორი გიორგიეპიტაშვილი წლიური ბრუნვის მაჩვენებელს არ აკონკრეტებს, თუმცა, ამბობს, რომ ამ ერთი წლის მანძილზე ნავარაუდევია იმ ხარჯების დაფარვა, რაც სალონის მოწყობაზე დაიხარჯა. იგი აქვე დასძენს, რომ, ხარისხიდან გამომდინარე, „Cartier“ ვერ იქნება მორგებული კონკრეტული რეგიონის ეკონომიკურ მდგომარეობაზე და სოციალურ სიტუაციაზე, რადგან მისი პროდუქცია მხოლოდ მაღალშემოსავლიან სეგმენტზეა გათვლილი. „ Cartier“-ს სალონში პროდუქციის ასორტიმენტი სისტემატურად გაფართოვდება და ბრენდის ყველა სიახლე იქნება წარმოდგენილი.

იზრუნეთ ხარისხზე და...
თქვენზეც იზრუნებენ

ფონდმა „ქართული ხარისხი“ 8 წარმატებული ქალბატონი ხარისხის ნიშნის დამადასტურებელი სერტიფიკატით დააჯილდოვა. ფონდის პრეზიდენტმა გიგლა კუნჭულიამ მათ პარფიუმერულ მაღაზიათა ქსელ „ვულე- ვუ“-სა და ყვავილების სალონ „ ფლაუერს-ჯი“-ს მიერ დაწესებული პრიზებიც გადასცა და აღნიშნა, რომ ამ ქალბატონებს ხარისხის მართვის კარგი გამოცდილება აქვთ, რაც მათ კომპანიებში წარმატებითაა დანერგილი. სწორედ ხარისხის მენეჯმენტის სრულად შეფასების შედეგებს დაეფუძნა საექსპერტო გადაწყვეტილება.

8 წარმატებულ ქალბატონს შორის არიან: „საქართველოს ინდუსტრიული ჯგუფის“ აღმასრულებელი დირექტორი ნათია თურნავა, „პროგრესის“ (ამ კომპანიას ხალხში „რაჭის წყლების“ სახელით უფრო იცნობენ) ხელმძღვანელი მარინა კაციტაძე, „ნიუკომპანის“ ხელმძღვანელი ნონა ჯაიანი, „საქართველოს ავტომატარებელთა ექსპედიციის“ გენერალური დირექტორი მანანა ჭელიძე, „არქიტექტორები-ჯი“-ს აღმასრულებელი დირექტორი ქეთი ქობულია, საქართველოში გერმანული კომპანია „ერგოლაინის“ წარმომადგენლობის ხელმძღვანელი ნატალია შარაშენიძე, ტურისტული კომპანია „ენ-ტურის“ ხელმძღვანელი ნინო ჟამიერაშვილი და „ პრაიმ ტაიმის“ ხელმძღვანელი თამარ ფხაკაძე.

გიგლა კუნჭულიამ ბიზნეს-ქალბატონების წარმატებებზე საუბრისას აღნიშნა, რომ განსაკუთრებულ სირთულეებს უკავშირდება საქართველოში მსოფლიო დონის ბრენდის შემოყვანა, რაც თითქმის გმირობის ტოლფასია: ნდობის ფაქტორი ჯერჯერობით მაინც არც თუ ისე მაღალია და ნდობა, უმთავრესად, პიროვნულ ხასიათს ატარებს. ამგვარ ფონზე ის ფაქტი, რომ ენდობიან ქალბატონს, მხოლოდ კარგი კომუნიკაციის დამყარების „ ბრალი“ კი არა, კომპანიის სწორი მართვის დამსახურებაა და საქმით არის დამტკიცებული.

როგორც „ქართულ ხარისხში“ აცხადებენ, ღონისძიების მიზანი ბიზნესის განვითარების პროცესში ქალბატონების აქტიური და წარმატებული მონაწილეობის წარმოჩენა და ამ საკითხით საზოგადოების კიდევ უფრო მეტად დაინტერესებაა.

დასწიეთ პროცენტი და თქვენც მოიგებთ

სააქციო საზოგადოება „ რიკო ჯგუფი“ მომხმარებელს „ოქროს თამასუქს“ სთავაზობს. მიკროსაფინანსო ორგანიზაციის ხელმძღვანელებმა ახალი პროდუქტის პრეზენტაცია მასმედიის წარმომადგენლებისთვის მოწყობილ შეხვედრაზე გამართეს და ჟურნალისტებს 1997 წლიდან გაწეული საქმიანობის მოკლე ანგარიშიც წარუდგინეს.

ოპერაციებს - ფულად გზავნილებს, მიკროსესხებს, იპოთეკურ სესხებს, ასევე სასწავლო-გაცვლით პროგრამებს მოიცავს.მაინც, რით განსხვავდება „რიკო კრედიტი“ სტანდარტული ლომბარდებისაგან? საქართველოში ყველაზე დაბალი - თვეში 2,5 პროცენტით და უახლოეს მომავალში მისი კიდევ ქვემოთ დაწევის სურვილით. „რიკო ჯგუფის“ ხელმძღვანელი ლაშა ნიკოლაიშვილი აცხადებს, რომ მათი კლიენტებისათვის თითოეული ლარი მნიშვნელოვანია, ამიტომ დაბალი პროცენტის შენარჩუნება აუცილებელია, ეს კი „რიკო ჯგუფის“ პროდუქტებზე მოთხოვნას დღითიდღე ზრდის და იაფი კრედიტების სტრატეგიასაც შეესაბამება. საგულისხმოა, რომ „რიკო ჯგუფი“ საფინანსო ერაციებს ყოველდღე, 24 საათის განმავლობაში ახორციელებს. „როდესაც ყველა და ყველაფერი დაკეტილია, ჩვენ თქვენთვის ვმუშაობთ,“ - აცხადებს ლაშა ნიკოლაიშვილი.

„რიკო ჯგუფი“ 60 ათასამდე კლიენტს ითვლის. დღეისათვის მოქმედებს ოთხი ფილიალი, წლის ბოლომდე მათ კიდევ შვიდი შეემატება. ერთ თვეში იხსნება დიდი ფილიალი გლდანში, „ბანკი რესპუბლიკის“ გვერდით. სექტემბერში ახალი ფილიალები ბულაჩაურის ქუჩაზე და ვაკეში,ჭავჭავაძის გამზირზე ამოქმედდება. სამომავლოდ კი „რიკო ჯგუფი“ ფილიალებს რეგიონებშიც გახსნის. ყველა ფილიალი კომპანიის საკუთრებაა, რაც ინვესტორისთვის დამატებითი გარანტიაა და კომპანიას საიმედო იმიჯს უქმნის.

რაც შეეხება „ოქროს თამასუქს“, როგორც „რიკო ჯგუფში“ განმარტავენ, ეს არის ყველაზე მომგებიანი ფულადი დაბანდება, უზრუნველყოფილი კომპანიის კაპიტალითა და აქტივებით. თამასუქი 16 პროცენტიანია და მისი ღირებულება 1 000, 5 000 და 10 000 დოლარით განისაზღვრება. აქვს ათი დამცავი ნიშანი და გადახდის შესახებ უპირობო ვალდებულებას გულისხმობს. „თუკი ბანკში შეიტანთ ერთწლიან ანაბარს, გააფორმებთ ხელშეკრულებას, შემდეგ კი, გაუთვალისწინებელი შემთხვევის გამო, თანხის ვადაზე ადრე გამოტანა დაგჭირდებათ, ბანკი იძულებული ქნება, დაგიკავოთ გარკვეული პროცენტი. ჩვენი თამასუქი კი მხოლოდ კონკრეტული დღეების პროცენტს დაგირიცხავთ,“ - აცხადებს იგი

კომპანიის ხელმძღვანელები მოსახლეობას მიმართავენ და არწმუნებენ, რომ თამასუქი არის უსაფრთხო, საკმაოდ მოქნილი პროდუქტი, 1992-1993 წლებში კი, სამწუხაროდ, რეპუტაცია შეულახეს მას, როდესაც მოსახლეობამ ბანკებში უამრავი თანხა დაკარგა. „რიკო ჯგუფი“ თავის კლიენტებს ამერიკიდან საქართველოში ფულადი გზავნილების 1,5 პროცენტად გამოგზავნის საშუალებასაც აძლევს, სამომავლოდ კი საბერძნეთზე გასვლასაც აპირებს, სადაც უამრავი ქართველი იმყოფება და სამშობლოში გამოსაგზავნ თანხაში ხანდახან 10 პროცენტსაც კი იხდის. როგორც „რიკო ექსპრესის“ დირექტორი თამარ გოგოძე ამბობს, დაბალი პროცენტის შენარჩუნება არც თუ ისე მომგებიანია კომპანიისათვის, მაგრამ, სამაგიეროდ, ხელსაყრელი პირობების შექმნით „ რიკო ჯგუფი“ ბევრ კლიენტს იზიდავს. კომპანიას პარტნიორობას „თიბისი ბანკი“ უწევს, რომლის დევიზი - „ჩვენ ვაძლიერებთ ერთმანეთს“, „რიკო ჯგუფის“ 70 კაციანი კოლექტივის მოსაზრებით, მათთან მიმართებაში განსაკუთრებით მორგებულია.

„რიკო ჯგუფმა“ კორპორატიული ფერიც შეიცვალა და წითლის ნაცვლად იისფერი გახდა

„მადნეული“ პრიორიტეტებს ირჩევს!

სააქციო საზოგადოება „მადნეულის“ გენერალურმა დირექტორმა კობა ნაყოფიამ მასმედიის წარმომადგენლებთან გამართულ შეხვედრაზე კომპანიის პრივატიზაციის შემდგომი პერიოდის საქმიანობა შეაჯამა და ჟურნალისტებს სამომავლო გეგმები გააცნო.

1999 წელს დაფუძნებული კომპანია „ჯეოპრომაინინგი“, რომელიც 2005 წელს „ მადნეულის“ პრივატიზებისას ტენდერის შედეგად მისი მფლობელი გახდა, ოქროს, ვერცხლის, სპილენძის, მოლიბდენისა და სტიბიუმის სამთო მოპოვებითაა დაკავებული. კომპანიის აქტივები 2,5 მილიარდ დოლარს შეადგენს, შემოსავალი - 220 მილიონს, მოგება კი - 100 მილიონს. დამოუკიდებელი ფინანსური ჯგუფი ხუთი კომპანიისაგან შედგება: „მადნეული,“ „კვარციტი,“ „AGRC“, „AGARAK“-ი და „ZVEZDA SURYLAKH SURMA“.

2005-2007 წლებში კომპანიამ ბიუჯეტში გადასახადის სახით 160 მილიონი ლარი შეიტანა და 2 000 სამუშაო ადგილი შექმნა, მთლიანად კი კომპანიაში 5 400 კაცია დასაქმებული. მთლიანი მოცულობის 15 პროცენტით კომპანიას საქართველოს ექსპორტში პირველი ადგილი უჭირავს. აქვს სალიცენზიო ზონები საქართველოსა და სომხეთში.

სოციალურ პროექტებზე კომპანიამ აღნიშნულ პერიოდში 3 მილიონი ლარი დახარჯა. სისტემატურად ატარებს გარემოსდაცვით ღონისძიებებს. უახლოეს მომავალში, „ მადნეულს“ ქვეყნის ყველაზე ეკოლოგიურად სუფთა კომპანიის სახელის პრეტენზია ექნება.

ჯგუფი „ჯეოპრომაინინგი“ სტრატეგიულ მიზნად წარმოების მოცულობის ზრდას, კიდევ უფრო მეტი გარემოსდაცვითი და სოციალური პროექტის განხორციელებას და მსგავსი პროფილის ბიზნესში ინვესტიციების განხორციელებას გეგმავს. როგორც კომპანიის ხელმძღვანელები აცხადებენ, მათ სომხეთის რესურსები ჯერ არ ამოუწურავთ, მაგრამ, ამავე დროს სერიოზულად არიან დაინტერესებული აზერბაიჯანის მიმართულებითაც, მით უმეტეს, რომ აზერბაიჯანული მხარე მიესალმება მათთან საქმიანი ურთიერთობის ამყარებას. პრიორიტეტულ მიმართულებადაა დასახული ყაზახეთი, ტაჯიკეთი და უზბეკეთი, რუსეთთან თანამშრომლობა კი კიდევ უფრო გაფართოვდება.

ვინ უფრო შეავსო ბიუჯეტი

საქართველოს ნავთობპროდუქტების მწარმოებელთა, იმპორტიორთა და მომხმარებელთა კავშირმა 2007 წლის შედეგებით ნავთობპროდუქტენავთობპროდუქტების ბიზნეს-სექტორიდან სახელმწიფო ბიუჯეტში ყველაზე მსხვილი გადამხდელი ორგანიზაციები გამოავლინა და დააჯილდოვა. საზეიმო ცერემონია მერაბ ბერძენიშვილის სახელობის კულტურის საერთაშორისო ცენტრ „ მუზაში“ გაიმართა.

პირველ ადგილზე „სოკარ ჯორჯია პეტროლიუმი“ გავიდა, რომელმაც გასულ წელს ბიუჯეტში 88 422 800 ლარი შეიტანა. მას 75 731 382 ლარით მოყვება „ ვისოლ პეტროლიუმ ჯორჯია“, ხოლო მესამე ადგილზე გასულმა „ლუკოილ ჯორჯიამ“ ბიუჯეტი შარშან 53 636 216 ლარით შეავსო.

სპეციალური სიგელებით დაჯილდოვდნენ სახელმწიფო ბიუჯეტში მსხვილი გადამხდელი ნავთობპროდუქტების რეალიზატორი კომპანიები: „ რომპეტროლი“, რომელმაც ბიუჯეტში 34 მილიონი ლარი გადაიხადა, „ოპტიმუმი“ 20 მილიონი ლარით, მას 10-10 მილიონი ლარით „ეკო ჯორჯია“ და „სიგმა“ მოყვებიან. „ავიასაწვავსერვისმა“ ბიუჯეტს 6 მილიონი ლარი შემატა.

* * *

სახელმწიფო ბიუჯეტში მსხვილ გადამხდელ ზეთებისა და საცხებ-საპოხი მასალების იმპორტიორ საუკეთესო კომპანიად „GT GROUP“ დაასახელეს, რომელმაც გასულ წელს ბიუჯეტში 5 546 256 ლარი შეიტანა.

ყველაზე მეტ ნომინაციაში „ვისოლ პეტროლიუმ ჯორჯიამ“ გაიმარჯვა: იგი გახდა საკუთრებაში არსებული ავტოგასამართი სადგურების ყველაზე ფართო - 67 სადგურიანი ქსელის მქონე კომპანია, საკუთარი სამარკო ნიშნით მოქმედი ავტოგასამართი სადგურების ყველაზე ფართო - 61 სადგურიანი ქსელის მქონე კომპანია, ავტოგასამართი სადგურების სრულყოფილი სერვისის მქონე კომპანია, საუკეთესო ინფრასტრუქტურის მქონე ნავთობპროდუქტების ტერმინალი და კომპანია, რომელსაც ყველაზე მეტი - 885 ადამიანი ჰყავს დასაქმებული.

საუკეთესო უცხოურ კომპანიად „ეკო ჯორჯია“ აღიარეს, ყველაზე დინამიურად მზარდ ქართულ ნავთობკომპანიად - „ოპტიმუმი“. ნავთობკომპანია, რომელმაც გასულ წელს საქართველოში ყველაზე დიდი ინვესტიცია (25 მილიონი დოლარი) განახორციელა, „სოკარ ჯორჯია პეტროლიუმია“, ნავთობპროდუქტების გადამზიდველი საუკეთესო კომპანია „ ვ-ტ“ აღმოჩნდა. საზოგადოებაზე, როგორც გაირკვა, ყველაზე მეტად „სოკარ ჯორჯია პეტროლიუმი“, „ვისოლ პეტროლიუმ ჯორჯია“, „ლუკოილ ჯორჯია“, „ოპტიმუმი“, „GT GROUP“ და „ფასტ პლუსი“ ზრუნავენ. მაღალი ტექნოლოგიების ეროვნული ცენტრი საქართველოში ბიოსაწვავის განვითარების ხელშეწყობისთვის დაჯილდოვდა, ხოლო საქართველოს სანავთობო პორტის საუკეთესო კაპიტნის წოდება როლანდ დევაძეს მიენიჭა.

ისარგებლეთ „შენი ხუთეული“-თ

„ჯეოსელმა“ „ZOOOM“- კლუბის წევრებს ახალი მომსახურება - „შენი ხუთეული“ შესთავაზა. სერვისი ქსელის აბონენტებს „ჯეოსელის“ ან „ლაილაის“ ხუთ საყვარელ ნომერთან წუთში 5 თეთრად საუბრის საშუალებას მისცემს.

სერვისის გასააქტიურებლად აბონენტებმა უნდა აკრიფონ: *125#OK, შერჩეული ნომრების შესაყვანად ან სანახავად კი - *126#OK, შემდეგ კი მიჰყვნენ ინსტრუქციას. ამავე მენიუში 50 თეთრად ნომრების შეცვლაც შეიძლება.

„შენი ხუთეულით“ ერთი თვით სარგებლობის ღირებულება 2 ლარია, რომელიც სერვისის გააქტიურებისას ან გაგრძელებისას ანგარიშიდან ჩამოიჭრება.

ყოველი მომდევნო თვის შემდეგ ბალანსზე საკმარისი თანხის (2 ლარის) არსებობის შემთხვევაში სერვისი ავტომატურად გაგრძელდება, არასაკმარისი თანხის შემთხვევაში კი - გაუქმდება.

სერვისის გამოსართველად უნდა ისარგებლოთ კომბინაციით *125#OK.

ქართულმა ბრენდებმა თავი მოგვაწონეს

კომპანია „Global Idea“-მა და გაზეთმა „ Financial“ 2007 წლის რჩეული ბრენდები დააჯილდოვეს. ყოველწლიური საზეიმო ცერემონია სასტუმრო „ქორთიარდ მარიოტში“ საქართველოს სავაჭრო-სამრეწველო პალატისა და ამერიკის სავაჭრო პალატის მხარდაჭერით უკვე მესამედ გაიმართა.

„ოქროს ბრენდი“ ოველწლიურად იმ კომპანიებს გადაეცემათ, რომლებმაც საქართველოს ბაზარზე ბრენდინგულ საქმიანობაში განსაკუთრებულ წარმატებებს მიაღწიეს, კვლევის მთავარი საგანი კი ბრენდინგულ საქმიანობაში კომპანიების კრეატიული გადაწყვეტილებები გახდა.

2007 წლის ოქროს ბრენდები საქართველოს ეკონომიკის წამყვანმა ექსპერტებმა, უმაღლესი სასწავლებლების პროფესორ-მასწავლებლებმა დაბიზნესის ადმინისტრირების სპეციალისტებმა შეარჩიეს.

მაშ ასე, 2007 წლის ნომინაციებში ელექტრონიკის რჩეული ბრენდი „ელიტ ელექტრონიქსი“ გახდა, საერთაშორისო საკურიერო სამსახურებს შორის საუკეთესო „DHL“ აღმოჩნდა. მობილური კავშირგაბმულობის რჩეულ ბრენდად ექსპერტებმა „ჯეოსელის“ 8-77 აღიარეს. უმაღლესი რანგის კადრების მოძიება- შერჩევაში პირველობა „Brain Source International“-ს ხვდა წილად. ავტოსალონებს შორის გამარჯვება „ტოიოტა ცენტრს“ ხვდა წილად. დეველოპერებსა და სამშენებლო კომპანიებს შორის საუკეთესო ბრენდი „ცენტრ პოინტ ჯგუფი“ აღმოჩნდა, ღვინის კომპანიებს შორის კი - „ბადაგონი“. „ნიკორამ“ პირველობა ხორცის პროდუქტების ნომინაციაში მოიპოვა, „კოკა-კოლა“ კი ექსპერტებმა გამაგრილებელ სასმელებში საუკეთესო ბრენდად აღიარეს, საუკეთესო ლუდის ბრენდის ტიტული კი „ ყაზბეგის“ „პლატინას“ არგუნეს. სუპერმარკეტებს შორის რჩეული ბრენდი „ პოპული“ გახდა, პარფიუმერული მაღაზიების ქსელებს შორის კი - „ისი პარი“. „ ეკო- ფუდს“ საუკეთესო რძის პროდუქტების ბრენდის წოდება მიანიჭეს, საუკეთესო ფარმაცევტულ კომპანიადკი „ PSP“ აღიარეს. რესტორნების ნომინაციაში „ წისქვილმა“ გაიმარჯვა, სადაზღვევო კომპანიებს შორის - „GPI Holding“-მა, კლინიკებს შორის - გია გვარამიას კლინიკამ, ნავთობკომპანიებში კი - „ვისოლ პეტროლიუმ ჯორჯიამ“. რეკლამასა და კონსალტინგში საუკეთესო ბრენდად „სარკე ჯგუფი“ მიიჩნიეს, ტურისტულ კომპანიებში - „ინტერკონტინენტალი“, ინტერნეტ- პროვაიდერებში - „კავკასუს ონლაინი“, იურიდიულ კომპანიებში - კორძაძის საადვოკატო ოფისი, მრეწველობის სფეროში კი „მადნეულმა“ გაიმარჯვა. სამშენებლო მასალების ნომინაციაში პირველობა „ჰაიდელბერგცემენტს“ ერგო, ავიაკომპანიების ნომინაციაში - „ აირზენას“, სასტუმროებს შორის საუკეთესო ბრენდად „ვერე პალასი“ დაასახელეს, ხოლო მინერალურ წყლებს შორის „ნაბეღლავმა“ გაიმარჯვა.

გაზეთ „Financial“ - ის მთავარი რედაქტორი და დამფუძნებელი ზვიად ფოჩხუა „ოქროს ბრენდის“ დაჯილდოების ცერემონიას ბრენდების პოპულარიზაციის საუკეთესო საშუალებად მიიჩნევს და აცხადებს, რომ კომპანიების საქმიანობის წახალისების პარალელურად, ბრენდების ცნობადობის ამაღლებას ემსახურება.

საბირჟო საქმიანობა აქტიურდება

საბირჟო საქმიანობის განვითარების ასოციაცია „FOREX“-მა 2007 წლის საუკეთესო საბანკო ინსტიტუტები და საბროკერო კომპანიები დააჯილდოვა. ღონისძიება, რომელიც წელს მეორედ იმართება, საქართველოში სავალუტო და საფონდო საბირჟო საქმიანობის განვითარების მიზნით დამკვიდრდა. სხვადასხვა ნომინაციებში გამარჯვებულებს ვაჭრობის მითოლოგიური ღმერთის, „ჰერმესის“ სპეციალური პრიზები და სიგელები გადაეცათ.

საქართველოს საფონდო ბირჟაზე 2007 წლის ყველაზე აქტიურ საბროკერო კომპანიად „გალტ ენდ ტაგგარტ სიქიურითი“ დასახელდა, გარიგებების მოცულობით კი საუკეთესო საბროკერო კომპანიად „ფაბლიკ ინვესტმენტ მენეჯმენტ კომპანია“ მიიჩნიეს, ხოლო საქართველოს საფონდო ბირჟაზე გასული წლის საუკეთესო საბროკერო კომპანია გარიგებების ჯამური ღირებულების მიხედვით კვლავ „გალტ ენდ ტაგგარტ სიქიურითი“ აღმოჩნდა. რაც შეეხება 2007 წლის ფასიან ქაღალდებს, საქართველოს საფონდო ბირჟაზე გარიგებების ჯამური ღირებულების მიხედვით, პირველი ადგილის მფლობელი „ლაგუნა ვერეს“ ფასიანი ქაღალდი გახდა. წლის აქტიური ბროკერის წოდება ჯემალ თოდუას მიენიჭა.

2007 წლის მონაცემების შეჯამების შედეგად, თბილისის ბანკთაშორის სავალუტო ბირჟაზე მონაწილე ყველაზე აქტიური ბანკი სს „ბანკი რესპუბლიკა“ - ჯგუფი სოსიეტე ჟენერალი“ აღმოჩნდა, მეორე და მესამე ადგილებზე კი სს „ინვესტბანკი“ და სს „საქართველოს ბანკი“ გავიდნენ.

თბილისის ბანკთაშორის სავალუტო ბირჟაზე გასული წლის ყველაზე აქტიურ დილერად საბირჟო საქმიანობის განვითარების ასოციაციამ ზურაბ ჭაჭია დაასახელა, ხოლო ამავე ბირჟაზე მონაწილე 2007 წლის საუკეთესო ბანკად დადებული გარიგებების მოცულობის მიხედვით სს „საქართველოს ბანკი“ მიიჩნია. მეორე და მესამე ადგილები სს „ბანკი რესპუბლიკამ - ჯგუფი სოსიეტე ჟენერალი“ და სს „თიბისი ბანკმა“ გაინაწილეს. პრიზები მედიასაც ერგო: რადიო „ ფორტუნას“ გადაცემა „ბიზნეს- კურიერი“, სამაუწყებლო კომპანია „რუსთავი 2“-ის გადაცემა „ბიზნეს-კურიერი“ და საინფორმაციო სააგენტო „ახალი ამბები - საქართველო“ საბირჟო საქმიანობის აქტიურად გაშუქებისათვის დააჯილდოვეს.

საბირჟო საქმიანობის განვითარების ასოციაცია 2006 წლიდან მოქმედებს და მიზნად ისახავს საბროკერო კომპანიების ინტერესების დაცვას, მოსახლეობისათვის გამოცდილების გაზიარებას, გრძელვადიანი და მოკლევადიანი სასწავლო კურსის მიხედვით კვალიფიკაციის ამაღლებას სავალუტო და საფონდო ბაზრებზე, ასევე სპეციალური პროგრამების, პროექტების, აქციების, კვლევებისა და პუბლიკაციების მეშვეობით საბირჟო საქმიანობისადმი ინტერესის გაღვივებას, საერთაშორისო ორგანიზაციებთან თანამშრომლობასა და სავალუტო დილინგის განვითარებას.

„საქართველოს ბანკი“ ლიდერია

დღეის მონაცემებით, საქართველოში 22 კომერციული ბანკი ოპერირებს, რომელთა მთლიანი აქტივები 7,5 მილიარდ ლარს შეადგენს. აღნიშნული მაჩვენებლის მიხედვით „საქართველოს ბანკი“ ლიდერობს, რომლის მთლიანი აქტივები ამ დროისათვის 2,6 მილიარდ ლარს შეადგენდა. მთლიანიაქტივების მიხედვით, საქართველოს უმსხვილესი კომერციული ბანკების ათეული ასე გამოიყურება:

„ვისოლი“ კორპორატიულ ბარათებს გვთავაზობს

„ვისოლ პეტროლიუმ ჯორჯია“ კორპორატილ კლიენტებს განახლებულ პლასტიკურ ბარათებს სთავაზობს და ანგარიშის ვებ-გვერდიდან მართვის საშუალებას აძლევს. კორპორატიული „ჩიპური“ ბარათი „ვისოლმა“ საქართველოს ბაზარზე 2001 წელს შემოიტანა. ამჟამად კი, განახლებული ბარათის დახმარებით ნაშთის შევსება „ვისოლის“ ოფისში მისვლის გარეშეც შეიძლება.

კორპორატიული ბარათის განახლებული სისტემის საშუალებით ანგარიშის „ონ-ლაინ“ რეჟიმში მართვა მომხმარებელს ანგარიშის შევსების, ბარათზე ლიმიტების დაწესების, შეცვლისა და ამონაწერების მიღების საშუალებას მისცემს. განახლებული ბარათი ხარჯების კონტროლის საშუალებაა და მისი მეშვეობით საქაღალდე სამუშაოები მინიმუმამდე შემცირდება.

ამჟამად „ ვისოლს“ 8 000 კორპორატიული ბარათი აქვს გაცემული.

„ სახალხო ბანკის“ ახალი ინიციატივა

„სახალხო ბანკსა“ და საქართველოს სახელმწიფო სასოფლო-სამეურნეო უნივერსიტეტს შორის ურთიერთთანამშრომლობის მემორანდუმი გაფორმდა. მემორანდუმი, რომელსაც ხელი „სახალხო ბანკის“ გენერალურმა დირექტორმა გიორგი გოგუაძემ და საქართველოს სახელმწიფო სასოფლო-სამეურნეო უნივერსიტეტის რექტორმა გელა ჯავახიშვილმა მოაწერეს, მხარეთა შორის პარტნიორული ურთიერთობის განვითარებასა და სტუდენტების განათლების ხელშეწყობას ითვალისწინებს.

მემორანდუმის პირობების თანახმად, ბანკი გამოხატავს კეთილ ნებას და შვიდი წარჩინებული მაგისტრის დაფინანსების ვალდებულებას იღებს. გარდა ამისა, „სახალხო ბანკი“ სტუდენტებს სწავლის გასაგრძელებლად შეღავათიანი კრედიტების მიღების საშუალებას მისცემს და მათთვის ხელსაყრელი პირობებით სხვადასხვა სახის საბანკო პროდუქტს შესთავაზებს.

თავის მხრივ, უნივერსიტეტი ბანკს სტუდენტებისა და თანამშრომლებისთვის საბანკო პროდუქტების გაცნობასა და შეთავაზებაში მხარდაჭერასა და ხელშეწყობას აღუთქვამს.

„TBC“ ბანკმა დაკრედიტება მიიღო

„თიბისი ბანკსა“ და ფრანგულ ფინანსურ კომპანია „BNP Paribas“ შორის გაფორმდა ხელშეკრულება, რომელიც 30 მილიონი დოლარით „თიბისი ბანკის“ დაკრედიტებას ითვალისწინებს. მოზიდული ფინანსური რესურსი საქართველოში ფიქსირებული აქტივების იმპორტს მოხმარდება და ქართული კომპანიებისათვის ეუთო-ს ქვეყნებიდან (აშშ-ის, კანადასა და იაპონიის გარდა) მანქანადანადგარებისა და მომსახურებების შესაძენადაა გამიზნული. აღსანიშნავია, რომ ეს „BNP Paribas“ მიერ განხორციელებული პირველი ინვესტიციაა ქართულ ბაზარზე.

ხელშეკრულებით მიღებული სესხი მეორე მსხვილი ტრანზაქციაა, რომელიც 2008 წლის დასაწყისიდან დღემდე „თიბისი ბანკში“ განხორციელდა. აღნიშნულ პერიოდში უცხოური საფინანსო ინსტიტუტებიდან „თიბისი ბანკის“ მიერ მოზიდული რესურსების ჯამურმა მოცულობამ 40 მილიონი დოლარი შეადგინა.

„BNP Paribas“-თან გაფორმებული გარიგების გარდა, 10 მილიონი დოლარის ოდენობის სუბორდინირებული სესხი „თიბისი ბანკმა“ საერთაშორისო საფინანსო ინსტიტუტისგან - „DEG“ (გერმანიის ინვესტიციებისა და განვითარების კომპანია) მიიღო.

„პოპული“ დღითიდღე ფართოვდება

2008 წლის ბოლოსათვის სავაჭრო ქსელი „პოპული“ 40 ახალ მაღაზიას გახსნის, რომელთაგან 20 რეგიონებში განთავსდება. „პოპულის“ გათვლებით, 2008 წელს ქსელში დასაქმებულ ადამიანთა რაოდენობა, სავარაუდოდ, 150 პროცენტით იმატებს და 3 000-ს გადააჭარბებს.

2006 წელთან შედარებით, გასულ წელს „პოპულის“ შემოსავლები თითქმის გასამმაგდა, შემოსავლების ზრდამ კი 182,4 პროცენტი შეადგინა: 2007 წელს სავაჭრო ქსელის შემოსავლებმა 48 მილიონ ლარს მიაღწია, 2006 წელს კი ეს მაჩვენებელი მხოლოდ 17 მილიონი ლარი იყო.

შარშან „პოპულის“ მაღაზიების რიცხვი 17-დან 30-მდე გაიზარდა. მათგან 8 „ XL“ ფორმატისაა.

„პოპული“ საქველმოქმედო ფონდ „იავნანას“ პროექტშიც ჩაება: ქსელის ყველა მაღაზიის სალაროსთან სპეციალური ყულაბები დაიდგა, რომლებშიც „პოპულის“ მომხმარებელიცა და პერსონალიც ფულს ყრის. ამგვარი გზით შეგროვილი თანხით ფონდმა ბერიანიძეების შვიდშვილიან ოჯახს სახლი შეუძინა.

„სახალხო ბანკი“ სპორტსმენებსაც სწყალობს

„სახალხო ბანკი“ საქართველოს ოლიმპიური კომიტეტის გენერალური სპონსორი გახდა. შესაბამისი ხელშეკრულების გაფორმების საზეიმო ცერემონიას სასტუმრო „ქორთიარდ მარიოტში“ ოლიმპიური კომიტეტის თავმჯდომარე გოგი თოფაძე, „სახალხო ბანკის“ გენერალური დირექტორი გიორგი გოგუაძე, საქართველოს კულტურის, ძეგლთა დაცვისა და სპორტის მინისტრი ნიკოლოზ ვაჩეიშვილი, ოლიმპიური კომიტეტის სხვა სპონსორი კომპანიების წარმომადგენლები და სპორტსმენები ესწრებოდნენ.

2008 წლის ოლიმპიადა 8 აგვისტოს პეკინში გაიხსნება და მასში, 220 ქვეყნის წარმომადგენლებთან ერთად, 32 ქართველი სპორტსმენიც ჩაერთვება. „სახალხო ბანკმა“ ოლიმპიურ კომიტეტს ამ მიზნით 200 ათასი ლარი გამოუყო, სხვა სპორტული ღონისძიებების მოსამზადებლად კი წელს დამატებით 1 მილიონ ლარს დახარჯავს. გიორგი გოგუაძე ეროვნული ოლიმპიური კომიტეტის სპონსორობას პრესტიჟულ და საამაყო საქმედ მიიჩნევს და აცხადებს, რომ ეს თანამშრომლობა მხოლოდ ერთჯერადი, მოკლევადიანი ურთიერთობით არ შემოიფარგლება. „ სახალხო ბანკი“ აქტიურადაა ჩართული სპორტის განვითარების საქმეში და საქართველოში მოქმედ სხვა კომპანიებსაც სპორტის მხარდაჭერისაკენ მოუწოდებს.

„ქართულ სპორტს ბიზნესის გვერდში დგომა სჭირდება“, - განაცხადა გოგი თოფაძემ და დასძინა, რომ მხოლოდ მწირი ბიუჯეტით სპორტის პრობლემების ერთიანად გადაჭრა ძნელია. თოფაძე ამბობს, რომ კულტურის, ძეგლთა დაცვისა და სპორტის სამინისტრო და სპორტის დეპარტამენტი მდგომარეობის გამოსასწორებლად ბევრ რამეს აკეთებს, თუმცა, ბოლო წლების „ჩავარდნას“ ოლიმპიური კომიტეტის თავმჯდომარე მაინც ამ დარგისადმი უყურადღებობით ხსნის და მდგომარეობის გამოსწორებას სახელმწიფოსა და ქართველი ბიზნესმენების მოვალეობად მიიჩნევს.

საქართველოს ეროვნული კომიტეტის სპონსორები სამშენებლო კომპანიები „ოლიმპიური ვარსკვლავი“ და „აქსისი“, ფარმაცევტული კომპანია „ჯი-პი-სი“, გოგი თოფაძის ფონდი და „ დეველოპმენტ სოლუშენიც“ გახდნენ.

London House თბილისში

ბრიტანულმა კომპანია London House-მა საქართველოში ოფიციალური წარმომადგენლობა გახსნა და ქეთევან წამებულის გამზირის №50-ში „შოუ-რუმის“ პრეზენტაციაც მოაწყო. კომპანია, რომლის საქმიანობის ძირითადი სფერო სამშენებლო და მოსაპირკეთებელი მასალების, სანტექნიკის, სხვადასხვა სახის ავეჯისა და განათების საშუალებების წარმოება და რეალიზებაა, მომხმარებელს პროდუქციის ფართო არჩევანს სთავაზობს. „შოუ-რუმი“ საცალო ვაჭრობისთვისაცაა განკუთვნილი და კორპორატიული კლიენტებისათვისაც.

„შოუ-რუმის“ პრეზენტაციის პარალელურად ბრისტოლისა და თბილისის დაძმობილების ოცი წლისთავისადმი მიძღვნილი ღონისძიებების ფარგლებში ბრისტოლ-თბილისის ასოციაციაც გაიხსნა, რომელსაც კომპანია London House-მა საოფისე ფართი აჩუქა. ასოციაცია ბრისტოლსა და თბილისს შორის სოციალური და კულტურული პროგრამების განვითარებას და ბიზნეს-წრეების დაახლოებას უწყობს ხელს.

თურქები ქობულეთში სამკერვალო ფაბრიკას გვიხსნიან

ქობულეთის რაიონის სოფელ მუხაესტატეში უახლოეს მომავალში სამკერვალო ფაბრიკა გაიხსნება. ეს გადაწყვეტილება თურქული კომპანია „Ay-tim“- ჯგუფის პრეზიდენტმა ხუსეინ აიდინმა აჭარის ავტონომიური რესპუბლიკის ფინანსთა და ეკონომიკის მინისტრ ვაჟა ბოლქვაძესთან შეხვედრის შემდეგ მიიღო.

„Ay-tim“-ჯგუფი ფაბრიკაში სამ მილიონზე მეტი ოდენობის ინვესტიციის განხორციელებას აპირებს. განსაკუთრებით მნიშვნელოვანია ის ფაქტი, რომ კომპანია ახალ ფაბრიკაში 500-მდე ადგილობრივ მკვიდრს დაასაქმებს.

„Ay-tim“-ჯგუფი თურქეთის საფეიქრო მრეწველობაში ერთ-ერთი ცნობილი კომპანიაა, რომლის წლიური საქონელბრუნვა 60 მილიონ დოლარზე მეტია. კომპანიის მიერ წარმოებული საქონელი გერმანიაში იყიდება.

ბერძნები ქართველ სტუდენტებს სამეწარმეო გამოცდილებას უზიარებენ

ივანე ჯავახიშვილის სახელობის თბილისის სახელმწიფო უნივერსიტეტის სტუდენტები, საბერძნეთის საგარეო საქმეთა სამინისტროს ინიციატივით წამოწყებული და დაფინანსებული პროგრამის ფარგლებში, ივნისის დასაწყისში წარადგენენ დეკლარაციას, რომელიც საქართველოში მეწარმეობის განვითარების საკითხებს ეძღვნება. აღნიშნული პროექტი წელიწადნახევრის წინ დაიწყო და სტუდენტებისათვის მეწარმეობასთან დაკავშირებული საკითხების სწავლებას ითვალისწინებს. ბერძნულმა მხარემ საუკეთესო მოსწრების მქონე 50 სტუდენტი შეარჩია.

როგორც პროექტის კოორდინატორმა, ინდუსტრიული ეკონომიკის პროფესორმა ჯოზეფ ჰასიდმა პროექტის მიმდინარეობასთან დაკავშირებით გამართულ პრესკონფერენციაზე განაცხადა, ასეთი საქმის წამოწყებისათვის უმთავრესი პირობაა კონკრეტულ ქვეყანაში ღირსეული პარტნიორის შერჩევა. ამ შემთხვევაში, ბერძნული მხარე კმაყოფილია არა მხოლოდ ქართველი სტუდენტებისა და პედაგოგების მაღალი საგანმანათლებლო დონით, არამედ იმითაც, რომ პროექტში ჩართვის სურვილი უკვე საქართველოს ტექნიკური უნივერსიტეტისა და საერთაშორისო ურთიერთობების უნივერსიტეტის ეკონომიკის ფაკულტეტებმაც გამოთქვეს.

პროექტის კოორდინატორი, პროფესორი პეტროს პაპაგიორგიუსი აღნიშნავს, რომ ქართველი სტუდენტები საკმაოდ ნაკითხები არიან და სამეწარმეო სამართლის საკითხებშიც კარგად ერკვევიან.

აღსანიშნავია, რომ პრესკონფერენცია საბერძნეთის დამოუკიდებლობის დღეს დაემთხვა.

რედაქციაში შემოსულ კითხვებზე პასუხობენ ჟურნალ „ბიზნესი და კანონმდებლობის“ ექსპერტები: თამარ გოგოლაშვილი, გიორგი გვენეტაძე და გიორგი ხატიაშვილი.

თამარ გოგოლაშვილი

კითხვა:

- რა ვადას შეადგენს დასაქმებულის შვებულება?

პასუხი:

- საქართველოს შრომის კოდექსი იცნობს როგორც ანაზღაურებად, ისე ანაზღაურების გარეშე შვებულებას. ანაზღაურებადი შვებულების ხანგრძლივობა არ შეიძლება იყოს წელიწადში 24 სამუშაო დღეზე ნაკლები, თუმცა, შრომითი ხელშეკრულებით შეიძლება გათვალისწინებულ იქნეს ანაზღაურებადი შვებულების უფრო ხანგრძლივი ვადაც. რაც შეეხება ანაზღაურების გარეშე ვებულებას, მისი ხანგრძლივობა წელიწადში უნდა შეადგენდეს არანაკლებ 15 კალენდარულ დღეს. შესაძლებელია დასაქმებულმა და დამსაქმებელმა შრომითი ხელშეკრულებით აითვალისწინონ ანაზღაურებად და ანაზღაურების გარეშე შვებულებასთან დაკავშირებით სხვა ვადები და პირობები, რომლებიც არ უნდა აუარესებდეს დასაქმებულის მდგომარეობას.

კითხვა:

- რა წესებს ითვალისწინებს საქართველოს მოქმედი კანონმდებლობა შვებულებაში გასვლასთან დაკავშირებით?

პასუხი:

- საქართველოს შრომითი კოდექსი ადგენს, რომ დასაქმებულს შვებულების მოთხოვნის უფლება წარმოეშვება მუშაობის დაწყებიდან თერთმეტი თვის შემდეგ (მაგალითად, პირმა საწარმოში მუშაობა დაიწყო 2008 წლის 01 მარტს. მას შვებულებაში გასვლის უფლება ექნება 2009 წლის 01 თებერვლიდან), თუმცა კანონი უშვებს, რომ დასაქმებულსა და დამსაქმებელს შორის შეთანხმებით შესაძლებელია დასაქმებულს შვებულება მიეცეს თერთმეტი თვის გასვლამდეც. ასევე შესაძლებელია დასაქმებულისა და დამსაქმებლის შეთანხმების საფუძველზე შვებულების ნაწილნაწილ გამოყენება (მაგალითად, შესაძლებელია დასაქმებული და დამსაქმებელი შეთანხმდნენ, რომ შვებულების ვადა გაიყოს ორად და შვებულების ერთი ნაწილი დასაქმებულმა გამოიყენოს ზაფხულში, ხოლო მეორე ნაწილი - ზამთარში). აღსანიშნავია, რომ კანონის თანახმად, დასაქმებული ვალდებულია ანაზღაურების გარეშე შვებულების აღებისას 2 კვირით ადრე გააფრთხილოს დამსაქმებელი. დასაქმებული ასეთი გაფრთხილების ვალდებულებისაგან თავისუფლდება, თუ გაფრთხილება შეუძლებელია გადაუდებელი სამედიცინო ან ოჯახური პირობების გამო.

კითხვა:

- შეიძლება თუ არა, რომ დასაქმებულს არ მიეცეს კუთვნილი ანაზღაურებადი შვებულება?

პასუხი:

- იმ შემთხვევაში, თუ მიმდინარე წელს დასაქმებულისათვის შვებულების მიცემამ შეიძლება უარყოფითი გავლენა მოახდინოს სამუშაოს ნორმალურ მიმდინარეობაზე, დასაქმებულის თანხმობით შვებულება შეიძლება გადატანილ იქნეს მომდევნო წლისათვის. კანონი კრძალავს არასრულწლოვანის შვებულების გადატანას მომდევნო წლისათვის. კანონი ასევე კრძალავს შვებულების გადატანას ზედიზედ ორი წლის განმავლობაში.

კითხვა:

- რა ოდენობის ანაზღაურება მიეცემა დასაქმებულს ანაზღაურებადი შვებულების დროს?

პასუხი:

- დასაქმებულს ანაზღაურებადი შვებულების დროს მიეცემა საშვებულებო ანაზღაურება. საშვებულებო ანაზღაურების ოდენობა განისაზღვრება შემდეგნაირად:

1. შვებულების წინა 3 თვის საშუალო ანაზღაურებიდან;

2. იმ შემთხვევაში, თუ მუშაობის დაწყებიდან ან უკანასკნელი შვებულების შემდეგ ნამუშევარი დრო 3 თვეზე ნაკლებია, საშვებულებო ანაზღაურება განისაზღვრება ნამუშევარი თვეების საშუალო ანაზღაურებიდან,

3. იმ შემთხვევაში, თუ დასაქმებულს ყოველთვიურად ფიქსირებული ანაზღაურება აქვს, საშვებულებო ანაზღაურება განისაზღვრება ბოლო თვის ანაზღაურების მიხედვით.

კითხვა:

- შეიძლება თუ არა, რომ დამსაქმებელმა აუკრძალოს დასაქმებულს შეთავსებით მუშაობა?

პასუხი:

- დიახ, დამსაქმებელს შეუძლია დასაქმებულთან გაფორმებული შრომითი ხელშეკრულებით შეზღუდოს დასაქმებულის შეთავსებით მუშაობის უფლება ანუ ხელშეკრულებით შეიძლება განისაზღვროს, რომ დასაქმებულს უფლება არა აქვს მოცემული შრომითი ხელშეკრულების მოქმედების პერიოდში შეასრულოს სხვა სამუშაო. თუმცა, ასეთი შეზღუდვა დაიშვება მხოლოდ კანონით გათვალისწინებულ შემთხვევებში, კერძოდ:

1. თუ დასაქმებულის მიერ შეთავსებით სამუშაოს შესრულებამ შეიძლება ხელი შეუშალოს დასაქმებულს ძირითად სამუშაოსთან დაკავშირებული მოვალეობების შესრულებაში ან/და

2. პირი, რომლისთვისაც დასაქმებულმა შეთავსებით უნდა შეასრულოს სამუშაო, არის მოცემული დამსაქმებლის კონკურენტი.

კითხვა:

- შრომითი ხელშეკრულების მოშლისას რა ვადაში უნდა მიეცეს დასაქმებულს ხელფასი?

პასუხი:

- იმ შემთხვევაში, თუ ერთერთი მხარის (დასაქმებულის ან დამსაქმებლის) ინიციატივით მოხდება შრომითი ხელშეკრულების მოშლა, დამსაქმებელი ვალდებულია საბოლოო ანგარიშსწორება მოახდინოს ხელშეკრულების მოშლიდან არაუგვიანეს 7 კალენდარული დღისა, თუ მხარეთა შორის გაფორმებული შრომითი ხელშეკრულებით სხვა ვადა არ არის დადგენილი.

კითხვა:

- შესაძლებელია თუ არა, რომ იურიდიული პირი იყოს მემკვიდრე?

პასუხი:

- საქართველოს სამოქალაქო კოდექსი ადგენს, რომ მამკვიდრებელი შეიძლება იყოს მხოლოდ ფიზიკური პირი. რაც შეეხება მემკვიდრეებს, იურიდიული პირი შეიძლება იყოს მემკვიდრე მხოლოდ ანდერძით მემკვიდრეობის დროს. კანონი ადგენს, რომ იურიდიული პირი მხოლოდ მაშინ შეიძლება იყოს ანდერძით მემკვიდრე, თუ იგი შექმნილი იყო სამკვიდროს გახსნის მომენტისათვის. სამკვიდროს გახსნასთან დაკავშირებით კი კანონი განმარტავს, რომ სამკვიდრო გახსნილად ითვლება პირის გარდაცვალების ან სასამართლოს მიერ მისი გარდაცვლილად გამოცხადების შედეგად.

გიორგი გვენეტაძე

კითხვა:

- რა ვადაში უნდა გასაჩივრდეს საგადასახადო ინსპექციის მიერ გამოცემული საგადასახადო მოთხოვნა გადასახადის დარიცხვის შესახებ ფინანსთა სამინისტროს სისტემაში ან სასამართლოში?

პასუხი:

- საქართველოს საგადასახადო კოდექსის 147-ე მუხლის მე-2 ნაწილის თანახმად, თუ გადასახადის გადამხდელი უარს აცხადებს საგადასახადო ორგანოს მიერ გამოცემული „საგადასახადო მოთხოვნის“ შესრულებაზე, იგი ვალდებულია „საგადასახადო მოთხოვნის“ მიღებიდან 20 კალენდარული დღის ვადაში ამავე საგადასახადო ორგანოს მეშვეობით საქართველოს ფინანსთა სამინისტროს შემოსავლების სამსახურს გაუგზავნოს წერილობითი საჩივარი, ან საგადასახადო ორგანოს გაუგზავნოს წერილობითი შეტყობინება, თუ დავის გადაწყვეტის ფორმად ირჩევს მის გადაწყვეტას სასამართლოს მიერ.

ამდენად, „საგადასახადო მოთხოვნის“ გასაჩივრებისთვის როგორც ფინანსთა სამინისტროს შემოსავლების სამსახურში, ისე სასამართლოში დადგენილია 20 დღიანი ვადა ამ მოთხოვნის მიღებიდან.

კითხვა:

- მიუხედავად ჩვენს მიერ წარდგენილი საუკეთესო საკონკურსო პირობებისა, საქართველოს გარემოს დაცვისა და ბუნებრივი რესურსების სამინისტროს ლიცენზირების სამსახურის მიერ უარი გვეთქვა წყლის რესურსით სარგებლობის შესახებ ლიცენზიის მოპოვებაზე და უპირატესობა მიენიჭა სხვა კონკურსანტს. რა წესით შეიძლება გასაჩივრდეს ლიცენზირების სამსახურის აღნიშნული გადაწყვეტილება?

პასუხი:

- ასეთ შემთხვევაში საქართველოს ადმინისტრაციული საპროცესო კოდექსის მე-2 მუხლის მე-5 ნაწილისა და საქართველოს ზოგადი ადმინისტრაციული კოდექსის 177-ე მუხლის შესაბამისად, ლიცენზირების სამსახურის გადაწყვეტილება, პირველ რიგში, ერთი თვის ვადაში უნდა გასაჩივრდეს ადმინისტრაციული საჩივრით ზემდგომ თანამდებობის პირთან (გარემოს დაცვისა და ბუნებრივი რესურსების მინისტრთან), ხოლო ადმინისტრაციულ საჩივარზე უარყოფითი გადაწყვეტილების მიღების შემთხვევაში, იმავე ვადაში შეგიძლიათ სარჩელით მიმართოთ სასამართლოს.

გიორგი ხატიაშვილი

კითხვა:

- აქვს თუ არა უფლება საწარმოს შეამციროს თავისი საწესდებო კაპიტალი და აქვს თუ არა უფლება დამფუძნებელს დაიბრუნოს საწესდებო კაპიტალში გაკეთებული შესატანი?

პასუხი:

- შესატანის უკან დაბრუნება შეზღუდული პასუხისმგებლობის საზოგადოებაში დაიშვება მხოლოდ საწესდებო კაპიტალის შემცირების გზით.

საწარმოს უფლება აქვს შეამციროს საწესდებო კაპიტალი. ამისთვის საჭიროა ცვლილებების შეტანა საწარმოს წესდებაში. საწარმოს კაპიტალის შემცირება რეგისტრირებული უნდა იქნეს სამეწარმეო რეესტრში. შესაბამისად, საწესდებო კაპიტალის შემცირება საჭიროებს რეგისტრაციას. (კანონი „მეწარმეთა შესახებ“ მუხლი 3.3.).

საწესდებო კაპიტალის შემცირება შესატანების უკან დაბრუნებით იმ შესატანის მიმართ, რომლებიც პარტნიორების პასუხისმგებლობის მოცულობას განსაზღვრავს, შეიძლება განხორციელდეს საწესდებო კაპიტალის შემცირების რეგისტრაციიდან და გამოქვეყნებიდან 12 თვის შემდეგ (კანონი „მეწარმეთა შესახებ“ მუხლი 3.6.).

კითხვა:

- როგორ იბეგრება საწესდებო კაპიტალის შემცირების შედეგად დამფუძნებლის მიერ მიღებული თანხა?

პასუხი:

- ამ კითხვაზე პირდაპირ და ცალსახა პასუხს საგადასახადო კოდექსი არ იძლევა. საგადასახადო სამსახურის სპეციალისტების ნაწილი:

- ასეთ ოპერაციას განიხილავს მიწოდებად და მოითხოვს მათ დაბეგვრას დღგ-თი.

- დაბრუნებული შესატანის ღირებულებას კი დამფუძნებლის შემოსავლად და შესაბამისად მის დაბეგვრას საშემოსავლო გადახადით.

საგადასახადო კოდექსის თანახმად:

ა. საშემოსავლო გადასახადით იბეგრება დასაბეგრი შემოსავალი, ანუ სხვაობა ერთობლივ შემოსავალსა და კანონით გათვალისწინებულ გამოქვითვებს შორის.

ბ. დღგ-თი იბეგრება საქონლის მიწოდება -პირის მიერ სხვა პირისთვის საქონელზე საკუთრების უფლების გადაცემა სასყიდლით (რეალიზაცია, გაცვლა, ხელფასის სახით ან ნატურალური ფორმით ანაზღაურება) უსასყიდლოდ (ს.კ. მუხლი 20).

აღნიშნულის გათვალისწინებით, დამფუძნებლის მიერ, საწესდებო კაპიტალში გაკეთებული შესატანის, ან შესატანის ნაწილის გამოტანა მიწოდებად ვერ ჩაითვლება, რადგან ამ ოპერაციის შედეგად:

ა. ვერაფერს იღებს სანაცვლოდ „მიმწოდებელი“ საწარმო.

ბ. დამფუძნებლის მიერ შესატანის დაბრუნება, არ ითვალისწინებს საწარმოსთვის რაიმე შემოსავალს, ამონაგებს ან კომპენსაციას და ცალსახად აუარესებს მის ფინანსურ მდგომარეობას.

გ. შესატანის დაბრუნებისას (გატანისას) დამფუძნებლის მიერ, პრაქტიკულად არ ხდება საკუთრების შეწყვეტა, ან წარმოქმნა (მისი გადაცემა). საკუთრების ერთი ფორმა იცვლება მეორეთი.

დ. ასეთი ოპერაცია თავისი არსით არ პასუხობს რეალიზაციის, გაყიდვის, გაცვლისა და ჩუქების არც ეკონომიკურ და არც სამართლებრივ კრიტერიუმებს.

ვინაიდან დამფუძნებლის მიერ, მის მიერ შესრულებული შესატანის გამოტანა, საწესდებო კაპიტალის შემცირების გზით, ვერაფრით ვერ ჩაითვლება „მიწოდებად“ „რეალიზაციად“, „გაცვლად“, უსასყიდლოდ მიწოდებად ანუ „ჩუქებად“, ასეთი ოპერაცია ვერ იქნება დღგ-ით დაბეგვრის ობიექტი.

მოყვანილი მოსაზრებები სრულად ემთხვევა საგადასახადო კოდექსის მოთხოვნებს, კერძოდ:

ა. 225-ე მუხლის მე-3 ნაწილის „ბ“ პუნქტის თანახმად „დასაბეგრ ოპერაციად არ ჩაითვლება აქტივების მიწოდება შესატანის სახით სხვა საწარმოს საწესდებო და საემისიო კაპიტალში;

ბ. დღგ-სგან განთავისუფლებულია საწესდებო კაპიტალის წილის მიწოდება (მუხლი 230 ნაწილი 1-ლი „ბ“).

შესატანის ამოღება ვერ იქნება შემოსავალი დამფუძნებლისთვის, რადგან იგი იბრუნებს მის მიერ ადრე განხორციელებულ შესატანს, მას არაფერი ეცვლება ქონებრივი თვალსაზრისით, რადგან გამოტანილი შესატანის სანაცვლოდ მას ავტომატურად უმცირდება წილი საწარმოს საწესდებო კაპიტალში და საწარმოში მთლიანად.

ამრიგად, თუ დამფუძნებლის მიერ გამოტანილი შესატანის ღირებულება იქნება ტოლი ან ნაკლები მის მიერ განხორციელებული შესატანისა, დამფუძნებელს არაფერი ეცვლება შესატანის აბრუნებისას. შესაბამისად; სახეზე არ იქნება შემოსავალი და დამფუძნებელი არ გადაიხდის არც საშემოსვლო გადასახადს.

სხვა საკითხია, თუ დამფუძნებელი თავის წილის სანაცვლოდ დაიბრუნებს თანხას ან ქონებას, რომელიც აღემატება მის შესატანს. ასეთ შემთხვევაში; მას მოუწევს ნამეტი თანხიდან საშემოსავლო გადასახადის გადახდა საგადასახადო კოდექსის 168-ე მუხლის 1-ლი ნაწილის „ვ“ პუნქტის მოთხოვნების გათვალისწინებით.

კითხვა:

- აქვს თუ არა უფლება საწარმოს გაყიდოს საწესდებო კაპიტალში შეტანილი ქონება? პასუხი:

- საწესდებო კაპიტალში შეტანილი ქონება წარმოადგენს საწარმოს აქტივებს და საწარმოს შეუძლია შეუფერხებლად განკარგოს იგი საწარმოს წესდებით დადგენილი შეზღუდვების გათვალისწინებით.

კითხვა:

- აქვს თუ არა უფლება საწარმოს (შპს) თავისი ქონების ნაწილი მიჰყიდოს დამფუძნებელს?

პასუხი:

- კანონი ასეთ ოპერაციებს არ ზღუდავს, თუ წესდებით სხვა არ არის გათვალისწინებული. ასეთი გაყიდვა საწარმოსათვის ჩაითვლება მიწოდებად და დაიბეგრება დღგ-თი, თუ საწარმო არის ან უნდა იყოს რეგისტრირებული დღგ-ს გადამხდელად. თუ გაყიდვიდან მიღებული ამონაგები გადააჭარბებს აქტივის საბალანსო ღირებულებას, ნამეტით გაიზრდება საწარმოს ერთობლივი შემოსავალი (მუხლი 210).

კითხვა:

- საწარმოს დარიცხული დღგ აჭარბებს გადახდილ, ანუ ჩასათვლელ დღგ-ს. შეუძლია თუ არა მას დაიბრუნოს ბიუჯეტში შეტანილი დარიცხული დღგ?

პასუხი:

- არა. როგორ დაიბრუნებს იმას, რაც არ გადაუხდია. ჩათვლას და ცალკეულ შემთხვევებში დაბრუნებას ექვემდებარება პირის მიერ გადახდილი დღგ და არა დარიცხული, რომელსაც კონტრაგენტები იხდიან.

კითხვა:

- გვაინტერესებს, რა შეღავათები არსებობს უცხოური საქველმოქმედო ორგანიზაციისთვის, ფიზიკური პირის მიერ მიქირავებული ქონებისთვის მიღებული საიჯარო გადასახადისთვის?

პასუხი:

- საგადასახადო კოდექსის 281-ე მუხლის მე-23 ნაწილის თანახმად, 2011 წლის 1 იანვრამდე, დასაბეგრ შემოსავლებზე საშემოსავლო გადასახადის განაკვეთი შეადგენს 12%25-ს:

ა. გრანტით მიღებული სახსრებიდან გრანტის მიმღები ორგანიზაციის მიერ გაცემული ანაზღაურება.

ბ. საქართველოში დიპლომატიური სტატუსის მქონე საერთაშორისო ორგანიზაციების მიერ საქართველოს მოქალაქეებზე გაცემული ანაზღაურება.

გ. საერთაშორისო ხელშეკრულებებით სოციალური გადასახადისაგან განთავისუფლებული ანაზღაურება.

შესაბამისად, თუ უცხოური საქველმოქმედო ორგანიზაცია არის საერთაშორისო საქველმოქმედო ორგანიზაცია, ან იგი დიპლომატიური სტატუსის მქონე ორგანიზაციაა, ან მისი გადახდები განთავისუფლებულია სოციალური გადასახადისაგან საერთაშორისო ხელშეკრულებით, მის მიერ საქართველოს მოქალაქეებზე გაცემული ანაზღაურება, მათ შორის ანაზღაურება საიჯარო მომსახურებისთვის, დაიბეგრება 12%25-იანი განაკვეთით.

კითხვა.

- ერიცხება თუ არა საწესდებო კაპიტალში შეტანილ ძირითად საშუალებებს ცვეთა?

პასუხი:

- საწესდებო კაპიტალში შეტანილ ძირითადი საშუალებების ცვეთაზე საგადასახადო კოდექსი რაიმე შეზღუდვას არ ითვალისწინებს (მუხლი

183).

ამ სახის აქტივების ცვეთაზე შეზღუდვას არ აწესებს არც დებულება საქართველოში ბუღალტრული აღრიცხვის შესახებ (მუხლი 40) და არც ბუღალტრული აღრიცხვის მე-16 საერთაშორისო სტანდარტი.

კითხვა:

- საწესდებო კაპიტალში შეტანილი ძირითადი საშუალებების გაყიდვისას მოგების ანსაზღვრისათვის უნდა გავითვალისწინოთ თუ არა მათი საწყისი ღირებულება?

პასუხი:

- საწესდებო კაპიტალში შეტანილი ძირითადი საშუალებების ცვეთაზე საგადასახადო კოდექსი რაიმე შეზღუდვას არ ითვალისწინებს (მუხლი 183).

ამ სახის აქტივების ცვეთაზე შეზღუდვას არ აწესებს არც დებულება საქართველოში ბუღალტრული აღრიცხვის შესახებ (მუხლი 40).

როდესაც საწესდებო კაპიტალში შეაქვთ ქონება, საექსპერტო წესით განისაზღვრება ცალკეული დამოუკიდებელი ერთეულის ღირებულება და ამ ღირებულებით ხდება მისი აღრიცხვა და ჯგუფის ღირებულებით ბალანსზე მიკუთვნება.

საგადასახადო კოდექსის 210 და 211 მუხლები, რომლებიც არეგულირებენ აქტივების ღირებულების ფორმირებისა და აქტივების მიწოდებიდან მოგებისა და ზარალის აღრიცხვის საგადასახადო თავისებურებებს, საწესდებო კაპიტალში შეტანილი ქონების გაყიდვაზე რაიმე შეზღუდვას არ ითვალისწინებს.

კითხვა:

- რა უფლება რჩება საწარმოს დამფუძნებელს, რომელიც უშუალოდ არ მონაწილეობს საწარმოს მართვაში, როდესაც საწარმოს ადმინისტრაცია ვერ ართმევს თავს საწარმოს მართვას?

პასუხი:

- ყოველ პარტნიორს აქვს წლიური ანგარიშის ასლისა და საზოგადოების ყველა პუბლიკაციის მიღების უფლება. გარდა ამისა, მას უფლება აქვს შეამოწმოს წლიური ანგარიშის სისწორე და ამ მიზნით გაეცნოს საზოგადოების საბუღალტრო წიგნებს უშუალოდ და დამოუკიდებელი ექსპერტის მეშვეობით და საზოგადოებას მოსთხოვოს განმარტებები წლიური ანგარიშის წარდგენის შემდეგ, ოღონდ ამ ანგარიშის დამტკიცებამდე. თუ აღმოჩნდება, რომ ანგარიში არასწორადაა შედგენილი, ამ ანგარიშის შემოწმების ხარჯები ეკისრება საზოგადოებას. ეს უფლებები მხოლოდ ამ კანონით შეიძლება შეიზღუდოს, გაფართოება კი შეიძლება საზოგადოების წესდებით ან სხვა კანონით. კანონი „მეწარმეთა შესახებ“ მუხლი 3.9.

თუ შემოწმების შედეგად დადასტურდება საწარმოს ადმინისტრაციის არაკომპეტენტურობა, ან სხვა არსებითი საფუძველი ამისათვის, დამფუძნებელს უფლება აქვს პარტნიორთა კრებაზე დასვას საკითხი დირექტორის შეცვლის შესახებ. (კანონი „ მეწარმეთა შესახებ“ მუხლი 47).

საწარმოს დამფუძნებლებს (დამფუძნებელს), რომელთა წილი შეადგენს საწესდებო კაპიტალის მეათედს, უფლება აქვს მოიწვიოს პარტნიორთა კრება. თუ ამ მოთხოვნას არ გამოეხმაურებიან, მაშინ პარტნიორს (პარტნიორებს) საქმის გარემოებიდან გამომდინარე, შეუძლიათ თვითონ მოიწვიონ საერთო კრება.

კითხვა:

- აქვს თუ არა უფლება ფიზიკურ პირს მისცეს სესხი მისივე დაფუძნებულ ინდივიდუალურ საწარმოს, თუ არა, გთხოვთ, განგვიმარტოთ ბუღალტრული აღრიცხვის ავტონომიურობის პრინციპი და „მეწარმეთა შესახებ“ კანონის 2.2. მუხლი?

პასუხი:

- ბუღალტრული აღრიცხვის ავტონომიურობის პრინციპის თანახმად, ბუღალტრული აღრიცხვა აწარმოებს სამეურნეო სუბიექტების საქმიანობისა და არა მათი მესაკუთრე და მათში დასაქმებული ფიზიკური პირების საქმიანობის აღრიცხვას. ამ პრინციპის თანახმად, საწარმოს ფინანსები, აქტივები და ვალდებულებები გამოცალკევებულად აღირიცხება მისი მესაკუთრე, დამფუძნებელი ფიზიკური პირების ფინანსების, ქონებისა და ვალდებულებებისგან. ასეთი მოთხოვნა ძალაშია უკლებლივ ყველა ორგანიზაციულ-სამართლებრივი ფორმის ეკონომიკური სუბიექტისთვის, მათ შორის, ერთი პირის მიერ და ერთი ოჯახის ბაზაზე შექმნილი სამეურნეო სუბიექტებსთვისაც.

„მეწარმეთა შესახებ“ საქართველოს კანონის 2.2. მუხლის თანახმად:

ინდივიდუალური მეწარმე, როგორც ინდივიდუალური საწარმოს მფლობელი, არის ფიზიკური პირი, რომლის სამეწარმეო საქმიანობისათვის აუცილებელია სამეწარმეო წესით მოწყობილი ორგანიზაცია, მოწესრიგებული საკასო და საბუღალტრო საქმე.

მოყვანილი ნორმები შესაძლოა ქმნიან შთაბეჭდილებას, საწარმოსა და მისი მესაკუთრის სრული დამოუკიდებლობის თაობაზე. მართლაც და:

ა. თუ საწარმოსა და მისი მესაკუთრის აღრიცხვა გამოცალკევებულია, რატომ არ შეიძლება პირმა თავის ინდივიდუალურ საწარმოს მისცეს სესხი, თუ ასეთი სესხის მიღება შეიძლება სხვა ფიზიკური ან იურიდიული პირისგან?

ბ. ინდივიდუალური საწარმოს მოწესრიგებულ ბუღალტრულ აღრიცხვაში, რატომ არ შეიძლება მესაკუთრისგან მიღებული სესხის ასახვა. სინამდვილეში საქმე სულ სხვაგვარადაა. ინდმეწარმეს უნდა ჰქონდეს მოწესრიგებული ბუღალტრული აღრიცხვა. მასში გამოყოფილი უნდა იყოს კაპიტალი, ანუ მესაკუთრის ქონება და ვალდებულებები- მოზიდული სახსრებისთვის. ინდმეწარმეს შეუძლია კაპიტალში შეიტანოს რამდენიც სურს, როცა სურს და გამოიტანოს, როცა სურს და რამდენიც სურს. ამავე დროს, იგი ვალდებულია უპირობოდ გადაიხადოს გადასასადები. ასეთ და ყველა სხვა ვალდებულებაზე, რომელიც დაკავშირებულია მის სამეწარმეო საქმიანობასთან, მეწარმეს ეკისრება სრული, შეუზღუდავი პასუხისმგებლობა.

ინდმეწარმის საშემოსავლო გადასახადით დაბეგვრის ობიექტია მის მიერ სამეწარმეო საქმიანობით მიღებული დასაბეგრი შემოსავალი. კაპიტალში მის მიერ თანხის შეტანა და გამოტანა არ იბეგრება, რადგან ასეთი ოპერაცია არ წარმოადგენს საქონლის მიწოდებას, მომსახურების გაწევას, არ ცვლის ინდმეწარმის ფინანსურ მდგომარეობას.

ინდმეწარმის მიერ, თავისივე ინდივიდუალური საწარმოსთვის სესხის მიცემა არ იქნება გამართლებული არც ბუღალტრული, არც საგადასახადო და არც სამართლებრივი თვალსაზრისით. კერძოდ:

- მესაკუთრისგან მიღებული სესხი უნდა აისახოს საწარმოს ვალდებულებებში, ანუ წარმოიქმნება ვალდებულება საკუთარი თავის მიმართ.

- სესხი ითვალისწინებს საპროცენტო ხარჯებს, ანუ:

ა. სესხის გამცემისათვის სარგებლის მიცემას, ასეთი გადახდების ხარჯებზე მიკუთვნებას და შესაბამისად დასაბეგრი შემოსავლის ყოვლად დაუსაბუთებელ და პრაქტიკულად შეუზღუდავ შემცირებას.

ბ. უპროცენტო სესხის მიღების შემთხვევაში, შემოსავლების გაზრდას გაუცემელი პროცენტის თანხით.

- ასეთი სახის სესხის აღრიცხვის შემთხვევაში წაიშლება განსხვავება საწარმოს მესაკუთრესა და კრედიტორს შორის. შესაბამისად გაუგებარი ხდება ინდმეწარმის სრული მატერიალური პასუხისმგებლობის ცნება.

და ბოლოს, დასკვნის სახით შეგვიძლია გირჩიოთ, რომ როდესაც დაბეგვრასთან უშუალოდ დაკავშირებულ კითხვაზე, საგადასახადო კოდექსი პირდაპირ პასუხს არ იძლევა, შესაძლო გაუგებრობების თავიდან ასაცილებლად, სასურველია საგადასახადო ორგანოს ოფიციალური წერილობითი განმარტების მიღება, მიუხედავად საგადასახადო კოდექსის 47-ე მუხლის ძალზე სადავო შინაარსისა.

ნინო იაშვილი,
იურისტი

ჩვენი ჟურნალის მკითხველები გვთხოვენ ვესაუბროთ, ტიპიური ხელშეკრულებების გამოყენებასთან დაკავშირებულ პრობლემებზე. კერძოდ, განვუმარტოთ: შეიძლება თუ არა ტიპიური ხელშეკრულების გამოყენება, საერთოდ როგორი უნდა იყოს საიმედო ხელშეკრულება და როგორ უნდა მოვამზადოთ იგი ?

მომავალ ნომრებში ვეცდებით გაგიზიაროთ მოსაზრებები სამეურნეო ხელშეკრულებების მომზადების პრაქტიკის თანამედროვე თავისებურებებზე.

სახელშეკრულებო ურთიერთობის პრაქტიკისადმი მიძღვნილ გამოცემებში, აუცილებლად შეხვდებით შენიშვნას იმის შესახებ, თუ რა სიფრთხილეა აუცილებელი, ხელშეკრულებების -კონტრაქტების ტიპიური ფორმების გამოყენებისას, მეტნაკლებად მნიშვნელოვანი ხელშეკრულებების პროექტების მოსამზადებლად.

ჩვენი, ისევე როგორც ყველა სხვა ცივილიზებული ქვეყნის კანონმდებლობა, ხელშეკრულების როგორც წერილობით, ისე ზეპირ ფორმას ითვალისწინებს. მიუხედავად იმისა, რომ წერილობითი ხელშეკრულებების (სწორად შედგენილის) მომზადება მეტ ძალისხმევას, დროსა და სახსრებს მოითხოვს, სამეურნეო ურთიერთობებში უპირატესობა სწორედ წერილობით ხელშეკრულებებს ენიჭება.

ხელშეკრულება თავისი არსით, სამეურნეო ურთიერთობების ძირითადი კერძო-სამართლებრივ ნორმატიული ბაზაა. ხელშეკრულების ყოველ მხარეს კანონიერი უფლება აქვს მოითხოვოს მეორე მხარისგან, მათ შორის შეთანხმებული და მის მიერ ხელშეკრულებით ნაკისრი ვალდებულებების შესრულება. ამდენად, ხელშეკრულების, მისი მხარეების მიზანია, მაქსიმალური სიზუსტით აისახოს ხელშეკრულების ტექსტში მხარეებს შორის მიღწეული კონსენსუსი.

როგორი უნდა იყოს ,,საიმედო“ ხელშეკრულება?

როგორც წესი, ასეთი ხელშეკრულება:

ამავე დროს, ხელშეკრულების მომზადების პროცესში კარგად უნდა გვქონდეს გაცნობიერებული, რომ:

განსაკუთრებულია იურისტების როლი საიმედო ხელშეკრულები სმომზადების პროცესში, რომელთა ძირითადი ამოცანაა გაანალიზონ და გაითვალისწინონ ხელშეკრულებასთან დაკავშირებული ყველა საკითხი, პრობლემები, რომლებიც შეიძლება წრმოიშვას როგორც ხელშეკრულების მომზადების, განხილვისა და ხელმოწერის, ისე მისი რეალიზაციის ეტაპებზე. სწორი სამართლებრივი ინტერპრეტაცია მისცენ ხელშეკრულების მომზადებაში ჩართული კონკრეტული დარგების სპეციალისტებისა და ექსპერტების მოსაზრებებსა და წინადადებებს. ეტაპებზე. სწორი ამართლებრივი ინტერპრეტაცია მისცენ ხელშეკრულების მომზადებაში ჩართული კონკრეტული დარგების სპეციალისტებისა და ექსპერტების მოსაზრებებსა და წინადადებებს.

შეიძლება თუ არა ხელშეკრულებების ტიპიური ფორმების გამოყენება, რას უნდა ველოდეთ და რას არ უნდა ველოდეთ ასეთი ფორმებისაგან? დასმულ კითხვაზე პასუხი ასეთია: შეიძლება- მხოლოდ ხელშეკრულების პროექტის სქემისათვის, განსაკუთრებული სიფრთხილითა და წინდახედულობით. მოწოდება ასეთი სიფრთხილისა და წინდახედულობისაკენ სულაც არ არის გადაჭარბებული. ყიდვა-გაყიდვის ხელშეკრულების ერთი ფორმა, რაგინდ სრულად და კვალიფიციურადაც არ უნდა იყოს იგი მომზადებული, ვერ გაითვალისწინებს: გარიგების ყველა საგნის, მხარეებს შორის ჩამოყალიბებული ურთიერთობების, მხარეების ქვეყნების სამართალისა და სავაჭრო ჩვეულებების, დავების განხილვის პრაქტიკის თავისებურებებს. განსაკუთრებით უნდა ვუფრთხილდეთ ტიპიურ ფორმებში გამოყენებულ მრავალმნიშვნელოვან ტერმინებსა და ცნებებს, რომლებიც მხარეებს შორის ხშირად ხდება მწვავე და ხანგრძლივი დავის, სასამართლო თუ საარბიტრაჟო განხილვის საგანი:

ხელშეკრულებების შესრულების ანალიზი გვიჩვენებს, რომ მეწარმეები სერიოზულ შეცდომებს უშვებენ სახელშეკრულებო ურთიერთობების უკლებლივ ყველა ეტაპზე. ეს ეტაპებია:

განსაკუთრებით ხშირია სახელშეკრულებო პრაქტიკაში ისეთი შეცდომები, ძალზე შორსმიმავალი და არასასურველი შედეგებით, როგორებიცაა:

აქედან გამომდინარე, აუცილებელი ხდება წინასახელშეკრულებო მოლაპარაკებისა და მთლიანად ხელშეკრულების მომზადების პროცესში გათვალისწინებულ იქნეს ყველა შესაძლო ასპექტი, რათა ხელშეკრულება იყოს საიმედო, იურიდიულად გარანტირებული და ამით თავიდან აიცილოთ არასწორად გაფორმებული, ან იურიდიულად გაუმართავი ხელშეკრულების შედეგად გამოწვეული ზიანი.

სიახლე გადამხდელებისათვის

საქართველოს ფინანსთა სამინისტრომ ეკონომიკის საკითხებზე მომუშავე ჟურნალისტებისათვის ბათუმში სემინარი გამართა. მედიის წარმომადგენლებს სისტემის მნიშვნელოვანი სიახლეები ფინანსთა მინისტრმა ნიკა გილაურმა და მინისტრის მოადგილემ ვაჟა პეტრიაშვილმა გააცნეს. ამიერიდან ნებისმიერ გადამხდელს შეუძლია ინტერნეტის საშუალებით მიიღოს გადახდილი გადასახადის თაობაზე ინფორმაცია, შეამოწმოს პირადი საგადასახადო აღრიცხვის ბარათი ან ურთიერთშედარების აქტი, საგადასახადო დეკლარაცია კი ელექტრონული გზით გადაიხადოს: ამისათვის გადამხდელი უნდა დარეგისტრირდეს შემოსავლების სამსახურის ვებ-გვერდზე: www. taxdep.ge შევსებული დეკლარაცია კი შემოსავლების სამსახურს ონლაინ რეჟიმში გაუგზავნოს. სემინარზე ფინანსთა მინისტრმა რისკების მართვაზე დაფუძნებული საბაჟო კონტროლის ამუშავების საკითხებზე ისაუბრა. იმპორტის საბაჟო რეჟიმში გასაფორმებლად განკუთვნილი ტვირთების ეფექტური კონტროლისთვის ფინანსთა სამინისტროში დაინერგა სპეციალური პროგრამა, რომელიც წინასწარ დადგენილი რისკის კრიტერიუმებისა და შერჩევითი პრინციპის გამოყენებას გულისხმობს. საბაჟო რისკების მართვის სისტემა დაბალი რისკის იმპორტიორებს გამარტივებულ და დაჩქარებულ პროცედურებს შესთავაზებს, სამაგიეროდ, მაღალი რისკის იმპორტიორებისთვის კონტროლს გაამკაცრებს. რისკების მართვის სისტემა იმპორტის რეჟიმში გასაფორმებლად განკუთვნილ ტვირთებს ე.წ. „დერეფნის” პრინციპით გააკონტროლებს: „ ყვითელი დერეფანი” საქონელს დეკლარაციისა და თანდართული დოკუმენტების კამერალური შემოწმების გარეშე გაატარებს, “წითელ დერეფანში” კი, პირიქით - საქონელი მხოლოდ დეკლარაციისა და თანდართული დოკუმენტების კამერალური შემოწმებისა და დეკლარირებული საქონლის დათვალიერების საფუძველზე გაივლის. ევროკომისიის „საგადასახადო ადმინისტრაციის რეფორმის ხელშეწყობის პროექტის“ ფარგლებში ფინანსთა სამინისტრო ახალ საცნობარო-საკონსულტაციო სატელეფონო ცენტრს აამოქმედებს. სპეციალურ ნომერზე 077 დარეკვით ფიზიკური, თუ იურიდიული პირები საგადასახადო და საბაჟო გადასახადების განაკვეთების, გადასახადისა და დეკლარირების ვადებისა და წესების შესახებ ყველა საჭირო კონსულტაციას საგადასახადო თუ საბაჟო ორგანოებში მისვლის გარეშეც მიიღებენ.

როგორ ხდება თავისუფალი ინდუსტრიული ზონისათვის მშენებლობის ნებართვის გაცემა

საქართველოს მთავრობამ 2008 წლის 10 მარტს მიიღო დადგენილება „თავისუფალი ინდუსტრიული ზონისათვის მშენებლობის ნებართვის გაცემის გამარტივებული წესების დამტკიცების შესახებ“, რომლის მიხედვითაც, თავისუფალი ინდუსტრიული ზონებისათვის მშენებლობის ნებართვას გასცემს ამ ზონის ადმინისტრატორი ორგანო. ეს უკანასკნელი შეიმუშავებს და საქართველოს ეკონომიკური განვითარების სამინისტროსთან შეთანხმებით ამტკიცებს თავისუფალი ადმინისტრაციული ზონებისათვის განაშენიანების რეგულირების გეგმას. ამდენად, ქალაქმშენებლობითი პირობების (აგდ) მიღებისათვის განაცხადის წარდგენა აუცილებელი არ არის. ნებართვის მაძიებელს უფლება აქვს განაშენიანების რეგულირების გეგმის პარამეტრების შესაბამისად შეიმუშავოს და ადმინისტრატორს წარუდგინოს სრულყოფილი საპროექტო დოკუმენტაცია ნებართვის ერთ ეტაპად მისაღებად. დოკუმენტაციის წარდგენამდე ნებართვის მაძიებელს უფლება აქვს გაიაროს კონსულტაციები ადმინისტრატორთან და ნებართვის გაცემის ადმინისტრაციული წარმოების მონაწილე სხვა ადმინისტრაციულ ორგანოებში, აგრეთვე მიიღოს შეთანხმებები იმ საკითხებზე, რომლებიც საჭიროებენ შეთანხმებას ნებართვის მისაღებად. დოკუმენტები ადმინისტრატორს უნდა წარედგინოს კანონმდებლობით დადგენილი ფორმითა და შემადგენლობით. საჭიროების შემთხვევაში ადმინისტრატორს უფლება აქვს გააგრძელოს ადმინისტრაციული წარმოების ვადა დადგენილი წესის შესაბამისად. იმ შემთხვევაში, თუ ნებართვის მაძიებელი ქალაქმშენებლობით ან სხვა რაიმე პირობებს თავად ვერ მოიპოვებს, უნდა მიმართოს ადმინისტრატორს ქალაქმშენებლობითი პირობების მისაღებად. ასეთ შემთხვევაში ნებართვის გაცემის პროცედურა იმართება „მშენებლობის ნებართვის გაცემის წესისა და სანებართვო პირობების შესახებ“ საქართველოს მთავრობის 2005 წლის 11 აგვისტოს №140 დადგენილებით განსაზღვრული სამივე სტადიით. მშენებლობის განმახორციელებელსა და ნებართვების გამცემ ორგანოზე ვრცელდება ზემოთ აღნიშნული დადგენილების მე-17-21 მუხლები.

დადგენილება ძალაშია 2008 წლის 13 მარტიდან.

ცვლილებები მშენებლობის ნებართვის გაცემის წესში

საქართველოს მთავრობამ 2008 წლის 10 მარტს მიიღო დადგენილება „მშენებლობის ნებართვის გაცემის წესისა და სანებართვო პირობების შესახებ“ საქართველოს მთავრობის 2005 წლის 11 აგვისტოს № 140 დადგენილებაში ცვლილებებისა და დამატებების შეტანის თაობაზე“, რომლის თანახმადაც:

1. დადგენილების მე-2 მუხლის პირველი პუნქტის:

ა) „დ“ ქვეპუნქტი ჩამოყალიბდეს შემდეგი რედაქციით:

„დ) რემონტი - შენობა- ნაგებობის ან მისი ცალკეული ელემენტების შეკეთება, აღდგენა ან შეცვლა (გარდა მზიდი კონსტრუქციებისა); ხაზოვანი ნაგებობებისათვის - ლოკალური (ორმოული, წერტილოვანი, ავარიით გამოწვეული და სხვ.) დაზიანების შეკეთება;”;

ბ) „ყ“ ქვეპუნქტი ჩამოყალიბდეს შემდეგი რედაქციით:

„ყ) შენობა-ნაგებობების საექსპლუატაციოდ მიღება - უფლებამოსილი ორგანოს მიერ საპროექტო დოკუმენტაციით გათვალისწინებული დასრულებული შენობა-ნაგებობის მიმართ სანებართვო პირობების შესრულების საბოლოო დადასტურება ან/და შენობა-ნაგებობის ექსპლუატაციისთვის ვარგისიანად აღიარება, რაც საექსპლუატაციოდ მიღებული შენობა-ნაგებობის მიმართ მშენებლობის ნებართვის ძალადაკარგულობას ადგენს;

გ) დაემატოს შემდეგი შინაარსის „შ“, „ჩ“ და ,,ც“ქვეპუნქტები:

„შ) საპროექტო დოკუმენტაციის დარღვევა- განხორციელებული მშენებლობის შედეგად ქალაქთმშენებლობითი პირობების, საანგარიშო დატვირთვების ან/და შენობა-ნაგებობის კონსტრუქციული გადაწყვეტის დარღვევა მაგ. იცვლება საძირკვლის კონსტრუქციის ტიპი, შენობის მზიდი სივრცითი კონსტრუქციის (ჩარჩო/კარკასი) ტიპი, გადახურვის ტიპი), პროექტით გათვალისწინებული გაბარიტების დარღვევა, სანებართვო მოწმობაში განსაზღვრული ყველა ეტაპის დასრულების შესახებ ოქმების შეუდგენლობა, ასევე, განხორციელებული ცვლილებებით მესამე პირთა კანონმდებლობით გათვალისწინებული ინტერესების შელახვა. არქიტექტურულ-სამშენებლო პროექტის დარღვევისათვის პასუხისმგებლობა განსაზღვრულია „არქიტექტურულ-სამშენებლო საქმიანობაზე სახელმწიფო ზედამხედველობის შესახებ“ საქართველოს კანონით;

ჩ) საპროექტო დოკუმენტაციიდან დასაშვები გადახრა - ცალკეული კონსტრუქციული ელემენტების, მასალების, ნაკეთობების, აგრეთვე საინჟინრო სისტემების შეცვლა ფასადის ელემენტებისა და პარამეტრების ცვლილება, რაც არ წარმოადგენს საპროექტო დოკუმენტაციის დარღვევას, ასევე, შენობა-ნაგებობის ხაზოვანი პარამეტრების (გარდა ხაზოვანი ნაგებობის განივი პარამეტრისა) უმნიშვნელო ცვლილება (თითოეული პარამეტრის 2%25-მდე ცვლილება, მაგრამ არა უმეტეს 25 სანტიმეტრისა, ხოლო ღიობებისათვის - 10 სანტიმეტრისა), ცვლილებები, რაც განხორციელებულია ისეთ ობიექტებზე, რომლებიც, როგორც ცალკე აღებული ობიექტები, ამ წესის შესაბამისად არ საჭიროებენ მშენებლობის ნებართვას (მაგ. მცირე არქიტექტურული ფორმები, დროებითი ნაგებობები, 2,2 მ სიმაღლის ღობეები და სხვ.), ასევე, იმ სამუშაოების განხორციელება ან განუხორციელებლობა, რომლებიც, ცალკე აღებული, არ საჭიროებენ მშენებლობის ნებართვას (მაგ. შიდა დაგეგმარება, შიდა მოპირკეთება, შიდა ელექტროგაყვანილობა, შიდა ღიობები და სხვ.), თუკი ამ ცვლილებებით არ ილახება მესამე პირთა კანონმდებლობით გათვალისწინებული ინტერესები;

ც) მაგისტრალი - საკომუნიკაციო სისტემის ძირითადი, მთავარი ხაზი (მილსადენი, არხი, გზა, საჰაერო/ საკაბელო გადამცემი ხაზი და სხვ.), რომლითაც უზრუნველყოფილია სათანადო პროდუქტის მისი წყაროდან ძირითადი ნაკადის გატარება.“.

2. დადგენილების მე-3 მუხლის:

ა) პირველი პუნქტის ,,ე“ და ,,კ“ ქვეპუნქტები ჩამოყალიბდეს შემდეგი რედაქციით:

,,ე) ხაზოვანი ნაგებობების, მაგისტრალებისა და სხვა საკომუნიკაციო სისტემების სარემონტო სამუშაოები; აგრეთვე ავარიის აღდგენის ან მოსალოდნელი დაზიანების რეალური საშიშროების თავიდან აცილების მიზნით შესასრულებელი სამუშაოები;

კ) 2,2 მ-მდე სიმაღლის სამშენებლო მიწის ნაკვეთის შემომსაზღვრელი, სამეზობლო მიჯნაზე და ქუჩის გასწვრივ, მათ შორის ბუნებრივი და ხელოვნური ქვის ღობეების, ღია ტერასების, საყრდენი, დამცავი და ტერიტორიის კეთილმოწყობისათვის გამიზნული კედლების მშენებლობა. აღნიშნული არ ვრცელდება საერთაშორისო, შიდასახელმწიფოებრივი საავტომობოლო გზების გასწვრივ, ქალაქების განაშენიანებული ტერიტორიებისა და კულტურული მემკვიდრეობის დამცავ ზონებში ქუჩების გასწვრივ, აგრეთვე მრავალბინიანი სახლებისათვის გამიჯვნის შედეგად მიკუთვნებული მიწის ნაკვეთების შემოსაზღვრის მიზნით ამგვარი ნაგებობების მშენებლობაზე, ასევე ისეთ ზონაში, სადაც საქართველოს მთავრობის ან/და ადგილობრივი თვითმმართველობის გადაწყვეტილებით ეს საკითხი სხვაგვარად რეგულირდება;“;

ბ) მე-2 პუნქტის ,,კ“ ქვეპუნქტი ჩამოყალიბდეს შემდეგი რედაქციით:

,,კ) საერთაშორისო, შიდასახელმწიფოებრივი საავტომობოლო გზების გასწვრივ, ქალაქების განაშენიანებული ტერიტორიებისა და კულტურული მემკვიდრეობის დამცავ ზონებში მდებარე ქუჩების გასწვრივ, აგრეთვე მრავალბინიანი სახლებისათვის გამიჯვნის შედეგად მიკუთვნებული მიწის ნაკვეთების 2,2 მ-მდე სიმაღლის, სამშენებლო მიწის ნაკვეთის შემომსაზღვრელი, მათ შორის ბუნებრივი და ხელოვნური ქვის ღობეების, ღია ტერასების, საყრდენი, დამცავი და ტერიტორიის კეთილმოწყობისათვის გამიზნული კედლების მშენებლობა, ასევე ისეთ ზონაში, სადაც საქართველოს მთავრობის ან/და ადგილობრივი თვითმმართველობის გადაწყვეტილებით ეს საკითხი დადგენილების ამ მუხლის პირველი პუნქტის ,,კ” ქვეპუნქტის შესაბამისად სხვაგვარად რეგულირდება;“;

გ) მე-3 პუნქტის ,,ა“ქვეპუნქტი ჩამოყალიბდეს შემდეგი რედაქციით:

,,ა) შენობა-ნაგებობათა რეკონსტრუქციაზე, თუ არ იცვლება შენობა-ნაგებობათა გაბარიტები;”;

დ) მე-4 პუნქტი ჩამოყალიბდეს შემდეგი რედაქციით:

,,4. იმ შემთხვევაში, როდესაც მშენებლობის ნებართვის გაცემის პროცედურა მოიცავს მხოლოდ I სტადიას, I და II სტადიებს ან მხოლოდ II სტადიას, სანებართვო პროცედურების დამამთავრებელი ადმინისტრაციული წარმოებების შესაბამისად I ან II სტადიაზე გამოცემულ ადმინისტრაციულ აქტს აქვს ისეთივე სამართლებრივი სტატუსი, როგორიც III სტადიაზე გამოცემულს, და იგი მშენებლობის სანებართვო მოწმობის გაცემის საფუძველია.“;

ე) მე-12 პუნქტის შემდეგ დაემატოს შემდეგი შინაარსის მე-13 პუნქტი:

,,13. ნებართვა შეიძლება გაიცეს ერთი ადმინისტრაციული წარმოებით, თუ ნებართვის მაძიებელი ნებართვის გამცემ ორგანოში წარადგენს ნებართვის მიღებისათვის საჭირო, ამ დადგენილებით I, II და III სტადიებისათვის განსაზღვრული ფორმითა და შემადგენლობით შედგენილ საპროექტო დოკუმენტაციას და სხვა აუცილებელ დოკუმენ-ტებსა და ინფორმაციას, მათ შორის: ამონაწერს საჯარო რეესტრიდან და საკადასტრო რუკას, მოცემული სამშენებლო მიწის ნაკვეთისათვის დამახასიათებელ ქალაქთმშენებლობით პირობებს, სხვა ადმინისტრაციულ ორგანოებთან კანონმდებლობით დადგენილ შეთანხმებებს (მაგ. გზშ და ეკოლოგიური დასკვნა, არქეოლოგიური კვლევის დასკვნა, საქნაპირდაცვის დასკვნა და სხვ.); აგრეთვე საჭიროების შემთხვევაში საპროექტო დოკუმენტაციაზე მოქმედი კანონმდებლობის შესაბამისად გაცემულ საექსპერტო დასკვნას (ექსპერტების კანდიდატურა შესაძლებელია შეთანხმდეს ნებართვის გამცემ ორგანოში საპროექტო დოკუმენტაციის დამუშავების ნებისმიერ ეტაპზე ოფიციალური მიმართვის საფუძველზე ან შეირჩევა ნებართვის გამცემი ორგანოს ექსპერტთა საინფორმაციო ბაზიდან). ასეთ შემთხვევაში არ არის საჭირო ამ დადგენილებით განსაზღვრული I სტადიაზე ქალაქთმშენებლობითი პირობების გაცემისადა II სტადიაზე არქიტექტურულ-სამშენებლო პროექტის შეთანხმების ადმინისტრაციული აქტების გამოცემა და საპროექტო დოკუმენტაციის სათანადო დამოწმება. ნებართვის გაცემის ადმინისტრაციული წარმოება მიმდინარეობს საჯარო ადმინისტრაციული წესით და მისი ხანგრძლივობაა 60 დღე.”.

3. დადგენილების მე-4 მუხლის პირველი პუნქტის:

ა) ,,მ” და ,,ნ” ქვეპუნქტები ჩამოყალიბდეს შემდეგი რედაქციით:

,,მ) აეროდრომი;

ნ) პორტის ნავმისადგომი, არხი და სხვა ჰიდროტექნიკური ნაგებობები; მოლო, ბუნი, ბერმა და ტალღმტეხი, აგრეთვე 10 მ-ზე მეტი სიმაღლის კაშხალი და ჯებირი;”;

ბ) ,,ო.ბ” ქვეპუნქტი ჩამოყალიბდეს შემდეგი რადაქციით:

,,ო.ბ) მაღალი წნევის ბუნებრივი გაზისა და თხევადი ნახშირბადიანი გაზის საკომპრესორო, გაზგამანაწილებელი და შემვსები სადგურები, გარდა სატრანსპორტო საშუალებების გაზით გასამართი სადგურებისა;“;

გ) ,,უ“ ქვეპუნქტი ამოღებულ იქნეს.

4. მე-5 მუხლს დაემატოს შემდეგი შინაარსის მე-5 პუნქტი:

,,5. თუ მე-4 მუხლის პირველი პუნქტის ,,რ“ ქვეპუნქტით განსაზღვრულ ობიექტზე გათვალისწინებულია არსებულ პარამეტრებში სარეკონსტრუქციო სამუშაოები, მშენებლობის ნებართვა გაიცემა ადგილობრივი თვითმმართველობის შესაბამისი სამსახურის მიერ, რომლის ტერიტორიაზეც მდებარეობს სარეკონსტრუქციო ობიექტი.“ 5. დადგენილების მე-9 მუხლის მე-3 პუნქტის:

ა) ,,ე” ქვეპუნქტი ჩამოყალიბდეს შემდეგი რედაქციით:

,,ე) შენობა-ნაგებობის ტექნიკური სპეციფიკაცია, რომელიც მოიცავს დანიშნულებას, გაბარიტებს, სართულიანობას, მოცულობას, ფართობებს, ბინების რაოდენობას - საცხოვრებელი სახლისათვის, ინფორმაციას, თუ რამდენ კაცზეა გათვლილი შენობა, მისი საზოგადოებრივი დანიშნულების შემთხვევაში, საწარმოებისათვის - გამოსაშვები პროდუქციის სახეობა, აგრეთვე სხვა სპეციფიკური მახასიათებლები ობიექტის ფუნქციის შესაბამისად;“;

ბ) ,,ვ” ქვეპუნქტის შემდეგ დაემატოს შემდეგი შინაარსის ,,ზ“, ,,თ“ და ,,ი|ქვეპუნქტები:

,,ზ) ობიექტის ფასადების არქიტექტურული ესკიზები, სხვადასხვა ხედით გადაღებული არსებული ტერიტორიის ამსახველი ფოტომასალა, ობიექტის არსებულ განაშენიანებაში ან/და ლანდშაფტში განთავსების ფოტომონტაჟი ან ესკიზური ნახაზი, ფასადისა და სახურავის სავარაუდო მოსაპირკეთებელი მასალა - იმ შემთხვევაში, თუ ასეთი მოთხოვნები დადგენილია ადგილობრივი თვითმმართველობის მიერ განსაზღვრული ტერიტორიებისათვის;

თ) ადგილობრივი საინჟინრო-კომუნალური ქსელების არსებობის შემთხვევაში ამ ქსელებთან მიერთების და ამ მიზნით ადმინისტრაციული დაპირების მიღების სანებართვო პროცედურებში ჩართვის საკითხს წყვეტს ნებართვის მაძიებელი; ამასთან, ნებართვის გამცემ ორგანოში ქსელებთან მიერთების ადმინისტრაციული დაპირების არარსებობა არ აბრკოლებს ნებართვის გაცემას;

ი) არსებულ ქსელებთან მიერთების ადმინისტრაციული დაპირების მიღების სურვილის შემთხვევაში ნებართვის მაძიებელმა ამის შესახებ უნდა მიუთითოს განცხადებაში და წარადგინოს შენობა-ნაგებობის ლოკალური ქსელების დატვირთვის საანგარიშო სიდიდეები, რომლებიც ქალაქთმშენებლობითი პირობების გამცემი ორგანოს მიერ გადაეგზავნება ქსელების მფლობელ კომპანიებს, როგორც სხვა ადმინისტრაციულ ორგანოს, ადმინისტრაციული დაპირების გასაცემად.”.

6. მე-10 მუხლის:

ა) პირველი პუნქტი ჩამოყალიბდეს ახალი რედაქციით:

,,1. ქალაქთმშენებლობითი პირობების დადგენა წარმოებს საჯარო ადმინისტრაციული წარმოებით, ,,ლიცენზიებისა და ნებართვების შესახებ” საქართველოს კანონით დადგენილი წესით. ქალაქთმშენებლობით პირობებში კანონმდებლობის საფუძველზე უნდა დადგინდეს ტექნიკური პირობები, შეზღუდვები და უნდა მიეთითოს იმ ტექნიკური და სხვა სახის პარამეტრების დაპროექტების პროცესში გათვალისწინების აუცილებლობა, რომლებსაც საჭიროებს ასაშენებელი ობიექტი, ან/და რომლითაც ხასიათდება სამშენებლო მიწის ნაკვეთი ან/და ხაზოვანი ნაგებობების ტრასა, აგრეთვე ობიექტის ზეგავლენის არეალში მოხვედრილი ტერიტორიები (სასაზღვრო ზოლი, ხაზოვანი ნაგებობის გასხვისების ზონა, სანაპირო ზოლი და სხვ.), აგრეთვე განისაზღვროს II სტადიაზე წარსადგენი არქიტექტურული პროექტის ეგზემპლარების რაოდენობა და ყველა ადმინისტრაციული ორგანო, რომლებსაც მოქმედი კანონმდებლობის თანახმად ევალებათ არქიტექტურულ-სამშენებლო პროექტის კანონმდებლობით დადგენილ ქალაქთმშენებლობით პირობებთან შესაბამისობის დადგენა ნებართვის მაძიებლის მოთხოვნის შესაბამისად. ამავე სტადიაზე საქართველოს ,,ზოგადი ადმინისტრაციული კოდექსის“ მე-9 მუხლის შესაბამისად დასახლების საინჟინრო-კომუნალური ქსელების მფლობელი კომპანიების მიერ გაიცემა ძირითად საინჟინროკომუნალურ ქსელებთან მიერთების შესაძლებლობის შესახებ ადმინისტრაციული დაპირება, რომელშიც დაფიქსირდება შემდეგი საჯარო ინფორმაცია: მიერთების ადგილი, ტიპი და სიმძლავრე, ხოლო თუ არსებული ქსელის პარამეტრები არ იძლევა მიერთების შესაძლებლობას, უნდა მიეთითოს მათი განვითარების პარამეტრები.“;

ბ) მე-8 პუნქტის შემდეგ დაემატოს შემდეგი შინაარსის მე-9 პუნქტი:

,,9. იმ შემთხვევაში, თუ ნებართვის მაძიებელმა ქალაქთმშენებლობითი პირობების (აგდ) დადგენიდან 5 წლის განმავლობაში არ განახორციელა არქიტექტურულ-სამშენებლო პროექტის შეთანხმება და ამ ხნის განმავლობაში მოხდა სივრცით-ტერიტორიულ მოწყობასთან დაკავშირებული კანონმდებლობის ან/და ქალაქთმშენებლობითი პირობების არსებითი მახასიათებლების (განაშენიანების რეგულირების კოეფიციენტების, შენობათა დასაშვები სახეობის, მათი სიმაღლეების და მისთ.) ისეთი ცვლილება, რაც იწვევს ქალაქთმშენებლობითი პირობების ცვლილებას შესაბამისი უფლებამოსილების მქონე ორგანოს გადაწყვეტილებით ალაქთმშენებლობითი პირობები ცხადდება ძალადაკარგულად და აგდ-ს მფლობელს ეძლევა შეთავაზება სათანადო ცვლილებების განსახორციელებლად.“.

7. დადგენილების მე-12 მუხლის:

ა) მე-3 პუნქტის ,,ვ” ქვეპუნქტი ჩამოყალიბდეს შემდეგი რედაქციით:

,,ვ) საინჟინრო-გეოლოგიური კვლევის შედეგები;“;

ბ) მე-6 პუნქტის ,,დ” ქვეპუნქტი ჩამოყალიბდეს შემდეგი რედაქციით:

,,დ) საინჟინრო-გეოლოგიური კვლევის შედეგები;“;

გ) მე-7 პუნქტის ,,ე” ქვეპუნქტი ჩამოყალიბდეს შემდეგი რედაქციით:

,,ე) საინჟინრო-გეოლოგიური კვლევის შედეგები“;

დ) მე-10 პუნქტი ჩამოყალიბდეს შემდეგი რედაქციით:

,,10. თუ მშენებლობის ნებართვის მიღება დაკავშირებულია განსაკუთრებული მნიშვნელობის ობიექტის მშენებლობასთან, ნებართვის მაძიებელმა II სტადიაზე უნდა წარადგინოს ექსპერტების მონაცემები, როლებიც უნდა შეესაბამებოდეს ,,განსაკუთრებული მნიშვნელობის ობიექტების მშენებლობის პროექტების ექსპერტიზის ჩატარების დროებითი წესის დამტკიცების შესახებ” საქართველოს ეკონომიკური განვითარების მინისტრის 2006 წლის 24 აგვისტოს N823 ბრძანებით (სსმ, 25.08.2006, N113, მუხლი 1552) დადგენილ მოთხოვნებს, რომლებიც შესათანხმებლად გადაეგზავნება საქართველოს ეკონომიკური განვითარების სამინისტროს, როგორც სხვა ადმინისტრაციულ ორგანოს, იმ შემთხვევაში, თუ განსაკუთრებული მნიშვნელობის ობიექტის მშენებლობის ნებართვის გაცემა არ არის დელეგირებული ორგანოსადმი, რომელშიც მიმდინარეობს არქიტექტურულ-სამშენებლო პროექტის შეთანხმების ადმინისტრაციული წარმოება. თუ ექსპერტების კანდიდატურა ერთხელ უკვე იყო შეთანხმებული და ამის თაობაზე არსებობს სათანადო დასაბუთება, ექსპერტების კანდიდატურის განმეორებით შეთანხმება საჭირო არ არის.“.

8. დადგენილების მე-13 მუხლს დაემატოს შემდეგი შინაარსის მე-6 პუნქტი:

„6. იმ შემთხვევაში, თუ შეთანხმებული არქიტექტურულ-სამშენებლო პროექტის მიხედვით 10 წლის განმავლობაში არ იქნება გაცემული მშენებლობის ნებართვა და ამ ხნის განმავლობაში მოხდა სივრცით-ტერიტორიულ მოწყობასთან დაკავშირებული კანონმდებლობის ან/და ქალაქთმშენებლობითი პირობების არსებითი მახასიათებლების (განაშენიანების რეგულირების კოეფიციენტების, შენობათა დასაშვები სახეობის, მათი სიმაღლეების და მისთ.) ისეთი ცვლილება, რაც იწვევს ქალაქთმშენებლობითი პირობების ცვლილებას შესაბამისი უფლებამოსილების მქონე ორგანოს გადაწყვეტილებით არქიტექტურულ-სამშენებლო პროექტის შეთანხმება ცხადდება ძალადაკარგულად და ნებართვის მაძიებელს ეძლევა შეთავაზება სათანადო ცვლილებების განსახორციელებლად.“

9. დადგენილების მე-15 მუხლის პირველი პუნქტი ჩამოტალიბდეს შემდეგი რედაქციით:

,,1. ნებართვის მაძიებელი განცხადებას (მშენებლობის სანებართვო მოსაკრებლის შესაბამის ბიუჯეტში გადახდის ქვითართან ერთად) და თანდართულ დოკუმენტებს ამ დადგენილების მიხედვით სამ ეგზემპლარად წარუდგენს ნებართვის გამცემ ადმინისტრაციულ ორგანოს.”.

10. მე-18 მუხლის:

ა) მე-3 პუნქტი ჩამოყალიბდეს შემდეგი რედაქციით:

„3.თუ მშენებლობა არ დასრულდა ნებართვით დადგენილ ვადაში, ნებართვის მფლობელს შეუძლია მიიღოს ახალი ნებართვა იმავე შენობა-ნაგებობის მშენებლობაზე. იმ შემთხვევაში, თუ სანებართვო პირობები შეცვლილი არ არის, ნებართვა გაიცემა ნებართვის გაცემის III სტადიით დადგენილი წესით დარჩენილ სამუშაოებზე სამუშაოთა ორგანიზების განახლებული პროექტის შესაბამისად სამუშაოთა წარმოების ახალი გრაფიკით. ამ შემთხვევაში მოსაკრებლის ოდენობა გაიანგარიშება დარჩენილ სამუშაოთა ხარჯთა ნუსხის შესაბამისად.”;

ბ) მე-4 პუნქტი ჩამოყალიბდეს შემდეგი რედაქციით:

„4. საპროექტო დოკუმენტაციაში ისეთი ცვლილებების შეტანა, რომლებიც იწვევს:

ა) ქალაქთმშენებლობითი პირობების, საანგარიშო დატვირთვების ან/და შენობა-ნაგებობის კონსტრუქციული გადაწყვეტის შეცვლას (მაგ. იცვლება საძირკვლის კონსტრუქციის ტიპი, შენობის მზიდი სივრცითი კონსტრუქციის (ჩარჩო/ კარკასი) ტიპი, გადახურვის ტიპი), საჭიროებს ახალ მშენებლობის ნებართვას. ნებართვის გაცემის პროცედურა იწყება იმ სტადიიდან, რომელზეც უნდა მოხდეს დოკუმენტაციაში ასახული ცვლილების დადასტურება, ამასთან ნებართვის მაძიებელი ინარჩუნებს II და III (გარდა განსაკუთრებული მნიშვნელობის იმ ობიექტებისა, რომლებზეც მშენებლობის ნებართვას III სტადიით გასცემს საქართველოს ეკონომიკური განვითარების სამინისტრო) სტადიების ერთ წარმოებაში გაერთიანების მოთხოვნის უფლებას;

ბ) ცალკეული კონსტრუქციული ელემენტების, მასალების, ნაკეთობების, ფასადის ელემენტებისა და პარამეტრების, კეთილმოწყობისა და მშენებლობის ორგანიზების პროექტის, აგრეთვე საინჟინრო სისტემების შეცვლას, რაც არ იწვევს ამ პუნქტის „ა” ქვეპუნქტით გათვალისწინებულ ცვლილებებს, არ საჭიროებს ახალ მშენებლობის ნებართვას. აღნიშნულ ცვლილებებს, შესაბამის სტადიაზე, ნებართვის გამცემი ორგანო შეცვლილი საპროექტო დოკუმენტაციისა და სათანადო საექსპერტო დასკვნის საფუძველზე ადასტურებს ადმინისტრაციული აქტის გამოცემით. დადასტურებული ცვლილებები ნებართვის განუყოფელ ნაწილს წარმოადგენს და ერთი ეგზემპლარი გადაეგზავნება არქიტექტურულ-სამშენებლო საქმიანობაზე სახელმწიფო ზედამხედველობის შესაბამის ორგანოს;

გ) შენობა-ნაგებობის ხაზოვანი პარამეტრების (გარდა ხაზოვანი ნაგებობის განივი პარამეტრისა) 2%25-მდე ცვლილება, მაგრამ არა უმეტეს 25 სმ-ისა, ხოლო ღიობებისათვის 10 სმ-ისა, ასევე იმ სამუშაოების განხორციელება ან განუხორციელებლობა, რომლებიც, ცალკე აღებული, არ საჭიროებენ მშენებლობის ნებართვას (მაგ. შიდა დაგეგმარება, შიდა მოპირკეთება, შიდა ელექტროგაყვანილობა, შიდა ღიობები და სხვ.), არ მიიჩნევა პროექტიდან გადახვევად და სანებართვო პირობების დარღვევად, თუ ეს არ ლახავს მესამე პირთა კანონმდებლობით განსაზღვრულ ინტერესებს, შესაბამისად არ საჭიროებს ამ პუნქტის ,,ა“ და ,,ბ“ ქვეპუნქტებით დადგენილი პროცედურების შესრულებას.“.

11. დადგენილების მე-201 მუხლი ჩამოყალიბდეს შემდეგი რედაქციით:

„1.მშენებლობადამთავრებული ობიექტის ექსპლუატაციაში მიღების გადაწყვეტილებას იღებს ნებართვის გამცემი ორგანო. საქართველოს ეკონომიკური განვითარების მინისტრის ბრძანების ან ადგილობრივი თვითმმართველი ერთეულის გადაწყვეტილების საფუძველზე მათ კომპეტენციას დაქვემდებარებული მშენებლობადამთავრებული ობიექტის ექსპლუატაციაში მიღების უფლებამოსილება შეიძლება მიენიჭოს შესაბამის არქიტექტუ-რულსამშენებლო საქმიანობაზე სახელმწიფო ზედამხედველობის უფლებამოსილ ორგანოს - (შემდგომში - ექსპლუატაციაში მიმღები).

2. მშენებლობადამთავრებული ობიექტის (შენობა-ნაგებობათა კომპლექსებისათვის კი - დამოუკიდებლად ფუნქციონირებადი შენობა-ნაგებობის ან ერთი ტექნოლოგიური პროცესით დაკავშირებული შენობების ჯგუფის) საექსპლუატაციოდ მიღებისათვის ექსპლუატაციაში მიმღებ ორგანოს ნებართვის მფლობელი მიმართავს განცხადებით. განცხადებას თან უნდა დაერთოს:

ა) ამ დადგენილების მე-16 მუხლის 51 მუხლის შესაბამისად გაცემული მშენებლობის ნებართვის სანებართვო პირობებში მოცემული ყველა ეტაპის დასრულების დამადასტურებელი ოქმები, ასეთის არარსებობის შემთხვევაში - აღნიშნული დარღვევისთვის დაკისრებული ჯარიმის გადახდის ქვითარი და ამ მუხლის მე-3 პუნქტით გათვალისწინებული დოკუმენტაცია;

ბ) შესაბამისი კომპანიების მიერ გაცემული გარე კომუნიკაციების პროექტის მიხედვით მიერთების დადასტურება ან ამ ობიექტის აბონენტად აყვანის დადასტურება (მათ შორის სააბონენტო გადასახდელის გადახდის ქვითარის სახით) ამ ქსელებთან მიერთების საჭიროების შემთხვევაში; ხოლო თუ გამოყენებულია ალტერნატიული წყაროები, ტექნიკური ინფორმაცია ამ წყაროსა და მასთან მიერთების შესახებ;

გ) დამთავრებული შენობა-ნაგებობის საბოლოო (საშემსრულებლო) ნახაზები და მათი ელექტრონული ვერსია;

დ) შენობა-ნაგებობებში ლიფტებისა და ესკალატორების, ხოლო სამრეწველო და საწარმოო ობიექტების შემთხვევაში დამატებით - დამონტაჟებული ტექნოლოგიური მოწყობილობების ან/და ხაზების გამოცდის აქტები, დამოწმებული შესაბამისი კომპეტენტური ორგანოს მიერ. ასეთი ორგანოების არარსებობის შემთხვევაში უნდა იქნეს წარდგენილი მოწყობილობათა სამონტაჟო დოკუმენტაციის შესაბამისად განხორციელებული გამოცდის შედეგები, დამოწმებული სამონტაჟო ორგანიზაციისა და დამკვეთის მიერ.

3. საქართველოს მთავრობის 2006 წლის 20 ივნისის №115 დადგენილების მე-2 მუხლის მე-2 პუნქტით განსაზღვრული ობიექტებისათვის, ამ მუხლის მე-2 პუნქტის „ბ”, „გ” და „დ” ქვეპუნქტებით განსაზღვრული დოკუმენტაციის გარდა განცხადებას ნებართვის მფლობელმა უნდა დაურთოს სამშენებლო მიწის ნაკვეთის აზომვითი ნახაზი მასზე განთავსებული შენობა-ნაგებობით. აგრეთვე, სიმტკიცისა და მდგრადობის ექსპერტული გამოკვლევის შედეგები, რომელიც ხორციელდება ნებართვის მფლობელის სახსრებით. იმ შემთხვევაში, როდესაც ნებარვთის მფლობელს აქვს მშენებლობის პროცესში შედგენილი ფართული სამუშაოების ჟურნალები და გამოყენებული ძირითადი სამშენებლო მასალების (ცემენტი, ბეტონი, ინერტული მასალა, ლითონი, საკედლე ბლოკი, აგური) შესაბამისობის სერტიფიკატები ან/და მათი ლაბორატორიული გამოცდის შედეგები, შენობა-ნაგებობის ექსპერტული გამოკვლევა საჭირო არ არის.

4. მშენებლობის ნებართვის მფლობელი უფლებამოსილია ექსპლუატაციაში მისაღებად წარადგინოს საპროექტო დოკუმენტაციით გათვალისწინებული დამოუკიდებლად ფუნქციონირებადი ცალკეული შენობა-ნაგებობა ან ერთი ტექნოლოგიური პროცესით დაკავშირებული შენობა-ნაგებობათა ჯგუფი. ამ შემთხვევაში ნებართვის მფლობელი ვალდებულია დამატებით წარადგინოს სამუშაოთა ორგანიზებისა და კეთილმოწყობის სათანადო წესით შეცვლილი პროექტი.

5. ექსპლუატაციაში მიმღები უფლებამოსილია ობიექტი დაათვალიეროს მის არქიტექტურულსამშენებლო პროექტთან ვიზუალური შესაბამისობის დადგენის მიზნით, შეამოწმოს შიდა ქსელების გამართულობა (მიეწოდება თუ არა მაგ. წყალი, გაზი, ელექტროენერგია და სხვ.), ამასთანავე, ექსპლუატაციაში მიმღები არ იკვლევს იმ სამუშაოების შესრულების ხარისხს და მახასიათებლებს, რომლებიც არ წარმოადგენს სანებართვო ობიექტს, არ ახდენს გავლენას შენობა-ნაგებობის სიმტკიცესა და მდგრადობაზე და არ ყოფილა დადგენილი სანებართვო პირობებით. ნებართვის მფლობელი ვალდებულია უზრუნველყოს ექსპლუატაციაში მიმღების შეუფერხებელი შესვლა ობიექტზე.

6. ექსპლუატაციაში მიმღები ორგანო ექსპლუატაციაში მიღების შესახებ გადაწყვეტილებით უდასტურებს ნებართვის მფლობელს განხორციელებული მშენებლობის სანებართვო პირობებთან შესაბამისობას, რაც შემდეგ საპროექტო დოკუმენტაციის განუყოფელი ნაწილი ხდება. თუკი ექსპლუატაციაში მისაღებ ობიექტზე გამოვლინდა არქიტექტურულ-სამშენებლო პროექტიდან დასაშვები გადახრა, ექსპლუატაციაში მიღების შესახებ გადაწყვეტილებით ასევე დასტურდება განხორციელებული ცვლილებების დასაშვებობა.

7. მშენებლობადამთავრებული ობიექტის ექსპლუატაციაში მიღების შესახებ გადაწყვეტილება მიღებულ უნდა იქნეს შესაბამისი განცხადების წარდგენიდან 30 დღის განმავლობაში. თუ აღნიშნულ ვადაში არ იქნა მიღებული შესაბამისი გადაწყვეტილება, ობიექტი ექსპლუატაციაში მიღებულად ჩაითვლება და ნებართვის მფლობელის მოთხოვნისთანავე ექსპლუატაციაში მიმღები ვალდებულია დაუყოვნებლივ გამოსცეს შესაბამისი ადმინისტრაციული აქტი.

8. მშენებლობადამთავრებული ობიექტის ექსპლუატაციაში მიღებაზე უარის თქმის საფუძველია:

ა) ამ მუხლის მე-2 ან/და მე-3 პუნქტით გათვალისწინებული დოკუმენტების წარმოუდგენლობა;

ბ) ამ მუხლის მე-5 პუნქტით გათვალისწინებულ შემთხვევაში:

ბ.ა) დამკვეთის მიერ ექსპლუატაციაში მიმღებისათვის ობიექტის დათვალიერებაზე უარის თქმა ან ხელის შეშლა;

ბ.ბ) მშენებლობა ნაწარმოებია ობიექტის არქიტექტურულ-სამშენებლო პროექტის დარღვევით.“.

12. მე-202 მუხლი ჩამოყალიბდეს შემდეგი რედაქციით:

1. ამ დადგენილების მე-3 მუხლის პირველი და მე-2 პუნქტებით, მე-3 პუნქტის ,,ბ“ და „გ“ ქვეპუნქტებით განსაზღვრულ ობიექტებზე არ ვრცელდება ამ დადგენილების მე-201 მუხლის მოთხოვნები.

2. ამ დადგენილების მე-3 მუხლის პირველი პუნქტით გათვალისწინებულ შემთხვევებში ექსპლუატაციაში მისაღებად მესაკუთრეს ან სხვა უფლებამოსილ პირს საკუთარი სურვილის შესაბამისად უფლება აქვს ექსპლუატაციაში მიმღებ ორგანოს მიმართოს განცხადებით. განცხადებას თან უნდა დაერთოს:

ა) ამონაწერი საჯარო რეესტრიდან, საკადასტრო რუკა, თუ განმცხადებელი მესაკუთრე არ არის, აგრეთვე მესაკუთრესა და განმცხადებელს შორის დადებული ხელშეკრულება ან თანხმობა;

ბ) შენობა-ნაგებობის აზომვითი ნახაზი.

3. ამ დადგენილების მე-2 პუნქტით, მე-3 პუნქტის ,,ბ“ და ,,გ“ ქვეპუნქტებით გათვალისწინებულ შემთხვევებში ექსპლუატაციაში მისაღებად სანებართვო მოწმობის მფლობელი ექსპლუატაციაში მიმღებ ორგანოს განცხადებით მიმართავს. განცხადებას თან უნდა დაერთოს დამთავრებული შენობა-ნაგებობის საბოლოო (საშემსრულებლო) ნახაზები და მათი ელექტრონული ვერსია.

4. ამ დადგენილების მე-3 მუხლის პირველი პუნქტით გათვალისწინებულ შემთხვევებში ექსპლუატაციაში მიმღები ორგანო საექსპლუატაციოდ მიღების შესახებ გადაწყვეტილებით შენობა-ნაგებობის აზომვითი ნახაზის საფუძველზე უდასტურებს მესაკუთრეს ან სხვა უფლებამოსილ პირს განხორციელებული მშენებლობის მოქმედ კანონმდებლობასთან შესაბამისობას.

5. ამ დადგენილების მე-2 პუნქტით, მე-3 პუნქტის ,,ბ“ და ,,გ“ ქვეპუნქტებით გათვალისწინებულ შემთხვევებში ექსპლუატაციაში მიმღები ორგანო საექსპლუატაციოდ მიღების შესახებ გადაწყვეტილებით უდასტურებს ნებართვის მფლობელს განხორციელებული მშენებლობის სანებართვო პირობებთან შესაბამისობას, რაც შემდეგ საპროექტო დოკუმენტაციის განუყოფელი ნაწილი ხდება. თუკი ექსპლუატაციაში მისაღებ ობიექტზე გამოვლინდა არქიტექტურულ-სამშენებლო პროექტიდან დასაშვები გადახრა, საექსპლუატაციოდ მიღების შესახებ გადაწყვეტილებით, ასევე, დასტურდება განხორციელებული ცვლილებების დასაშვებობა.

6. ექსპლუატაციაში მიმღები ორგანო განცხადების წარდგენიდან 15 დღის ვადაში გამოსცემს აქტს ობიექტის ექსპლუატაციაში მიღების შესახებ. თუ აღნიშნულ ვადაში არ იქნა მიღებული შესაბამისი გადაწყვეტილება, ობიექტი ჩაითვლება ექსპლუატაციაში მიღებულად და ნებართვის მფლობელის მოთხოვნისთანავე ექსპლუატაციაში მიმღები ვალდებულია დაუყოვნებლივ გამოსცეს შესაბამისი ადმინისტრაციული აქტი.

7. ამ მუხლის მე-2 პუნქტით გათვალისწინებული მშენებლობადამთავრებული ობიექტის ექსპლუატაციაში მიღებაზე უარის თქმის საფუძველია:

ა) ამ მუხლის მე-2 პუნქტის ,,ა“ ქვეპუნქტით გათვალისწინებული დოკუმენტაციის წარმოუდგენლობა;

ბ) მშენებლობადამთავრებული ობიექტი ლახავს მესამე პირთა კანონმდებლობით გათვალისწინებულ ინტერესებს.

8. ამ მუხლის მესამე პუნქტით გათვალისწინებული მშენებლობადამთავრებული ობიექტის ექსპლუატაციაში მიღებაზე უარის თქმის საფუძველია:

ა) ამ მუხლის მე-2 პუნქტის ,,ა“ ქვეპუნქტით გათვალისწინებული დოკუმენტაციის წარმოუდგენლობა;

ბ) მშენებლობა ნაწარმოებია ობიექტის არქიტექტურულ-სამშენებლო პროექტის დარღვევით“.

დადგენილება ძალაშია 2008 წლის 13 მარტიდან.

რა შემთხვევაში ენიშნებათ დროებითი შრომისუუნარობის გამო დახმარება

საქართველოს შრომის, ჯანმრთელობისა და სოციალური დაცვის მინისტრმა 2008 წლის 10 მარტს გამოსცა ბრძანება „დროებითი შრომისუუნარობის გამო დახმარების დანიშვნისა და გაცემის წესის დამტკიცების თაობაზე“, რომლის თანახმადაც, დროებითი შრომისუუნარობის გამო დახმარება ენიშნება ყოველ დასაქმებულ მოსამსახურეს დროებითი შრომისუუნარობის შემთხვევაში. დროებითი შრომისუუნარობის გამო დახმარების დანიშვნა, გაანგარიშება და გაცემა უნდა განახორციელოს დასაქმებულის შემთხვევაში შესაბამისმა დამსაქმებელმა, ხოლო მოსამსახურის შემთხვევაში - შესაბამისმა საბიუჯეტო დაწესებულებამ. დახმარების დანიშვნა, გაანგარიშება და გაცემა ხდება კანონმდებლობით დადგენილი წესით გაცემული დროებითი შრომისუუნარობის დამადასტურებელი საბუთის (საავადმყოფოს ფურცლის), ხოლო მისი დაკარგვის შემთხვევაში - დუბლიკატის, შესაბამის დამსაქმებელთან/დაწესებულებაში წარდგენის საფუძველზე წინამდებარე წესის შესაბამისად.

დროებითი შრომისუუნარობის გამო დახმარების დანიშვნის, პირობები და ოდენობა

1. დასაქმებულს/მოსამსახურეს დროებითი შრომისუუნარობის გამო დახმარება ენიშნება:

ა) დაავადებით ან დასახიჩრებით გამოწვეული შრომის უნარის დაკარგვის შემთხვევაში,

ბ) ოჯახის ავადმყოფი წევრის მოვლის გამო;

გ) კარანტინის გამო;

დ) პროთეზირების გამო.

2. მოსამსახურეს დროებითი შრომისუუნარობის გამო დახმარება ენიშნება ასევე „საჯარო სამსახურის შესახებ” საქართველოს კანონის 46-ე მუხლის მე-2 პუნქტით გათვალისწინებულ შემთხვევაში.

3.დროებითი შრომისუუნარობის გამო დახმარება გაიცემა დამსაქმებლის/დაწესებულების მიერ დროებითი შრომისუუნარობის მთელ პერიოდზე ამ წესით გათვალისწინებული პირობების შესაბამისად.

4. დროებითი შრომისუუნარობის გამო დახმარება ინიშნება საავადმყოფო ფურცლის გაცემის პირველი დღიდან.

5. დამსაქმებელი იურიდიული პირის ლიკვიდაციის გამო დასაქმებულის სამსახურიდან განთავისუფლებების შემთხვევაში, ასევე დაწესებულების ლიკვიდაციის ან შტატების შემცირების გამო მოსამსახურის სამსახურიდან განთავისუფლების შემთხვევაში, თუ გახსნილია საავადმყოფო ფურცელი, დროებითი შრომისუუნარობის გამო დახმარება გაიცემა განთავისუფლების დღემდე პერიოდზე.

6. ანაზღაურებად შვებულებაში ყოფნის დროს დროებითი შრომისუუნარობის დაწყების შემთხვევაში დროებითი შრომისუუნარობის გამო დახმარება გაიცემა დროებითი შრომისუუნარობის მთელ პერიოდზე. ამ შემთხვევაში შვებულების დღეები გადაიწევს საავადმყოფო ფურცელში მითითებული დღეების რაოდენობით.

7. ანაზღაურების გარეშე შვებულების პერიოდში დროებითი შრომისუუნარობის დაწყების შემთხვევაში დროებითი შრომის. უუნარობის გამო დახმარების ანაზღაურების ათვლა ხდება იმ დღიდან, როცა დასაქმებული/მოსამსახურე უნდა შედგომოდა მუშაობას.

8. თუ დროებითი შრომისუუნარობა სამუშაოდან განთავისუფლებაზე დავის დროს დადგა, სამუშაოზე აღდგენის შემთხვევაში დროებითი შრომისუუნარობის გამო დახმარების ანაზღაურების ათვლა იწყება სამსახურში აღდგენის დღიდან.

9. ვადიანი ხელშეკრულების შემთხვევაში დამსაქმებელი/დაწესებულება დროებითი შრომისუუნარობის გამო დახმარებას ანაზღაურებს მხოლოდ ხელშეკრულების მოქმედების პერიოდში.

დროებითი შრომისუუნარობის გამო დახმარების დანიშვნაზე უარის თქმის საფუძველი

დროებითი შრომისუუნარობის გამო დახმარება არ მიეცემათ:

ა) პირებს, რომლებმაც ტრავმა მიიღეს დანაშაულებრივი ქმედების დროს ან განზრახ აყენებენ ზიანს თავიანთ ჯანმრთელობას;

ბ) მკურნალი ექიმის მიერ დაწესებული რეჟიმის დარღვევისას;

გ) თუ დროებითი შრომისუუნარობა გამოწვეულია დაავადებით ან ტრავმით, რომლის უშუალო მიზეზია არათხიზელი მდგომარეობა (ალკოჰოლური, ნარკოტიკული და სხვა ფსიქოაქტიური ნივთიერებით თრობა);

დ) კანონით დადგენილი წესით სამსახურიდან ჩამოშორების ან სასამართლოს გადაწყვეტილებით არანებაყოფლობითი სტაციონარული ფსიქიატრიული დახმარების და სასამართლო-სამედიცინო ექსპერტიზაზე ყოფნის დროს.

დროებითი შრომისუუნარობის გამო დახმარების ოდენობის გაანგარიშება

1. მოსამსახურისათვის გასაცემი დროებითი შრომისუუნარობის გამო დახმარების ოდენობის გაანგარიშების ბაზას წარმოადგენს მისი თანამდებობრივი სარგო.

2. დროებითი შრომისუუნარობის პერიოდში, მოსამსახურის თანამდებობრივი სარგოს შეცვლის შემთხვევაში, დახმარების ოდენობის გაანგარიშება თანამდებობრივი სარგოს შეცვლამდე პერიოდზე ხდება ძველი თანამდებობრივი სარგოს მიხედვით, ხოლო თანამდებობრივი სარგოს შეცვლის დღიდან -ახალი თანამდებობრივი სარგოს მიხედვით.

3. დასაქმებულისთვის გასაცემი დროებითი შრომისუუნარობის გამო დახმარების ოდენობის გაანგარიშების ბაზას წარმოადგენს შრომითი ხელშეკრულებით განსაზღვრული შრომის ანაზღაურება.

4. თუ შრომითი ხელშეკრულუბით არ არის განსაზღვრული შრომის ანაზღაურების ოდენობა. ამ შემთხვევაში დროებითი შრომისუუნარობის გამო დახმარების ოდენობის გაანგარიშების ბაზას წარმოადგენს დროებითი შრომისუუნარობის დადგომამდე უკანასკნელი 3 თვის განმავლობაში დარიცხული შრომის ანაზღაურების მიხედვით გაანგარიშებული საშუალო თვიური შრომის ანაზღაურება.

5. გამომუშავებაზე დამოკიდებული შრომის ანაზღაურების შემთხვევაში დროებითი შრომისუუნარობის გამო დახმარების ოდენობის გაანგარიშების ბაზას წარმოადგენს დროებითი შრომისუუნარობის დადგომამდე უკანასკნელი 3 თვის განმავლობაში დარიცხული შრომის ანაზღაურების მიხედვით გაანგარიშებული საშუალო თვიური შრომის ანაზღაურება.

6. ამ მუხლის მე-4 და მე-5 პუნქტებში მითითებულ შემთხვევებში, თუ დასაქმებულს არ გააჩნია მოცემულ დამსაქმებელთან 3 თვის მუშაობის სტაჟი, ან უკანასკნელი 3 თვის განმავლობაში არ მომხდარა შრომის ანაზღაურების დარიცხეა, საშუალო თვიური შრომის ანაზღაურება გამოითვლება მოცემულ დამსაქმებელთან შესაბამისი პროფესიისა და კვალიფიკაცი დასაქმებულისათვის გადახდილი საშუალო თვიური შრომის ანაზღაურებიდან.

7. დროებითი შრომისუუნარობის გამო დახმარების ოდენობის გამოანგარიშებისას მხედველობაში არ მიიღება:

ა) ერთდროული სახის დახმარებები, პრემიები და მატერიალური ჯილდოები;

ბ) ზეგანაკვეთური ანაზღაურება და დანამატები;

გ) ერთჯერადი სამუშაოს ანაზღაურება, რომელიც არ წარმოადგენს ძირითადი სამუშაოსათვის მიღებულ გასამრჯელოს.

8. დროებითი შრომისუუნარობის გამო დახმარების საერთო თანხა განისაზღვრება შჯამებულად საავადმყოფო ფურცელში მითითებულ თვეში (ყველა თვეზე ცალ-ცალკე) საშუალო დღიური ხელფასის (თანამდებობრივი სარგოს შრომის ანზღაურების) გამრავლებით მოცემულ თვეში შრომისუუნარობის გამო გაცდენილ სამუშაო დღეთა რიცხვზე.

9. საშუალო დღიური ხელფასის (თანამდებობრივი სარგოს/შრომის ანაზღაურების) გამოთვლა ხდება საშუალო თვიური შრომის ანაზღაურების (თანამდებობრივი სარგოს/შრომის ანაზღაურების) გაყოფით შრომისუუნარობის თვის (ყოველ თვეზე ცალ-ცალკე) სამუშაო დღეთა რიცხვზე.

10. ერთდროულად რამდენიმე დამსაქმებელთანმუშაობის შემთხვევაში დროებითი შრომისუუნარობის გამო დახმარება გაიცემა ყველა დამსაქმებელთან ცალ-ცალკე.

დროებითი შრომისუუნარობის გამო დახმარების გაცემა

1. დროებითი შრომისუუნარობის გამო დახმარების მისაღებად დასაქმებული/მოსამსახურე წარუდგენს დამსაქმებელს/დაწესებულებას დროებითი შრომისუუნარობის დამადასტურებელ საბუთს (საავადმყოფო ფურცელს).

2. დამსაქმებელი/დაწესებულება ვალდებულია სავადმყოფო ფურცლის წარდგენიდან 10 სამუშაო დღის განმავლობაში ან აანაზღაუროს დროებითი შრომისუუნარობის გამო დახმარება ან წერილობითი შეტყობინება გაუგზავნოს დასაქმებულს/მოსამსახურეს დროებითი შრომისუუნარობის გამო დახმარების გაცემაზე უარის თქმის შესახებ.

3. დროებითი შრომისუუნარობის გამო დახმარება არ გაიცემა დამსაქმებლისათვის/დაწესებულებისათვის დროებითი შრომისუუნარობის დამადასტურებელი საბუთის (საავადმყოფო ფურცლის) მისი დახურვიდან 3 თვის შემდეგ წარდგენის შემთხვევაში.

ბრძანება ძალაშია 2008 წლის 1 იანვრიდან.

რა ვალდებულება ეკისრება საბაჟო საწყობებს

საქართველოს მთავრობამ 2008 წლის 8 მარტს მიიღო დადგენილება „საბაჟო საწყობის ტექნიკური და უსაფრთხოების მოთხოვნების განსაზღვრისა და შესაბამისი ნებართვების გაცემის წესის შესახებ ინსტრუქციის დამტკიცების თაობაზე“ საქართველოს მთავრობის 2006 წლის 20 დეკემბრის №240 დადგენილებაში ცვლილებების შეტანის შესახებ“, რომლის თანახმადაც, საწყობის შესასვლელი და გასასვლელი, აგრეთვე საწყობის ტერიტორიაზე არსებული სათავსის შესასვლელი და გასასვლელი მუდმივად უნდა იყოს დალუქული საწყობის მფლობელის მიერ რეგიონალურ ცენტრთან (საგადასახადო ინსპექციასთან) შეთანხმებული ნიმუშის უნიკალნომრიანი ერთჯერადი ლუქით, გარდა საქონლის შეტანისას ან/და გამოტანისას, აგრეთვე განსაზღვრული ოპერაციების განხორციელებისას. აღნიშნული ვალდებულება არ ვრცელდება იმ ნებართვის მფლობელზე, რომლის მიმართ საბაჟო ორგანო მიიღებს სათანადო გადწყვეტილებას საწყობის ტვირთბრუნვის ან ოპერაციების სპეციფიკურობიდან გამომდინარე საწყობის მფლობელის მოტივირებული მოთხოვნის საფუძველზე.

დადგენილება ძალაშია 2008 წლის 10 მარტიდან.

როგორ ხდება გადასახადის გადამხდელის ყადაღადადებული ქონების რეალიზაცია

საქართველოს მთავრობამ 2008 წლის 8 მარტს გამოსცა დადგენილება „ საქართველოს მთავრობის 2005 წლის 25 იანვრის №10 დადგენილებით დამტკიცებულ გადასახადის გადამხდელის ყადაღადადებული ქონების რეალიზაციის წესის ცვლილებებისა და დამატებების შეტანის თაობაზე“, რომლის თანახმადაც, საგადასახადო ინსპექციამ ყადაღადადებული ქონების რეალიზაციის უფლების მისაღებად უნდა მიმართოს სასამართლოს და მოსამართლის ბრძანების საფუძველზე უნდა განახორციელოს გადასახადის გადამხდელის ყადაღადადებული ქონების ღია აუქციონზე რეალიზაცია.

ცვლილების თანახმად №1 დანართი შემდეგნაირად ჩამოყალიბდა:

დანართი №1

როგორ გავანაღდოთ დასაქმების ბარათი

2008 წლის 8 მარტს საქართველოს მთავრობამ მიიღო დადგენილება „სამუშაო ადგილებზე პროფესიული მომზადების (გადამზადების) მიზნობრივი სახელმწიფო პროგრამის დამტკიცების შესახებ“ საქართველოს მთავრობის 2007 წლის 1 დეკემბრის ¹264 დადგენილებაში ცვლილებების შეტანის თაობაზე“, რომლის თანახმადაც, პროფესიული მომზადების (გადამზადების) მსურველი უნდა იყოს 25-დან 65 წლამდე ასაკის საქართველოს მოქალაქე. პროგრამის მონაწილეთა მაქსიმალური რაოდენობა არის 130 000.

დამსაქმებლის მიერ შევსებული და შესაბამისი ხელმოწერით დადასტურებული დასაქმების ბარათის პირველი ნაწილი მაძიებელს შესაბამისი საბანკო დაწესებულებისთვის უნდა წარედგინა 2007 წლის 15 დეკემბრიდან 2008 წლის 20 იანვრამდე, ხოლო მეორე და მესამე ნაწილები - არა უგვიანეს 2008 წლის 30 აპრილისა. ამასთან, დასაქმების ბარათის მესამე ნაწილი საბანკო დაწესებულებას უნდა წარედგინოს არა უადრეს 2008 წლის 5 აპრილისა. აღსანიშნავია, რომ ბარათის მე-2 და მე-3 ნაწილები იმ პირებს გაუნაღდდებათ, ვისაც დადგენილ ვადებში განაღდებული აქვთ დასაქმების ბარათის წინა ნაწილები.

დადგენილება ძალაშია 2008 წლის 4 მარტიდან.

როგორ დაიბრუნებთ ზედმეტად გადახდილ გადასახადს?

საქართველოს მთავრობამ 2008 წლის 8 მარტს მიიღო დადგენილება „ ბიუჯეტის შემოსულობების აღრიცხვა-ანგარიშგებისა და ბიუჯეტში ზედმეტად ან შეცდომით გადახდილი შემოსულობის თანხის დაბრუნების, აღრიცხვისა და ანგარიშგების შესახებ“ საქართველოს მთავრობის 2005 წლის 14 მარტის ¹45 დადგენილებაში ცვლილებების შეტანის თაობაზე“, რომლის თანახმადაც, სახაზინო კოდის მე-2, მე-5 ციფრები განსაზღვრავს საქართველოს ადმინისტრაციულ ტერიტორიას, რეგიონალურ ცენტრს (საგადასახადო ინსპექციას) და შესაბამისი დონის ბიუჯეტს.

ზედმეტად გადახდილი გადასახადის დაბრუნება საქართველოს საგადასახადო და საბაჟო კანონმდებლობის შესაბამისად წარმოებს ხაზინის ერთიანი ანგარიშის გადასახადის ზედმეტად გადახდილი თანხის დაბრუნების ქვეანგარიშიდან უფლებამოსილი საგადასახადო ინსპექციის მიერ სახელმწიფო ხაზინაში წარდგენილი საგადასახადო დავალების საფუძველზე. ზედმეტად გადახდილი გადასახადის სხვა გადასახადების სახეში გადატანა წარმოებს ხაზინის ერთიან ანგარიშზე, საქართველოს საგადასახადო და საბაჟო კანონმდებლობის თანახმად, უფლებამოსილი რეგიონალური ცენტრის მიერ სახელმწიფო ხაზინაში წარდგენილი საგადახდო დავალების საფუძველზე.

დადგენილების თანახმად, საგადახდო დავალება მზადდება სამ ეგზემპლარად, რომელთაგან მეორე და მესამე ეგზემპლარები ხელმოწერილი უნდა იყოს შესაბამისი საგადასახადო ინსპექციის (რეგიონალური ცენტრის) უფროსისა და შესაბამისი უფლებამოსილი პირის მიერ და უნდა იყოს დადასტურებული ბეჭდით.

სახელმწიფო ხაზინა არ აღასრულებს და უბრუნებს მოთხოვნას გადასახადის ზედმეტად გადახგადახდილი თანხის დაბრუნების შესახებ შესაბამის რეგიონალურ ცენტრს იმ შემთხვევაში, თუ:

- ხაზინის ერთიანი ანგარიშის გადასახადის ზედმეტად გადახდილი თანხის დაბრუნების ქვეანგარიშზე არსებული სახსრები მოცემული პერიოდისათვის არასაკმარისია წარდგენილი საგადახდო დავალების აღსასრულებლად;

- დოკუმენტაცია ზედმეტად გადახდილი გადასახადის დაბრუნების თაობაზე არ შეესაბამება დადგენილების მოთხოვნებს და 10 დღეში არ წარედგინა სრულყოფილი დოკუმენტაცია.

აღსანიშნავია, რომ სახელმწიფო ხაზინა არ აღასრულებს და უბრუნებს მოთხოვნას გადასახადის ზედმეტად გადახდილი თანხის სხვა გადასახადების სახეში გადატანის შესახებ შესაბამის საგადასახადო ინსპექციას იმ შემთხვევაში, თუ საგადახდო დავალების წარდგენის მომენტისათვის კალენდარული წლის განმავლობაში შესაბამისი საგადასახადო ინსპექციის მიერ გადასახადის სახეში მობილიზებული სახსრები არასაკმარისია შესაბამისი საგადასახადო ინსპექციის მიერ წარდგენილი საგადახდო დავალების აღსასრულებლად.