გერმანულმა გამოცემამ Die WELT-მა 2004 წლის 5 იანვარს ინტერვიუ ჩამოართვა საქართველოს პრეზიდენტს მიხეილ სააკ კაშვილს. გთავაზობთ ამ ინტერვიუს.

36 წლის მიხეილ სააკაშვილი სათავეში ედგა იმ საპროტეს სტო მოძრაობას, რომელმაც ნოემბერში გამოიწვია ედუარდ შევარდნაძის გადადგომა პრეზიდენტის პოსტიდან. სააკაშვილი აცხადებს, რომ აპირებს ებრძოლოს ქვეყანაში ფართოდ გავრრცელებულ კორუფციას, ოლიგარქებს; სურს აღადგინოს საქარრთველოს ურთიერთობა საერთაშორისო საფინანსო ორგანიზაციებთან.

- როგორი იქნება თქვენი პირველი ნაბიჯი საქართველოს პრეზიდენტის პოსტზე?

- მთავრობის უმნიშვნელოვანესი ამოცანაა ბოლო მოუღოს კორუფციას, რომლის შედეგადაც წარმოიქმნა ბიუჯეტის დიდი დეფიციტი. ჩვენ წავუყენებთ ბრალდებებს საქართველოს მრავალ ოფიციალურ წარმომადგენელს. მხოლოდ ასეთი გზით შეიძლება დავამყაროთ ფინანსური დისციპლინა სახელმწიფო ორგანოებში. კორუფცია უნდა აღმოიფხვრას ქვეყნის ხელმძღვანელობაში.

- რა არის თქვენი სამთავრობო პროგრამის მთავარი მიზანი?

- ჩვენ გვსურს შევქმნათ ნორმალური საინვესტიციო კლიმატი, დავარწმუნოთ ინვესტორები იმაში, რომ საქართველო დღეს სულ სხვა ქვეყანა გახდა. ინვესტორებმა უნდა იცოდნენ, რომ საქართველოს სახელმწიფო დაიცავს მათ ინვესტიციებსა და უფლებებს, არ გაძარცვავს მათ.

- თქვენმა „ვარდების რევოლუციამ“ გამოიწვია შევარდნაძის გადადგომა. ეს ხომ არ გიშლით ხელს იმაში, რომ დასავლეთში ეძებოთ დახმარება?

- ჩვენმა „ვარდების რევოლუციამ“ საქართველო უკან არ დახია. პირიქით, ამის შედეგად ჩვენი ქვეყანა გახდა უფრო დემოკრატიული და უფრო ცივილიზებულიც კი. შემიძლია ვთქვა, რომ საქართველო ახლა უფრო მეტად ევროპულია, ვიდრე ეს შევარდნაძის დროს იყო. გერმანელებს ახლა გაცილებით გაუადვილდებათ ურთიერთობა საქართველოსთან. რასაკვირველია, შევარდნაძემ საკმაოდ აამაღლა ჩვენი ქვეყნის საერთაშორისო ავტორიტეტი. მაგრამ ჩვენ სულაც არ ვართ დაინტერესებული იმით, რომ საქართველოს მხოლოდ შევარდნაძის პერსონას უკავშირებდნენ.

- თუ დაგპირდათ მხარდაჭერას ბერლინი?

- გაგრძელდება უკვე შეთანხმებული პროექტების განხორციელება. იმედი გვაქვს, რომ გერმანია დაგვეხმარება. ჩვენ დიდად ვემადლიერებით გერმანელებს იმისთვის, რომ ამ ბოლო ათი წლის განმავლობაში ამ ქვეყანამ ჩემი თანამემამულეების მთელ თაობას მისცა ჩინებული განათლების მიღების შანსი. სწორედ ეს ხალხი გახლავთ ჩვენი მთავარი საყრდენი, მჭიდრო გერმანულ-ქართულ მეგობრობაში დაბანდებული საუკეთესო ინვესტიცია. ასეთი გზით ჩვენი ქვეყნების ურთიერთობა დაეფუძნება ათასობით ადამიანს და არა მხოლოდ ერთს - პრეზიდენტს.

- ედუარდ შევარდნაძეს ჯერ კიდევ დიდ პატივს სცემენ გერმანიაში.

- შევარდნაძის წვლილი საქართველოს საშინაო პოლიტიკაში რამდენადმე განსხვავებული იყო იმ წვლილთან შედარებით, რომელიც მან შეიტანა გერმანიის გაერთიანების პროცესში. მან ძირი გამოუთხარა ჩვენი ქვეყნის და დემოკრატიის საფუძვლებს. ისეთები, როგორიც შევარდნაძეა, ჩვენ არასდროს აღარ გვეყოლება. ჩვენ არ გვსურს ვიყოთ არანორმალური ქვეყანა, რომელიც თავისი ხელმძღვანელის სახელით სარგებლობს, ჩვენ გვსურს გავხდეთ ნორმალური ქვეყანა და გვყავდეს თუნ ნდაც ისეთი ხელმძღვანელი, რომელსაც არა აქვს საქვეყნოდ მოხვეჭილი სახელი.

- დარჩება საქართველო დამოუკიდებელ სახელმწიფოთა თანამეგობრობის წევრად?

- მე ვერ ვხედავ თანამეგობრობიდან გამოსვლის აუცილებლობას. თუმცა, ვერც ამ თანამეგობრობის ნათელ მომავალს ვხედავ. თანამეგობრობის წევრი სახელმწიფოების ურთიერთობა ვითარდება ორმხრივ, ან სამმხრივ საფუძველზე. და მაინც, ჩვენ, ისევე როგორც წინათ, ახლაც დაინტერესებული ვართ ეკონომიკური ინტეგრაციით.

- კვლავ შენარჩუნებული იქნება დაძაბული ურთიერთობა რუსეთთან?

- მოსკოვი ვალდებულია ის მაინც აღგვითქვას, რომ არ ჩაერევა ჩვენს საშინაო საქმეებში. სამწუხაროდ, დღეს ეს ასე არ არის. ამიტომ, ჩვენ კვლავ განვაგრძობთ ქვეყნის თავდაცვისუნარიანობის სრულყოფასა და განმტკიცებას. ამ საკითხში ცენტრალური ადგილი განეკუთვნება თანამშრომლობას ნატოსთან. ჩვენ მზად ვართ ვითანამშრომლოთ ამერიკის შეერთებულ შტატებთან, მაგრამ ასევე გვსურს თანამშრომლობა რუსეთთან და ნებისმიერ სხვა სახელმწიფოსთან. საამისოდ ერთადერთი პირობაა ის, რომ პატივი სცენ ჩვენს სუვერენიტეტს.

- აპირებთ მოითხოვოთ საქართველოში დისლოცირებული რუსეთის ჯარების გაყვანა?

- არა. ჩვენ აღარ გამოვთქვამთ მოთხოვნას მათი გაყვანის შესახებ, რადგან რუსეთი ჯერ კიდევ 1995 წელს დაგვპირდა თავისი ჯარების გაყვანას. ჩვენ კარგად გვაქვს შეგნებული, რომ რუსეთს სჭირდება მისი სამხრეთი საზღვრების უშიშროებასთან დაკავშირებული გარანტიები. ჩვენ მზად ვართ მოსკოვთან მოვაწეროთ ხელი შესაბამის შეთანხმებას, რათა რუსეთმა არ იგრძნოს თავი საფრთხეში. ამის პასუხად კი რუსეთი უნდა გამოეთხოვოს იმაზე ოცნებას, რომ მისი სამხედრო ყოფნა საქარ რთველოში სამარადჟამო იქნება.

- აპირებს საქართველო ევროკავშირში შესვლას?

- ევროკავშირის წევრობა კვლავ რჩება ყველაზე მნიშვნელოვან საგარეო-პოლიტიკურ მიზნად.

- რატომ არ დაელოდეთ უზენაესი სასამართლოს გადაწყვეტილებას არჩევნების შედეგების გაყალბების თაობაზე და მიიტანეთ შტურმი პარლამენტის შენობაზე?

- აშკარა გახდა, რომ შევარდნაძე დაადგა ხელისუფლების უზურპაციის გზას. მან ყველაფერი იღონა საიმისოდ, რომ მოეშალა სამართლებრივი სახელმწიფოს მექანიზმები. ანუ, შევარდნაძემ თავისი სიჯიუტით თვითონვე შეუწყო ხელი მოვლენების შემდგომ განვითარებას. თავის დამხობაში მას მიუძღვის ბრალი.

- ამტკიცებენ, რომ პრეზიდენტის დამხობა ამერიკელებმა მოამზადესო?

- დარწმუნებული ვარ იმაში, რომ შევარდნაძის წასვლის შემთხვევაში ამერიკელებს არ ჰქონდათ არანაირი გეგმა. დანარჩენში კი, ამერიკელები, როგორც ახლა ამას ზოგიერთი ამტკიცებს, არ ყოფილან რევოლუციის ინიციატორები. ინიციატივა გვეკუთვნის ჩვენ, ქართველებს.

- თქვენი მთავრობა პროამერიკული გახდება?

- მე ვეწინააღმდეგები იმის მტკიცებას, თითქოს საქართველოში მოხდა პროამერიკული პუტჩი. ჩვენ ვართ მხოლოდ და მხოლოდ პროქართული მოძრაობა, ოღონდ, ევროპული ორიენ ნტაციით, ვიზიარებთ დასავლეთის ღირებულებებს.

მიხეილ სააკაშვილი: „კორუფცია უნდა აღმოიფხვრას ქვეყნის ხელმ ძღვა ნელობაში“ // საქართველოს რესპუბლიკა. - 2004. - 6 იანვარი. - N4 (1049). - 6 გვ.

მოგესალმებით, მივესალმები მამუკა ხაზარაძეს.

მე და ლაშა ჟვანია ჩამოვედით იმისათვის, რათა მასთან ერთად გავხსნათ „თიბისი ბანკის“ აჭარის რეგიონალური ფილიალი. ეს შენობა იყო გაუბედურებული და გაპარტახებული. ქართული ბიზნესის ერთ-ერთი ფუნქცია საზოგადოებისთვის სასარგებლო საქმის კეთებაა. „თიბისიმ“ თბილისში, მარჯანიშვილზე ერთ-ერთი ყველაზე ლამაზი შენობა გააკეთა, ეს თბილისის ერთ-ერთი არქიტექტურული მშვენებაა, ასეთივე კეთდება ბათუმშიც.

ჩვენ ასევე შევთანხმდით, რომ ქუთაისში მთავარ მოედან ნზე ყველაზე ლამაზი შენობა იქნება „თიბისი ბანკი“. ჩვენ ყველ ლანი, თქვენთან ერთად ვაშენებთ ახალ საქართველოს. ეს არის ახალი სამუშაო ადგილები მშენებლებისთვის, კვალიფიკაცია მომავალი საქართველოს მშენებლებისთვის. ასე საბჭოთა კავშირში არ აშენებდნენ. 90-ან წლებში ასე არ აკეთებდნენ ამას. ჩვენ შევქმენით უნიკალური პარტნიორობა სახელმწიფოსა და ბიზნესს შორის, მათ შორის ამ ბანკთან.

სიღნაღში ჩაიდო 50 მილიონი სახელმწიფო ფული და 100 მილიონი კერძო ფული. ქუთაისის ცენტრში ჩაიდო ნახევარი სახელმწიფო ფული და ნახევარი კერძო ფული.

საქართველოში მსოფლიო ეკონომიკური კრიზისი არ არის შემოსული სრული მასშტაბით და ყველაფერი უნდა გავაკეთოთ, რომ ამ კრიზისის ზემოქმედება ქართულ ეკონომიკაზე იყოს მინიმალური.

ის, რაზეც ჩვენ წინა წლებში გვაკრიტიკებდნენ - ეკონომიკური რეფორმები, კორუფციასთან ბრძოლა, სხვადასხვა კორუმპირებული ინტერესების არ გათვალისწინება, ამ ყველაფერმა მოგვცა იმ სიმტკიცის მარაგი, რომელიც დღეს არ გააჩნია უკრაინას, რუსეთს, სადაც წინა კვირაში 30 მილიარდი დოლარი დახარჯეს რუბლის გამაგრებისთვის, სადაც საპენსიო და სახელფასო დავალიანება 30 პროცენტზე მეტია. საქართველოში ჩვენ მოვახერხეთ ბიუჯეტის დაბალანსება, საბანკო სისტემისა და ლარის კურსის სტაბილურობა.

ეს მაკროეკონომიკური მაჩვენებლებია.

მე აქ მოვდივარ პენსიონერების ოჯახიდან. ის 5 ლარი, რომელსაც ვუმატებთ პენსიებს და ის 30 ლარი, რომელსაც ვუმატებთ სიღარიბის ზღვარს ქვემოთ მყოფ ხალხს, არაფრისთვის საკმარისი არ არის, მაგრამ მთავარი საფრთხე იქნებოდა ის, რომ პენსია, როგორც ეს 2001-2002 წლებში მოხდა, ვერ მიგვეცა ხალხისთვის 5-6 თვის განმავლობაში.

ძალიან კარგად ვიცი, რა პრობლემები აქვს ქართულ ბიზნესს.

ამ ბანკმა სამსახურიდან გაუშვა უმაღლესი კვალიფიკაციის მქონე, 300 ადამიანი, ეს ძალიან ბევრია.

ეს სიტუაცია არანორმალურია და პირველ რიგში, როგორც კი ეკონომიკა დასტაბილურდება, ის ხალხი სამსახურში უნდა დაბრუნდეს.

ჩვენ ეკონომიკაში დიდი რეზერვებია. სოფლის მეურნეობაში 10 პროცენტი შიდა მეურნეობაში იწარმოება, ჩვენი მოსახლეობის 50 პროცენტის მიერ.

მე მესმის, რომ საბანკო სექტორს ფულის გასესხებასთან დაკავშირებით აქვს შიში.

დარწმუნებული ვარ, შევძლებთ ფართომაშტაბიანი დაკრედიტების განახლებას. ამას სჭირდება პარტნიორობა სახელმწიფოსა და ბიზნესს შორის, ჩვენ ამისთვის მზად ვართ.

ხანდახან შეგვიძლია ვთქვა, რომ რეალურად ფული ყრია ქუჩაში. მაგალითად კონკრეტული პროექტი - ზაფხულში, როგორც კი თბება, საქართველოს მთელი გზები, მინდვრები, პლასტიკის პაკეტებს უკავია.

გუბერნატორებს ვავალებ ხოლმე და ვაფრთხილებ, რომ მოვხსნი თანამდებობიდან, თუ შემხვდება ასეთი პაკეტი მათ სამოქმედო ტერიტორიაზე, მაგრამ ეს არ არის საკმარისი საქართველოს დასასუფთავებლად. თუ არ არის ეკონომიკური ინტერესი, თუ ჩვენ არ შევქმენით ნაგვის გადამამუშავებელი საწ წარმოები.

ასეთი პაკეტების ჩაბარებაში, ხალხი ფულს უნდა იღებდეს.

ჩვენ დღეს საქმე გვაქვს დიდ გაჭირვებასთან. ჩვენ საქმე გვაქვს თანამშრომლების შემცირებასთან, ქარხნები გაჩერების პირას არის მისული.

ყველაზე დიდი დანაშაული დღეს იქნებოდა ხელის ჩამოშვ ვება და დაცდა. სახელმწიფოს როლი მნიშვნელოვანია. პირველი - პარტნიორობა ბიზნესთან და ბიზნეს ინტერესების გათვალისწინება.

ჩვენ ვდგავართ თქვენს აქტიურობაზე, ოპტიმიზმზე, ინიციატივაზე.

მეორე - სოციალური ფონის დაჭერა და ბიუჯეტის დაბალანსება.

მესამე - პოლიტიკური სტაბილურობა.

თუ ვინმეს ჰგონია, რომ საკუთარი ამბიციებისა და კაპრიზების გამო, მათ გადავაყოლებთ საქართველოს და იმის გამო, რომ მათ უნდათ ამბიციის დაკმაყოფილება, ნურას უკაცრავად.

ეს მთავრობა არასოდეს დაიხევს უკან პოლიტიკური სტაბილურობის შესანარჩუნებლად.

საქართველოში არავის არ უნდა ქონდეს იმის შიში, რომ შემ მდეგი 5 წლის განმავლობაში ჩვენს ქვეყანაში რაიმე მოხდება.

ჩვენ ვართ გარანტი კონსტიტუციის, კონსტიტუცია სტაბილურობის, სტაბილურობა ბიზნესის განვითარების და საქართველოს კეთილდღეობის.

გაძლევთ გარანტიას, რომ დავიცავთ საქართველოს ეკონომიკას, პოლიტიკურ ცხოვრებას და თქვენთან ერთად გადავარ რჩენთ საქართველოს.

2013 წელს თბილისი იქნება საქართველოს წარმატებული დედაქალაქი, ბათუმი ყველაზე მდიდარი და განვითარებული ქალაქი მთელ შავიზღვისპირეთში, ქუთაისი წარმატებული და დასაქმებული ხალხით დასახლებული ქალაქი, საწარმოების სათვის გადალახული იქნება ყველა არსებული კრიზისი, შეიქმნება ახლებიც, განვითარდება სოფლის მეურნეობა, ხალხი აღარ წავა საზღვარგარეთ. ეს იქნება დაცული, ერთიანი და მომავალზე ორიენტირებული ქვეყანა.

ჩვენ გადავარჩენთ საქართველოს მსოფლიო კრიზისის ყველაზე რთულ და დამანგრეველ ასპექტებისაგან. ეს პასუხისმგებლობა მე ავიღე თქვენს წინაშე.

მინდა მივმართო საქართველოს გარეთ მცხოვრებ ჩვენს მოქალაქეებს.

ვიცი, რამხელა შევიწროება არის რუსეთში, როგორ უჭირთ ჩვენს თანამემამულეებს იმ ქვეყნებში, სადაც კრიზისია.

მათ მინდა ვუთხრა, რომ დღეს ყველაზე მეტი პერსპექტივა მათ სამშობლოშია. დღეს იმ ქართველებმა, რომლებმაც გარკვეული შემოსავალი მიიღეს უკრაინაში, რუსეთში, მოვუწოდებ, რომ დაბრუნდნენ საქართველოში, დაფუძნდნენ თავის ქვეყანაში და მოახდინონ მატერიალური საშუალებების ინვესტირება თავიანთი შვილების ქვეყნის მომავალში.

კიდევ ერთხელ გამოვხატავ რწმენას, რომ დავძლევთ სიძნელეებს და აუცილებლად გავაგრძელებთ ასეთ აღმშენებლობას.

საქართველოს მთავრობა ბიზნესის მხარდაჭერაზეა ორიენტირებული. ეკონომიკის სამინისტროს, ფინანსთა სამინის ტროს და სხვა სამინისტროს ამაზე მეტი ფუნქცია არ გააჩნია.

დიდი მადლობა,
ღმერთმა ხელი მოგიმართოთ!

საქართველოს პრეზიდენტი მიხეილ სააკაშვილი ბათუმში „თიბისი ბანკის“ ფილიალის გახსნაზე // საქართველოს პრეზიდენტის ადმინისტრაციის პრესსამსახური / 22 იანვარი, 2004. - ხელმისაწვდომობის რეჟიმი: http://www.saakashviliarchive.info/ge/PressOffice/News/SpeechesAndStatements?p=2780&i=1

[...]

პრეზიდენტმა სააკაშვილმა მოკლე სიტყვა-ფიცი წარმოთქვა დავით აღმაშენებლის საფლავზე:

- მე ვარ ამ მიწის შვილი, - თქვა მან, - აქ ჩემთან ერთად ჩემი წინაპრების სულები არიან, და მე მათ მინდა ვუთხრა, რომ ნამდვილად არ შევარცხვენ.

დავითის საფლავზე ჩვენ ყველამ ერთად უნდა ვთქვათ - საქართველო მოემზადება, საქართველო გაერთიანდება, საქართველო გაძლიერდება და გამთლიანდება.

აქ არის საქართველოს უდიდესი მმართველის, ყველაზე დიდი ქართველის დავით აღმაშენებლის სული. მე მინდა, ვუთხრა მას, მე მინდა ვუთხრა საქართველოსთვის თავგანწირულ ყველა გმირს: დღეს საქართველო დანაწევრებულია, დღეს ქართველი ხალხი დამცირებულია. ზოგიერთს შეიძლება უნდა, რომ საქართველო საერთოდ აღარ არსებობდეს რუკაზე. მე მინდა ვუთხრა ჩვენს ამ მტრებს, რომ ისინი ამას ვერასოდეს მოესწრებიან. საქართველო არსებობდა, საქართველო არსებობს და საქართველო ყოველთვის იარსებებს. საქართველო არ მომკვდარა.

ჩვენ ყველამ ერთად, ერმაც და ბერმაც, მთავრობამაც და ყველა ჩვენმა მოქალაქემ, ყველამ ყველაფერი უნდა გადავდოთ გვერდზე, უნდა მოვემზადოთ, უნდა გავერთიანდეთ, უნდა გავძლიერდეთ და აღვადგინოთ საქართველოს ერთიანობა და მთლიანობა - ეს არის ჩემი ცხოვრების მიზანი.

უნდა ვუთხრა ყველას, რომ მთავრობა უნდა ცხოვრობდეს ისე, როგორც ხალხი, ისეთივე გაჭირვებაში, უნდა მოიჭიროს ქამრები, უნდა გაიჭირვოს.

ჩვენ უნდა ვიმუშაოთ დღეც და ღამეც. ჩვენ უნდა ვიმუშაოთ ქალაქებში და სოფლებში, ჩვენ უნდა ვიმუშაოთ მთელი მსოფლიოს დასანახად და მისთვის ხმის მისაწვდენად. უნდა ვუთხრათ, რომ ჩვენი ერი იმსახურებს ბევრად უკეთეს მომავალს. ჩვენი ერი არავის დასაჯიჯგნი არ არის.

საქართველო არის უნიკალური ქვეყანა, რომელსაც უზარმაზარი წვლილი აქვს შეტანილი მსოფლიო ცივილიზაციაში.

მე უნდა ვუთხრა ყველას, რომ ჩვენ, მიუხედავად ეროვნებისა, საქართველოში გვაერთიანებს ერთი რამ - ჩვენი სამშობლოს სიყვარული.

მე თქვენი დახმარება მჭირდება ამ საქმის განხორციელებაში.

მე მინდა, რომ ყველანი ერთად დავდგეთ, ერთმანეთის გვერდით და მხარდამხარ!

გიორგი გამახარია

მიხეილ სააკაშვილი: „უნდა გავერთიანდეთ, უნდა გავძლიერდეთ და აღვადგინოთ საქართველოს ერთიანობა და მთლიანობა. ეს არის ჩემი ცხოვ რების მიზანი!“ // საქართველოს რესპუბლიკა. - 2004. - 25 იანვარი. - N18(4748). - 1-2 გვ.

მიხეილ სააკაშვილის სიტყვა წარმოთქმული ფიცის
დადების საზეიმო ცერემონიალზე

მე მივესალმები ქართლს, კახეთს, იმერეთს, სამეგრელოს, სვანეთს, გურიას, აფხაზეთს, აჭარას, მცხეთა-მთიანეთს, რაჭას, სამცხე-ჯავახეთს, შიდა ქართლს.

მე მივესალმები სრულიად საქართველოს, მე მივესალმები საზღვარგარეთ მცხოვრებ ყველა ქართველს, მივესალმები ყველა სტუმარს - კეთილი იყოს თქვენი ჩამობრძანება!

ეს არის ადგილი, სადაც საქართველოსთვის თავდადებული გმირები თავს სწირავდნენ საქართველოს თავისუფლებისა და დამოუკიდებლობისთვის. აქ დაეცნენ იუნკერები, რომლებმაც ყველაფერი გააკეთეს, რათა არ დაეშვათ ბოლშევიკების მიერ საკუთარი სამშობლოს დაპყრობა და საქართველოს გათიშვა მსოფლიოს პროცესებისგან ათწლეულების განმავლობაში. აქ დაიღუპნენ გმირები, რომლებიც იბრძოდნენ საქართველოს დამოუკიდებლობისათვის 1989 წლის ცხრა აპრილს, სწორედ აქ მოხდა მათთან უსასტიკესი ანგარიშსწორება საბჭოთა ჯარებისა და ტანკების მიერ. მე მინდა, ვთხოვო ყველას, თხუთმეტწამიანი დუმილით მივაგოთ პატივი მათ ხსოვნას...

ეს ახალგაზრდები შეეწირნენ თავიანთ ოცნებას საქართველოსთვის. დღეს ჩემი და ჩვენი ვალია, ეს ოცნება ვაქციოთ რეალობად. ჩვენ უნდა განვახორციელოთ ეს ოცნება იმით, რომ საქართველო ვაქციოთ ერთიან, სტაბილურ, დემოკრატიულ, თავისუფალ და ძლიერ სახელმწიფოდ. წითელი ხიდიდან ფსოუმდე, სარფიდან დარიალამდე საქართველო უნდა იქცეს ქვეყანად, სადაც ყველაზე დიდი სიმდიდრე იქნება ცოდნა და განათლება, სადაც უმთავრესი პრიორიტეტი იქნება სწორედ ჩვენი შვილების განათლება, სადაც ხალხი იქნება კონკურენტუნარიანი გლობალიზაციის პირობებში, რომელიც შეიცავს საფრთხეებს, მაგრამ, ამავე დროს, პატარა ერებს, რომელთაც აქვთ საშუალება, განათლება, კულტურა, ბრძოლის უნარი, აძლევს უნიკალურ შანსს, დამკვიდრდეს საერთაშორისო თანამეგობრობაში.

საქართველო უნიკალური კულტურის ქვეყანაა. ჩვენ არა მხოლოდ ძველი ევროპელები ვართ, ჩვენ უძველესი ევროპელები ვართ, და ამდენად, საქართველოს განსაკუთრებული ადგილი უკავია ევროპულ ცივილიზაციაში. საქართველო უნდა იქცეს დემოკრატიის მოდელად, სადაც ყველა მოქალაქე იქნება თანასწორი კანონის წინაშე, სადაც ყველა მოქალაქეს ექნება თანაბარი შესაძლებლობა მიაღწიოს წარმატებას და მოახდინოს თავის საშუალებათა რეალიზაცია. საქართველო უნდა იქცეს და იქცევა თავისუფალი, განათლებული და ამაყი ადამიანების სამშობლოდ.

საქართველო არის სახლი, როგორც ყველა ქართველისთვის, ასევე საქართველოში მცხოვრები ყველა ეთნიკური ჯგუფის წარმომადგენელთათვის. საქართველოს ყველა რუსი, აფხაზი, ოსი, აზერბაიჯანელი, სომეხი, ებრაელი, ბერძენი, უკრაინელი, ქურთი - თითოეული მოქალაქე, რომლისთვისაც საქართველო საკუთარი სამშობლოა, არის ჩვენი ქვეყნის უდიდესი საგანძური და სიმდიდრე.

საქართველოს უნდა ჰყავდეს ქმედუნარიანი და ხალხის წინაშე პასუხისმგებელი მთავრობა, მთავრობა, სადაც ყველა მოქალაქეა წარმოდგენილი და სადაც თითოეული ქართველის ხმა შეისმინება. აქამდე ხალხი უსმენდა მთავრობას. დადგა დრო, მთავრობამ ძალიან ყურადღებით უსმინოს ხალხს. აქამდე მთავრობა იცავდა თავს ხალხისაგან. დადგა დრო, როცა მთავრობამ უნდა დაიცვას საკუთარი ხალხი და თითოეული მოქალაქე. აქამდე ხალხი ისჯებოდა მთავრობის უნიათობით და ჩვენ დავ ვამტკიცეთ ამ მოედანზე სულ ცოტა ხნის წინ, რომ დგება მომენტი, როდესაც ხალხი დასჯის მთავრობას გამოჩენილი უნიათობისთვის და სამშობლოს სიყვარულის არქონისთვის.

ქართველი ერი ყოველთვის იყო გონიერი ერი. დღეს, როგორც არასდროს გვჭირდება გონიერება. ჩვენი მთავარი სიმდიდრეა არა ოქრო და ნავთობი, არამედ ჩვენი ნიჭიერება, ინტელექტი, უნარ-ჩვევები, განათლება, განათლებული ადამიანები. საქართველო უნდა იქცეს ქვეყანად, რომელიც ისწავლის, როგორ გამოიყენოს თავისი ბუნებრივი უპირატესობები. ჩვენ გვაქვს ეკონომიკური პოტენციალი, გვყავს განათლებული კადრები, რომლებსაც შეუძლიათ, არ ეზარებათ, უყვართ მუშაობა, როდესაც სამუშაო საინტერესოა და როდესაც ამის საშუალება ეძლევათ.

ჩვენ გვაქვს უმნიშვნელოვანესი გეოსტრატეგიული მდებარეობა, ჩვენ ვართ კულტურული გზაჯვარედინი, სადაც კულტურები ერთმანეთს ხვდებიან; ჩვენ გვაქვს სრულიად უნიკალური თვალწარმტაცი ბუნებრივი პირობები და მე არ მინახავს არც ერთი უცხოელი, ერთხელ მაინც რომ არ მოხვედრილიყო საქართველოში და ერთი შეხედვით არ შეყვარებოდა ჩვენი ქვეყანა და ჩვენი სამშობლო. ეს არის უზარმაზარი და გამოს საყენებელი რესურსები და ჩვენ ამ რესურსებს აუცილებლად ავამოქმედებთ, რათა საზოგადოება ფეხზე დადგეს, რათა ჩვენს გაჭირვებას ეშველოს, რათა გაჭირვება და სიღატაკე ქართველი ერის და მისი ისტორიის, მისი კულტურის, თითოეული ადამიანის, საზოგადოების თითოეული წევრის შეურაცხყოფაა.

ჩვენმა ერმა დაუმტკიცა მთელ მსოფლიოს, რომ გადამწყვეტ მომენტში მას ყოველთვის შეუძლია თავისი ღირსების დაცვა, ღირსეული თანაარსებობა და მეგობრული შეჯიბრება მსოფლიოს მოწინავე ერებთან. დადგა დრო, როცა ჩვენ, ქართველები, არ უნდა ვიყოთ მხოლოდ სხვების იმედზე, დადგა დრო, როცა იმას კი არ უნდა ვკითხულობდეთ, თუ რას გვიკეთებს მსოფლიო, რა დახმარებას გვიგზავნის, თუმცა ყველაფერ ამისთვის ჩვენ მადლობელი ვართ, არამედ დადგა დრო, როცა ჩვენ უნდა ვიკითხოთ, საქართველო რას გაუკეთებს მსოფლიოს და რა წვლილი შეუძლია შეიტანოს მსოფლიოს განვითარებაში.

საქართველო იქნება სტაბილური მოკავშირე ყველა მისი მეგობარი ქვეყნისა. საქართველო უნდა ჩამოყალიბდეს, როგორც საერთაშორისო პასუხისმგებლობის მქონე ქვეყანა, როგორც საერთაშორისო თანამეგობრობის ღირსეული წევრი, როგორც ქვეყანა, რომელსაც, მიუხედავად ურთულესი გეოპოლიტიკური ვითარებისა და მდებარეობისა, ერთნაირად კარგი ურთიერთობა აქვს ყველა თავის მეზობელთან, ამავე დროს, არ ავიწყდება საკუთარი კუთვნილი და რამდენიმე საუკუნის წინ დაკარგული ადგილის დაბრუნება ევროპულ ოჯახში, ევროპულ ცივილიზაციაში. როგორც უძველესი ცივილიზაციის ქრისტიანულმა ქვეყანამ, ჩვენ ეს ადგილი აუცილებლად უნდა დავიბრუნოთ. ჩვენი კურსი არის ევროპული ინტეგრაცია. დროა, ევროპამ საბოლოოდ დაინახოს და დააფასოს საქართველო, გადმოდგას ჩვენკენ ნაბიჯები და, ამ მხრივ, ჩვენ პირველი ნიშნები ნამდვილად გვაქვს სახეზე. შემთხვევით არ ავწიეთ დღეს ევროპის დროშა, ეს დროშა საქართველოს დროშაც არის იმიტომ, რომ გამოხატავს ჩვენი ცივილიზაციის, ჩვენი კულტურის, ჩვენი ისტორიის არსს და ჩვენი მომავლის პერსპექტივას და ხედვას.

ამავე დროს, ჩვენ მადლობელნი ვართ და ვაფასებთ იმ დახმარებას, რომელიც წლების განმავლობაში ამერიკის შეერთებულმა შტატებმა გაგვიწია მაშინ, როცა საქართველოს ყველაზე მეტად უჭირდა, მაშინ, როდესაც ჩვენ ყველაზე მეტად გვჭირდებოდა მეგობრის ზურგი, მეგობრის ხელი, ამერიკა დადგა საქართველოს გვერდზე. როგორც ევროპულმა ქვეყნებმა, რომელსაც ამერიკა დაეხმარა მეორე მსოფლიო ომის შემდეგ, არ დაივიწყეს, ჩვენც არასდროს დავივიწყებთ ამას და ქართველი ხალხი მადლიერების გრძნობას თავის მომავალ თაობებს გადასცემს.

ამავე დროს, ჩვენ მშვენიერი ურთიერთობა გვაქვს ჩვენს მეზობლებთან და ჩვენ გვინდა ძალიან კარგი ურთიერთობები გვქონდეს რუსეთთან. საქართველოს არ სჭირდება რუსეთი, როგორც მტერი. ჩვენ გვჭირდება რუსეთი, როგორც მეგობარი. ჩვენ გვჭირდება რუსეთი, როგორც მოკავშირე, როგორც ძლიერი პარტნიორი და მე მინდა, ქართველი ხალხის სახელით დღეს რუსეთს გავუწოდო მეგობრობის ხელი და მინდა, ეს მეგობრობა ჩამოყალიბდეს და განვითარდეს.

მიზნის მისაღწევად წინ დიდი სირთულეებია, საქართველოს დიდი წინააღმდეგობის დაძლევა მოუწევს. ჩვენ ერთად უნდა ავაღორძინოთ ჩვენი ქვეყანა, ავაშენოთ ჩვენი და ჩვენი წინაპრების ოცნების საქართველო. საქართველო ძლიერი იყო როდესაც იყო ერთიანი. ჩვენ უნდა გავერთიანდეთ იმისათვის, რომ გავძლიერდეთ, უნდა ავაშენოთ ადამიანის უფლებების დაცვაზე და კანონის უზენაესობაზე დაფუძნებული ძლიერი დემოკრატია, ჩვენ უნდა ამოვძირკვოთ კორუფცია. ჩემთვის ყოველი კორუმპირებული თანამდებობის პირი, დღევანდელ ეტაპზე, ეროვნული ინტერესების მოღალატეა. ჩვენ ამოვძირკვავთ კორუფციას და შევცვლით სისტემას, რომელმაც კორუფციის მანკიერი წრე წარმოქმნა.

უნდა შევქმნათ ისეთი სამართლებრივი სისტემა, სადაც ყველა ადამიანს, პრეზიდენტიდან დაწყებული და უბრალო მოქალაქით დამთავრებული, ერთნაირად მოეკითხება პასუხისმგებლობა კანონის წინაშე. ჩვენ უნდა მოვახდინოთ ხელისუფლების რეფორმირება და ჩამოვაყალიბოთ რეალური თვითმმართველობა, ქვეყანა, სადაც ნებისმიერი პროფესიონალი, პატიოსანი ადამიანი იპოვის თავის ადგილს და შეძლებს ქვეყნის აღმშენებლობაში მონაწილეობას.

ჩვენ უნდა შევქმნათ ძლიერი არმია. დღეს და გუშინ მოვიარე სამხედრო ნაწილები, ამ მხრივ ძალიან ბევრი რამ გვაქვს გასაკეთებელი. ჩვენ უნდა ავაღორძინოთ ქართული მხედრული სული, რომელმაც გაგვაძლებინა საუკუნეების განმავლობაში. ჩვენ უნდა ავაღორძინოთ ამ სფეროში დავით აღმაშენებლის გიორგი ბრწყინვალეს ტრადიციები, ჩვენი გმირების - სამასი არაგველის და ბევრი სხვა გმირის, დიდგორის გმირების ტრადიციები. სხვანაირად საქართველო ვერ დადგება ფეხზე, როგორც სახელმწიფო. შეიარაღებულ ძალებს ზრუნვა სჭირდება არა მხოლოდ პრეზიდენტისა და მთავრობის მხრიდან, არამედ თითოეული ქართული ოჯახის მხრიდან. თითოეული ქართული ოჯახის ღირსების საქმეა, დავეხმაროთ ჩვენს შეიარაღებულ ძალებს და შევქმნათ ძლიერი ქართული არმია.

მე მინდა განსაკუთრებით ავღნიშნო ის თავდადება, რომელიც ბოლო თვეებში დროებითმა ხელისუფლებამ გამოიჩინა. მინდა მადლობა ვუთხრა ქალბატონ ნინო ბურჯანაძეს, რომელმაც ეს პროცესი მშვენივრად ჩაატარა. მიუხედავად ცუდი პროგნოზებისა, მიუხედავად იმ საუბრებისა, რომ ახალი ხელის სუფლება ვერ შესძლებს ქვეყანაში სიტუაციის შენარჩუნებას, ჩვენ მოვახდინეთ სტაბილიზაცია. მინდა ყველა ადამიანს, ვინც ამაში დაგვეხმარა, სახელმწიფო აპარატის ყველა წარმომადგენელს, ყველა მოქალაქეს დიდი მადლობა ვუთხრა.

მე მჯერა იმ ახალი, განათლებული, ენერგიული და პატრიოტი თაობის, რომელიც შეკრული გუნდით მოდის საქართველოს ხელისუფლებაში და ამავე დროს მიმაჩნია, რომ ყველა თაობას, ბებიაჩემისა და ბაბუაჩემის თაობას, კიდევ აქვს შანსი, ჩემი მშობლების თაობას კიდევ აქვს დიდი შესაძლებლობები იმისათვის, რომ დადებითი წვლილი შეიტანონ ქვეყნის განვითარებაში. და თაობათა ხიდი არავითარ შემთხვევაში არ უნდა ჩატყდეს, ამ ხიდის გამთელება არის ერთ-ერთი მთავარი საწინდარი ახალგაზრდა თაობის წარმატებისა.

მე ვხდები ამაყი ხალხის პრეზიდენტი, ხალხისა, რომელიც იმედით შეჰყურებს მომავალს, ვინც ნატრულობს ჩვენი ოცნების საქართველოს, ჩემი ოცნების საქართველოს, და მე მზად ვარ, ვემსახურო ჩემს ხალხს, რათა ის უფრო ამაყი იყოს, იმისათვის, რომ გავამართლო, მისი ყველა იმედი და ავაშენოთ საქართველო, რომელზეც ვოცნებობთ ჩვენ და ოცნებობდნენ ჩვენი წინაპრები. დადგა მძიმე, დაუღალავი შრომის დრო. ერთ დღეში არაფერი არ მოვა, მხოლოდ პრეზიდენტი ყველაფერს ვერ გააკეთებს, მაგრამ ხალხი, ყველა ერთად, ხელდაკაპიწებულნი შევძლებთ, რომ საქართველო დავაყენოთ ფეხზე. თუ ვიმუშავებთ დღე და ღამე, მართლაც მივაღწევთ ძალიან სერიოზულ წარმატებას. მე ამაში დარწმუნებული ვარ, მაგრამ ამას სჭირდება მუხლჩაუხრელი შრომა, უზარმაზარი ენთუზიაზმი, დიდი ოპტიმიზმი. ბოლო მოვლენებმა გამოათავისუფლეს უზარმაზარი ენერგია, რომელიც ქართველ ერშია. უზარმაზარი იმედი, იმედის ნაპერწკალი, რომელიც არის ყველა ქართველის თვალში, დღეს, როგორც არასოდეს, უნდა გადაიზარდოს პოზიტიურ ენერგიაში. ჩვენი შვილებისათვის პოზიტიურ ენერგიაში, რათა შევუქმნათ მათ ბევრად უკეთესი საქართველო. ისინი იმედის თვალით შემოგვყურებენ. ჩვენი შვილების თვალებში ჩავიხედოთ და მივხვდეთ, რას ელიან ისინი ჩვენგან და რამდენად კატასტროფული და ცუდი იქნება ჩვენგან მათი ნდობის არგამართლება.

დღეს მე ვხდები საქართველოს პრეზიდენტი. ჩემს პრეზიდენ ნტობას მე ვუძღვნი საქართველოს თავისუფლებისათვის დაღუპულ გმირებს, ჩემს პრეზიდენტობას მე ვუძღვნი საქართველოს მომავალ თაობებს, იმ ოცნებას, რომელიც მათ აქვთ და ამ ოცნებების ახდენას. ჩემს პრეზიდენტობას მე ვუძღვნი საქართველოს გამთლიანებას და გაძლიერებას.

ღმერთი იყოს ჩვენი სამშობლოს - საქართველოს მფარველი!

ინაუგურაცია / მიხეილ სააკაშვილის სიტყვა წარმოთქმული ფიცის დადების საზეიმო ცერემონიალზე // 24 საათი. - 2004. - 26 იანვარი. - N20 (569). - A1-A3 გვ.

ქალბატონებო და ბატონებო! ჩემო მეგობრებო! ჩვენ ვიმყოფ ფებით რუსთაველის გამზირზე, იმ ტაძარში, რომლის ირგვლივ ესროდნენ ერთმანეთს იმ მოვლენების დროს, რომლებიც განვითარდა 1991 წლის დეკემბერსა და 1992 წლის იანვარში.

ჩვენ ვიმყოფებით იმ ადგილას, სადაც ქართველები იმის მაგივრად, რომ ერთად გვებრძოლა ქვეყნის თავისუფლებისათვის, როგორც ეს 1921-სა და 1989 წლებში იყო, იმ დეკემბერ-იანვარში მტრის გასახარად ერთმანეთს იარაღით დაუპირისპირდნენ.

ჩვენ ვიმყოფებით იქ, სადაც ბევრის ცნობიერებაში დაითრგუნა ერთიანი საქართველოს ცნება და ქვეყნის მომავალს დიდი ხნით დაესვა წერტილი... მაშინ, როცა 80-ანი წლების ბოლოს ქართველი ერი ისე იყო შეკრული და ერთიანი, როგორც არასდროს. ყველანი ფრთაშესხმული ვიყავით იმით, რომ საქართველოსა და ბალტიის ქვეყნების ეროვნული მოძრაობები ერთიანი იყო, რამაც პრაქტიკულად დაშალა საბჭოთა კავშირი.

პირადად მე ყველა ერს სათანადო პატივს ვცემ, მაგრამ უნდა ითქვას, რომ საბჭოთა კავშირის დაშლის მთავარი მოქმედი პირი საქართველოს ეროვნულ-განმათავისუფლებელი მოძრაობა იყო.

ამას აღიარებს ყველა. მაშინ ჩვენ შემოგვნატროდნენ ლიტველები, ლატვიელები, ესტონელები, უკრაინელები, პოლონელები, ჩეხები...

მე მაშინ უკრაინაში ვიმყოფებოდი და კარგად მახსოვს, როგორ პატივს სცემდნენ ქართველებს იმის გამო, რომ საბჭოთა იმპერიასთან შერკინება პირველებმა ჩვენ წამოვიწყეთ...

მე კარგად მახსოვს, როდესაც ზვიად გამსახურდიამ საქართველოს დამოუკიდებლობა გამოაცხადა, ბებიაჩემის დამ, 85 წელს გადაცილებულმა თამარ აბაშიძემ ცხარე ცრემლით იტირა; მაშინ როცა არ უტირია, როცა მისი ძმა დახვრიტეს, როცა მამა გადაუსახლეს, არც მაშინ როცა მეუღლე გარდაეცვალა. მე ამის მომსწრე თავად ვიყავი. ეს იყო მრავალი თაობის განცდა, ოცნების ასრულება, რასაც თაობა თაობას გადასცემდა... მაგრამ ამის შემდეგ მოხდა ის მოვლენა, რომელიც მოამწიფა და შექმნა კომუნისტურმა რეჟიმმა. იგი დაფუძნებული იყო კონფორმიზმზე. პრაქტიკულად ჩამოაგდო შუღლი და აამხედრა სხვადასხვა ძალები კანონიერი ხელისუფლების წინააღმდეგ, გააერთიანა სხვადასხვა პოლიტიკურ ბანაკში მყოფი ქართველები, გამოიყენა მათი ცალკეული უთანხმოებანი რევანშისათვის და ქვეყნ ნის ხელში ჩასაგდებად. ის რაც განვითარდა 1991-1992 წლების მიჯნაზე, იყო კომუნისტური რევანში, ნომენკლატურული პოზიციების აღდგენა, მისი უარესი ნაწილის აღზევება, ხელახლა წარმოჩინება კანონიერი ქურდების და სხვა კრიმინალური ელემენტების განავარდება საქართველოს გასანადგურებლად და ხელში ჩასაგდებად, რასაც თან ახლდა ზოგიერთი მათგანის პრიმიტიულ სუბიექტად გარდაქმნა და ქართული საზოგადოების მმართველ ძალად ქცევა. პრაქტიკულად სახელმწიფოს დანაწევრება-გახლეჩა, პრინციპში, თითქმის განადგურება.

ყველაზე ტრაგიკული იყო საქართველოს პირველი პრეზიდენტის ზვიად გამსახურდიას ბედი, იმიტომ, რომ იგი შეეწირა თავის ოცნებას ისე, როგორც ათასობით ადამიანი შეეწირა თავის ოცნებას. ჩვენ უფლება არ გვაქვს პატივი არ მივაგოთ მათ ხსოვნას.

თითოეული ქართველის ვალია, რომ მოიხსენიებდეს სამშობლოსათვის თავდადებულ გმირებს, რომლებმაც შეძლეს ქვეყნისათვის თავდადების დემონსტრირება, რომ გადამწყვეტ მომენტში თავდადებაა გამოსავალი.

განსაკუთრებით უნდა გვახსოვდეს ის ადამიანები, რომლებიც შეეწირნენ ამ ბრძოლას, რომლებიც დასახიჩრდნენ ამ ბრძოლებში. როდესაც ჩვენ ვლაპარაკობთ მსხვერპლზე, უნდა გვახსოვდეს საპყრობილეებში მყოფნიც. ასეთები კიდევ არიან.

ჩვენ ეს ხალხი უნდა დავუბრუნოთ საზოგადოებას, პოლიტიკურ ცხოვრებას. ჩვენ გვჭირდება სამშობლოს მოყვარული, პატრიოტი ადამიანები. შევუნდოთ იმათაც, რომლებიც სცოდავდნენ იმ პერიოდში. ჩვენ აუცილებლად უნდა ვიზრუნოთ იმისათვის, რომ საზოგადოებამ შეძლოს თავისი ღირსების სრულად წარმოჩენა. ჩვენს გვერდით არიან ადამიანები, რომლებსაც არ მისცეს საშუალება მიეღოთ მონაწილეობა ქვეყნის აღმშენებლობაში. მათ შორის არიან მასწავლებლები, ექიმები, მეცნიერები... ეს ხალხი ჩვენს გვერდით დგას. არის ბევრი გადახვეწილი ქართველი, რომელიც კარგავს სამშობლოსთან შეხებას. მათ შორის არიან პატრიოტული სულის ადამიანები...

ქვეყანას სჭირდება სამშობლოზე შეყვარებული ადამიანები... მე არასოდეს დამავიწყდება ზუგდიდის ცენტრში, საოცრად დახვეწილი ინტელიგენტი ადამიანი, რომელმაც ბანდის ავტომატიან წევრს, იმ ბანდისა, რომელიც მშვიდობიანი ხალხის შეკრებას ესროდა, ჩამოჰგლიჯა სახიდან ნიღაბი. ეს ნახა მთელმა მსოფლიომ, ეს სიმბოლოა საქართველოს აღზევებისა და ამაღლებისა. ეს ქალბატონი გახლავთ ჩვეულებრივი ქართველი დედა, საზოგადოების წევრი, საოცრად ნატიფი, სუსტი აღნაგობის ადამიანი, რომელიც უშიშრად ეცა იარაღიან ყაჩაღს, როცა ძალადობამ და თავხედობამ უდიდეს უზნეობას მიაღწია.

განსაკუთრებული მუშაობა გვმართებს ქართულ ემიგრაციასთან. სასარგებლო მუშაობას ეწევიან კომისიები, რომელთა სათავეში დგანან ელდარ შენგელაია, კოტე კემულარია, განსაკუთრებით გურამ აბსანძის კომისია. მივიღეთ პრინციპული გადაწყვეტილებები ხალხის საპყრობილეებიდან გასათავისუფლებლად, და რაც შეიძლება მალე...

საბოლოოდ უნდა დაესვას წერტილი ზვიად გამსახურდიას მიმართ უსამართლო დამოკიდებულებას. შესაფერისი პატივი უნდა მივაგოთ ეროვნულ-განმათავისუფლებელი მოძრაობის ლიდერისა და საქართველოს პირველ პრეზიდენტს!

ჩემი წინადადებაა, მტკვრის მარჯვენა სანაპიროს დაერქვას ზვიად გამსახურდიას სახელი. მისი ნეშტი გროზნოდან ოჯახთან შეთანხმებებით და შესაფერისი პატივით მივაბაროთ მშობლიურ მიწას...

საქართველოს პრეზიდენტის მიხეილ სააკაშვილის 2004 წლის 26 იანვარს ქაშვეთის წმინდა გიორგის ეკლესიაში ეროვნული თანხმობის დეკლარაციაზე ხელმოწერისას წარმოთქმული სიტყვიდან // საქართველოს რესპუბლიკა. - 2004. - 27 იანვარი. - N21 (4750). - 1-2 გვ.

ბატონო პრეზიდენტო, ჩემთვის დიდი პატივია, მოგმართოთ სიტყვით აქ შეკრებილ მაღალ საზოგადოებას. ამ დარბაზში ბევრ ჩემს მეგობარს ვხედავ და მინდა, მათ მადლობა ვუთხრა საქართველოს მხარდაჭერისთვის ამ ბოლო პერიოდში. დარწმუნებული ვარ, რომ ევროკავშირის გაფართოების მიუხედავად, ევროგაერთიანებას მაინც შენარჩუნებული აქვს დიდი ფუნქციები, იმიტომ, რომ ის აერთიანებს არა მხოლოდ დასავლეთის, არამედ „მარშალის პაქტის“ ქვეყნებსაც. მე კმაყოფილი ვარ და მადლობელი თქვენი. თუ ადრე ჩემი ადგილი იყო იმ ტრიბუნასთან პრეზიდიუმში, ახლა უკვე ამ ტრიბუნასთან ვდგევარ და ჩემთვის დიდი პატივია წარმოვადგინო ჩემი ქვეყანა. მსურს დაგარწმუნოთ, რომ თქვენი მხარდაჭერა ფუჭი არ ყოფილა, რამდენადაც საქართველოსთვის დღეს ახალი ერის დასაწყისია, რეფორმების, სტაბილურობის, მთელ მსოფლიოში და ევროპაში ჩვენს მეგობრებთან პარტნიორობის განმტკიცების ერისა. შემთხვევითი არ არის, რომ ჩემი პირველი ვიზიტით საზღვარგარეთ, საქართველოს პრეზიდენტის რანგში, სწორედ სტრასბურგს, ევროპის ცენტრს ვეწვიე.

2003 წლის ნოემბერში ქართველი ხალხი აღდგა მისი ფუნდამენტალური უფლებების დასაცავად, რათა თავისუფალ და დემოკრატიულ ქვეყანაში ეცხოვრა, სადაც ხალხს გააჩნია ექსკლუზიური უფლებები, თავად აირჩიოს თავისი ლიდერები და თავად განსაზღვროს თავისი მომავალი. ეს მშვიდობიანი ვარდების რევოლუცია არ ყოფილა საქართველოს ეკონომიკური ან პოლიტიკური სტაგნაციით ინსპირირებული, არც ქვეყანაში მძვინვარე კორუფციით იყო გამოწვეული. ვარდების რევოლუცია - ეს იყო ევროპული ფასეულობების და ლიბელარული დემოკრატიის პირდაპირი მანიფესტაცია, ფასეულობების, რომელიც საქართველოს თვითმყოფადობისა და კულტურის საფუძველს წარმოადგენს, ფასეულობის, რაც ჩვეულია და გაზიარებულია თითოეული ქართველის მიერ. მშვიდობიანმა ვარდების რევოლუციამ შეტყობინება გაუგზავნა მსოფლიოს, რომ ქართველებს სურთ, ააშენონ და იცხოვრონ დამოუკიდებელ, დემოკრატიულ და სტაბილურ სახელმწიფოში, სადაც პატივს სცემენ, იცავენ და აფასებენ ადამიანის უფლებებს. უფრო მეტიც, ჩვენ - ქართველებმა მსოფლიოს დავანახეთ ჩვენი სიმამაცე და მიზანსწრაფულობა, რაც ასე აუცილებელია ამ ფუნდამენტური უფლებების დასაცავად და ეს ყველაფერი განხორციელდა ცივილიზებული ფორმით, მაშინ, როცა ჩვენ ყველანი დიდი საფრთხის წინაშე ვიდექით. მე მჯერა, რომ ქართული რევოლუცია იქცევა მოდელად მთელი რეგიონისთვის და გახდება კონკრეტული მაგალითი იმისა, თუ ყოფილი საბჭოთა კავშირის რესპუბლიკებს როგორ შესწევთ უნარი, დემოკრატიული და მშვიდობიანი ცვლილებები გაატარონ. წარმატება საქართველოში ნიშნავს წარმატებას მთელს რეგიონში. თუმცა, თუ საქართველო წააგებს, ეს იქნება მარცხი მთელი რეგიონისთვის. თუნდაც ამ მიზეზით, ჩვენ დღეს უნდა გამოვიყენოთ ყველა შესაძლებლობა, რათა უკვე ხვალ მთელი რეგიონის ბედი შევცვალოთ. დღეს მე უზომოდ ამაყი ვარ ჩემი ხალხით, ხალხით, რომელმაც დიდი ნდობის მანდატით აღმჭურვა, რათა საქართველო მის დამსახურებულ ადგილას დავაბრუნო, როგორც პასუხისმგებელი წევრი დემოკრატიული ევროპის ქვეყნების თანამეგობრობისა.

დავოსიდან დაბრუნების შემდეგ, ჩემზე დიდი შთაბეჭდილება მოახდინა გლობალიზაციის ძალამ და იმ სისწრაფემ, რომლითაც ინფორმაცია მთელს მსოფლიოში ვრცელდება, რასაც მოვლენების განვითარებასა და მათ შედეგებზე უდიდესი გავლენა გააჩნია. ვარდების რევოლუცია არა მხოლოდ ტრანსლირებული იყო პირდაპირ ეთერში მთელი მსოფლიოს დასანახად, არამედ, შესაძლოა ეს რევოლუცია წარმატებით არც დასრულებულიყო, რომ არ არსებულიყო ჩვეულებრივი მობილური ტელეფონები. სწორედ ამ კუთხით, დავოსის გამოცდილება მართლაც გლობალურ გადმოსახედს წარმოადგენს გლობალური პერსპექტივებით. ამ საკითხებზე საუბრისას, დარწმუნებული ვარ, რომ საქართველოს მსგავს მცირე ქვეყნებს მართლაც წაადგებათ, ის ჩვენ იმ სპეციალურ საშუალებებს მოგვცემს, რომლებიც ჩვენთვის სხვა მხრივ ხელმისაწვდომი არ იქნებოდა. ამასთან, გლობალიზაცია საკმაოდ ეკლიანი თემაა, რომელმაც შესაძლოა საფრთხე შეუქმნას ჩვენს კულტურულ თვითმყოფადობას, ეს ის ფენომენია, რაც აუცილებლად გასათვალისწინებელია. ჩვენ უნდა გამოვიმუშაოთ უნარი, ვიაზროვნოთ გლობალურად და ვიმოქმედოთ ადგილობრივი იდეებით, რათა დღევანდელი მსოფლიოსგან ყველაფერი საუკეთესო ავიღოთ, ჩვენი საკუთარი თვითმყოფადობის და რეალობის დაუკარგავად. ამ თემაზე საუბრისას ჩემთვის და ყველა ქართველისთვის ნათელია, რომ ჩვენი თვითმყოფადობა ფუნდამენტურად ევროპულია. დღეს საქართველო საბოლოოდ დგას შინისკენ მიმავალ გზაზე, კიდევ ერთხელ ახდენს რა ევროპასთან ინტეგრირებას, რომელთან ერთადაც საქართველო იზიარებს საერთო ფასეულობებს და საერთო ისტორიას.

მართლაც, სამიოდე დღის წინ, ჩემი ინაუგურაციის დღეს, საქართველოს ახალი სახელმწიფო დროშის აღმართვის შემდეგ, ჩვენ ევროკავშირის დროშაც აღვმართეთ და ევროკავშირის ჰიმნიც შესრულდა. აქ პიართან ნამდვილად არ გვაქვს საქმე. ეს გახლდათ გამოხატულება იმისა, რაც ყველა ქართველს ესმის, რომ საქართველოს და მთელ ევროპას საერთო ისტორია აქვს. ამ კავშირის განსამტკიცებლად, ევროპას მეტის გაკეთება სჭირდება, რათა უზრუნველყოფილი იყოს მომავალი თაობების კეთილდღეობა და სტაბილურობა, რადგან საქართველოს როგორც შესწევს ძალა, წამყვანი როლი ითამაშოს ევროპის კეთილდღეობის და სტაბილურობის საქმეში, მას ასევე არასტაბილურობის წყაროდ ქცევის საშიშროებაც დაემუქრება, თუკი საქართველო ევროპის გარეთ აღმოჩნდება მიტოვებული.

ჩემი ხედვა საქართველოს როლისა ევროპაში - ეს არის პარტნიორი, მოკავშირე და ევროპის წევრი. ჩვენი ერთადერთი ამბიცია დღეს ევროკავშირის სრულუფლებიან წევრად გახდომაა. ჩემი აზრით, ვარდების რევოლუციამ ნათლად აჩვენა არა მხოლოდ ის, თუ ვინ არიან ქართველები, არამედ ისიც, რომ ჩვენ მზად ვართ პირველი გაბედული ნაბიჯის გადასადგმელად. დღეს მე თხოვნით მოგმართავთ, შემდეგი ნაბიჯი ერთად გადავდგათ და ვცნოთ საქართველოს წევრობა უფრო ფართო ევროპის ფარგლებში. მე ვესაუბრე ბატონ სოლანას და ბატონ პროდის თბილისში, ჩვენ გვექნება საუბარი ბრიუსელში და ამ თემებს მომავალშიც დაწვრილებით შევეხებით. ჩემი ხელმძღვანელობით, საქართველო გარდაიქმნება ერად, რომელიც ცნობილი იქნება ინვესტიციების ჩადებით ადამიანების განათლებაში, გახდება კონკურენტუნარიანი მთელ მსოფლიოში; იგი იქნება გლობალიზაციის პროცესის მონაწილე. ჩვენ ვართ ევროპელები და გვაქვს ჩვენთვის განკუთვნილი სპეციალური ადგილი ევროპაში. ჩვენი ქვეყანა გააძლიერებს დემოკრატიას, რაც შექმნის მოდელს, როგორც ქვეყნის შიგნით, ისე მთელ რეგიონში. საქართველო უნდა იქცეს ასპარეზად ეფექტური და პასუხისმგებელი მთავრობისთვის, სადაც მოუსმენენ და გაითვალისწინებენ თითოეული ქართველის ხმას; სადაც დაიცავენ ადამიანის უფლებებს; საქართველო გახდება გაერთიანებული და შეკავშირებული ერი, რომელიც მაქსიმალურად გამოიყენებს თავის გეოსტრატეგიულ მდებარეობას, დაიწყებს რეგიონულ ეკონომიკურ განვითარებას, ხელს შეუწყობს ევროპის უსაფრთხოებას, დიდ ყურადღებას დაუთმობს კულტურათა გზაჯვარედინზე მდებარე ქვეყნის კულტურის თავისებურებას. საქართველოს სახელმწიფო იქნება მოკავშირე ყველა მისი მეგობარი მეზობლისთვის.

არის მოსაზრება, რომ ჩვენ უნდა ვიყოთ ან პროამერიკული, ან პრორუსული. მას შემდეგ, რაც მე გავხდი საქართველოს პრეზიდენტი, პრესაში, განსაკუთრებით რუსულ პრესაში, გაჩნდა პუბლიკაციები - შეხედეთ, საქართველოს ახალი პრეზიდენტი ჰყავს, რომელიც პროამერიკულად არის განწყობილი. და ეს მხოლოდ იმიტომ, რომ მე განათლება აშშ-ში მაქვს მიღებული. ჯერ არასოდეს მითქვამს და ახლა ვიტყვი, რომ ასეც ამბობენ - შეხედეთ, მას ჰოლანდიელი მეუღლე ჰყავს და, ფაქტობრივად, ის არის ევროპული ორიენტაციის პიროვნება. მე ძალიან მიყვარს რუსული კულტურა და რუსი ხალხი, ძალიან მიყვარს პეტერბურგი. მაგრამ რა დასკვნა შეიძლება გავაკეთოთ აქედან? მე არ მინდა დავკარგო კარგი ურთიერთობა რუსეთთან. მე მტკიცედ მაქვს გადაწყვეტილი, რომ არ ვიყო არც პროამერიკული და არც პრორუსული, მე ვარ პროქართული და ამავე დროს ვარ ევროპელი და ამით ვამაყობ.

ნათელია ასევე, რომ ჩვენთვის აუცილებელია არა მხოლოდ საგარეო პოლიტიკის წარმართვა, არამედ - ბრძოლა კორუფციასთან. რაც გავაკეთეთ, დამოუკიდებლობის არსებობის რამდენიმე წელიწადში, არასაკმარისია. ჩემი წინამორბედის გამო, მოხდა ისე, რომ ძალიან ბევრი კორუმპირებული მოხელე მოხვდა მთავრობაში. ჩვენ რამდენიმე ასეთი კორუმპირებული ადამიანი დავაპატიმრეთ. ეს არ ნიშნავს, რომ ჩვენ შური ვიძიეთ წინა მთავრობაზე ან მის ცალკეულ წარმომადგენლებზე. გვსურს მოქალაქეებს ვუჩვენოთ, რომ კანონის დარღვევისთვის ყველა დაისჯება. ჩვენი მიზანია, აღმოვფხვრათ კორუფციის სისტემა და მოვიცილოთ ის ხალხი, რომელიც დისკრედიტაციას უწევს მთელ სახელმწიფოს. საქართველოში ძალიან კარგი კანონები გვაქვს, ძალიან ბევრი მათგანი ევროსაბჭოს დახმარებითაა შექმნილი, მაგრამ არც ერთი არასოდეს გატარებულა რეალობაში, რადგან გარკვეული ინტერესების მქონე ჯგუფებს ეს ხელს არ აძლევდა. ახლა ვცდილობთ, შევზღუდოთ ასეთი ჯგუფები და, იმავდროულად, გავზარდოთ ადამიანთა ხელფასები, გავატაროთ ფუნდამენტური რეფორმები, რომელიც აუცილებელია ჩვენი ქვეყნისთვის. უნდა ვთქვა, რომ ჩვენ მხარს გვიჭერს ჩვენი ხალხი, რომელიც გვერდში გვიდგას. ამავე დროს, ჩვენ გვყავს ხალხი, რომელსაც ძალიან ბევრი ფული აქვს, გვაქვს საერთაშორისო კავშირები, სხვა რესურსები და გადავწყვიტეთ, რომ ის შესაძლებლობები, რომლებიც არსებობს კორუმპირებული ხალხისთვის, შევამციროთ და მათ არ მივცეთ საშუალება კორუფციის განვითარებისათვის. ამავე დროს, უნდა ავღნიშნო, რომ ჩვენ ვსარგებლობთ ჩვენი ფუნდამენტური იურიდიული ბაზით. ძალიან კარგი იურიდიული საკანონმდებლო ბაზა გვაქვს საქართველოში, ეს ქართველი ხალხის დამსახურებაა.

უნდა შევქმნათ უფრო მოქნილი საგადასახადო პოლიტიკა, რაც დაეხმარება კერძო ინდივიდებს, გაიუმჯობესონ მდგომარეობა. გარდა ამისა, ეს დაემატება ჩვენს გეოპოლიტიკურ მდებარეობას და ხელსაყრელ მდგომარეობას შექმნის ქვეყანაში.

ჩვენ გვინდა, მშვიდობიანად გადავწყვიტოთ შიდა კონფლიქტები, ეს ეხება აფხაზეთსა და სამხრეთ ოსეთს. მინდა ავღნიშნო, რომ სიღარიბე ჩვენი ქვეყნის სირცხვილია. ეს გამოწვეულია არასწორი მართვითა და კორუფციით. უნდა გამოვიყენოთ ოლიგარქების ტიპის ბიზნესმენები, რომელთაც საქართველოში რაღაცის შეცვლა შეუძლიათ. არიან ადამიანები, რომლებიც გვეუბნებიან, თქვენ არ უნდა აიღოთ ასეთი ხალხისგ გან ფული, თქვენ მათ საქმიანობაში ხელი არ უნდა შეუწყოთო. ხალხს უნდა, რომ ქვეყანაში ვითარება შეიცვალოს, გვინდა, რომ საქართველოში შემოვუშვათ საერთაშორისო ბაზარი, თავისუფალი გავხადოთ ჩვენი ეკონომიკა.

ჩვენ ვცდილობთ, რეფორმები გავატაროთ ჩვენს მთავრობაში, ადგილობრივი მმართველობის სისტემებში. ამავე დროს, ვცდილობთ, დავუბრუნდეთ ჩვენს ურთიერთობებს სხვა ქვეყ ყნებთან. საქართველოს ძალიან კარგი და დიდი ხნის ურთიერ რთობა აქვს აშშ-სთან. აშშ-მა იმაზე მეტი დახმარება გაგვიწია, ვიდრე ველოდით. განსაკუთრებით დაგვეხმარა მთელი მსოფ ფლიო, რასაც ვერასოდეს დავივიწყებთ. ასევე, ურთიერთობები და პარტნიორობა გვქონდა რუსეთთან. ფაქტობრივად, რუსეთის ფედერაციამ ნეგატიური როლი შეასრულა საქართველოში, განსაკუთრებით - დამოუკიდებლობის პირველ წლებში. გავიხსენოთ აფხაზეთი. ეს არ იყო სეპარატისტული მოძრაობა. ეს იყო რუსეთის ჩარევა და მცდელობა, დაესაჯა საქართველო დამოუკიდებლობისკენ სწრაფვისთვის. ამის შედეგად მივიღეთ რუსეთის სამშვიდობო ჯარების შემოსვლა აფხაზეთში. მაგრამ ეს არ იყო სამშვიდობო ჯარები, არამედ ეს იყო ჯარები, რომლებიც იმპერიას უჭერდნენ მხარს. მათ სულაც არ ჰქონდათ სურვილი, რომ რეგიონში სიმშვიდე შემოეტანათ. ვხედავ, რომ ეს ტენდენცია ნელ-ნელა იცვლება; ეს არის რუსეთის ხელისუფლების და მთავრობის დამსახურება; ეს არის ახალი მიდგომა საქართველოსადმი. რუსეთიდან განსხვავებული ხმები მოდის. ჩვენ ძალიან პატარა ქვეყანა ვართ, ძალიან რთული გეოპოლიტიკური მდებარეობა გვაქვს და ვცდილობთ, გადავრჩეთ. თანახმა ვარ, გავაუმჯობესოთ ურთიერთობები რუსეთთან, ვიმეგობროთ რუსეთთან და პრეზიდენტ პუტინს ხელი ჩამოვართვა, როდესაც მას რუსეთში ვეწვევი. ეს სტრატეგია რთულია. რუსეთს ჯერ კიდევ არ შეუსრულებია ის საერთაშორისო ვალდებულება, რომელიც საქართველოდან ჯარების გაყვანას ეხება. მე მესმის მათი; არ უნდა დავივიწყოთ ის ვითარებაც, რაც რეგიონშია შექმნილი. კიდევ ერთხელ მინდა გამოვთქვა ჩემი მზადყოფნა და ღრმა პატივ ვისცემა. ვფიქრობ, რომ ჩემი გეგმები შესრულდება.

რა თქმა უნდა, გარდა ჩამოთვლილისა, ძალიან ბევრი პრობლემა გვაქვს და ეს პრობლემები საკმაოდ რთულია. არავინ ელოდა, რომ ეს რევოლუცია უსისხლოდ ჩაივლიდა. გახსოვთ, ალბათ, ეს რევოლუცია ძალიან ბევრი ტელევიზიის მიერ გადაიცა. არავის სჯეროდა, რომ რევოლუცია პოლიციისა და ჯარების ჩარევის გარეშე ჩაივლიდა. ჩვენ ყველა მონაწილეს მოვუწოდებდით, დამორჩილებოდნენ კანონს. ჩვენმა მოწოდებამ გაამართლა და ყველაფერმა მშვიდობიანად ჩაიარა. ჩვენ მოვახერხეთ, გადაგვეტანა გარდამავალი პერიოდი. ფაქტობრივად, არც ერთ ქვეყანას ასეთი გარდამავალი პერიოდი საშუალებას არ აძლევს, ისწავლის, როგორ უნდა გაუმკლავდნენ იმ პრობლემებსა და კონფლიქტებს, რომელიც მათ აქვთ. ეს ყველაფერი დამოკიდებულია მთავრობისა და ხელისუფლების რეფორმირებაზე. ქართველებმა იციან, თუ რა უნდა გაკეთდეს. ჩვენ ვიცით, რომ ყველაფერი ძალიან ორგანიზებულად უნდა გაკეთდეს და ამისთვის ხალხის თანადგომა გვესაჭიროება. ეს ყველაფერი სტაბილურ პროცესში უნდა წარიმართოს და დემოკრატიუ ული პრინციპები უნდა გავატაროთ.

ჩემს პრეზიდენტობას ვუძღვნი ქართველ ხალხს და ყველა იმ ადამიანს, რომელიც იღწვოდა და თავი შესწირა ჩვენს თავისუფლებას და საქართველოს მომავალ თაობას, რომელმაც უნდა შექმნას საქართველოს მომავალი.

დღეს მე თქვენს წინაშე ვდგავარ და წარმოვადგენ მტკიცე და ურყევ გადაწყვეტილებას ქართველებისა, რომ საქართველო ვაქციოთ ევროპის სრულფასოვან წევრად. ეს არ არის მხოლოდ იმ ქართველების ოცნება, რომლებიც დღეს ცხოვრობენ საქართველოში, არამედ მათი ოცნებაცაა, ვინც საქართველოს ფარგლებს გარეთ იმყოფება და ოცნებაა იმ ქართველებისაც, ვინც მე დღეს თან ჩამომყვა. მინდა მოვუწოდო საზღვარგარეთ მცხოვრებ ქართველებს, დაბრუნდნენ საქართველოში და დაგვეხმარონ, შევქმნათ კარგი გარემო ქვეყანაში. მე მინდა ეს ყველაფერი გავაკეთო ჩვენი ევროპელი მეგობარი ქვეყნების დახმარებით, ერთად მუშაობის წყალობით. დარწმუნებული ვარ, ჩვენი პარტნიორობა არა მხოლოდ გაღრმავდება, არამედ წარმატებასაც მივაღწევთ.

დიდი მადლობა ყურადღებისთვის.

სტრასბურგი. 2004 წლის 28 იანვარი

საქართველოს პრეზიდენტის მიხეილ სააკაშვილის გამოსვლა ევროპის საბჭოს საპარლამენტო ასამბლეის ზამთრის სესიაზე // 24 საათი. - 2004. - 29 იანვარი. - N23. - A6 გვ.

საქართველოს პრეზიდენტად მიმდინარე წლის იანვარში არჩეული მიხეილ სააკაშვილი, რომელიც გასული წლის შემოდ დგომის მიწურულს სახელმწიფოს ყოფილი ლიდერის ედუარდ შევარდნაძის წინააღმდეგ უსისხლო ამბოხებას ხელმძღვანელობდა, დავოსის მსოფლიო ეკონომიკურ ფორუმზე ყურადღებ ბის ცენტრში აღმოჩნდა.

მას ინტერვიუ ჩამოართვა შვეიცარიული გაზეთის „ნიუე ციურხერ ცაიტუნგის“ ჟურნალისტმა რაინჰარდ მაიერმა. გთავაზობთ ამ ინტერვიუს.

- პრეზიდენტო სააკაშვილი, დავოსში თქვენ მონაწილეობდით ეკონომიკური და პოლიტიკური ხასიათის მრავალრიცხოვან შეხვედრებში, მათ შორის რუსეთის წარმომადგენლებთ თანაც. რა მიგაჩნიათ საკუთარი თავისთვის ამ შეხვედრებში ყველაზე მნიშვნელოვნად?

- დასაწყისისთვის, დავოსში ჩამოსულმა, მე ვიგრძენი, რომ დღეს საქართველოში მიმდინარე მოვლენებისადმი დიდი ინტერესი არსებობს. ეს კარგი შანსია ჩვენთვის და უნდა გამოვიყენოთ.

- დავოსში ხშირად იმეორებდნენ თქვენს გამონათქვამს იმის შესახებ, რომ თქვენი წინამორბედი შევარდნაძე ხშირად რუსეთს მტრის სახის შესაქმნელად იყენებდა, თქვენ კი გსურთ, რუსეთი საქართველოს მეგობარი გახდეს.

- სრული სიმართლეა. შევარდნაძემ მთელ მსოფლიოში გაითქვა სახელი, მაგრამ მისი საშინაო პოლიტიკური პოზიციები სუსტი იყო. მართლაც, რუსეთმა ზოგიერთ პოზიციაში ზიანი მიაყენა საქართველოს ინტერესებს. მაგრამ რუსეთი ჩვენი მეზობელია, ჩვენ საერთო კულტურა და ზოგიერთ საკითხში საერთო ინტერესები გვაქვს. შევარდნაძე თავისი მმართველობის ბოლო ეტაპზე ზოგჯერ რუსეთის პროვოცირებასაც ახდენდა, რათა ქვეყნის შიგნით პოლიტიკური ქულები დაეგროვებინა.

- იმავდროულად, მიღწეულია შეთანხმება პრეზიდენტ პუტინთან თქვენი შეხვედრის შესახებ, რომელიც ინაუგურაციის შემდეგ უნდა გაიმართოს. უკვე ესაუბრეთ პუტინს?

- დიახ. შეხვედრა შეთანხმებულია, მაგრამ მე, პირადად, ჯერ არ მისაუბრია პუტინთან, პრეზიდენტ ბუშისა და სახელმწიფოთა ზოგიერთი სხვა მეთაურისაგან განსხვავებით, რომლებმაც არჩევნებში გამარჯვების შემდეგ დამირეკეს. პუტინმა მოგვიანებით გამოგზავნა მილოცვა. ამას ჩემზე არ უმოქმედია, მაგრამ მაინც მიანიშნებს, რომ ჩვენს ურთიერთობებში გარკვეული სირთულეები რჩება. ჩვენ მათ გადაწყვეტას უნდა ვეცადოთ. რა თქმა უნდა, მე მოსკოვში ჩავალ.

- რა დამოკიდებულება აქვთ ქართველებს რუსულ ენასთან?

- რუსული ენა ჩვენთვის დიდი ხნის განმავლობაში მეორე ენას წარმოადგენდა, ზოგიერთისთვის - მშობლიურსაც კი. მაგრამ ახლა მდგომარეობა იცვლება. კულტურული კავშირები აღარ არის ისეთი, როგორიც წარსულში იყო, კერძოდ, იმიტომ, რომ ჩვენ უკვე აღარ მიგვიწვდება ხელი რუსეთის ბაზარზე, იმავდროულად, პოზიციებს იმტკიცებს ინგლისური ენა.

- რამდენად არის დამოკიდებული საქართველო რუსული ენერგომატარებლების მიწოდებაზე?

- ამჟამად ჩვენ მათზე ძალიან ვართ დამოკიდებული, მაგრამ მალე ექსპლუატაციაში შევა ახალი მილსადენი ბაქოდან თბილისის გავლით ევროპის მიმართულებით. ამით ჩვენი ენერგომომარაგება აღარ იქნება მონოპოლიური. დავოსში მეტად საინტერესო საუბარი მქონდა ანატოლი ჩუბაისთან, რუსული ენერგეტიკული კონცერნის რაო „ეესის“ თავმჯდომარესთან. რაო „ეესმა“ მცირე ხნის წინ ძველი მფლობელებისაგან, ამერიკელებისაგან ჩვენი ქვეყნის წამყვანი ენერგომიმწოდებელი ქართული საწარმო იყიდა. ამერიკელმა მფლობელებმა ჩვენს ქვეყანაში გამეფებული კორუფციის გამო ვერ შეძლეს საქმის ფეხზე დაყენება. ჩვენ მივესალმებით რუსეთის ინვესტიციებს საქართველოში, ოღონდ იმ შემთხვევაში, თუ არ მოხდება კაპიტალის „პოლიტიზაცია“ ანუ თუ მას პოლიტიკური ზეგავლენის სათვის არ გამოიყენებენ.

- რა გავლენას ახდენს საქართველო ჩეჩნეთის კონფ ფლიქტზე?

- ჩეჩნეთის კონფლიქტი დიდი პრობლემაა მთელი კავკასიის რეგიონისათვის და ეს პრობლემა ისლამისტი აქტივისტების შეღწევასთან ერთად გამწვავდა. 2001 წლის 11 სექტემბრამდე ავღანური ნარკოტიკებით ვაჭრობით მიღებული სახსრები რეგიონულ ტერორისტულ ორგანიზაციებს მიეწოდებოდათ. მე დიდი სიმპათიით ვარ განწყობილი ჩეჩენი ხალხის მიმართ, რომელსაც საშინელი უბედურების გადატანა მოუხდა. მიუხედავად ამისა, შეუძლებელია ექსტრემისტული ელემენტების მიერ განხორციელებული ტერორისტული აქტების გამართლება. რეალურად მშვიდობიანი გადაწყვეტილების მოძებნა შეიძლება მხოლოდ იმ შემთხვევაში, როდესაც მოსახლეობის უმეტესობისათვის ცხოვრების პირობები მისაღები გახდება.

არავინ დავობს, რომ ეს კონფლიქტი საქართველოსაც უქმნის პრობლემებს, რადგან ჩეჩნეთი გეოგრაფიულად ჩვენს ქვეყანასთან უფრო ახლოსაა, ვიდრე მოსკოვთან. ჩვენ მზად ვართ რუსეთთან თანამშრომლობისათვის ამ პრობლემების გადაწ წყვეტის მიზნით. ჩვენ შევთავაზეთ მას საზღვრის ერთობლივი პატრულირება ან სპეცსამსახურების მიერ მიღებული ინფორმაციის გაცვლა.

- საქართველომ უნდა მიაღწიოს შეთანხმებას სამ სეპარატისტულ რეგიონთან - აფხაზეთთან, სამხრეთ ოსეთთან და აჭარასთან. ამ კონფლიქტებიდან რომელი მიგაჩნიათ ყველაზე უფრო ძნელად გადასაწყვეტად?

- საკუთრივ, ჩვენ ორი სეპარატისტული რეგიონი გვაქვს. აჭარის პრობლემა რუსული პროპაგანდის მიერ არის გამოგონილი. მართალია, აჭარის ხელმძღვანელი აბაშიძე მე ვერ მიტანს, მაგრამ მოსახლეობის 80%25-მა ამირჩია. პრობლემა უფრო პოლიტიკური პარტიის ხელმძღვანელებს შორის არსებობს. ინაუგურაციის შემდეგ მე ბათუმსაც ვეწვევი, აჭარის დედაქალაქს.

სამხრეთ ოსეთი ძალიან პატარა ოლქია. საქართველოს მთავრობა აკონტროლებს მისი ტერიტორიის 60 პროცენტს. მაგრამ ჩვენ არ ვაკონტროლებთ რუსეთთან საზღვარს. საქმე ამ კონფლიქტში ძირითადად კონტრაბანდის პრობლემას ეხება. ჩვენ ადამიანებს უნდა დაველაპარაკოთ და მოვილაპარაკოთ სასაზღვრო ვაჭრობის კანონიერი ფარგლების შესახებ.

აფხაზეთი გაცილებით სერიოზული პრობლემაა. ოლქს რუსი გენერლები აკონტროლებენ. იგი ღიაა ნარკოტიკების კონტრაბანდისა და სხვა არალეგალური საქმიანობისათვის. ერთი მხრივ, აფხაზეთის კონფლიქტი ორმხრივ, რუსეთ-საქართველოს საქმეს წარმოადგენს. მეორე მხრივ - ჩვენ უნდა ვესაუბროთ აგრეთვე აფხაზეთის მოსახლეობას, რადგან მოსახლეობაში სეპარატისტული განწყობილება არსებობს. ერთი მხრივ, აფხაზური საკითხი ოთხმოცდაათიანი წლების რუსეთ-საქართველოს ომის შედეგად წარმოიქმნა, მეორე მხრივ, იგი ეთნიკური კონფლიქტის შედეგია.

- ხედავთ თუ არა რუსეთის მხრიდან სერიოზულ მზადყოფნ ნას აფხაზეთის პრობლემის გადაჭრის თვალსაზრისით?

- არა, ჯერჯერობით არა. პუტინის მხრიდან შეიძლება გარკვეული პრაგმატული თავშეკავების შენიშვნა, რადგან მას არ სურს ამ პრობლემაში სერიოზულად ჩაფლობა. ჩვენ მივესალმებით ასეთ სიგნალებს. გარდა ამისა, მიმდინარეობს გაეროს გენერალური მდივნის, კოფი ანანის მიერ ინიცირებული სამშვიდობო პროცესი. ამ პროცესის მხარდაჭერა დავალებული აქვს შვეიცარიელ დიპლომატს ჰაიდი ტაგლიავინის. იგი ძალიან ნიჭიერი დიპლომატია და მე ვუთხარი კოფი ანანს აქ, დავოსში, რომ ჩვენ ძალიან ვაფასებთ მის საქმიანობას. მაგრამ აფხაზეთის პრობლემაში რეალური პროგრესის მისაღწევად საჭიროა რუსეთთან თანამშრომლობის განმტკიცება.

- საქართველომ შვეიცარიას სთხოვა იმ ანგარიშების ბლოკირება, რომელზეც შეიძლება თქვენს ქვეყანაში კორუფციული მაქინაციებით მიღებული ფული ინახებოდეს. თუ გადაიდგა ამ მიმართულებით კონკრეტული ნაბიჯები?

- სამწუხაროდ, არა. ჩვენ დამატებითი ინფორმაციის წარდგენა გვთხოვეს. ჩვენ ვშიშობთ, რომ ამასობაში ამ ფულს კიდევ სადმე გადაიტანენ.

- არსებობს თუ არა ამის წანამძღვრები?

- არა, მაგრამ მე ეს შესაძლებლად მიმაჩნია, რადგან, თუ ცნობილი ხდება, რომ მიმდინარეობს სხვა ქვეყანაში არალეგალური სახსრების ძებნა, უნდა გავითვალისწინოთ ისიც, რომ მფლობელები შეეცდებიან იქიდან თავიანთი კაპიტალის გატანას. მიუხედავად ამისა, მე შვეიცარიის დახმარების იმედი მაქვს და ამის შესახებ დავოსში ფედერალურ პრეზიდენტ დაიესს ვესაუბრე. საქართველოდან საზღვარგარეთ ძალიან ბევრი „ჭუჭყიანი“ ფული გავიდა, კერძოდ, ენერგეტიკულ სექტორში კრიმინალური გარიგებების, სახელმწიფო ბიუჯეტით მანიპულაციების, აგრეთვე იარაღით და ნარკოტიკებით არალეგალური ვაჭრობის შედეგად მიღებული სახსრები.

- თქვენ ხაზს უსვამთ, რომ გადაწყვეტილი გაქვთ საქართველოში მზარდი კორუფციის ალაგმვა. რა პრაქტიკულ ღონისძიებებს გეგმავთ?

- უპირველეს ყოვლისა, კორუფციის ბრალდებებით ჩვენ უკვე დავაპატიმრეთ რამდენიმე წამყვანი ფიგურა, მაგალითად, ენერგეტიკის მინისტრი და საქართველოს რკინიგზების ხელმძღვანელი. იმავდროულად, ჩვენ უნდა მოვახდინოთ კორუფციის ინსტიტუციური მიზეზების ლიკვიდაცია. საგადასახადო და საბაჟო ორგანოებიდან დავითხოვეთ ზედმეტი, ცუდი ანაზღაურების მქონე თანამშრომლები. ისინი ვინც დარჩა, მეტს მიიღებენ. იმისათვის, რომ მათ უკეთ გადავუხადოთ, გაეროს განვითარებ ბის კომისია, აგრეთვე ფინანსისტი ჯორჯ სოროსი დაგვპირდნენ სპეციალური ტრასტული ფონდის შექმნას და მასში თითოეული მილიონ დოლარს გადარიცხავს. ამ ფონდს გაეროს განვითარების ფონდი უხელმძღვანელებს. ვიმედოვნებ, რომ ამ დახმარების ფონდში სხვა სახსრებიც შემოვა.

- დასავლეთში მუშაობის და სწავლის დროს მიღებული რომელი პოლიტიკური გამოცდილებაა თქვენთვის ყველაზე მნიშვნელოვანი?

- მთავარია, რომ ამ გამოცდილების საფუძველზე უკეთ გესმის საბაზრო ეკონომიკა და მასში სახელმწიფოს როლი, განსაკუთრებით, საბჭოთა სისტემასთან შედარებით.

- თქვენ აღნიშნეთ საქართველოს ნატოში, შემდეგ კი ევროკავშირში ინტეგრაციის სურვილი.

- დიახ, მაგრამ, ცხადია, მესმის, რომ ამისათვის ჩვენს ქვეყანაში ბევრი რამ უნდა შეიცვალოს. ეს ცვლილებები შესაძლებელია. მე დავოსში ლატვიის პრემიერ-მინისტრს შევხვდი. 1992 წელს ლატვიასა და საქართველოში ერთ სულ მოსახლეზე შემოსავალი ჯერ კიდევ თანაბარი იყო, ახლა კი მათი შემოსავალი ექვსჯერ უფრო მეტია და ახლო მომავალში ლატვია ევროკავშირის წევრი გახდება. მე ვერ ვხედავ მიზეზებს, რატომ არ შეიძლება, საქართველომაც იმავე წარმატებებს მიაღწიოს. ჩვენს ქვეყანას წარსულში ძალიან ცუდად მართავდნენ, მაგრამ, კულტურის თვალსაზრისით, ჩვენც ისეთივე ევროპული ქვეყანა ვართ, როგორიც ლატვიაა.

- როგორია თქვენი დამოკიდებულება ყოფილ პრეზიდენტ შევარდნაძესთან?

- მე მასთან აღარ მაქვს პირადი ურთიერთობები. ხალხი საქართველოში შევარდნაძეს აუმხედრდა. მისი მმართველობის განმავლობაში ჩვენ განვითარების ბევრი შესაძლებლობა დავ ვკარგეთ. მე შევარდნაძესთან წარსულში მეგობრული ურთიერთობა მქონდა, ერთ დროს მისი მთავრობის წევრი ვიყავი. იმედი მქონდა, რომ იგი უარს იტყოდა ძველ, კომუნისტურ ნომენკლატურულ სისტემაზე, მაგრამ ეს იმედები არ გამართლდა.

- შევარდნაძეს რაიმე ბრალდებებს თუ წაუყენებენ?

- საქართველოში ზოგი აყენებს ამ საკითხს, მაგრამ მე იგი კარგ იდეად არ მიმაჩნია.

ავტ. გენადი თვაური

ვშიშობ, შვეიცარიიდან მოპარულ ფულებს ქართველები სხვაგან გადაიტანენ // ახალი თაობა. - 2004. - 1 თებერვალი. - N30 (2964). - 7 გვ.

„საქართველო სუფთა ჰაერია ყველა ადამიანისათვის,
ვისაც თავისუფლება უყვარს“

გაცნობა.

მადლობას მოგახსენებთ აქ მობრძანებისთვის ყველას - მე აქ ვხედავ ბევრ ნაცნობ სახეს.

ეს სახეები იმ დროს მაგონებს, რომელიც ვაშინგტონში გავატარე.

მადლობას მოვახსენებ ასევე ამ ღონისძიების ორგანიზატორებს - საერთაშორისო კვლევების სასწავლებელი არის სრულყოფილი განათლებისა და სწავლების უდიდესი და გლობალური ლიდერი ინსტიტუტი. მას საამაყო და ბრწყინვალე ტრადიცია აქვს საერთაშორისო განათლებისა და ერუდიციის თვალსაზრისით გლობალური მასშტაბით როგორც ჩვენს რეგიონში ისე მთელ მსოფლიოში. მაქვს პატივი აქ ვისაუბრო.

მადლობელი ვარ დოქტორ ზბიგნევ ბზეჟინსკის, რომელმაც ჩემი რწმენით, სათავე დაუდო სანიმუშო საჯარო სამსახურის ხელმძღვანელობისა და საერთაშორისო დონის აზროვნების სტადარტებს.

მე ასევე მსურს განსაკუთრებული მადლობა ვუძღვნა ეროვნულ დემოკრატიულ ინსტიტუტს, რომელიც 10 წელზე მეტი ხანია, რაც საქართველოში აქტიურად მოღვაწეობს და უმნიშვნელოვანესი სამუშაოები შეასრულა კიდეც.

ცოტა რამ ვარდების რევოლუციის შესახებ.

დღეს, აქ, ამ დარბაზში მყოფთათვის ცნობილია საქართველოში განვითარებული ნოემბრის დრამატული მოვლენების შესახებ, რასაც მჭერმეტყველურად „ვარდების რევოლუცია“ დაე ერქვა.

რევოლუციები უცნაური რამ არის - პროცესები ხელს უწყობს მათ შექმნას და იფიტება იმ ენერგიისგან, რომელიც აღსავსე იყო იმედით და გაგებით.

ვიმედოვნებ, რომ ჩვენ შევძელით საქართველოს ტრაგიკული ყოფა შემოგვებრუნებინა და გვეშენებინა უკეთესი მომავალი.

სამი თვე გავიდა რევოლუციის მერე.

რა ვისწავლეთ:

მიმაჩნია, რომ ჩვენ სამი მნიშვნელოვანი გაკვეთილი მივიღეთ. გაკვეთილები... რომელიც ახლაღა გახდა ჩვენთვის ნათელი, ვინაიდან ამჟამინდელმა მთავრობამ და პირადად მე საქართველოს აღმშენებლობა დავისახეთ ამოცანად.

პირველი გაკვეთილი არის ის, რომ ჩვენ შევძელით შევჭიდებოდით არსებულ პრობლემებს.

რა უნდა იყოს ნებისმიერი გარდამავალი ერის, კერძოდ, ყოფილი საბჭოთა კავშირის რესპუბლიკების ერთადერთი უდიდესი გამოწვევა...

როგორც ჩანს, ჩვენს ბევრ მეზობელს ერთ საკითხთან დაკავშირებით სირთულე აქვთ - ჰყავთ პრეზიდენტი, რომელმაც არ იცის, თუ როდის უნდა წავიდეს.

პოლიტიკურ ოპოზიციას კი არ ძალუძს გაერთიანდეს ან სხვა ქვეყნის გამოცდილება თავისი ქვეყნის უკეთესი მომავლისათვის გამოიყენოს.

საქართველოში ჩვენ დავამტკიცეთ, რომ ხელისუფლების შეცვლა მშვიდობიანი გზითაც არის შესაძლებელი. მოვლენები შესაძლოა დრამატულადაც განვითარდა, თუმცა კონსტიტუციის ფარგლებში.

ყოველივე ეს გაერთიანებული ოპოზიციის დროშის ქვეშ ხდება.

რაც ყველაზე მნიშვნელოვანია, ეს ხალხის ძლიერი და ჭეშმარიტი მხარდაჭერით არის შესაძლებელი.

ვაბარებთ რა ცვლილებათა გამოცდას, ჩვენ, საქართველოშიც და მის ფარგლებს გარეთაც, ყველას დავუმტკიცეთ, რომ ჩვენი ქვეყანა უკვე მომწიფდა და წინა პერიოდის დასუსტებული სახელმწიფო აღარ არსებობს.

თუკი ოდესმე ვინმეს უფიქრია, ან იმედი ჰქონია, რომ საქართველო როგორც სახელმწიფო არ შედგა, რევოლუციამ და ხალხმა მათ სამუდამოდ გაუქარწყლა ეს „იმედი.“

ვარდების რევოლუციის შემდგომი საქართველო ისეთი ძლიერი, მტკიცე და ერთიანია, როგორც არასდროს და იგი მშენებლობისა და აყვავების გზას ადგას.

„ვარდების რევოლუციის“ მეორე გაკვეთილი არის ის, რომ ქართველები ევროპისა და ევროპული ოჯახის სრულუფლებიანი წევრები ვართ.

როდესაც ამას ვამბობ, გეოგრაფიულ მდებარეობას კი არა, ეროვნულ იდენტიფიკაციას ვგულისხმობ.

ნოემბერში მოსახლეობა ლიბერალური დემოკრატიის პრინციპების დასაცავად გაერთიანდა.

ჩვენ დავინახეთ, რომ ქართველი ერი წინ აღუდგა იმ ხალხის მოსვლას, რომლებმაც მათი მომავალი მოიპარა და ქვეყანაში კორუფციის აღზევებას შეუწყო ხელი.

რევოლუცია არ იყო პროტესტი დაბალი ხელფასის, შეზღუდული ელექტროენერგიის, ან კიდევ ქვეყნის უსაფრთხოების გარანტიების ნაკლებობის გამო.

ეს არც მხოლოდ ჩემს მხარდასაჭერად მომხდარა.

რევოლუცია ხალხმა მოაწყო თავისუფლებისა და დემოკრატიულ საზოგადოებაში ცხოვრების სურვილის გამო.

საზოგადოება, რომელიც პატივს სცემს ადამიანის უფლებებს, სიტყვის თავისუფლებას, კანონის უზენაესობას და მოქალაქეობრივ მრწამსს, აქვს უფლება აირჩიოს თავისი ლიდერი და ბედიც ანდოს მას.

ეს არის ის, რასაც ყოფილი მთავრობა არასოდეს ითავისებდა, არც ჭეშმარიტი დემოკრატიის სწამდა და სჯეროდა, რომ მელიც ხელისუფლებას ხალხზე ზრუნვასა და პასუხისმგებლობას აკისრებდა.

სხვაგვარად ეს ვერ იქნება ნამდვილი დემოკრატია.

ქართველმა ხალხმა ისიც დაამტკიცა, რომ მამაცი, ბრძენი ერია, რომელსაც უდიდესი სურვილი აქვს სწორედ ასეთ ქვეყანაში იცხოვროს.

ძალიან ვამაყობ ჩემი ხალხით და ჩემთვის უდიდესი პატივია ვიყო მათი პრეზიდენტი.

მე დემოკრატიის პრეზიდენტი ვარ.

ეს არის დემოკრატია, რომლის ეროვნულ ღირსებას ფესვები ევროპაში აქვს - როგორც ევროატლანტიკური ინსტიტუტის სრულუფლებიანი და ღირსეული წევრი თავისი რეგიონალური უსაფრთხოებითა და ეკონომიკური განვითარებით.

რევოლუციის მესამე გაკვეთილი შეიძლება ვუწოდოთ იმას, რომ საქართველომ განსაკუთრებული ურთიერთობა დაამყარა ამერიკის შეერთებულ შტატებთან.

ვაცხადებ - ეს ევოლუცია ემყარება ქართველებისა და ამერიკელების მიერ საერთო ღირებულებების გაზიარებას.

ჩვენ ვიზიარებთ საერთო რწმენასა და მისწრაფებებს, რათა ჩვენი საზოგადოებები უფრო თავისუფალი და წარმატებული გახდეს. გვჯერა ისეთი მთავრობის, რომელიც ხალხს მოემსახურება.

ჩვენი უწმინდესი პრინციპია ის, რომ სახელმწიფოს ძალაუფლება მისსავე მოქალაქეებში მდგომარეობს და არავინ დგას კანონზე მაღლა.

ეს ფასეულობები, რაც რევოლუციის მთავარი არსი იყო, აერთიანებს ჩვენს ქვეყნებსა და ხალხებს.

ჩვენ გვაერთიანებს რწმენა და მისწრაფება, ჩამოვაყალიბოთ უფრო თავისუფალი და აყვავებული საზოგადოება.

ხელისუფლება ხალხს უნდა ემსახურებოდეს.

ჩემი ვაშინგტონში ჩამოსვლის მიზანიც, სწორედ ეს არის.

მათ, ვისაც ჰგონია, რომ რევოლუციას მალულად განსაკუთრებული ამერიკული ინტერესები მართავდა, მსურს ვუთხრა, რომ მათ ქართული კულტურა და ღირებულებები არ ესმით.

თავისუფლება და დემოკრატია არ იქმნება გრანტებით და სესხებით.

ეს ღირებულებები დახმარების პროგრამისა და მოლაპარაკების პროდუქტი არ არის.

სანამ უანგარო დახმარება ჩვენი ნიჭის, შესაძლებლობის ასამაღლებლად და წარმოსაჩენად ხორციელდებოდა, ეს ძალიან კარგად კეთდებოდა - ყოველივე შესანიშნავად აირეკლა ჩვენს კულტურასა და თვითმყოფადობაზე.

სწორედ ამან მოგვცა საშუალება მიგვეღწია წარმატებებისთვის.

მჯერა, რომ პროგრამები, მათ შორის, წვრთნა და აღჭურვა იმიტომ იყო წარმატებული, რადგან ჩვენ საერთო ფასეულობებს ვიზიარებთ.

საქართველოს წვლილი შეაქვს ტერორიზმის წინააღმდეგ ბრძოლაში ავღანეთსა და ერაყში. მზად არის უფრო მეტიც გააკეთოს.

იყო ქართველი, ნიშნავს იყო დემოკრატიული ერების ოჯახის ნაწილი ევროპელი და ამერიკელი მეგობრებისა და პარტნიორების თანადგომით.

საქართველო გამოწვევების პირისპირ

როგორც კი საქართველოს შეხედავ, მაშინვე მიხვდები, რომ იგი განლაგებულია იმ გამოწვევების წინახაზზე, რაც ურთიერთკავშირში მყოფ ევროპასა და მსოფლიოს გააჩნია.

ჩვენ ისეთი მეზობლები გვყავს, რომლებიც შეიცავენ უამრავ გეო-პოლიტიკურ და გეო-სტრატეგიულ მუქარას.

ვცხოვრობთ ქვეყანაში სადაც რეფორმები და რეკონსტრუქციები ეროვნული უსაფრთხოების იმპერატივია.

ჩვენ უზარმაზარი შესაძლებლობების ზღვარზე ვართ - შესაძლებლობის, რომელიც დაეხმარება მსოფლიოს გლობალურ ტერორიზმის წინააღმდეგ ბრძოლაში, ენერგეტიკული უსაფრთხოების გამყარებასა და სრულიად ახალი ბაზრის შექმნაში.

ჩემი პრეზიდენტობის პერიოდში ძალ-ღონეს არ დავიშურებ ამ შესაძლებლობების რეალიზაციისათვის.

თანაც ისე, რომ საქართველომ დაიბრუნოს მისი კუთვნილი ადგილი დემოკრატიული ერების თანამეგობრობაში.

ასე რომ, საქართველო აყვავდება.

ამერიკელი სენატორის ნელსონის სიტყვებიდან - საქართველო სუფთა ჰაერია ყველა იმ ადამიანისათვის, ვისაც თავის სუფლება უყვარს; ნათელია, რომ ვაშინგტონში საქართველოს ყოველთვის სწორედ ასე მიიღებენ.

რა არის სპეციფიკური გამოწვევები

ეს არის მმართველობის, უსაფრთხოებისა და ეკონომიკური რეფორმები.

სამივე სექტორში რეფორმის გასატარებლად ძალისხმევას არ დავიშურებთ.

მმართველობის რეფორმის პირველი ნაბიჯი - ნიმუში საქათველოსა და რეგიონისთვის.

ჩვენ უნდა აღმოვფხვრათ კორუფცია ყველა ფორმით,

უნდა შევქმნათ მთავრობა უფრო ეფექტური და პასუხისმგებლობით აღსავსე, მაგრამ როგორ:

ბიუროკრატიის შემცირებით;

მთავრობის შემცირებით და პროფესიონალიზმისა და გამჭვ ვირვალეობის გაზრდით;

სამოქალაქო სამსახურების რეფორმით;

რეალური ხელფასების გაცემით, ახალი სტანდარტების შექმნით და კანონის გაძლიერებით.

ამ ნაბიჯებს გამბედაობა და ძლიერი პოლიტიკური ნება სჭირდება.

საზოგადოების მხარდაჭერით წინ უნდა წავიდეთ.

მთელი რეგიონი თვალყურს გვადევნებს და იმედი მაქვს, რომ დასახულ მიზნებს წარმატებით მივაღწევთ.

საქართველო წარმატებით გაართმევს თავს იმ ამოცანების განხორციელებას, რასაც მთავრობის გაძლიერება ჰქვია - ეს კარგი მმართველობის მოდელის შექმნაა - ჩვენ გვაქვს შესაძლებლობა დადებითი ცვლილებები შევიტანოთ რეგიონში მთლიანად.

მაგრამ არა რევოლუციის ექსპორტით, რადგან ამ შემთხვევაში რევოლუცია ვერაფერს გახდება.

საკმარისია დემოკრატიისა და სტაბილურობის მაგალითი.

ადამიანების კეთილდღეობა და ღირსება სავსებით შესაძლ ლებელია და რეალური იმ რეგიონში, რომელიც აკავშირებს ევროპასა და ცენტრალურ აღმოსავლეთს.

თუ საქართველო წარმატებულია, რეგიონიც წარმატებულია.

ის, რაც მისაღებია საქართველოსთვის, მისაღებია ევროპისთვის, ამერიკისთვის და რეგიონის 400 მილიონი მოსახლისთვისაც.

მეორე ნაბიჯი არის რეფორმა უსაფრთხოების სფეროში - როგორ უნდა იყოს საქართველო ძლიერი და სტაბილური: ჩვენ ვგეგმავთ საზოგადოებრივ კონტროლს ყველა ძალოვან სამინისტროზე.

ჩვენ რეალურად უნდა გავხდეთ თავდაცვისუნარიანი. მყარი სტაბილურობისათვის ქვეყნის ტერიტორიული მთლიანობა მშვიდობიანი გზით უნდა აღვადგინოთ - რევოლუციამ დაამტკიცა, რომ ჩვენ შეგვიძლია დიდი ცვლილებების განხორციელება ძალადობის გარეშე.

ეს ნიშნავს, აუცილებელი ნაბიჯები გადავდგათ და შევქმნათ სა ჭირო პირობები აფხაზეთის დასაბრუნებლად მშვიდობიანი გზით.

აფხაზეთში დაბრუნებას და ქვეყნის ტერიტორიული მთლიანობის აღდგენას დრო და დიდი ძალისხმევა დაჭირდება.

ჩემი მთავრობა და თავად მე ამ საკითხის მოგვარებას უმთავრეს პრიორიტეტად მივიჩნევთ.

ჩვენ ისეთი საქართველო უნდა შევქმნათ, რომ ყველა მოქალაქეს სურდეს ამ ქვეყნის ნაწილი გახდეს და აქ იცხოვროს.

აქ მსურს ხაზგასმით აღვნიშნო, თუ რამდენად მნიშვნელოვანია საქართველოსთვის კარგი ურთიერთობის აღდგენა ჩვენს მეზობლებთან - უწინარესად რუსეთთან.

რუსეთი განსაკუთრებულია ჩვენთვის ისტორიულად, მაგრამ ბოლო წლებში ამ ურთიერთობას საუკეთესოს ვერ ვუწოდებდი.

ეს ქვეყანა საქართველოსთვის განსაკუთრებულია თავისი დიდი ბაზრით და რუსეთს შეუძლია შეასრულოს მნიშვნელოვანი როლი რეგიონალური სტაბილიზაციის საქმეში.

მოსკოვში ჩემი ვიზიტის შემდეგ გამოიკვეთა ჩვენი ურთიერთობის ახალი და დადებითი ტენდენცია - პრაგმატიზმზე დაფუძნებული ურთიერთსასარგებლო ინტერესების გათვალისწინებით.

მე არ მაქვს იმის ილუზია, რომ ერთ დღეში ყველაფერი შეიცვლება - მაგრამ ნათლად ვხედავ, რომ ახალი და დადებითი ურთიერთობისთვის კარი ღიაა.

საქართველო მზად არის რუსეთთან თანამშრომლობისთვის და ურთიერთობის განმტკიცებისთვის პირველ ნაბიჯს საც გადავდგამთ.

რამდენადაც საქართველოს რეგიონში ლეგიტიმური ინტერესები აქვს და ასევე რუსეთსაც - საზღვრის დაცვა, ტერორიზმის წინააღმდეგ ბრძოლა, ეკონომიკური აღმავლობა, რამდენადაც რუსეთი პატივს ცემს ჩვენს ეროვნულ სუვერენიტეტს, რამდენადაც მას ნაკისრი აქვს საერთაშორისო ვალდებულება გაიყვანოს საქართველოდან ბაზები, რამდენადაც იგი აცნობიერებს იმას, რომ ჩვენ არ და ვერ გავხდებით ორ ზესახელმწიფოს შორის ბრძოლის პოლიგონი.

მე მზად ვარ ახალი ეპოქისთვის.

მწამს, რომ ბატონ პუტინს ესმის ეს და ემზადება კიდეც იმ ჯანსაღი ურთიერთობის გასაგრძელებლად, რომელსაც მოსკოვში ჩემი ვიზიტის დროს ჩავუყარეთ საფუძველი.

მეც, ჩემის მხრივ, ყველაფერს გავაკეთებ ამ კონტაქტების განვითარებისთვის.

საქართველო თავის პარტნიორებს სტაბილურობისა და მყარი უსაფრთხოების განსამტკიცებლად იწვევს სათანამშრომლოდ.

შემდეგი ნაბიჯი ეკონომიკური რეფორმაა.

რა არის გასაკეთებელი უწინარეს ყოვლისა;

უპირველესი ამოცანაა ინვესტორებისათვის სტაბილური გარემოსა და ხელსაყრელი პირობების შექმნა.

როგორ:

საგადასახადო სისტემის ლიბერალიზაციით, კორუფციის აღმოფხვრით და ინვესტორებისა და ბიზნესმენებისათვის პერსონალური უსაფრთხოების უზრუნველყოფით.

ისეთი დარგების განვითარებით, როგორიცაა სოფლის მეურნეობა, ვაჭრობა, ტრანსპორტი, ღვინის წარმოება, ტურიზმი, მსუბუქი მრეწველობა და სხვა, ასევე, რეგიონალური ბაზრების ათვისებით...

გვჭირდება: ახალი წყაროები საწარმოების დასაფინანსებლად, ინფრასტრუქტურის გაძლიერება, ასევე ახალი საზოგადოებრივი და კერძო ურთიერთობის განვითარება.

შეძლებისდაგვარად ყველაფერი უნდა გავაკეთოთ იმის სათვის, რომ აშენდეს ენერგოდერეფანი - საქართველო კი ამ დერეფნის ერთ-ერთი ძირითადი მონაწილე უნდა იყოს.

ეს ნიშნავს იმას, რომ უნდა შევასრულოთ ჩვენი ნაკისრი ვალდებულებები „ბაქო-თბილისი-ჯეიჰანისა“ და სამხრეთ კავკასიის ნავთობსადენებისათვის, რომლებიც სტაბილურობის, უსაფრთხოებისა და კეთილდღეობის გარანტია. რეგიონში ენერგეტიკულ პროექტს არა მარტო ეკონომიკური დატვირთვა აქვს, არამედ ის წარმოადგენს საზოგადოებრივი განვითარების, რეგიონალური ინტეგრაციისა და მშვიდობის შენარჩუნების კონკრეტულ საშუალებას.

საქართველო და მეც ვამაყობთ, რომ ამ პროცესებში ჩვენი წვლილი შეგვაქვს. ჩემთვის ნათელია ერთი რამ - საქართველოს ეკონომიკის განვითარებისათვის ჩადებული ინვესტიცია, საქართველოს მომავლისთვის ჩადებული ინვესტიციაა.

ჩემი ქვეყნის ეკონომიკის გაძლიერება, საქართველოს ხელისუფლებას გააძლიერებს, რაც თავის მხრივ ხელს შეუწყობს ქვეყანაში სტაბილურობის განმტკიცებასა და უსაფრთხოების შენარჩუნებას.

ეს დააფიქრებს სეპარატისტებს საკუთარი მომავალი საქართველოს ფარგლებში ეძებონ.

შედეგები...

ყოველთვის მჯეროდა, რომ სიტყვა საქმით ფასობს.

მხოლოდ 100 დღის შემდეგ შევიგრძენით, რომ სკეპტიკოსები დავამარცხეთ და მივაღწიეთ რამდენიმე შთამბეჭდავ წარმატებას.

გადასახადებით შემოსავალი გაიზარდა, რამდენიმე ყველაზე კორუმპირებული ჩინოვნიკი დავაკავეთ და პასუხისგებაშიც მივეცით.

საერთაშორისო სავალუტო ფონდთან ურთიერთობა აღვადგინეთ და აღმოსავლეთ ევროპაში ყველაზე კომპეტენტური და პროგრესული მთავრობა ჩამოყალიბდა.

ჩვენ ვიცით, რომ მოლოდინი ძალზე დიდია.

თუმცა, ისიც ვიცით, რომ დროდადრო შეცდომებსაც დავუშვებთ, მაგრამ ამ შეცდომებზე ბევრს ვისწავლით კიდეც.

წარსულში საქართველო იყო ქვეყანა, სადაც არც ხელმძღვანელობას და არც ხალხს მომავლის არ სჯეროდა.

მწამს, რომ იმედი გავამართლეთ.

მწამს, რომ ეს განწყობა უახლოეს მომავალში დადებითით შეიცვლება.

მწამს, რომ შევძლებთ ერისა და მთელი რეგიონის გარდაქმნას.

ერთობლივი მიმართვა

ხვალ პრეზიდენტ ბუშს და მის გუნდს ვხვდები და მათაც ვამცნობ, თუ როგორ სერიოზულად ვებრძვით საქართველოში კორუფციას.

თუ რამდენად სერიოზულად ვეკიდებით ქვეყანაში თავდაცვისა და უშიშროების სტრუქტურების რეფორმირებას.

თუ რამდენად სერიოზულად უდგება საქართველო ნატოში და ევროკავშირში გაწევრების საკითხს.

რამდენად სერიოზულად ცდილობს თავისი ეკონომიკის წამოწევას.

ასევე, რამდენად სრული პასუხისმგებლობით ეკიდება ჩვენი ქვეყანა რეგიონში მშვიდობისა და სტაბილურობის გავრცელების საკითხს.

ძალიან კარგად ვიცით, რომ ქვეყნის აღმშენებლობა რომანტიკა არ არის და ჩვენ ამ საქმეს მთელი პასუხისმგებლობით ვეკიდებით.

ამისათვის ჩვენ კონკრეტული ქმედებები დაგვჭირდება, რასაც უდავოდ სასურველი შედეგი მოყვება.

მჯერა, რომ იმედებს არ გავაცრუებთ და წარმატებებს ნაბიჯ-ნაბიჯ მივაღწევთ.

დღეს საქართველოში განსაკუთრებულ შესაძლებლობათა ფანჯარა გაიხსნა.

ეს უნიკალური მომენტია.

ჩვენი დადებითი მაგალითით, მთელ მსოფლიოში გაფანტული ქართველობა დადებითად დაიმუხტა.

და ვიდრე ეს შესაძლებლობათა ფანჯარა გახსნილია, წარმატებისათვის ერთობლივი ძალისხმევა გვჭირდება, ზოგადად საერთაშორისო თანამეგობრობის, კერძოდ, კი, ამერიკისა.

მოგმართავთ ყველას, დაგვეხმაროთ ამ ისტორიული შესაძლებლობის გამოყენებაში, ვინაიდან მხოლოდ ერთიანი ძალისხმევით შევძლებთ გავამყაროთ სტაბილურობა და დემოკრატია მსოფლიოს ერთ-ერთ ყველაზე რთულ და გეო-სტრატეგიულად მნიშვნელოვან რეგიონში.

ეს კი მნიშვნელოვანია მთელი მსოფლიოსთვისაც.

ამერიკასთან თანამშრომლობით საქართველოს დიდი სარგებელი მიუღია და დარწმუნებული ვარ, რომ მომავალი თანამშრომლობა უფრო მჭიდრო და კიდევ უფრო შედეგიანი იქნება.

საქართველო და ამერიკის შეერთებული შტატები პარტნიორი ქვეყნები არიან.

ჩვენ მოკავშირეები და მეგობრები ვართ.

საქართველოსთვის, ევროპისთვის და მთელი რეგიონისთვის ერთად, ღიად და პატიოსნად მუშაობით, ჩვენ შეგვიძ ძლია ავაშენოთ უფრო ნათელი, უსაფრთხო და აყვავებული მომავალი.

დიდი მადლობა.

მიხეილ სააკაშვილის მიერ წარმოთქმული სიტყვა ჯონ ჰოპკინსის უნივერსიტეტში: „საქართველო სუფთა ჰაერია ყველა ადამიანისათვის, ვისაც თავისუფლება უყვარს“ // საქართველოს პრეზიდენტის ადმინისტრაციის პრესსამსახური / 4 თებერვალი, 2004. - ხელმისაწვდომობის რეჟიმი: http://www.saakashviliarchive.info/ge/PressOffice/News/SpeechesAndStatements?p=2779&i=1

„დილის გაზეთი“ გთავაზობთ ინტერვიუს პრეზიდენტ მიხეილ სააკაშვილთან, რომელიც გერმანულ გაზეთ „ბერლინერ მორგენპოსტში“ გამოქვეყნდა.

- ფიცის დადებიდან ოთხი დღის შემდეგ თქვენ, საქართველოს მეთაურის რანგში პირველად გერმანიაში გაემგზავრეთ, რატომ?

- გერმანია საქართველოსთვის უმნიშვნელოვანეს ქვეყანას წარმოადგენს ევროპაში - როგორც ფინანსური, ისე პოლიტიკური თვალსაზრისით. ჩვენ გვჭირდება მისი დახმარება. თქვენმა ქვეყანამ, რომელთანაც ჩვენ დაკავშირებული ვართ არაერთი საუკუნე, გადამწყვეტი როლი შეასრულა იმაში, რომ 1918 წელს საქართველო დამოუკიდებელი გახდა და ის იყო პირველი ქვეყანა, რომელმაც საბჭოთა კავშირის დაშლის შემდეგ, თბილისში თავისი საელჩო გახსნა. ჩვენ გერმანელებთან, ალბათ, იმიტომაც გვაქვს ასეთი კარგი ურთიერთობა, რომ თქვენში ნაკლებად არის გამოხატული კოლონიური აზროვნება.

- თქვენ მხედველობაში გაქვთ ძველი ოკუპაციური რუსეთი, რომელთანაც საქართველოს ურთიერთობა გართულებულია.

- დიახ, ჩვენ უნდა ვიმუშაოთ ამ საკითხზე. გავიხსენებ თუნდაც იმას, რომ პუტინმა არ დამირეკა გამარჯვების მოსალოცად. მსხვილი ქვეყნებიდან საქართველოს უმნიშვნელოვანესი პარტნიორი არის აშშ, მაგრამ რუსეთს შეეძლო ჩვენს ქვეყანაში გაცილებით მნიშვნელოვანი როლი ეთამაშა. ჩვენ უკვე არაერთი წელია რუსებისგან მოვითხოვთ, რომ თავიანთი ჯარები გაიყვანონ, მაგრამ ამის გაკეთება არ უნდათ. თებერვალში პუტინს მოსკოვში შევხვდები. ჩვენ მხოლოდ ის გვინდა ვუთხრათ რუსებს, რომ მზად ვართ მათთან სალაპარაკოდ. ჩვენ უნდა შევქმნათ ახალი ფუნდამენტი ჩვენი თანამშრომლობისთვის. პუტინი და მე განსხვავებული ადამიანები ვართ, მაგრამ ჩვენ რაღაც საერ რთოც გვაქვს: ორივე პატივს ვცემთ კანონიერებასა და წესრიგს, ორივეს გვიყვარს ჩვენი ქვეყანა, გვინდა, რომ გაძლიერდეს და განვითარდეს ეკონომიკა. ჩვენ ორივე პრაგმატიკოსები ვართ.

- მაგრამ თქვენი წარმოდგენები საქართველოს მომავლის შესახებ არ ემთხვევა.

- რუსებმა უნდა გაიგონ, რომ საქართველოს დამოუკიდებლობა საფრთხე კი არა, ფაქტია. ნავთობსადენის წყალობით, რომელსაც ჩვენს ქვეყანაში დასავლეთის კონსორციუმი აშენებს, მალე აღარ ვიქნებით დამოკიდებული, ელექტრომატარებლების მომარაგების თვალსაზრისით, მხოლოდ რუსეთზე. ჩვენი მიზანია დავბრუნდეთ ევროპაში. სწორედ გერმანიას შეუძლია გახდეს მნიშვნელოვანი ფიგურა ჩვენთვის, რომელიც დაგვეხმარება რუსეთთან ურთიერთობის გაუმჯობესებაში.

- ამ საკითხში კარგი მრჩეველი შეიძლება გახდეს თქვენი წინამორბედი და ყოფილი კოლეგა პარტიის ხაზით ედუარდ შევარდნაძე. თქვენ მისგან კონსულტაციებს არ იღებთ?

- მასთან პირადი ურთიერთობები აღარ მაქვს.

- თქვენ თქვით, რომ საქართველო, ბოლოს დაბოლოს, უნდა შევიდეს ევროკავშირში. თქვენი აზრით, როდის იქნება, რეალურად, შესაძლებელი თქვენი ქვეყნისთვის ევროკავშირის წევრობა?

- მიმაჩნია, რომ სრულიად შესაძლებელია უახლოეს ათ წელ ლიწადში.

- დღეს ბევრ ქვეყანას უნდა საკუთარი თავი ევროპას მიაკუთვნოს, მათ შორის, თურქეთს. ევროპული თანამეგობრობ ბისთვის საქართველო უფრო მიმზიდველია, ვიდრე თურქეთი?

- საქართველო გაცილებით მჭიდროდ არის ევროპასთან დაკავშირებული თავისი ქრისტიანული კულტურით. თავისი ხუთი მილიონი მცხოვრებით იგი გაცილებით მცირეა, ამიტომ მისი ინტეგრირება ადვილია.

- როგორც მსოფლიოში ერთ-ერთმა ახალგაზრდა სახელმწიფო მოღვაწემ, თქვენ დაუმტკიცეთ თქვენს ხალხს, რომ მამაცურად და უკომპრომისოდ იბრძვით დემოკრატიული ღირებულებებისთვის. თქვენი კრიტიკოსები თქვენს იმპულსურობაში სახიფათო სისუსტეს ხედავენ და ამიტომ ეჭვი ეპარებათ თქვენს დიპლომატიურ შესაძლებლობებში.

- დიახ, ჩემი ტემპერამენტი, ალბათ, ჩემი სისუსტეა, მაგრამ ამაზე ვმუშაობ: შეხედეთ, ამ დღეებში ბევრს ვლაპარაკობდი რუსეთზე, მაგრამ თავს ვიკავებდი და არავის წყრომა არ დამიმსახურებია. ისიც უნდა აღნიშნონ, რომ მე გამაჩნია ახლის ათვისების უნარი! ჩემზე ისედაც დიდ ზემოქმედებას ახდენს ის, რომ გავიმარჯვე არჩევნებში, მივიღე ამომრჩეველთა ხმების 95 პროცენტი. ალბათ, არ არსებობს არც ერთი ხელისუფალი, რომელიც ასე ძლიერ სურს ხალხს. ეს ყველაზე დიდი გამოწვევაა.

- თქვენ მიგიჩნევენ ადამიანად, რომელსაც საქართველოში ყველაზე მეტად ემუქრება საფრთხე. არ გეშინიათ?

- ასე გაგრძელება არ შეიძლება (მხრებს იჩეჩავს): ბოლო დროს ჩემზე გამიზნული 4 თავდასხმა ჩაშალეს. უფლება არ მაქვს, მეშინოდეს. მე, უბრალოდ, ამაზე არ ვფიქრობ.

მოსკოვმა უნდა აღიაროს საქართველოს დამოუკიდებლობა, როგორც ფაქტი // დილის გაზეთი. - 2004. - 4 თებერვალი. - N27(2353). - 9 გვ.

გუშინ ტრანსპორტისა და კავშირგაბმულობის მინისტრის მერაბ ადეიშვილის დაკავების ფაქტს პრეზიდენტმა მიხეილ სააკაშვილმა საგანგებო ბრიფინგი მიუძღვნა.

„ეს არის პროკურატურის მიერ განხორციელებული აქცია. ყოველ წელიწადს ათეულობით მილიონ ლარს იპარავდნენ და იდებდნენ ჯიბეში. ეს ფული ერთმეოდა ქართველ ხალხს, უმწეოებს, პენსიონერებს, სკოლებს, საბავშვო ბაღებს. ის ხალხი, ვინც ამ ფულით გასუქდა, დაპატიმრებული იქნება და ციხეშიც ჩაჯდება. მეტიც, შინაგან საქმეთა მინისტრს, რომელიც მართლაც ბრწყინვალედ მუშაობს, დავავალე, უახლოეს დღეებში მოამზადოს რამდენიმე ანტიკრიმინალური ოპერაცია, რომელიც საშუალებას მოგვცემს, განვაიარაღოთ და დავაპატიმროთ საქართველოში მოქმედი შეიარაღებული ბანდები, რომლებიც ატერორებენ ადგილობრივ მოსახლეობას. მივეცი განკარგულება, რომ წინააღმდეგობის გაწევის შემთხვევაში, ნებისმიერი ბანდიტი მოსპონ, გაანადგურონ ადგილზე და ხალხი მათი თარეშისაგან დაასვენონ. უკან დახევას არ ვაპირებთ. წინა მთავრობისგან განსხვავებით, მხოლოდ ლაპარაკს კი არ ვუნდებით. ჩემი განკარგულებიდან გადის რამდენიმე საათი და შემდეგ საქმე კეთდება. აღფრთოვანებული ვარ გენერალური პროკურორის და შინაგან საქმეთა მინისტრის მუშაობით. სახელმწიფო დაცვის სამსახურს ვაძლევ განკარგულებას, რომ მათ დასაცავად მიიღონ საგანგებო ზომები. ის, რაც ახლა საქართველოში ხდება, პოსტსაბჭოთა სივრცეში არ მომხდარა. ერთხელ და სამუდამოდ ბანდიტებმა, ყაჩაღებმა და მექრთამეებმა უნდა გაიგონ, რომ ეს ქვეყანა მათ არ ეკუთვნით. ეს ქვეყანა ეკუთვნის ქართველ ხალხს,“ - განაცხადა პრეზიდენტმა.

[...]

პრეზიდენტის კომენტარები ცხელ კვალზე // 24 საათი. - 2004. - 4 თებერვალი. - N28 (577). - A1-A2 გვ.

გუშინ პრეზიდენტმა მიხეილ სააკაშვილმა საქართველოს პარლამენტის საპრეზიდენტო ფლიგელში გამართა ბრიფინგი, რომლის აქცენტი საკონსტიტუციო ცვლილებებისათვის პარლამენტის მხარდაჭერის აუცილებლობა იყო.

- მე მახსოვს ჩემი დანაპირები ხალხის წინაშე და ყველაფ ფერს ვაკეთებ იმისათვის, რომ ქვეყანა არსებული კრიზისიდან გამოვიყვანო. ამისათვის საჭიროა გარკვეული საშუალებები, ანუ იმ საკონსტიტუციო ცვლილებების განხორციელება, რომლებიც ერთიანი სამთავრობო გუნდის ჩამოყალიბების საშუალებას მოგვცემს, რაც თავისთავად უნდა გახდეს არსებული პოლიტიკური კრიზისიდან გამოსვლის ერთ-ერთი ხელჩასაჭიდი ხერხი და ეფექტიანი საშუალება, - განაცხადა გუშინ გამართულ საგანგებო ბრიფინგზე მიხეილ სააკაშვილმა.

დიდი იმედი მაქვს, - თქვა მან, - რომ არსებული პარლამენტი გამოიჩენს გონიერებას და საკონსტიტუციო ცვლილებებს მხარს დაუჭერს.

პრეზიდენტის განცხადებით, ამ საკონსტიტუციო ცვლილებების მიხედვით, პარლამენტი ბევრად უფრო ძლიერია, ვიდრე სხვა რომელიმე ევროპულ ქვეყანაში.

ქმნის თუ არა კონსტიტუციური ცვლილებები დიქტატურის წარმოშობის წინაპირობას. ეს აზრი პარლამენტის საგანგებო სხდომაზე ზოგიერთმა დაეჭვებულმა დეპუტატმა გამოთქვა.

მიხეილ სააკაშვილი ასეთი დაეჭვებისთვის ვერანაირ ნიშნებს ვერ ხედავს წარმოდგენილ პროექტში, სამაგიეროდ, საკონსტიტუციო ცვლილებები ხელს შეუწყობს ძლიერი და ქმედუნარიანი ხელისუფლების შექმნასა და ამოქმედებას ქვეყანაში იმ უმწვავესი პრობლემების გადასაწყვეტად, რომლებიც ქვეყნის წინაშე დგას.

მე ვიცი, - განაცხადა მიხეილ სააკაშვილმა, - რომ საკონსტიტუციო ცვლილებების გარშემო არის კამათი, და, ალბათ, არის კიდეც საკითხები, რომლებიც საკამათოა, იმიტომ, რომ ყოველი იურიდიული საკითხი ექვემდებარება ათასნაირ ინტერპრეტაციას. მაგრამ ამავე დროს მიხარია, რომ საკონსტიტუციო ცვლილებების განხილვამ კიდევ ერთხელ დაადასტურა ის, რაც საქართველოს არ უნახავს მრავალი წლის განმავლობაში: ქართული საზოგადოების ერთიანობა და პოლიტიკური ლიდერების უპრეცედენტო ერთიანობა ამ ცვლილებების გარშემო.

მე მინდა, ვთხოვო პარლამენტს, შევინარჩუნოთ ეს ერთიანობა, მივიღოთ ეს ცვლილებები, როგორც არის წარმოდგენილი, და მივცეთ საშუალება ახალ სამთავრობო გუნდს, შეიქმნას და დაიწყოს ენერგიული ნაბიჯების გადადგმა ქვეყნის კრიზისიდან გამოსაყვანად. ამ ნაბიჯების გადადგმა არის მნიშვნელოვანი იმიტომ, რომ ხალხი ელოდება შედეგებს.

მე მინდა, ყველას ვუთხრა მადლობა მოთმინებისთვის. მე ვიცი და თქვენც იცით, რომ ჩვენ კიდევ დაგვჭირდება გარკვეული პერიოდი მოთმენა, მაგრამ თქვენ ხედავთ, ყოველდღე ყველაფერი კეთდება იმისათვის, რომ სიტუაცია გავაკონტროლოთ, უპირველესად, ქვეყანაში დავამყაროთ წესრიგი, დისციპლინა. ჩვენ ვამზადებთ სერიოზულ ეკონომიკურ რეფორმებს, ჩვენ ვამზადებთ სოციალურ ცვლილებებს, რომლებიც საშუალებას მოგვცემს, უახლოეს კვირებსა და თვეებში ხალხმა დაინახოს პირველი სასიკეთო ცვლილებები. მაგრამ ამისათვის ჩვენ გვჭირდება საშუალებები.

საქართველოს არ ჰყავდა მთავრობა ამდენი წლის განმავლობაში. ეს არ იყო ერთადერთი მიზეზი ჩვენი კრიზისის. ეს იყო ერთ-ერთი მიზეზი, მიზეზი იმისა, რომ პრაქტიკულად არავის ეკისრებოდა პასუხისმგებლობა, ჩვენ დაგვჭირდა რევოლუციის მოწყობა და ქვეყანაში ძალიან სერიოზული მოძრაობის დაწყება იმისათვის, რომ პოლიტიკური კრიზისი, რომელიც სხვა მიზეზებთან ერთად წარმოქმნა ძველმა სისტემამ, გადაგველახა.

ახლა ჩვენი ამოცანაა, შევქმნათ ისეთი სისტემა, რომელიც იძლევა პოლიტიკური კრიზისების თავიდან აცილების და მათი გადაწყვეტის ბევრად უფრო მოქნილ, დახვეწილ და ნაკლები რისკის მქონე მექანიზმებს.

აი, ამისთვის წარმოვადგინეთ ეს საკონსტიტუციო ცვლილებები. ბევრი ვიმუშავეთ. ვნახეთ ევროპული გამოცდილება, გავაანალიზეთ ჩვენი საკუთარი პრობლემები და შეცდომები და შევიმუშავეთ ის, რაც ამ ეტაპზე ყველაზე ეფექტიანად მიგვაჩნია.

ვფიქრობ, რომ ჩვენ უნდა გადავშალოთ ეს ფურცელი, ახალი სისტემის პირობებში დავიწყოთ ნორმალური, ყოველდღიური მუშაობა და მივაღწიოთ იმ შედეგებს, რომლებსაც ყველანი ველოდებით.

ჟურნალისტების შეკითხვას, ხომ არ მოდის დიქტატურა, პრეზიდენტმა სააკაშვილმა უპასუხა, რომ მხოლოდ დემაგოგებს შეუძლიათ სიტყვა დიქტატურის გამოყენება. მან ჟურნალისტებს შეახსენა ის ვითარება, რომელიც ქვეყანაში იყო, როდესაც მთავრობას არ აინტერესებდა, ხალხი რას ფიქრობდა და რა იყო ხალხის პრობლემები.

ჩვენ ვქმნით მოდელს, - თქვა მან, - სადაც პარლამენტი იქნება უფრო ძლიერი, ვიდრე ნებისმიერ დასავლეთ ევროპული დემოკრატიის ქვეყანაში. მე მიმაჩნია, პარლამენტი უნდა იყოს ძლიერი საქართველოს პირობებში იმისთვის, რომ ჩვენი საზოგადოების ყველა ფენა, ყველა რაიონი სათანადო დონეზე იყოს წარ რმოდგენილი პოლიტიკური გადაწყვეტილებების მიღების დროს. პარლამენტის უფლებები კი არ მცირდება, არამედ იზრდება, ეს მე მიხარია და ამაზე ჩვენ შეგნებულად მივდივართ. პარლამენტს ეძლევა უფლება, გადააყენოს მთავრობა, რაც არასოდეს ყოფილა. პრაქტიკულად პარლამენტი იყო ჩვეულებრივი ორგანო, სადაც მოქმედებდა პრინციპი: ძაღლი ყეფს, ქარავანი მიდის!

მე არ მინდა პარლამენტარები შევადარო რაღაც ცხოველებს, მაგრამ ასე იყო. მე ვიყავი იმ პარლამენტის წევრი, რომელიც პრაქტიკულად ვერ იღებდა მთავარ გადაწყვეტილებებს.

ძლიერ ხელისუფლებასა და დიქტატურას შორის ბევრი ძალ ლიან დიდი დაბრკოლება და სხვაობაა.

ჩვენ გვინდა ძლიერი ხელისუფლება, რომ კრიზისიდან გამოვიდეთ.

ჩვენ უნდა შევქმნათ ძლიერი ხელისუფლება. ეს არის ქართველი ხალხის მანდატი.

რას მივიღებთ ახალი მოდელით - არა პრეზიდენტის უფლებების გაძლიერებას, არამედ ერთიან, შეკრულ გუნდს, კოორდინირებულ ხელისუფლებას, ერთმანეთთან შეთანხმებულად მოქმედ ხელისუფლებას.

ეს არის ზუსტად ის, რაც აკლდა საქართველოს.

ჟურნალისტების შეკითხვას პარლამენტარ კობა დავითაშვილის დემარშისა და იმ განცხადების თაობაზე, რომ მას, დუმილის სანაცვლოდ, თავდაცვის მინისტრის თანამდებობა შესთავაზეს, მიხეილ სააკაშვილმა უპასუხა:

ძალიან დიდი მადლობა მინდა ვუთხრა კობა დავითაშვილს. მან ბევრი რამ გააკეთა ნაციონალური მოძრაობის წარმატებისათვის, იმ მუშაობისათვის, რომელიც მან გასწია ნაციონალური მოძრაობის საარჩევნო კამპანიის დროს. ამასთან, მინდა ვთქვა, რომ ყველამ უნდა გაიღოს გარკვეული მსხვერპლი ერთიანობისათვის. ერთიანობა არის ის, რაც არის დღეს ჩემი მთავარი მიზანი. ჩვენ ვუპირისპირდებით მაფიას, კორუფციას, კრიმინალურ დაჯგუფებებს, იმას, რომ ქართულ სახელმწიფოს არა აქვს საზღვრები, ქართული სახელმწიფო ვერ აკონტროლებს ტერიტორიებს, რომ ჯერ კიდევ არის შეიარაღებული ბანდები, რომელთაგან ზოგი პარტიზანების სახელს ირქმევს, ზოგიც სხვას, მაგრამ სინამდვილეში არიან ჩვეულებრივი კრიმინალები და ყაჩაღები. აი, ამ პირობებში, როცა ერთადერთი შანსი, ეს ყველაფერი რომ გადავლახოთ, არის საზოგადოების და პოლიტიკური სპექტრის ერთიანობა. ამის გამო ადრე, რა თქმა უნდა, იყო კამათი, განსხვავებული აზრი. რა თქმა უნდა, მე და ჟვანიაც, მე და ბურჯანაძეც განვსხვავდებით ერთმანეთისაგან, მაგრამ ეს ყველაფერი გვერდზე უნდა გადავდოთ, რათა საზოგადოება ერთიანი იყოს იმ საფრთხეთა წინაშე, რომლებიც არსებობს და იმ საკითხების გადასაჭრელად, რომლებიც ჩვენს წინაშე დგას.

ვერანაირ კონკრეტულ თანამდებობაზე ჯერ ვერ ვილაპარაკებთ, რადგან მთავრობა არ არსებობს. თუ ვინმეს რამე თანამდებობა შესთავაზეს, ეს სულაც არ არის დუმილის საფუძველი. თანამდებობას იმიტომ კი არ სთავაზობენ, რომ ადამიანი გაჩუმდეს, არამედ იმიტომ, რომ ილაპარაკოს ბევრი და ხმამაღლა და, რაც მთავარია, აკეთოს ბევრი საქმე. ჯერჯერობით, სანამ მთავრობა არ ჩამოყალიბდება, სანამ თავდაცვის სამინისტროში რეფორმა არ განხორციელდება, სანამ თავდაცვის მინისტრი სამოქალაქო პირი არ იქნება, ლაპარაკი თანამდებობის განაწილებაზე ამ სამინისტროში არის ძალიან ნაადრევი.

ერთი რამ ცხადია: ყველამ უნდა დავთმოთ რაღაცა იმისათვ ვის, რომ ქვეყანა ერთიანი იყოს. ამ ერთიანობის გულისთვის მე ვარ მზად, ბევრი მსხვერპლი გავიღო.

პარლამენტისათვის განსახილველად შეთავაზებული ცვლილებები ხომ არ არის ნაჩქარევად გადაცემული. - ამ შეკითხვაზე პრეზიდენტმა სააკაშვილმა უპასუხა, რომ საკონსტიტუციო ცვლილებების პაკეტი განხილული იყო მთელი რიგი საერთაშორისო ორგანიზაციების შესაბამის სტრუქტურებში. ზოგიერთი ევროპული ქვეყნის, მაგალითად, საფრანგეთის პარლამენტარებთან ჩვენი დელეგაციის ვიზიტის დროს და პრინციპული დადებითი დასკვნები ყველას მიერ გაცემულია. განხილვასთან დაკავშირებით მან ხაზი გაუსვა შემდეგ გარემოებას:

დღეს ყველას ესმის, მათ შორის, ამ პარლამენტს, რომელიც იწვევდა საზოგადოების სამართლიან უკმაყოფილებას, რომ ერთიანობას არა აქვს ალტერნატივა. ჩვენ უცებ დავინახეთ, რომ ჩვენი ქვეყანა იყო უფსკრულის პირას. ნებისმიერი ყოყმანი, ზედმეტი კამათი იმაზე, რომ უფსკრულს უნდა მოვშორდეთ და შემდეგ გადავწყვიტოთ ჩვენი უთანხმოებანი, დამღუპველია, აღარ შეიძლება. მე მადლობელი ვიქნები დღევანდელი პარლამენტის თითოეული წევრის და არასოდეს დავივიწყებ, რომ საქართველოს დაუდგნენ გვერდით მაშინ, როცა მას სჭირდებოდა მათი ერთი, ცალკე აღებული ხმა. ამიტომ ჩვენ ვმუშაობთ პარლამენტთან. მე მაქვს კონსულტაციები ფრაქციებთან. თავიდანვე ვაცხადებ, რომ ჩვენ არცერთ თემაზე ვაჭრობას არ ვაპირებთ, სავაჭრო არაფერია, რადგან ვაჭრობა ყოველთვის გამოიწვევს საქართველოსათვის საზიანო პროცესებს. ყველაფ ფერი არის საჯაროდ. მაგრამ საჯარო მხარდაჭერას მოჰყვება ჩვენი საჯარო მადლიერება.

მიხეილ სააკაშვილმა კატეგორიულად განაცხადა, რომ პრეზიდენტის სკამი მას არ უღირს იმად, რომ აბალანსოს სხვად დასხვა ინტერესები. იგი მზად არის, გაიჩინოს მტრებიც, თუ ეს საჭირო და აუცილებელია, თუ ისინი საქართველოს მტრებია, მაგრამ იგი არ წავა კომპრომისებზე ქართული სახელმწიფოებრიობის ხარჯზე.

პრეზიდენტს კვლავ მოუხდა განმარტება ჟურნალისტებისათვის, რომ არავითარ ავტორიტარულ მმართველობაზე გადასვლა არ იგულისხმება საკონსტიტუციო ცვლილებებში, რომ საქართველო ევროპული მმართველობის მოდელზე გადადის - არ არის არცერთი ევროპული ქვეყანა, სადაც არ არის მინისტრთა კაბინეტი, რომ საქართველოს პრეზიდენტი თავისი უფლებების ნაწილის დელეგირებას ახდენს იმ მიზნით, რომ შეიქმნას მინისტრთა კაბინეტი. ამასთან ჩვენი მოდელი სულ უფრო შორდება პოსტსაბჭოთა ქვეყნებში არსებული მმართველობის მოდელებს.

იყო კონკრეტული შეკითხვაც უშიშროების მინისტრის კანდიდატურად ვალერი ხაბურძანიას მოაზრების თაობაზეც.

პრეზიდენტმა სააკაშვილმა უპასუხა, რომ ვალერი მას პიროვნულად ძალიან მოსწონს, მაგრამ მინისტრთა კაბინეტის ჩამოყალიბება უნდა დაეყრდნოს არა ცალკეული კანდიდატურების შერჩევის პრინციპს, არამედ ერთიანი გუნდის პრინციპს.

ის, რომ ამ ეტაპზე ერთადერთი კანდიდატურა პრემიერ-მინისტრის პოსტზე არის ზურაბ ჟვანია, სულაც არ ნიშნავს, რომ ცვლილებები მის თარგზე არის მოჭრილი. თუ მინისტრებად არ იქნებიან ისეთი ადამიანები, რომლებსაც არ შეუძლიათ ერთად მუშაობა და საზოგადოებისათვის ერთიანი პოზიციის ახსნა და დასაბუთება, მაშინ ვერცერთი ვერ იქნება მთავრობის წევრი.

აფხაზეთის ლეგიტიმურ ხელისუფლებაზე ლაპარაკის დროს მიხეილ სააკაშვილმა განაცხადა, რომ ყველა პრობლემური საკითხი თვით დევნილებმა უნდა გადაწყვიტონ. ასევე, აფხაზეთის ავტონომიური რესპუბლიკის მთავრობა არ უნდა იყოს თბილისში, მისი წევრები არ უნდა სარგებლობდნენ იმ პრივილეგიებით, რომლებზეც თვით პრეზიდენტიც კი უარს ამბ ბობს, და განლაგებული უნდა იყოს იქ, სადაც ყველაზე მეტად არიან კონცენტრირებული ლტოლვილები, დასავლეთ საქართველოში და იმ პრობლემებს აგვარებდეს, რომლებიც დევნილ მოსახლეობას აწუხებს. დევნილებმავე უნდა აირჩიონ თავიანთი ხელისუფლება.

ამასთან, პრეზიდენტმა მაღალი შეფასება მისცა თამაზ ნადარეიშვილის პიროვნებას და განაცხადა, რომ მასაც და მთავრობის სხვა წევრებსაც ღირსეულ სამუშაო ადგილებს მოუძებნიან.

რუსეთში დაგეგმილ ვიზიტთან დაკავშირებით დასმულ შეკითხვებზე მიხეილ სააკაშვილმა უპასუხა:

ჯერჯერობით ვიცი ის, რომ განზრახული გვაქვს ძალიან კარგი შეხვედრის მოწყობა ზურაბ წერეთლის სალონში კულტურის მოღვაწეებთან. მე ძალიან მინდა ამ ვახშამზე დასწრება. ვემზადებით კონკრეტული შეხვედრებისათვის. ჩვენმა სამინისტროებმა მოამზადეს საქართველოსა და რუსეთის ურთიერთობის პრობლემური საკითხების ნუსხა და პუნქტობრივად განვიხილავთ მას.

ამთავითვე მინდა გითხრათ, რომ განსაკუთრებულ შედეგებს ვიზიტიდან არ ველოდები. არა მგონია, რომ სასწაულები ერთ დღეში შეიძლება მოხდეს, რომ პირველსავე დღეს ყველა საკამათო საკითხი მოგვარდება, მაგრამ ჩვენ უნდა შევქმნათ პოზიტიური ტენდენცია, იმ ნეგატიურისაგან განსხვავებული, რომელიც მთელი ამ წლების მანძილზე შეინიშნებოდა. ეს მოგვცემს შესაძლებლობას, სათავე დავუდოთ სამომავლო კარგ ურთიერთობებს.

საჯარო მხარდაჭერას მოჰყვება ჩვენი საჯარო მადლიერება // საქართველოს რესპუბლიკა. - 2004. - 6 თებერვალი. - N30 (4759). - 1-2 გვ.

ყველაფრიდან ჩანს, რომ პრეზიდენტ მიხეილ სააკაშვილის ბრიფინგები ტრადიციული ხდება. ეს გუშინ პარლამენტში, პრეზიდენტის ფლიგელში გამართულმა ჟურნალისტებთან შეხვედ დრამაც დაადასტურა.

საქართველოს პრეზიდენტმა გამოთქვა შეშფოთება და ღრმა გულისტკივილი მოსკოვში მომხდარი ტერაქტის გამო. მან განაცხადა:

მინდა გამოვხატო თანაგრძნობა იმ ტერაქტთან დაკავშირებით, რომელიც მოსკოვში მოხდა. ეს არის სრულიად შემაძრწუნებელი, ჩვენთვის ძალიან საგანგაშო ტერორისტული აქტი. უნდა გვესმოდეს, რომ იმ ზონებიდან, სადაც ოპერირებენ ტერორისტები, ჩვენ ძალიან ახლოს ვართ, ბევრად უფრო ახლოს, ვიდრე რუსეთის დედაქალაქი. ამიტომ ქართული საზოგადოება ძალიან ფრთხილად უნდა იყოს.

მინდა, თანაგრძნობა გამოვუცხადო რუსეთს, რუს ხალხს. მე უკვე გავუგზავნე თანაგრძნობის წერილი რუსეთის პრეზიდენტს.

მინდა ვთქვა, რომ საერთაშორისო ტერორიზმთან ბრძოლა არის საერთო თემა და არ შეიძლება იყოს მხოლოდ რუსეთის ან საქართველოს საზრუნავი. ყველამ უნდა გავაერთიანოთ ძალები, რათა არ მოხდეს მსგავსი რამის განმეორება არც რუსეთში, არც რეგიონში და არსად მსოფლიოში.

ჩემთვის ძალიან მნიშვნელოვანია, რომ ჩვენ შევძლოთ რუსეთთან საერთო ენის გამონახვა ამ პრობლემასთან დაკავშირებით.

ამ თემას პრეზიდენტი მოგვიანებით კიდევ ერთხელ დაუბრუნდება და განაცხადებს, რომ საქართველო მზად არის ყოველ ლმხრივ დაეხმაროს რუსეთს, მიაწოდოს ყველა რესურსი მეოცე საუკუნის ამ ჭირის - ტერორიზმის წინააღმდეგ საბრძოლველად. ნებისმიერი მოთარეშე, სადაც გინდა იმყოფებოდეს, დაკ კავებული უნდა იქნას და გადაეცეს იმ ქვეყანას, რომელიც ეძებს და რომლის მართლმსაჯულებამაც უნდა განსაჯოს იგი. საქართველო ტერორისტებისგან თავისუფალი ზონაა და ასეთად უნდა დარჩეს.

პირველი შეკითხვა პარლამენტში საკონსტიტუციო ცვლილებებისთვის კენჭისყრის პროცედურაში იმ დეპუტატთა მონაწილეობას შეეხებოდა, რომლებსაც აღარ ჰქონდათ სადეპუტატო უფლებამოსილება.

- იცით რა, - უპასუხა მიხეილ სააკაშვილმა, - გამოაკლონ ეს ხმები. მაინც საკმარისზე მეტი იყო. თუ მართლაც ასეთები იყვნენ, სიამოვნებით დავუჭერ მხარს იმას, რომ მათი ხმები გამოაკლდეს. მაგრამ ერთი რამ მეც მინდა გითხრათ. ის ოპოზიცია, რომელიც ხმაურობს პარლამენტში, ეგრეთ წოდებული ოპოზიცია, ეს არიან შევარდნაძისტები. მათი მხრიდან დემოკრატიაზე ხმაურის ატეხვა, ცოტა არ იყოს, უხერხულია.

მე ძალიან დიდ პატივს ვცემ იმ ადამიანებს, რომელთაც დაუჭირეს მხარი ცვლილებებს, ან აქვთ თავიანთი აზრი. მიმაჩნია, რომ ის, რასაც ჩვენ ვიღებთ, მარტო ჩემი აზრი არ არის, არამედ „ვენეციის კომისიის“ აზრია, რომელიც არის ევროპის საბჭოს საკონსტიტუციო კომისია, მთავარი საექსპერტო ორგანო ევროპაში. იგი ამბობს, რომ საქართველოში ამ ცვლილებებით პრეზიდენტის ძალაუფლება მცირდება: საქართველო საპრეზიდენტო რესპუბლიკიდან გადადის ნახევრად საპრეზიდენტო მოდელზე.

მე ამაზე წავედი შეგნებულად იმის გამო, რომ დარწმუნებული ვარ საკუთარ ძალებში, დარწმუნებული ვარ ხალხის მხარდაჭერაში, იმაში, რომ მთავრობასთან ერთად ვიქნებით შეკრული გუნდი და იმაშიც დარწმუნებული ვარ, რომ პარლამენტი თავზე ხელს იმდენად არ აიღებს, ყოველ სამ თუ ხუთ თვეში ერთხელ გამოცვალოს მთავრობა. ამისი იმედი მაქვს.

მაგრამ ჩვენ პარლამენტს ვაძლევთ ისეთ ბერკეტებს და მთავრობა იმდენად გაემიჯნება პრეზიდენტს, რომ პრეზიდენტის ძალაუფლება მცირდება ფორმალურად. სხვა საკითხია, რომ მე შევეცდები, ვიყო ისეთი პრეზიდენტი, რომელიც შეძლებს თავისი პროგრამის განხორციელებას იმ სამთავრობო გუნდთან ერთად, რომელიც უნდა იყოს ერთიანი გუნდი და არა პრეზიდენტის ნების უსიტყვო გამტარებელი.

ამიტომ, როცა ვლაპარაკობთ დემოკრატიაზე, ყველამ კარგად ჩახედოს, თუ რაზეა საუბარი. საუბარი კი იმაზეა, რომ პრეზიდენტის ძალაუფლება მცირდება, პარლამენტი იღებს მეტი კონტროლის უფლებას აღმასრულებელ ხელისუფლებაზე, მეორეს მხრივ, პარლამენტი თვითონ ხდება ურთიერთკონტროლის მექანიზმის შემადგენელი ნაწილი. მაგრამ პარლამენტის დათხოვნის ინიცირების საშუალება აქვს მხოლოდ პარლამენტს.

საფრანგეთში პრეზიდენტი პარლამენტს უმოტივაციოდ თვითონ ითხოვს. აქ კი ამის ინიცირების საშუალება ეძლევა მხოლოდ პარლამენტს იმით, რომ რამდენჯერმე არ დაამტკიცოს ბიუჯეტი ან მთავრობა, რაც პრაქტიკულად, თითქმის, შეუძლებელია.

ჟურნალისტები დაინტერესდნენ, ექნება თუ არა ქვეყანას საშუალება შეასრულოს საერთაშორისო სავალუტო ფონდის მიერ გათვალისწინებული მოთხოვნები.

- წინა მთავრობა ამოვარდა ფონდის პროგრამიდან იმის გამო, რომ ქვეყანაში იყო კორუფცია. დღეს, როგორც ამჩნევთ, მთელი მსოფლიო მიესალმება იმას, რომ ჩვენთან იჭერენ კორუმპირებულებს. ეს საყოველთაო ენთუზიაზმს იწვევს.

ახლა მეორე ასპექტი დგას. ადრე სავალუტო ფონდს ჩვენი მთავრობა ყველაფერზე უსიტყვოდ ეთანხმებოდა. ჩვენ უნდა ჩავატაროთ საგადასახადო რეფორმა, უნდა შევცვალოთ საგადასახადო სისტემა, მთელ რიგ სფეროებში უნდა შევძლოთ ფიქსირებული გადასახადების შემოტანა, გამარტივება და ზოგან - შემცირება. ასე ნელ-ნელა ვიაროთ მცირე და საშუალო ბიზნესის გადასახადების შემცირებისა და გამარტივების მიმართულებით, რაც იყო ჩვენი წინასაარჩევნო პროგრამა. თუ სავალუტო ფონდი ამას არ დაეთანხმება, ჩვენ მას სხვანაირად უნდა დაველაპარაკოთ. საქმე ის არის, რომ მარტო შტამპების მიღება იმის გაუთვალისწინებლად, რაც სჭირდება ქართულ ეკონომიკას, ჩვენ დაგვანგრევს.

მეორეს მხრივ, ეს ფული არის ძალიან საჭირო და იგი დაკარგა წინა მთავრობამ იმის გამო, რომ იყო კორუფცია. ახლა ჩვენთან კორუფცია აღარ არის, მაგრამ ჩვენ მივაღწევთ იმას, რომ არც ისე მოხდეს, რომ ბრმად გავიზიაროთ რაღაც რეკომენდაციები, რითაც საგადასახადო სისტემა ძველებურად კორუმპირებული, გაუმჭვირვალო და მოუქნელი დარჩება.

ჩვენ ვამცირებთ საგადასახადო ინსპექტორების რაოდენობას, ვუზრდით მათ ხელფასებს, ვამცირებთ მებაჟეების რაოდენობას და გავზრდით მათ ხელფასებს, მაგრამ, ამავე დროს, გადასახადები უნდა იყოს იმდენად მარტივი, რომ ვერავინ ვერ შეედავოს ბიზნესმენს მათს ინტერპრეტაციაში. ჩვენი საგადასახადო კოდექსი არის მთელს რეგიონში ერთ-ერთი ყველაზე რთული, უაზრო, და ამასთან - კორუფციის წყარო. ამიტომ ან ეს კოდექსი შეიცვლება, ან ყველას დიდ მადლობას გადავუხდით და ჩვენ ვიპოვნით ჩვენს გზას, რადგან ჩვენ გვჭირდება ის, რაც საქართველოს ეკონომიკას და ქართველ ხალხს სჭირდება. სწორედ ჩვენი და არა ის, რასაც დაგვიწერენ თუნდაც ვაშინგტონიდან ჩამოსული ინსტრუქტორები, ჩვენ ყველას პატივს ვცემთ, მაგრამ გვაქვს ჩვენი, ლოკალური, რეფორმატორული ინტერესები.

მოჰყვება თუ არა მთავრობის რეორგანიზაციას სამინისტროების შემცირება. ამ შეკითხვას პრეზიდენტმა უპასუხა, რომ, რა თქმა უნდა, მოჰყვება. მაგალითად დაასახელა ახალი - ინფრასტრუქტურის სამინისტრო, რომელიც გააერთიანებს ენერგეტიკის, ტრანსპორტის და კავშირგაბმულობის სფეროებს, ასევე გაერთიანდება კულტურის სამინისტრო და სპორტის დეპარტამენტი, სხვა სახელმწიფო დეპარტამენტები შეუერთდებიან შესაბამის სამინისტროებს, როგორც მათი ნაწილი. ამასთან, მკვეთრად შემცირდება საგადასახადოს თანამშრომელთა, პოლიციელთა რაოდენობა, ჩამოყალიბდება ერთიანი საპატრულო პოლიცია, კრიმინალური პოლიცია, საგზაო პოლიცია კი საპატრულო პოლიციის ნაწილი გახდება და სხვა.

ჩვენი ამოცანაა, - თქვა მან, - შევქმნათ ისეთი სტრუქტურები, რომლებიც იქნება ერთიანი სისტემის ნაწილი, ნაკლები ბიუროკრატიით. ჩვენ არ გვჭირდება ბევრი ოცლარიანი თანამშრომელი, ჩვენ გვჭირდება ცოტა, მაღალხელფასიანი პროფესიონალები, რომლებიც არ აიღებენ ქრთამს. ამავე დროს ხალხის ქუჩაში გაყრა არ შეიძლება. ჩვენ ვაპირებთ, გვქონდეს გარდამავალი პერიოდები, გადამზადების პროგრამები, რომ ეს ხალხი შიმშილით არ მოკვდეს.

ქვეყნის ადმინისტრაციულ მოწყობასთან დაკავშირებულ შეკითხვის საპასუხოდ პრეზიდენტმა განაცხადა:

- ჩვენ შეგვაქვს კანონპროექტი, რომლის მიხედვით ყველა გამგებელი უნდა იყოს არჩევითი, რასაც ხალხი ითხოვს. ადრე გამგებელი ინიშნებოდა პრეზიდენტის მიერ, ახლაც ასეა და ის ანგარიშვალდებული იყო პრეზიდენტის წინაშე, ნაკლებად - ხალხის წინაშე. ყველა უნდა აირჩიოს ხალხმა. რაც შეეხება რაიონების გამსხვილებას, ეს პარლამენტის გადასაწყვეტია. მე მიმაჩნია, რომ რაიონები, გარკვეულ შემთხვევაში, უნდა გამსხვილდეს, გარკვეულ შემთხვევაში - დარჩეს, როგორც არის. მაგრამ არ უნდა მოხდეს პროცესების ხელოვნური პროვოცირება. წინა ხელისუფლებას ეშინოდა არჩევითი გამგებლების. მე არ მეშინია, რადგან დარწმუნებული ვარ, ნორმალურ ხალხს აირჩევენ. თუმცა არის სხვა საფრთხეც: რამდენიმე მერი, რომელიც აირჩიეს, აღმოჩნდა კორუმპირებული. მაგრამ ხალხმა ხომ დაინახა, რომ კორუმპირებულია და მომავალში ასეთს აღარ აირჩევს. ხალხმა უნდა ისწავლოს არჩევა, ხალხმა უნდა ისწავლოს პასუხისმგებლობის აღება.

- თანამდებობის პირთა გახშირებულმა დაკავებამ გარკვეული დაძაბულობა გამოიწვია ხალხში. რას ფიქრობს ამასთან დაკავშირებით პრეზიდენტი. მისი პასუხი ასეთი იყო:

- გენერალური პროკურორის ოქრუაშვილის მოქმედებამ გამოიწვია ის, რომ ბევრი ადამიანი უკვე ქრონიკულად ვერ იძინებს ღამღამობით იმის შიშით, რომ დააკავებენ.

- მინდა ვთქვა, რომ, ჯერ ერთი, არავითარ ინსტრუქციებს არავის არ ვაძლევთ, რომ ვინმე დააკავონ. ეს უნდა განსაზღვროს კანონმა. ერთადერთი ინსტრუქცია, რომელიც ყველასთვის მიცემული გვაქვს, არის ის, რომ ყველა, ვინც დასაჭერია, დაჭერილი უნდა იქნას. ყველა, ვინც დასაჭერი არ არის, არ უნდა დაიჭირონ, უნდა გაუშვან. არავინ არ უნდა გაექცეს მართლმსაჯულებას, ყველამ უნდა აგოს პასუხი იმაზე, რასაც აკეთებს და რასაც გააკეთებს მომავალში.

ყველამ უნდა იცოდეს - ნაციონალური მოძრაობის წევრია თუ ჩემი მეგობარი, ახლობელია თუ ნათესავი, ყველა უნდა იცავდეს კანონს. იყო შემთხვევები, როცა ნაციონალური მოძრაობის წევრებს იბარებდნენ პროკურატურაში და მე ეს ერთი წუთითაც არ მწყენია, რადგან ყველა არის თანასწორი კანონის წინაშე. კონკრეტულ გვარებს რაც შეეხება, ეს უნდა განსაზღვროს პროკურატურამ და სასამართლომ და ღმერთმა დამიფაროს ამ საქმეებში ჩარევისგან.

ახალ მინისტრთა კაბინეტზე საუბრისას პრეზიდენტმა სააკაშვილმა განაცხადა, რომ მისი შემადგენლობა იქნება ძალიან საინტერესო, ძალიან ახალგაზრდული, ძალიან მოულოდნელი საქართველოსნაირი ქვეყნისთვის. იქვე დააზუსტა, რომ ახალგაზრდული ეს კაბინეტი საშუალო ასაკისკენ უფრო გადახრილი იქნება, იქნებიან პროფესიონალები და ქალებიც. მან გაიხსენა, რომ მაშინ, როცა იგი სასამართლო სისტემას აკომპლექტებდა, 60 პროცენტი ქალები დანიშნა.

- ჩემი იდეალია, - თქვა პრეზიდენტმა, - რომ საქართველოს პრეზიდენტიც ქალი იყოს (და იქვე ჩაურთო: ოღონდ ეს ბურჯანაძეს არ უთხრათ!), პარლამენტის თავმჯდომარეც ქალი იყოს და მინისტრების უმრავლესობაც - ქალები. მიმაჩნია, რომ ქვეყნისთვის ეს კარგი იქნება. მოხდა ისე, რომ ამჯერად კაცი აირჩიეს. ესეც დროებითია.

საუბარი ჩამოვარდა მასმედიასთან ურთიერთობაზეც, პრესაზე ზეწოლაზე.

- მე რომ არ ვახორციელებ ზეწოლას, ეს ზუსტად ვიცი. უფრო მეტიც: ჩემი მთავარი მოკავშირე არის თავისუფალი სიტყვა. რაც უფრო მეტი საშუალება მომეცემა ავუხსნა ჩვენს ხალხს, რას აკეთებს მთავრობა, უფრო ბედნიერი ვიქნები. თუ წინა ხელის სუფლებისთვის მზის სინათლეზე გამოსვლა იყო მისი მითიური სამყაროს დანგრევა, დღეს ყველა ტყუილსა და გაუგებრობაზე მე მაქვს ჩემი პასუხი. ამიტომ, რაც უფრო მეტი მედია იქნება, რაც უფრო მეტი ტელევიზია იქნება, ეს არის ჩემს ინტერესებში. სხვა საკითხია, რომ ტელევიზიებმა თვითონ უნდა განსაზღვრონ ფორმატი. თუ ვინმე ხელისუფლებიდან რაიმე ფორმით განახორციელებს ზეწოლას რომელიმე ტელევიზიაზე ან გაზეთზე მით უმეტეს (რადგან გაზეთი ყველაზე დაუცველია), მე ვიქნები პირველი, ვინც ამ ხალხს მოსთხოვს უმკაცრეს პასუხს.

საქართველოს ტელევიზიის პირველ არხზე საუბრის დროს პრეზიდენტმა სააკაშვილმა თქვა:

- მე მიმაჩნია, რომ იგი უფრო გაიზრდება, დამშვენდება, გაბრწყინდება. არავის ეწყინება, თუ ვიტყვი, რომ აქ არის ყველაზე საინტერესო ჟურნალისტური პოტენციალი. ყველაზე დიდი რესურსი არის სახელმწიფო არხზე, მაგრამ ისინი გამოუყენებელი იყო. თუმცა არა იმის გამო, რომ ხელმძღვანელები არ ვარგოდნ ნენ, არამედ იმის გამო, რომ ეს იყო მაგდანას ლურჯა, რომელიც შეგიძლია ამუშაო და საკვები არ მისცე. ასე არ იმუშავებს არც ერთი ტელევიზია. მაგდანას ლურჯას მდგომარეობიდან იგი გარდაიქმნება ნორმალურ, სახელმწიფოს მხარდაჭერით მოსარგებლე, ალბათ საზოგადოებრივ ტელევიზიად. ამას სჭირდება გარკვეული პროცედურები. მას უნდა ჰქონდეს კარგი დაფინანსება და უკეთესი მხარდაჭერა. მე არ მიმაჩნია, რომ ხალხის იქიდან გაგდება არის საკითხის გადაწყვეტა. ეს დამსახურებული ხალხია. რა თქმა უნდა, გარკვეული რეფორმები განხორციელდება, ეს თვით ტელევიზიის გადასაწყვეტია. მაგრამ ერთი რამ არის ცხადი - პროფესიონალთა კადრები შესანარჩუნებელია, გასაფრთხილებელი და გამოსაყენებელი. ეს არის მთავარი პოტენცია, რომელიც საქართველოში აუმუშავებელია. მართლა მიმაჩნია, რომ სახელმწიფო არხი ხალხს უფრო მეტად უნდა შეუყვარდეს. მე ვიცი მთელი რიგი რეგიონები საქართველოში, სადაც არა იმიტომ, რომ სხვას ვერაფერს იჭერენ, ყველაფერს იჭერენ უკვე, პირველი არხის გარდა სხვას არაფერს უყურებენ. ბევრი ახალი ტელევიზია გვაქვს, მაგრამ არსებობს რაღაც ჩვევა, ტრადიცია, კულტურა ამ ტელევიზიის... საავტორო გადაცემები მის გარდა თითქმის სხვას არავის აქვს. მე გამეხარდება, რომ საქართველოში იყოს ორმოცდაათი ტელევიზია და ყველა იყოს ერთმანეთზე უკეთესი, თუნდაც ყველა მლანძღავდეს.

პრეზიდენტმა სააკაშვილმა თავისი შეხედულება გამოთქვა საქართველოს ახალი ჰიმნის შესახებ, უპასუხა ჟურნალისტთა სხვა შეკითხვებს.

ჩემი მთავარი მოკავშირე არის თავისუფალი სიტყვა // საქართველოს რესპუბლიკა. - 2004. - 7 თებერვალი. - 31 (4780). - 1-2 გვ.

ექსკლუზიური ინტერვიუ მიხეილ სააკაშვილთან

გაპრეზიდენტების შემდეგ მიხეილ სააკაშვილის ნაბიჯები დიდ ვნებათაღელვას იწვევს. შევარდნაძის მმართველობის დუნე რიტმის შემდეგ სააკაშვილისთვის ფეხის აწყობა ბევრს გაუჭირდა. ყველასათვის გასაგები არც მისი მოულოდნელი გადაწყვეტილებებია - ზურაბ ჟვანიასთვის უსაზღვრო ნდობის გამოცხადებამ ნაციონალებიც კი დააბნია. ამ საყოველთაო დაბნეულობა-გაოგნებას მეტისმეტად ამძაფრებს ოქრუაშვილი-ბარამიძის ტანდემის გამოცხადებული ბრძოლა კორუფციასა და დამნაშავეობასთან. ციხის საკნებში წარსულში ძლიერი ამა ქვეყნისანი გამოჩნდნენ, ბევრსაც მომავალში ელის საპყრობილის მძიმე ჰაერთან შეგუება. როგორ ხსნის თავის მოქმედებებს საქართველოს პრეზიდენტი? მოსკოვში ვიზიტის წინ „კვირის პალიტრა“ მიხეილ სააკაშვილს შეხვდა და ალბათ მთელი საზოგადოებისათვის საინტერესო საკითხებზე ექსკლუზიური ინტერვიუ ჩამოართვა.

- ბატონო მიხეილ, ახალმა საკონსტიტუციო ცვლილებებმა აზრთა დიდი სხვადასხვაობა გამოიწვია. ოპოზიციის აზრით, ამ ცვლილებების კონსტიტუციაში ჩაწერა ავტორიტარულ რეჟიმს დაამკვიდრებს, ხელისუფლება კი ცვლილებებით საქართველოში სუპერდემოკრატიის ოაზისის შექმნას გვპირდება. რას მოგვიტანს სინამდვილეში კონსტიტუციაში ახალი პუნქტების შეტანა?

- ამ კონსტიტუციით ევროპული კონსტიტუციის მოდელებს ვუახლოვდებით. მე მაქვს ვენეციის კომისიის დასკვნა, რომელშიც წერია, რომ ეს ფრანგული მოდელია. სიტყვა „დიქტატურა“ კი ძალზე ბრიყვ ადამიანებს შეუძლიათ ახსენონ, იმიტომ, რომ ევროსაბჭოს დასკვნითაც საქართველო საპრეზიდენტო რესპუბლიკიდან ნახევრად საპრეზიდენტო რესპუბლიკაზე გადადის. პირველი და მთავარი ის არის, რომ პრეზიდენტის უფლებამოსილება იზღუდება. არ შეიძლება პრეზიდენტი ქვეყანაში ყველაფრით იყოს დაკავებული. მას ყველაფერი მოეკითხება და საბოლოოდ ვერაფერს აკეთებს. ამიტომაც იქმნება აღმასრულებელი ხელისუფლების მეორე ფოკუსი - მთავრობა, რომელიც ყოველდღიურ საქმიანობას წარმართავს. ეს მოსახერხებელი იქნება პრეზიდენტისთვისაც, რომელმაც მთავარ საკითხებზე უნდა მოახდინოს კონცენტრაცია. იქნება ეს აფხაზეთის საკითხი, ზოგადად, ტერიტორიული მთლიანობის აღდგენა, წესრიგის დამყარება ქვეყანაში, მთავრობაზე მეთვალყურეობა და ა.შ. პრეზიდენტი, რომელიც დისპეჩერია, თავის ძირითად ფუნქციას ვერ შეასრულებს. თუ ის დენის ჩართვა გამორთვაზე გადაიტანს ყურადღებას, მისი მმართველობა ეფექტიანი ვერ იქნება. ამ ცვლილებების თანახმად, მომავალი წლიდან ყველა მერი და გუბერნატორი არჩევითი იქნება (მათ შორის, თბილისისაც). ეს არის ახალი, სრულიად დემოკრატიული ნაბიჯი, რომლის ანალოგია არ არსებობს პოსტსაბჭოთა სივრცეში - თუმცა სარისკო ნაბიჯიც არის, მაგრამ ერთი წელი გვაქვს ხალხის მოსამზადებლად იმისათვის, რომ ადგილობრივი მაფიოზები კიარ აირჩიონ, არამედ ის ადამიანები, რომლებიც მათ მართლაც დაიცავენ. რაც შეეხება თავად პარლამენტის უფლებებს, მიმაჩნია, რომ ცვლილებებით პარლამენტის უფლებები არათუ შემცირდა, არამედ გაიზარდა. მაგალითად, საფრანგეთში პრეზიდენტს უმოტივაციოდ შეუძლია პარლამენტის დათხოვნა.

- მაგრამ საფრანგეთის პარლამენტში ორი პალატა არსებობს...

- საფრანგეთში ზედა პალატა არაფერს ნიშნავს, რეალურად გადაწყვეტილებებს იღებს ქვედა პალატა, რომლის დათხოვნა შეუძლია საფრანგეთის პრეზიდენტს. თუ ვინმეს უნდა საქართველოში ზედა პალატის შექმნა, კი ბატონო, მაგრამ ეს იქნება რეალურად პენსიონერთა კლუბი, რომელიც არაფერს გააკეთებს და ისევ სახელმწიფოს შესანახი იქნება, რისი საშუალებაც, ვფიქრობ ჩვენს ქვეყანას დღეს არა აქვს. ჩვენს კონსტიტუციაში ჩაიწერა, რომ პარლამენტს საკუთარი თავის დათხოვნა შეუძლია, ოღონდ ექვსთვიანი პროცედურების შემდეგ, თუ თვითონ თქვა უარი ყველა საკითხის - მათ შორის ბიუჯეტისა და მთავრობის დამტკიცებაზე; სამაგიეროდ, პარლამენტს ნებისმიერ დროს შეუძლია მთავრობის გადაყენება, რაც ფაქტობრივად მისი პოზიციის გაძლიერებას ნიშნავს.

ვინც ყვიროდა, - კონსტიტუცია არ მოგვწონსო, დაველაპარაკე და აღმოჩნდა, რომ კონსტიტუციასთან კი არა, განხილვის სწრაფი პროცედურების გამო აქვთ პრეტენზია. პროცედურები იმიტომ დაჩქარდა, რომ 5-6 თვეს მათ განხილვაზე ვერ დავკარგავთ. ჩვენ გვჭირდებოდა მმართველობის მოხერხებული მოდელი. წინა მმართველობის დროს პრეზიდენტი, ფაქტობრივად, იმპერატორი იყო. ყოველდღე მირეკავს ხალხი და ისეთი საკითხების გადაწყვეტას მთხოვენ, ისეთი დოკუმენტები შემოაქვთ ხელმოსაწერად, რომ შევარდნაძისადმი სოლიდარობის გრძნობაც კი მიჩნდება. ის თუ ყველაფერ ამას კითხულობდა და ხელს აწერდა, კიდევ კარგ ჭკუაზე ყოფილა ბოლოს. შეუძლებელია პრეზიდენტმა იცოდეს ყველა ის საკითხი, რაზეც მას აწერინებდნენ ხელს.

დღეიდან ხელისუფლების გამიჯვნა ხდება. პასუხისმგებელი მთავრობა იქნება, მაგრამ თუ მთავრობა ზედმეტად ცუდად მოიქცევა, პრეზიდენტს ყოველთვის შეუძლია იგი გადააყენოს ან ლაგამი ამოსდოს.

ბევრ სფეროში, ვფიქრობ საჭიროა საგანგებო ღონისძიებები. მაგალითისთვის გადასახადის აკრეფას მოვიყვან. გადავწყვიტე, რომ ამ საკითხში ვენდო მთავრობას, თუმცა მიუხედავად ამისა, რომ პირდაპირი ჩარევის უფლება არ მაქვს, სერიოზული კონტროლის ქვეშ მეყოლება ის, რაც ხდება ამ სფეროში.

- თუ ეს მართლაც დემოკრატიული ცვლილებებია, რით იყო გამოწვეული ოპოზიციის კი არა, თქვენი თანაგუნდელის, კობა დავითაშვილის უკმაყოფილება?

- კობა ნამდვილად პატრიოტია და ნაციონალური მოძრაობის მნიშვნელოვანი ფიგურა. თუმც პირდაპირ ვიტყვი, რომ რევოლუციაში მას მონაწილეობა არ მიუღია (თავისი მოსაზრებები ჰქონდა რევოლუციაზე) და ეს ყველამ ნახა. ქართულ პოლიტიკას მუდმივად ჰქონდა მიდრეკილება ფრაგმენტიზაციის, დაყოფის, დაწევრიანებისა და ერთმანეთზე გადაკიდებისკენ. რევოლუცია იმიტომ იყო წარმატებული, რომ სხვადასხვა პოლიტიკურმა ძალამ მოიყარა თავი. ამიტომ მოიხიბლა ევროპა იმით, რაც საქართველოში მოხდა. რევოლუციის მეორე დღესვე თუ დავქუცმაცდით, ეს წარმოუდგენელი უგუნურება იქნება. კი, ზოგიერთ ჩემს მეგობარს არ მოსწონს რომ ვერთიანდებით ბურჯანაძესა და ჟვანიასთან, მაგრამ მიმაჩნია, რომ ერთიანობას ალტერნატივა არ აქვს. პირიქით, სხვა პოლიტიკური ძალებიც უნდა შემოგვიერთდნენ. თუ მაქსიმალისტური მიდგომის გამო უარი ვთქვით გაერთიანებაზე, ამით გაცილებით მეტს დავკარგავთ, ვიდრე მოვიგებთ, თუნდაც ხალხის თვალში. თუ გვინდა ქვეყანა გაუმკლავდეს სერიოზულ გამოწვევებს, უნდა ვიყოთ შეურიგებლები და ამავდროულად ერთიანებიც. დანაწევრებული ჯგუფები ვერაფერს შეძლებენ, ამიტომ რაღაც უნდა დავთმოთ, ზოგჯერ უნდა დავუთმოთ ჟვანიასაც და ბურჯანაძესაც... ნეტავ სხვებიც მოვიდნენ და მათ ინტეგრაციასაც მოვახდენთ. ეს ნაბიჯი ჩვენს ბევრ მეგობარსა და შეიძლება ჩემი ოჯახის ზოგიერთ წევრსაც არ მოსწონდეს, მაგრამ ეს მათი პრობლემაა. პოლიტიკურად ეს სწორი ნაბიჯია და ამაში ვერავინ გადამარწმუნებს, რადგან, ვიცი სხვა ქვეყნებისა და ჩვენი მწარე გამოცდილება.

- როგორ ფიქრობთ, ამ უკმაყოფილების მიზეზი პრემიერ რ-მინისტრის გაძლიერება იყო თუ ჟვანიას წინააღმდეგ გაილაშქრეს?

- რა თქმა უნდა, ეს ლაპარაკი იმის გამო იყო, რომ ესა თუ ის პირი არ მოგვწონს, არ უნდა ვენდოთ, მოგვატყუებენ, გვიღალატებენო. არ უნდა უყურო ადამიანს ეჭვით, წინასწარ არ უნდა იძახო, რომ გიღალატებს და მოგატყუებს. ადამიანს უნდა მისცე საშუალება საქმე აკეთოს. ის კი არა რაც მეტი ხალხი დაგვიდ დგება გვერდით, თუნდაც ისეთები, რომლებიც მხარს არ უჭერდნენ ხელისუფლების შეცვლას, მეტი შედეგი გვექნება. ვიცი, ბევრს არ მოსწონს ჟვანია, ბევრს მე არ მოვეწონები. გემოვნებაზე ვერ ავაგებთ პოლიტიკურ პროცესებს.

- როგორ აფასებთ მიმდინარე პროცესებთან ოპოზიციის დამოკიდებულებას?

- ძალიან ვშიშობ იმის გამო, რაც ხდება ოპოზიციაში. მინდა ოპოზიცია გაერთიანდეს და შევიდეს პარლამენტში. ამას პრაქტიკული მოსაზრებებიდან გამომდინარე ვამბობ. თუ ოპოზიცია პარლამენტში არ შევიდა და ყველა ადგილი ნაციონალურმა მოძრაობამ აიღო, ეს 1 ან 2 წელიწადში ავტომატურად გამოიწვევს მის დაყოფასა და დაშლას მარტივ მამრავლებად. ამა თუ იმ ჯგუფის კონსოლიდაციისათვის აუცილებელია ჰყავდეს მეორე მხარე (ოპონენტი), რომლის წინააღმდეგაც უნდა ხდებოდეს კონსოლიდაცია.

არჩევნები ჩემი ინიციატივით იმის გამო გადაიდო, რომ ოპოზიციამ მოახერხოს ძალის მოკრება, გაერთიანება, რათა შედეგს მიაღწიონ. ამისთვის მათ საკმარისი დრო აქვთ. მეორე მხრივ, ნამდვილად არ ვაპირებ არჩევნების გაყალბებას. მათ ხმები რეალურად უნდა მოიპოვონ. ჩვენ გვჭირდება, რომ ყველამ თქვას, - ეს იყო სუფთად ჩატარებული საპარლამენტო არჩევნებიო. მზად ვარ, განვიხილო, საარჩევნო კომისიების შემადგენლობის ცვლილების საკითხი, რათა არავინ იგრძნოს თავი დაჩაგრულად. არჩევნების გაყალბებას არ ვაპირებ და არც სხვას გავაყალბებინებ. ოპოზიციამ უნდა იმუშაოს, იარონ რეგიონებში, შეხვდნენ ხალხს. ჩვენ არჩევნები იმიტომ მოვიგეთ, რომ 230 სოფელში გავმართე შეხვედრა. ამას ნებისმიერ ოპოზიციურ პარტიას ვურჩევ, არ კმარა მხოლოდ ტელევიზიით ლაპარაკი. ხალხი იმიტომ გამომყვა, რომ პირადად ვყავდი ნანახი და მიცნობდა. ასევე უნდა მოიქცნენ ოპოზიციის წარმომადგენლებიც.

- რომელი ოპოზიციური ძალა მიგაჩნიათ პერსპექტიულად?

- ახლა რთულია ამის თქმა. დღეს რომ ნახოთ, ყველას რეიტინგი ერთნაირად დაბალია, მაგრამ ციფრები შეიძლება ერთ დღეში გაიზარდოს. არ არსებობს 100-პროცენტიანი რეიტინგი ისევე, როგორც უცვლელი რეიტინგი. არსებობს მხოლოდ სწორი პოლიტიკური გათვლა და ახლა ინტუიცია უნდა გამოიჩინონ პოლიტიკურმა ძალებმა. პარლამენტში მოხვედრის შანსი აქვთ ლეიბორისტებს, „ახლებს“, „მრეწველებს“, თუკი ვინმესთან გაერთიანდებიან. თუკი ცალკე წავა არჩევნებზე, შესანიშნავი შანსი აქვს ჯუმბერ პატიაშვილს.

- რამდენიმე ტელევიზიაში ღამის საინფორმაციო გადაცემის ერთდროულად შეჩერების შემდეგ ხმა დაირხა, რომ ეს თქვენი დირექტივა იყო.

- ეს კითხვა მე არ მეკუთვნის რამდენადაც ვიცი, ეს ტელევიზიებმა ურთიერთშეთანხმებით გააკეთეს - საკუთარი ინტერესებიდან გამომდინარე. ხელისუფლებას რაც მეტი საშუალება ექნება თავისი შეხედულებების გამოსათქმელად, მით უკეთესი. ხალხთან მაქსიმალური კონტაქტი ჩვენი პოზიციის დასაბუთების საუკეთესო საშუალებაა. ნეტავ ყოველ საღამოს მქონდეს შესაძლებლობა ყველას ავუხსნა, რას ვაკეთებთ. ვფიქრობ, ტელევიზიები ევროპულ სტანდარტებზე ფიქრობენ გადასვლას. დასავლეთში ინფორმაციები ყველაზე მომგებიან დროს, საღამოს გადაიცემა, ღამით კი გასართობ პროგრამებს აჩვენებენ. ერთი შემიძლია დაბეჯითებით გითხრათ, რომ შეუძლებელია დღეს საქართველოში ეკრანიდან პოლიტიკა გაქრეს.

- გამორიცხავთ, რომ ჩინოვნიკების დაპატიმრებების პროცესს პატიოსანი ხალხიც გადაჰყვეს და ვინმე კორუმპირებულმა პროკურორმა, თუნდაც სადმე მიყრუებულ სოფელში ან რაიონში, შანტაჟის ან დაშინების გზით ფული გამოსძალოს ან გენპროკურორთან თავის მოსაწონებლად დაიჭიროს ის ბიზნესმენი, ან მოქალაქე, რომელსაც ვთქვათ წლების წინ 2.000 ლარი არ აქვს გადახდილი ბიუჯეტში. ასეთები ხომ მრავლად არიან?

- აბსოლუტურად ვეთანხმები ამ მოსაზრებას და ეს არ უნდა დავუშვათ. ჯერ ერთი, გადასახადების გადაუხდელობის გამო დაპატიმრება ექსკლუზიური ზომაა - 2 ათასი ლარის გამო არავინ არ უნდა დაიჭირონ. თუმც ყველა უნდა შეეჩვიოს გადასახადების გადახდას, განსაკუთრებით ისინი, რომელთაც 2 ათასი კი არა, 2 მილიონი აქვს გადასახდელი. არავითარ შემთხვევაში არ დაიწყება რეპრესიები. დაპატიმრებების რაოდენობა გვიჩვენებს იმას, რაოდენ კატასტროფულ მდგომარეობაში იყო სახელმწიფო აპარატი. პრაქტიკულად, ვისაც უნდა დაადო ხელი, ყველა დასაჭერია, მაგრამ ეს არ ნიშნავს იმას, რომ ყველას დავიჭერთ. არიან კორუფციის მსხვერპლნი. საგადასახადოს ინსპექტორი თუ ამიერიდან აღარ აიღებს ქრთამს, არ გამოვეკიდებით იმას, რა გააკეთა ორი წლის წინ. მათ კი, რომლებმაც შექმნეს კორუფციის სისტემა - დეპარტამენტის ხელმძღვანელობამ და მინისტრებმა, პასუხი უნდა აგონ. მთავარი ჩემთვის ის კი არ არის, ეს ხალხი ციხეში ჩავსვა. მთავარია, ფული მოიტანონ - ეს არის ჩემი მთავარი გეზი. ახლა შემომაქვს კანონი, რომელიც პროკურატურას საშუალებას მისცემს, თითოეულ კორუმპირებულს მითვისებული 10-15 მლნ. გადაახდევინონ და მერე შეიძლება მათი სასჯელის ვადა შემცირდეს კიდეც. ამით ისინი დაისჯებიან მორალურად და ფინანსურადაც. მაფიოზი, რომელიც ზის ციხეში და აქვს მობილური, გარეთ კი ფული, ჩემთვის ისეთივე საშიშია, როგორც გარეთ მყოფი მაფიოზი, იმიტომ, რომ ის ფულით ყველაფერს გააკეთებს. მაფიოზისგან კი, რომელსაც აღარ ექნება ფული და გარეთ იქნება, იმდენ საფრთხეს აღარ ველი.

ასევე მივიღებთ კანონს, რომელიც მხილებულ პირებს აუკრძალავს თანამდებობაზე ყოფნას. იმედი მაქვს, დაპატიმრებების რაოდენობა ამის შემდეგ შემცირდება. იმის გამო კი არა, რომ ეს მე მსურს, უბრალოდ ახალმა ხალხმა უნდა იცოდეს, რომ თანამდებობა ხელშეუხებლობის გარანტი არ იქნება.

ამას წინათ ნაციონალური მოძრობის ერთი წევრი ისე დაჰკითხეს, არაფერი ვიცოდით. ეს ძალიან კარგი ნიშანია. პროკურატურა არ უწევს ანგარიშს, ვინ რომელი გუნდის წევრია. როგორც მერე მითხრეს, იმ ადამიანს საკმარისი მტკიცებულებები რომ არ ჰქონოდა, შეიძლება დაეპატიმრებინათ კიდეც. როცა ხალხი დაინახავს, რომ მართლმსაჯულება მიუკერძოებელია, რომ მისთვის სულერთია პარტიულობა, ორიენტაცია და მეგობრობა - ეს იქნება ჩვენი მიღწევა. ყველა ჩემიანმა იცის, თუკი რომელიმე მათგანი კორუფციაში გაერევა, არ დავინდობ.

- შეუძლებელია, თქვენ გვერდით ყველა სუფთა იყოს.

- რა თქმა უნდა და ისინი უთუოდ პასუხს აგებენ. ჩვენი ამოცანა არ არის ხალხს დავერიოთ. მოქალაქეები მსხვერპლნი არიან. მხოლოდ დაპატიმრებები საქმეს არ შველის. რეფორმებია საჭირო. არ გვჭირდება ამდენი საგადასახადო ინსპექტორი, მაგრამ ამ სამსახურში თანამშრომლების შერჩევა ობიექტურად უნდა მოხდეს. აუცილებელია, მაღალი ხელფასი ჰქონდეთ. მაღალი ხელფასი უნდა ჰქონდეთ საგზაო ინსპექტორებსაც...

დაპატიმრებები ვრცელდება არა მხოლოდ თანამდებობების პირებზე, უპირველესად ორგანიზებული დანაშაულის ხელმძღვანელებზეც. მნიშვნელოვანი რამ მოხდა სამეგრელოში. ცენტრალური ხელისუფლება პირველად ჩავიდა იქ არა როგორც დამრბევი, არამედ როგორც ხალხის დამცველი. გახარებული ხალხი გვეგებებოდა და თავიანთ დამცველებად გვთვლიდა. იგივე იქნება სვანეთში, კახეთში, სამტრედიაში, სადაც ბანდები მოქმედებენ. გათავხედებული ბანდიტების შიშით ზუგდიდში ავტობუსი ვერ გამოდიოდა ქუჩაში. მათ წინააღმდეგ ჯოხის კანონი ამოქმედდება. წინა ხელისუფლება კი ამ ხალხს ეუბნებოდა, - სააკაშვილი რომ წამოვა, ესროლეთ და ამით ხელშეუხებლობას მიიღებთო. მოდი, ერთად ჩავებათ კონტრაბანდაში. რომ ავხსნათ თქვენი არსებობა, დაგარქმევთ პარტიზანებსო. რა პარტიზანია ასფალტის პარტიზანი, რომელიც არასოდეს ყოფილა იქ, სადაც უნდა იყოს წესით. ისინი არიან ჩვეულებრივი ყაჩაღები, რომლებიც საკუთარ ხელისუფლებას არბევენ.

- დღეს ბიზნესმენები დაბნეულები არიან, არ იციან, როგორ მოიქცნენ... ამდენი ხნის განმავლობაში მათ არ ჰქონიათ სუფთა ბუღალტერია და ფიქრობენ, რა მნიშვნელობა აქვს ახლა რომ გადავიხადო, თუ მოდავება უნდათ ველზე, მაინც მომედავებიანო. ხომ არ ფიქრობთ, დაიდოს ზღვარი, რომ ამა თუ იმ თვის ან რიცხვის შემდეგ ვინც არ გადაიხდის გადასახადს, ის დაისაჯოს, მანამდე თუ რამ დარღვევა ჰქონდათ გადამხდელებს, ამაზე პასუხი არ მოსთხოვოთ... ასეთ დროს ე.წ. საფინანსო „ამნისტია“ მიღებული ფორმაა მსოფლიოში.

- ვაპირებთ საგადასახადო სისტემის შეცვლას, მაგრამ საყოველთაო ამნისტიის წინააღმდეგი ვარ. ზღვრის გავლებას ჩვენც ვფიქრობთ, მაგრამ რა ერქმევა ამას, ზუსტად არ ვიცი. საგადასახადო სისტემა უთუოდ გამარტივდება. 10 გადასახადის ნაცვლად ალბათ 2 უნდა დარჩეს... საგადასახადო ინსპექტორს აღარ ექნება საშუალება გადასახადის გადამხდელი დააშანტაჟოს. რაც მეტი გადაიხდის ბიუჯეტში, მით მეტად იქნება გადას სახადის შემცირების საშუალება. ჩემი აზრით, რაც უფრო დიდი ბიზნესი ექნება ბიზნესმენს, მით მეტი უნდა გადაიხადოს. მცირე და საშუალო ბიზნესს კი რაც შეიძლება ნაკლები გადასახადი ჰქონდეს.

- ამბობენ ვარდების რევოლუციაში დახმარების სანაცვლოდ ჯორჯ სოროსს საქართველოს რკინიგზას, პორტსა და აეროდრომებს უმიზნებსო...

- ჯორჯ სოროსი საქართველოს მეგობარია. ის აქედან არაფერს არ წაიღებს. მას სრულიად არ აინტერესებს ფინანსურად საქართველო. დღეს, საქართველოში არ არის დიდი შემოსავლები. მისი პრინციპია - სადაც მუშაობს როგორც ფილანთროპი, იქ არ მუშაობს როგორც ბიზნესმენი. იგი უფრო მორალურად დაეხმარება საქართველოს, ვიდრე ფინანსურად. არ მგონია, რომ „კმარას“ მაისურებს, პლაკატებისა და კლიპების დაფინანსებას შეეცვალა ვითარება საქართველოში. კარგი ქნა, რომ მან ხელფასების ფონდში გადარიცხა თანხა, მაგრამ სოროსი არის ერთ-ერთი გადამრიცხავი დაახლოებით 30 გადამრიცხავიდან. მათ შორის არიან კერძო პირებიც, ხალხი, რომელსაც სურს ანონიმურად დაეხმაროს ამ ფონდს. რაც მთავარია, ამ თანხების ხარჯვა გამჭვირვალე იქნება. მებაჟეებს, ავტოინსპექტორებსა და საგადასახადოს თანამშრომლებს მაღალი ხელფასები უნდა ჰქონდეთ. გამიხარდებოდა, მასწავლებლებსაც რომ ვუზრდიდეთ ხელფასებს, მაგრამ ეს ჯერჯერობით, შეუძლებელია. სახელფასო ფონდში ჩვენ თანხებს გაეროს განვითარების ფონდიც გვირიცხავს. თავდაპირველად ამბობდნენ, ფულს იმ ექსპერტებსა და უცხოელებს გადავუხდით, რომლებიც არ იმუშავებენ მთავრობაშიო. ამაზე უარი ვუთხარი - თუ თქვენ 1 მლნ. დოლარს იმ ხალხს აძლევთ, რომელთაც თავიანთი ქვეყნისთვის არ უნდა იმუშაონ და მხოლოდ ექსპერტები უნდა იყვნენ, ასეთი დახმარება არ გვჭირდება-მეთქი. ამის შემდეგ მათ შეცვალეს პროგრამა, ზემოთხსენებული 3 კატეგორიის თანამშრომლებისთვის გადაწყვიტეს ხელფასის გადახდა და მივიღეთ კიდეც მათი დახმარება. ძველად ყველანაირ ფულს ჩააფრინდებოდა მთავრობა ორივე ხელით. დახმარება არ უნდა იქცეს ტროას ცხენად. დახმარება ქვეყანას უნდა წაადგეს.

- საგანგაშო ინფორმაციები მოდის წალკის რაიონიდან. როგორ აპირებთ იქაური დაძაბულობის გაუვნებელყოფას?

- ეტყობა, იქ გამგებელი კარგად ვერ მუშაობდა. შეუძლებელია ამდენი კონფლიქტი ერთბაშად წარმოქმნილიყო. ეს რთული რეგიონია, იქ მწვავე ეთნიკური პრობლემებია, მაგრამ ყველა ეროვნების ადამიანს უნდა ჰქონდეს იმის განცდა, რომ კანონის წინაშე ყველა თანასწორია. კანონი ყველა ეთნიკური წარმოშობის ადამიანს ერთნაირად სჯის და ერთნაირად იცავს. ეს პრინციპი მთელ ქვემო ქართლში იყო დარღვეული. დაძაბულობის მეორე მიზეზი მძიმე სოციალური ფონია. ახალქალაქი მოწყვეტილია მთელ საქართველოს. როგორც კი საკმარისი სახსრები გამოჩნდება, ყველაფერი უნდა გავაკეთოთ იმისათვ ვის, რომ ეს რეგიონი დანარჩენ საქართველოს და დედაქალაქს მივაბათ. გზა რომ გაკეთდეს წალკის გავლით, ახალქალაქამდე 70 კილომეტრიღა დარჩება (დღეს 300 კმ-ის გავლაა საჭირო იქ ჩასასვლელად) და ამით მთელი რეგიონი გაცოცხლდება. სულ მესმის წალკასა და ახალქალაქში დაძაბულობააო. ამის მიზეზი არის უგზოობა, ინფრასტრუქტურის უქონლობა, ხალხი გაღატაკებულია და დარწმუნებული, რომ მათზე სახელმწიფოში არავინ ზრუნავს. ეს პრობლემა სასწრაფოდ უნდა გადაწყვიტოთ.

- რას ელით რუსეთში ვიზიტისგან?

- სასწაულს არ ველოდები. ღმერთმა ქნას, საქართველოსთვის სასიკეთოდ შემოტრიალდეს ყველაფერი. საქართველოს იმიჯი რუსეთში უკიდურესად შერყეულია. ეს იმდენად საქართველოს ბრალი კი არა, იმ განწყობის წყალობაა, რომ საქართველო არის მოღალატე, რომელიც რუსეთს მისთვის ძალზე ცუდ პერიოდში განუდგა. ყველაფერი ეს ახლა განზე უნდა გადავდოთ. ახალი ურთიერთობები უნდა დავამყაროთ. პუტინი პრაგმატიკოსია. მან ძალაუფლების კონცენტრაცია მოახდინა, რაც იმას ნიშნავს, რომ 2 და 3 რუსეთზე აღარ უნდა ვილაპარაკოთ. ამ ეტაპზე ჩვენი მთავარი ამოცანა რუსული საზოგადოების აზრის შეცვლაა. სერიოზულ ცვლილებებს ველი რუსეთში საპრეზიდენტო არჩევნების ჩატარების შემდეგ. ჩვენ მზად ვართ ნაბიჯები გადავდგათ თანამშრომლობისაკენ. ინაუგურაციის ცერემონიის დროს მე ხელი გავუწოდე რუსეთს. ეს აჩვენა მსოფლიოს ყველა ტელეკომპანიამ, მაგრამ ეს არ გადასცა რუსეთის არც ერთმა ტელეარხმა. თითქოს რუსეთს არ უნდა დაენახა, რომ ჩვენ მის მიმართ კეთილგანწყობილნი ვართ. რუსეთი ჩვენი პარტნიორია, მასთან მეგობრული ურთიერთობა უნდა გვქონდეს. ჩვენ ერთიან კულტურულ სივრცეში ვართ, ბევრი რამ გვაკავშირებს ერთმანეთთან დაბოლოს, ის არის ჩვენი ძირითადი ბაზარი. მეორე მხრივ, რუსეთმა უნდა გაიგოს, რომ ჩვენ დამოუკიდებელი ქვეყანა ვართ. კარგია, რომ ასეთი მეზობელი გვყავს და ამას გამოყენება უნდა.

პუტინთან შეხვედრისას უთუოდ ვილაპარაკებთ აფხაზეთზეც, მაგრამ ამ საკითხშიც არ ველი სასწაულებს. აფხაზეთის საკითხის გადასაწყვეტად საჭიროა ბევრად უფრო ძლიერი და მდიდარი სახელმწიფო, ბევრად უფრო გამართული და შეიარაღებული ძალები და, ბუნებრივია, აფხაზეთშიც უნდა იყოს განწყობა საიმისოდ, რომ მოგველაპარაკონ. თავად რუსეთი კი არ უნდა ჩაერიოს აფხაზეთის საკითხში - მეტიც, ჩვენს შინაურ საქმეებში აღარასოდეს უნდა ჩაერიოს უარყოფითად. პუტინის გამონათქვამებიდანაც გამოსჭვივის, რომ მას აქვს საქართველოს საქმეებში ჩარევის სურვილი. ვფიქრობ, შევარდნაძის შემდეგ, რუსეთს ჯერ არც აქვს ჩამოყალიბებული პოლიტიკა საქართველოს მიმართ.

- რევოლუციას ბევრი საეჭვო პირი მიეტმასნა. ზოგი რაიონულ ორგანიზაციებსაც ჩაუდგა სათავეში. როგორ აპირებთ ამ ხალხთან ურთიერთობას?

- ჩვენი მოძრაობის ოდნავ დაჭაობებასაც არ დავუშვებ. დღეს საქართველოს ბოლო შანსი აქვს. არ შეიძლება ხალხის იმედის გამტყუნება. სახელმწიფო აპარატში მუდმივი წმენდა, შიდა კონტროლი იქნება. შესაძლოა დღეს ბევრი კორუმპირებული და ყაჩაღი ფიქრობდეს, - მთავარია, ხელისუფლების მიმართ ლოიალობა გამოვიჩინოთ და ყველაფერი გვეპატიებაო. თუ ფიქრობენ, რაკი ერთგულების რიტუალი შევასრულეთ, ძველებურად გავაგრძელებთ ცხოვრებას და თავზე ხელს გადაგვისვამენო, ცდებიან. ერთხელ, მეორედ, მესამედ რომ წაიტეხენ ცხვირს, მერე მიხვდებიან და დაგვიწყებენ ბრძოლას. ამას ყველა დაინახავს. სულაც არ მინდა, მათ ჩვენს წინააღმდეგ იბრძოლონ. ე.ი. რაღაც არასწორად გავაკეთეთ. ისინი ჩვენგან ნამდვილად ვერ მიიღებენ იმას, რისი იმედიც აქვთ. ჩვენ ე.წ. ბიზნეს ელიტას ვუთხარით, - კი არ დაგერევით და ქონებას კი არ წაგართმევთ, არამედ თამაშის ახალ წესებს გთავაზობთ. ერთი თუ იხდის გადასახადს, მეორემაც უნდა გადაიხადოს. ექსკლუზივი არავის ექნება. ეს ავტომატურად გამოიწვევს ამ შემადგენლობის განახევრებას და ჩიხიდანაც ეს გამოიყვანს ქვეყანას.

- ხშირად გაისმის, რას უპირებს ახალი ხელისუფლება შევარდნაძეს, მის მინისტრებს რომ იჭერს, მას გაასამართლებენ თუ არაო?

- ბუნებრივია, ის უწყობდა ხელს ამ ხალხს, მაგრამ საქართველომ შექმნა უნიკალური პრეცედენტი - რაკი ეს კაცი არ შევჭამეთ და არ გადავყლაპეთ, ბევრი სხვა ქვეყნის ოპოზიცია გვეუბნება - ასე გააგრძელეთ, ეს მოგვცემს საშუალებას ჩვენი ლიდერებიც ასე გავუშვათო. თუ ქვეყნების ლიდერებს ექნებათ განცდა, რომ ხვალ დაკლავენ, თავს მოაჭრიან ან ციხეში ჩასვამენ, ისინი არ წავლენ თანამდებობიდან. ჩემი პოზიცია ასეთია - შურისძიებას არ ვაპირებ, მაგრამ არის მეორე საკითხი - მე კანონზე მაღლა არ ვდგავარ. თუ კანონი გადაწყვეტს, წინ ვერ აღვუდგები. არ გამოვრიცხავ, შესაძლოა კანონიც შევცვალოთ, რათა თავიდან ავიცილოთ ასეთი ტიპის შურისძიება. თუმცა არის ზნეობრივი პრობლემაც, - დღეს შევარდნაძის ხელისუფლების დროინდელი ზოგიერთი მინისტრი გაიძახის, - ჩვენ რა ვქნათ, შევარდნაძე გვავალებდაო - ვფიქრობ, ეს ნამდვილად არის ზნეობრივი პრობლემა.

- თქვენი მისამართით სხვადასხვაგვარი შეფასებები გაისმის - როგორ იღებთ ქებას და კრიტიკას?

- ქებას ძალიან გულგრილად ვიღებ. რაც შეეხება კრიტიკას - ინაუგურაციის მეხუთე დღესვე დამიწყეს ლანძღვა ყველა იმ ტერმინით, როგორითაც ლანძღავდნენ ზვიად გამსახურდიას ხელისუფლებაში ყოფნის მეექვსე თვეს. ეს ბუნებრივიც იყო - როდესაც მკვეთრ მოქმედებებზე გადადიხარ, შემოტევა, ლანძღვა-გინება (თუნდაც დაუმსახურებელი) ყოველთვის იქნება. მაგრამ კრიტიკა სასარგებლოა. ლანძღვის საწინააღმდეგოდ კი სქელი კანი გამოვიმუშავე. შევარდნაძის დროს ისე ვყავარ ნალანძღი მის საყვარელ მწერლებს და პოეტებს, რომ ეს აღარც მაღელვებს.

- ყველაზე მეტად მეზიზღება მლიქვნელები, ეს იციან ჩემმა მეგობრებმაც. საკმარისია ასეთი ადამიანი ერთხელ მლიქვნელურად დამელაპარაკოს ტელეფონით, მეორედ აღარ ვუპასუხებ. გარშემო მყავს ისეთი ადამიანები, რომელთაც სრულიად არ იციან კომპლიმენტების თქმა. ის, ვინც მემლიქვნელება, უსათუოდ სისხლს წოვს ვიღაცას, მასზე ქვემოთ მდგომს. მე მიყვარს ისეთი ადამიანები, რომლებიც ყველასთან ერთნაირები არიან, მლიქვნელები კი, ჩემი აზრით, მახინჯები არიან. რაც ნაკლები მახინჯი იქნება სახელმწიფო აპარატში, მით უკეთ იცხოვრებს ხალხი.

იზო რიკაძე

„ყველაზე მეტად მეზიზღება მლიქვნელები“ / „მინდა ოპოზიცია გაერთიანდეს და შევიდეს პარლამენტში“ / ექსკლუზიური ინტერვიუ მიხეილ სააკაშვილთან // კვირის პალიტრა. - 2004. - 9 თებერვალი. - N6 (466). - 7,11 გვ.

„რუსეთის პრეზიდენტთან ოთხსაათიანი ნაყოფიერი მოლაპარაკება გავმართეთ. მე ადრე ვამბობდი, რომ ამ ვიზიტის დროს ყველა პრობლემის გადაწყვეტას არ ველოდი, მაგრამ მქონდა სურვილი, შექმნილიყო ურთიერთდამოკიდებულების უფრო უშუალო, უფრო მეგობრული ვითარება, რამდენიმე წლის სუსხიანი ურთიერთობის ნაცვლად. დღევანდელი მოლაპარაკების შემდეგ, დარწმუნებული ვარ, საქართველო-რუსეთის ურთიერთობებში დათბობის პერიოდი დაიწყება“, - განაცხადა საქართველოს პრეზიდენტმა მიხეილ სააკაშვილმა იტარ-ტასში გამართულ პრესკონფერენციაზე, რომელიც მოსკოვში მისი სამუშაო ვიზიტის შედეგებს მიეძღვნა.

შესავალ სიტყვაში საქართველოს ლიდერმა აცნობა ჟურნალისტებს, რომ კრემლში მხარეებმა „განიხილეს საკითხების სპექტრი. ჩვენ შევთანხმდით ტერორიზმის წინააღმდეგ ბრძოლის ჩვენი მოქმედების კოორდინაციაზე. განვიხილეთ ჩვენი საზღვრების ერთობლივი დაცვის სანქცირების შესაძლო დოკუმენტები, ამასთან, აფხაზეთში მოწესრიგების პროცესის გააქტიურება. განვიხილეთ ეკონომიკის საკითხები. კერძოდ, საქართველოს ვალების რესტრუქტურიზაციის პრობლემა, აგრეთვე, მსოფლიო ვაჭრობის ორგანიზაციაში ჩვენი მხრიდან რუსეთის მხარდაჭერის საკითხი“, - თქვა სააკაშვილმა. „ჩემი ძირითადი შთაბეჭდილება, - ხაზი გაუსვა მან, - ეს არის გულგახსნილობა რუსეთის პრეზიდენტის და კონსტრუქტულობა მოლაპარაკებებ ბისა, რომლებიც გავმართე მინისტრებთან, კერძოდ, თავდაცვისა და საგარეო საქმეთა მინისტრებთან.“

„ჩემს ინაუგურაციაზე განვაცხადე, რომ რუსეთს მეგობრობის ხელს ვუწვდით. დღეს მე მივიღე პირველი დასტური იმისა, რომ ეს ხელი ჰაერში გაწვდილი არ დარჩა. ვფიქრობ, რომ მალე ეს მაგარ ხელის ჩამორთმევად იქცევა“, - დაასკვნა საქართველოს მეთაურმა.

შემდეგ მიხეილ სააკაშვილმა ჟურნალისტთა შეკითხვებს უპასუხა:

- რა შედეგი მოჰყვება თქვენს მოლაპარაკებებს მოსკოვში.

- ვფიქრობ, რომ შედეგად შეიქმნება უფრო დიდი ურთიე ერთნდობის ატმოსფერო. უნდა ვთქვა, რომ ჩემს წინამორბედს რუსეთთან ურთიერთობაში დიდი პრობლემები ჰქონდა. ვთვლი, რომ მე მსგავსი პრობლემები არ მაწუხებს. არ მადევს წარსულის ტვირთი ჩვენს სახელმწიფოებს შორის ჩამოყალიბ ბებული ჩემთვის გაუგებარი ურთიერთობების, რაღაც ცრურწმენათა ან რუსეთში განვითარებულ მოვლენათა მიმართ ეჭვიანობის ტვირთი. ვლადიმერ ვლადიმერის ძე გულახდილი ადამიანია და მე ეს ვიგრძენი. და ჩვენი შეხვედრის ხანგრძლივობის მიუხედავად, მე არ დავღლილვარ, მოხარული ვიყავი იმ კონკრეტულობის და გარკვეულობისა, რაც ჩვენი საუბრის დროს ჩამოყალიბდა.

- დაასახელეთ საქართველოს ტერიტორიაზე რუსეთის სამხედრო ბაზების ფუნქციონირების კონკრეტული ვადები. დაასახელებდით მათი გაყვანის ვადებს, რომლებიც თქვენთვის არის მისაღები?

- ეს საკითხი ვაჭრობის თემა არ არის. ეს საკითხი სტამბოლის შეთანხმებებით არის გადაწყვეტილი. დღეს ჩვენ ერთმანეთს ვუთხარით, რომ არ შეიძლება, ეს საკითხი ჩვენი ურთიერთობების მთავარ საკითხად ვაქციოთ. არ არის საჭირო, რომ ამ საკითხმა გააუარესოს ჩვენი ურთიერთობები. ეს საკითხი უნდა გადაწყვიტონ არა მხოლოდ სასაზღვრო უწყებებმა, არამედ თავდაცვის უწყებებმაც. გულახდილად გეტყვით, რომ საქართველოს თავდაცვის წინა მინისტრს გართულებული ურთიერთობა ჰქონდა თავის რუს კოლეგასთან.

ამჟამად ჩვენ ვაპირებთ, კონსტრუქციულად მივუდგეთ ამ საკითხებს. ჩვენ მოვილაპარაკეთ ქართველი ოფიცრების რუსეთის სამხედრო უმაღლეს სასწავლებლებში მომზადების თაობაზე. უახლოეს კვირებში გამოვაგზავნით ოფიცრების სიას, რომლებმაც სამხედრო აკადემიებში უნდა ისწავლონ. სადაზვერვო სამსახურების ინფორმაციებსაც გავცვლით ერთმანეთში.

ჩვენთვის ტერორისტები ისეთივე პრობლემაა, როგორც რუსეთისათვის. ჩვენც გვსურს, გავთავისუფლდეთ მათგან, ან ისეთი პირობები შევქმნათ, როდესაც ისინი ვერ შეძლებენ მშვიდად და თავისუფლად იყვნენ ჩვენს ტერიტორიაზე. ხაზს ვუსვამ, რომ უშიშროების საკითხებში საქართველოსა და რუსეთს შორის უნდა იყოს მჭიდრო კავშირი და ურთიერთობა და რუსეთს არ უნდა მიაჩნდეს, რომ საქართველოს ხელისუფლების მიერ თავდაცვის სფეროში განხორციელებული ნებისმიერი მოქმედება მიმართულია რუსეთის წინააღმდეგ. მე ვაცხადებ, რომ რუსეთის ბაზების გაყვანის შემდეგ, საქართველო თავის ტერიტორიაზე სხვა ქვეყნების რაიმე ბაზის განლაგებას აუცილებელ საჭიროებად არ მიიჩნევს.

- განიხილეთ თუ არა სავიზო რეჟიმის გაუქმების საკითხები?

- ეს საკითხი საზღვრის ერთობლივად დაცვის საკითხის პარალელურად გადაწყდება. მაგრამ პირველ ეტაპზე ჩვენ სავიზო რეჟიმის გამარტივება შევთავაზეთ. გავხადოთ იგი ისეთი, როგორიც არის, მაგალითად, რუსეთსა და თურქეთს, საქართველოსა და თურქეთს შორის. საამისო დავალება მიცემულია. გეთანხმებით, რომ შექმნილი სიტუაცია მხოლოდ წამლავს ჩვენს ურთიერთობებს. გარკვეული დროის შემდეგ ეს პრობლემა გადაწყდება.

- კონსტიტუციაში ცვლილებების შეტანის შემდეგ, პრემიერის პოსტის შემოღებასთან და რუსეთის ბაზების ყოფნასთან დაკავშირებული კამათის შემდეგ, რომელი შიდაპოლიტიკური პრობლემები გრჩებათ?

- უმჯობესია მკითხოთ, რომელი არა გვრჩება. პრობლემა ბევრია. მაგრამ ფაქტი ფაქტად რჩება: საქართველოს ახლანდელი მთავრობა, პრეზიდენტი გაცილებით უკეთ აკონტროლებენ სიტუაციას ქვეყანაში, ვიდრე ადრინდელი, ქმედუუნარო, შევარდნაძის საძულველი მთავრობა. ჩვენ დავიწყეთ კონკრეტული ბრძოლა კორუფციასთან. არა მხოლოდ დავიჭირეთ მთავარი მინისტრები, არამედ ვცვლით სისტემას, რომლის დროსაც ყალიბდებოდა კორუფცია.

ერთდროულად დავიწყეთ ბრძოლა ორგანიზებულ დამნაშავეობასთან და გავანადგურეთ რამდენიმე ბანდა, „კანონიერი ქურდებიდან“ შეიარაღებულ ფორმირებებამდე. ვიწყებთ მუშაობას საგადასახადო სისტემაზე. იგი, უწინარეს ყოვლისა, რუსეთის ბიზნესს უნდა შეეხოს. მე მსურს, რომ იგი მძლავრად შემოვიდეს საქართველოში. ეს ჩვენთვის მომგებიანია, რადგან შეიქმნება სამუშაო ადგილები. თან, რუსეთისთვისაც მომგებიანია. როცა ჩვენ მრავალი ძაფი დაგვაკავშირებს, პოლიტიკოსები ბევრად უფრო რაციონალურად იმოქმედებენ, მთავარია, ისეთ სისულელეებს არ გააკეთებენ, როგორსაც ადრე აკეთებდნენ.

- თქვენ ლაპარაკობდით ორმხრივ ეკონომიკურ ურთიერთობებზე. რის ხარჯზე შეიძლება გაიზარდოს საქონელბრუნვა?

- ჯერ ერთი, დღეს გაიმართა სერიოზული მოლაპარაკება რაო ეეს-თან საქართველოს სატრანზიტო შესაძლებლობათა შესახებ, თურქეთისთვის ელექტროენერგიის მიწოდებაზე, ელექტროგადამცემი ხაზების ერთობლივ ექსპლუატიაციაზე. ჩვენ ამჟამად ელექტროენერგია შემოგვაქვს, მაგრამ პოტენციურად მისი ექსპორტირება შეგვიძლია. არის ზოგიერთი პრობლემა იტერას კომპანიასთან საქართველოსთვის გაზის მოწოდების საქმეში, მაგრამ, ვფიქრობ, რომ ეს საკითხი პოლიტიკისგან უნდა გავწმინდოთ.

მე შევხვდი წამყვან რუს ბიზნესმენებს და ისინი დამთანხმდნენ, მონაწილეობა მიიღონ რუსეთის ბიზნესის დიდ კონფერენციაში, რომელიც თბილისში გაიმართება. ჩვენთვის მნიშვნელოვანია ნებისმიერი ინვესტიცია, თუნდაც 50 ათასი დოლარის ოდენობის. მაგრამ სწორედ ისინი მოგვიტანს მომავალში მილიონებს. დღეს რუსეთის კაპიტალი კვიპროსში მიედინება. მინდა გითხრათ, რომ საქართველო უფრო ახლოს არის, იგი უფრო ნაცნობი და გასაგებია და, თუ გნებავთ, უფრო საინტერესოც. ჩვენ ჩვენი მიმზიდველობა გვაქვს. მე პირადად დავიცავ ინვესტიციებს ქვეყანაში.

- აღმოაჩინეთ რუსეთის ახალი მიდგომები აფხაზეთის პრობლემის გადაწყვეტაში?

- დიახ, არის სურვილი, განახორციელონ უფრო ენერგიული მოქმედება. რუსეთს არ სურს, შეგვიქმნას შიდა პრობლემები. წინა ხელმძღვანელობისგან განსხვავებით, რუსეთი არა მარტო არ შეგვიქმნის კონფლიქტურ სიტუაციებს, არამედ პირიქით, მოაწესრიგებს ამგვარ სიტუაციებს. ყოველ შემთხვევაში, ის, რაც მე რუსეთის პრეზიდენტისგან მოვისმინე, არ გავს იმპერიულ ჰეგემონიზმს, რომელიც 90-ანი წლების რუსეთის პოლიტიკისთვის იყო დამახასიათებელი. ეს ძალიან დადებითი მომენტია.

რაც შეეხება აფხაზეთს, ჩვენ გავაძლიერებთ ჟენევისა და სოჭის მოლაპარაკებებს, ყველაფერს გავაკეთებთ, რათა დევნილები დაბრუნდნენ, განვახორციელებთ ეკონომიკურ რეაბილიტაციას. ეს წელი ენერგიული მოქმედების წელიწადი იქნება კონფლიქტებთან მიმართებაში. ჩვენ უნდა გავითვალისწინოთ, რომ აფხაზეთშიც მოსალოდნელია ხელმძღვანელობის შეცვლა, რუსეთში მარტში პრეზიდენტის არჩევნებია. მგონია, რომ ყველას გვაქვს სურვილი, უფრო ენერგიულად ვიმოძრაოთ ერთ თმანეთისკენ.

- როგორ ყალიბდება ურთიერთობა აზერბაიჯანთან?

- სტაბილურად, არაჩვეულებრივად! ურთიერთობა თბილია. იქ ხელმძღვანელად მივიდა ახალი თაობის კაცი. მე და ილჰამ ალიევს ბევრი რამ გვაქვს მსგავსი და საერთო. ბევრ საკითხს ერთნაირად ვუყურებთ, თუმცა ჩვენი ქვეყნები განსხვავებულია.

- იგეგმება პუტინის ვიზიტი საქართველოში?

- დიახ, ასეთი ვიზიტი შემოდგომისთვის იგეგმება, როდესაც ხელს მოვაწერთ ჩარჩო-ხელშეკრულებას, რომელიც ჩვენი ურთიერთობის მრავალ სფეროს მოაწესრიგებს. ეს ძალიან მნიშვნელოვანია. ისიც არის, რომ მე მოვიწვიე ვლადიმირ ვლად დიმირის ძე სამთო თხილამურებზე სასრიალოდ, ოღონდ ერთი პირობით: მას შემდეგ ჩამოვიდეს, რაც მე კარგად ვივარჯიშებ, რომ არ შევრცხვე, სახე ლაფში, უფრო ზუსტად თოვლში რომ არ ჩავრგო რუსეთის პრეზიდენტის წინაშე.

- თქვენი მოლაპარაკების დროს შეეხეთ თუ არა ჩეჩნეთთან საზღვარზე უსაფრთხოების პრობლემას. გქონდათ თუ არა უთანხმოება?

- ამ თემას არავითარი უთანხმოება არ გამოუწვევია. საზღვრის ამ რაიონში ჩვენ არ გვაქვს და არც შეიძლება გვქონდეს განსხვავებული მიდგომები. მას შემდეგ, რაც ჩვენ ვმართავთ საქართველოს, ჩვენ გავააქტიურეთ მოქმედება იმ რაიონში. არ გამოვრიცხავ, რომ მომავალში საზღვარზე გაჩნდეს რაღაც ერთობლივი სტრუქტურები, ტერორიზმთან ერთობლივი ბრძოლისათვის. ჩეჩენი ბანდიტები ტერორისტების ის კატეგორიაა, რომელთა იზოლაცია ჩვენი მოვალეობაა. ისინი საშიშნი არიან ყველა ქართული ოჯახისათვის. სასაზღვრო ზონაში ჩვენი თანამშრომლობა ღია იქნება.

- უკვე განსაზღვრეთ ევროკავშირსა და ნატოში შესვლის თქვენი ვადები. რას ელით ასეთი ნაბიჯისგან?

- მე არა ვარ პრორუსული პრეზიდენტი, არც პროამერიკული. მე სუვერენული საქართველოს პრეზიდენტი ვარ. და ჩვენ ვესწრაფვით ყველა ევროპულ სტრუქტურაში ინტეგრირებას. ამას გავაკეთებთ ისეთი ტემპით, რის საშუალებასაც ჩვენი შესაძლებლობები მოგვცემს. ევროპულ სტრუქტურებში ინტეგრირება ჩვენ რუსეთთან ერთად გვსურს, ან, ყოველ შემთხვევაში, ისე, რომ რუსეთს არ დავცილდეთ. ჩვენი ინტეგრაცია არასოდეს იქნება მიმართული რუსეთის წინააღმდეგ. ეს ჩვენი მტკიცე გად დაწყვეტილებაა, რადგან ეს არის ჩვენი უსაფრთხოების, ჩვენი ეკონომიკური აყვავებისა და განვითარების გასაღები. ეს ესმის არა მარტო საქართველოს პრეზიდენტს, არამედ ნებისმიერ ქართულ ოჯახს.

- ავტონომიების მიმართ რა ღონისძიებები განხორციელდება?

- პრობლემა მხოლოდ ერთ ავტონომიასთან გვაქვს - აფხაზეთთან. რაც შეეხება აჭარას, ეს გამოგონილი პრობლემაა. კი, მქონდა მე პირადი პრობლემები აჭარის ხელმძღვანელთან: არც მას ვუყვარდი, არც მე მქონდა მეგობრული გრძნობები მის მიმართ. სახელმწიფოებრივი მოწყობის საკითხებში ჩვენ ამჟამად სრული თანხმობა გვაქვს. დავძლიეთ ეკონომიკური და შიდაპოლიტიკური ასპექტის ზოგიერთი წინააღმდეგობა.

მაგრამ სხვა საკითხია, რომ აჭარის მოსახლეობის ნაწილს თავისი აზრი და პოლიტიკური შეხედულებები აქვს. მე არ შემ მიძლია, ვუბრძანო მათ, უყვარდეთ ან არ უყვარდეთ ადგილობრივი ხელმძღვანელი - ეს მათი გადასაწყვეტია. ადგილობრივი თვითმმართველობის საკითხებში მე არასოდეს ვერევი - არც თბილისში, არც ბათუმში. მალე გაიმართება პარლამენტის არჩევნები და ჩვენ გავიგებთ, ვის უჭერს მხარს ადგილობრივი მოსახლეობა. საპრეზიდენტო არჩევნებზე აჭარაში მე ხმა მომცა თითქმის 90-მა პროცენტმა.

- რა თემებზე გქონდათ თქვენ და პუტინს განსხვავებული აზრი?

- მაგალითად, პუტინს მიაჩნია, რომ ის, რაც საქართველოში მოხდა, იყო გადატრიალება. ჩვენ კი მიგვაჩნია, რომ ეს იყო ყველაზე უფრო ლამაზი რევოლუცია, რაც კი ბოლო 300 წელიწადში მომხდარა მთელს მსოფლიოში. აქ ჩვენი შეხედულებანი არ დაემთხვა. რაც შეეხება სხვა საკითხებს, მე გაკვირვებული ვიყავი იმით, თუ რა იოლად გავუგეთ ერთმანეთს. იყო, არ დაგიმალავთ, პრობლემები, რომელთა გადაწყვეტისთვის მზად არ ვიყავი. ჰქონდა ისეთი საკითხები პუტინსაც, რომელთაც ახლა მან სულ სხვაგვარად შეხედა.

ძირითადად, ამდენი წლის გაუცხოების შემდეგ, იმდენად გულახდილი იყო ეს შეხვედრა, რომ მე კიდეც შევცბუნდი. მოლაპარაკების კლიმატი ასეთი იყო: თუ არის საკითხები, რომლებიც ერთმანეთს გვაშორებს, არ მოვაქციოთ ისინი ჩვენი ურთიერთობის სათავეში. მოდით, გადავწყვიტოთ დანარჩენები და პრობლემები თავისთავად მოიხსნება.

- როგორია შევარდნაძის შემდგომი პოლიტიკური ბედი?

- იგი მემუარებს დაწერს. ვიმედოვნებ, რომ წარმატებით გაიყიდება, და იგი ცოტაოდენ ფულს მიიღებს, მაგრამ სათუოა, მომავალში სახელმწიფო მოღვაწე გახდეს.

- და მაინც არის თუ არა იმის ალბათობა, რომ საქართველოს ტერიტორიაზე იქნება ამერიკული ბაზები?

- არავითარი ალბათობა არ არსებობს. ჩვენ ასეთ საკითხს არც განვიხილავთ. ყველა მშვიდად უნდა იყოს.

საქართველოსა და რუსეთს შორის დათბობის პერიოდი დაიწყო // საქართველოს რესპუბლიკა. - 2004. - 13 თებერვალი. - N36 (4765). - 3 გვ.

საქართველოს პრეზიდენტს ესაუბრება
„ეხო მოსკვის“ წამყვანი ალექსეი ვენედიქტოვი

- საღამო მშვიდობისა. დღეს ჩვენ ნამდვილად ინფორმირებული თანამოსაუბრე გვყავს - საქართველოს პრეზიდენტი მიხეილ სააკაშვილი. ბატონო პრეზიდენტო, დღეს თქვენ წარმოთქვით ის ფრაზა, რომელსაც ამბობდით თბილისიდან გამოფრენის წინ: საქართველოდან ჩამოფრინდით გამოწვდილი ხელით. ცნობილია, რომ ეს ორგვარად შეიძლება გაიგოს ხალხმა. ერთი მნიშვნელობაა ხელის ჩამორთმევა, მეორე კი - რაღაც თხოვნა. რა მნიშვნელობით შეიძლება აღვიქვათ ეს გამოწვდილი ხელი, რა გსურთ რუსეთისგან?

- ჩვენ გამოგიწოდეთ მეგობრობის ხელი. ეს იყო საქართველოს პრეზიდენტის ინაუგურაციის დროს, უნდა ითქვას, ეს საქართველოს პრეზიდენტისათვის მართლაც რომ უჩვეულო ჟესტია, რადგან მთელი ამ წლების განმავლობაში, საქართველოში საზოგადოებრივი აზრის გამოკითხვა რომ მოგეწყოთ თუ ვინ არის დამნაშავე იმაში, რომ ჩვენთან იყო ომი, ნგრევა, ამ კითხვას ძალზე ბევრი მოქალაქე უპასუხებდა, რომ ამაში მხოლოდ რუსეთია დამნაშავე. ასე რომ, ინაუგურაციის დროს, ამ ცერემონიას კი ესწრებოდა მსოფლიოს სხვადასხვა ქვეყნის 20-მდე მინისტრი, დელეგაციათა ხელმძღვანელები, მათ შორის ძალზედ მნიშვნელოვანი სტუმრები - რუსეთის საგარეო საქმეთა მინისტრი, ამერიკის სახელმწიფო მდივანი და სხვები, მე ვთქვი, რომ ჩვენ ვუწვდით მეგობრობის ხელს რუსეთს. ათი ათასობით ადამიანი, რომელიც იმ დღეს შეკრებილი იყო რუსთაველის პროსპექტზე, ჩემი გამოსვლის სწორედ ამ ადგილს, ჩემთვის მოულოდნელად, მქუხარე ტაშით შეხვდა. და ეს საკმაოდ ნიშანდობლივიც არის, რადგან გაირკვა, რომ ქართველებს სურთ დაძლიონ წარსულის ინერცია, იმეგობრონ რუსეთთან და ისინი ამისთვის მზად არიან. სხვათა შორის, საინტერესოა, რომ რუსეთის თითქმის არც ერთ ტელეარხს ჩემი ეს ჟესტი არ უჩვენებია. იგი გადასცეს „სი-ენ-ენ-მა“, „ბი-ბი-სიმ“, და სხვებმა.

- ეს სიფრთხილით შეიძლება აიხსნას. როცა ჩვენი გადაცემისათვის ვემზადებოდი, ხელთ მქონდა რუსეთ-საქართველოს ურთიერთობის თაობაზე საზოგადოებრივი აზრის გამოკითხვის შედეგები. ეს გამოკითხვა განხორციელდა მიმდინარე წლის იანვარში. უნდა გითხრათ, რომ მისი შედეგები საკმაოდ არასასიამოვნო უნდა იყოს თქვენთვის: გამოკითხულთა 61 პროცენტმა რუსეთ-საქართველოს ურთიერთობას უწოდა ცივი ან დაძაბული და მხოლოდ 20 პროცენტს მიაჩნია, რომ ჩვენი ქვეყნების ურთიერთობა კეთილმეზობლურია.

- უნდა გითხრათ, რომ ეს ადამიანები მართალი არიან, განსაკუთრებით, ისინი მართლები იყვნენ იანვარში და ეს ყველა გასულ წელსაც ეხება. ნამდვილად, ჩვენი ურთიერთობა ნორმალური არ იყო. მას არათუ თბილს, არამედ ნორმალურად გრილსაც კი ვერ ვუწოდებდით. ეს, უბრალოდ, საშინელი ურთიერთობა იყო. და როცა ჩვენ ვამბობთ, რომ ნორმალური, კარგი ურთიერთობა უნდა გვქონდეს, უწინარეს ყოვლისა, ვგულისხმობთ იმას, რომ უნდა დავძლიოთ ის ფსიქოზი, რომელიც ჯერ კიდევ არსებობს იმპულსიურობის, ემოციების დონეზე ჩვენს ურთიერთობაში. მრავალი რუსის გულში საქართველოს მიჩენ ნილი აქვს პატარა სენტიმენტალური კუნჭული, და ეს ძალზე მნიშვნელოვანია ჩვენთვის. მნიშვნელოვანია იმიტომ, რომ არსებობს ერთიანი ადამიანური სივრცე, ჩვენ გვაერთიანებს კულტურული სივრცე, საერთო ისტორია, სარწმუნოება, მართლმად დიდებლობა.

- ერთი საინტერესო ფაქტი. ჰკითხეს ჩვენს თანამემამულეებს, რუსეთელებს - ყველაზე მეტად ჩვენი ქვეყნების ურთიერთობას რა პრობლემა ართულებს. და ისინი პოლიტიკოსები კი არა, უბრალოდ ქუჩაში გამოკითხული ადამიანები იყვნენ. გამოკითხულთა 43 პროცენტმა აღნიშნა, რომ მთავარია ეგრეთ წოდებული ჩეჩნეთის პრობლემა - საქართველოს ტერიტორიაზე ჩეჩენ მოთარეშეთა ბაზების არსებობა. ასე მიაჩნიათ რუსეთის მოქალაქეებს. რა შეგიძლიათ უთხრათ იმ ადამიანებს, რომლებიც ახლა თქვენ გისმენენ?

- რუსეთის მოქალაქეები ისევე ფიქრობენ, როგორც რუსეთის მასობრივი ინფორმაციის საშუალებები.

- ყოველთვის ჩვენ ვართ დამნაშავე. მოდით, ბატონო პრეზიდენტო, ეს საკითხი გვერდზე გადავდოთ.

- მე სხვა რამ მინდა გითხრათ, მე თქვენ არ გადანაშაულებთ, სხვათა შორის, პრინციპში, თქვენ მართალი იყავით. საქართველოს ტერიტორიაზე ნამდვილად ხდებოდა მოთარეშეების გადაადგილება, შევარდნაძის მთავრობა მართლაც არაერთმნიშვნელოვნად ეკიდებოდა ამ ადამიანებს, ბუნებრივია, ამან მოუტანა ზიანი რუსეთის და არა იმდენად რუსეთის, რამდენად ჩვენს ინტერესებსაც. როცა ამ ორიოდე დღის წინ მოსკოვში მოხდა ტერორისტული აქტი, მე ისევე, როგორც მრავალი ქართველი, სულით ხორცამდე შეგვძრა. და ეს მხოლოდ თანაგრძნობა როდი იყო. ჩვენ შეგვძრა ტრაგედიამ, რომელიც მოხდა აქ, რომლებიც ხდება რეგულარულად, რომლებიც უკავშირდება ტერორიზმის პრობლემას. და ჩვენ ვგრძნობთ, რომ არც ჩვენ ვართ დაცული, რადგან ჩვენც ხომ ამ რეგიონის ნაწილი ვართ. ამიტომ ვფიქრობ, რომ ამ მიმართულებით გადაიდგა სერიოზული ნაბიჯები საიმისოდ, რომ საქართველო გამოგვეცხადებინა ტერორისტებისგან, ყველა ჯურის საეჭვო ადამიანებისგან თავისუფალ ზონად და ამ თვალსაზრისით შემიძლია ერთმნიშვნელოვნად ვთქვა, რომ ჩვენ, ბუნებრივია, თანაგრძნობით ვეკიდებით ქალებს, ბავშვებს, მოხუცებს, ავადმყოფ და დაუცველ ადამიანებს. მაგრამ, ნებისმიერი შეიარაღებული ადამიანი, რა ეროვნებისაც უნდა იყოს იგი, რომელსაც განზრახული აქვს ვიღაცის მოკვლა, არის წესრიგის, ჩვენი სახელმწიფოებრიობის მტერი, უქმნის საფრთხეს არა მარტო რუსებს, არამედ ქართველებსაც. ჩვენ ეს კარგად გვაქვს შეგნებული ისევე როგორც ის, რომ ჩვენი ურთიერთობა მარტო ჩეჩნეთის გამო არ გაუარესებულა...

- არა, მოდით, ჯერ ჩეჩნეთზე ვილაპარაკოთ. მე მაქვს ინფორმაცია, რომ პანკისში არის ბაზა, რამდენად არის მზად საქართველოს ახალი ხელმძღვანელობა ითანამშრომლოს რუსეთთან, მოდით, ჯერ ამით დავიწყოთ. ახლა, რუსეთში ყველამ იცის პანკისი. იციან, რომ არის ასეთი ხეობა, იქ კი ჩეჩენი მოთარეშეები მოკალათებულან.

- ერთხელ რუსეთში მოაწყვეს გამოკითხვა: როგორ ფიქრობთ, რამდენი ქართველია სულ დედამიწაზე და გამოკითხულთა უმრავლესობამ უპასუხა, რომ სადღაც 35-40 მილიონი. ჩვენ კი, რამდენიც უნდა ითვალო, 5 მილიონზე მეტი არ ვართ. ჰოდა, პანკისსაც სწორედ ასევე მიეცა მსგავსი მასშტაბი. სინამდვილეში ხომ, ეს ძალზე პატარა, ვიწრო ხეობაა. იგი შეიძლება 5 წუთში შემოიფრინო. და ახლა იქ არაფერი არ ხდება. და თუ რაიმე მოხდება, უწინარეს ყოვლისა, ჩვენ თვითონ ვეცდებით ეს აღვკვეთოთ და ყველა შეხვედრაზე, ხვალ შევხვდები პრეზიდენტ პუტინს, დღეს უკვე შევხვდი მის თანაშემწეს ევგენი პრიმაკოვს, რუს ბიზნესმენებს, ჩვენ სულ იმას ვამბობდით, რომ არ უნდა იყოს რაიმე ეჭვი ამის თაობაზე. იქ დგას საზღვრის საკითხი, რადგან ეს ზონა რუსეთის საზღვრის მახლობლად მდებარეობს. ჩვენ თანახმა ვართ განხორციელდეს საზღვრის ერთობლივი პატრულირება, შეიქმნას ჩვენი მესაზღვრეების ერთობლივი განწესი, ერთობლივი საგუშაგოებიც კი. მე ყოფილი მესაზღვრე ვარ, და ვიცი რასაც ვამბობ. ჩვენ ხვალ მოვაწერთ ხელს შეთანხმებას ინფორმაციის გაზიარების შესახებ და სასაზღვრო ჯარების ოფიცერთა გაცვლის თაობაზე, მაგრამ ჩვენ მზად ვართ გაცილებით მეტი რაოდენობის ასეთი ოფიცერი ჩამოვიყვანოთ საქართველოში, რათა რუსეთმა თავი ნამდვილად დაცულად იგრძნოს. ერთი მხრივ, არსებობს რეალური საფრთხე როგორც საქართველოსთვის, ისე რუსეთისთვის, და ჩვენ ერთობლივად უნდა დავიცვათ თავი, რადგან ყველასათვის გასაგებია, რომ გვყავს საერთო მოწინააღმდეგე და საერთო მტერი, ტერორიზმის საფრთხე - ეს საერთო პრობლემაა. მეორე მხრივ, კი, ბუნებრივია, რუსეთის ზოგიერთ სამხედრო უწყებას სურს ყველაფერი მიაწეროს იმ საფრთხეს, რომელიც რუსეთს, თითქოსდა საქართველოდან ემუქრება. საიმისოდ, რომ ასეთ პირებს არ ჰქონდეთ არგუმენტები, ბუნებრივია, ჩვენ მზად ვართ მივაწოდოთ მათ სრული ინფორმაცია, ყველაფერზე მიუწვდებოდეთ ხელი, რათა არ ეგონოთ, თითქოს რაღაცაში ვზღუდავდეთ. და ჩვენ, ძალზე მოხარული ვიქნებით, თუ რუსეთი თავს ნორმალურ რად იგრძნობს, რადგან ამით ჩვენც უკეთ ვიგრძნობთ თავს.

- და კიდევ ერთი მტკივნეული ზონა. საქართველოს ხელისუფლება უარს ამბობს გადასცეს რუსეთს ის ადამიანები, რომლებიც ეჭვმიტანილი არიან ტერორისტული აქტების განხორციელებაში და იძებნებიან. თქვენ, ალბათ, იცით, რაზეც ვლაპარაკობ. რამდენადაც ჩემთვის ცნობილია, თქვენთან ერთად მოსკოვში ჩამოვიდა საქართველოს გენერალური პროკურორი, რომელიც ასევე აპირებს მიაღწიოს იმას, რომ რუსეთის მხარემაც გადასცეს საქართველოს გარკვეული ძებნილი პირები. ჩვენ გთხოვთ გადმოგვცეთ ის ადამიანები, რომლებიც ტერორიზმში არიან ეჭვმიტანილები.

- ჩვენი გენერალური პროკურორი, უწინარეს ყოვლისა, ჩამოვიდა იმისთვის, რომ არ დარჩეს ღიად რუსეთის, ან ნებისმიერი სხვა ქვეყნის იმ მოქალაქის ან მცხოვრების გადაცემასთან დაკავშირებული საკითხები, რომლებიც ეჭვმიტანილი არიან რუსეთის ტერიტორიაზე ტერორისტული აქტების განხორციელებაში. ასეთ ბრალდებებს ჩვენ ვისმენდით წარსულში და ისინი დასაბუთებულიც იყო. მაგრამ ის ადამიანები, რომლებიც ეჭვმიტანილი იყვნენ მოსკოვში ტერორისტული აქტების განხორციელებაში, რუსეთის მხარეს გადმოვეცით, მათ შორის საკმაოდ ცნობილ კრიმინალებსაც შეხვდებით. ახლა ჩვენ ვამბობთ: თუ ვინმე კიდევ დარჩა, მოგვეცით სიები, ჩვენ მათ მოვძებნით, ან, თუ ვერ შევძელით მათი მოძებნა, დაგვეხმარეთ ამაში, ჩამოდით და ერთად ვეძებოთ, თუ კიდევ სადმე დარჩნენ, მოდით, ერთად განვდევნოთ ისინი საქართველოდან. მით უკეთესი იქნება ჩვენთვის ეს, რადგან, რაც უფრო მალე მოვიშორებთ მათ თავიდან, მით უფრო დაცულად იგრძნობს თავს ჩვენი ნებისმიერი მოქალაქე. მაგრამ იმ შემთხვევაშიც კი, თუ რუსეთი მათ არ წაიყვანს, ჩვენ კი გვექნება ინფორმაცია, რომ გარკვეული პირი ტერორიზმშია ბრალდებული, ჩვენ მას გავასამართლებთ და საპყრობილეში ჩავსვამთ. რადგან მოსკოვი გაცილებით შორს მდებარეობს რუსეთ-საქართველოს საზღვრის, ჩეჩნეთის მონაკვეთიდან, ვიდრე საქართველოს დედაქალაქი - თბილისი, საიდანაც საზღვრამდე მისვლას სულ რაღაც 2,5 საათი სჭირდება, ჩვენი ნებისმიერი მოქალაქე გაცილებით უფრო დაუცველია და უფრო ახლოა ყველა ამ მოვლენასთან. მე, უწინარეს ყოვლისა, მათი ინტერესებით ვხელმძღვანელობ. ჩვენ ნამდვილად გვსურს მოვიშოროთ თავიდან ყველა საეჭვო პირი.

- ინტერნეტით თქვენ დაგისვეს მრავალი კითხვა, ძირითადად - აფხაზეთის შესახებ, მაგრამ აქ ასეთი კითხვაც მივიღეთ: „მიყვარხარ და ვერ გიტან. იგორ გიორგაძე“. ვერ გეტყვით, ნამდვილად თვით იგორ გიორგაძემ გამოგზავნა იგი, თუ ვინმე სხვამ მისი სახელით. საქართველო კვლავ მოითხოვს იგორ გიორგაძის გადაცემას.

- ეს კაცი უბრალოდ გამოიგონა ადგილობრივმა პროპაგანდამ მთელი ამ წლების განმავლობაში. იგი ნამდვილად იყო საქართველოს უშიშროების სამსახურის ხელმძღვანელი, ეჭვმიტანილია ტერორისტული აქტის განხორციელებაში. იგი უნდა წარსდგეს სასამართლოს წინაშე. ახლა, ალბათ აღარ, მაგრამ მთელი ამ წლების განმავლობაში, გიორგაძე იყო რუსეთის უშიშროების სამსახურების ოფიციალური ოფიცერი. თვით იმის გათვალისწინებითაც კი, რომ ჩვენ გვსურს რუსეთთან მეგობრობა, რუსეთის სპეცსამსახურების ნებისმიერი თანამშრომელი, ბუნებრივია, საქართველოში ვერ ჩაითვლება პოლიტიკურ ერთეულად. მაგრამ მეორე მხრივ, ნებისმიერი ადამიანი, რომელიც ეჭვმიტანილია, არ უნდა სარგებლობდეს მავანთა მფარველობით და უნდა წარსდგეს სასამართლოს წინაშე. მაგრამ ყოველთვის მაშინ, როცა არჩევნები იწყება, რატომღაც ეს ფიგურა წინ წამოიწევს ხოლმე ბაირაღივით, მისგან უკვე შექმნეს რაღაც ლოხ-ნესის ტბის ურჩხულის მსგავსი: გიორგაძეზე ბევრს ლაპარაკობენ, თუმცა, თვალით იგი თითქმის არავის უნახავს და არ იცის, თუ ვინ არის იგი.

- რაც შეეხება არჩევნებს, ასეთი კითხვაა: თქვენი აზრით, დემოკრატიული გზით ხართ არჩეული. რაც არ უნდა ითქვას, 96 პროცენტი ძალზე ბევრია.

- გეთანხმებით. მაგრამ ეს რეალიებს ასახავს და, მადლობა ღმერთს, ათასობით დამკვირვებელი იყო. „ყველამ დაადასტურა, რომ ეს რეალური ფაქტია. უფრო მეტსაც გეტყვით, როგორც უნდა დავითვალოთ ამომრჩეველთა რიცხვი, მოსახლეობის უმრავლესობამ მაინც მიიღო არჩევნებში მონაწილეობა. დიდი ენთუზიაზმი სუფევდა. უნდა გითხრათ, რომ ეს სულაც არ მახარებს. არ მახარებს იმიტომ, რომ ნებისმიერი პოლიტიკოსისათვის, მე 36 წლის ვარ და ჩემს ქვეყანაში მივიღე ამომრჩეველთა ხმების 96 პროცენტი, ეს ნიშნავს იმას, რომ ახლა ამაზე მაღლა ვეღარ აიწევს და მხოლოდ ქვემოთ თუ წავა. ეს კარიერის უმაღლესი მწვერვალია. ასე რომ, ამის შემდეგ, შეიძლება დაიწყოს დაღმასვლა, წმინდა პოლიტიკური კარიერის თვალსაზრისით. რა თქმა უნდა, გაცილებით უფრო დიდი მიზნები მაქვს, ვიდრე უბრალოდ რეიტინგი, ან არჩევნების შედეგები.

- მაგრამ, ეს ნდობის ძალზე დიდი დონეა. შესაბამისად, მოთხოვნაც დიდი იქნება.

- ბუნებრივია, მოთხოვნა უკვე არის, მაგრამ ჩვენ ძალზე სერიოზულ ნაბიჯებს ვდგამთ. ხალხი, უწინარეს ყოვლისა, ჩვენგან ითხოვდა ქვეყანაში წესრიგის დამყარებას, და ჩვენ შევუდექით ამას იმით, რომ მოვიყვანეთ ახალი გუნდი. მრავალი ძველი მინისტრი, მაგალითად, ტრანსპორტის მინისტრი, ენერგეტიკის მინისტრი, რკინიგზის ხელმძღვანელი პრაქტიკულად დაპატიმრებულია. ზოგიერთი მათგანის დაკავებისათვის მოგვიწია სპეციალური ოპერაციის განხორციელება ვერტმფრენებით და სპეციალური დანიშნულების რაზმით. დაკავებულია, აგრეთვე, რამდენიმე საკმაოდ „ავტორიტეტიანი“, ეგრეთ წოდებული, „კანონიერი ქურდი.“ კრიმინალური მაფიოზური ჯგუფების პრაქტიკული ხელმძღვანელები. ჩვენ განვახორციელეთ ოპერაცია დასავლეთ საქართველოში და დავაკავეთ ადგილობრივი შეიარაღებული ბანდების წევრები, რომლებიც იქ მოქმედებდნენ, იგივეს გაკეთებას ვაპირებთ სხვა რეგიონებშიც. ამას იმიტომ ვამბობ, რომ პირველ რიგში, ჩვენ მივიღეთ ზომები წესრიგის დამყარებისათვის. მეორე ნაბიჯი იქნება, ფინანსური...

- ხელფასები, პენსიები.

- დიახ, რაც ჩვენ გავაკეთეთ, ის შევარდნაძეს ამ ბოლო 4-5 წლის განმავლობაში არ გაუკეთებია - დავიწყეთ ხელფასებისა და პენსიების დროულად გაცემა. წინათ ხალხი კითხულობდა, რატომ არ უხდიდნენ დროულად პენსიებს და ფულის დროულად მიღებას მოითხოვდა. ახლა კი ასეთ კითხვას სვამენ: რატომ გვაქვს ასეთი მცირე პენსია. ეს ბუნებრივი კითხვაა, მაგრამ საიმისოდ, რომ გავზარდოთ პენსიები, საჭიროა გავაფართოვოთ საგადასახადო ბაზა. დღეს მე შევხვდი 10-12 მსხვილ რუს ბიზნესმენს, ან ოლიგარქს, ახლა ეს მოდური სიტყვა აღარ არის რუსეთში, და, ბუნებრივია, თავიანთ თავს ოლიგარქებს არ უწოდებენ. ისინი მართლაც რომ ნიჭიერი ადამიანები არიან. ჩვენ ეს ხალხი მოვიწვიეთ საქართველოში ფულის დასაბანდებლად. მეორეა ეკონომიკა. მესამე - ნორმალური ურთიერთობის დამყარება მეზობლებთან, უწინარეს ყოვლისა - რუსეთთან.

- რატომ, პირველ რიგში, რუსეთთან?

- იმიტომ, რომ მრავალი უსიამოვნება შეგვხვდა რუსეთთან ცუდი ურთიერთობის გამო, მრავალი უბედურება დაატყდა თავს საქართველოს, გარდა ამისა, საქართველოს, ვინმესთან თუ აქვს ბევრი რამ საერთო, ეს, უწინარეს ყოვლისა, რუსეთია. ეს არის ადამიანური კავშირურთიერთობა. ავიღოთ, თუნდაც, კონკრეტული ადამიანები. მე მყავს მეზობელი ქალი, პენსიონერი, რომელიც მწირ პენსიას იღებს, არავინ არ ჰყავს საქართველოში, მხოლოდ ნათესავები დარჩა სარატოვში. არადა, სარატოვში დარეკვისთვის ამ ქალბატონს მთელი პენსიაც არ ეყოფა. ასეთი ადამიანები კი მრავლად არიან.

- ახლა, ვთხოვთ ჩვენს მსმენელებს გვითხრან, თუ, მათი აზრით, როგორია საქართველოს ახალი ხელმძღვანელობა, თქვენ კი შემდეგ შეაფასეთ ეს. მაშინ ასე, საქართველოს პრეზიდენტის თანდასწრებით თქვენ შეგიძლიათ უპასუხოთ შემდეგ კითხვას: როგორ ფიქრობთ, საქართველოს ახალი ხელმძღვანელობა რუსეთის მიმართ მეგობრულადაა განწყობილი. თუ თქვენ მიგაჩნიათ, რომ - მეგობრულად, დაგვიკავშირდით შემდეგი ნომრით: 995-81-21, თუ ფიქრობთ რომ არა - 995-81-22. ჯერჯერობით კი, თვითონ ბატონი პრეზიდენტი ცდილობს დარეკოს პირველ ნომერზე.

- მომეცით პირველი ტელეფონის ნომერი, რათა მე დავურეკო ჩემს მეგობრებს - მათ კი დარეკონ პირველი ტელეფონით.

- თქვენი მეგობრებიც, ალბათ, ისევე გვისმენენ ახლა, როგორც თქვენი არაკეთილმოსურნეები. უკვე დაფიქსირდა ათასი ზარი. ჩემს წინ დევს კითხვა, რომელიც თქვენ ინტერნეტით დაგისვეს. ასო „ა“ აფხაზეთს ნიშნავს. რუსეთის მცხოვრებთა 32 პროცენტს მიაჩნია, რომ საქართველო-რუსეთის ამჟამინდელი ცივი ურთიერთობა აფხაზეთს უკავშირდება. „აფხაზეთში უმრავლესობას რუსეთის მოქალაქეები შეადგენენ. რატომ აცხადებთ მასზე პრეტენზიას. აფხაზეთი საქართველოს სტალინმა გადასცა“, - ამას შემდეგ მოჰყვა მთელი ისტორიული ექსკურსი. როგორ გადაჭრით აფხაზეთის პრობლემას. მის გადაჭრას რუსეთთან ერთად შეეცდებით. რაზე ისაუბრებთ ხვალ პუტინთან აფხაზეთის საკითხთან დაკავშირებით, როგორ ეცდებით მორიგების მიღწევას?

- რა თქმა უნდა, აფხაზეთის საკითხს რუსეთთან ერთად გადავწყვეტთ, და, ალბათ, სხვაგვარად იმის გაფიქრებაც კი წარმოუდგენელია, რომ ჩვენ შევძლებთ ამ პრობლემის მოგვარებას რუსეთის მონაწილეობის, რუსეთის აქტიური, კეთილმოსურნე ჩარევის გარეშე. არადა, ამ პრობლემის მოგვარება უნდა მოხდეს არა მარტო ეთნიკური ქართველების, არამედ აფხაზების სასარგებლოდაც. ჩემთვის ეს ძალზე პრინციპული პოზიციაა. და ამ პოზიციას განამტკიცებს ის, რომ აფხაზეთი საქართველოს უმნიშვნელოვანესი შემადგენელი ნაწილია. ბუნებრივია, ჩვენ ჩინებულად გვაქვს შეგნებული, რომ აფხაზები ჩვენი მოქალაქეები არიან, რომლებსაც პატივისცემით უნდა მოვეპყრათ, და, ალბათ, საქართველოს მოსახლეობის ვერც ერთ ნაწილში ვერ შეხვდებით აფხაზებისადმი მტრობასა და სიძულვილს. ყოველ შემთხვევაში, პირადად მე, მათ მიმართ მხოლოდ უაღრესად გულთბილი გრძნობები და პატივისცემა მამოძრავებს. და ასეა არა მარტო აფხაზების, არამედ სამხრეთ ოსეთის, საქართველოს სხვა რეგიონების მკვიდრთა მიმართაც. ჩვენ მიგვაჩნია, რომ ეს ჩვენი საერთო სიმდიდრეა.

- როგორ უნდა გადაიჭრას პრობლემა, იგი ხომ არსებობს.

- რაც შეეხება პრობლემას. სამწუხაროდ, 1990-იანი წლების დამდეგს აფხაზეთის კონფლიქტი საქართველოს შიდა კონფლიქტი არ ყოფილა, ეს, რაოდენ სამარცხვინოც უნდა იყოს, რუსეთ-საქართველოს ომი გახლდათ. მასში მონაწილეობდნენ რუსეთის შეიარაღებული ძალები, შეიქმნა ეთნიკური კონფლიქტი. და რუსეთს, რომელიც მაშინ მეტისმეტად დასუსტდა, რადგან ქვეყანაში მიმდინარეობდა რეფორმები, გაღატაკდნენ ადამიანები, დიდი იყო დამცირების გრძნობა, რაღაც უნდა ეჩვენებინა. ჰოდა რუსეთი, მისი გენერლები შეეცადნენ აღედგინათ იმპერია, ხელახლა შეეკოწიწებინათ იგი. სწორედ ამიტომ, როცა ჩვენ ამ თემაზე ვლაპარაკობთ, არც ეს უნდა დაგვავიწყდეს. და საბოლოო ანგარიშით რა მივიღეთ - ტერიტორიაზე, რომელზეც ცხოვრობდა თითქმის 700 ათასი კაცი, ეს ადამიანები იყვნენ ყველაზე შეძლებულები და მდიდრები, ყველაზე წარმატებულები, ყოფილ საბჭოთა კავშირში, ისეთი სიტუაცია შეიქმნა, რომ...

- თქვენ გულისხმობთ ეთნიკურ ქართველებს, თუ რეგიონის მთელ მოსახლეობას?

- მთელ მოსახლეობას. ყველა ქართველმა პრაქტიკულად დატოვა აფხაზეთი, ისევე, როგორც ეთნიკური აფხაზების დიდმა ნაწილმა. გარდა ამისა, იქ ცხოვრობდნენ ბერძნები, ესტონელები, რუსები - მათი უმრავლესობა აფხაზეთიდან წავიდა, რადგან ეს კუთხე სამხედრო ზონად იქცა. ყველა პლაჟი დანაღმულია, გამოუვალი სიტუაციაა. იმის მოთმენა შეუძლებელია, როცა ადამიანს ავტომატურად კლავენ ეთნიკური ნიშნით მხოლოდ იმიტომ, რომ იგი მოხვდა ამ ტერიტორიაზე. ქართველი ეროვნების ნებისმიერი ადამიანი, რომელიც აფხაზეთში მოხვდება, მოკლული იქნება. ამიტომ, უწინარეს ყოვლისა, უნდა გამოვნახოთ კავშირი ქართველებსა და აფხაზებს შორის. და მეორეც, საუბარი უნდა დავიწყოთ ჩვენი ურთიერთობის ფედერაციულ ჩარჩოებში. ჩვენ, ბუნებრივია, მზად ვართ აფხაზებს მივანიჭოთ ძალზე ფართო ავტონომია, იმაზე ფართო, როგორიც დღეს რუსეთში აქვს ნებისმიერ ავტონომიურ წარმონაქმნს. გარდა ამისა, იყო აფხაზებისათვის რუსეთის მოქალაქეობის მინიჭების კამპანია. ეს ძალზე არაჯანსაღი კამპანიაა. აბა, წარმოიდგინეთ, საქართველომ უცებ მოქალაქეობა რომ მიანიჭოს ჩრდილოეთ კავკასიის მცხოვრებლებს, რომელთა ნაწილი რუსეთის მიმართ არცთუ ისე მეგობრულადაა განწყობილი, გარკვეული ნაწილი კი - მტრულადაც. განა, რუსეთში ეს ვინმეს გაახარებდა. ეს ხომ უგუნური ნაბიჯი იქნებოდა. ვფიქრობ, რომ ამან არც რუსეთი გაახარა. ასევე არ შეიძლება ცალმხრივად გადაწყდეს ვიზებთან დაკავშირებული საკითხები. ჩვენ მხარს ვუჭერთ იმას, რომ ყველა ადამიანი დაცული იყოს.

- ომი იქნება ბატონო პრეზიდენტო?

- არა. ამაზე ხვალ ვისაუბრებ პუტინთან შეხვედრის დროს. ეს ყველაზე უარესი ალტერნატივაა. ეს ჩემთვის წარმოუდგენ ნელია იმ შემთხვევაშიც კი, თუ საქართველოს ეყოლებოდა 100-ათასიანი უკეთ შეიარაღებული არმია. საკითხის ასეთი გზით გადაწყვეტა ყოვლად დაუშვებელია იმიტომ, რომ ადამიანის ფაქტორის გარეშე, რა საკითხის გადაწყვეტაზე შეიძლება საუბარი. მაგრამ, ყველამ უნდა შეიგნოს, რომ საქართველოს სახელმწიფო არასდროს არ შეურიგდება იმას, რომ აფხაზეთი აღარ იყოს საქართველოს ნაწილი. ვერ შეურიგდება იმას, რომ ჩვენთან იყოს ისეთი ტერიტორიები, სადაც ნებისმიერი ადამიანი - ბერძენი იქნება იგი, აზერბაიჯანელი, ქართველი თუ სხვა, შეიძლება მოკლან ან გააძევონ ეთნიკური ნიშნით. ჩვენ ამას ვერ შევურიგდებით. ამიტომ საჭიროა მივაღწიოთ მორიგებას ყველა ლტოლვილის დაბრუნების შესახებ. ეს ეხება როგორც ქართველებს, ისე აფხაზებს, რუსებს, ბერძნებს და სხვებს.

- პირველი საკითხია ლტოლვილების დაბრუნება.

- მეორე: უნდა მივაღწიოთ მორიგებას ფართო ავტონომიის პირობებში ფედერაციული ურთიერთობის შესახებ. მორიგების საკითხის მშვიდობიანი გადაწყვეტის, საერთაშორისო გარანტიების შესახებ, უწინარეს ყოვლისა, რუსეთის მხრიდან. ამაზე ვისაუბრებ პუტინთან, მისი დიდი იმედი მაქვს, რადგან მან გააკეთა არაერთი საღი და სწორი განცხადება ახლო საზღვარგარეთის ქვეყნებში არსებული კონფლიქტების შესახებ. ვფიქრობ, იგი ძალზე პრაგმატული, საღად მოაზროვნე პოლიტიკოსია, და მას ყველაზე კარგად აქვს შეგნებული ეს კონფლიქტები, ეს ადამიანი არ ყოფილა მონაწილე ყველა ამ მოვლენისა...

- არ ეკისრება პასუხისმგებლობა იმ ომისთვის.

- არც მას და არც მე არ გვეკისრება პასუხისმგებლობა, და ჩვენ ახლა შეგვიძლია ყველაფერი დავიწყოთ თავიდან. ჩვენ გვაქვს ხალხის მხარდაჭერა, მზად ვართ გაბედულად გადაწყვეტილებების მისაღებად. რუსეთში პრეზიდენტის არჩევნების შემდეგ, დარწმუნებული ვარ, რომ პრეზიდენტი პუტინი შეძლებს გამონახოს კონფლიქტის მოგვარების სწორი გზა. აფხაზეთშიც წელს გაიმართება პრეზიდენტის არჩევნები, შეიცვლება ხელისუფლება, დარწმუნებული ვარ, იქაც გამოჩნდებიან ისეთი ადამიანები, რომლებიც შეიგნებენ, რომ საჭიროა ახლო მეგობრული ურთიერთობების დამყარება რუსეთთან, მაგრამ საქართველოსთანაც უნდა გამონახონ საერთო ენა. უნდა ვიფიქროთ მომავ ვლისათვის, სულ ასეთ ვითარებაში ხომ არ შეიძლება ვიყოთ!

- საინტერესო კითხვა გამოგვიგზავნა ქართლოს ადეიშვილმა ნიუ-იორკიდან. ამბობს, რომ ეთნიკური ქართველია, მაგრამ დატოვა თავისი სახლი სოხუმში 1993 წელს. იგი გეკითხებათ: „ხომ არ ფიქრობთ, რომ მარტო რუსეთის შუამავლობა არ კმარა. იქნებ, საჭიროა ამ საკითხში ევროპის კავშირის, ამერიკის შეერთებული შტატების ჩარევა...“

- ჩვენ ვცდილობთ მათ ჩაბმას ამ საქმეში, მაგრამ განსაკუთრებული ილუზიებით არ ვართ შეპყრობილი. არის ჟენევის პროცესი, არის გაერო, არის ევროკავშირი, რომელსაც შეუძლია გამოყოს ფული, მაგრამ, უწინარეს ყოვლისა, თვით აფხაზებისა და თვით ქართველების აქტიური მონაწილეობის, საქართველოს ცენტრალური ხელმძღვანელობის მიერ განხორციელებ ბული სწორი პოლიტიკისა და რუსეთის ხელმძღვანელობის მხრიდან კეთილმოსურნეობის, ამ საკითხისადმი თუნდაც მისი ნეიტრალური მიდგომის გარეშე, ეს მინიმუმია, სინამდვილეში კი იგი გულწრფელად უნდა დაინტერესდეს კონფლიქტის მოგვარებით, ამის მიღწევა შეუძლებელი იქნება... მაგრამ ჩვენ რუსეთის მონაწილეობას მრავალმხრივი კონტექსტით განვიხილავთ, ჩვენ ამას არ განვიხილავთ მარტო ქართულ-რუსული ორმხრივი, ან, დავუმატოთ აქ კიდევ აფხაზეთიც, სამმხრივი კონტექსტით. არსებობს გაეროს ჩარჩოები, არის ჟენევის მორიგება, იქ შეიძლება მოგვცენ ფული სახლების აღდგენისათვის, გარკვეული სხვა გარანტიები. მაგრამ მთავარია რუსეთი. თუ რუსეთი გამოიჩენს კეთილ ნებას, ეს შეამსუბუქებს სიტუაციას როგორც საქართველოსთვის, ისე რუსეთისთვისაც მთელს ჩრდილოეთ კავკასიაში. ეს უბრალოდ აუცილებელია. ყოველივე ეს უკავშირდება ყაბარდო-ბალყარეთს, ჩერქეზეთს, ჩეჩნეთს, ინგუშეთს, ჩრდილოეთ ოსეთს. მთელი ეს რეგიონი ურთიერთდაკავშირებულია და იქ სტაბილური სიტუაციის დამყარება ყველას ინტერესებს შეესაბამება. და ჩვენ შევძლებთ გამოვნახოთ ჩვენი ინტერესების შეხების წერტილი, დარწმუნებული ვართ, ვიპოვით გამოსავალს შექმნილი ვითარებიდან.

- რას იტყვით მშვიდობისმყოფელთა როლზე, რომლებიც ახლა იქ, აფხაზეთში ჩადიან. თქვენი აზრით იგი ოპტიმალურია?

- ვფიქრობ, რომ ეს როლი ოპტიმალური არ არის. მშვიდობისმყოფელებს შეეძლოთ გაცილებით უფრო აქტიურად ემოქმედათ, მიეცათ მეტი გარანტიები ყველა ეთნიკური ჯგუფისთვის, ნებისმიერი წარმოშობის ადამიანებისთვის. მაგრამ იცით, დადგა უკვე იმის დრო, რომ პუტინი მთელს ძალაუფლებას აიღებს ხელში და ჩვენ აღარ გვექნება საქმე ადგილობრივ რუს გენერლებთან, რომლებიც თვითონ მონაწილეობენ კონტრაბანდაში, ნარკოტიკებით, იარაღით ვაჭრობაში - ეს დასამალი არ არის. იქ მოქმედებენ, ეგრეთ წოდებული, პარტიზანული რაზმები, ხოლო სეპარატისტთა რაზმები და რუსი სამხედროები ჩინებულად პოულობენ საერთო ენას, და მრავალი მათგანი მონაწილეობს არალეგალურ ოპერაციებში. გარდა ამისა, ჩვენ უკვე მოგვბეზრდა ვიქონიოთ საქმე რუს გენერლებთან, პოლკოვნიკებთან, მაიორებთან, ეს რუსეთის პოლიტიკა არ გახლავთ. რუსეთის პოლიტიკა კრემლში უნდა იქმნებოდეს და ამიტომაც ჩამოვედი კრემლში. ვფიქრობ, რომ ძლიერი პრეზიდენტის, მისი ძლიერი ნების, ხელმძღვანელობის ცენტრალიზაციის პირობებში გაჩნდება ამ საკითხების გადაწყვეტის იმედი. ამას იმიტომ ვამბობ, რომ წინათ აქ მიღებული ნებისმიერი გადაწყვეტილება, მაინც გადიოდა ათმაგ ფილტრაციას და, საბოლოო ანგარიშით, საქმე ნულამდე დადიოდა. ამიტომ ვფიქრობ, რომ არის გამოსავ ვალი ამ სიტუაციიდან: ყველამ უნდა გაიგოს, რომ ჩვენ კარგად გვაქვს შეგნებული - ჩვენ რუსეთი გვჭირდება არა როგორც მეტოქე და მოწინააღმდეგე, არამედ, როგორც მეგობარი. აქ ხშირად გაისმის ხოლმე მოსაზრება იმის თაობაზე, რომ რუსეთს განდევნიან რეგიონიდან და მის ადგილს ამერიკის შეერთებული შტატები დაიკავებს. პირდაპირ ვაცხადებ და ყოველთვის ამას ვამბობდი. მე არ ვარ პრორუსული პრეზიდენტი, და ვინც უნდა იყოს საქართველოს პრეზიდენტი, თვით იგორ გიორგაძეც კი, რომელიც თქვენ ზემოთ ახსენეთ, თუ მოხდებოდა სასწაული და უცხოპლანეტელები აირჩევდნენ მას ამ პოსტზე, მაინც არ იქნებოდა იგი პრორუსული, იმიტომ, რომ საქართველოში არ შეიძლება იყოს პრორუსული პრეზიდენტი, ისევე, როგორც - პროამერიკული. ეს არასდროს არ იქნება. საქართველოს შეიძლება ჰყავდეს მხოლოდ ქართველი პრეზიდენტი და იგი დაიცავს იმ საქართველოს ინტერესებს, რომელსაც სურს იმეგობროს რუსეთთან, და მოაგვარებს ყველა ამ საკითხს. აი ეს გახლავთ ჩვენი პოლიტიკის არსი.

- ბატონო პრეზიდენტო, სამი წუთის განმავლობაში 4 ათასზე მეტი ზარი შემოვიდა. მართალია, აქ თქვენ 96 პროცენტი ვერ მოაგროვეთ, მაგრამ თქვენი ნდობის კრედიტი, მაინც საკმაოდ მაღალია. 70 პროცენტს მიაჩნია, რომ თქვენ რუსეთს მეგობრულად ეკიდებით, 30 პროცენტი კი საწინააღმდეგო მოს საზრებისაა.

- ხომ ხედავთ, უკვე მოსკოვშიც ვაღწევ წარმატებებს.

- ჩვენი მსმენელის კითხვა: „რა ბედი ეწევა შევარდნაძეს და მის ნათესავებს.“ როგორია თქვენი პირადი დამოკიდებულება.

- ჯერ ერთი, რაც მათ მოიპარეს, ყველაფერი უნდა დააბრუნონ. მოპარვით კი ბევრი რამ მოიპარეს და ახლა ამ ფრონტზე სულ ახალ-ახალი ამბები ჩნდება. მე არ ვფიქრობ, რომ იგი საპყრობილეში უნდა ჩასვან. თუმცა არის მორალური მხარე - ჩვენ მის მინისტრს ვიჭერთ, ვაპატიმრებთ, ისინი კი აცხადებენ, რომ ყოველივე ამის ნებართვა მან მოგვცა, უშუალოდ მისი მით თითებით ვმოქმედებდითო. რა ვიმოქმედოთ ასეთ ვითარებაში.

ძალზე რთული საკითხია. მაგრამ მეორე მხრივ, ჩვენ უნდა შევიგნოთ, რომ არ უნდა ვიქცეთ კაციჭამიებად და მხოლოდ შურისძიება არ უნდა გვამოძრავებდეს. მეორეც, არის სხვა ქვეყნებთან დაკავშირებული სიტუაცია. პოსტსაბჭოურ სივრცეში ყველაზე დიდი პრობლემა ხელისუფლების შეცვლას უკავშირდება. და დემოკრატიული ოპოზიციათა მრავალი ლიდერი ამას მეუბნება - ღვთის გულისათვის, არ ახლო ხელი შევარდნაძეს. ეს რომ მოხდეს, ჩვენ ხომ ვერასოდეს ვეღარ დავარწმუნებთ ჩვენს პრეზიდენტებს იმაში, რომ არჩევნების გზით მშვიდობიანად შეელიონ თავიანთ სავარძლებს. ესეც საგულისხმო ფაქტორია. ასე რომ, ჩვენ გვეკისრება როგორც ადგილობრივი, ისე საერთაშორისო პასუხისმგებლობა. ამ ცოტა ხნის წინათ აღმოვ ვაჩინე, რომ ჩვენ თურმე მარტო შუა აზიაში, რუსეთში, უკრაინაში, მოლდავეთში როდი გვიყურებენ. ფიდელ კასტრომ, ამ ცოტა ხნის წინათ, ასეთი რამ თქვა: აი, ქართველმა ხალხმა დაამხო თავისი ტირანი, მძარცველი და ხელისუფლების სათავეში ჩემნაირი კაცი მოვიდაო.

- ვერ ვიტყვი, რომ ამით მან დიდი ხოტბა შეგასხათ. იმას ხომ არ გულისხმობდა, რომ იმდენ ხანსვე დარჩებით ხელისუფლების სათავეში, რამდენ ხანსაც ფიდელ კასტრო.

- არა, ღმერთმა დამიფაროს. სხვათა შორის, იგი მე მესიმპათიურება, თუმცა წვერის გაშვებას არ ვაპირებ.

- თქვენ ორჯერ აარიდეთ თავი პასუხს კითხვაზე, რომელიც დაგისვით სტრასბურგში პრესკონფერენციაზე - სამხედრო ბაზების კალენდარი. ჩვენ სხვადასხვა ვადა გვესმის. რუსეთის მხარე პირველ ხანებში ამბობდა, რომ ამას 11 წელი დასჭირდებოდა, რადგან საჭირო იყო მომზადება, ახლა 7 წელიწადზე ალაპარაკდნენ. თქვენი მხარე აცხადებდა, რომ სამი წელიც საკმარისი იქნებოდა. თქვენ, ალბათ, ამის შესახებ ისაუბრებთ პუტინთან. აი, უკვე თქვით დღეს, რომ არავითარი უცხო ბაზები - არც ამერიკული და არც რუსული არ იქნება საქართველოს ტერიტორიაზე. პუტინის გენერლები, ჩვენი გენერლები, ამბობენ, რომ ბაზების გაყვანას 7 წელი დასჭირდება. თქვენ რას შესთავ ვაზებთ პუტინს...

- თავდაპირველად, გენერლები აცხადებდნენ, რომ ბაზების გაყვანას 11-15 წელი დასჭირდებოდა, შემდეგ 7-9 წელზე ჩამოვიდნენ, გუშინწინ კი გავიგე, რომ თურმე 5-7 წელიც საკმარ რისი იქნება. იცით, როგორც ცნობილი ლიტერატურული გმირი იტყოდა, აქ ვაჭრობა ყოვლად უადგილოა. ეს ბაზები უნდა გაიტანონ. სინამდვილეში, ხალხმა არც კი იცის, თუ რას წარმოადგენენ ეს ბაზები...

- მე კალენდრის შესახებ გკითხეთ, ბატონო პრეზიდენტო.

- ამ ბაზებში 3 ათასზე მეტი კაცია, რომელთა უმრავლესობა - 2 ათასზე მეტი - ადგილობრივი მცხოვრებია, კონტრაქტით მომუშავე ადამიანები, რომლებსაც რუსული პასპორტები აქვთ. ანუ, რეალურად იქ 500-600 რუსი ოფიცერია, ჩვენ კი გვიცხადებენ, რომ 500 მილიონი დოლარი გვჭირდება მათ გასაყვანადო, ანუ მილიონი დოლარი სულზე გაანგარიშებით. ჩვენ მათ ვეუბნებით, რომ რუსეთისთვის (ამას თავდაცვის სამინისტროც აღიარებს), ამ ბაზებს არანაირი სამხედრო მნიშვნელობა, არანაირი გრძელვადიანი სტრატეგიული მნიშვნელობა არა აქვს, ანუ საქმე ეხება მხოლოდ ემოციებს და რუსეთისთვის უშიშროების გარანტიებს. ჩვენ კი გთავაზობთ: მოდით, შევქმნათ რუსეთის უშიშროების სხვაგვარი გარანტიები, მოდით, გავარკვიოთ, თუ რა ინტერესები ამოძრავებს რუსეთს. თუ საქმე ეხება იმას, რომ რომელიმე მესამე ქვეყანა არ შემოვიდეს საქართველოში, ჩვენ ერთმნიშვნელოვნად ვაცხადებთ, რომ არც ერთი მესამე მხარე აქ არ შემოვა და არ შეავსებს ამ ვაკუუმს. მეორე ინტერესია ის, რომ რუსეთის საზღვრები დაცული უნდა იყოს. მოდით, ერთად დავიცვათ ისინი. თუ არ მოგწონს ჩვენი მესაზღვრეების მოქმედება, შევქმნათ ერთობლივი საპატრულო ჯგუფები, ერთობლივი განწესები, თვით ერთობლივი საგუშაგოებიც კი, რათა თქვენ თავი დაუცველად არ იგრძნოთ. არ გყოფნით ინფორმაცია. - მაშ შინ იგი სპეცსამსახურებმა ოფიციალური არხებით გაუგზავნონ ერთმანეთს. ჩვენ, ბუნებრივია, დამოუკიდებელი ქვეყანა ვართ და ყველამ უნდა სცეს პატივი დამოუკიდებელ მეზობლებს. მაგრამ ხომ შეიძლება ურთიერთობა დამოუკიდებელ ქვეყნებთან წარმართო ისე, რომ იქ მნიშვნელოვანი გავლენაც შეინარჩუნო!

- ბატონო პრეზიდენტო, თქვენ უკვე მესამედ აარიდეთ თავი ჩემს კითხვაზე პასუხს.

- არა, მე გითხარით: რაც ადრე მოხდება ეს, მით უკეთესი იქნება.

- ადრე გუშინ იყო.

- მესმის. მაშ, ხვალ თუ გაიტანენ ბაზებს, მე ძალზე მოხარული ვიქნები.

- და ბოლო კითხვა. მე დავპირდი თეიმურაზ ჭელიძეს, იაპონიის ქალაქ სენდაიდან, რომ იგი დასვამდა ამ კითხვას.

- ვერ გამიგია, მოსკოვში ვიმყოფები თუ...

- ინტერნეტი მთელი მსოფლიოა. „რით შეუძლიათ დაეხმარონ საქართველოს შორეულ საზღვარგარეთში მყოფი თანამემამულეები.“ - ასეთი კითხვები მივიღეთ ნიუ-იორკიდან, ოტავიდან, მიუნხენიდან და თვით იაპონიის ქალაქ სენდაიდანაც კი.

- მე მათ უკვე მოვუწოდე, რომ ეს ეხება არა მარტო ჩვენს მეგობრებს იაპონიაში, არამედ - მთელ მსოფლიოში მყოფ ქართველებს. ამ ბოლო წლებში ყოველმა მეხუთე ქართველმა დატოვა ქვეყნის ფარგლები.

- სხვათა შორის რუსეთში მცხოვრები ქართველები...

- დიახ, მათი უმრავლესობა რუსეთში იმყოფება. მე მათ უკვე მოვუწოდე და ეს უბრალოდ, ლამაზი სიტყვები არ გეგონოთ. ისინი უნდა დაბრუნდნენ საქართველოში, რადგან ახლა დადგა ჩვენი ქვეყნის ხელახლა აშენების დრო. ხელახლა უნდა ავაშენოთ მომავალი ჩვენი შვილებისათვის. ჩვენ დიდად ვემადლიერებით ყველა იმ ქვეყანას, რომლებმაც შეიკედლეს ჩვენი მოქალაქეები, და, უწინარეს ყოვლისა, რუსეთს. ჩვენ ვემადლიერებით მათ იმის გამო, რომ ქართველებთან ნორმალური ურთიერთობა აქვთ. ქართველებს ძალზე უყვართ რუსეთი. აქ მყოფ ქართველთაგან მრავალს, ალბათ, აქვს გარკვეული პრობლემები, მაგრამ ხალხის დამოკიდებულება მათდამი უაღრეს სად გულთბილია. თუმცა, დადგა დრო, რომ ამ ადამიანებმა ააშენონ ახალი საქართველო. ქართველები, ტრადიციულად, საქართველოს არ ტოვებენ ხოლმე. ის, რაც ამ ბოლო წლებში მოხდა, მრავალი საუკუნის განმავლობაში არ ყოფილა. ამჟამად სრულიად ახალი სიტუაციაა. სადღეისოდ ჩვენ გვჭირდება არა მარტო კვალიფიციური ინჟინრები, იურისტები, ეკონომისტები, არამედ, პირველ რიგში, ჩვეულებრივი ადამიანები, რომლებსაც აქვთ სხვა ქვეყნებში მუშაობის გამოცდილება, ჩვენ მათ შევუქმნით უშიშროების პირობებს. ძალზე დიდი მნიშვნელობა ენიჭება, როცა ქვეყანაში სუფევს უშიშროება, სტაბილურობა, არ არის კორუმპირებული სახელმწიფო აპარატი - ეს უმთავრესია, რის მიღწევასაც ვცდილობ. ამას მარტო ქართველებზე არ ვამბობ, საქართველო დატოვეს სომხებმა, აზერბაიჯანელებმა, აფხაზებმა, ოსებმა და სხვა. მე მსურს, რომ ყველა ეს ადამიანი დაბრუნდეს საქართველოში. საქართველო მრავალეროვანი სახელმწიფოა, ჩვენ ძალზე ვამაყობთ ამით, ჩვენი ეროვნებათშ შორისი ურთიერთობების ტრადიციებით. მაშ, მოდით, დაბრუნდით, ერთად ავაშენოთ ქვეყანა.

- დაბოლოს კიდევ ერთი კითხვა - ვიზების შესახებ. შეეხებით თუ არა ამ საკითხს ვლადიმერ პუტინთან საუბრის დროს. ცნობილია, რომ ჩეჩენი მოთარეშეებისაგან თავდაცვის მიზნით, რუსეთმა ცალმხრივი წესით შემოიღო სავიზო რეჟიმი. შემდეგ სავიზო რეჟიმი შერბილდა აფხაზეთის, უფრო სწორად, ბათუმის მიმართ...

- თქვენ სერიოზულად ფიქრობთ, რომ ეს დაგიცავთ ჩეჩენი ტერორისტებისგან?

- მე თქვენ წარმოგიდგინეთ რუსეთის მხარის არგუმენტაცია.

- თქვენ, ალბათ, გგონიათ, რომ როგორც კი შემოიღეთ ვიზები, ბასაევი, გელაევი, ჰათაბი რუსეთის საკონსულოსთან რიგში ჩადგნენ ვიზების მისაღებად. ეს, რა თქმა უნდა, არ მომხდარა. იქ ჩვეულებრივი მოქალაქეები იდგნენ. ტერორისტები კი, თუკი ისინი რუსეთში შემოსულან, ამას, როგორც წესი, მთის ბილიკებით აკეთებდნენ. დეიდაჩემი იქ ორი კვირა იდგა ვიზის მისაღებად დაბოლოს, იმედგაცრუებულმა ხელი ჩაიქნია. ასეთი ადამიანები წყევლა-კრულვას უთვლიან იმ სახელმწიფო მოხელეებს, რომლებმაც რუსეთის ხელმძღვანელობას მიაწოდეს იდეა სავიზო რეჟიმის შემოღების შესახებ. იგი უნდა გამარტივდეს. სხვათა შორის, სავიზო რეჟიმი არც რუსეთისთვის არის ხელსაყრელი. თუნდაც იმიტომ, რომ იმავე სამხედრო პერსონალს დიდი პრობლემები ექნება რუსეთში გადაადგილებასთან დაკავშირებით. მე მის სრულ გაუქმებას არ მოვითხოვ, მოდით, გავამარტივოთ. ჩვენ გვაქვს გამარტივებული რეჟიმი თურქეთთან. თურქეთმა მშვენივრად იცის, თუ ვინ შედის მის ტერიტორიაზე, მაგრამ ამის გამო ქვეყანა ნაწილ-ნაწილ არ დაშლილა და არც რაიმე საფრთხე დამუქრებია. თუ თურქეთთან შეიძლება გვქონდეს ასეთი ურთიერთობა, რატომ არ შეიძლება - რუსეთთ თან, იგი ხომ ჩვენი ბუნებრივი მეგობარი და მოკავშირეა.

- ბატონო პრეზიდენტო, ახლა მე მოვუწოდებ ჩვენს მსმენელთა იმ 70 პროცენტს, რომლებსაც მიაჩნიათ, რომ თქვენ რუსეთს მეგობრულად ეკიდებით, გამორთონ მიმღები და დარჩნენ მხოლოდ ისინი, რომლებიც ფიქრობენ, რომ თქვენი დამოკიდებულება რუსეთის მიმართ არ არის მეგობრული. მე მსურს, რომ ყოველგვარი კითხვის გარეშე მიმართოთ ჩვენს მსმენელთა იმ ნაწილს, რომლებიც თქვენ არ გენდობიან და არ სწამთ თქვენი.

- არა, მე ვფიქრობ, რომ ყოველგვარი გაუგებრობა წარსულში უნდა დარჩეს. ამაში აბსოლუტურად დარწმუნებული ვარ. ეს ერთ დღეში არ მოხდება, რადგან ძალზე ბევრი კითხვა დაგროვდა. ეს უკავშირდება როგორც საქართველოს ტერიტორიული მთლიანობის აღდგენას, ისე მრავალი ორმხრივი პრობლემის მოგვარებას. მაგრამ ვფიქრობ, რომ საქართველო რჩება უამრავი რუსეთელი ახალგაზრდის ოცნებად. მათი უმრავლესობა ხომ ან ნამყოფია საქართველოში, ან რამე სმენია ჩვენი ქვეყნის შესახებ, ჰქონია გარკვეული ურთიერთობა ქართველებთან. ვფიქრობ, რომ ასეთ ადამიანებს მხოლოდ დადებითი შთაბეჭდილება უნდა ჰქონდეთ. პოლიტიკოსებმა არ უნდა „მოწამლონ“ ადამიანების ეს ყველაზე სენტიმენტალური ნაწილი. ჩვენ აღარ გვექნება ერთიანი სახელმწიფო, ეს აშკარაა, მაგრამ ჩვენ შევქმნით ერთიან, ნორმალურ ადამიანურ სივრცეს. ეს ჩემი ერთ-ერთი გეგმაა. ბუნებრივია, ჩემს გეგმებში შედის ისიც, რომ ჩემი ქვეყანა მტკიცედ დავაყენო ფეხზე, გავხადო იგი ძლიერი. საქართველო პატარა ქვეყანაა, რუსეთთან შედარებით ჩვენი ინტერესები მცირეა, მაგრამ ეს ის ინტერესებია, რომლისთვისაც მზად ვართ ბოლომდე ვიბრძოლოთ. მე მსურს ფეხზე დავაყენო საქართველო, ყველაზე მეტად საქართველო მიყვარს, მაგრამ ისიც ჩინებულად მაქვს შეგნებული, რომ სწორედ საქართველოს სიყვარულის, ჩემი პირადი განწყობილების გამო, უნდა ვიმეგობროთ უწინარეს ყოვლისა, რუსეთთან, და, ბუნებრივია, სხვა ქვეყნებთანაც, რუსეთთან ერთად.

- თქვენ მოელით, რომ პრეზიდენტი პუტინი გაგიგებთ და მოსკოვიდან დამშვიდებული გაემგზავრებით?

- მე მას პირადად არ ვიცნობ, თუმცა, ამ ადამიანმა არაერთხელ მოახდინა ჩემზე შთაბეჭდილება. შემიძლია ვთქვა, რომ ზოგიერთ საკითხში შეიძლება მისგან გამოცდილების გაზიარება, რაღაცის გადაღება. რაც მთავარია, ვფიქრობ, რომ იგი უაღრეს სად გულწრფელი და გულახდილი ადამიანია. გულწრფელობა კი მეც საკმარისზე მეტი მაქვს, ხშირად - ჩემდა საუბედუროდაც. მე ვეცდები მასთან გულწრფელი ვიყო, ვფიქრობ, ჩვენ ერთმანეთს გავუგებთ.

ქართველებს სურთ დაძლიონ წარსულის ინერცია, იმეგობრონ რუსეთთან და ისინი ამისთვის მზად არიან / საქართველოს პრეზიდენტს ესაუბრება „ეხო მოსკვის“ წამყვანი ალექსეი ვენედიქტოვი // საქართველოს რესპუბლიკა. - 2004. - 13 თებერვალი. - N36 (4765). - 3-4 გვ.

მინდა ვთქვა, რომ მთავრობის შემადგენლობა შეირჩა ძალიან გულმოდგინედ!

რა თქმა უნდა, ბევრ ადამიანს სურდა მთავრობაში მუშაობა, მაგრამ კრიტერიუმები ძალიან მკაცრი იყო!

ასე რომ, ბევრი შეიძლება გულდაწყვეტილი დარჩა, მაგრამ ეს არის სრულიად განსაკუთრებული მომენტი საქართველოსთვის.

ნოემბრის რევოლუცია მთელი მსოფლიოსთვის სამაგალითო და მისაბაძია, რომელმაც გამოიწვია სრულიად განსაკუთრებული აჟიოტაჟი, განსაკუთრებული დამოკიდებულება საქართველოს მიმართ და მე ამაში ჩემი ახლანდელი ვიზიტების შედეგად დავრწმუნდი. ეს გვაძლევს სრულიად უნიკალურ შანსს და ქართველმა ხალხმა ეს შანსი ძალიან კარგად დაინახა!

ხალხმა ეს ბოლო იმედი წვეთ-წვეთად მოაგროვა და ახალი ხელისუფლების წარმატებაში ჩადო!

ასე რომ, პასუხისმგებლობა, რომელიც ამ ახალ მთავრობას გააჩნია, განუზომლად დიდია. ეს არის პასუხისმგებლობა საქართველოს დღევანდელი დღის, ჩვენი მომავლის, ჩვენი ისტორიის, თითოეული ქართული ოჯახის წინაშე.

თითოეული ოჯახი უნდა გრძნობდეს, რომ ეს არის საქართველოს მთავრობა, რომელიც მისი დამცველია, მიუხედავად ეროვნული წარმომავლობისა!

მეორეა ის, რომ ეს არის მთავრობა, რომელიც პასუხისმგებელი იქნება პრეზიდენტისა და პარლამენტის წინაშე. მას ექნება განსაკუთრებული პასუხისმგებლობა მოქმედი პარლამენტის წინაშე, რომელიც მარტის ბოლოს აირჩევა.

ეს არის მთავრობა, რომელმაც უნდა გადაწყვიტოს რამდენიმე მოკლევადიანი და გრძელვადიანი ამოცანა.

მოკლევადიანი ამოცანაა შემოსავლების სტაბილიზება და დღესაც მინდა ვთქვა, რომ მაფია, რომელიც იყო, მაგალითად, ბენზინის იმპორტში და სიგარეტის იმპორტში, ისევ მოქ მედებს!

მაფია, რომელიც კონტრაბანდასთანაა დაკავშირებული, მიუხედავად ოქრუაშვილისა და რამდენიმე ადამიანის მიერ გადადგმული მკვეთრი ნაბიჯებისა, ისევ მოქმედებს, დიდი იმედი მაქვს გია ბარამიძისა, რომელმაც ბრწყინვალედ დაიწყო მუშაობა, როგორც შინაგან საქმეთა მინისტრმა.

საქართველოში გადავდგით პირველი ნაბიჯები კრიმინალური ვითარების დასარეგულირებლად. პირველი ნაბიჯები გადავდგით იმ მიმართულებით, რომელიც ყველაზე მეტად აწუხ ხებდა ხალხს, კერძოდ სამეგრელოში, თუმცა იქაც არ გვაქვს ეს საქმე დამთავრებული. იქ ხალხი ძალიან დაუცველად გრძნობს თავს და დღესაც სიტუაცია ბოლომდე გამოსწორებული არ არის.

ეს ეხება საქართველოს სხვა რეგიონებსაც!

საქართველოში ყველგან უნდა დასრულდეს, ერთხელ და სამუდამოდ, კრიმინალური ფორმირებების ბოგინი.

საქართველოში ხალხი დამამცირებლად ღატაკია. ერთ სულ მოსახლეზე შემოსავლებით საქართველო პოსტსაბჭოურ სივრცეში ბოლო ადგილზეა! თუ 1990 წლის მონაცემებით ესტონეთის გვერდით ვიყავით, დღეს ერთ სულ მოსახლეზე შვიდჯერ ნაკლები შემოსავალი გვაქვს, ვიდრე ესტონეთში, ლიტვასა და ლატვიაშია. გვაქვს უფრო ნაკლები, ვიდრე ტაჯიკეთში, რომელიც ჯერ კიდევ ოთხი წლის წინ სამჯერ ჩამოუვარდებოდა საქართველოს.

ამ მდგომარეობაში იმყოფება სახელმწიფო აპარატი. ამგვარად: პირველი ნაბიჯები უნდა გადაიდგას სტაბილიზაციისაკენ და სხვადასხვა სფეროებში წესრიგის დასამყარებლად!

ამ მიმართულებით გარკვეული ნაბიჯები უკვე იდგმება!

ამ მთავრობისათვის უმთავრესია საგადასახადო რეფორმების მომზადება. საქართველოში უნდა გამარტივდეს და მთელ რიგ სფეროებში შემცირდეს გადასახადი.

ჩვენ უნდა ვიყოთ მზად, რომ უახლოეს კვირეებში დაიდოს პროგრამა და განხორციელდეს პენსიების ზრდა! ამ დავალებას მე ვაძლევ მთავრობას მარტის შუა რიცხვებისთვის!

აუცილებლად უნდა გაუქმდეს მიწის გადასახადი, ახალი სტიმული უნდა მიეცეს სოფლის მეურნეობას.

ჩვენთვის ძალიან მნიშვნელოვანია, რომ ფული ჩაიდოს მეცნიერებასა და კულტურაში, ვინაიდან ეს უნიკალური სფერო გადასარჩენია! საქართველოში შესაქმნელია ახალი ბაზა ამ სფეროში და განსაკუთრებული ყურადღება უნდა მიექცეს ამ სამინისტროში ასევე სპორტის განვითარებას. პირადად ვაპირებ, პრეზიდენტის პატრონაჟის ქვეშ ავიყვანო პირველ რიგში ფეხბურთი და შევქმნათ ეროვნული ფეხბურთის განვითარების პროგრამა.

ძალიან ბევრი რამ არის გასაკეთებელი ჯანმრთელობის დაცვის სფეროში.

პრაქტიკულად ორ-სამ წელიწადში კვალიფიციური კადრების გარეშე დავრჩებით, თუ არ შეჩერდა ის კრიზისი, რომელიც ჯანდაცვის სფეროშია.

თავდაცვის სამინისტროსთან მიმართებაში ჩვენ უნდა შევქმნათ პატარა, კომპაქტური და ძლიერი შეიარაღებული ძალები.

ძალიან მნიშვნელოვანია ის საქმე, რასაც ბატონი გურამ აბსანძე აკეთებს.

უნდა ვთქვა, რომ საქართველოში ყოველგვარი დაყოფა ბანაკებად დამთავრდა, მაგრამ ეს პრაქტიკულად უნდა განხორციელდეს. ერთხელ და სამუდამოდ უნდა შედგეს იმ ხალხის რეინტეგრაციისა და დასაქმების პროგრამა, რომელიც დაიჩაგრა მარტო იმის გამო, რომ სხვა პოლიტიკურ ბანაკში იყო და არ დაინიშნა არც ერთ თანამდებობაზე.

ძალიან მნიშვნელოვანია, რომ ჩვენ გადავდგათ არაორდინალური ნაბიჯები აფხაზეთის მიმართულებით!

არა მგონია, ამ სფეროში ვინმე უკეთესად იყოს მზად, ვიდრე დღევანდელი სახელმწიფო მინისტრი და ძალიან მნიშვნელოვანია, რომ, ასევე შეიქმნა სახელმწიფო მინისტრის პოსტი ევროპული ინტეგრაციის დარგში. მინდა ვთქვა, რომ ამ სამინისტროს და ამ პოსტის შემოღებას ქვეყნის წინა ხელმძღვანელობა ეწინააღმდეგებოდა!

ჩვენ არა მხოლოდ ავაფრიალეთ ევროპული დროშა, არამედ ჩვენი მიზანია, საქართველოს დაახლოება, და რა თქმა უნდა, გაწევრიანება ევროპის კავშირში. დარწმუნებული ვარ, რომ ეს აღარ არის ოცნება. ამისთვის საჭიროა ძალიან მკვეთრი და დამაჯერებელი მოქმედებები საქართველოს მხრიდან.

ერთი რამ უნდა იცოდეს ყველამ!

ეს მართლაც უნიკალური მთავრობაა, თავისი წესიერებით, პატიოსნებით და გამოცდილებით.

მე ვიცი: შევარდნაძემ ისე დაანგრია ეს სისტემა, რომ ჩვენ, რა თქმა უნდა, ალბათ, ამ ზამთარში სიტუაციის გამოსწორებას ვერ მოვახერხებთ.

ენერგეტიკის დანაწევრება სხვადასხვა უცხოელ კონტრაქტორებს შორის, რომლებსაც არ აქვს კოორდინაცია, ერთხელ და სამუდამოდ უნდა დასრულდეს!

ქართული ენერგეტიკა პირველ რიგში უნდა მართოს ქართულმა სახელმწიფომ, რა თქმა უნდა, ჩვენი უცხოელი მეგობ ბრების დახმარებით და მისთვის ჩვენ გადავდგავთ ყველა ნაბიჯს!

ძირითადად ეს არის რისი თქმაც მინდოდა!

ერთი რამ ყველამ უნდა იცოდეს - ეს არის აღმოსავლეთ ევროპაში ყველაზე პროგრესული და ყველაზე საინტერესო მთავრობა, რომელსაც აქვს ისტორიული ამოცანა, დაახლოებით ისეთი, რაც ჰქონდათ აღმოსავლეთ ევროპის მთავრობებს 80-იანი წლების ბოლოს და 90-იანი წლების დასაწყისში.

ჩვენ არ უნდა წავიდეთ არანაირ გაუმართლებელ დათმობებზე და არანაირ გაუმართლებელ კომპრომისზე.

ჩვენ უნდა გავაერთიანოთ საზოგადოება, მაგრამ კორუფც ციული ინტერესების წინაშე დათმობა ყოვლად დაუშვებელია.

მინდა იცოდეს მთავრობის ყველა წევრმა, რომ იმ წუთში, როდესაც რომელიმე სამინისტროში ისევ დაიწყება ნათესავებისათვის ბიზნესების აწყობა, არა მარტო მინისტრი იქნება მოხსნილი, არამედ რა თქმა უნდა, მთავრობა მთლიანად აგებს პასუხს და უფრო მეტიც - ასეთი მინისტრი დაპატიმრებული იქნება!

თქვენ იცით, რომ სააკაშვილი არასოდეს ხუმრობს ამ თემაზე!

მე მაქვს ჩემი პასუხისმგებლობა და სიკვდილი მირჩევნია საკუთარი იმედების გაცრუებას. არავის მიმართ არ იქნება დამნდობი დამოკიდებულება!

საქართველოს უკლებლივ ყველა მცხოვრებმა უნდა იცოდეს, რას აკეთებს მისი მთავრობა და ყოველგვარი ეჭვები და ჭორები უნდა მოიხსნას!

ეს არის ძალიან მკაცრი გაფრთხილება და არ ვაპირებ ამ თემას მეორედ დავუბრუნდე!

შემდეგ უკვე იქნება მოქმედება!

მე ვთავაზობ ჟურნალისტებს, რომ თითოეულმა მთავრობის წევრმა, ვინც აქ არის წარმოდგენილი, წაიყვანოს ყველა ჟურნალისტი და აჩვენოს, რა ბინაში ცხოვრობს, რა მანქანა ჰყავს, აჩვენოს, რა საბანკო ანგარიშები და რა შემოსავლები გააჩნია, რომ რომელიმე მათგანს ექვს თვეში არ აღმოაჩნდეს გავლენიანი ბიზნესმენი მეგობარი, რომელიც მას ინახავს.

არ აღმოჩნდეს უცებ, რომ გადასახლდა სადღაც ხუთსართულიან სასახლეში ქალაქის ცენტრში.

არ აღმოჩნდეს ის, რომ მისმა მეუღლემ დაიწყო 50 ათას დოლარიანი მანქანით სიარული!

დარწმუნებული ვარ, რომ ჩვენი მეგობრები ამაზე დათანხმდებიან, მე რამდენიმე მათგანს უკვე ვესაუბრე და ეს იყო ჩვენი ძალიან მნიშვნელოვანი მოწოდება.

მაქვს ძალიან დიდი იმედი პრემიერ-მინისტრის და პრეზიდენტის გუნდისა!

იქნება საპარლამენტო გუნდიც იმიტომ, რომ დარწმუნებული ვარ, ჩვენ გვჭირდება საპარლამენტო კონტროლი იმისთვის, რომ არ მოხდეს ქვეყნის ხელახალი დაჭაობება!

მაგრამ, ამავე დროს, ჩვენ გვესმის, რომ ამ იმედების გამართლებას სჭირდება 24-საათიანი მუშაობა!

მეც და ბატონ ზურაბსაც გვესმის, რომ ყოველი წუთი უნიკალურია და მას გამოყენება უნდა, ხვალ და ზეგ შესაძლოა, საქართველოს ეს შანსები აღარ ჰქონდეს!

მინდა საზოგადოებას ვუთხრა, რომ ჩვენ გვჭირდება მოთმმინება, გვჭირდება იმის გააზრება, რომ ერთ თვეში სიტუაცია არ შეიცვლება, მაგრამ ყოველდღე უნდა ჩანდეს პროგრესი და წარმატება ყველა სფეროში!

ეს არის ის, რისკენაც მივისწრაფვით - მთავრობა, მართლაც, არის უნიკალური გუნდი, უნიკალური ნაზავი და, რაც მთავარია, გუნდია.

აქამდე საქართველოს მთავრობა არასოდეს ყოფილა გუნდი!

საქართველოს მთავრობის მოღვაწეობა იყო ერთმანეთზე გადაკიდებული, ერთმანეთთან დაპირისპირებული, ერთმანეთის ძირის გამომთხრელი მინისტრების საქმიანობა.

მე ვიყავი ამ მთავრობის წევრი და ვიცი, რომ ყოველი მთავრობის სხდომიდან სახლში სამი დამატებითი ჭაღარით მივდიოდი, იმიტომ, რომ არ მსიამოვნებდა იმ ხალხთან ყოფნა ერთ ოთახში, მაგრამ რაღაცის გაკეთება მინდოდა.

საბოლოო ჯამში, რაღაც მომენტის შემდეგ მივხვდი, რომ ცალკე აღებული მინისტრი ვერაფერს გააკეთებს, თუ არ არის ერთიანი შემადგენლობა, რომელსაც ქვეყნის ამოქაჩვა შეუძლია.

აქ მარტო პრეზიდენტი არ იღებს გადაწყვეტილებას, ეს ხალხი, ყველა დაჯდება მაგიდასთან და ყველა ერთად მივიღებთ ძირითად საკითხებზე გადაწყვეტილებას.

ერთმანეთთან საერთო ენის გამონახვა ნამდვილად არ გაგვიჭირდება, მიუხედავად ასაკში განსხვავებისა!

ეს არის ისტორიული მომენტი და დღეს ბოლო ასეთი საზეიმო ღონისძიებაა. ხვალიდან იწყება მუხლჩაუხრელი და ხელებდაკაპიწებული, სერიოზული მუშაობა.

იმედი მაქვს, ბატონი ზურაბი და თითოეული ცალკე აღებული მინისტრი, მართლაც, წარმატებული იქნება ამ ისტორიული მისიის განხორციელებაში!

გმადლობთ ყურადღებისათვის!

საქართველოს პრეზიდენტის მიხეილ სააკაშვილის გამოსვლა ახალი მთავრობის წარდგენაზე // 24 საათი. - 2004. - 16 თებერვალი. - N38 (587). - A8 გვ.

მოგესალმებით!

როგორც იცით, ახალი მინისტრების წარდგენის პერიოდი დგება.

იმის მიუხედავად, რომ საქართველოში ხელისუფლების ცვლა რევოლუციის გზით მოხდა, მიხარია, რომ ამ უწყებაში ხელისუფლების შეცვლა ცივილიზებულ, ნორმალურ ვითარებაში მიმდინარეობდა.

წინა მინისტრი, ახლა უკვე გენერალური პროკურორის მოადგილე ვალერი ხაბურძანია უკიდურესად წესიერი, პროფესიონალი, პატრიოტი და თავისი ქვეყნის ერთგული მსახურია, ამიტომაც ნებისმიერ დროში და ნებისმიერ თაობაში ასეთი ადამიანები უნდა დაფასდნენ და ქვეყნის სამსახურებში უნდა იყვნენ.

ბატონ ვალერის მადლობას ვუხდი იმისათვის, რაც საქართველოს საკეთილდღეოდ გააკეთა.

მსურს წარმოგიდგინოთ უშიშროების ახალი მინისტრი - ზურაბ ადეიშვილი, რომელიც ბოლო 8 წლის განმავლობაში ჩემთან ერთად მუშაობდა და მსურს იცოდეთ, რომ საქართველოში მოქმედი თითქმის ყველა კანონი მისი შექმნილია.

მართალია, ამ კანონების მიმართ პრეტენზიებიც მრავლადაა, პრაქტიკამ ბევრი რამ სხვაგვარად დაგვანახა, მაგრამ მისი განათლება და სიმკაცრე, რომელიც ბატონმა ზურაბმა იუსტიციის მინისტრობის პერიოდში გამოამჟღავნა, იმედს გვაძლევს, რომ ყველაფერი მოგვარდება.

რამდენიმე საკითხი უშიშროებასთან დაკავშირებით.

უწინარეს ყოვლისა, უნდა გითხრათ, რომ ლაპარაკი უშიშროების სამინისტროს გაუქმებისა და დაშლის შესახებ, აბსურდი და სისულელეა - ეს სამინისტრო ყველა მთავრობას სჭირდება, თუმცა, წინა მთავრობისგან განსხვავებით, უნდა განვსაზღვროთ, თუ რა საფრთხე დგას ქვეყნის წინაშე.

დღესდღეობით, მთავარი საფრთხე არა გარედან, არამედ ქვეყნის შიგნით გვემუქრება. კერძოდ: საქართველოს სახელმწიფო პრივატიზებული და დატაცებული აქვთ პოლიტიკურ-ეკონომიკურ კლანებს, რაც სახელმწიფოს, ფაქტობრივად, შლის და ანგრევს. ეკონომიკისა და პოლიტიკის რომელ სფეროსაც არ უნდა შევეხოთ, ყველგან ჩამოყალიბებულია სანათესავო კლანების დაჯგუფებები, რომლებმაც სახელმწიფო გაანადგურეს და დაიტაცეს ნაწილებად. საქართველოსთვის მთავარ საფრთხეს წარმოადგენენ ეს ინტერეს-ჯგუფები, რომლებიც ქვეყნის შიგნით მოქმედებენ.

აქედან გამომდინარე, ჩვენი პრობლემა არა ზოგადად პოლიტიკოსებში, არამედ კონკრეტული მოლაყბე პოლიტიკოსებისგან შემდგარ ჩრდილოვან ჯგუფებშია.

წინა მოწვევის პარლამენტში სიები დააკომპლექტეს გარკვეული სტრუქტურებიდან და დღეს ჩვენი ამოცანაა, მოხდეს მათი იდენტიფიკაცია.

ჩვენ უნდა ვიცოდეთ, თუ რომელი კანონიერი ქურდი აკონტროლებს ამა თუ იმ საწარმოს, რომელმა მაფიოზურმა დაჯგუფებებმა შეაღწიეს გამგეობებსა და მერიებში. უნდა გამოვავლინოთ, თუ ვინ არის დაინტერესებული ობიექტების პრივატიზაციით, ან პირიქით - დაინტერესებულია, რომ არ მოხდეს პრივატიზაცია; ვინ ემზადება იმისათვის, რომ მონოპოლიური მმართველობა დაამყაროს ეკონომიკისა თუ პოლიტიკის ამა თუ იმ სფეროში.

ეს ის უმთავრესი შიდა საკითხებია, რომელთა მოგვარება და შესაბამისი ზომების მიღება უშიშროების სამინისტროს უპირველესი ამოცანაა.

როდესაც გარე საფრთხეებზე ვლაპარაკობთ, ამ შემთხვევაში საქმე ეხება საქართველოს ტერიტორიის გამოყენებას ნარკოტიკების ბაზრად, რაც უკვე ნათლად გამოიხატა ბოლო წლების განმავლობაში ჰეროინის ფასის 2-3-ჯერ დაწევით. საქმე ეხება, ასევე, შეიარაღებულ ბანდების ჩვენს ტერიტორიაზე უკანონოდ გადმოსვლას.

განსაკუთრებით მსურს ავღნიშნო ვალერი ხაბურძანიას წვლილი იმაში, რომ მან, თქვენთან ერთად, პანკისის ხეობაში შეძლო ძალზე მნიშვნელოვანი ოპერაციის განხორციელება. მან მოახერხა ის, რომ საქართველოს ტერიტორიის ეს ნაწილი რჩება ჩვენი ქვეყნის იურისდიქციაში. მოდის გაზაფხული და თოვლის დნობასთან ერთად, უნდა გვახსოვდეს, რომ რუსეთიდან შეიარაღებული ფორმირებების საქართველოში გადმოსვლის საშიშროებაც მატულობს. მსურს ყველას ვუთხრა: ნებისმიერი შეიარაღებული ადამიანი, რომელიც გადმოლახავს საზღვარს და შემოვა ჩვენს ტერიტორიაზე, არის საფრთხე თითოეული ქართული ოჯახისთვის. ამის მიმართ ყოველგვარი ტოლერანტული დამოკიდებულება ძირს მოგვითხრის, ამიტომ ჩვენ ყველა ზომა უნდა მივიღოთ, რათა მსგავსი ფაქტები აღმოვფხვრათ და მათი საქართველოში შემოსვლა არ დაუშვათ.

აქ მყოფი ჩეჩენი ეროვნების მშვიდობიანი მოსახლეობა - ქალები, ბავშვები, მოხუცები და სხვა უიარაღო ადამიანები - საჭიროებენ ქართული კანონმდებლობის შესაბამის დაცვას, თუმცა, გასათვალისწინებელია, რომ პანკისის ტერიტორიის გარკვეული ზონები, სოფლები გადაქცეულია ვაჰაბიზმის ცენტრებად, ფაქტია, რომ შეიქმნა ვაჰაბიტური სკოლები, ეწევიან ვაჰაბისტურ პროპაგანდას და ყველა იქ მცხოვრები ადამიანი, მათ შორის ჩვენი ხალხიც, იწამლება სრულიად მიუღებელი, მტრული იდეოლოგიით, რაც არ უნდა დაუშვათ. მინდა გითხრათ თქვენ, უშიშროების სამინისტროს, ვაჰაბიტური იდეოლოგიის გავრცელების ყოველგვარი მცდელობა არის ანტიქართული, ანტიეროვნული და მიმართული საქართველოს სახელმწიფოებრიობის წინააღმდეგ.

მსურს გავაფრთხილო ყველა, ვინც ამ ანტისახელმწიფოებრივი საქმით არის დაკავებული: მათ წინააღმდეგ უმკაცრეს ზომებს მივიღებთ და აქ ყოველგვარი კომპრომისი გამორიცხულია.

საფრანგეთის სკოლებში გოგონებს თავსაფრების ტარება აუკრძალეს, რადგან მიაჩნიათ, რომ ეს არის მუსულმანური იდეოლოგიის ატრიბუტი.

ჩვენ არ გვიჩუქებია პანკისი სხვადასხვა წვერმოშვებული ვაჰაბიტური ელემენტებისათვის. პანკისის ხეობა საქართველოს ტერიტორიაა, მისი განუყოფელი ნაწილია და არც ჩვენს ქისტურ მოსახლეობას - ჩვენს სისხლს და ხორცს - ვაჩუქებთ ვინმეს.

ამიტომ, კატეგორიულად ვსვამ საკითხს: აიკრძალოს ამ იდეოლოგიის მატარებელი და გამავრცელებელი ლიტერატურის შემოტანა; ასევე - ყოველგვარი დაფინანსება ვაჰაბიტური ცენტრების ასაშენებლად. ის ხალხი კი, ვინც ამის წინააღმდეგ გაილაშქრებს, უმკაცრესად დაისჯება და იქნება ნეიტრალიზებული. ეს უმნიშვნელოვანესი ნაბიჯია იმისათვის, რომ ჩვენი საზოგადოება ამ სენით არ მოიწამლოს.

მიმაჩნია, რომ ასევე მნიშვნელოვანია უშიშროების საბჭოთა კავშირის დროინდელი არქივები გაიხსნას და საზოგადოებისათვის ხელმისაწვდომი გახდეს.

ღრმად მწამს, რომ ეროვნულმა ხელისუფლებამ დიდი შეცდომა დაუშვა, როცა საბჭოთა უშიშროების არქივების ლუსტრაცია არ მოხდა. რა თქმა უნდა, იმ პერიოდში ეს დააზარალებდა უშიშროებას, მაგრამ სამაგიეროდ, წელში გავიმართებოდით იმ თვალსაზრისით, რომ იმ პერიოდთან დაკავშირებული საკითხები უპასუხოდ აღარ დარჩებოდა.

ამ არქივებში არის ისტორიული მნიშვნელობის რამდენიმე საქმე, რომელიც ნათელს მოჰფენს 20-30-იან, 50-იან და 70-იან წლებს. იმ ხელისუფლებამ ეს არ გააკეთა, თუმცა იგორ გიორგაძემ მოახერხა ამ არქივების ერთი ნაწილის გატანა, მაგრამ კიდევ დარჩა გასაიდუმლოებული მასალები, ამის შესახებ ბატონმა ვალერიმ იცის. ვფიქრობ, რომ ახალ ქართულ სახელმწიფოს ძველი საბჭოთა კავშირის საიდუმლოებების შენახვის აღარანაირი ვალდებულება არა აქვს.

ქართული სახელმწიფოს საიდუმლოებები შეინახება, მაგრამ ჩემი მოთხოვნაა, ძველი არქივები მთლიანად გაიხსნას და საზოგადოებისთვის მისაწვდომ, საჯარო დოკუმენტაციად იქცეს. ამან შესაძლოა გამოიწვიოს გარკვეული პრობლემები, მაგრამ ეს უკვე ისტორიაა, რომელსაც ვერსად გავექცევით, სხვა ფასეულობა ამ არქივს აღარ გააჩნია. ისტორიის გასაიდუმლოება კი დიდი სისულელეა. ახალი მინისტრის ზურაბ ადეიშვილისთვის ეს ჩემი პირველი დავალება იქნება.

ასევე, მინდა ახალ პოსტზე წარმატებები და წინსვლა ვუსურვო ბატონ ვალერი ხაბურძანიას. პროკურატურა აღარ არის მეორეხარისხოვანი უწყება, როგორც ეს წინა მთავრობის დროს იყო და გენერალური პროკურორის მოადგილის თანამდებობა საშუალებას მოგვცემს, სრულიად განსხვავებული კუთხით დავინახოთ ვალერი ხაბურძანიას საშუალებები და ნიჭი. მას განსაკუთრებით მნიშვნელოვანი სფერო ჩააბარეს - სამართალდამცავი ორგანოების ზედამხედველობა, მათ შორის შინაგან საქმეთა სამინისტროს საქმიანობის ზედამხედველობა. პროკურატურა ქვეყნის მასშტაბით საუკეთესო კადრებით დაკომპლექტდება, ვალერი ხაბურძანია კი მისი ერთ-ერთი ხელმძღვანელი და ჩვენი მეგობრის, ირაკლი ოქრუაშვილის უახლოესი თანამებრძოლი გახდა.

გარდა ამისა, ყველაფერს ვიღონებ იმისათვის, რომ ყველა პროფესიონალი დარჩეს თავის ადგილებზე და ჰქონდეს მაღალი ანაზღაურება, საუკეთესო ტექნიკა და რეალური საკანონმდებლო ბაზა.

ამიერიდან ზურაბ ადეიშვილი ამ შენობაში იქნება და უნდა გაითვალისწინოთ, იგი საკმაოდ მკაცრია, თუმცა - სამართლიანი. ბატონი ზურაბი უსამართლოდ არავის დაჩაგრავს, ამაში დარწმუნებული ვარ.

დიდი მადლობა ყურადღებისათვის.

სახელმწიფო საინფორმაციო სამსახური

ისტორიის გასაიდუმლოება დიდი სისულელეა / საქართველოს პრეზიდენტის მიხეილ სააკაშვილის გამოსვლა საქართველოს უშიშროების სამინისტროში // 24 საათი. - 2004. - 19 თებერვალი. - N41 (590). - A1, A6 გვ.

2004 წლის 19 თებერვალი ქ. თბილისი

საქართველოს სახელმწიფო საზღვრის დაცვის სახელმწიფო დეპარტამენტის სამხედრო მოსამსახურეთა საქართველოს ორდენებითა და მედლებით დაჯილდოებისა და წახალისების შესახებ.

საქართველოს კანონიერებისა და მართლწესრიგის განმტკიცებაში შეტანილი პირადი დიდი წვლილისათვის, საქართველოს საზღვაო სივრცეში დადგენილი კანონმდებლობის დარღვევის ფაქტის აღკვეთისას გამოჩენილი განსაკუთრებული მამაცობისათვის, მაღალი პროფესიონალიზმისა და თავდადებისათვის, მხედრული ვალის პირნათლად მოხდისათვის საქართველოს სახელმწიფო საზღვრის დაცვის სახელმწიფო დეპარტამენტის სამხედრო მოსამსახურეები დაჯილდოვდნენ საქართველოს ორდენებითა და მედლებით და გამოეცხადოთ მადლობა:

ღირსების ორდენით:

კობა ბოჭორიშვილი - სასაზღვრო ძალების III რანგის კაპიტანი, სანაპირო დაცვის მთავარი სამმართველოს ოპერაციების უფროსი.

მედლით „მხედრული მამაცობისათვის“:

ნიკოლოზ ცატავა - სასაზღვრო ძალების უფროსი ლეიტენანტი, სანაპირო დაცვის მთავარი სამმართველოს ოპერაციების ოპერატიულ-სამძებრო საქმიანობისა და კანონაღსრულების განყოფილების ოპერატიულ-სამძებრო საქმიანობის ქვეგანყოფილების უფროსი.

ბადრი ივანაძე - სასაზღვრო ძალების უფროსი ლეიტენანტი, სანაპირო დაცვის მთავარი სამმართველოს ოპერაციების სანაპირო დაცვის ფოთის განყოფილების (ბაზის) საპატრულო კატარღების ჯგუფის საპატრულო კატარღა „გრიფის“ (პროექტი 1400 მ, ბორტის NP-203) მეთაური.

გენადი სვეტლიჩნი - სასაზღვრო ძალების ლეიტენანტი, სანაპირო დაცვის მთავარი სამმართველოს ოპერაციების სანაპირო დაცვის ფოთის განყოფილების (ბაზის) საპატრულო კატარღების ჯგუფის საპატრულო-სამაშველო კატარღა „ცოტნე დადიანის“ (ბორტის NP-210) მეთაური.

გოგა შელია - სასაზღვრო ძალების უმცროსი ლეიტენანტი, სანაპირო დაცვის მთავარი სამმართველოს ოპერაციების ფოთის განყოფილების მობილური რეაგირების ჯგუფის უფროსი.

მედლით „საბრძოლო დამსახურებისათვის“:

დავით შუბითიძე - სასაზღვრო ძალების II რანგის კაპიტანი, სანაპირო დაცვის მთავარი სამმართველოს ადმინისტრაციის სასწავლო პროცესების უზრუნველყოფის განყოფილების უფროსი.

დავით ცინცაძე - სასაზღვრო ძალების კაპიტან-ლეიტენანტი, სანაპირო დაცვის მთავარი სამმართველოს ოპერაციების სამმართველოს ოპერატიულ-სამძებრო საქმიანობისა და კანონაღსრულების განყოფილების უფროსი.

ზაზა გელაძე - სასაზღვრო ძალების უფროსი ლეიტენანტი, სანაპირო დაცვის მთავარი სამმართველოს ოპერაციების სადარაჯო ხომალდების ჯგუფის სადარაჯო ხომალდ „გიორგი თორელის“ (პროექტი „205 პ“, ბორტის NP-21) მეთაურის თანაშემწე.

მამუკა მოდებაძე - სასაზღვრო ძალების უფროსი ლეიტენანტი, სანაპირო დაცვის მთავარი სამმართველოს ოპერაციების სანაპირო დაცვის ფოთის განყოფილების (ბაზის) საპატრულო კატარღების ჯგუფის საპატრულო-სამაშველო კატარღა „ცოტნე დადიანის“ (ბორტის NP-210) მეთაურის თანაშემწე (მექანიკოსი).

გამოეცხადოთ მადლობა:

მერაბ ბერიძეს - სასაზღვრო ძალების III რანგის კაპიტანი, სანაპირო დაცვის მთავარი სამმართველოს ოპერაციების სადარაჯო ხომალდების ჯგუფის სადარაჯო ხომალდ „გიორგი თორელის“ (პროექტი „205 პ“, ბორტის NP-21) მეთაურს.

თეიმურაზ ჭიტაძეს - სასაზღვრო ძალების უფროს ლეიტენ ნანტს, სანაპირო დაცვის მთავარი სამმართველოს ოპერაციების სანაპირო დაცვის აფხაზეთის რეგიონის განყოფილების (ბაზის) უფროს ოფიცერს ბაზირების დარგში.

გიორგი წითელაშვილს - სასაზღვრო ძალების ლეიტენანტს, სანაპირო დაცვის მთავარი სამმართველოს ოპერაციების ოპერატიულ-სამძებრო საქმიანობისა და კანონაღსრულების განყოფილების ოპერატიულ-სამძებრო საქმიანობის ქვეგანყოფილების დაზვერვის ოფიცერს.

გიორგი მამფორიას - სასაზღვრო ძალების ლეიტენანტს, სანაპირო დაცვის მთავარი სამმართველოს ოპერაციების ოპერატიულ-სამძებრო საქმიანობისა და კანონაღსრულების განყოფილების ოპერატიულ-სამძებრო საქმიანობის ქვეგანყოფილების დაზვერვის ოფიცერს.

თეიმურაზ ხვიჩიას - სასაზღვრო ძალების ლეიტენანტს, სანაპირო დაცვის მთავარი სამმართველოს ოპერაციების სანაპირო დაცვის აჭარის რეგიონის განყოფილების (ბაზის) საპატრულო კატარღების ჯგუფის საპატრულო-სამაშველო კატარღა „გენერალი მაზნიაშვილის“ (ბორტის NP-211) მეთაურს.

ზაზა ნიკოლაიშვილს - სასაზღვრო ძალების უმცროს ლეიტენანტს, სანაპირო დაცვის მთავარი სამმართველოს ოპერაციების სანაპირო დაცვის ფოთის განყოფილების (ბაზის) საპატრულო კატარღების ჯგუფის საპატრულო კატარღა „გრიფის“ (პროექტი 1400 მ, ბორტის NP-203) მეთაურის თანაშემწეს (მექანიკოსი).

გელა ნადარეიშვილს - სასაზღვრო ძალების უმცროს მიჩმანს, სანაპირო დაცვის მთავარი სამმართველოს ოპერაციების სანაპირო დაცვის ფოთის განყოფილების (ბაზის) საპატრულო კატარღების ჯგუფის საპატრულო კატარღა „გრიფის“ (პროექტი 1400 მ, ბორტის NP-203) მესაჭე-მესიგნალეს.

გოჩა ზოსიძეს - სასაზღვრო ძალების უმცროს მიჩმანს, სანაპირო დაცვის მთავარი სამმართველოს ოპერაციების სანაპირო დაცვის ფოთის განყოფილების (ბაზის) საპატრულო კატარღების ჯგუფის საპატრულო-სამაშველო კატარღა „ცოტნე დადიანის“ (ბორტის NP-210) მოტორისტს.

მიხეილ სააკაშვილი

საქართველოს პრეზიდენტის განკარგულება N 163 / მიხეილ სააკაშვილი // 24 საათი. - 2004. - 21 თებერვალი. - N43 (592). - A2 გვ.

2004 წლის 19 თებერვალი ქ. თბილისი

დ. დონდუას ნატოსთან საქართველოს წარმომადგენლის თანამდებობიდან გათავისუფლების შესახებ.

გათავისუფლდეს დავით დონდუა ნატოსთან საქართველოს წარმომადგენლის თანამდებობიდან.

მიხეილ სააკაშვილი

საქართველოს პრეზიდენტის განკარგულება N164 / მიხეილ სააკაშვილი // 24 საათი. - 2004. - 21 თებერვალი. - N43 (592). - A2 გვ.

2004 წლის 19 თებერვალი ქ. თბილისი

დ. თევზაძის ნატოსთან საქართველოს წარმომადგენლად დანიშვნის შესახებ.

დაინიშნოს დავით თევზაძე ნატოსთან საქართველოს წარმომადგენლად.

მიხეილ სააკაშვილი

საქართველოს პრეზიდენტის განკარგულება N 165 / მიხეილ სააკაშვილი // 24 საათი. - 2004. - 21 თებერვალი. - N43 (592). - A2 გვ.

2004 წლის 19 თებერვალი ქ. თბილისი

ლ. ღოღობერიძის საფრანგეთის რესპუბლიკაში საქართველოს საგანგებო და სრულუფლებიან ელჩად, აგრეთვე „იუნესკო“-ში საქართველოს მუდმივ წარმომადგენლად დანიშვნის შესახებ.

დაინიშნოს ლანა ღოღობერიძე საფრანგეთის რესპუბლიკაში საქართველოს საგანგებო და სრულუფლებიან ელჩად, აგრეთვე „იუნესკო“-ში საქართველოს მუდმივ წარმომადგენლად.

მიხეილ სააკაშვილი

საქართველოს პრეზიდენტის განკარგულება N 166 / მიხეილ სააკაშვილი // 24 საათი. - 2004. - 21 თებერვალი. - N43 (592). - A2 გვ.

2004 წლის 19 თებერვალი ქ. თბილისი

მ. ფანჯიკიძის გერმანიის ფედერაციულ რესპუბლიკასა და პოლონეთის რესპუბლიკაში საქართველოს საგანგებო და სრულუფლებიან ელჩად დანიშვნის შესახებ.

დაინიშნოს მაია ფანჯიკიძე გერმანიის ფედერაციულ რესპუბლიკასა და პოლონეთის რესპუბლიკაში საქართველოს საგანგებო და სრულუფლებიან ელჩად.

მიხეილ სააკაშვილი

საქართველოს პრეზიდენტის განკარგულება N 167 / მიხეილ სააკაშვილი // 24 საათი. - 2004. - 21 თებერვალი. - N43 (592). - A2 გვ.

2004 წლის 19 თებერვალი ქ. თბილისი

ნ. პარუნაშვილის საქართველოს ადმინისტრაციულ-ტერიტორიულ ერთეულებში (ახალციხის, ახალქალაქის, ასპინძის, ადიგენის, ბორჯომის, ნინოწმინდის რაიონები) საქართველოს პრეზიდენტის სახელმწიფო რწმუნებულის თანამდებობიდან გათავისუფლების შესახებ.

გათავისუფლდეს ნუგზარ პარუნაშვილი საქართველოს ადმინისტრაციულ-ტერიტორიულ ერთეულებში (ახალციხის, ახალქალაქის, ასპინძის, ადიგენის, ბორჯომის, ნინოწმინდის რაიონები) საქართველოს პრეზიდენტის სახელმწიფო რწმუნებულის თანამდებობიდან საკუთარი ინიციატივით „საჯარო სამსახურის შესახებ“ საქართველოს კანონის 95-ე მუხლის საფუძველზე.

მიხეილ სააკაშვილი

საქართველოს პრეზიდენტის განკარგულება N 168 / მიხეილ სააკაშვილი // 24 საათი. - 2004. - 21 თებერვალი. - N43 (592). - A2 გვ.

2004 წლის 19 თებერვალი ქ. თბილისი

ნ. ნიკოლოზიშვილის სომხეთის რესპუბლიკაში საქართველოს საგანგებო და სრულუფლებიანი ელჩის თანამდებობიდან გათავისუფლების შესახებ.

გათავისუფლდეს ნიკოლოზ ნიკოლოზიშვილი სომხეთის რესპუბლიკაში საქართველოს საგანგებო და სრულუფლებიანი ელჩის თანამდებობიდან „დიპლომატიური სამსახურის შესახებ“ საქართველოს კანონის 29-ე მუხლით გათვალისწინებული როტაციის წესით სამუშაო მივლინების ვადის გასვლის გამო.

მიხეილ სააკაშვილი

საქართველოს პრეზიდენტის განკარგულება N 169 / მიხეილ სააკაშვილი // 24 საათი. - 2004. - 21 თებერვალი. - N43 (592). - A2 გვ.

2004 წლის 19 თებერვალი ქ. თბილისი

ნ. ნიკოლოზიშვილის საქართველოს ადმინისტრაციულ-ტერიტორიულ ერთეულებში (ახალციხის, ახალქალაქის, ასპინძის, ადიგენის, ბორჯომის, ნინოწმინდის რაიონები) საქართველოს პრეზიდენტის სახელმწიფო რწმუნებულად დანიშვნის შესახებ.

დაინიშნოს ნიკოლოზ ნიკოლოზიშვილი საქართველოს ადმინისტრაციულ-ტერიტორიულ ერთეულებში (ახალციხის, ახალქალაქის, ასპინძის, ადიგენის, ბორჯომის, ნინოწმინდის რაიონები) საქართველოს პრეზიდენტის სახელმწიფო რწმუნებულად.

მიხეილ სააკაშვილი

საქართველოს პრეზიდენტის განკარგულება N 170 / მიხეილ სააკაშვილი // 24 საათი. - 2004. - 21 თებერვალი. - N43 (592). - A2 გვ.

2004 წლის 19 თებერვალი ქ. თბილისი

რ. გაჩეჩილაძის ისრაელში საქართველოს საგანგებო და სრულუფლებიანი ელჩის თანამდებობიდან გათავისუფლების შესახებ.

გათავისუფლდეს რევაზ გაჩეჩილაძე ისრაელში საქართველოს საგანგებო და სრულუფლებიანი ელჩის თანამდებობიდან „დიპლომატიური სამსახურის შესახებ“ საქართველოს კანონის 29-ე მუხლით გათვალისწინებული როტაციის წესით სამუშაო მივლინების ვადის გასვლის გამო.

მიხეილ სააკაშვილი

საქართველოს პრეზიდენტის განკარგულება N 171 / მიხეილ სააკაშვილი // 24 საათი. - 2004. - 21 თებერვალი. - N43 (592). - A2 გვ.

აჭარაში გუშინ განვითარებული მოვლენები, პროკურატურის მიერ „ომეგა“ ჯგუფის მიმართ განხორციელებული სპეცოპერაცია, კომპანია „მაგთიკომის“ მფლობელის გია ჯოხთაბერიძის და „მადნეულის“ გენერალური დირექტორის დაკავება - ეს ის ძირითადი საკითხებია, რაზეც საქართველოს პრეზიდენტმა მიხეილ სააკაშვილმა ამერიკის შეერთებულ შტატებში გამგზავრებამდე ჟურნალისტებთან ისაუბრა.

და რაც ყველაზე მთავარია, საქართველოს პრეზიდენტი ახალ ინიციატივაზე საუბრობს - ყველა ბიზნესმენი, ვინც პირველ აპრილამდე წარადგენს ობიექტურ საგადასახადო დეკლარაციას და დამალული გადასახადების ლეგალიზებას მოახდენს, ყველანაირი პასუხისმგებლობისგან გათავისუფლდება.

აჭარის ხელისუფლებას კარგად ესმის, რომ ძველებური
ურთიერთობები ძალაში ვერ დარჩება

წინა მთავრობისგან განსხვავებით, მე არ ვაპირებ სირაქლემის პოზიცია დავიკავო, თითქოს არაფერი განსაკუთრებული არ ხდება. რა თქმა უნდა, მოვლენები ძალიან დრამატულად ვითარდება. იმას, რაც დღეს აჭარაში ხდებოდა, ორი ასპექტი აქვს: ერთი არის დამოკიდებულება საქართველოს ცენტრალურ ხელისუფლებასა და აჭარის ხელისუფლებას შორის. მე მინდა, თავიდანვე ხაზგასმით ავღნიშნო, რომ არავინ აჭარის ავტონომიის უფლებებს არ ზღუდავს, არა იმიტომ, რომ მე ავტონომიური ინსტიტუტის თაყვანისმცემელი ვარ, უბრალოდ, მიმაჩნია, რომ ბევრი გადაწყვეტილება უნდა იქნას მიღებული ადგილზე. საქართველოს დეცენტრალიზაცია სწორი გაგებით უნდა მოხდეს. მეორე მხრივ, რა თქმა უნდა, აჭარა არის საქართველოს შემადგენ ნელი ნაწილი და საქართველოს ხელისუფლებას აქვს უფლება, გააკონტროლოს აჭარის ტერიტორია, ფინანსური სისტემა, გააკონტროლოს ბათუმის პორტი, თურქეთის საზღვარი... მე ვფიქრობ, რომ აჭარის ავტონომიური რესპუბლიკის ხელმძღვან ნელობას ეს ძალიან კარგად ესმის. ხვალ ბათუმში თათბირია ფინანსურ საკითხებზე და, რამდენადაც ვიცი, ფულის გადმორიც ცხვას ისინი გადასახადების სახით აპირებენ. მათ ესმით, რომ ძველებური ურთიერთობები ძალაში ვერ დარჩება.

მინდა იცოდეს თითოეულმა აჭარელმა: საქართველოს პრეზიდენტი მათ უფლებების შელახვისგან დაიცავს. ყველა აჭარელი უნდა იყოს დაწყნარებული, ნურაფრის ნუ შეეშინდებათ. ყოველგვარი საუბარი იმაზე, რომ აჭარა საქართველოს განსაკუთრებული რეგიონია, დაუშვებელია. მე მღლის უცხოური ტელეკომპანიების ეთერით იმის მოსმენა, რომ საქართველოს ხელისუფლება ვერ აკონტროლებს აფხაზეთს, სამხრეთ ოსეთს და აჭარას. აჭარის ჩართვა ამ სიაში არის შეურაცხმყოფელი. ეს შექმნა შევარდნაძემ და მე ამას დავასრულებ.

მე დავავალე დღეს პროკურორს, შინაგან საქმეთა მინისტრს: გამოიძიონ ყველაფერი რაც ბათუმში მოხდა. იქ არის კრიმინალების რაღაც ჯგუფი, რომელთაც მიაჩნიათ, რომ მათ ყველაფერი ეპატიებათ. მინდა მათ ვუთხრა: არაფერი არ გეპატიებათ! სათითაოდ გავუსწორდებით ყველა იმ ადამიანს, ვინც ოფისებს წვავს, ადამიანებს ცემს. გავუსწორდები არა პირადად, არამედ - კანონის ძალით. მივუჩენთ მათ ადგილს, სადაც ეკუთვნით კანონის მიხედვით... მე კონსტრუქციული ვარ მხოლოდ იმ საკითხებში, რაც ეხება ძალიან ფაქიზ ურთიერთობას ცენტრსა და რეგიონს შორის, მაგრამ ადამიანების ჩაქუჩებით ცემის საკითხში კონსტრუქციული ვერ ვიქნები. ჩვენ გვაქვს ყველა იურიდიული მექანიზმი, რომ ამ ხალხს პასუხი ვაგებინოთ, ჩვენ აღარ ვართ უუნარო ხელისუფლება. მე გამოვრიცხავ შეიარაღებული ძალის გამოყენებას, მაგრამ კონკრეტული ადამიანების დასაკავებლად ყველა კანონიერ საშუალებას გამოვიყენებთ. აჭარის ადგილობრივი ხელისუფლების მიმართ შეიარაღებულ ძალას არ გამოვიყენებთ. თუმცა, მინდა ყველას ვუთხრა, რომ ასეთი ძალა საქართველოს აქვს, მაგრამ ჩვენ ამას არ გავაკეთებთ იმიტომ, რომ აჭარის მოსახლეობამ თავად უნდა გაარკვიოს მდგომარეობა, ოღონდ, საქართველოს კანონების შესაბამისად.

ჩვენ ვიცით კონკრეტული გვარები და სახელები. ეს არის აჭარის უშიშროების მინისტრის მოადგილესთან მოქმედი კრიმინალური დაჯგუფება, რომელსაც ვინმე გოგიტიძე კურირებს. მე მივეცი დავალება უშიშროების მინისტრს, რომ ეს პიროვნება დაუყოვნებლივ გათავისუფლებულ იქნეს თანამდებობიდან. საერთოდ აჭარის უშიშროების სამინისტროს არსებობა ჩემთვის გაუგებარია იმიტომ, რომ კონსტიტუციით ავტონომიას არა აქვს უფლება, ჰქონდეს უშიშროების სამინისტრო და ეს საკითხიც უახლოეს დღეებში გასარკვევია.

ჩემი პრეზიდენტობის პერიოდში საქართველოში
მთავრობა არც ერთ ტელევიზიას არ დახურავს!

თუ ხვალ ნებისმიერი განგსტერი დადგამს ტელეკამერას, ამ ტელეკამერის წინ დადგამს ორ სკამს, იყიდის ანტენას და იტყვის, რომ მისი უფლებების შელახვა - ეს არის თავისუფალი პრესის შელახვა, ასე ქვეყანა არ აშენდება. თავისუფალი ტელევიზია არის ხელშეუხებელი. საქართველოში არც ერთი ტელევიზია ჩემი პრეზიდენტობის პერიოდში არ დაიხურება - მე შემიძლია, ეს მყარად ავღნიშნო. როგორც არ უნდა მლანძღონ, ხალხმა სიმართლე მაინც იცის. მანამდე შევარდნაძის მთავრობა მის მიერ კონტროლირებადი არხების საშუალებით მლანძღავდა, მაგრამ ამით არაფერი დამკლებია. პრესის თავისუფლებას არაფერი არ ემუქრება. მაგრამ, აი, წარმოიდგინეთ რა სიტუაცია შეიქმნა საქართველოში: ნებისმიერი დიდი დაჯგუფება არა მხოლოდ არ იხდის გადასახადებს, არამედ ამ გადაუხდელი გადასახადებით, ხშირ შემთხვევაში - ნაძარცვი ფულით, იმითი, რომ კონკურენტებს ბაზრიდან დაუშვებელი მეთოდებით - ტერორით, რეკეტით, დაშინებით აგდებს, ქმნის სტრუქტურას, შემდეგ ყიდულობს დეპუტატებს, თავად ხდება დეპუტატი და ხდება ხელშეუხებელი.

ყველა იმ ადამიანს, რომელსაც ახალ სიაში შევიყვან, მოვთხოვ დაწერონ დეკლარაცია, რომ ისინი სადეპუტატო იმუნიტეტის გაუქმებას მხარს უჭერენ.

ოქუაშვილის კონკრეტულ სიტუაციაში საუბარია 12 მილიონ ლარზე. ეს ერთი ეპიზოდია. საბოლოო ჯამში კი პრეტენზია 30 მილიონამდე ადის, როგორც მეუბნებიან. ეს არის საქართველოში ყველა დასაქმებული ადამიანის ორი თვის ხელფასი. აი, თქვენთვის პასუხი კითხვაზე - სად წავიდა პენსიები და ხელფასები?

ჩვენ მოვახერხეთ ის, რომ ხელფასები და პენსიები დროზე გაიცემა, მაგრამ ეს არის მიზერული თანხები. ჩვენ ვაპირებთ უახლოეს მომავალში პენსიების გაზრდას, მაგრამ საიდან უნდა გაიზარდოს პენსია? ჰაერიდან თანხები არ მოვა. მე ვაპირებ უახლოეს მომავალში დავამყარო საგადასახადო დისციპლინა და ასე გავზარდო პენსიები. ეს ყველაფერი ამისთვის კეთდება.

„მაგთიკომი“ გამჭვირვალე ბიზნესი?!

რაც შეეხება პრეზიდენტის სიძეს. საუბარი იყო იმაზე, რომ მან გადასახადები არ გადაიხადა. გამოდის ტელევიზიით ქალბატონი შევარდნაძე და აცხადებს, რომ პრეზიდენტის ოჯახის დევნას განიცდის... ნებისმიერ ადამიანს ქუჩაში რომ ჰკითხოთ, ინატრებდა, რომ მასზე ასეთი დევნა ხორციელდებოდეს. ამ ოჯახის პირადი ქონება 350 მილიონი დოლარია - ასეა შეფასებული. ბოდიშს ვიხდი, მაგრამ ეს კაცი, ჯოხთაბერიძე ათი წლის წინ ტელევიზიის ჩვეულებრივი თანამშრომელი იყო. დღეს მისი ქონება 350 მილიონი დოლარია. დღეს ის დადის მანქანით, რომელიც შეფასებულია მილიონ ორასი ათას დოლარად. ეს არის „მერსედეს-მაიბახი“, რომელიც მსოფლიოში ოც კაცს თუ ჰყავს. რომ ამბობენ, „მაგთი“ გამჭვირვალე კომპანიააო - მისი ლიცენზია ინჯიამ თავის დროზე 40 ლარად გაყიდა, მაშინ, როცა უზბეკეთმა ასეთი ლიცენზია 60 მილიონ დოლარად გაყიდა. სად არის ის 60 მილიონი, რაც პენსიებზე და ხელფასებზე უნდა დახარჯულიყო? რა გამჭვირვალე ბიზნესზეა ლაპარაკი? ეს ფული, რეალურად, ამ ოჯახის მიერ მონოპოლიზირებულია საქართველოს მოსახლეობის ხარჯზე.

მოპარული ოქრო

მინდა შევეხო იმასაც, რაც ხდებოდა მადნეულში. დღეს იქ უშიშროების მინისტრი ჩავიდა. ბევრს არ სიამოვნებს და, სიმართლე გითხრათ, მეც არ მსიამოვნებს ავტომატიანი სპეცრაზმელების ყურება, თუმცა კარგ საქმეს აკეთებენ... მადნეული არის სახელმწიფო ოქროს მომპოვებელი საწარმო, რომელიც თითოეულ ქართველს ეკუთვნის. ამ საწარმოში დაინიშნა მამალაძის კაცი - ლობჟანიძე და ბოლო ოთხი თუ ხუთი წლის განმავლობაში 40 მილიონი მარტო ამ ოქროს ექსპორტზეა მოპარული. ეს საწარმო ტელევიზიითაც უშვებს რეკლამას, რაც საკმაოდ ძვირია - აი, ჩვენ რა კარგად ვმუშაობთო. ეს ხომ თითოეული პენსიონერის ფულია. რამდენიმე ტონა ოქრო პირდაპირ რევოლუციის შემდეგ მოიპარეს, როცა ჩვენ ამის კონტროლის თავი არ გვქონდა. შემდეგ მეორე პარტია ოქრო აეროპორტის გზაზე დავაკავეთ. ახლა ეს საწარმო, ნაყიდი მოსამართლის მეშვეობით, ორი თვის განმავლობაში არ უშვებდა აღმასრულებლებს. ლობჟანიძე შვეიცარიაშია და ეგონა, იქ ვერ მივწვდებოდით. ნურას უკაცრავად. გუშინ იგი შვეიცარიის პროკურატურამ დააკავა. ეს შეეხება ყველას - მათაც, ვინც რუსეთში გაიქცა. არცერთი ქვეყანა კორუფციონერს ხელს არ დააფარებს, ეს მსოფლიოს საერთო სენია და მას ამერიკაც, შვეიცარიაც და რუსეთიც ერთად ებრძვის. ამიტომ მე სადმე გაქცევას არავის ვურჩევდი.

„შეავსეთ ობიექტური საგადასახადო დეკლარაცია
და არავინ შეგეხებათ“

ჩემი მთავარი მიზანი, იმასთან ერთად, რომ კორუმპირებული ჩინოვნიკები დავსაჯოთ, არის ბიზნესის ხელშეწყობა. ჩემი ამოცანაა, რომ ზაფხულისთვის, მაქსიმუმ სექტემბრისთვის ისეთი საგადასახადო რეჟიმი მოვამზადოთ, რომელიც მოგვცემს საშუალებას, საქართველოში გადასახადები შემცირდეს. ეს არის ის, რასაც მე ჩვენს ხალხს დავპირდი. მაგრამ ამისათვის საგადას სახადო დისციპლინა უნდა დამყარდეს. ჩვენ უნდა ვიცოდეთ, რა გადასახადებია ამოღებული, რა არის ამოღებადი, რას ვერ ამოვიღებთ და რა გადასახადებია შესაცვლელი. მე ვეუბნები ყველა ბიზნესმენს: პირველ აპრილამდე არის საგადასახადო ორგანოებში დეკლარაციების წარდგენის ვადა. ყველა ბიზნესმენი, ვინც პირველ აპრილამდე ობიექტურ საგადასახადო დეკლარაციას წარადგენს, თუნდაც მრავალი წლის დამალულ გადასახადებს გაუკეთებს ლეგალიზებას, იტყვის, რომ მზად არის, ახლა გადაიხადოს გადასახადები, მე ვაძლევ ჩემს საპრეზიდენტო სიტყვას (და თუ საჭირო გახდა კანონში ცვლილება, ამასაც გავაკეთებ), რომ ყველანაირი პასუხისმგებლობიდან განთავისუფლებული იქნება და არავინ მას ხელს არ ახლებს, არც ერთი სისხლის სამ მართლებრივი და სხვა დევნის ორგანო. ეს არის ერთმნიშვნელოვანი, მე ამ სიტყვას არ გადავალ. რამე გაქვთ დამალული? გააკეთეთ ლეგალიზაცია, ჩაწერეთ: ამდენი და ამდენი გადასახადი მქონდა გადასახდელი, გადაიხადეთ და პირობას გაძლევთ, რომ შემდეგი ათი წელი საერთოდ არავინ არ შეგეხებათ. კიდევ ერთხელ ვიმეორებ, ეს არის მათთვის, ვინც დამალული გადასახადების ლეგალიზებას მოახდენს.

პრეზიდენტის მუქარა და დაპირება // 24 საათი. - 2004. - 21 თებერვალი. - N43 (592). - A1, A3 გვ.

ბატონო პრეზიდენტო, ჩვენ ერთმანეთს ბოლოს 1995 წელს შევხვდით, მაშინ, როდესაც მე ჯერ კიდევ ახალგაზრდა ყმაწვილი ვიყავი.

დღეს ჩემთვის უდიდესი პატივია აქ, თქვენს შორის ყოფნა - ჩემი გულის ნაწილი ამ შესანიშნავ სკოლაში დარჩა.

ვარ პიროვნება, რომელიც ვსწავლობდი ამერიკის შეერთებული შტატების დედაქალაქის გულში - ამ დიდ სკოლაში.

მე ერთ-ერთი თქვენგანი ვარ.

16 საათის განმავლობაში მოვფრინავდი, რათა ჯორჯ ვაშინგტონის უნივერსიტეტს ვწვეოდი და ესოდენ დიდი პატივი მრგებოდა წილად.

შენახული მაქვს ყველა ის წერილი და სამახსოვრო, რაც აქ მიმიღია, მათ შორის ჩემი დეკანის ბარათიც.

ჩემს ქვეყანაში დაბრუნების შემდეგ საქართველოს პარლამენტში დავიწყე მოღვაწეობა და უკან დამრჩა ჩემი წარსული - აქ გატარებული წლები, ჩემი სახელმძღვანელოები. მერწმუნეთ, ნოსტალგიის გრძნობა კიდევ მაქვს შემორჩენილი.

ახლა, თქვენს წინაშე ვარ, რათა კიდევ ერთხელ შევხვდე ჩემს პედაგოგებს, პროფესორ-მასწავლებლებს, რომლებმაც საკმაოდ ბევრი გააკეთეს ჩემთვის.

დავბრუნდი, რომ შევხვდე ჩემს პროფესორს, რომელიც საერთაშორისო სასამართლოში საკმაოდ კვალიფიცირებული მოსამართლეა და წარმატებულად მუშაობს ადამიანის უფლებათა დაცვის განხრით.

საქართველოში გამგზავრების წინ მას ვუთხარი, რომ დაბრუნებისთანავე აქ მიღებული ცოდნის რეალიზაციას მოვახდენდი და აქტიურად ჩავერთვებოდი ჩემი ქვეყნის პოლიტიკურ პროცესებში.

პროფესორი დაინტერესდა და მთხოვა რეფერატის სახით, ზოგადად საქართველოს და იქ მიმდინარე მოვლენების შესახებ ინფორმაცია მიმეწოდებინა.

როდესაც ჩვენს ქვეყანაში არსებულ რთულ ვითარებას გაეცნო მითხრა, თუ მაინც მიდიხარ იქნებ შენი კონცეფცია ჩამოაყალიბო და ახალი სახელმწიფოს მოდელი შექმნა, მეცნიერულად გააანალიზე ის, რასაც მომავალში გააკეთებ - აღწერე არსებული კრიზისი და მოგვარების შესაძლო ვარიანტებიც დასახეო.

ახლა საქართველოში ახალგაზრდა პოლიტიკოსები, მოღვაწეები, ისინი, ვინც უცხოეთში მივიღეთ განათლება, ჩვენს ცოდნას მაქსიმალურად ვიყენებთ - ეს ამა თუ იმ სფეროში კარდინალური ცვლილებების განხორციელებას ეხება.

ქვეყნის მართვის საქმეში ეს რეალური პროგრესია.

მათ, ვისაც რეფორმების წარმატებით გატარების სურვილი აქვთ, უნდა იცოდნენ და ახსოვდეთ, რომ ქვეყნის ინტერესების ხარჯზე კომპრომისებზე არ უნდა წავიდნენ და არც საკუთარი პოზიცია უნდა დათმონ.

წინააღმდეგ შემთხვევაში მიღწევებზე ლაპარაკი ზედმეტია.

ჩვენი ხალხი უკვე მზად არის მნიშვნელოვანი ცვლილებებისთვის.

მართალია, ჩვენს ქვეყანას სტრატეგიულ მნიშვნელობას სძენს მისი გეოპოლიტიკური მდებარეობა, ინტერესიც მის მიმართ საკმაოდ დიდია, მაგრამ აქ ყოფნისას მივხვდი, რომ ჩვენ ნთვის მთავარია არამარტო საქართველოს გეოპოლიტიკა, სატრანსპორტო და ეკონომიკური პროექტები, ან თავდაცვისა და უსაფრთხოების საკითხები, არამედ, ძირითადად, ის ღირებულ ლებები, რაც მოწინავე მსოფლიოს გააჩნია და რითაც ამ წლების განმავლობაში ვხელმძღვანელობდი.

აქ სწორედ იმისათვის ჩამოვედი, რომ თქვენი მხარდაჭერა გთხოვოთ.

საქართველოს პარლამენტის 2003 წლის 2 ნოემბრის არჩევნებში ხალხმა მიიღო მონაწილეობა, მაგრამ მათი იმედები არ გამართლდა - არჩევნები იმ დროს არსებულმა ხელისუფლებამ გააყალბა.

პრობლემა იმაშია, რომ საქართველოში და მის მსგავს ქვეყნებში პრეზიდენტები ვერ საზღვრავენ, როდის უნდა გადადგნენ.

ექს-პრეზიდენტ ედუარდ შევარდნაძესა და მის მთავრობას ვერ წარმოედგინათ, რომ ერთ დღეს შესაძლოა ისინი ჩამოეგდოთ, ეს კი მოხდა.

უსამართლობით დაქანცულმა ხალხმა გადაწყვიტა გაერთიანებულიყო და მათ პროტესტს წინ ვერავითარი ძალა ვერ აღუდგა.

მთავრობას არ დაემორჩილა არც პოლიცია და არც ჯარი.

ის, რაც საქართველოში მოხდა, მართლაც საოცრება იყო.

ქართველებმა დაამტკიცეს, რომ ძალა ერთობაშია.

ჩვენს ქვეყანაში მიმდინარე პროცესები ყველა ცნობილმა ტელეარხმა და საინფორმაციო სააგენტომ გააშუქა და, დღეს, ეს ყველასათვის, მთელი მსოფლიოსათვის არის მაგალითი.

რა თქმა უნდა, ჩვენ გლობალიზაციასა და მის პარალელებზეც უნდა ვილაპარაკოთ.

ეს კი, ჩვენი ჩათვლით, მრავალ ერს აახლოებს და ისინი პროგრესისაკენ მიჰყავს, თუმცა იმავდროულად, ბევრ მტკივნეულ საკითხსაც გამოკვეთავს.

ზოგ შემთხვევაში ძალაუფლება გვაკლდება, მაგრამ ისეთი პატარა ერისათვის, როგორიც ქართველი ერია, დიდ შესაძლებლობებსაც იძლევა.

თუ გინდა იყო კონკურენტუნარიანი, დაიცვა შენი მომავალი, მაშინ გაქვს შანსი ამ დიდ გლობალურ სამყაროში.

ის ცვლილებები, რასაც ამჟამად ვახორციელებთ, გლობალიზაციის ტენდენციების გარეშე შეუძლებელი იქნებოდა.

საქართველოში რევოლუციას ვერც კი წარმოვიდგენდი, რომ კომუნიკაციის თანამედროვე საშუალებები არ ყოფილიყო, რითაც ერთმანეთთან კონტაქტს ვამყარებდით.

ასევე, „სი-ენ-ენის“ გარეშე, რომელიც ოპერატიულად აწვდიდა მსოფლიოს აქ მიმდინარე მოვლენების ამსახველ რეპორტაჟებს.

ამერიკაში ნორვეგიისა და გრენლანდიის გავლით ჩამოვედი.

ჩვენ შევჩერდით გრენლანდიის ერთ-ერთ დასახლებულ პუნქტში, სადაც, როგორც მითხრეს, 460 მოსახლეა.

ჩემი თანმხლები ჟურნალისტები გაოცებას ვერ მალავდნენ, როდესაც ადგილობრივი მოსახლეობის ერთმა ნაწილმა ჩემში საქართველოს პრეზიდენტი შეიცნო.

ეს ცუდიც არის და კარგიც - ერთი მხრივ, ზღუდავს ჩემს უფლებას, ვინაიდან ჩემი პირადი ცხოვრება შეუმჩნეველი არ რჩება, ხოლო მეორე მხრივ, ძალზე მნიშვნელოვანია იმით, რომ ხალხები უფრო ვუახლოვდებით ერთმანეთს.

ჩვენ უკეთ ვაცნობიერებთ იმ ღირებულებებს, რომლებიც თანაბრად ვრცელდება როგორც ქართველისათვის, ისე გრენლანდიელისათვის, ავსტრალიელის, აფრიკელისა თუ ამერიკელისათვის.

პიროვნებას, რომლის სახელსაც ეს დიდებული უნივერსიტეტი ატარებს, განსაკუთრებული წვლილი მიუძღვის ამ ღირებულებათა ჩამოყალიბებასა და მთელ მსოფლიოში მათ გავრცელ ლებაში, რაც ყოველი ჩვენგანისათვის ძალზე საამაყოა.

ეს წვლილი არც სამხედრო ინტერვენციას გულისხმობს და არც საქართველოსნაირი ქვეყნებისათვის ფინანსური დახმარების აღმოჩენას.

ეს დახმარებები, რა თქმა უნდა, ხშირად კარგი, მნიშვნელოვანი და დროულიც არის, თუმცა ამ შემთხვევაში, ლაპარაკია იდეებისა და ფასეულობათა მსოფლიოს მასშტაბით ექსპორტირების შესახებ.

„ექპორტირება“ შესაძლოა არც იყოს ზუსტი სიტყვა და ჯობდეს „ერთმანეთისათვის გაზიარება“ ვთქვათ.

ახალგაზრდა დემოკრატიის პირობებში საჭიროა ახალი აზროვნებისა და გამოცდილების, ასევე, ძველი კომპლექსებისაგან თავისუფალი ადამიანების ხელისუფლებაში მოსვლა, რაც წინა მთავრობისათვის უცხო იყო.

ძალიან მნიშვნელოვანია, რომ დღეს, ჩვენ უკვე გვყავს გუნდი, რომელიც სწორედ ასე ფიქრობს.

ამის შესახებ, ჩემი ინაუგურაციის დროს, ამერიკის შეერთებული შტატების სახელმწიფო მდივანს კოლინ პაუელსაც ვესაუბრე.

დავოსში, მსოფლიო ეკონომიკურ ფორუმზე ყოფნისას, ჩინეთის ტელევიზიამ ჩემს შესახებ საათნახევრიანი ფილმი გადაიღო და ინტერვიუს ჩასაწერად მუდმივად თან დამყვებოდა.

მე კი ჩემთვის საინტერესო არხებს („ბი-ბი-სი“, „სი-ენ-ენი“ და სხვა) ვაძლევდი ინტერვიუს, რაზეც მათ მითხრეს: როგორ არ გესმით, ესენი ყველა პატარა ტელევიზიები არიან, ჩვენ კი 740 მილიონი მაყურებელი გვყავსო.

მაგრამ ეს არ არის მთავარი და ამით არც ვტრაბახობ.

მთავარი ის არის, რომ ამ დარბაზში გამოსვლით ვამაყობ, თუნდაც ათ-კაციანი აუდიტორია მისმენდეს - ეს ჩემთვის დიდი პატივია.

ჯორჯ ვაშინგტონის უნივერსიტეტი ჩემთვის თბილი, შესანიშნავი და მყუდრო სახლია და დღეს ჩემი აქ მოსვლა შინ დაბრუნებას ჰგავს.

ამ კედლებში გატარებული რამდენიმე თვე, ჩემს ცხოვრებაში ყველაზე აღსანიშნავი და მნიშვნელოვანი პერიოდია.

მადლობას გიხდით მობრძანებისათვის და თბილი მიღებისათვის.

დიდი მადლობა!

საქართველოს პრეზიდენტის საჯარო გამოსვლა ჯორჯ ვაშინგტონის სახელობის უნივერსიტეტში / საქართველოს პრეზიდენტის ადმინისტრაციის პრესსამსახური / 23 თებერვალი, 2004. - ხელმისაწვდომობის რეჟიმი: http://www.saakashviliarchive.info/ge/PressOffice/News/SpeechesAndStatements?p=2778&i=1

საქართველოს პრეზიდენტის მიხეილ სააკაშვილის
გამოსვლა ბიზნესმენებთან შეხვედრაზე

მოგესალმებით!

აქ არიან მცირე ბიზნესის წარმომადგენლები, გადახდელთა კავშირის წარმომადგენლები, საქართველოს წამყვანი საქმიანი ადამიანები, აგრეთვე - ექსპერტები მეცნიერები ამ სფეროში!

ჩვენ არ გვსურდა, რომ ეს შეხვედრა ტრადიციულად ყოფილიყო რომელიმე ფეშენებელურ სასტუმროში!

მინდა, რომ ეს იყოს სამუშაო შეხვედრა, სადაც გულწრფელად გაგიზიარებთ იმ აზრებს, რაც უკავშირდება საქართველოში ბიზნესის განვითარების და საერთოდ ეკონომიკის განვითარების ჩვენეულ ხედვას.

ამავე დროს, მინდა გითხრათ, რომ, თუ შეამჩნიეთ, ჩვენ ვდგამთ გადამწყვეტ ნაბიჯებს საქართველოში წესრიგის დასამყარებლად.

ამისათვის, მე არ დავიხევ არცერთი ნაბიჯით უკან!

გათავხედებული თავგასული ადამიანები, რომლებსაც არაფრის არ ეშინოდათ - მათი ნაწილი უკვე ციხეშია და მეორე ნაწილს ვპირდები, რომ აღმოჩნდება ციხეში! სანამ მე პრეზიდენტი ვარ სასამართლო მიიღებს ისეთ გადაწყვეტილებებს, რომ ამ პერიოდში მათ ხალხი არ შეაწუხონ. ამ ხალხს ჩვენ მოუვლით, იმიტომ, რომ საქართველოში შეიქმნა კასტა თავგასული, გათავხედებული ადამიანებისა, რომლებიც არა თუ ბიზნესმენები და სახელმწიფო მოხელეები არიან, არამედ, ესენი არიან უბრალოდ ჩვეულებრივი განგსტერები, რომლებიც იტაცებდნენ ხალხს, თავის კონკურენტებს ცხვირ-პირს ამტვრევდნენ, ფეხით აღებდნენ მინისტრების კარებს და საერთოდ, ეს მინისტრები არაფერი არ იყვნენ მათთვის. ნიშნავდნენ საბაჟოსა და საგადასახადოს უფროსებს, შემდეგ ხსნიდნენ მათ.

არ გამოვრიცხავ, რომ მათი უმეტესი ნაწილი კიდევ უარეს ქმედებებს ჩადიოდა!

ასეთი ხალხის ადგილი საქართველოში აღარ არის! იმიტომ, რომ სადაც არის ასეთი ხალხი, იქ დანარჩენი საზოგადოება აღარ არსებობს და ჩვეულებრივი ადამიანებისთვის იქ ადგილი აღარ რჩება.

აქ მყოფი ადამიანები დაინტერესებულნი არიან იმით, რომ თავგასულობა და განუკითხაობა ქვეყანაში აღარ იყოს!

ერთად უნდა მოვარჯულოთ თავგასულები, არა მარტო იმიტომ, რომ მე მსურს ასე, არამედ იმიტომ, რომ ამ პირებმა ხალხის ცხოვრება არ მოწამლონ.

იცით, რომ მეორე მხრივ ჩვენ ყველაფერს ვაკეთებთ, რათა საქართველოში კრიმინოგენული ვითარება გამოსწორდეს!

მაგალითად, რა ხდებოდა ამ დღეებში ქუთაისში? იქ ერთი უბანია, საფიჩხიის ერთი ნაწილი, რომელიც ოფიციალურად ოკუპირებული აქვთ კანონიერ ქურდებს და მათდამი დაქვემდებარებულ პირებს. ესენი არიან მუქთახორა, გაფუჭებული და გათახსირებული ადამიანები. მაგათი კოდექსი ფლიდობის, ერთმანეთის დასმენის და ერთმანეთის ღალატის კოდექსია!

მაგრამ, თავი სერიოზული ავტორიტეტები ჰგონიათ.

მოხდა ისე, რომ ქუთაისში, სადაც ისედაც სოციალურად გაღატაკებული ხალხი ცხოვრობს, რაც უნდოდათ, იმას აკეთებდნენ. პრაქტიკულად, მემწვანილე არ არის ბაზარში, რომელიც მათ ფულს არ უხდის, აღარ ვლაპარაკობ ბენზინგასამართ სადგურებზე და ასე შემდეგ.

ყველა ქვეყანა გათავისუფლდა ასეთი ხალხისგან!

რუსეთში აღარ არის ამგვარი რეკეტი, უკრაინამაც დაიწყო ამ მიმართულებით ქმედებები, აზერბაიჯანში და სომხეთში არც ყოფილა არასდროს, იმიტომ, რომ აქ სხვაგვარად იყო თავიდან ნვე საქმე დაყენებული.

საქართველოში ყოველივე ეს ჯერ კიდევ არსებობს!

ისინი იმდენად გათავხედდნენ, რომ გატაცებული მანქანები შეიყვანეს უბანში, ჩაკეტეს გზა და ყველას უთხრეს, აქ არ შემოგიშვებთო.

პოლიციამ სცადა შესვლა და ატეხეს სროლა, რის შემდეგაც სამი პოლიციელი და კიდევ ერთი უდანაშაულო მოქალაქე დაიღუპა.

ძველი მთავრობა რომ ყოფილიყო, ამას გადაყლაპავდა და გეტყვით, რაც მოხდებოდა, დარეკავდნენ შინაგან საქმეთა მინისტრთან. ნარჩემაშვილის პირადი ძმაკაცი იყო ეს რამდენიმე ქურდი ქუთაისში, ამის ათასობით დამადასტურებელი მასალა არსებობდა. აიღებდა ეს ქურდი ტელეფონს, დაურეკავდა ნარჩემაშვილს, იგი თავის მხრივ დაურეკავდა პოლიციას და ცხოვრება გაგრძელდებოდა ძველებურად!

დღეს, მართლაც, ბრწყინვალედ მუშაობენ გია ბარამიძე, ვანო მერაბიშვილი, რა თქმა უნდა - ირაკლი ოქრუაშვილი!

მე ვუთხარი მათ, რომ ყველა ძალის მობილიზებით დაერტყათ ალყა ამ უბნისთვის, გადაეკეტათ ქუთაისი და ვინც დასაჭერია - დაეჭირათ!

რა წიკვინიც არ უნდა იყოს იქ სხვადასხვა ადამიანების მხრიდან, ჩვენ ამ საქმეს ბოლომდე მივიყვანთ!

ამ ხალხის საქმიანობა თითოეულ მოქალაქეს და განსაკუთრებით თითოეულ ბიზნესმენს საფრთხეს უქმნის. იმიტომ, რომ ეს ხალხი პირველ რიგში მოდის თქვენთან, სადაც ფული ეგულებათ. თქვენს შორის არიან ადამიანები, ვინც არ ეპუება მათ, არის ხალხი ვინც მართლა რისკზე წავიდა, არის ხალხი ვისზეც ტერაქტებია მოწყობილი და მაინც არ შეუშინდა არაფერს და მაინც აგრძელებს ძველებურად მათ იგნორირებას.

მაგრამ, ასევე, არის ხალხი, ვინც მათ ფულს უხდის და ეს თქვენ ძალიან კარგად იცით.

გადაუხადეთ ეს ფული თქვენ საკუთარ ბიზნესს, თქვენ საკუთარ განვითარებას და გადაუხადეთ ნაწილი თქვენს საკუთარ სახელმწიფოს, უფრო ზუსტად - არა სახელმწიფოს ზოგადად, არამედ სკოლებს, ჯანდაცვის სისტემას!

საქართველოში ორგანიზებული კრიმინალური დაჯგუფებები ერთხელ და სამუდამოდ უნდა დაიშალოს!

სამეგრელოს რეგიონთან დაკავშირებით შევარდნაძეს ჰქონდა კომპლექსი და სწორადაც ჰქონდა!

არცერთ რეგიონზე არ გადაუვლია უბედურებას ისე, როგორც სამეგრელოზე, ვინაიდან, მოგეხსენებათ ყველაზე მდიდარი ხალხი იქ ცხოვრობდა!

ამ რეგიონში პოლიცია და უშიშროება გახდა ფილიალი ადგილობრივი ბანდიტებისა. სამეგრელოში უშიშროება დაკავებული იყო ბენზინის კონტრაბანდით, პოლიცია ნარკოტიკებით, სხვადასხვა ტვირთების გადაზიდვით, სიგარეტის კონტრაბანდით.

როგორც კი დავიწყეთ წმენდა, პირველი რეაქცია იყო ის, რომ დაესხნენ თავს პოლიციის განყოფილებას და რამდენიმე წესიერი ადამიანი, რომელიც იქ იყო და გაბედა წინააღმდეგობა გაეწია, დახვრიტეს ძალიან ცივსისხლიანად. ასი მეტრის მოშორებით მდგარი სპეცრაზმი რომ არა ბევრად მეტი პატიოსანი პოლიციელი დაიღუპებოდა.

მათ გადაწყვიტეს რომ ერთბაშად ყველაზე ეძიათ შური!

ჩვენ, რა თქმა უნდა, ამას არ მოვითმენთ!

ჩავატარეთ ოპერაციები და ყველა დაპატიმრებულია, რამდენიმე გაიქცა, მაგრამ იმათაც ავიყვანთ.

უნდა გენახათ ამის შემდეგ როგორ გვხვდებოდა ხალხი სამეგრელოში. მათ პირველად ამოიღეს ხმა, პირველად დაიწყეს ინტერვიუების მიცემა, ადრე იცოდნენ, რომ ასეთი რამისთვის სახლს აუფეთქებდნენ, მერე კი იტყოდნენ, რომ ბრძოლის ველია და აფხაზებმა გაანადგურესო.

აფხაზებს საკუთარი ცოდვებიც ეყოფათ!

ეს ყაჩაღები, ძირითადად პარტიზანებს რომ უწოდებენ თავიანთ თავს, პარტიზანები არ არიან; ისინი ჩვეულებრივი კონტრაბანდისტები არიან, რომლებიც აფხაზებთან ერთად დაკავებულნი არიან საკუთარი ხალხის ძარცვით და ერთი ჯიხური აღარ არის, რომელიც მათ ფულს არ აძლევს.

სადამდე შეიძლება ამგვარი სიტუაციის მოთმენა?!

ასეთივე ჯგუფები იყო სამტრედიასა და ხონში.

ასეთ ჯგუფებს ჩვენ გამოვუცხადეთ ომი!

ჩვენ არ ვუყურებთ იმას, რომ ვიღაცა შევიდა რომელიმე პარტიაში, დაგვიმეგობრდა და არის ხელშეუხებელი!

გული გამისკდა, როდესაც გაზეთში წავიკითხე, რომ ბონდო შალიკიანი არის „ნაციონალური მოძრაობის“ წევრი!

ასევე გაუსკდა გული ქუთაისის მოსახლეობის 90 პროცენტს, იმიტომ, რომ თუ აღარ ხარ ქურდი და ბანდიტი, რაშიც ეჭვი ძალიან ბევრს ეპარება, პოლიტიკაში მაინც რაღას მოდიხარ, გაერიდე პოლიტიკას და აკეთე ის შენი ბიზნესი წყნარად!

ეს დეპუტატობა მათ რაღაც ინდულგენცია ჰგონიათ!

დამთავრდა ასეთი დეპუტატობა!

ხვალ-ზეგ მე ვიბარებ ჩვენი სესიის ყველა წევრს და ვეუბნები, ან ყველანი მოაწერთ ხელს, რომ პირველივე დღეს სადეპუტატო იმუნიტეტს გაიუქმებთ, ან სუყველას ამოგიღებთ სიიდან!

არ არსებობს შავ და თეთრ ადამიანს შორის დაყოფა!

არიან ბიზნესმენები, რომლებიც არიან პარლამენტში და რასაც უნდა იმას აკეთებენ, ვერ შეეხები, და არიან ბიზნესმენები, რომლებიც არიან პარლამენტს გარეთ და არიან ზანგები!

ასეთ ხალხს შესაძლოა სხვაგვარად მოეპყრო!

ჩვენი ფუნქცია და პროგრამაა, რომ ყველა უნდა იყოს თანასწორ მდგომარეობაში!

ამავე დროს, მე სრულებით არ მსიამოვნებს, რომ ამ კაცს სტაცეს ხელი და უხერხულ მდგომარეობაში გამოიყვანეს პირდაპირ საწოლიდან.

ამგვარი რამეები არ უნდა კეთდებოდეს, ისევე, როგორც მიმაჩნია, რომ ადეიშვილის დაპატიმრება სპეცრაზმით არ იყო სწორი, ვინაიდან იგი ბანდიტი არ არის და არანაირი შეიარაღებული ბანდა არ ჰყავს.

მაგრამ, როდესაც შეიარაღებული რაზმი აპირებს, რომ შტურმზე წამოვიდეს, ჩვენ იარაღს გამოვიყენებთ, რადგან, შევარდნაძისგან განსხვავებით, ჩვენ ამის მორალური უფლება გვაქვს და კანონი ამას გვავალდებულებს!

იარაღს გამოვიყენებთ იქ, სადაც კანონით არის დაშვებული და არსად უკან დახევა არ იქნება!

ჩვენ ვაპირებთ, რომ უსაფრთხოების ძალები თანამედროვედ აღვჭურვოთ. მათ აქვთ უკვე ყველა აპარატურა იმისათვის, რომ არ დაარღვიონ ადამიანის უფლებები, არ სცემონ ადამიანები.

ის უბედური ჟურნალისტი რომ სცემეს აჭარაში, სრულიად უკანონოდ, ამგვარ რაღაცას მე არასდროს დავუშვებ ქვეყანაში!

მაგრამ, ამავდროულად, კანონის დამრღვევსა და ყაჩაღს შესაბამისად მოევლება და ეს ყველამ უნდა იცოდეს!

ეს არის უკვე ერთიანი გუნდი და აღარ არის ისე, რომ სააკაშვილი ვერ იტანდა თარგამაძეს, თარგამაძე - სააკაშვილს, ერთმანეთს უთხრიდნენ ძირს და სახელმწიფო ასე იმართებოდა.

შევარდნაძეს ასეთი სტილი ჰქონდა!

მე იმ კაცთან რომ მივდიოდი, ვხედავდი, რომ მას არ აინტერ რესებს ქვეყანა შენდება თუ არა, არ აინტერესებს წესრიგი არის თუ არა, მას აინტერესებდა რომ მე, ჩხარტიშვილს, თარგამაძეს ერთმანეთი დაგვეჭამა და ამას ყველანაირად უწყობდა ხელს!

მე არ მინდა, რომ სულ ჩემს წინამორბედზე ვისაუბრო, მაგრამ არ უნდა დაგვავიწყდეს რაც იყო!

როგორ მუშაობენ ჩვენები? გუშინ იყო ოპერაცია ქუთაისში; შემდეგ მოხდა ის, რომ ქვემო ქართლში, წითელ ხიდზე, ისარგებლეს იმით, რომ მე აზერბაიჯანში გახლდით (უნდა გითხრათ, რომ მართლაც დავუმეგობრდი ილჰამ ალიევს და ბედმა გაგვიღიმა, ასეთი პრეზიდენტი რომ ჰყავთ ჩვენს მეზობელ ქვეყანაში), დრო იხელთეს ადგილობრივმა კონტრაბანდისტებმა და ავტობუსით გამოარღვიეს სასაზღვრო კორდონი.

მესაზღვრე, პირველად ამდენი წლის მანძილზე, არ შეუშინდა და გამოიყენა იარაღი. მადლობა ვუთხრათ იმ მესაზღვრეს და თუ საჭიროა, დავაჯილდოვოთ ფულადი პრემიით! დაპატიმრებულია იმ ავტობუსის აზერბაიჯანელი მძღოლი. მე ვუთხარი, რომ ჩვენ ძმობა გვინდა აზერბაიჯანელებთანაც და სხვებთანაც, მაგრამ ჩემთვის აზერბაიჯანელი და ქართველი კონტრაბანდისტი არის სულ ერთი!

ყველა ერთნაირად აგებს პასუხს, მით უმეტეს ისეთი, რომელიც ეცდება, გამოარღვიოს ბარიერები.

ამის შემდეგ ერგნეთში ოსებმა ატეხეს ერთი ამბავი, ასევე ეთნიკურ ნიადაგზე, რომ ჩვენ აქ გვჩაგრავენ და ასე შემდეგ.

კანონი არის საკმაოდ მკაცრი და ამ კანონს უნდა დაცვა!

მე ამავე დროს მინდა გითხრათ, რომ რაიმე სპეციალურ მით თითებებს ჩვენ არ ვიძლევით.

მაგალითად, როდესაც „ომეგაში“ შევიდა პროკურატურა, მე ეს გავიგე საღამოს 6 საათზე, ტელევიზიით, რაც საკმაოდ მოულოდნელი იყო ჩემთვის.

ეს არც ჩემი დავალებაა და არც ჩემი მითითება!

ჩვენ უნდა მივხედოთ იმას, რომ კანონიერება არ უნდა გადაიზარდოს რეპრესიებში!

ეს არ უნდა გადატყდეს ჩვეულებრივ ადამიანებზე, რომლებიც არაფერში დამნაშავენი არ არიან.

ამავე დროს ჩვენ უნდა მივაღწიოთ, რომ საინვესტიციო კლიმატი ქვეყანაში იყოს ბევრად უკეთესი!

საქართველომ ვარდების რევოლუციის შემდეგ მიიღო უზარმაზარი რეკლამა მთელ მსოფლიოში!

გუშინ იყო ჩამოსული ტიმ სებასტიანი, „ბი-ბი-სი“-ს ერთ-ერთი გადაცემის ავტორი.

არასოდეს ეს კაცი არ ჩადის სხვა ქვეყანაში სპეციალური გადაცემის ჩასაწერად!

ის, რომ საქართველოს აქვს დადებითი ცნობადობა, დასაფასებელია!

ახლა ამას კაპიტალიზაცია და გამოყენება უნდა!

პირველი, რასაც მთელ მსოფლიოს ვეუბნებით, არის ის, რომ საქართველოში იქნება ბევრად უფრო უსაფრთხო გარემო და ბიზნესმენებს აღარ მოიტაცებენ.

მეორე - საქართველოში ბევრად დაიკლებს კორუფცია. რა თქმა უნდა, 100 პროცენტით ამის აღმოფხვრა პრაქტიკულად შეუძლებელია, მაგრამ მაღალი დონის სამთავრობო კორუფცია საქართველოში აღარ იქნება.

ყოველივე ეს რაღაც დონემდე მიღწეულია, თუმცა ჯერ კიდევ შორი გზა გვაქვს გასავლელი.

საქართველოში უნდა იყოს მომგებიანი საინვესტიციო კლიმატი, მაგრამ მე მინდა, რომ ყოველივე ეს ჩვენ ყველამ ერთად შევქმნათ. გვყავს საკმაოდ საინტერესო და ძლიერი ბიზნესმენები.

ჩვენ გვყავს ძალიან გამოცდილი ხალხი, მათ შორის - სხვა ქვეყნებშიც. გვყავს მსოფლიო კლასის მინიმუმ ერთი ბიზნესმენი და კიდევ რამდენიმე ადამიანი, რომელსა აქვს საერთაშორისო გამოცდილება და ცნობადობა.

ჩვენ გვჭირდება საერთაშორისო გარემო, რომელზეც პირადად მე ვიმუშავებ.

აზერბაიჯანში ყველაზე დიდხანს ველაპარაკე ალიევს იმაზე, რომ აზერბაიჯანი და საქართველო, პრინციპში, წარმოადგენენ ერთიან ეკონომიკურ სივრცეს და განვითარების დონით დაახლოებით, ერთნაირი ქვეყნები არიან.

აზერბაიჯანი არის ძალიან დინამიურად მზარდი ბაზარი, მაგრამ მათ საქართველო სჭირდებათ იმისათვის, რომ ეს არის გასვლა შავ ზღვაზე და მთავარი საკომუნიკაციო ხაზი. გარდა ამისა, ქართველების მიმართ მათ აქვთ გამორჩეული კეთილგანწყობა.

ამას უნდა გამოყენება! მე ვუთხარი, მოდით შევქმნათ სამთავრობო კომისია, რომ საქართველოსა და აზერბაიჯანს შორის აღარ იყოს საბაჟო ბარიერები და ეკონომიკური საზღვრები.

უნდა იყოს ერთიანი ეკონომიკური სივრცე, იმიტომ, რომ ცალ-ცალკე ეს ქვეყნები კარგად ვერ განვითარდებიან. საქართველო მათთვის არის ბუნებრივად აუცილებელი პარტნიორი.

მაგრამ, ჩვენ სომხეთთანაც უნდა შევძლოთ ნორმალური ურთიერთობების დამყარება.

საქართველოს შეუძლია შექმნას ერთიანი კავკასიური ბაზარი და ყოველივე ჩვენ ყველამ ერთად უნდა გავაკეთოთ!

იგივეა რუსეთთან დაკავშირებითაც. ჩემი პუტინთან შეხვედრისას დამყარდა კრემლის აბსოლუტური რეკორდი, ვინაიდან შეხვედრამ სამსაათნახევარი გასტანა.

ამ საუბარს უამრავი შედეგი მოჰყვა. ორ თვეში ვეცდებით, რომ გავამარტივოთ სავიზო რეჟიმი.

რუსეთთან ურთიერთობების გაუმჯობესება ძალიან მნიშვნელოვანი საკითხია. ჩვენ ვერ ვიყენებთ რუსეთის შესაძლებლობებს. რუსეთში არსებობს სტერეოტიპი, რომ საქართველო არის საშინელი ქვეყანა, სადაც არის არეულობა და ასე შემდეგ, მაგრამ დღეს ეს სიტუაცია იცვლება.

საქართველოზე ამდენი პოზიტიური სატელევიზიო სიუჟეტი არ გადაცემულა, რამდენიც ჩემი ვიზიტის დროს და შემდგომი რამდენიმე კვირის განმავლობაში მივიღეთ.

ძალიან დაგვეხმარა, სხვათა შორის, ბადრი პატარკაციშვილი, რომელიც აკონტროლებს იქ რამდენიმე გაზეთს.

მაგრამ, ეს იყო პირდაპირი მითითება კრემლიდან, რომ რამდენიმე წამყვან ტელევიზიაში გასულიყო დადებითი სიუჟეტები საქართველოზე.

რუსეთთან ახლა საჭიროა ინტენსიური ურთიერთობა.

მე შევეცდები, რომ რუსეთთან პოლიტიკური ფაქტორები მოვხსნა არაპრინციპულ საკითხებში დათმობის ხარჯზე.

არის ბევრი საკითხი, რომელშიც ჩვენ შეგვიძლია საერთო ენა გამოვნახოთ.

წინა პარლამენტმა, საქართველოს პრეზიდენტის დავალებით მიიღო განკარგულება, რომ სანამ რუსეთი აფხაზეთს არ დაგვიბრუნებს, ჩვენ რუსეთი მსოფლიო სავაჭრო ორგანიზაციაში არ უნდა შევუშვათ.

ჩვენ ინტერესებში არ არის, რომ რუსეთი მოქმედებდეს თავისუფალი სავაჭრო რეჟიმით და გვქონდეს ჩვენი გასავლელი რუსეთის ბაზარზე?

მეორე მხრივ, ჩვენ მივიღეთ მყარი გარანტიები და იმედი, რომ რუსეთის ხელმძღვანელობა შეასრულებს ამ გარანტიებს, ანუ საქართველოს შიდა საქმეებში, განსაკუთრებით რეგიონებსა და ცენტრს შორის ურთიერთობებში, რუსეთი აღარ ჩაერევა.

ეს მათი საქმე არ არის, ჩვენი შიდა საკითხებია!

ახლა მივდივართ თურქეთში და ამ ვიზიტისადმი განსაკუთრებული ინტერესი აქვს თურქეთის პრემიერ-მინისტრს ერდოღანს. უნდა გითხრათ, რომ თურქული ინვესტიციები გამზადებულია საქართველოში შემოსასვლელად. უბრალოდ საჭიროა ელემენტარული სტიმული.

რა თქმა უნდა, მცირე და საშუალო ბიზნესში ამგვარი ინვესტიციების შემოსვლა საკმაოდ საინტერესოა. არის ძალიან დიდი რაოდენობის თავისუფალი კაპიტალი თურქეთში.

ამიტომ სახელმწიფოს ფუნქცია მე მესმის ასე, რომ შეგიქმნათ სტაბილურობა, პროგნოზირებადი თამაშის წესები, ნორმალური საგადასახადო გარემო და ნორმალური საერთაშორისო გარემო.

კონკრეტულ ვიზიტს უნდა მოჰყვებოდეს კონკრეტული შედეგები!

არიან ოლიგარქები, რომლებიც რამდენიმე ასეული მილიონის ჩადებას აპირებენ საქართველოში. ძალიან მნიშვნელოვანია, რომ ჩვენვე არ ჩავაფლავოთ სიტუაცია!

ახლა მთავარი საკითხი - საგადასახადო სისტემა.

საგადასახადო სისტემა არის ძალიან მნიშვნელოვანი არა მარტო თქვენი სტიმულირებისათვის, არამედ იმისთვის, რომ სახელმწიფო არ დაგვემხოს თავზე!

ორი მთავარი პრობლემაა: ერთია, რომ საგადასახადო სისტემა არის ძალიან გართულებული და არეულ-დარეული; მეორე არის ის, რომ საგადასახადო სამსახურები აქამდე მუშაობდნენ უკიდურესად არაეფექტურად!

ასეთ პირობებში გამოვლინდა საგადასახადოს ერთ-ერთი ხელმძღვანელი, რომელმაც გუშინ მილიონ 350 ათასი გადაიხადა და ციხიდან გათავისუფლდა. ეს ხომ თქვენი ჯიბეებიდან ამოღებული ფულია! ეს ხომ ის ფულია, რომელიც სახელმწიფოს არ შეუვიდა.

ჩემი ამოცანა ის კი არ არის, რომ ესენი დავალპოთ ციხეში, ჩემი ამოცანაა, რაც მოიპარეს, მოიტანონ უკან და ჯანდაბამდე გზა ჰქონიათ, ოღონდ კანონში შევიტანოთ ცვლილება, რომ ასეთ ხალხს 20 წლის განმავლობაში არ შეეძლოთ სახელმწიფო სამსახურისკენ გახედვაც კი! მიკარებაც კი პარლამენტთან და სხვადასხვა სამინისტროებთან! მოიტანეთ რაც მოიპარეთ და სადაც გინდათ იქ წასულხართ, თუმცა ყველაზე ეს შეიძლება არ გავრცელდეს!

პირველი, რასაც ჩვენ გავაკეთებთ, ის არის, რომ საგადასახადო სისტემაში კორუფცია აღმოვფხვრათ!

ახლა იქმნება საგადასახადო პოლიცია და მე ვიცი, რომ ბევრ თქვენგანს ეს შეიძლება არ გახარებდეთ, მაგრამ გარწმუნ ნებთ, როდესაც მათთან ურთიერთობას დაამყარებთ, ნახავთ, რომ ეს იქნება ბევრად უფრო სუფთა, ბევრად უფრო ობიექტური და დისტანცირებული სამსახური!

მინიმალური ხელფასი ამ საგადასახადო სისტემაში იქნება 800-900 ლარი. ხალხის შერჩევა მოხდება განსაკუთრებული კრიტერიუმებით.

უნდა იყოს ყველასთვის თანაბარი თამაშის წესები!

მაგრამ, მე ისიც მშვენივრად მესმის, რომ აქამდე თქვენ არაფერში დამნაშავე არ იყავით და ეს იყო ისეთი თამაშის წეს სები, რომ თქვენ ასე ყოფილიყავით, ამგვარად გადაგეხადათ და გარიგებებში შესულიყავით.

თუ სასამართლო გაამტყუნებს, ჩვენ წავართმევთ ქონებას ლევან მამალაძეს და ის სასახლეები, რომლებიც მას გააჩნია, გადაკეთდება საბავშვო ბაღებად.

ასეთ ხალხს გარკვეული ქონება ჩამოერთმევათ!

რა თქმა უნდა, რკინიგზის ყოფილ შეფს თუ სასამართლო გაამტყუნებს, ქონება ჩამოერთმევა, მაგრამ ბიზნესმენის ქონება არის ხელშეუხებელი, როგორი გადასახადების დამალვითაც არ უნდა იყოს ის მოპოვებული.

ჩვენ არ ვაპირებთ რაიმე ჩამოგართვათ, მაგრამ ყველასთვის დადგინდა ერთნაირი წესები. იხდის ერთი გადასახადს, გადაიხდის მეორე! ეს არის ჩვენი პრინციპი! ამიტომაც ვისაც აქვს მილიონზე ნაკლები დავალიანება, ასეთი არის დაახლოებით 90 პროცენტი, ჩვენ საერთოდ არ შევეხებით მას!

დანარჩენებმა კი უნდა გააკეთონ დეკლარირება და დავალიანების 10 პროცენტი გადაიხადონ. ჩვენ ამას ვაკეთებთ იმისთვის, რომ მოვახდინოთ არაფორმალური სექტორის ფორმალიზება.

რატომ არ მუშაობს ჩვენთან კაპიტალი? არ მუშაობს იმიტომ, რომ ჩრდილოვანი ეკონომიკა ვერ ქმნის სერიოზულად ახალ კაპიტალს.

თუ არ ხდება კაპიტალიზაცია, თუ არ ხდება აქციების ბირჟებზე გატანა, თუ არ ხდება კონტრაქტის კანონით დაცვა, თუ არ ხდება საკუთრების დაცვა, მაშინ, რა თქმა უნდა, ეკონომიკა ვერ ვითარდება!

ამავე დროს ჩვენ უნდა შევცვალოთ საგადასახადო სისტემა მთლიანობაში. აქაც არის ორი საკითხი: ერთი სავალუტო ფონდთან ჩვენი ურთიერთობა, რომელიც მზადაა აღადგინოს შევარდნაძის დროს შეჩერებული მუშაობა. მაისის ბოლოს ჩვენ უნდა გვქონდეს შეჯერებული პროგრამა იმისა, თუ როგორი უნდა იყოს საგადასახადო სისტემა.

მე დარწმუნებული ვარ, რომ სოციალური გადასახადი უნდა შემცირდეს იმიტომ, რომ მოხდეს ხელფასების რეაბილიტაცია.

რაც შეეხება სხვა გადასახადებს, აქ უნდა მოხდეს საერთო კონსესუსის მოძებნა, ეჭვს არ იწვევს, რომ გადასახადების სახეობები უნდა შემცირდეს და იგი უნდა იყოს მარტივი და გასაგები!

ასეთივე გზით უნდა ვიაროთ სხვა მიმართულებებით.

მე გთხოვთ, რომ ეს ორი თვე რამენაირად გავიჭირვოთ, სანამ, არ შეიქმნება ახალი საგადასახადო სისტემა.

ამ ორი თვის განმავლობაში იქნება გადასახადების ამოღება და საგადასახადო ორგანოები ამ მიმართულებით იმუშავებენ. საქართველოში არის მოსახლეობის 50%25, რომელიც ცხოვრობს სიღარიბის ზღვარს ქვემოთ. სოფლებში ბავშვების 60 პროცენტს არ აქვს ფული, რომ შეიძინოს სახელმძღვანელო.

ქვეყანაში 7000-9000-მდე ადამიანი, გიგი წერეთელი დამიდასტურებს, კვდება მხოლოდ იმის გამო, რომ მას არა აქვს ელემენტარული ქირურგიული მკურნალობის ფული.

მე ყველაფერს ვაკეთებ იმისთვის, რომ სახელმწიფომ ნაკლები ხარჯოს თავის მინისტრებზე, მოადგილეებზე... ზუსტად წარმომიდგენია, რამდენი კაცის გადარჩენა შეიძლება იმით, რომ პრეზიდენტი ხვალ ნაკლებად კომფორტული რეისით გაფრინდეს.

თქვენც უნდა გაითვალისწინოთ ეს გადასახადების გადახდის დროს.

ამას ყველაფერს იმიტომ კი არ ვაკეთებ, რომ პოპულისტი ვარ, არამედ იმიტომ, რომ ჩვენი სამშობლო ღაფავს სულს.

როდესაც ყველაფერი გაქვს, ძალიან ადვილია ყველაფერ ამის არდანახვა.

მე მოვიარე საქართველო, 225 ადგილზე გავმართე შეხვედრა საარჩევნო კამპანიის დროს, გუშინ კი სწორედ ჟურნალისტმა მითხრა, რომ რა მაგარი ხარ, როგორ დათანხმდი ამ ჩემს რთულ შეკითხვებსო. იცით რა არის რთული კითხვა? რომ დაჯდებით ქუთაისის საქალაქო რადიოში და ქალი რომ გირეკავთ და გეუბნება, 260 ლარს თუ არ მომცემთ წამლებისთვის, მე მოვკვდები შემდეგ კვირასო. ასეთი ადამიანი არის ბევრად უფრო მეტი, ვიდრე ჩვენ გვგონია. აი ამაზე არ მაქვს პასუხები, და არა იმაზე, თუ რომელი საკონსტიტუციო მოდელი ჯობია.

ამიტომ გთხოვთ, რომ თქვენც გამოიჩინოთ სოციალური სოლიდარობა.

ერთი რამ მინდა იცოდეთ, რომ თითოეული ბიზნესმენის დამცველი ვიქნები მე! მე არ დავუშვებ, რომ ხელები აფათუროს პროკურატურამ.

მეორე მხრივ, არის სისხლის სამართლის საქმეები აღძრული, არის კონკრეტული საეჭვო საქმიანობები, მაგრამ მე არ დავუშვებ იმას, რომ რაიონის პროკურორის თანაშემწემ მოინდომოს ბიზნესმენის შემოწმება რაღაცა თითიდან გამოწოვილი ბრალდებების გამო.

ეს არის ჩემი ფუნქცია და ჩემი ამოცანა ამ ეტაპზე!

დავუშვათ მოვატანინეთ ამათ მოპარული 30 მილიონი, ჩამ მოვართვით სახლები და გადავეცით საბავშვო ბაღებს, ამით ეკონომიკას ხომ ვერ ავაღორძინებთ. ყველაფერი ეს სამართლიანობისთვის კეთდება, რომ ხვალ ახალი მამალაძე არ გაჩნდეს!

რომ იძახიან, რატომ დააკავეს პრეზიდენტის სიძეო, თქვენ არ იცით, რა სახის სუფთა ბიზნესი იყო ეს?

რევოლუციის მესამე დღეს გვირეკავს ერთი დიდი სახელმწიფო საწარმოს დირექტორი და გვეუბნება, რომ ყოველი თვის ბოლოს 500 ათასი დოლარი ჯოხთაბერიძესთან მიმქონდაო - ხვალ მიწევს მიტანა და ვისთან მივიტანო კონკრეტულად ეს თანხაო?

იგი ხომ ჩვეულებრივი რეკეტიორი იყო?!

პირველი ადამიანი, რომელიც მოვა ჩემი სახელით, ჩემი ძმა რომ იყოს იგი და რაღაც პატარა მინიშნებას გააკეთებს, შეგიძლიათ აკრიფოთ ჟვანიას ან ჩუბინიშვილის ტელეფონი და პირობას გაძლევთ, რომ მკაცრად ვაგებინებ პასუხს კანონის წინაშე.

თქვენ უნდა გიცავდეთ კანონი, თქვენი აქტიურობა და თქვე ნი ბიზნეს-მარიფათი.

ნებისმიერი მინისტრი, რომელიც არ შეასრულებს თავის მოვალეობას, გათავისუფლებული იქნება.

ამიტომ ითამაშეთ სხვა თამაშის წესებით!

სახელმწიფოს ჩარევის შიში ბიზნესს არ უნდა ჰქონდეს.

მეორე მხრივ, ჩვენ მოგვიხსენით შიში იმისა, რომ ხვალ შეიძლება ისე ჩამოინგრეს საშემოსავლო ბაზარი, რომ საქართველოში დაიწყოს მშიერი ბუნტი და ხალხი, მართლაც, საბოლოოდ გადავიდეს ჭკუიდან.

საბოლოო ჯამში ჩვენ პარტნიორები ვართ ერთ საკითხში, რომ ჩვენ გვინდა დინამიური, ოპტიმისტური, ეფექტური საქარ რთველო, რომელსაც აქვს პერსპექტივა!

ყველაზე რთული პერიოდი არის ეს 7-8 თვე, იმიტომ, რომ მოლოდინი არის დიდი. დავოსში ყოფნის დროს მეხვეწებოდნენ უცხოელები, გვითხარით, რაში ჩავდოთ ფულიო. მე პირდ დაღებული ვუყურებდი იმიტომ, რომ ის რაც გამატანეს წინა მთავრობის მიერ შექმნილმა სტრუქტურებმა, იყო უბრალოდ დაცინვა და მართლაც არანაირი სურვილი არ მქონდა წამეკითხა ეს!

მე ვიცი, რა უნდა გავაკეთო არმიისთვის, ზოგადი უსაფრთ თხოებისთვის, ენერგეტიკული სუფსიდირებისთვის, მაგრამ არ ვიცი, ზუსტად რა პროექტები უნდა მივცე. ეს უნდა გააკეთოთ თქვენ!

მე გთხოვთ, გამოიყენოთ ჩვენი რესურსები!

ბევრი რამ კეთდება, მაგალითად, თემურ ჭყონიას გულის გასახეთქად, „პეპსის“ ქარხანა გახსნეს თბილისის შემოსასვლელში.

ასევე უნდა იყოს ბევრი სხვა პროექტი, მართალია ზოგისთვის კონკურენტი იქნება, ზოგს თქვენში ჩადებენ.

დააკვირდით რამდენად შორს წავიდა „თიბისი.“

მართლაც იგი არის მსოფლიო დონის ბანკი.

ხომ შესაძლებელი ყოფილა წარმატების მიღწევა?

მე ვარ თქვენი ადვოკატი. სხვათა შორის როდესაც დავიწყე საადვოკატო საქმიანობა, ცუდი ადვოკატი არ ვყოფილვარ. მზად ვარ ვიყო თქვენი საერთაშორისო დონის ადვოკატი!

თქვენც გაითვალისწინეთ, რომ ხართ ამ ქვეყნის მოქალაქეები!

ყველაფერი უნდა გავაკეთოთ, რომ არ იყოს სიღარიბე, არ იყოს უპერსპექტივობა და ადამიანებს ჰქონდეთ ამოსუნთქვის საშუალება!

დიდი მადლობა ყურადღებისათვის!

სახელმწიფო საინფორმაციო სამსახური

გაითვალისწინეთ, რომ ხართ ამ ქვეყნის მოქალაქეები! / საქართველოს პრეზიდენტის მიხეილ სააკაშვილის გამოსვლა ბიზნესმენებთან შეხვედრაზე // 24 საათი. - 2004. - 8 მარტი. - N56 (605). - A1, A6 გვ.

საქართველოს პრეზიდენტის მიმართვა

ბოლო თვეების და კვირების განმავლობაში აჭარაში მასობრივი რეპრესიები მიმდინარეობს. დაპატიმრებულია უდანაშაულო ადამიანები. ჩემი ინფორმაციით, რამდენიმე ადამიანი საერთოდ გაუჩინარებულია. ადამიანებს ცემენ, არბევენ, ხდება სხვა სახით ძალადობის განხორციელება. 15 მარტს ბათუმში ოპოზიციის გამოსვლა იყო დაგეგმილი და ჩემი ინფორმაციით, ამ დღესაც მსგავსი ქმედებების განხორციელება მზადდებოდა. ამ ძალადობის თავიდან ასაცილებლად, ჩემს ხალხთან შესახვედრად, ეს ჩემი კონსტიტუციური უფლებაა, მივიღე გადაწყვეტილება გუშინ გვიან ღამით აჭარაში წავსულიყავი. ამის შესახებ ყველა შესაძლო არხით შეტყობინება გავუგზავნე აჭარის ხელმძღვანელობას, თუმცა უნდა ითქვას, როგორც ჩვენი მინისტრები ამბობდნენ, აჭარის არც ერთი ხელმძღვანელი პირი ტელეფონს არ იღებდა. მათ მშვენივრად იცოდნენ, რომ მოვდიოდი დაცვის თანხლებით, რომელიც შედგება რამდენიმე ათეული ადამიანისგან. მათ შორის არის პატარა 25 კაციანი სპეციალური დანიშნულების რაზმი, რომლის დანიშნულება არა საბრძოლო მოქმედების წარმოება, არამედ საფრთხის პირობებში პრეზიდენტის ევაკუაცია გახლავთ. ჩამოვედი აჭარაში. ჩოლოქზე ჩვენ, მძიმე ტექნიკა, რამდენიმე ასეული ტყვიამფრქვევით და ნაღმმტყორცნით შეიარაღებული ადამიანი დაგვხვდა.

ბოლო წლების განმავლობაში, პრეზიდენტ შევარდნაძის დანაშაულებრივი გულგრილობის პირობებში, ადგილობრივმა ხელისუფლებამ საკუთარი შეიარაღებული ძალები ჩამოაყალიბა, რომლებიც დღეისათვის 1500-მდე სპეციალურად გაწვრთნილ სპეცრაზმელს მოიცავენ. ამ სპეცრაზმელებს ხელმძღვანელობს რუსი გენერალ-მაიორი. მათ მფლობელობაში ოთხი ერთეული ტ-72-ის ტიპის ტანკი, რომელთაგან ორი დღეს ჩოლოქის მიმართულებით იყო განლაგებული და ორი კიდევ კახურის მიმართულებით... დღეს ჩოლოქის გასწვრივ, ზღვის აკვატორიაში ჩემზე დამიზნებული ქვემეხებით აღჭურვილი კატარღები იდგნენ. ამავე კატარღებზეა დამონტაჟებული მეშვიდე კალიბრის ტყვიამფრქვევები. გარდა ამისა, საქართველოს კონსტიტუციის უხეში დარღვევით, საქართველოს შეიარაღებული ძალების 25-ე ბრიგადა საქართველოს უმაღლესი მთავარსარდლის და ქვეყნის დაქვემდებარებიდან გამოვიდა და აჭარის ავტონომიური რესპუბლიკის მეთაურის უკანონო ბრძანებით საბრძოლო მოქმედებაში იქნა მოყვანილი. საქართველოს სასაზღვრო ჯარების კატარღა, რომელიც აჭარის ტერიტორიაზეა, უმაღლესი მთავარსარდლის დაქვემდებარებიდან გამოვიდა და აკვატორიაზე ჩოლოქის გასწვრივ დადგა. აჭარის ავტონომიური რესპუბლიკის მეთაურის უშუალო ბრძანებით, გუშინ და დღეს სამოქალაქო პირებს, იძულების წესით, 1500 ერთეული ავტომატი დაურიგდათ. ავტომატები რუსეთიდანაა შემოტანილი... ქობულეთის გამგებელ ხალვაშის მიერ გუშინ რამდენიმე სოფელში 110 ერთეული ავტომატი დარიგდა. ავტომატები რიგდებოდა ხულოში, ქედაში, შუახევსა და ბათუმში. განსაკუთრებით საგანგაშოა ის ფაქტი, რომ გუშინ დაფიქსირდა 15 ურალის ტიპის სამხედრო მანქანა. მანქანები მთლიანად რუსულად მოლაპარაკე კბილებამდე შეიარაღებული არა ადგილობრივი მოსახლეობით იყო სავსე.

სრულიად აშკარაა, რომ ჩვენ აქ საუბარი გვაქვს არა რაღაც განსხვავებებზე საბაჟოსთან დაკავშირებით, არა რაღაც განსხვავებებზე გადასახადების გადახდასთან დაკავშირებით, საუბარი გვაქვს საქართველოს წინააღმდეგ ამბოხის მოწყობის მცდელობასთან. საქართველო არის დაშლის სრულიად აშკარა საფრთხის წინაშე. ასეთ პირობებში ჩვენ მთელი საზოგადოების მაქსიმალური კონსოლიდაცია გვჭირდება. ყველაფერი გავაკეთე იმისათვის, რომ სისხლისღვრა არ ყოფილიყო. სპეციალურად არ ჩავიყვანე რაზმები, თუმცა მას შემდეგ, რაც ინციდენტი მოხდა, ფოთში შინაგანი ჯარების ბრიგადა საბრძოლო მდგომარეობაში იყო მოყვანილი. ასევე საბრძოლო მდგომარეობაში იქნა მოყვანილი საზღვაო ძალებიც, მაგრამ ჩვენ ისინი ჩვეულ ვითარებაში დავაბრუნეთ, რადგან მიგვაჩნია, რომ დიალოგის ყველა რესურსი ჯერ კიდევ ამოწურული არ არის. ჩემი მთავარი პრიორიტეტია ავიცილოთ საქართველოში ყოველგვარი, თუნდაც მცირე მასშტაბის სისხლისღვრა.

მინდა ვუთხრა იმ ხალხს, ვინც შეიარაღებულია და ემსახურება აჭარაში მოქმედ დაჯგუფებას, რა თქმა უნდა, მათ შორის უცხოეთიდან ჩამოყვანილებიც არიან, მაგრამ 90%25 მაინც ქართველია. მე მინდა, მოგმართოთ თქვენ - მე ვარ თქვენი პრეზიდენტი, მე ვარ საქართველოს პრეზიდენტი. თქვენ გაიძულებენ, აღმართოთ იარაღი საქართველოს წინააღმდეგ. ამაზე დიდი ცოდვა არ არსებობს საქართველოს ისტორიისა და მისი მომავლის წინაშე. ამაზე დიდი ცოდვა არ არსებობს თქვენი შვილების მომავლის წინაშე.

ის რაც დღეს ხდება, მარტო შევარდნაძის ბრალი არ არის. არაფერი არ იქნებოდა, თუ არა პატარ-პატარა გამყიდველი პოლიტიკანების გნიასი. დღეს ყველა გამოჩნდა - ვისაც აქვს ფული აღებული ამ დანაშაულებრივი რეჟიმისგან.

საუბარი მქონდა ასლან აბაშიძესთან. მე მას განვუცხადე: არ შევეგუები იმას, რომ საქართველოს ერთ-ერთმა რეგიონმა ფეხქვეშ გათელოს ადამიანის უფლებები, ცემოს მშვიდობიანი მოქალაქეები, დაარბიოს მიტინგები, გაუსწორდეს განსხვავებულ აზრს, არ შევეგუები იმას, რომ აჭარის ტერიტორიაზე არ ვრცელდებოდეს საქართველოს კონსტიტუცია. მე ვთხოვ თითოეულ ქართველს, ჩემთან ერთად არ შეურიგდეს უტიფრობას, შუასაუკუნოვან ფეოდალიზმს. ქართველებმა უნდა დავძლიოთ შუასაუკუნოვანი ფეოდალიზმი ერთად ისე, როგორც აკეთებდა ამას საქართველო მაშინ, როცა იყო ყველაზე ძლიერი.

მინდა, ვუთხრა თითოეულ აჭარელს - მე ვარ თქვენი სიმშვიდის და სიწყნარის დაცვის გარანტი. მე არ დავუშვებ იმას, რომ აჭარაში ძალადობა იყოს. მე არ დავუშვებ იმას, რომ თქვენს წინააღმდეგ გამოყენებულ იქნას შეიარაღებული ძალა. თითოეული ადამიანის სიცოცხლე და უსაფრთხოება ყველაზე მაღლა დგას.

მე აბაშიძეს ვუთხარი, რომ ვაძლევ მოფიქრების დროს ხვალ საღამომდე იმისათვის, რომ მან გადადგას ნაბიჯები, კერძოდ: მოგვცეს საშუალება მე და საქართველოს მთავრობის ნებისმიერ წევრს, თავისუფლად გადავადგილდეთ აჭარის ტერიტორიაზე და შევხვდეთ ჩვენ ხალხს. მისცეს საშუალება თითოეულ ადამიანს თავისუფლად გამოხატოს თავისი აზრი კონსტიტუციის ფარგლებში და თავისუფლად დააფიქსიროს საარჩევნო ხმის უფლება. მისცეს საშუალება ადამიანებს, თავისუფლად აწარმოონ საარჩევნო აგიტაცია ისე, როგორც ეს საქართველოს სხვა რეგიონებში ხდება. მოგვცეს საშუალება თავისუფლად, წყნარად მოვაგვაროთ ის საკითხები, რომლებიც ეხება არჩევნების დემოკრატიულად ჩატარებას. ამავე დროს, დაიწყოს განიარაღება იმ უკანონო შეიარაღებული ფორმირებების, რომლებიც აჭარაშია შექმნილი. მისცეს საქართველოს ცენტრალურ ხელისუფლებას საშუალება, გააკონტროლოს ის რაც ცენტრის ფუნქციაა - ეს არის საზღვრის კონტროლი, კომუნიკაციების და პორტის კონტროლი.

იმისათვის, რომ არ მივცეთ საშუალება ამ ხალხს გააგრძელოს იგივე ქმედებები საქართველოს წინააღმდეგ, იძულებული ვართ, გადავკეტოთ ამ დანაშაულებრივი რეჟიმის დაფინანსების საშუალებები. მე შევთავაზებ საქართველოს მთავრობას, რომ დაიკეტოს ბათუმის აეროპორტი და ჩაიკეტოს საჰაერო სივრცე აჭარის თავზე. ხვალიდან ჩვენ დავკეტავთ სარფის გამშვებ პუნქტს და ვერც ერთი ტვირთი სარფზე ვერ გადმოინაცვლებს და ვერ გავა საქართველოს სხვა ტერიტორიაზე. ხვალიდან ჩვენ განვახორციელებთ კონტროლს ისე, რომ ვერც ერთი მძიმეწონიანი ტვირთი ვერ გაივლის აჭარის ტერიტორიაზე. ჩვენ დავკეტავთ ასევე აჭარის პორტს. მე შევთავაზებ საქართველოს მთავრობას, გაყინოს ყველა იურიდიული პირის ანგარიში, რომელიც რეგისტრირებულია ადგილობრივი მთავრობის მიერ და გაყინოს მათი ანგარიშები საზღვარგარეთის ბანკებში. მე ასევე მივმართავ მეგობარი ქვეყნების მთავრობებს, - ჩვენ ავღძრავთ სისხლის სამართლის საქმეებს ადამიანის უფლებების დარღვევისთვის ეჭვმიტანილების, ნარკოტიკების ვაჭრობაში ეჭვმიტანილებს, საერთაშორისო დანაშაულებრივ საქმიანობაში ეჭვმიტანილების წინააღმდეგ. ვთხოვთ მათ, მოხდეს ამ პირების დაკავება. ამავდროულად საქართველოს საგარეო საქმეთა სამინისტრო შეწყვეტს სამსახურეობრივი და დიპლომატიური პასპორტების გაცემას იმ ადამიანებზე, რომლებიც მონაწილეობენ ადამიანების უფლებების უხეშ დარღვევაში.

ჩვენი ამოცანაა, დავიცვათ ჩვენი კონსტიტუცია. ჩვენი ამოცანაა, რომ საქართველო არ დაიშალოს მარტივ მამრავლებად. თუ ჩვენ შევეგუეთ ამ უბედურებას, რომელიც დღეს ხდება, ეს იმას ნიშნავს, რომ ჩვენ სამშობლო და მომავალი აღარა გვაქვს, ჩვენ შვილებს მომავალი არა აქვთ. მზად ვარ ნებისმიერ დიალოგზე, მაგრამ ეს არის ხალხი, რომლებთანაც დიალოგს თუ აწარმოებ, სისუსტეში გითვლიან, შენს შანტაჟს ცდილობენ. ვფიქრობ, რომ ეს შანტაჟი უკვე მარტო პრეზიდენტთან კი არა, თითოეულ ქართველთან არ უნდა გავიდეს. მე მინდა, გავაფრთხილო ასლან აბაშიძე, წინასაარჩევნო კამპანიის დროს ერთი თმა თუ ჩამოვარდა ნებისმიერი ოპოზიციონერის თავიდან, მაშინ საქართველოს მთავრობა წავა ძალიან სერიოზული ღონისძიებების გატარებაზე. ჩვენ კონსტიტუციის მიხედვით მოვალე ვართ, დავიცვათ თითოეული ადამიანი, საქართველოს თითოეული მოქალაქე.

მე მინდა, ვუთხრა აჭარლებს - ძმებო, დებო, ნუ გეშინიათ! საქართველოს პრეზიდენტი და მთავრობა დაგიცავთ თითოეულ თქვენგანს. ნუ გეშინიათ ამ უტიფრების.

მინდა ვუთხრა იმ ხალხს, ვინც არის ამ შეიარაღებულ რაზმებში - ნუ შეასრულებთ დანაშაულებრივ ბრძანებებს, ნუ გაისვრით საქართველოს წინააღმდეგ.

მე მინდა, ვუთხრა ადგილობრივი მთავრობის მაღალი რანგის წარმომადგენლებს - სანამ დროა, შეიცვალეთ თქვენი პოზიცია და ითანამშრომლეთ საქართველოს მთავრობასთან და ქართველ ხალხთან. მე მზად ვარ, ყველაფერი დავივიწყო, მაგრამ იმ მომენტიდან, თუ ეს მოვლენები გასცდება ყველა დასაშვებ საზღვარს, ყველა თქვენგანი პასუხს აგებს კანონის წინაშე.

მინდა, ვუთხრა საქართველოს - ჩვენ დაგვაკარგინეს კონტროლი აფხაზეთზე, ჩვენ ვერ ვაკონტროლებთ ცხინვალს... თუ საქართველოს რომელიმე რეგიონში შევურიგდით ამბოხს და ადამიანის ღირსების ფეხქვეშ გათელვას, ხვალ და ზეგ საქართველო აღარ გვექნება. კიდევ ერთხელ მინდა მოგიწოდოთ გაერთიანებისკენ, კონსოლოდაციისკენ. თქვენი პრეზიდენტი თქვენს იმედებს არ გააცრუებს. მე მზად ვარ, რომ ჩემი სიცოცხლის ფასად აღვადგინო საქართველოს ტერიტორიული მთლიანობა. მზად ვარ, ყველაფერი გავაკეთო იმისათვის, რომ იყოს მშვიდობა და რომ ქართველი ხალხი მომავალში აღარასოდეს გახდეს ვინმეს მხრიდან მსგავსი შანტაჟის მსხვერპლი. გავერთიანდეთ იმისათვის, რომ საქართველოს ღირსება აღდგეს, იმისათვის, რომ მთელმა მსოფლიომ დაინახოს - ჩვენ ვართ ერთიანი, ძლიერი ერი, რომელთანაც ასე ლაპარაკი შეუ უძლებელია. მე თქვენი მხარდაჭერის იმედი მაქვს. ერთად ნამდვილად კიდევ ერთხელ მოვახდენთ სასწაულს, კიდევ ერთხელ გავიმარჯვებთ.

გავერთიანდეთ, რათა საქართველოს ღირსება აღდგეს / საქართველოს პრეზიდენტის მიმართვა // 24 საათი. - 2004. - 15 მარტი. - N62 (611). - A1-A2 გვ.

პრეზიდენტის გამოსვლა

დღეს ჩვენ ძალიან მნიშვნელოვანი ღონისძიება გვაქვს.

იცით, რომ „ნაციონალური მოძრაობა - დემოკრატები“ პარლამენტში კონკრეტული პროგრამით მიდის, მაგრამ თავიდანვე მსურს, ნათლად გავარკვიო ჩვენი საარჩევნო სიის თითოეული წევრი: თუ ჩვენ გავიმარჯვებთ და პარლამენტში იმდენ ადგილს მოვიპოვებთ, რაც საკმარისი იქნება კონსტიტუციის შესაცვლელად, პარლამენტი ვეღარ გახდება კრიმინალების თავშესაფარი.

როდესაც უმაღლეს საკანონმდებლო ორგანოში შევიტანე საკონსტიტუციო ცვლილებების პროექტი, პარლამენტმა თითქმის ერთხმად დაუჭირა მხარი ყველა ცვლილებას, გარდა ერთისა - ეს ერთი ეხებოდა პარლამენტარის იმუნიტეტს.

დღევანდელ პარლამენტში არის რამდენიმე წევრი, რომლებსაც თავის დროზე ბრალი ედებოდა სისხლის საქმეთა დანაშაულში, მათ შორის, მკვლელობაში და ადამიანთა გატაცებაში; აღარ ვლაპარაკობ ისეთ „წვრილმანებზე“, როგორიცაა 30-40 მილიონი დოლარის მიტაცება და სხვა. ეს ხალხი 4 წლის განმავლობაში არის ხელშეუხებელი მხოლოდ იმიტომ, რომ ისინი პარლამენტის წევრები არიან. აღარაფერს ვამბობ იმ სამარცხვინო ინციდენტებზე, როგორიც, მაგალითად, გუშინ ქუთაისში მოხდა. დასაკავებელ პირს, ადგილობრივი საკრებულოს თავმჯდომარეს, რომელსაც კონკრეტულ დანაშაულში ედება ბრალი, გამოესარჩლენ პარლამენტის იმუნიტეტით „შეიარაღებული“ ჩვენი „სახელოვანი“ დეპუტატები.

მსურს, საზოგადოებას ვკითხო: თქვენ ეს ხალხი გინდათ, პარლამენტში ხელახლა აირჩიოთ? ისინი, ვინც კანონიერი ქურდების მეთოდებით აპირებენ საზოგადოების მართვას?

აქედან გამომდინარე, გაუგებრობის თავიდან ასაცილებლად, თუმცა კი არც ერთ ჩვენგანში ეჭვი არ მეპარება, ახლავე მოვაწერთ ხელს ამ დეკლარაციას და პარლამენტის პირველსავე სხდომაზე, თავმჯდომარის არჩევის შემდეგ, კონსტიტუციაში პრეზიდენტის მიერ შეტანილი ნორმა გავიდეს, რომელიც პარლამენტის წევრთათვის სისხლის სამართლებრივ იმუნიტეტს გამორიცხავს.

ვფიქრობ, რომ განცხადება ხელმოწერილი იქნება და პირველსავე სხდომაზე ის შემდეგი ფორმულირებით გავა - პარლამენტის წევრი, ისევე, როგორც საქართველოს თითოეული მოქალაქე, აგებს პასუხს მის მიერ ჩადენილ დანაშაულზე და პარლამენტის ნებისმიერი წევრისგან სისხლის სამართლის დანაშაულის ჩადენის იმუნიტეტი და ყოველგვარი გამონაკლისი აბსოლუტურად გამორიცხულია.

დღეს ჩვენ ამას ხელს ვაწერთ და არც ერთმა წევრმა ამას არ უნდა გადაუხვიოს. წინააღმდეგ შემთხვევაში მათ საზოგადოებრიობის რისხვა დაატყდებათ თავს.

მოვუწოდებ ყველა სხვა პოლიტიკურ პარტიას, თუ მათ მართლა სურთ საზოგადოების მხარდაჭერა, ხელი მოაწერონ აღნიშნულ დეკლარაციას. ამ პოლიტიკურმა ძალამ გაბედა და წარმოდგენილ დეკლარაციას ხელს აწერს.

ორიოდე სიტყვით მსურს ავღნიშნო, რომ ამ ერთი კვირის განმავლობაში საზოგადოებასთან შეხვედრებს ინტენსიურად გავმართავთ.

ჩვენი საპროგრამო პოსტულატები ძალაში რჩება.

უკვე ცნობილია, რომ აპრილიდან პენსიები იზრდება, ასევე, სახელმწიფო აპარატის მუშაკისთვის ხელფასების გაზრდასაც ვიწყებთ და შემდეგი ეტაპი საბიუჯეტო ორგანიზაციების მუშაკთათვის ხელფასების მომატება და შემოსავლების ზრდა იქნება.

ამავდროულად მოგახსენებთ, რომ ამჟამად ინტენსიური მუშაობა მიმდინარეობს საგადასახადო კოდექსის დასახვეწად და რასაც საზოგადოებას დავპირდით, რასაც აქამდე განუხრელად ვასრულებდით, შესრულდება არჩევნების შემდეგაც.

ეს ნებისმიერი ჩვენთაგანისთვის ცალკე საუბრის თემაა.

დღევანდელი განცხადება თითოეული ამომრჩევლისთვის არის ცნობა იმის შესახებ, რომ ახალი პარლამენტის შეკრებისთანავე ძველი პარლამენტის კრიმინალებსაც მოევლებათ და ახალსაც, თუ ასეთები აღმოჩნდებიან. მათ ყველას გენერალ ლურ პროკურორთან, ირაკლი ოქრუაშვილთან ელოდებიან.

პარლამენტარებს ექნებათ ზუსტად ისეთივე იმუნიტეტი, როგორიც ამერიკის შეერთებული შტატების კონგრესის წევრებს - მათ კი იმუნიტეტი არ აქვთ. ამერიკაში ცხოვრობს 200 მილიონზე მეტი ადამიანი, საქართველოში კი 5 მილიონზე ნაკლები. თუმცა, რატომღაც, გვყავს დიდი რაოდენობით ხალხი, რომლებსაც ჰგონიათ, რომ ისინი საზოგადოებაზე მაღლა დგანან.

თუ მოსახლეობა მხარს დაგვიჭერს, ამას ერთხელ და სამუდამოდ მოეღება ბოლო.

სახელმწიფო საინფორმაციო სამსახური

კრიმინალებს ოქრუაშვილთან ელიან / პრეზიდენტის გამოსვლა // 24 საათი. - 2004. - 22 მარტი. - N68 (617). - A8 გვ.

საქართველოს პრეზიდენტის გამოსვლა
საგარეო საქმეთა მინისტრის წარდგენაზე

მოგესალმებით!

როგორც წესი, მინისტრების წარდგენა ხდება პრემიერ-მინისტრის მიერ.

მე გავაკეთე განსაკუთრებული გამონაკლისი ქალბატონ სალომესთან დაკავშირებით, ვინაიდან მიმაჩნია, რომ ეს არის მართლაც ისტორიული დღე ქართული საგარეო პოლიტიკისთვის!

ჩვენი გადაწყვეტილება, რომ საქართველოს საგარეო საქმეთა მინისტრად დანიშნულიყო ქალბატონი სალომე, ერთ დღეში არ მომზადებულა.

ამისთვის ქვეყანას უნდა გაევლო განვითარების ეტაპები.

ქალბატონი სალომე წარმოადგენს იმ ნაწილს საქართველოსი, რომელიც ბოლშევიკური ოკუპაციის დროს საქართველოსთვის პრაქტიკულად დაკარგული იყო.

საქართველოს უკანასკნელი თორმეტი წელი მართავდა თაობა, რომლისთვისაც ქართული ემიგრაცია იყო მტრის ხატთან გაიგივებული!

მე მინდა გაგიმხილოთ ერთი საიდუმლო!

ქალბატონ სალომესთან დაკავშირებით, პირველად 1996 წლის ბოლოს ვესაუბრე პრეზიდენტ შევარდნაძეს და ვთხოვე, რომ განეხილა მისი საქართველოს დიპლომატიურ სამსახურში გამოყენების საკითხი, მაგრამ მაშინ შევხვდი უკიდურესად ცივ რეაქციას და უკიდურესად გულგრილ დამოკიდებულებას.

მე მივხვდი, რომ პრინციპში ეს მთავრობა თავისი მენტალიტეტით იყო ძველი მთავრობის სამართალმემკვიდრე!

ჩემთვის ძალიან მნიშვნელოვანია, რომ პრეზიდენტ შირაკთან საუბრის შემდეგ მიღებული იქნა ეს გადაწყვეტილება!

მნიშვნელოვანია ისიც, რომ ქალბატონი სალომე არა მხოლოდ ფრანგულ დიპლომატიას წარმოადგენს ზოგადად, არამედ ძალიან კარგად იცნობს მთავარ მიმართულებას დღევანდელი საქართველოს საგარეო პოლიტიკისა. ეს არის ევროპაში ინტეგრაცია. იგი კარგად იცნობს მეორე მთავარ მიმართულებას. ეს არის რუსეთთან მჭიდრო და მეგობრული დამოკიდებულება და კარგად იცნობს ჩვენს მთავარ მოკავშირ რესთან - აშშ-სთან ურთიერთობის პრობლემატიკას!

იგი ჩემსავით სწავლობდა ნიუ-იორკის კოლუმბიის უნივერსიტეტში, მუშაობდა ვაშინგტონში, საელჩოში.

მე ასევე მინდა დიდი მადლობა გადავუხადო საქართველოს საგარეო საქმეთა წინა მინისტრებს, განსაკუთრებით ბატონ ირაკლი მენაღარიშვილს, რომელიც მრავალი წლის განმავლობაში ხელმძღვანელობდა სამინისტროს. მიმაჩნია, რომ მან ძალიან ბევრი გააკეთა, რათა ქართული დიპლომატიური კორპუსი ჩამოყალიბებულიყო!

ასევე მადლობა მინდა გადავუხადო ბატონ თედო ჯაფარიძეს. მიმაჩნია, რომ ბატონმა თედომ ჯერ კიდევ 1992 წელს ძალიან მნიშვნელოვანი როლი ითამაშა ქართული დიპლომატიის პირველი ნაბიჯების გადადგმაში, შემდეგ მან ვაშინგტონში უნიკალური როლი ითამაშა საქართველო-ამერიკის დაახლოებაში და ახლა ბოლო დღეებშიც დიდი პასუხისმგებლობით ეკიდებოდა თავის მოვალეობას, როგორც საქართველოს საგარეო საქმეთა მინისტრი.

ამავე დროს, მინდა გითხრათ, რომ აქ სამინისტროში არიან ძალიან მაღალი კლასის პროფესიონალები.

სამინისტრო უნდა ჩამოყალიბდეს ბევრად უფრო მოქნილ სტრუქტურად, რეალურად უნდა ავამუშაოთ როტაციის მექანიზმი, უნდა გაიზარდოს ხელფასები! მიუხედავად იმისა, რომ არიან მართლაც პროფესიონალები, მე შემიძლია ვიმსჯელო სამინისტროს დონით და იმ დოკუმენტაციით, რომელსაც მიმზადებდნენ ოფიციალური შეხვედრებისთვის. ხშირად ამ დოკუმენტაციის დონე ვერანაირ კრიტიკას ვერ უძლებს! ხშირ შემთხვევაში, ეს არის ფორმალურად მომზადებული დოკუმენტი.

მე კარგად მახსოვს, როდესაც პირველად წავედი დავოსში, როდესაც ოფიციალურად ჯერ არ ვიყავი პრეზიდენტი, მომაწოდეს რამდენიმე დოკუმენტი და ყველაში ეწერა ერთი და იგივე: „ჩვენ გვინდა კარგი და მეგობრული ურთიერთობები რუსეთთან.“

ეს არის ის, რასაც ამზადებენ შეხვედრებისთვის.

მე მაინტერესებს, კონკრეტულად რა პრობლემები გვაქვს ნავთობისა და ტელეკომუნიკაციის სფეროში.

ასე ჩვენ ვერ ვიმუშავებთ!

ისევე, როგორც მე არ მჭირდება მომზადებული ფრაზები, რა უნდა ვილაპარაკო!

გარწმუნებთ, ლაპარაკი არავიზე ნაკლებად არ ვიცი!

მე მჭირდება კონკრეტული თემატიკა, დაკონკრეტება იმისა, თუ რა მიმართულებებია და თუ რა პრიორიტეტებია!

საბავშვო ბაღი საგარეო პოლიტიკაში უნდა დამთავრდეს!

მართალი გითხრათ, მე მიმაჩნია, რომ სამწუხაროდ, სათანადოდ ვერ ფასდებოდნენ ის პროფესიონალები, რომლებიც იყვნენ სამინისტროში. ამ პროფესიონალებს უნდა მივცეთ საშუალება, რომ უკეთესად გამოხატონ თავისი პოლიტიკა.

რა არის ჩვენი პოლიტიკის მთავარი მიმართულებები?

ეს არის, პირველ რიგში, საქართველოს ინტეგრაცია ევროპის კავშირში და ევროპის სტრუქტურებში!

ჩვენ ახლახან გახლდით ბრატისლავაში და უნდა გითხრათ, რომ არავის ამდენი არ ულაპარაკია არც ერთ ქვეყანაზე, რამდენიც საქართველოზე.

დღეს, დღის წესრიგში დგას მთავარი თემა - ზოგადად დაინტერესება სამხრეთ კავკასიით. ჩვენი რევოლუციის შედეგად მივაღწიეთ იმას, რომ სამხრეთ კავკასია ერთვება ფართო ევროპის სამეგობრო ინიციატივაში, ევროკავშირის გაფართოების გეგმაში, მაგრამ, ამავე დროს, ჩვენი მთავარი ამოცანა არის ის, რომ შევძლოთ საქართველოს საკითხის დაყენება!

და დღეს ევროკავშირში სრულიად ნათლად დგას საქართველოს საკითხი!

რას ნიშნავს ეს საქართველოსთვის?

ეს ნიშნავს იმას, რომ თუ ჩვენ მოვახერხებთ 6-7 წლის განმავლობაში ამ საკითხის გადაწყვეტას, საქართველო გახდება ჩვეულებრივი, ნორმალური და განვითარებული სახელმწიფო!

რითი მიიღწევა ეს?

პირველ რიგში ჩვენ შიდა პოლიტიკური სტაბილურობა უნდა მოვიპოვოთ, უნდა მოვახერხოთ ყველა საკამათო საკითხის ქვეყნის შიგნით გადაწყვეტა, ყოველ შემთხვევაში, ძირითადი კონტურების მოხაზვა, ეკონომიკის განვითარება!

ჩვენ აღარ ვკრიფავთ გადასახადებს ქაღალდზე, როგორც ამას წინა მთავრობა აკეთებდა, ჩვენ ვითხოვთ ყველგან ფულს, ფულის ნიშნებს.

შემდეგ ამ ფულის ნიშნებს ვანაწილებთ პენსიებში, ხელფასებში და ეს გვაძლევს საშუალებას, რომ სახელმწიფო აპარატის თანამშრომლებს და არა ცალკეულ მინისტრებს, უკვე შემდეგი თვიდან ხელფასები გავუზარდოთ - ზოგს შვიდჯერ და ზოგს რვაჯერ.

მეორე საკითხი არის, რაღა თქმა უნდა, აშშ-სთან ჩვენი მეგობრობა, ვინაიდან აშშ მხარში დაგვიდგა სწორედ მაშინ, როდესაც ყველაზე მეტად უჭირდა საქართველოს!

ამიტომ ქართველ ხალხს ეს არასოდეს უნდა დაავიწყდეს!

დღეს აშშ საქართველოს უსაფრთხოების სტრუქტურების ჩამოყალიბებაში და შეიარაღებული ძალების შექმნაში ეხმარება!

აშშ გვეხმარება ენერგეტიკის რეფორმირებაში და სხვა მნიშვნელოვანი საკითხების მოგვარებაში!

პრეზიდენტმა ბუშმა მიწოდა პირადი მეგობარი და ეს დიდი პატივია ჩემთვის, მაგრამ რა თქმა უნდა, მე პოლიტიკაში, განსხვავებით ჩემი წინამორბედისგან, პირად მეგობრებს არ ვეძებ. მე ყველგან ვეძებ საქართველოს მეგობრებს!

დღეს საქართველოს ჰყავს ძალიან ბევრი მეგობარი!

ჩვენი ურთიერთობა რუსეთთან:

ჩვენ ჩამოვაყალიბეთ ძალიან კეთილგანწყობილი და თბილი დამოკიდებულება რუსეთის პრეზიდენტთან!

მიმაჩნია, რომ ეს არის უნიჭიერესი ხელმძღვანელი და ფართო მასშტაბის პოლიტიკოსი!

ჩვენი ურთიერთობის პირველი გამოცდა იყო ის მოვლენები, რომელიც განვითარდა აჭარაში!

მინდა გითხრათ, რომ რუსეთის თავშეკავებულმა პოზიციამ ბევრწილად განსაზღვრა ის, რომ პრაქტიკულად, თავგასულმა ადგილობრივმა ჩინოვნიკმა დაიხია უკან და აღიარა ის, რაც არის საღიარებელი, რომ საქართველოს ცენტრალური ხელისუფლება უნდა აკონტროლებდეს ქვეყნის მთელ ტერიტორიას!

ეს იყო დავა იმაზე, იქნება თუ არა საქართველოში ერთიანი დემოკრატიული პოლიტიკური სისტემა, იქნება თუ არა ერთიანი სახელმწიფო სტრუქტურები და ადამიანების თავისუფალი გადაადგილება.

ამ სიტუაციაში რუსეთის კეთილგონივრული და თავშეკავებული დამოკიდებულება ჩვენთვის ძალიან მნიშვნელოვანი სიგნალი იყო იმისა, რომ პრაქტიკულად გაჩნდა შესაძლებლობა სრულიად ახალი რუსულ-ქართული ურთიერთობების ჩამოყალიბებისა!

პრობლემა იყო ჩვენი წინა ხელისუფლებისა ის, რომ არც ერთ შეთანხმებას ჩვენი მხრიდან არ ვასრულებდით!

მნიშვნელოვანია, რომ ყველა აღებული ვალდებულება საქართველომ შეასრულოს, მაგრამ, ასევე, რა თქმა უნდა, ჩვენ ველით, რომ რუსეთის მხარე ჩამოაყალიბებს ახალ პოლიტიკას და ახალ მიდგომას ქართული მხარის მიმართ!

რუსეთი არის ჩვენი დიდი პარტნიორი, რუსეთი არის ჩვენი მთავარი ბაზარი, რომლის გარეშეც ქართული ეკონომიკის განვითარება წარმოუდგენელია!

ამის გამოუყენებლობა დანაშაულია საქართველოს ნებისმიერი ხელმძღვანელისთვის!

ჩვენი ურთიერთობები სხვა მეზობლებთან:

ეს არის ურთიერთობები თურქეთთან!

მაგალითად, აჭარის სიტუაციამ სრულიად ნათლად დაგვანახა, ჩვენი რა დონის მეგობარია თურქეთი!

თურქეთის მთავრობამ იმავე დღეს თქვა, რომ ყველანაირ სიტუაციაში ის იქნება საქართველოს ცენტრალური ხელისუფლების მხარეს!

ადგილობრივი რეგიონის ყველანაირი ურთიერთობა გავა მხოლოდ თბილისის გავლით და საქართველოს ცენტრალური ხელისუფლების ნებართვით!

თურქეთმა განაცხადა, რომ როგორი ნაბიჯიც უნდა გადავდგათ აჭარაში, ყველა ნაბიჯს იგი გაგებით შეხვდება!

ეს არის ნამდვილი მეგობრობა და ნამდვილი თანადგომა!

თურქეთში უზარმაზარი კაპიტალია, რომელიც უნდა შემოვიდეს ქართულ მცირე და საშუალო ბიზნესში!

თურქეთი გვეხმარება უსაფრთხოების სტრუქტურების ჩამოყალიბებაში!

ყველაზე კარგი სპეციალური დანიშნულების რაზმი, რომელიც საქართველოში მინახავს, კოჯრის ბატალიონია, რომელიც თავიდან ბოლომდე თურქების ეკიპირებული და მომზადებულია, ისევე, როგორც საქართველოს შინაგანი ჯარის სპეციალური ბრიგადა!

ასეთივეა ჩვენი ურთიერთობები სომხეთთან და აზერბაიჯანთან!

მე მართლაც ბედნიერი ვარ იმ კონტაქტებით, რომელიც ჩამომიყალიბდა ამ ქვეყნის პრეზიდენტებთან!

ჩვენ ვართ ერთი რეგიონი. თუ სამხრეთ კავკასია არ გაერ რთიანდა, ყოველგვარ ევროპაზე საუბარი ზედმეტი იქნება!

ჩვენ გვინდა ერთიანი ტარიფები, ერთიანი საკანონმდებლო სივრცე; ის, რომ საწარმო, რომელიც რეგისტრირებული იქნება სომხეთში, ავტომატურად ჩაითვალოს რეგისტრირებულად საქართველოში და პირიქით!

თავისუფლად უნდა შეეძლოს ოპერირება მთელს ეკონომიკურ სივრცეს, იმისთვის, რომ დამყარდეს კავშირი ინვესტიციებს შორის. ფული, რომელიც ჩაიდება საქართველოში, ჩაიდოს სომხეთსა და აზერბაიჯანში და პირიქით!

ხალხი თავისუფლად უნდა გადაადგილდებოდეს!

ტვირთები თავისუფლად უნდა გადაადგილდებოდეს!

მნიშვნელოვანია ჩვენი ორმხრივი ურთიერთობები ევროპულ ქვეყნებთან! მთავარი არის ის, რომ ჩვენ შევძლოთ მომავალი ურთიერთობების აწყობა!

რა იყო ჩვენი პრობლემა?

ჩავდივართ, მოველაპარაკებით, ერთმანეთს გადავკოცნით, ყველაფერზე შევთანხმდებით და მერე იგივეს ვაგრძელებთ!

სწორედ ამიტომ ჩემი ვიზიტების წყება გაცნობითი იყო და ინტენსიურ ხასიათს ატარებდა!

შემდეგ წელიწადში იქნება 4-5 ოფიციალური ვიზიტი და დანარჩენი იქნება ამ ვიზიტების შედეგების რეალიზება!

ყოველი სპეციალური რეისი, დაახლოებით, 80 ათასი დოლარი ჯდება, მაგრამ რამდენი თანხა ჩამოვიტანეთ ამის ხარჯზე.

ბერლინიდან 12 მილიონი ევრო, ამერიკაში ჩაფრენა დაგვიჯდა 150 ათასი დოლარი, მაგრამ იმედი გვაქვს, რომ მომავალში 170-200 მილიონი დოლარის დახმარებას მივიღებთ.

ხალხს იმის დანახვა კი არ სურს, რომ ტაში დაუკრეს სააკაშვილს საერთაშორისო არენაზე, ხალხს სურს დაინახოს ის, თუ რამდენი ლარით მოემატება პენსია, რამდენი ახალი სამუშაო ადგილი შეიქმნება, რამდენი ახალი ბიზნესი შეიქმნება!

ეს არის ის, რისი დანახვაც ქართულ საზოგადოებას უნდა!

ზღაპრები, რომ გავა ნავთობსადენი და ავშენდებით, ხალხს არ აინტერესებს!

გადის ნავთობსადენი, რატომ არ ვშენდებით?

ნავთობსადენი ძალიან მნიშვნელოვანია, მაგრამ მას უნდა მოჰყვეს ინტერესი და ეს განხორციელდება, თუ საქართველოში არ იქნება კორუმპირებული გარემო.

ის, რომ გადის ერთი მილსადენი, არაფერს ნიშნავს!

მაგრამ, ძალიან მნიშვნელოვანია, რომ ეს პროექტი მივიდეს ბოლომდე და ამისთვის ყველაფერს გავაკეთებ!

ვიცი, რომ ხელის შეშლაც მრავლად იქნება, მაგრამ ყველაფერი უნდა გავაკეთოთ, რათა ხელი ვერ შეგვიშალონ!

ამავე დროს, უნდა გვესმოდეს, რომ მშიერ ბავშვს ნავთობით ვერ გააძღობ.

ეს ყველაფერი ქვეყნის ფუნქციონირებაზეა დამოკიდებული!

ჩვენ ვართ ძალიან რთულ გეოპოლიტიკურ სიტუაციაში. ჩვენ ვართ პატარა ქვეყანა, რომელსაც მიღებული აქვს ძალიან მძიმე მემკვიდრეობა. უნდა გავძლოთ და გავიმარჯვოთ!

მაგრამ, ამ საკითხში გვჭირდება ყველა მეზობელთან, ყველა მეგობართან, ყველა ჩვენს პარტნიორთან მჭიდრო ურთიერთობები!

საქართველო ხდება მოთამაშე საერთაშორისო ურთიერთობებში! ამის ნათელი დასტურია ის, რომ სადაც ვიყავი, ყველაზე მეტს საქართველოზე საუბრობდნენ.

იმისთვის, რომ საქართველოში ტურისტები მოვიზიდოთ, ქვეყნის ტურისტული მარშრუტები უნდა იყოს მსოფლიოს ტურისტული სააგენტოების მესამედის მხედველობის არეში მაინც.

ჩვენთვის მთავარია, რომ შევქმნათ ეს ინფრასტრუქტურა, შევინარჩუნოთ სტაბილურობა, მოვიზიდოთ ინვესტიციები და თითოეულმა საელჩომ იცოდეს, რომ ის ცალკე ფეოდალური სამეგობრო კი არ არის, თითოეული საელჩო - ეს არის საქარ რთველოს ინტერესების დამცველი!

თითოეულმა საელჩომ უნდა თქვას, რამდენი ტურისტის შემოყვანა შეუძლია, რამდენის შემოყვანა შეგვიძლია, სიტყვაზე, სვანეთში, აჭარაში, რამდენი ადამიანი შეგვიძლია დავაინტერესოთ ბუნებრივი და მინერალური რესურსების განვითარებით.

თუ ეს არ იქნა, მაშინ საერთოდ მუშაობა შეფასდება ცუდად. იმიტომ, რომ უბრალოდ ქაღალდების შეგროვება არ მაინტერესებს! მე უნდა ვიცოდე, რამდენი ბიზნესმენი ჩამოვა საქართველოში, ამ ბიზნესმენებს რამდენი ფულის ჩადება მოუნდებათ! აქამდე ამ ყველაფერს ერთეულები აკეთებდნენ!

ასე მაგალითად: ჩამოსული იყო ამერიკელი ინვესტორების ჯგუფი, შევახვედრეთ ჩვენ მინისტრებს და რა მოხდა - ჩვენი მინისტრები ერთ კუთხეში დადგნენ სასაუბროდ, კიდევ კარგი იქ აღმოჩნდა ჩემი თანაშემწე ნატო ყანჩელი, რომელიც მათ ესაუბრა და ამის შედეგად 15-20 მილიონის ჩადების გარანტიები მივიღეთ და რამდენიმე მილიონი უკვე წამოსულია!

მაგრამ ეს მინისტრები, რომლებიც კუთხეში დადგნენ, დიდ ხანს მინისტრებად არ უნდა დარჩნენ, თუ არ ისწავლიან სხვანაირად მუშაობას! ის დიპლომატები, რომლებიც ამაზე არ მუშაობენ, ვერ დარჩებიან საქართველოს დიპლომატიურ სამსახურში!

ამიტომ, მე მინდა, რომ ყველამ გავითვალისწინოთ: იწყება სრულიად ახალი ერა მთლიანად ქართული დიპლომატიის ისტორიაში!

ჩვენ დიდი დრო არ გვაქვს!

ის შესაძლებლობების ფანჯარა, რომელიც ახლა გაიღო, შეიძლება ისე მიიკეტოს, რომ შიგნით მოგვყვეს ხელიც, ფეხიც და თავიც!

ამას ყოველდღიური მუშაობა სჭირდება!

ჩვენ უნდა მივაღწიოთ, რომ საქართველოს ჰქონდეს ასიმეტრიული სავაჭრო ბერკეტები, რათა ჩვენი პოზიციის შენარჩუნება შევძლოთ!

შემდეგი ეტაპი არის ის, რომ პარტნიორებთან გავაფორმოთ ისეთი ხელშეკრულება, რომელიც საშუალებას მოგვცემს, შეგვეძლოს ეკონომიკური დახმარების მიღება, შეგვეძლოს ინტეგ რაცია.

დაბოლოს, რა თქმა უნდა, ჩვენი საიდუმლო იარაღი არის ქალბატონი სალომე ზურაბიშვილი, რომელიც უკვე საიდუმლოს აღარ წარმოადგენს!

ვიცი, რომ ამ საკითხთან დაკავშირებით მრავალი ჭორი და ვარაუდი დადიოდა. მაგალითად, ხომ არ ნიშნავს ეს, რომ ჩვენ გავუუცხოვდებით რუსეთს, იმიტომ, რომ საგარეო საქმიანობაში მთლიანად ევროპული ვექტორი იქნება.

მინდა გითხრათ, რომ ქალბატონი სალომე არის საქართველოს საგარეო საქმეთა მინისტრი. იგი არის ერთ-ერთი ყველაზე პატრიოტი, ერთ-ერთი ყველაზე მნიშვნელოვანი ქართული ოჯახის წარმომადგენელი. ქალბატონი სალომეს საგარეო მინისტრად დანიშვნა ნამდვილი ქართული ოცნების ასრულებაა!

ამიტომ მისი პოლიტიკა საქართველოს მომავლისკენ მიმართული პოლიტიკა იქნება!

მე ვამაყობ, რომ ჩვენს ქვეყანას ჰყავს ამგვარი კვალიფიკაციის მინისტრი, ნამდვილი საერთაშორისო ვარსკვლავი!

ვამაყობ, რომ ჩვენ ვართ ქვეყანა, რომელმაც დაიწყო მოძრაობა პროგრესისკენ, ქვეყანა, რომელსაც გაუჩნდა განვითარების პერსპექტივები.

ეს არის, რისი თქმაც დღეს მსურდა და ჩემთვის დიდი პატივია ამ კედლებში ყოფნა!

ვაპირებთ საგარეო საქმეთა სამინისტროს შევუცვალოთ შენობა იმიტომ, რომ ამ სამინისტროს უნდა ჰქონდეს საუკეთესო შენობა, ვინაიდან ეს არის საქართველოს სახე, აქ არიან საუკეთესო კადრები, ამ ხალხს უნდა საუკეთესო პირობების შექმნა!

ჩვენი ამოცანაა, საქართველოს სახე იყოს ყოველთვის ამაყი და საქართველო, როგორც ყოველთვის, იწვევდეს აღფრთოვანებას გარე სამყაროში!

ჩემთვის დიდი პატივია წარმოგიდგინოთ ქალბატონი სალომე მინისტრად!

მინდა, მივესალმო უცხოეთის დიპლომატიური კორპუსის წარმომადგენლებს! დიდი მადლობა, რომ ასე სწრაფად გამოეხმაურეთ ჩვენს თხოვნას და მობრძანდით. უნდა გვესმოდეს, რომ ჩვენთვის ურთიერთობა ყველა ქვეყანასთან ძალიან მნიშვნელოვანია!

ასე რომ, ქალბატონო სალომე, ახლა ყველაფერი თქვენზეა, თქვენს მარიფათზე, თქვენს გამბედაობაზე, თქვენს არაორდინალურ გადაწყვეტილებაზე!

დიდი მადლობა ყურადღებისათვის!

სახელმწიფო საინფორმაციო სამსახური

ვამაყობ, რომ ჩვენს ქვეყანას ჰყავს ამგვარი კვალიფიკაციის მინისტრი / საქართველოს პრეზიდენტის გამოსვლა საგარეო საქმეთა მინისტრის წარდგენაზე // 24 საათი. - 2004. - 23 მარტი. - N69 (618). - A8 გვ.

მინდა მოგმართოთ კვირას დაგეგმილ საპარლამენტო არჩევნებთან დაკავშირებით. ვფიქრობ, ხვალ მოფიქრების დღეა, ამიტომ გადავწყვიტე მივმართო ჩვენს ხალხს პარასკევ საღამოს.

ვფიქრობ, ჩვენმა ქვეყანამ დიდი დრო და დიდი გზა განვლო ნოემბრის მოვლენების შემდეგ. საპრეზიდენტო არჩევნების შემდეგ ბოლო ორი თვის განმავლობაში, საქართველოში მოხდა მართლაც სერიოზული შემობრუნება. ვფიქრობ, პირველად საქართველოში გაჩნდა ხელისუფლება, რომელმაც თითოეული მოქალაქის ინტერესი დააყენა უფრო მაღლა, ვიდრე საკუთარი გამორჩენა. პირველად გაჩნდა ტენდენცია, რომ ნებისმიერ ადამიანს მოვეპყროთ პატივისცემით, ნებისმიერი ადამიანი ჩავრთოთ ქვეყნის მშენებლობაში; თითოეულმა ადამიანმა იგრძნოს, რომ კანონი არის არა მარტო რჩეულთათვის, არამედ კანონი იცავს მათ, სახელმწიფო აპარატი იცავს მათ. ყველა მოხელემ დაინახა, რომ მთავარი, რაც მას მოეთხოვება, არის პატიოსანი, კეთილსინდისიერი მუშაობა და ჩვენ არ მოვითმენთ კორუმპირებულებს, არ მოვითმენთ ჩვენი მოქალაქეებ ბის დამცირებას.

მინდა ვთქვა, რომ განუზომლად გაიზარდა საქართველოს საერთაშორისო ავტორიტეტი. რეალურად გაჩნდა შესაძლებლობა იმისა, რომ საქართველო უახლოეს მომავალში დაუახლოვდეს და გახდეს კანდიდატი ევროპის კავშირის წევრობისა. ჩვენ მოვახერხეთ ჩვენს მეზობლებთან ბევრად უფრო მჭიდრო და ადამიანური ურთიერთობების დამყარება, რაც პრაქტიკულად არ მომხდარა ჩვენი დამოუკიდებლობის შემდგომი მთელი პერიოდის განმავლობაში.

ჩვენ, ასევე, შევძელით სასიკეთო შემობრუნება ეკონომიკის კუთხით. საქართველოში იზრდება პენსია. ხელფასები და პენსიები ძირითადად გაიცემა დროზე, რაც არ ყოფილა მრავალი წლის განმავლობაში. უკვე მაისის თვეში, როგორც დაგპირდით, შემოვიღებთ ახალ საგადასახადო კოდექსს, რომელშიც მკვეთრად გამარტივდება საგადასახადო ვალდებულებები, რათა ყველა ქართველს მიეცეს საშუალება, გახდეს მეწარმე, ჰქონდეს თავისი ბიზნესი. მათი დამცველი იქნება კანონი და პირადად პრეზიდენტი.

პარლამენტი არის ძალიან მნიშვნელოვანი ორგანო. პარლამენტს შეუძლია მართლაც სერიოზულ რეფორმებს დაუდოს დასაბამი ჩვენი ეკონომიკის განვითარების კუთხით, კანონის უზენაესობის და დემოკრატიის განმტკიცების კუთხით და, იმავე დროს, შეიძლება გახდეს ყველა სასიკეთო ცვლილებების მესაფლავეც. ამიტომ ვთხოვ თითოეულ ჩვენს მოქალაქეს განსაკუთრებული ყურადღებით მოეკიდოს საპარლამენტო არჩევნებს. ნუ ჩათვლით, რომ არჩევნების ბედი გადაწყვეტილია იმიტომ, რომ თითოეული დეპუტატის ყოფნა პარლამენტში არის მნიშვნელოვანი ქვეყნის მომავალი განვითარებისთვის. ის, თუ როგორი იქნება ეს ხალხი, როგორი პოლიტიკოსები მოხვდებიან პარლამენტში, არის გადამწყვეტი, რათა ქვეყანამ გააგრძელოს ნორმალური გზით სიარული და ის პერსპექტივა, რომელიც გაუჩნდა თითოეულ ქართველს, მართლაც გახდეს შეუქცევადი და შევძლოთ დასახული მიზნების მიღწევა.

სამწუხაროდ, ყველგან ერთდროულად და ერთნაირად კარგად არ მიმდინარეობს საარჩევნო კამპანია. არის სერიოზული პრობლემები აჭარის ავტონომიური რესპუბლიკის ტერიტორიაზე. თუმცა, ჩვენი შეთანხმების შემდეგ, ბათუმში ბოლო დღეებში გარკვეული დადებითი ტენდენციები შეიმჩნეოდა კამპანიის თავისუფლად წარმოების კუთხით. ამავე დროს, რამდენიმე ადგილობრივ პოლიტიკოსს ამ წუთშიც კი არ უშვებენ საკუთარ ხალხთან საარჩევნო კამპანიის ჩასატარებლად. მინდა ვუთხრა ჩემს ერთგულ თანამოქალაქეებს, ჩემს საყვარელ აჭარლებს: ძმებო, ნუ შეგეშინდებათ! დღეს თქვენზე არის ძალიან ბევრი რამ დამოკიდებული. დღეს თქვენს გამბედაობას უყურებს არა მხოლოდ საქართველო, არამედ მთელი მსოფლიო. ასეულობით უცხოელი დამკვირვებელი დაიძრა დღეს აჭარისკენ. ნუ შეშინდებით შეიარაღებული ხალხისაც კი! იფიქრეთ თქვენი და თქვენი შვილების მომავალზე! იფიქრეთ იმაზე, რომ მათ ჰქონდეთ საქართველოში ცხოვრების საშუალება! ამავე დროს, მინდა გითხრათ, რომ კვირას მე ვაგზავნი საქართველოს პრემიერ-მინისტრს ზურაბ ჟვანიას, მთავრობის წევრებთან ერთად აჭარაში, რათა იქ აწარმოოს დაკვირვება არჩევნების პროცესზე და დადგეს თქვენს გვერდით, იმისათვის, რომ არ დაირღვეს თქვენი უფლებები.

მინდა ვუთხრა საქართველოს მთელ ტერიტორიაზე თანამდებობის ყველა პირს: არ მოვითმენ არჩევნების გაყალბებას, საქართველოში უნდა ჩატარდეს ნამდვილად თავისუფალი, გამჭვირვალე, დემოკრატიული არჩევნები! ერთხელ და სამუდამოდ უნდა შევქმნათ ის სტანდარტი, რომლის მიხედვითაც საქართველოში ამომრჩეველთა ხმები არ იპარება. ჩვენ ამ საპარლამენტო არჩევნების შემდეგ წინ გვაქვს ადგილობრივი არჩევნები და ყველამ უნდა ვისწავლოთ, რომ არჩევნები - ეს არის ჩვენი ყველაზე აქტიური მონაწილეობის ფორმა ქვეყნის აღმშენებლობაში. ცალკე ვერც მე და ვერც ჩემი ერთგული თანამებრძოლები ქვეყანას ვერ შევქმნით, თუ თითოეულმა ქართველმა, საქართველოს თითოეულმა მოქალაქემ, არ მიიღო მონაწილეობა საქართველოს აღმშენებლობაში. საქართველო ყველამ უნდა შევქმნათ საკუთარი ხელით, ყველამ უნდა ვიმუშაოთ იმაზე, რომ საქართველოში იყოს კეთილდღეობა, რომ გაჩნდეს ახალი შესაძლებლობები ყველა ასაკის ადამიანებისთვის.

მე ძალიან დიდი იმედი მაქვს თქვენი აქტიურობის და თქვენი მოქალაქეობრივი პოზიციის ამ საპარლამენტო არჩევნებზე.

მინდა მივმართო ყველა ადამიანს, ვინც ცხოვრობს საქართველოში, მიუხედავად მათი წარმომავლობისა: ეს არის ჩვენი ერთობლივი სამშობლო, ჩვენი ერთიანი სამშობლო და ჩვენ მას აუცილებლად ვაქცევთ წარმატებულ, განვითარებულ ქვეყანად, სადაც არ იქნებიან გაჭირვებულები, დამცირებულები: ადამიანები, ვისაც არ აქვს წამლის ფული, განათლების მიღების ელემენტარული საშუალება. მე ყოველთვის ვიქნები გაჭირვებულების და დაუცველების გვერდით, მე ყოველთვის ვიფიქრებ იმაზე, რომ თითოეულ ბავშვს ჰქონდეს იმის საშუალება, რომ მიიღოს ადეკვატური განათლება, შეექმნას ნორმალური მომავალი, ყოველ ადამიანს ჰქონდეს თავისი შემოქმედებითი პოტენციალის რეალიზების საშუალება, როგორც ბიზნესში, ისე ეკონომიკის სხვადასხვა სფეროში. მაგრამ ამაში თქვენი დახმარება გვჭირდება.

კვირის არჩევნებში არის ტესტი თითოეული ჩვენი მოქალაქისთვის და, ასევე - ჩვენი პოლიტიკოსებისთვის. მინდა იყოს ცივილიზებული არჩევნები, არჩევნები, რომლის შემდეგაც გაგრძელდება დიალოგი ყველაზე პატარა ჯგუფთანაც კი. მაგრამ, ამავე დროს, გადამწყვეტი ჩვენი ქვეყნის ბედის არიან არა პოლიტიკოსები; ჩვენ არ უნდა დაუშვათ ის, რომ პარლამენტში იყოს კერძო ინტერესების ლობირება, არ უნდა დაუშვათ ის, რომ პარლამენტში მხოლოდ საკუთარი ინტერესების დასაცავად მიდიოდნენ, საკუთარი რაღაც ჯგუფის შეყვანა მოახერხონ ხმაურიანი ლოზუნგების და პოპულარული სახელების საფარქვეშ. იმიტომ რომ, საბოლოო ჯამში, პარლამენტი და მთელი ხელის სუფლება უნდა იყოს ხალხის ინტერესების წარმომადგენელი და ხალხის ინტერესების დამცველი. თუ თქვენ იქნებით აქტიური კვირას, ჩვენ ამას ერთობლივი ძალით შევძლებთ და უზრუნველვყობთ ჩვენს უკეთეს მომავალს.

ღმერთი იყოს ჩვენი ქვეყნის - საქართველოს მფარველი!

პრეზიდენტის მიმართვა ქართველ ხალხს // 24 საათი. - 2004. - 27 მარტი. - N73 (622). - A1, A8 გვ.

მინდა საბოლოოდ შევაჯამოთ ის, რაც ეხება არჩევნებს.

რა თქმა უნდა, შედეგების დაფიქსირება ცენტრალური საარჩევნო კომისიის საქმეა, მაგრამ ძალიან ბედნიერი ვარ, რადგან ბოლო 12 წლის განმავლობაში საერთაშორისო ორგანიზაციებმა პირველად დააფიქსირეს, რომ საქართველოში არჩევნები ჩატარდა პრაქტიკულად ევროპული სტანდარტების დონეზე!

ასეთი შეფასება საპარლამენტო არჩევნებს არსად არ ჰქონია მთელს პოსტსაბჭოთა სივრცეზე, არც ერთ ყოფილ საბჭოთა რესპუბლიკაში, რა თქმა უნდა, ბალტიის ქვეყნების გარდა.

ამ მხრივ საქართველო სრულიად განსაკუთრებულ სიტუაციაში ექცევა და მინდა, დიდი მადლობა გადავუხადო საარჩევნო კომისიების იმ წევრებს, რომელთაც ჩვენი სიღარიბის და პრობლემების მიუხედავად ყველაფერი გააკეთეს იმისათვის, რომ მიეცათ მთელი რეგიონისთვის და ბევრი სხვა ქვეყნისთვის გაკვეთილი იმისა, როგორ უნდა ტარდებოდეს არჩევნები!

ჩემი ამბიციაა, რომ საქართველო თანდათან გახდეს ნორმალური, ევროპულ სტანდარტებთან მიახლოებული ქვეყანა!

რა თქმა უნდა, პირველ რიგში ეს ეხება ცხოვრების დონეს და ამაზე ძალიან ბევრი სამუშაო გვაქვს, მაგრამ არჩევნები ერთ-ერთი მთავარი მაჩვენებელი იყო!

მე უბრალოდ გამიხარდა, რომ დღეს ყველა უცხოელმა დამკვირვებელმა და ევროთათბირმა ერთხმად დააფიქსირა ეს პროგრესი.

ეს არის თითოეული ქართველი ამომრჩევლის გამარჯვება და ვფიქრობ, ძალიან მნიშვნელოვანი ეტაპი საქართველოს საერთაშორისო ავტორიტეტის ამაღლებაში!

ამავე დროს, მინდა ცალკე მივმართო ჩვენს მოქალაქეებს აჭარაში!

მინდა, ვუთხრა მათ გულწრფელი და გულითადი, ჩემი პირადი დიდი მადლობა!

მიუხედავად იმისა, რომ აჭარა სავსეა შეიარაღებული ბანდიტებით!

მიუხედავად იმისა, რომ ეს ხალხი იმყოფება გამგებლების, პოლიციის უფროსების, სხვადასხვა დონის ხელმძღვანელების წნეხში!

მიუხედავად იმისა, რომ მთელი წინა საარჩევნო კამპანია აჭარაში პრაქტიკულად ჩაიშალა, იმიტომ, რომ მთელი ამ კვირების განმავლობაში, არჩევნების დღის ჩათვლით, იქ იყო გამოცხადებული უკანონოდ საგანგებო მდგომარეობა, რაც ეწინააღმდეგება საქართველოს კონსტიტუციას და პირდაპირი გამოწვევაა კანონიერების რეჟიმისა საქართველოში!

იმის გამო, რომ იქ იყო საქართველოს პრემიერ-მინისტრი, რომელმაც ძალიან კარგად იმუშავა, იმის გამო, რომ იქ იყო ძალიან ბევრი საერთაშორისო დამკვირვებელი - მაგრამ მთავარი მაინც ხალხის გამბედაობა და აქტიურობა იყო - არჩევნების ტოტალური გაყალბება პირველად საქართველოს დამოუკიდებლობის მოპოვების შემდეგ აჭარაში ვეღარ მოხერხდა.

იყო ძალიან სერიოზული გაყალბება, განსაკუთრებით მაღალმთიან აჭარაში, იყო სერიოზული შეტაკებებიც!

თუ წინა არჩევნებში ადგილობრივმა ხელისუფლებამ დაიწერა ხმების ასი პროცენტი, მაგალითად წინა არჩევნებზე მათ დაიწერეს 360 ათასი ხმა, ამ არჩევნებზე ვერ შეძლეს დაახლოებით 60 ათას ხმაზე მეტის დაფიქსირება!

ეს არ არის მათი კეთილი ნების დამსახურება!

სამწუხაროდ, ადგილობრივი ხელმძღვანელობის არანაირი განსაკუთრებული იმედი არ მაქვს!

ჩემო ძვირფასო აჭარლებო, ეს იყო თქვენი გამბედაობის და თავდადებულობის გამოხატულება!

მინდა, კიდევ ერთხელ დიდი მადლობა გითხრათ ამისთვის!

ამას ძალიან დიდ გამარჯვებად ვაფასებ!

ეს ნიშნავს, რომ დემოკრატიზაციის პროცესი აჭარაშიც შეუქცევადია!

მინდა ეს მოგილოცოთ, თუმცა გითხრათ, რომ რა თქმა უნდა, წინ დიდი ბრძოლა გვაქვს!

ბრძოლა ბანდიტების განიარაღებისთვის და მინდა ისინი გავაფრთხილო, მათთან არ იქნება არანაირი კომპრომისი, ან ახლავე დააწყობენ იარაღს, ან მე შესაბამის ნაბიჯებს გადავდგამ!

იარაღი ექნება მხოლოდ საქართველოს ოფიციალურ ფორმირებებს!

მე შევიტანე, აგრეთვე, პარლამენტში კანონი და როგორც კი იგი შეიკრიბება, მას მიიღებს იმის თაობაზე, რომ აჭარის უშიშროების სამინისტრო გაუქმდეს და ის ფორმირებები, რომელიც სამინისტროს გააჩნია, უკანონოდ შეიარაღებულ და ბანდიტურ ფორმირებად გამოცხადდეს!

ეს არის ჩვენი მიდგომა აჭარისადმი, ჩვენი მიდგომა ზოგადად საქართველოსადმი!

საქართველოში ერთხელ და სამუდამოდ უნდა დამყარდეს კანონის უზენაესობა!

მინდა კიდევ ერთხელ სიამოვნებით აღვნიშნო ის შეფასებები, რომელიც არის, ამავე დროს, მინდა ვთქვა, რომ რა თქმა უნდა, საქართველოში სრულ დემოკრატიამდე კიდევ ძალიან დიდი გზაა გასავლელი!

ჩვენ მრავალი ბრძოლა გვაქვს კიდევ გადასატანი!

რა თქმა უნდა, არ იქნება სულ ასეთი იდეალური სიტუაცია, როგორიც ამ შემთხვევაში ჩემთან დაკავშირებულ პოლიტიკურ ძალას შეექმნა, მომავალში ბევრად მეტი პლურალიზმი იქნება, მაგრამ მთავარია, რომ ეს იყოს ნამდვილი ქართული დემოკრატიის გამოვლინება!

გუშინ საქართველომ, ძველი ეპოქისგან განსხვავებით, დიდი ნახტომი გააკეთა!

ასეთია მთელი მსოფლიოს ერთსულოვანი აზრი!

საქართველოს პრეზიდენტის განცხადება // 24 საათი. - 2004. - 30 მარტი. - N75 (624). - A1-A2 გვ.

საქართველოს პრეზიდენტმა ტრადიციას არც გუშინ უღალატა და საგანგებო პრესკონფერენცია გვიან საღამოს გამართა. მიხეილ სააკაშვილმა ჟურნალისტებთან საუბრისას საკმაოდ დიდი დრო აჭარის ავტონომიასა და ცენტრს შორის გამწვავებულ ურთიერთობას დაუთმო და კიდევ ერთხელ განაცხადა არაერთგზის თქმული: იგი არ დაუშვებს საქართველოს ერთ-ერთ რეგიონში ფეოდალების თარეშს. ცენტრი არ შეეგუება ვითარების უფრო მეტად გამწვავებას, მუშავდება პრობლემის გადაჭრის რამდენიმე სცენარი, მაგრამ ყველაფერი კანონის ჩარჩოში, მშვიდობიანი გზით უნდა მოხდეს და ავტონომიაში ერთხელ და სამუდამოდ დასრულდეს თავგასული ადამიანების თარეში - ეს პრეზიდენტის ერთ-ერთი მთავარი გზავნილია.

„მე აჭარის არცერთ მაცხოვრებელს არ მივატოვებ. ჩვენ პრობლემა არ გვაქვს აჭარასთან და არც აჭარის მაცხოვრებლებთან. ყველა კომპეტენტური, ნორმალური ადამიანი უნდა იყოს დაწინაურებული, გაეხსნას ახალი შესაძლებლობები. ისინი ჩვენი საზოგადოებისა და ჩვენი პოლიტიკური სპექტრის განუყოფელი ნაწილი არიან. მე მაქვს პრობლემა რამდენიმე ადამიანთან, განსაკუთრებით - ასლან აბაშიძესთან. ყველას ვუწვდი ხელს, ყველას შეუძლია კიდევ ჰქონდეს შანსი, მაგრამ რაღაც წერტილის შემდეგ შეიძლება ზღვარი გადაილახოს,“- აცხადებს საქართველოს პრეზიდენტი და იქვე დასძენს, რომ დაძაბული ატმოსფეროს განსამუხტავად, აუცილებელია მკაფიოდ განისაზღვროს ცენტრსა და რეგიონს შორის უფლებამოსილებები. „მე შევთავაზე ავტონომიის ხელმძღვანელობას - მივიღოთ კანონი უფლებამოსილებების გამიჯვნის შესახებ. ბუნებრივია, ამ კანონში ჩაიწერება, რომ არავის აქვს უფლება, ჰყავდეს კერძო არმია, აკონტროლებდეს საბაჟოს. ასეთი უფლება მსოფლიოს არც ერთ ქვეყანაში არც ერთ ავტონომიას არ აქვს. ამასთან, მე განვაცხადე, რომ აჭარას ექნება ფართო ადგილობრივი თვითმმართველობა. რამდენიმე დღეში ზურაბ ჟვანია მიემგზავრება აჭარაში, ადგილობრივ ხელმძღვანელობასთან ამ კანონის განსახილველად, მეც უახლოეს კვირებში ჩავალ“, - ამბობს პრეზიდენტი და იქვე თავის წინამორბედს იხსენებს, რომლის წყალობითაც, ცენტრსა და აჭარის ავტონომიას შორის ამდენი პრობლემა დაგროვდა.

მიხეილ სააკაშვილი პირდაპირ, ღიად ადანაშაულებს ედუარდ შევარდნაძეს იმაში, რომ აჭარის ხელმძღვანელმა შექმნა კერძო არმია, მათ ფულს უხდის საბაჟოდან და ტერმინალიდან შემოსული თანხიდან. როგორც სააკაშვილი აცხადებს, ეს თანხა წელიწადში 200 მილიონ დოლარს შეადგენს. „ამ ფულით იყიდეს ტანკები, ყუმბარმტყორცნები, ვერტმფრენები. ეს ყველაფერი იმისთვის მზადდება, რომ ქართულ სახელმწიფოს შემოუბრუნონ. ჩვენ გვინდა ამ სიტუაციის კანონიერად და მშვიდობიანად გადაწყვეტა. არც ერთი ჩვენგანი არ არის მოწოდებული, რომ კიდევ უფრო გაურთულოს იქ ცხოვრება უბრალო ადამიანებს, მაგრამ ჩვენ არ დაუშვებთ, რომ საქართველოს ამ ტერიტორიაზე, პრაქტიკულად, იყოს დიქტატურა,“ - ამბობს მიხეილ სააკაშვილი, რომლის თქმითაც, აჭარის ტერიტორიაზე გარკვეულმა ადამიანებმა შექმნეს მტრული ბანაკი, არღვევენ ადამიანის უფლებებს, და ეს, ფაქტობრივად, დიქტატორული რეჟიმია საქართველოს ტერიტორიაზე.

„ყველას მინდა ვუთხრა, ვინც იქ არის, ვისაც ავტომატი და ყუმბარმტყორცნი აქვს და ვინც ახლა სხედან სანაპიროზე ქვემეხებთან, რათა ქართული დროშის ქვეშ მცურავ გემებს ესროლონ, იმ ხალხს, ვინც უკანონო პატიმრებს აჩერებს ციხეში, იმ ხალხს, ვინც არჩევნებზე სცემდა ადამიანებს - კიდევ არის დრო. შესაძლოა, კიდევ ყველაფერი გეპატიოთ. ჩვენ არავის მიმართ არ ვაპირებთ შურისძიებას. თუმცა, იმავე წუთს, როგორც კი თქვენ კონკრეტული ადამიანებისა და, მით უმეტეს, ქართული სახელმწიფოს წინააღმდეგ გადახვალთ პირდაპირ ძალადობაზე, მერე უკან დასახევი გზა აღარ გექნებათ. ყველანი დაფიქრდით ამაზე,“ - აფრთხილებს საქართველოს პრეზიდენტი პოლიტიკურ ოპონენტებს.

რაც შეეხება ასლან აბაშიძეს და მის გარემოცვას. მიხეილ სააკაშვილი კიდევ ერთხელ იმეორებს, რომ მათი აღზევება ექსპრეზიდენტ შევარდნაძის „დამსახურებაა.“ მისი განცხადებით, მსოფლიოში არ არსებობს არც ერთი დემოკრატიული ავტონომია, სადაც ავტონომიის ხელმძღვანელობა ფლობს საბაჟოს და ფლობს პირადად. პრეზიდენტის თქმით, პრაქტიკულად, ორი-სამი ადამიანის ხელშია საბაჟო, ფლოტი. მიხეილ სააკაშვილი აჭარაში საეჭვო საერთაშორისო კავშირებზეც საუბრობს და ღიად ამბობს, რომ ავტონომიის ტერიტორიაზე ნარკოტიკებით ვაჭრობაც მიმდინარეობს.

„საქართველოში არ შეიძლება იყოს ორი არმია, სხვადასხვა ხელმძღვანელობის ქვეშ, და ორი უშიშროება. ასე საქართველო საბოლოოდ დაიშლება. მე იმედი მაქვს, პირველ რიგში, თავად აჭარლების. ამ ხალხმა უნდა უთხრას პრეზიდენტს: ნუ გვიყენებთ ცოცხალ ფარად და საეჭვო და ბინძურ თამაშებში. საქართველო ერთიანია. არავინ ეხება არც ავტონომიას და არც თვითმმართველობას, მაგრამ ავტონომია და თვითმმართველობა უნდა იყოს აჭარელი ხალხის და არა ერთი თავგასული და ერთმმართველი ფეოდალის. პროვოკაციები და საქართველოს ბედთან თამაში უნდა დასრულდეს,“ - ასე მიმართავს პრეზიდენტი აჭარის მოსახლეობას.

მიმართავს ასლან აბაშიძეს, რომელიც, პრეზიდენტის მტკიცებით, რამდენიმე მილიონ დოლარს უხდის უცხოურ პიარ-კომპანიებს საქართველოს წინააღმდეგ შავი პიარის ასაგორებლად:

„ბატონო ასლან, მე არ მეშინია ამ სტატიების. რამდენიც გინდათ, წერეთ და იკითხეთ, რადგან სიმართლე ქართველმა ხალხმა იცის და ნუ ხარჯავთ ფულს. ჯობს, მოუწყეთ თქვენ ხალხს პატარა ზეიმი მაინც, ჯობს, ერთი გზა მაინც დააგეთ ბათუმში, ჯობს, პენსიონერებს მიეცით დანამატი, სკოლები მოაწყეთ უკეთესად, მართლა ააშენეთ საბავშვო ბაღები და გაარემონტეთ სამედიცინო დაწესებულებები. მე დარწმუნებული ვარ, რომ მაინც შევძლებთ ვითარების შემობრუნებას. ჩვენ ვემზადებით ყველანაირი სცენარისთვის, მაგრამ, რა თქმა უნდა, მაქსიმალურად ნაკლები დანაკარგებით მოსახლეობისთვის, ეკონომიკისთვის, თითოეული ადამიანისთვის.“

ამასთან, საქართველოს პრეზიდენტი „სასაცილოს“ უწოდებს ასლან აბაშიძის განზრახვას ავტონომიის ტერიტორიაზე რეფერენდუმის ჩატარების თაობაზე. „მთელი მსოფლიო ახლა ჩვენ გვიყურებს და ამით ასლან აბაშიძე თავს სასაცილო მდგომარეობაში ჩაიგდებს,“ - ამბობს მიხეილ სააკაშვილი.

რუსუდან ნიკურაძე

მიხეილ სააკაშვილი: ბატონო ასლან, რამდენიც გინდათ, წერეთ და იკითხეთ! // 24 საათი. - 2004. - 3 აპრილი. - N75 (628). - A1-A2 გვ.

მსურს კმაყოფილება გამოვხატო, რადგან ქვეყნის მთავრობამ, ასე თუ ისე, ააწყო მუშაობა და პირველი აშკარა გაუმჯობესება სახეზეა.

უწინარეს ყოვლისა, ეს გამოვლინდა მართლწესრიგის კუთხით და ეს ჩვენი მთავარი მიღწევაა.

აღვნიშნავ იმ წარმატებულ ოპერაციებს, რომელთა შედეგად საქართველოში აღარ ხდება ადამიანთა გატაცება; განადგურდა მსხვილი კრიმინალური ბანდები, ავტორიტეტები, რომლებიც აკონტროლებდნენ სამარშრუტო ტაქსების ბიზნესს, მკვლელების დიდი ბრიგადები ლიკვიდირებულია.

საგულისხმოა ისიც, რომ დაიხვეწა დანაშაულთან ბრძოლის მეთოდები და მიუხედავად იმისა, რომ ჯერ შორსაა იდეალურისგ გან, აქაც შეიმჩნევა პროგრესი.

წესრიგი ნელ-ნელა მყარდება.

ამის ნათელი მაგალითია ქუჩის ბაზრობები.

წლების განმავლობაში ქუჩის ვაჭრობის აღკვეთა შეუძლებლად მიაჩნდათ, ჩვენ კი ამ პრობლემის გადასაჭრელად მხოლოდ 3-4 დღე დაგვჭირდა.

საზოგადოება ამას ხედავს და მისგან მხარდაჭერაც გვაქვს.

მდგომარეობა გაუმჯობესდა ფინანსურ სფეროში, რაც საქართველოს ფინანსთა მინისტრის ზურაბ ნოღაიდელის ენერგიული მუშაობის დამსახურებაა.

ქაღალდზე გეგმა გადაჭარბებულია 120-130 პროცენტით, რეალურად კი ბევრად მეტით.

ეს იმიტომ, რომ განხორციელდა მთავარი რეფორმა - გაუქმდა ჩათვლების ინსტიტუტი და გადასახადები აიკრიფა ფულის ნიშნებით.

ჩვენ აღარ ვიტყუებთ თავს და არც პარტნიორ ქვეყნებს ვატყუებთ.

ეს შესაძლებლობას გვაძლევს მკვეთრად გაიზარდოს სხვად დასხვა დარგში ხარჯები, პენსიები, ხელფასები და დაიწყოს ძველი დავალიანებების გასტუმრება, რაც შეეხება სოციალურ ვალდებულებებს, მთავარია აღრიცხვიანობის მოწესრიგება.

საქართველოში არ არის იმდენი დევნილი, რამდენიც აღრიცხულია - ეს ხალხი ქვეყნის ფარგლებს გარეთ იმყოფება და მათ შემწეობას არც ერთი სამთავრობო მუშაკი არ უნდა იღებდეს.

გაძლევთ დავალებას, რომ საქართველოში აღრიცხულ დევნილთა რაოდენობა, მინიმუმ, 20 პროცენტით შემცირდეს, რაც საშუალებას მოგვცემს, ზაფხულამდე, თითქმის ორჯერ გავზარდოთ მათი შემწეობა.

აქედან გამომდინარე, ეს ჩვენი ერთ-ერთი მთავარი ამოცანაა.

მეორე საკითხი ფინანსური სამსახურების მუშაობას ეხება.

უდავოა, რომ ამ მხრივ გაუმჯობესება სახეზეა, თუმცა, ჩემი ინფორმაციით, საბაჟო სამსახურში სრული ვაკხანალიაა.

ეტყობა, საბაჟოს მუშაკებმა გაიგეს ჩვენი მიდგომა და ამიტომ, ვთხოვ შინაგან საქმეთა მინისტრს და გენერალურ პროკურორს, შეისწავლონ საბაჟო სამსახურების მუშაობა.

გავალებთ, რომ უახლოეს კვირებში, საბაჟო სტრუქტურებში, პოლიციისა და პროკურატურის მეშვეობით, დაიწყოს „წმენდა“ და ყოველი არაკეთილსინდისიერი მებაჟე მიეცეს პასუხისგებაში.

სავარაუდოდ, ამ ხალხმა ვერ გაიგო, რას ვითხოვთ - იმ უწესრიგობას, რაც შევარდნაძის დროს ხდებოდა, აღარ დავუშვებთ, თითოეულ დამრღვევს ბოლომდე მივყვებით.

ჩვენი წარმომადგენლები უკვე წავიდნენ აჭარის ავტონომიური რესპუბლიკის საბაჟო-გამშვებ პუნქტზე, რათა იქ განსაკუთრებული კონტროლი დავაწესოთ.

ჩვენი ინფორმაციით, აჭარაში ნავთობისა და სხვა საქონლის ექსპორტიდან, ასევე საიმპორტო ოპერაციებიდან ყოველწლიურად ბიუჯეტს 200 მილიონი დოლარი აკლდება და ეს ფული ადგილობრივი ხელმძღვანელობის ჯიბეში მიდის.

ეს თანხა უნდა დაუბრუნდეს სახელმწიფოს და ამიტომ ქმედითი ნაბიჯები უნდა გადავდგეთ. ამ თვალსაზრისით, პრობლემა აღარ გვექნება, თუ ერთიანნი ვიქნებით.

ჩვენი მთავარი მიღწევაა ის, რომ მთავრობის წევრები კოორდინირებულად და მჭიდროდ თანამშრომლობენ, რაც პრემიერ-მინისტრისა და მთავრობის თითოეული წევრის დამსახურებაა.

ასეთი რამ, დამოუკიდებლობის შემდეგ, საქართველოში არ მახსოვს, მაგრამ გაუმჯობესებას კიდევ ველით.

აღსანიშნავია, რომ საკმაოდ კარგად ამუშავდა ფინანსური პოლიციაც.

სამწუხაროა, რომ ამას წინათ, ქვემო ქართლში მოხდა შეტაკება, როდესაც პოლიციის თანამშრომლები მოაცილებდნენ ასეულ ათასობით ღირებულების კონტრაბანდულ ტვირთს. ფინანსური პოლიციის გამოჩენისთანავე მათ ტვირთი მიატოვეს, გაიქცნენ და მიიმალნენ. მოვითხოვ, რომ დამნაშავეები „ჩირგვებიდან“ გამოიყვანონ და შესაბამისი ადგილი მიუჩინონ.

ჩვენ ხელფასებს ვუზრდით საბაჟო და საგადასახადო სტრუქტურების, ასევე პოლიციის თანამშრომლებს და ამიტომ მათ უკანონო თარეშს ბოლო უნდა მოეღოს.

ეს საფინანსო პოლიციის თანამშრომლებსაც ეხებათ.

ყველამ უნდა გაიგოს, რომ რასაც ვიტყვით, იმას გავაკეთებთ კიდეც.

ამას შესაძლოა თვეები დასჭირდეს, მაგრამ ვფიქრობ, რომ თავს გავართმევთ.

სერიოზულად უნდა გადავხედოთ საგადასახადო კოდექსს და ამისთვის ვემზადებით კიდეც. ეს აუცილებელია ხელსაყრელი საინვესტიციო გარემოს შესაქმნელად და ასევე საერთაშორისო სავალუტო ფონდთან შესათანხმებლად. თუმცა უდავოა, რომ, ნებისმიერ შემთხვევაში, გადასახადების რაოდენობაც უნდა შემცირდეს და განაკვეთებიც. ეს კი უნდა მოხდეს არაუგვიანეს მაისისა, რათა ზაფხულში უკვე ახალი კოდექსით ვიხელმძღვანელოთ. გადადება არ შეიძლება.

რაც შეეხება უცხოელ ინვესტორებს, ხალხმა უნდა გაიგოს, რამდენად მნიშვნელოვანია მათთან მუშაობა.

საქართველოში არ უშვებენ უცხოურ ავიაკომპანიებს.

ავიაციის დეპარტამენტი პრივატიზებული აქვს პირთა ჯგუფს, რომლებიც თავიანთი სურვილის მიხედვით გასცემენ ან არ გასცემენ ფრენის ნებართვებს.

სახელმწიფო პირები საბოტაჟზე გადადიან, რადგან მათ ხელფასს უხდის კერძო პირი, რომელიც დაინტერესებულია იმით, რომ საქართველოში არ არსებობდეს ჯანსაღი კონკურენცია და თავისუფალი მიმოსვლა.

ერთხელ და სამუდამოდ ეს უნდა დასრულდეს.

ინფრასტრუქტურის მინისტრს ვავალებ, რომ კანონის ფარგლებში ყველა უცხოურ ავიაკომპანიას მიეცეს ფრენის საშუალება, რადგან სწორედ ამაზეა დამოკიდებული ახალი ინვესტიციების მოზიდვა და ახალი სამუშაო ადგილების უზრუნველყოფა. ამით საქართველოს იმიჯიც ბევრად გაიზრდება.

იმ პირობებში, როდესაც არსებობს ხალხი, რომელიც უზარმაზარ თანხას იხდის საქართველოს შესახებ ნეგატიური ინფორმაციის გავრცელებაში, ჩვენ ასეთი პოზიტიური მაგალითები გვჭირდება.

ამ დავალების შესრულებას პირადად გავაკონტროლებ და ვითხოვ, რომ ბრიტანულ ავიაკომპანიას მიეცეს ფრენის საშუალება, ჩვენი ქვეყნის ინტერესების გათვალისწინებით.

არ უნდა დავივიწყოთ, რომ პოზიტიური შედეგების მიუხედავად, ქვეყანაში ჯერ კიდევ გვაქვს გადაუჭრელი პრობლემები, რომლებიც ადამიანთა უფლებების დაცვას, დემოკრატიასა და სახელმწიფოებრიობას ეხება. ამ მხრივ აჭარის ავტონომიურ რესპუბლიკაში შექმნილი ვითარება ცალკე მსჯელობის საგანია. ქართული სახელმწიფოებრიობის კონსოლიდაცია ხდება, მაგრამ აჭარაში არსებული განუკითხაობა უნდა აღიკვეთოს.

ჩვენ არ ვართ ბანანის რესპუბლიკა და ხალხი, რომელსაც ასეთ ქვეყანაში სურს ცხოვრება, განვითარებულ მოვლენებზე ძალიან ნერვიულობს, ვგულისხმობ ადგილობრივ ხელისუფლებას.

ჯერ კიდევ არ არის გვიან და ვთავაზობთ მათ, რომ შეცვალონ „თამაშის“ წესები და ქართული სახელმწიფოებრივი ინტერესებიდან გამომდინარე იმოქმედონ.

ბევრჯერ მითქვამს და ვიმეორებ, რომ არცერთ აჭარელს არ დავაჩაგვრინებ არც ცენტრალური და, მით უმეტეს, არც ადგილობრივი ხელისუფლების წარმომადგენლებს. აჭარის მოსახლეობა საქართველოს ისეთივე განუყოფელი ნაწილია, როგორიც სხვა ნებისმიერი კუთხის მცხოვრებლები.

საგულისხმოა, რომ საქართველო ვერ იქნება ეკონომიკურად წარმატებული და სახელმწიფოებრივად კონსოლიდირებული მანამ, სანამ აჭარაში ასეთი ვითარებაა.

მეორე მხრივ, ჩვენ ვერ დავუშვებთ, ამ რეგიონში ადამიანის უფლებები იზღუდებოდეს და ფეხქვეშ ითელებოდეს მხოლოდ იმის გამო, რომ ვიღაცას თავისი მატერიალური და მონოპოლიური მდგომარეობის შენარჩუნება სურს.

ჩვენ დიდი სამუშაო გვაქვს შესასრულებელი. განსაკუთრებით მსურს ავღნიშნო, რომ ენერგეტიკაში წელს სერიოზული პრობლემები გვაქვს, თუმცა ისიც უნდა ითქვას, რომ დედაქალაქი (ზოგიერთ უბანში გრაფიკს თუ არ ჩავთვლით) ასეთი განათებული 1993 წლის შემდეგ არ ყოფილა.

ეს ენერგეტიკის მინისტრისა და იმ ურთიერთობების დამსახურებაა, რომელიც მეზობელ ქვეყნებთან ჩამოყალიბდა.

შემოდგომისთვის ვგეგმავთ, რომ დანარჩენი საქართველოც განათდეს. არც იმის თქმა შეიძლება და ხალხს ვერ მოვატყუებ, რომ ელექტროენერგიის მიწოდება 24-საათიანი გრაფიკის პირობებში იქნება შესაძლებელი, თუმცა მდგომარეობა საგრძნობლად გაუმჯობესდება.

ამიტომ გთხოვთ, შეიმუშაოთ სერიოზული ღონისძიებები, რათა ხალხმა იცოდეს, რისი იმედი შეიძლება ჰქონდეს.

ჩვენი ამოცანაა, შევინარჩუნოთ წესიერი მთავრობა და მადლობა ღმერთს, რომ ამას, ჯერჯერობით ვახერხებთ.

ისიც ყველამ ვიცით, რომ როგორც კი რამე მოხდება, ხალხში არ დაიმალება და, ამ შემთხვევაში, ჩვენვე უნდა ავტეხოთ განგაში.

თითოეულმა ჩვენგანმა უნდა იმუშაოს იმაზე, რომ ცალკეულ დარგებში კიდევ უფრო მეტ შედეგს მიაღწიოს.

ეს ძალიან მნიშვნელოვანია.

დაბოლოს, საჭიროა კოორდინაცია ახალ პარლამენტთან, რათა შეიქმნას ურთიერთობის ახალი მოდელი, რათა ძველის მსგავსად, მინისტრს აღარ შეეძლოს დეპუტატის მოსყიდვა და პირიქით.

ჩვენი მუშაობა შეფასდება საბოლოო შედეგების მიხედვით.

უსამართლო კრიტიკის კი ნუ შეგეშინდებათ, რადგან, როგორც წესი, კარგად ჩანს, როდის არის კრიტიკა სამართლიანი და გულისტკივილით გამოწვეული.

ამ მხრივ მეც, პრემიერ-მინისტრიც და, დარწმუნებული ვარ, პარლამენტის მომავალი თავმჯდომარეც უსამართლო შემოტევებისაგან თქვენი, მთავრობის დამცველები ვიქნებით.

თუმცა პასუხისმგებლობა პარლამენტის წინაშე ისეთივე უნდა გვქონდეს, როგორც ხალხის წინაშე.

ბევრად უფრო მნიშვნელოვანი და ნაყოფიერია ხალხთან კონტაქტი, ვიდრე კაბინეტებში ორსაათიანი თათბირები, ამიტომ თითოეულ თქვენგანს მოვუწოდებ, იაროს რაიონებში, ქალაქებში, ქუჩებში, ეზოებში და ადგილზე გაეცნოს ხალხის პრობლემებს. ჩვენ პატარა ქვეყანა გვაქვს და, შესაბამისად, შესაძლებელია, რომ საზოგადოებასთან კონტაქტი მუდმივად გვქონდეს.

ჩვენ სახალხო მთავრობა ვართ.

ჩვენ ის მთავრობა ვართ, რომელსაც ხალხმა ნდობა გამოუცხადა და ეს ნდობა უნდა შევინარჩუნოთ.

თქვენი თითოეული წამოწყების, ინიციატივის, რეფორმის, მოქმედებისა და გადაწყვეტილების თანამონაწილე ხალხი უნდა იყოს.

ამ ეტაპზე მთავრობა დამაკმაყოფილებლად მუშაობს.

ახლა მთავარია, რომ არც ერთ ვალდებულებაზე უარი არ ვთქვათ და ზედმიწევნით კარგად შევასრულოთ ის, რასაც საზოგადოება მთავრობისგან ელის.

საქართველოს პრეზიდენტის მიხეილ სააკაშვილის გამოსვლა მთავრობის სხდომაზე // 24 საათი. - 2004. - 6 აპრილი. - N81 (630). - A8 გვ.

ჩემო ძვირფასო თანამემამულეებო!

ჩვენო სტუმრებო!

მინდა, ყველას მოგესალმოთ და გითხრათ, რომ ჩვენთვის ეს არის მნიშვნელოვანი დღე!

მნიშვნელოვანი დღეა და ქართველი ხალხი, რომელიც დამცირებულია და რომლის ღირსებაც შელახულია, იმსახურებს ყველანაირ მხარდაჭერას და სოლიდარობას მსოფლიოს ყველა ხალხის მხრიდან!

იგივე ქართველი ხალხი, ჩვენი ერი მზად არის, რომ გარდა თავისი ტრაგედიისა და გაჭირვებისა, დააფასოს და სათანადოდ აღნიშნოს სხვა ერების წარმომადგენლების ღირსება და დიდება!

ამგვარი რამის გაკეთება შეუძლიათ მხოლოდ ძალიან გამოჩენილ, განვითარებულ და მაღალკულტურულ ერებს!

ჩვენ გვყავს ხალხი, რომელმაც მშვენივრად იცის წარსულის დაფასებაც და მისი მნიშვნელობის მომავალზე გადაცემაც!

მაგრამ, სამწუხაროდ, ჩვენ გვყავდა მთავრობა რომელმაც ვერ დააფასა 9 აპრილის მსხვერპლთა ტრაგედია!

დღემდე, უკვე თხუთმეტი წელია, პარლამენტის შენობის წინ დგას ქვა, სადაც წერია, რომ აღიმართება ძეგლი.

ვაცხადებ, რომ მე ვავალებ მერიას და შესაბამის სამსახურებს, რომ 2004 წლის 1 სექტემბერს პარლამენტის შენობის წინ დაიდგას საქართველოს ერთიანობის გრანდიოზული ძეგლი, ვინაიდან 9 აპრილი პირველ რიგში საქართველოს ერთიანობის ზეიმია, საქართველოს სულიერი ამაღლების ზეიმი და ამას ჩვენ ყველა ერთად ავღნიშნავთ!

ძეგლი პირველ სექტემბერს დაიდგმება იმის გამო, რომ ეს არის სასწავლო წლის დაწყების დღე და მინდა, ეს ტრადიცია მომავალ თაობებს გადაეცეს!

ჩვენთვის ძალიან მნიშვნელოვანია, რომ მათ იცოდნენ, როგორი სახელოვანი წინაპრები ჰყავდათ!

ამავე დროს, ჩვენ ასევე უკვდავყავით დიდება ომში დაღუპული მეომრებისა, რომელიც მთავრობის წინააღმდეგობის მიუხედავად გაკეთდა!

ისინი ბევრად უფრო მეტს იმსახურებენ, მაგრამ მათი ძეგლი ჩვენი ერთიანობა და ჩვენი ერთად დგომა იქნება!

ეს ძეგლი უნდა გახდეს ტრადიციულად ახალგაზრდობის სასიარულო ადგილი, იმიტომ, რომ მათ, ვინც თავი გასწირა სამშობლოსათვის, ყოველმა ჩვენთაგანმა თავისი ცხოვრებით უნდა დაუდგას ძეგლი!

ახლა მინდა მივმართო ჩვენს მეგობრებს და სტუმრებს, რომლებიც სანკტ-პეტერბურგიდან ჩამოვიდნენ!

ღრმად პატივცემულო ლუდმილა და დელეგაციის წევრებო!

ჩვენთვის დღეს ძალიან მნიშვნელოვანი დღეა!

მართლაც, ბატონ ანატოლი სობჩაკს უდიდესი წვლილი მიუძღვის - საზარელი პროპაგანდის ფონზე, რომელიც ზოგიერთი მაშინდელი მასობრივი საინფორმაციო საშუალებებიდან მოდიოდა, მიუხედავად მაშინდელი მთავრობის წევრების შემაძრწუნებელი კომენტარებისა, რუსეთში მოინახა ისეთი ადამიანი, რომ მელიც არ შეუშინდა სიმართლის თქმას!

ჰყავს რა რუსეთს ასეთი ხალხი, მასაც თამამად შეუძლია განაცხადოს, რომ იგი უდიდესი ქვეყანა და უდიდესი ერია!

ასეთი ხალხით მსოფლიოში მრავალი ქვეყანა ვერ დაიკვეხნის!

სწორედ ასეთი ხალხი გვაძლევს იმის თქმის უფლებას, რომ რუსეთში, მათ გარდა, ვინც აქ ისროდა, არის ხალხი, რომელსაც ყოველთვის სურდა და სჯეროდა ჩვენი მეგობრობისა!

როდესაც ვსაუბრობთ მრავალსაუკუნოვან მეგობრობაზე, უნდა ვიცოდეთ, რომ ამ მეგობრობას ისეთი ხალხი ამყარებს, როგორიც ანატოლი სობჩაკი იყო!

კარგად მახსოვს ის პერიოდი, როდესაც საქართველოში ყველას სიმართლის მოსმენა სურდა, ყველას უნდოდა, რომ მაღალი ტრიბუნიდან გაკეთებულიყო იმის შეფასება, რაც ჩვენ ქვეყანაში მოხდა!

სწორედ ეს გააკეთა ანატოლი სობჩაკმა!

ძალიან კარგად მახსოვს აფხაზეთის ომიც, როდესაც მას ქართველი, აფხაზი და რუსი დაჭრილი მეომრები სანკტ-პეტერბურგის საავადმყოფოებში ჩაჰყავდა და უფასოდ კურნავდა.

ჩვენ ამას არასდროს დავივიწყებთ, იმიტომ, რომ ჩვენთვის ნამდვილი რუსეთი ეს არის სობჩაკი და რუსეთის ის ნამდვილი პატრიოტები, რომლებსაც მეზობლებთან მეგობრობა ყველაზე კარგად შეუძლიათ! ვინაიდან სხვებთან მეგობრობა მხოლოდ მაშინ არის შესაძლებელი, როდესაც შენი ქვეყანა ბოლომდე გიყვარს!

დარწმუნებული ვარ, რომ ყველაზე მეტად თავისი ქვეყნის პატრიოტები სწორედ ის ხალხი არიან, რომლებსაც სხვა ხალხების ღირსების დაფასება შეუძლიათ!

ჩვენ მადლობას ვუხდით რუსეთის ყველა მოქალაქეს, ყველა პეტერბურგელს, რომელიც მთელი ამ წლების განმავლობაში გვეხმარებოდა!

ძალიან ვემადლიერებით რუსეთში მყოფ ქართველებსაც, რომლებიც ძალიან ბევრს აკეთებენ იქ საქართველოსთვის!

დარწმუნებული ვარ, რომ რუსეთ-საქართველოს შორის მეგობრობას ალტერნატივა არა აქვს!

ჩვენ ვერ ვიქნებით გახლეჩილები და არ იქნება ჩვენს შორის შუღლი და ბოროტება, ვინაიდან ძალიან ბევრი რამ გვაერთიანებს!

ვთვლი, რომ საქართველო დიადი მხოლოდ მაშინ იქნება, თუ იგი შეძლებს ნორმალური ურთიერთობების ჩამოყალიბებას თავის მეზობლებთან და პირველ რიგში რუსეთთან!

ჩვენ ყველანი ერთიანი კაცობრიობის სივრცის მონაწილენი ვართ!

ერთიანი კულტურისა და ისტორიის სივრცისა!

ბუნებრივია, რომ ჩვენ ვართ დამოუკიდებელნი და გაგვაჩნია ჩვენი სიამაყე!

და ის ადამიანი, რომლის ბიუსტსაც დღეს ვხსნით, ამ სივრცის უდიდესი ადამიანი იყო!

იგი ამ სივრცის ერთ-ერთი ლიდერი იყო და თუ გვინდა, რომ ყოველივე ეს არ დაირღვეს, ყოველთვის უნდა გვახსოვდეს ანატოლი სობჩაკი!

ყოველთვის უნდა გვახსოვდეს ის ხალხი, ვინც სიცოცხლე შესწირა სამშობლოს, დამოუკიდებლობას და ამავდროულად მეგობრობასა და ურთიერთგაგებას!

მახსოვს ის პერიოდი, როდესაც 1998 წელს თბილისში, პირველად შევხვდი ანატოლი სობჩაკს.

შეხვედრა რუსული და ქართული საზოგადოებრიობის დიდი დაპირისპირების შემდეგ შედგა.

მაშინ მართლაც ბევრი ყალბი სიტყვა იყო ნათქვამი მეგობრობაზე, მაგრამ ეს სინამდვილეს არ შეესაბამებოდა!

რა თქმა უნდა, აღშფოთებული ვიყავი ამით და სწორედ მაშინ ანატოლი სობჩაკმა გვერდზე გამიყვანა და მითხრა: თქვენ ხართ საქართველოს მომავალი, თქვენ უნდა ააგოთ ახალი ურთიერთობები, უნდა გაიგოთ, რომ ყველა ეს ხალხი წამსვლელია და მალე ყველას მიავიწყდება, თქვენ, რუს თანატოლებთან ერთად ახლებურად აზროვნება უნდა დაიწყოთ და ჩვენ ყოველთვის ვიმეგობრებთ!

ეს არის პირადად ჩემთვის მისი ერთგვარი პოლიტიკური დანაბარები!

დიდი მადლობა ჩამობრძანებისთვის!

დიდი მადლობა ინიციატივისთვის!

საქართველოს პრეზიდენტის საინფორმაციო სამსახური

საქართველოს პრეზიდენტის მიხეილ სააკაშვილის გამოსვლა სობჩაკის ბიუსტის გახსნაზე / წყარო: საქართველოს პრეზიდენტის საინფორმაციო სამსახური // 24 საათი. - 2004. - 10 აპრილი. - N85 (634). - A6 გვ.

ექსკლუზიური ინტერვიუ საქართველოს პრეზიდენტთან

რამდენიმე დღის წინ, ბრიუსელში ყოფნისას, პრეზიდენტმა სააკაშვილმა ნატოში გაწევრების დიდი სურვილი კიდევ ერთხელ გამოთქვა და 2009 წლისთვის საქართველოს ჩრდილო ატლანტიკურ ალიანსში გაწევრებაც იწინასწარმეტყველა. ჯერჯერობით, ჩვენი ახალგაზრდა პრეზიდენტი დასავლეთსაც მოსწონს და რუსეთსაც. უცხოელი მეგობრების ასეთი კეთილგანწყობა სასიხარულოცაა და დასაფასებელიც, მაგრამ თუ ჭკუით არ მოვიქეცით, ეს კეთილგანწყობაც არ იქნება წარუვალი. ახალ ხელისუფლებას არც წინამორბედთა მწარე გამოცდილების დავიწყება მართებს. იმისა, რომ ერთ დროს დასავლეთი შევარდნაძესაც ეხმარებოდა, მაგრამ მან ისე არივდარია ქვეყანაში ყველაფერი, ისე ახარა კორუფცია და ახეირა კორუმპირებულნი, რომ საქართველოსკენ გამოხედვის სურვილი მეგობარ უცხოელ პოლიტიკოსებსაც დაუკარგა და მათ თანამემამულე ბიზნესმენებსაც. ახალ პრეზიდენტს შნოს გამოჩენა უპირველესად ქვეყნის შიგნით მოუწევს და მერე შეუძლია საგარეო წარმატებაზე იოცნებოს. ფხიანობა სააკაშვილმა რამდენჯერმე უკვე გამოავლინა. ამის დასტურად ამ რამდენიმე დღის წინ აჭარის უშიშროების იზოლატორიდან თენგიზ ასანიძის გათავისუფლებაც კმარა. თუმცა მისი აჭარული პრობლემები ამით არ ამოწურულა. ცენტრისა და რეგიონის ურთიერთობებში ბევრი საჩოთირო და სახიფათო საკითხია. სწორედ ამ თემით დავიწყეთ საქართველოს პრეზიდენტთან, მიხეილ სააკაშვილთან ექსკლუზიური ინტერვიუ.

- აჭარის საკითხში სერიოზული პროგრესი გვაქვს და ყველა იმ უთავმოყვარეო კაცის განცხადება - აჭარასთან მკაცრი ლაპარაკი არ შეიძლებაო, აბსოლუტური სისულელე აღმოჩნდა - ეს რეალობამ დაამტკიცა. ასლან აბაშიძეს ენის მოჩლექით შევარდნაძე ელაპარაკებოდა. შედეგად კი ის მივიღეთ, რომ რეგიონში ცალკე რეჟიმი და ცალკე სახელმწიფო შეიქმნა თავისი ყველა ატრიბუტით - საზღვრებით, არმიით, პოლიციურ-რეპრესიული რეჟიმით, რომელიც პრაქტიკულად არ ემორჩილებოდა საქართველოს ცენტრალურ ხელისუფლებას. ეს პრობლემა მემკვიდრეობით მივიღეთ, მაგრამ ასლან აბაშიძის პირველივე შანტაჟმა - აჭარაში საპრეზიდენტო არჩევნებს არ ჩავატარებო, არ გაჭრა. რაკი ჩვენგან ძალზე მკაცრი რეაქცია იყო, იძულებული შეიქნა, არჩევნები ჩაეტარებინა. აბაშიძე არც საპარლამენტო არჩევნების ჩატარებას აპირებდა, მაგრამ მას შემდეგ, რაც დაინახა, არ ვხუმრობდით - იძულებული გახდა, საპარლამენტო არჩევნებიც ჩაეტარებინა. შედეგად კი 6-ჯერ ნაკლები ხმა მიიღო, ვიდრე წინა არჩევნებში (უფრო სწორად, მეტის დაფიქსირება ვერ მოახერხა). მას შევარდნაძე არასდროს დაუშვია არც საბაჟოსა და არც პორტში. დღეს კი ჩემი წარმომადგენლები უკვე აკონტროლებენ ბათუმის პორტსა და სარფის საბაჟოს. უკვე შემიძლია ვთქვა, რომ აჭარაში შემოსული ყველა ტვირთი აჭარაშივეა განბაჟებული.

ასლან აბაშიძეს აქამდე არც კი უფიქრია თენგიზ ასანიძის გათავისუფლება, დღეს კი იძულებული გახდა, ეს ნაბიჯი გადაედგა. უნდა ვთქვა, რომ ასანიძის გათავისუფლება მხოლოდ ევროსასამართლოს გადაწყვეტილების შედეგი არ ყოფილა. ევროსასამართლომ ჩვენი პრინციპული პოზიცია გაიზიარა...

ყოველივე ამის შემდეგ რჩება მთავარი - განიარაღების საკითხი. აჭარაში ადგილობრივ ხელისუფლებას აქვს 4ტ - 72 ტანკი, რამდენიმე ჯავშანმანქანა, საზენიტო და „გრადის“ ტიპის საარტილერიო დანადგარები, „სტრელას“ სახის რაკეტები და უკანონო ვერტმფრენები. ასლან აბაშიძემ ყველაფერი ნებაყოფლობით უნდა ჩააბაროს ცენტრალურ ხელისუფლებას - არა და ჩავაბარებინებთ. ბევრ ლაპარაკს არ ვაპირებ. ჩვენ გვაქვს ყველა იმ დანადგარის, რომელიც კი არის რეგიონში, ვიდეო და ფოტომასალა, გვაქვს ზუსტი ინფორმაცია, სად რა შეიარაღებაა. ვიცით, რომ ავტონომიის ხელმძღვანელი სისტემატურად უცვლის მდებარეობას იმ დანადგარებს, შენიღბული აქვს ტანკები, გამაგრებული აქვს ციხისძირი, ქობულეთი სავსეა იარაღით, ჩოლოქზე სანგრებია გათხრილი. სანაპიროს გასწვრივ განლაგებულია „გრადები“, აქვს წყალქვეშა ტექნიკა, ჰყავს აკვალანგისტები... დანაღმულია ნახევარი აჭარა. ასლან აბაშიძეს აქვს დაცვის ყოლის უფლება, მაგრამ არ დავუშვებთ, რომ მას საკუთარი არმია ჰყავდეს. ჩვენ არ გვინდა შეიარაღებული ძალების გამოყენება აჭარაში, მაგრამ არც ამ განუკითხაობას დავუშვებთ. გვინდა, ეს პრობლემები რეგიონთან პოლიტიკური გზით, მოლაპარაკებებით გადაწყდეს. ამიტომაც ვაგზავნით ამ კვირაში ზურაბ ჟვანიას აჭარაში...

თუ ასლან აბაშიძე განიარაღდება, აჭარაში დემოკრატიული პროცესები დაიწყება. თუკი იქაურ საბაჟოსა და საგადასახადოს გავაკონტროლებთ, მაშინ ასლან აბაშიძესთან პრობლემები აღარ გვექნება. ორ წელიწადში ჩატარდება უზენაესი საბჭოს არჩევნები. თუ ხალხი მას აირჩევს, კი, ბატონო, არავინ შეედავება. თუ არა, ვინმე ახალი მოვა. თუკი ასლან აბაშიძე შეიარაღებულ რაზმებს არ გააუქმებს, იძულებული ვიქნებით გამოვიყენოთ კონსტიტუციით გათვალისწინებული უფლება - შევაჩეროთ აჭარის ადგილობრივი ხელისუფლების უფლებამოსილება და ვადამდელი არჩევნები დავნიშნოთ. ავტონომიის საკითხს არც წამოვჭრით. ადგილობრივი ხელისუფლება ავრცელებს ინფორმაციას, თითქოს მეჩეთების დახურვას ვგეგმავდეთ. სრული პასუხისმგებლობით ვაცხადებ - ეს ბინძური პროვოკაციაა. ჩვენ პატივს ვცემთ ყველა, მათ შორის მუსლიმანი ქართველების აღმსარებლობას, მას არავინ შეეხება. მხოლოდ ერთს მოვითხოვ - საქართველო ერთიანი უნდა იყოს.

ჩვენი გათვლებით აჭარაში ყოველწლიურად 220 მლნ. დოლარამდე იკარგება. ამ ფინანსური განუკითხაობის გამო ადგილობრივი ხელისუფლებისა და ზოგიერთი რუსი ბიზნესმენის ჯიბეში 120 მლნ. დოლარი ნავთობის ტერმინალიდან მიდის. ეს თანხა ახალი იარაღის, იქაურ ხელისუფალთათვის დაჯავშნული მანქანების შესაძენად და ფუფუნებით ცხოვრებისთვის იხარჯება. ყველაფერი ეს უნდა დამთავრდეს. სხვათა შორის, ამავე აზრს იზიარებს რუსეთის ხელისუფლება. საოცრად მხარდამჭერი და სწორი პოზიცია დაიკავა თურქეთმაც. აღარაფერს ვამბობ ჩვენს სხვა მოკავშირეებზე. ასე რომ, ასლან აბაშიძეს გასაქცევი აღარსად აქვს. ნაბიჯ-ნაბიჯ ვაიძულებ (ხვეწნას არ ვაპირებ) თამაშის წესები დაიცვას. რამდენჯერმე გამომცადა - ვაპირებდი თუ არა შევარდნაძის პოზიციის გაგრძელებას და რაკი იმედი გაუცრუვდა, ზოგიერთ სფეროში თანამშრომლობას დათანხმდა. ღმერთმა ქნას, ასევე ითანამშრომლოს ჩემთვის უმთავრეს - განიარაღების საკითხშიც. თუ აბაშიძე არ განიარაღდება, თავისი ტანკები ვერ დაიცავენ.

- აჭარის ხელისუფლება შეშფოთებით უყურებს ფოთში სამ მხედრო მანევრებს. ეჭვობს, რომ მანევრები მხოლოდ საბაბია და სინამდვილეში ცენტრალური ხელისუფლება ავტონომიაში შეიარაღებული ძალების შეყვანას გეგმავს.

- ცენტრალური ხელისუფლება სადაც საჭიროდ ჩათვლის, იქ ჩაატარებს მანევრებს, ეს არავის საქმე და გადასაწყვეტი არ არის. თუ დაგვჭირდა, მანევრებს ბათუმშიც ჩავატარებთ, მაგრამ ამჯერად შეიარაღებული ძალების ბათუმში გაგზავნას არ ვაპირებ, ფოთში კი უეჭველად ჩატარდება მანევრები. გვინდა, ბათუმის შეიარაღებული ძალების ნაწილებმაც მიიღონ ამ ღონისძიებაში მონაწილეობა. როგორც ჩანს, გენერალმა დუმბაძემ უღალატა საქვეყნო ინტერესებს. მას რამდენიმე დღე მივეცი - თუ გამოცხადდება პასუხისმგებლობისაგან გავათავისუფლებთ. თუ უახლოეს პერიოდში ის ამას არ გააკეთებს და ბათუმის სამხედრო ნაწილი მონაწილეობას არ მიიღებს ფოთის მანევრებში, თვითონ უზრუნველვყოფ, რომ გენერალი დუმბაძე საშ შვილიშვილოდ, უმკაცრესად დაისაჯოს.

- ახლა აჭარიდან ცენტრალურ აღმასრულებელ ხელისუფლებაზე გადავინაცვლოთ - მთავრობის მუშაობა რამდენად გაკმაყოფილებთ?

- მთავარი ის არის, რომ მთავრობა ერთიანი მექანიზმია. მარჯვენა ხელმა იცის, მარცხენა რას აკეთებს. აღარ არის ქიშპი და ის ვითარება, როცა თავდაცვის, იუსტიციის, შინაგან საქმეთა და უშიშროების მინისტრები ერთმანეთს ვერ იტანდნენ. დღეს ისინი ერთობლივად ახორციელებენ ზედამხედველობას და ამან დადებითი შედეგი მოიტანა. საქართველოში არსებული თითქმის ყველა კრიმინალური ბანდა განადგურებულია. მთავრობის ეკონომიკური ბლოკის ძალისხმევით შემოსავლები ნაღდი ფულის სახით ორჯერ გაიზარდა (ოქრუაშვილის გარეშე). ეს იმას ნიშნავს, რომ საბაჟოზე და საგადასახადოში ხალხი ფულს იხდის. თბილისის ბიუჯეტი 2,5-ჯერ გადაჭარბებით შესრულდა (ჩათვლების გარეშე). გაიზარდა პენსიები და სახელმწიფო აპარატის მოხელეთა ხელფასები. უპირველესად, ეს შეეხება მათ, რომლებზეც საბიუჯეტო შემოსავლებია დამოკიდებული - საგადასახადოს ინსპექტორებს, საგადასახადო პოლიციას, საბაჟოს, საგზაო პოლიციასა და პროკურატურას (ზოგადად, პოლიციას), პრეზიდენტისა და პრემიერ-მინისტრის აპარატის, სამინისტროების ხელმძღვანელებს. ამას უთუოდ მოჰყვება ხელფასების ზრდა მთლიანად სახელმწიფო სექტორში. მოსალოდნელია, რომ წლის ბოლოსთვის საბიუჯეტო ორგანიზაციებსა და სახელმწიფო აპარატში მინიმალური ხელფასი 100 ლარი იყოს. ვიცით, რომ არსებული საგადასახადო სისტემა მანკიერია და ამიტომ ინტენსიურად მზადდება ახალი საგადასახადო კოდექსი. აუცილებლად უნდა შევქმნათ რეგიონში ყველაზე დაბალი საგადასახადო განაკვეთები. ერთი მხრივ, გადასახადი ყველას ერთნაირად უნდა გადავახდევინოთ (ადრე ერთი ფირმა იხდიდა და ათი - არა), მეორე მხრივ, გადასახადის განაკვეთი დაბალი უნდა იყოს. მომავალი წლიდან დიდ ინვესტიციებს უნდა ველოდოთ. ეს იქნება რუსული კაპიტალი. მცირე და საშუალო ბიზნესში უნდა შემოვიდეს თურქული და ევროპული კაპიტალიც. ფული უნდა ჩაიდოს სოფლის მეურნეობაში. სერიოზული გადამამუშავებელი წარმოება გვჭირდება ჩვენი პროდუქციის რუსეთში გასატანად. აჭარაში იმიტომ გვინდა სიტუაციის დარეგულირება, რომ 2 წლის განმავლობაში ანაკლიიდან გონიომდე მთელი საწარმო ტურისტულ მექად ვაქციოთ. ბევრს უნდა შავიზღვისპირეთში დასვენება, მაგრამ საამისო პირობების შესაქმნელად ნორმალური საინვესტიციო გარემო უნდა არსებობდეს. დღეს ბათუმის ბულვარზე ისევ ის კაფეებია, რომლებიც ჩემი ბავშვობიდან მახსოვს, ბევრი არაფერი მიმატებია. კარგია, რომ ბადრი პატარკაციშვილმა დაიწყო რაღაცის გაკეთება ურეკში, მაგრამ ეს მცირე მონაკვეთია. სანაპირო ზოლის უმეტესობა კერძო აგარაკებს უჭირავს. მთავრობამ უკვე აკრძალა იქ კერძო მშენებლობები. ვისაც მიწა აქვს, ღმერთმა შეარგოს, ოღონდ სასტუმროები აშენონ. თუ საკუთარი სახსრებით არ შეუძლიათ, ინვესტორი იპოვონ. ისე გააკეთონ, რომ მთელმა რეგიონმა იხეიროს და მხოლოდ თავისთვის არ მოიწყონ მყუდრო კუთხე.

ვფიქრობთ, არსებული საწარმოების გაფართოებასაც. კერძოდ, „ბოინგთან“ გვაქვს მოლაპარაკება, რომ საავიაციო ქარხანა როგორც რეგიონალური სარემონტო ცენტრი, ისე აიღოს. მნიშვნელოვანია ისიც, რომ გამოვნახეთ სუ-25-ების კლიენტები. უახლოეს თვეებში 10-მდე სუ-25 გაიყიდება. ინვესტიციები უნდა განხორციელდეს საბანკო სექტორშიც. პირველი ინვესტიციები უკვე წამოვიდა რუსეთიდან. გვინდა უცხოურ, განსაკუთრებით, რუსეთის კაპიტალს შევუქმნათ სერიოზული გარანტიები. ყველაფერი ეს კი დაგვეხმარება იმაში, რომ საქართველო მოწინავე ქვეყნად იქცეს.

უკვე გვაქვს მოლაპარაკება და ჩვენს ქვეყანაში მალე დაიწყებენ ფრენას ისრაელის, ჰოლანდიური, შვეიცარიული და ბრიტანული კომპანიები. ამდენ უცხოურ ავიაკომპანიას საქართველოში არასდროს უფრენია. ამ გზით ქვეყანაში ფული შემ მოვა. ამ პროცესს უთუოდ მოჰყვება ტურისტებისა და ბიზნესმენების ჩამოსვლა. ასეთია საქართველოს განვითარების ჩემეული ხედვა. რაც მთავარია, ადამიანს უნდა შეეძლოს საქმეში თანხის ისე ჩადება, რომ ვინმემ ფული არ გამოსძალოს. პრეზიდენტი არ უნდა წყვეტდეს, ვინ სად და რამდენი უნდა დააბანდოს.

- თქვენი საუბრიდან ისე გამოდის, რომ ყველაფერი კარგად არის და მთავრობასაც ხარვეზები არ ჰქონია?

- რა თქმა უნდა, ეს არ არის იდეალური მთავრობა. ზოგიერთ სფეროში არის პრობლემები, მაგრამ შედეგი დიდად განსხვავებულია იმისგან, რაც აქამდე იყო. თუმც ისიც მინდა ვთქვა, რომ ამით არ ვკმაყოფილდებით და მეტს ვითხოვთ მათგან. თუნდაც თავდაცვის სამინისტროს მაგალითი მოვიყვანოთ. გუშინ კოჯრის ბატალიონის მეთაურებს ვესაუბრე. ყველა ამბობს, რევოლუციის შემდეგ ჯარში კვება მკვეთრად გაუმჯობესდაო. ეს ნიშნავს, რომ ამ სამინისტროში ფულს ძველებურად აღარ იპარავენ. მალე სამხედრო ტექნიკასაც შემოვიყვანთ. ხელისუფლებაში ჩვენი მოსვლის დროს ჯარს 1,5 დღის საკვებისა და 3 საათის ტყვია-წამლის მარაგი ჰქონდა. ახლა 1 თვის სამყოფი ტყვია-წამლის მარაგი გვაქვს. აქამდე ჩვენი ავიაციაც უმოქმედოდ იყო. მხოლოდ პრეზიდენტის მგზავრობისას დაფრინავდნენ. ახლა სუ-25-ები, ფაქტობრივად, ყოველდღე, შვეულმფრენები კი დღეგამოშვებით ფრენენ. ბუნებრივია, მცირე პერიოდში ასეთი პროგრესი რაღაცას ნიშნავს. ცოტა ხნის წინ აფხაზეთში ქართველები აიყვანეს მძევლებად. აფხაზებს ვუთხარით - „თუ ქართველებს დაუყოვნებლივ არ გაათავისუფლებთ, მზად ვართ ჩვენმა ავიაციამ განახორციელოს ქმედებები მათ გასათავისუფლებლად.“ ნახევარ საათში გამოუშვეს მძევლები. ისინი ხედავენ, რომ არ ვხუმრობთ და შანტაჟი ჩვენთან არ გაუვათ. მძევლების აყვანასა და ხალხის ხოცვას არც გალში მოვითმენთ და არც სხვაგან.

- ხომ არ ფიქრობთ, რომ აფხაზებს რუსეთისგან აღარ აქვთ ძველებურად მხარდაჭერის იმედი?

- რუსეთი დღეს ბევრად უკეთ თანამშრომლობს ჩვენთან, ვიდრე აქამდე. ამის დასტური თუნდაც ის იყო, რომ აჭარაში შექმნილი დაძაბულობის დროს რუსული სამხედრო ბაზა არც განძრეულა. ფაქტი, რომ ასლან აბაშიძემ იარაღის შესყიდვა დააპირა ბელორუსიაში, იმაზე მეტყველებს, რომ რუსებმა მას უარი უთხრეს იარაღის მიყიდვაზე. მოსკოვიდან მყარი გარანტია მაქვს მიღებული, რომ აგრესიულ ქმედებებს ადგილობრივი რუსული ბაზა მხარს არ დაუჭერს. საიმედოდ მიმაჩნია ეს გარანტიები. ეს აბაშიძემაც იცის და ამიტომ არის შედარებით მორჯულებული. ენის მოჩლექით ვინმესთან ლაპარაკი დაანგრევს ჩვენს სახელმწიფოს. სხვადასხვა ჯურის სეპარატისტები ჩვენ სხვადასხვა ადგილას გვყავს და ისინი აკვირდებიან, როგორ ვიქცევით. დადარაჯებულნი არიან, სისუსტეს გამოვიჩენთ თუ არა.

- უნდა გკითხოთ გია ჯოხთაბერიძის თაობაზე. პრეზიდენტის ოჯახის წევრები აცხადებენ, მზად ვართ, გადავიხადოთ თანხა, რომელსაც გამოძიება ედავება კომპანიას, მაგრამ რაკი ხელ ლისუფლების ზოგიერთ წარმომადგენელს „მაგთიზე“ უჭირავს თვალი და უნდათ ამ ბიზნესზე აგვაღებინონ ხელი, არც ფულს იღებენ და არც ჯოხთაბერიძეს ათავისუფლებენ. თორემ მხოლოდ ფული რომ აინტერესებდეთ, მასაც ისევე გამოუშვებდნენ ციხიდან, როგორც სხვა გამოუშვესო.

- ისინი, რომლებიც ფულის გადახდის შემდეგ გათავისუფლდნენ, შორს არ წასულან. უკლებლივ ყველა გასამართლდება იმიტომ, რომ თითოეულზე სერიოზული მამხილებელი მასალები არსებობს და არ გამოვრიცხავ, რომ ბევრი მათგანი ისევ ციხეში შებრუნდეს ან კიდევ პირობითი სასჯელი მიიღოს. არიან ისეთებიც, რომელთაც რამდენიც უნდა გადაიხადონ, ციხეს მაინც ვერ დააღწევენ თავს.

ჯოხთაბერიძე არ ყოფილა თანამდებობის პირი. ამერიკელი ინვესტორები ჩემთან იყვნენ და განაცხადეს, - ჯოხთაბერიძის დაპატიმრება ჩვენი ბიზნესის შელახვააო. ვკითხე - თავის დროზე რატომ გაიხადეთ ჯოხთაბერიძე პარტნიორად-მეთქი? ხომ გასაგები იყო, რატომაც... ამ ბიზნესს არ ვეხები და არც ვინმე შეეხება (ამის გარანტია მათ მიიღეს), მაგრამ ჯოხთაბერიძემ უნდა დააბრუნოს ის, რაც გადასახადების სახით არ გადაუხადა სახელმწიფოს... და ეს თანხა არ არის 700 ათასი... ჯოხთაბერიძის პირადი ქონება 300 მილიონად არის შეფასებული - ეს ქონება მან მთლიანად საქართველოს ხარჯზე მიიღო... დააბრუნოს ჯოხთაბერიძემ ის, რაც სახელმწიფოს ეკუთვნის და მერე წავიდ დეს და რაც უნდა, ის აკეთოს.

პრეზიდენტის ოჯახმა ვაშინგტონში პიარფირმა დაიქირავა. ადგა ეს ხალხი და ლაპარაკობს - საქართველო ცუდი ქვეყანააო. რამდენიც უნდათ, იმდენი ილაპარაკონ და იარონ, მე ჩემი პრინციპები მაქვს. არა მგონია, ამერიკის პრეზიდენტმა დამირეკოს, მაგრამ რომც დამირეკოს, ჩემს პრინციპებს არ გადავუხვევ. ამ პრინციპებისა და პრინციპულობის გამო მოვწონვართ ამერიკასაც და რუსეთსაც. ჯოხთაბერიძემ კი დააბრუნოს ფული და მერე გინდ 10 კომპანია ჰქონია, გინდ 100, ეს არ მაინტერესებს.

- თუ კულუარულ ხმებს დავუჯერებთ, 6 თვეში ახალარჩეული პარლამენტის დათხოვას უნდა გეგმავდეთ. ამბობენ, სააკაშვილი იძულებული იყო ისეთი ხალხი შეეყვანა სიაში (რევოლუციაში მონაწილეობის გამო), რომლებიც თავადაც არ ეპიტნავება. მათი თავიდან მოცილება რომ უნდოდა, ამიტომ შეიტანეს საკონსტიტუციო ცვლილებებში პუნქტი, რომელმაც პრეზიდენტს პარლამენტის 6 თვეში დათხოვის უფლება მისცაო.

- პრეზიდენტს არ შეუძლია საკუთარი ინიციატივით პარლამენტის დათხოვა. ახალი საკონსტიტუციო მოდელის თანახმად, სანამ პარლამენტი 1 წლის განმავლობაში კედელზე თავს არ ურტყამს, პრეზიდენტი მას ვერ დაითხოვს. ახალარჩეული პარლამენტი არ ჩანს ისეთი, ეს გააკეთოს. ახალი პარლამენტი აქამდე არსებულთაგან თავისი შემადგენლობით ყველაზე პროფესიული პარლამენტია. მიმაჩნია, რომ მასში კარგი ხალხი მოხვდა. ნინო ბურჯანაძესთან შეიძლება კარგი და მჭიდრო თან ნამშრომლობა. ის პრინციპული და ერთგული ადამიანია. 4-5 კაცზე შეიძლება ყოველთვის გეთანაღრებოდეს გული, მაგრამ ესენი ძირითადად ჩვენი კი არა, მაჟორიტარული სიით არიან პარლამენტში გასულები. რამდენიც უნდა ილაპარაკონ საკონსტიტუციო ცვლილებებზე, წინა პარლამენტთან შედარებით ამ პარლამენტს აქვს გაცილებით ფართო უფლებამოსილებები. მას შეუძლია მთავრობის დათხოვა. რუსეთში პარლამენტს მთავრობის დათხოვა არ შეუძლია, ჩვენთან კი შეუძლია. პრინციპში, საქართველოს პარლამენტი გერმანულ და ფრანგულ პარლამენტებზე ბევრად ძლიერია. დღეს პრეზიდენტს ნაკლები უფლებამ მოსილება აქვს, ვიდრე შევარდნაძის დროს ჰქონდა. მაგრამ ეს ხელს მაძლევს, რადგანაც შემიძლია ძირითად თემებზე მოვახდინო კონცენტრაცია და არ ჩავერიო მთავრობის ყოველდღიურ საქმიანობაში. თუმც მთავრობამ იცის, რომ ხალხთან ერთად მეც ვადევნებ თვალყურს მის საქმიანობას და მაქვს მისი დათხოვის ბერკეტი. სახელისუფლებო შტოებში დღეს ბალანსი დაცულია და ეს ძალიან კარგია.

- როგორი პერსპექტივა ექნებათ ოპოზიციურ პარტიებს, რომლებიც პარლამენტს მიღმა დარჩნენ, მათმა დრომ ჩაიარა თუ ისევ მიეცემათ პოლიტიკური აქტიურობის შანსი?

- არა მგონია, მათ დროს ჩაევლოს... მომავალ წელს ადგილობრივი არჩევნებია და დარწმუნებული ვარ, წარმატების შანსი აქვთ. საქართველოში ყველა გამგებელი უნდა არჩეულ იქნეს. მომავალ წელს უნდა ავირჩიოთ თბილისის მუნიციპალიტეტი. წელს კი თბილისის მთავრობის დანიშვნა გვიწევს. პრემიერობის კანდიდატი ბიძინა ბრეგვაძეა.

- ჩვენი მკითხველი ხშირად გვეკითხება, როდის დაფასდება საქართველოში მიღებული განათლებაო. მათ არ მოსწონთ, როდესაც საკადრო გადაწყვეტილებების დროს უცხოურ დიპლომებს ენიჭება პრიორიტეტი.

- ყველა განათლებული ადამიანი ფასდება და მცდარი აზრია, თითქოს უცხოეთიდან ჩამოგვყავდეს ხალხი და მათ ვასაქმებდეთ. ჩვენი მთავრობის 99%25-ს ქართული განათლება აქვს მიღებული. უცხოური განათლება მათ შემდგომ მიიღეს. ჩვენი მთავრობის წევრებს, ძირითადად, საქართველოს სახელმწიფო უნივერსიტეტი აქვთ დამთავრებული - მთავრობაში ჩვენ ეროვნული კადრები გვყავს. აბსურდია, როდესაც ამბობენ, - 40 წელს გადაცილებულ ხალხს სამსახურებიდან ათავისუფლებენო. შემცირებები იქნება იქ, სადაც კადრები უსაშველოდ იყო გაბერილი (საბაჟოში, საგადასახადოში), მაგრამ გამოცდილი, კომპეტენტური ადამიანები სამსახურს შეინარჩუნებენ. სხვათა შორის, უზნეობად და უსინდისობად მიმაჩნია, როდესაც ჩვენს მთავრობას ზოგიერთები კომპეტენტურობას უწუნებენ. უმჯობესია, ძველი მთავრობები გაიხსენონ. შეხედეთ სალომე ზურაბიშვილს, გელა ბეჟუაშვილს ან გიორგი ბარამიძეს - სად არიან პოსტსაბჭოთა სივრცეში ასეთი მინისტრები?

- მაგრამ არის რამდენიმე ისეთი პირიც, რომელთა მთავრობაში ყოფნაც ნამდვილად არ ადგება აღმასრულებელი ხელისუფლების იმიჯს.

- ერთი-ორი მინისტრი მართლაც სუსტად მუშაობს. გულწრფელად გეტყვით, ეკონომიკურ ბლოკში ჩავარდნა გვაქვს (ფინანსთა სამინისტროს გარდა) კადრების სიმცირის გამო, ის, ვინც ძველ მთავრობაში კარგი იყო, გაისვარა. ეს ჩვენი პრობლემაა, მაგრამ ამასაც მოვუვლით. მთავარია, მთავრობამ კონტაქტი არ დაკარგოს ხალხთან. ფართო საზოგადოება უნდა იყოს მთავრობის ყველა გადაწყვეტილების თანამონაწილე და ჯერ კიდევ ბოლომდე ჩამოსაყალიბებელია ეკონომიკის მთავარი ხედვა. მიმაჩნია, რომ მთავარი ამოცანა ორია. პირველი - ეკონომიკის ლეგალიზაცია, რაც ნიშნავს საკუთრების უკეთეს დაცვას, კორუფციის მოსპობას და კონტრაქტების აღსრულებას. ე.ი. კარგ საინვესტიციო კლიმატს და მეორეა - სოციალური ინვესტიციები - ყველაზე დაუცველთა დაცვა და ინვესტიციები განათლებაში.

- მოსახლეობაში დიდ ინტერესს იწვევს პენსიების საკითხი. მხოლოდ თბილისში გაიზრდება პენსია თუ მთელ საქართველოში?

- მთელ საქართველოში პენსია 3 ლარით გაიზარდა, მაგ გრამ საკრებულოს გადაწყვეტილებით, თბილისში 17 ლარამდე უკვე იყო გაზრდილი. მომდევნო 3 თვეში 3 ლარი ყველა პენსიონერს მოემატება - მომავალში პენსია მთელ საქართველოში 20 ლარი გახდება. არ არის საჭირო სარჩელების შეტანა სასამართლოებში. ხელისუფლება ყველა ვალდებულებას აღიარებს და ძველ დავალიანებებს უეჭველად გაისტუმრებს. კარგად ვიცი, რომ საკმარისი არც 20 ლარია, მაშინ, როდესაც საარსებო მინიმუმი 116 ლარს შეადგენს. საარჩევნო დაპირებას, რომ პენსიას გავაორმაგებდით, წლის ბოლოსთვის შევასრულებთ - წლის ბოლოსთვის პენსია 28 ლარი გახდება.

იზო რიკაძე

„თუ აბაშიძე არ განიარაღდება, თავისი ტანკები ვერ დაიცავენ“ / ექსკლუზიური ინტერვიუ საქართველოს პრეზიდენტთან //კვირის პალიტრა. - 2004. - 12-18 აპრ რილი. - N15 (476). - 5, 11 გვ.

პატივცემულო თავმჯდომარევ, ბატონო ელდარ, პატივცემულო პარლამენტის წევრებო!

ბოლო თვეების განმავლობაში ამ დარბაზში მეორედ შემოვდივარ და ამჯერად სრულიად სხვა, ახალი მიზნით.

მინდა ყველას გვახსოვდეს და მუდმივად ვახსენებდეთ თავს და კოლეგებს, რომ თქვენი უმრავლესობა, თითოეული პარლამენტარი ამ დარბაზში მოიყვანა ქართველმა ხალხმა, იმ ადამ მიანებმა, რომლებიც კვირების განმავლობაში წვიმასა და ქარში იდგნენ მედგრად და არ შეუშინდნენ არც დიდ წინააღმდეგობას, არც მათ მიმართ გამოყენებულ სხვადასხვა საშუალებას - მათ ესროდნენ, აშინებდნენ, მაგრამ მათ გაუძლეს ყველაფერს და თითოეული თქვენგანი, მათ შორის, მეც მიგვიყვანა იქ, სადაც ახლა ვართ.

მინდა ყველამ ერთად გამოვხატოთ პატივისცემა მათ მიმართ, ფეხზე ავდგეთ და ტაში დავუკრათ ქართველ ხალხს!

მინდა მივესალმო მის უწმინდესობასა და უნეტარესობას და მსურს აღვნიშნო მისი განსაკუთრებული როლი „ვარდების რევოლუციის“ დროს.

მისმა პრინციპულმა პოზიციამ, მისმა შემართებამ და გამბედაობამ ბევრწილად განაპირობა ჩვენი ბრძოლისა და გამარჯვების ლეგიტიმაცია აქ, ამ დარბაზში და მთელი საქართველოს მასშტაბით.

ჩვენ ვალში ვართ ჩვენს ხალხთან, რომელმაც ქვეყნის სათ თავეში მოგვიყვანა ბევრი მიზეზით.

ბოლო თვეების განმავლობაში, ქვეყანაში პირველად გაჩნდა ოპტიმიზმი.

მიხარია, რომ რამდენიმე პარლამენტარი დღეს მოვიდა ჩოხით, რადგან ხალხმა დაიბრუნა სიამაყე ეროვნული სიმბოლოებით, ხალხი პირველად ამაყობს საკუთარი დროშით.

ქართული დროშა უკვე ინახება ოჯახებში, გამოიფინება აივნებიდან, რადგან ხალხს უყვარს ეს დროშა.

ყველა ასაკის ადამიანი, მათ შორის ჩვენი ახალგაზრდები პირველად არიან მოწადინებული იბრძოლონ და გაიმარჯვონ ამ დროშით.

ვფიქრობ, ის, რაც ახლა იწყება საქართველოში, არის აღორძინების ახალი პერიოდი, რომელიც თითოეულ ჩვენგანს სრულიად ახალ, განსაკუთრებულ შანსს აძლევს. ამავე დროს უნდა გვახსოვდეს, თუ რა ხალხთან და საზოგადოებასთან გვაქვს საქმე.

ერთ სულ მოსახლეზე შემოსავლით საქართველო ბოლო ადგილზეა პოსტსაბჭოთა სივრცეში.

ქვეყანა, რომელიც ერთ დროს ყველაზე კარგად ცხოვრობდა, არ ჰქონდა არც გადაადგილების, არც განათლების, არც ბავშვების დაბინავების, არც სტუმართა გამასპინძლების, დღეს გამათხოვრებული და დამცირებულია.

ქვეყანა დაშლილია მარტივ მამრავლებად და ეს არ არის მხოლოდ აფხაზეთი, ქალაქი ცხინვალი და მისი შემოგარენი. ჩვენ ასევე ვერ ვაკონტროლებთ ზოგიერთ სხვა ტერიტორიას და ეს არის საქართველოს ბოლო 10 წლის რეალობა.

დასუსტებული საქართველო ძალიან მძიმე მდგომარეობაშია.

მიმაჩნია, რომ ჩემი პრეზიდენტობისა და ამ პარლამენტის ვადა არის ის პერიოდი, რომლის განმავლობაში ყველამ ერთად უნდა შევძლოთ დაშლის პროცესის შეჩერება და საქართველოს გამთლიანების დაწყება.

უპირველესად, ჩვენ თავად უნდა ვიყოთ ერთიანი.

ამ დარბაზში ზის ხალხი, რომელიც იყო ეროვნულ მოძრაობაში, პირველი, 1990 წლის პარლამენტის წევრები. ეს ადამიანები აქედან სამხედრო გადატრიალების გზით გააძევეს და გაყარეს.

აქ არის ხალხი, რომელიც იყო 1992 წლის პარლამენტში; ასევე ვიმყოფებით ისინიც, ვინც ვიყავით 1995 წლისა და შემდეგ მოწვევის პარლამენტის წევრები.

დღეს ეს ბარიერები მოშლილია.

რამდენიმე დღის წინ ჩვენ დავიწყეთ შერიგების პროცესი წალენჯიხაში. ათეულობით, ასეულობით ჩვენი ახალგაზრდა, ჯან-ღონით სავსე, პატრიოტი, ქვეყნის თავდადებული შვილი იძულებული იყო წლების განმავლობაში ტყეებს შეფარებოდნენ, რადგან მათი გამოჩენა მათი დაპატიმრებისა და განადგურების ტოლფასი იყო.

ამ ხალხს სამშობლოს სიყვარულის გარდა არაფერი „ჩაუდენია“, მაგრამ 10-12 წლიანი არეულობისა და უკუღმართობის გამო, საკუთარი ოჯახებისა და ქვეყნის ეს მეტად ღირსეული წარ რმომადგენლები სახელმწიფომ ველური ყოფისთვის გაიმეტა.

ჩვენ მოვახერხეთ ამ ხალხთან საერთო ენის გამოძებნა, ისინი გამოვიდნენ ტყიდან, ჩააბარეს ძველი ეროვნული დროშა და ხელში აიღეს ქართველი ერის ახალი, ხუთჯვრიანი დროშა, ახალი სახელმწიფოს სიმბოლო.

ვფიქრობ, ძალზე მნიშვნელოვანია, რომ ასეთი პროცესები დაიწყო.

ჩვენი პარლამენტი არის გამთლიანებისა და ერთიანობის სიმბოლო.

აქ შეკრებილი ხართ სრულიად განსხვავებული ადამიანები და მგონია, რომ დღეს არავითარი მნიშვნელობა არ აქვს იმას, თუ რომელ პოლიტიკურ ძალას მიეკუთვნებოდით 10-15 წლის წინათ.

თითოეული ჩვენგანი საქართველოს ახალი აღმშენებლობის, საქართველოს მომავლის პოლიტიკური ძალის წარმომად დგენელია.

ჩვენ უნდა გვესმოდეს, რომ პარლამენტს დიდი უფლებამოსილება აქვს.

ლაპარაკი იმის შესახებ, რომ კონსტიტუციამ შეამცირა მისი უფლებამოსილება, რისი ტირაჟირებაც ხდებოდა უცხოური პრესის მეშვეობით, სრულებით არაკომპეტენტურად მიმაჩნია. არის ევროპის საბჭოსა და სხვა ორგანიზაციების დასკვნები, რომელთა თანახმად საქართველოში საპრეზიდენტო მოდელიდან გადავედით ნახევრადსაპრეზიდენტო მოდელზე.

ამის შემდეგ რამდენიმე განაწყენებულმა ადამიანმა ამ კონსტიტუციის არასწორი ტირაჟირება დაიწყო.

წინა მოწვევის პარლამენტს არ ჰქონდა მთავრობის გადაყენების უფლება და ეს ყველამ კარგად ვიცით. მთავრობის გადაყენების ბერკეტი უმნიშვნელოვანესი ინსტრუმენტია მათ შორის, რაც კი შეიძლება ჰქონდეს საკანონმდებლო ორგანოს.

ასევე არის ძალიან ბევრი საკითხი, რომლებიც უშუალოდ შეეხება აღმასრულებელი ხელისუფლების კონტროლს.

ძალიან კარგად მახსოვს, რომ ბევრ თქვენგანთან ერთად ვიწყებდით ხოლმე რომელიმე მინისტრის კრიტიკას, თვეობით ვაკრიტიკებდით მთავრობას, მაგრამ იმედგაცრუებული ვრჩებოდით, რადგან ადგილიდან ვერ ვძრავდით.

დღევანდელი კონსტიტუცია ამ პრობლემას ხსნის.

ამავე დროს, ეს კონსტიტუცია მეტ უფლებამოსილებას და მეტ პასუხისმგებლობას აკისრებს პარლამენტს და ესეც ძალზე მნიშვნელოვანია. აუცილებელია, რომ ეს მოდელი სწორად, სწორი მიმართულებით გამოვიყენოთ და წაადგეს საზოგადოებრივ საქმეს.

დღეს საქართველო ურთულესი პრობლემების წინაშე დგას.

უპირველესად, ჩვენ გადავდგით ნაბიჯი ქვეყნის ტერიტორიული მთლიანობის აღსადგენად.

თუმცა, ამის უმთავრესი წინაპირობა არის ის, რომ შევძლოთ ქვეყანაში კანონიერებისა და დემოკრატიის ერთიანი სისტემის დამყარება.

დღეს საქართველოში რამდენიმე პოლიტიკური რეჟიმია, რამდენიმე მთავრობა და თითოეული მათგანი ერთმანეთთან კონფრონტაციაში იმყოფება.

თითქმის არც ერთი მათგანი არ აღიარებს საქართველოს სუვერენიტეტსა და ტერიტორიულ მთლიანობას.

მინდა ამ საკითხს განსაკუთრებული ყურადღება მივაპყრო, რადგან ამ ეტაპზე ეს არის ყველა მძიმე პრობლემა.

მსურს ხაზგასმით აღვნიშნო ასლან აბაშიძესთან დაკავშირებული ვითარება.

ყველას ვთხოვ, ლექსიკონიდან ამოვიღოთ ფრაზები „აჭარისა და ცენტრის დაპირისპირება“, „ცენტრალური მთავრობა“.

საქართველოს არ ჰყავს ცენტრალური მთავრობა, ისევე, როგორც არ ჰყავს ცენტრალური პრეზიდენტი, ცენტრალური პარლამენტი და ა.შ.

საქართველოს ჰყავს მთავრობა!

ვითარება ასეთია: კრიმინალური ჯგუფი ბოლო წლების განმავლობაში დაკავებულია წინა პრეზიდენტისა და წინა მთავრობის პირდაპირი ხელშეწყობით, ასევე ნარკოტრეფიკით, ადამიანების უკანონო დაპატიმრებით, შეკვეთილი მკვლელობებით და სხვა მსგავსი კრიმინალური, ძალიან მძიმე სისხლისსამართლებრივი საქმიანობით.

ეს ჯგუფი დღეს მთელი აჭარის რეგიონის სახელით ლაპარაკობს, თუმცა ამის არავითარი ლეგიტიმური უფლება არ აქვს - ამას ვაცხადებ როგორც პრეზიდენტი, რომელმაც საპრეზიდენტო არჩევნებზე აჭარის ოლქში ხმათა 90 პროცენტი მივიღე.

ეს შეგიძლიათ თქვათ თქვენ, როგორც პარლამენტმა, რომელმაც, დარღვევების მიუხედავად, აჭარის ტერიტორიაზე აბსოლუტური მხარდაჭერა მიიღო.

დარღვევები გამოავლინეს ადგილობრივმა და საერთაშორისო დამკვირვებლებმა - ხალხს აშინებდნენ, ატერორებდნენ, სცემდნენ, თუმცა ამის მიუხედავად, ხალხი მოვიდა, მოგცათ ხმა და წაგართვათ უფლება ილაპარაკოთ „ცენტრისა და აჭარის დაპირისპირებაზე“.

აჭარისთვის არავის უკითხავს, როდესაც იქ მთავრობას და ასლან აბაშიძეს ნიშნავდნენ - ეს გააკეთა თბილისმა, მაშინდელმა ხელისუფლებამ. აჭარის მოსახლეობას ის არც ერთხელ არ აურჩევია, რადგან აჭარაში არასდროს არ გამართულა თავისუფალი არჩევნები და ეს ყველამ კარგად ვიცით.

აქედან გამომდინარე, ძალიან დიდი უსამართლობა და უბრალო, დამცინავი დამოკიდებულება იქნებოდა ჩვენი საზოგადოების ერთ-ერთი საუკეთესო ნაწილის - აჭარლების მიმართ ის, რომ ვაყვედროთ და თუნდაც ერთი გადაბრუნებული სიტყვა ვთქვათ მათზე ასლან აბაშიძის მეთაურობისთვის.

სწორედ იმის გამო, რომ საქართველოს მთავრობამ მოახვია მათ თავს ეს კრიმინალები, დღევანდელი ხელისუფლების ძალისხმევის საგანი უნდა იყოს მათგან აჭარის თითოეული მცხოვრების გათავისუფლება.

ხშირად ისმის, რომ არ გვინდა დაპირისპირება, კონფრონტაცია და გამოჩნდნენ კიდეც „პაციფისტები“, რომლებიც ამბობენ, რომ სურთ მშვიდობა.

ვისთან გინდათ მშვიდობა? ადამიანთა უკანონო დამპატიმრებლებთან გვინდა მშვიდობა თუ მათთან, ვინც ღიად აცხადებს, რომ აჭარა არ არის საქართველოს შემადგენლობაში და ამ საკითხში არ უნდა ჩაერიონ მეზობელი სახელმწიფოები და, პრაქტიკულად, უნდა უზრუნველყონ აჭარის დამოუკიდებლობა?!

ეს განცხადება კეთდებოდა მრავალი წლის განმავლობაში და ბოლოჯერ გაკეთდა გუშინწინ აჭარის ხელმძღვანელის მიერ.

ამ ხალხთან გვსურს მშვიდობა?

მაშინ უნდა შევეგუოთ იმასაც, რომ მშვიდობიანად დაგვეშლება და განადგურდება საქართველო.

თუ ქართველებმა ვერ შევძელით ჩვენი ქვეყნის დაცვა, თუ ქართულმა სახელმწიფომ ვერ შეძლო თავისი მთლიანობის უზრუნველყოფა, თუ ვერ შევძელით სახელმწიფო სტრუქტურების გაწმენდა კრიმინალებისგან, მაშინ საქართველოს მომავალი არ აქვს.

მაშინ შეგვიძლია, ვუთხრათ ეს ჩვენს შვილებს, დავიხუროთ ქუდი და წავიდეთ სახლებში.

ყალბი პაციფიზმი, ყალბი შემრიგებლობა, ყალბი ეროვნულობა არის ყველაზე დიდი ღალატი საკუთარი სამშობლოს მიმართ.

შესარიგებელი არაფერი გვაქვს - პირადად მე არასდროს შევურიგდები კრიმინალებს, ნარკოტიკების გადამტანებს, მათ, ვინც ღიად უმიზნებს იარაღს ქართულ სახელმწიფოებრიობასა და თითოეულ ქართველს.

ძალიან გთხოვთ, თქვენც ნუ შეურიგდებით ამას, რადგან არის შემთხვევები, როცა უკან დახევა დაუშვებელია.

თუ გვინდა, რომ ვიყოთ თავმოყვარე ერი, რომლისთვისაც ღირსება ყველაზე მთავარი რამაა, გადამწყვეტ მომენტში უკან არ უნდა დავიხიოთ.

აი, ეს არის ჩვენი დღევანდელი მოქმედების მთავარი არსი. ამ ბრძოლაში კი ჩვენი მთავარი დასაყრდენი არის აჭარის მოსახლეობა, თითოეული აჭარელი.

ბათუმში საარჩევნო კამპანიის გასამართად დილის 9 საათზე (და არა დილის 4 საათზე, როგორც ამას ზოგიერთი უსინდისო ადამიანი ამტკიცებდა, თუმცა პრეზიდენტს შეუძლია ჩავიდეს ნებისმიერ ადგილზე ნებისმიერ დროს) ჩემს მეგობრებთან ერთად ჩავედი. ჩვენ გვსურდა თავიდან აგვეცილებინა სისხლისღვრა, რომელსაც გეგმავდა აბაშიძის დანაშაულებრივი კლანი ერთი დღის შემდეგ. ამის თაობაზე ტელეფონით გვაფრთხილებდნენ მეც, პრემიერ-მინისტრ ჟვანიასაც და ჩვენს სხვა თანამოაზრეებსაც.

მათ გაუგონარი თავხედობა გამოიჩინეს და საქართველოს ხელისუფლების წარმომადგენლები არ შეუშვეს აჭარის ტერიტორიაზე, თუმცა ჩვენ მაინც შევედით ბათუმში. ჩოლოქიდან ბათუმის ცენტრამდე ჩვენი მსვლელობის განმავლობაში გზის ორივე მხარეს ჩამწკრივებული აჭარლები ყვავილებს გვესროდნენ და ტაშით გვესალმებოდნენ.

შეიძლება ამ ხალხს ვუღალატოთ და დავტოვოთ კრიმინალების ხელში?!

აჭარის ყოველგვარი შედარება აფხაზეთთან და ცხინვალის რეგიონში არსებულ ვითარებასთან დანაშაული, და უვიცობაა, სხვა არაფერი.

რა თქმა უნდა ჩვენ გვჭირდება სერიოზული მომზადება და ამით სერიოზულად ვართ დაკავებული.

ჩვენ ვამაგრებთ ჩვენს სახელმწიფო სტრუქტურებს.

იცით რატომ წარმოიქმნა პრობლემები აბაშიძის კლანთან? - მარტივი მიზეზის გამო.

შევარდნაძისგან განსხვავებით, ჩვენ ვთქვით, რომ არ შევეგუებით კორუფციას, განუკითხაობას, არ შევეგუებოდით იმას, რომ 80-დან 120-მდე მილიონი ამერიკული დოლარი ყოველ წელს მარტო ბათუმის ტერმინალზე ნავთობის ექსპორტირებით „ტყდება“ აბაშიძისა და მისი რუსი პარტნიორების მიერ.

ჩვენ ვერ შევეგუებით იმას, რომ მარტო სარფის საბაჟოზე ყოველწლიურად 50-დან 100-მდე მილიონი ლარი „იკარგება“.

არ შევეგუებით იმას, რომ იქ შემოსული, პრაქტიკულად, ყველა ტვირთი, კონტრაბანდული და განუბაჟებელია, მთელი ფული მიდის ადგილობრივი კლანის ჯიბეში და არც ერთი თეთრი არ ხმარდება აჭარლებსა და საქართველოს მკვიდრთ.

არ შევეგუებით უტიფრობას, თავგასულობას, სიცრუეს და სამშობლოს ღალატს.

თუ ჩვენ გვინდა ჩვენი დაწყებული საქმე, საქართველოში დაწყებული დადებითი პროცესები გაგრძელდეს, ჩვენ გვმართებს ამ პრობლემის გადაწყვეტა.

ბოლო თვეების განმავლობაში ჩვენ ძალიან ბევრი ვიშრომეთ და ძალიან ბევრი რამ უკეთესობისკენ შეიცვალა.

ამ დარბაზში თქვენ ადგილებზე ისხდნენ ლევან მამალაძე, სარიშვილი, რჩეულიშვილი, ახლა კი სხედხართ თქვენ.

როგორ, არაფერი არ შეიცვალა საქართველოში? ის, რომ უმაღლესი თანამდებობის პირები დაპატიმრებული არიან კორუფციისთვის, ეს არაფერს ნიშნავს? ზოგიერთ ქართველს სინდისი ყოფნის, თქვას, რომ ყოველივე ეს ფარსია.

გარწმუნებთ, ვერც ერთმა ქვეყანამ ვერ გაბედა მაფიის „თავების დაყრა“ ასეთ მოკლე პერიოდში და ასეთი დიდი ტემპით.

კი, რა თქმა უნდა, რამდენიმე მათგანი ფულს იხდის და ეს შეიძლება ჩაითვალოს შემამსუბუქებელ გარემოებად, მაგრამ ძალიან კარგად მახსოვს, ჩვენი სიცილიელი მეგობრების სიტ ტყვები და რჩევა: ჯობს მაფიოზი გყავდეთ ციხის გარეთ უფულოდ, ვიდრე ციხეში მთელი თავისი ფულითა და მობილური ტელეფონითო.

დღეს ციხეში ზის პრეზიდენტის სიძე, მაგრამ მისი ფულით დაქირავებული სამი კომპანია ვაშინგტონსა და ევროპაში დღე და ღამე ცდილობს საქართველოს „გაშავებას“.

ასლან აბაშიძე ბათუმში შინაპატიმრობაშია, მაგრამ მისი დაქირავებული რამდენიმე კომპანია ანადგურებს საქართველოს რეპუტაციასა და პრესტიჟს მთელი მსოფლიოს მასშტაბით.

სწორედ ამიტომ არის ჩვენი მთავარი ამოცანა ის, რომ ამოვძირკვოთ ეს „შხამიანი კბილი“ უკანონოდ მოპოვებული ფულის სახით; ამავდროულად კი, ეს ხალხი გასამართლდეს და პასუხი აგოს კანონის წინაშე.

მთავრობას შემოაქვს ამომწურავი პაკეტი ორგანიზებული დანაშაულის წინააღმდეგ ბრძოლის მიმართულებით. გთხოვთ, რომ აღნიშნული პროექტი უახლოეს კვირებში განიხილოთ და მიიღოთ, რათა სამართალდამცავ სტრუქტურებს კორუფციასთან უფრო ეფექტიანად ბრძოლის საშუალება ჰქონდეს. წინა მთავრობისგან განსხვავებით, ამ უწყებების ხელმძღვანელთა ბირთვს სურს ებრძოლოს ორგანიზებულ დანაშაულს და ამისათვის ყველაფერს იღონებენ.

სამეგრელოში კრიმინალებისგან გასაწმენდად სამხედრო ოპერაცია ჩატარდა. 10 ვერტმფრენის გამოყენება მოგვიხდა, მაგრამ აუცილებელი იყო, რომ სამეგრელო გაგვეწმინდა იმ კრიმინალებისგან, რომლებიც ატერორებდნენ მოსახლეობას.

საქმის 80 პროცენტი გაკეთებულია, თუმცა ბოლომდე ჯერ კიდევ მისაყვანია.

მძიმედ შეიარაღებული ბანდის წინააღმდეგ ოპერაცია ჩატარდა სვანეთში და მითი იმის თაობაზე, რომ სვანები ამას ვერ გაიგებდნენ, დაიმსხვრა. როდესაც ადგილზე ჩავედით, ვნახეთ მესტიელების, უშგულელების, ასევე იმ სოფლის მცხოვრებთა რეაქცია, სადაც ეს ოპერაცია ჩატარდა.

ამ ხალხს განსაკუთრებული ნდობა გაუჩნდა ქართული სახელმწიფოს მიმართ და ჩვენ ასეთი ქმედებები უნდა გავაგრძელოთ, რისთვისაც გვჭირდება თქვენი მხარდაჭერა.

რაც შეეხება შემოსავლებს... როგორც კი მოვედით მთავრობაში, ჩვენ ვთქვით, რომ გადასახადების სახით ვიღებთ მხოლოდ ფულს - არანაირ გადარიცხვებს და ჩათვლებს, რითაც იყო გამორჩეული წინა მთავრობა.

ჩვენ არ გვჭირდება ქაღალდზე შესრულებული ბიუჯეტი. საქმე გვაქვს გასაკეთებელი და ამისთვის საჭიროა ფული.

ფულადი შემოსავლები გადასახადების ამოღების მხრივ გაიზარდა ორჯერ. მსურს ამას ხაზი გავუსვა, რადგან შემოდის ფულის ნიშნები და ის ხმარდება სხვადასხვა პროგრამას. ეს პროგრამებია:

უპირველესად, სოციალური პროგრამა.

საპენსიო დავალიანებების გასტუმრების პარალელურად, ნელ-ნელა უნდა გავზარდოთ პენსია. მინდა შეგახსენოთ, რომ საქართველოში, ცალკეული გამონაკლისის გარდა, პენსიებისა და ხელფასების დაგვიანება პირველად აღარ ხდება ბოლო 7 წლის განმავლობაში. ეს იმ პირობებში, როცა ჩვენ დაგვხვდა მთლიანად დაშლილი აპარატი.

ასევე ძალიან დიდი ხარჯი მიდის ჩვენი სახელმწიფოს აპარატის გაძლიერებასა და ქვეყნის თავდაცვისუნარიანობის ამაღ ღლებაზე.

პირველად გავაძლიერეთ ჩვენი არმია. როდესაც მოვედით, ჩვენს არმიაში იყო 2 საათის სამყოფი ტყვია-წამლის მარაგი და დღე-ნახევრის კვების მარაგი ჯარისკაცებისათვის. რა კვება იყო იქ, ეს ყველამ კარგად იცის.

დღეს ყველა ჯარისკაცი, ყველა ოფიცერი გეტყვით, რომ არმიაში კვება ბევრად გაუმჯობესდა - ზოგან - მეტად, ზოგან - ნაკლებად, მაგრამ, პრაქტიკულად, ყველა ნაწილში გაუმჯობეს სებულია.

საქართველოს დღეს უკვე იარაღის საკმარისი მარაგი აქვს იმისათვის, რომ ნებისმიერ აგრესიულ ქმედებას მრავალი კვირისა და უკვე თვეების განმავლობაში შეხვდეს ღირსეულად.

ხვალ ვიბრუნებთ იმ საბრძოლო ვერტმფრენებს, რომლებიც წაყვანილი იყო უკრაინაში.

ასევე ვაპირეთ, რომ წლის დამლევამდე კიდევ ამდენივე ვერტფმფრენი შევიძინოთ საზღვარგარეთ.

ჩვენ რომ მოვედით, უკვე იყო ჩვენი საჰაერო ფლოტის გაყიდვის გეგმები, რადგან - აქ არიან თავდაცვის ექსპერტები - იყო სხვადასხვა რეკომენდაცია იმასთან დაკავშირებით, რომ საქართველოს არ სჭირდება საბრძოლო ავიაცია.

ჩვენ არა მხოლოდ შევინარჩუნეთ ავიაცია (ადრე დაფრინ ნავდა წლის განმალობაში მხოლოდ 5 საათი და ისიც პრეზიდენტების აფრენა-დაფრენის დროს), ახლა ყოველდღე დაფრინავს საბრძოლო ცდებისათვის და თავისი ამოცანების შესასრულებლად. ამას გარდა, ახალ თვითმფრინავებს ვაყენებთ შეიარაღებაზე.

ჩვენ ასევე ერთ კვირაში შემოგვყავს საბერძნეთიდან უახლესი ტექნიკით აღჭურვილი საფლაგმანო გემი და გაჩნდება პირველი დიდი ხომალდი სასაზღვრო დაცვის სისტემაში.

ასევე შემოდის ორი ხომალდი, რომელიც დაემატება საქართველოს შეიარაღებულ ძალებს ზღვის აკვატორიაში.

ყოველივე ეს მოხერხდა 2-3 თვეში და ეს საკმარისი აღმოჩნდა, თუ მთავრობა მუშაობს.

არ არის ეს შთამბეჭდავი შედეგები? რა თქმა უნდა, არის! და ეს არის ყველა ჩვენგანის და ყველა თქვენგანის ერთობლივი დამსახურება.

ასევე მინდა გთხოვოთ, რომ ვიმუშაოთ ხალხთან. ზოგს დაავიწყდა, რომ პენსიას და ხელფასს დროზე არ იღებდნენ. ადრე, როცა ჩვენ დავდიოდით მოსახლეობასთან, გვეუბნებოდნენ, მოგვეცით დროზე ჩვენი 14 ლარი.

სხვათა შორის სოფლებში 13 ლარი იყო, ახლა კი 17 ლარს იღებენ და გვეუბნებიან, რატომ არის პენსია ასე ცოტაო. ვეთ თანხმები, რომ პენსიისთვის ეს ძალიან ცოტაა, მაგრამ მინდა ყველა დემაგოგს გავცეთ პასუხი.

რა თქმა უნდა, ერთ დღეში არ შეიძლებოდა სიტუაციის შემობრუნება უკეთესობისაკენ, მაგრამ ფაქტია, რომ პოზიტიური ტენდენცია სახეზეა. მათ ფულს ჯიბეში აღარავინ იდებს.

მითხარით ერთი მინისტრი, რომელიც შეიძლება დაადანაშაულოთ პენსიონერების ფულის მიტაცებაში.

მითხარით ერთი გუბერნატორი ან გამგებელი და იმ წამს დატოვებს თანამდებობას თუ ეს ოდნავ მაინც დასაბუთებული იქნება ბრალდება.

თუმცა ამაზე აღარავინ ლაპარაკობს.

ჩვენ უნდა ავუხსნათ ხალხს, რომ მდგომარეობის გასაუმჯობესებლად გვჭირდება დრო; ასევე გვჭირდება დრო იმისათვის, რომ ეს ჩაოხრებული და განადგურებული ქვეყანა სწორ გზაზე დადგეს.

ბალტიის ქვეყნებში მინიმალური პენსია 120 დოლარია. 1989 წლის მონაცემებით, ერთ სულ მოსახლეზე ჩვენ ერთნაირი შემოსავალი გვქონდა.

დადგება დრო, როდესაც დავეწევით ლიტვასაც, ლატვიასაც და ესტონეთსაც, რადგან საქართველო გამოირჩევა ნიჭიერი ხალხით და განსაკუთრებული რესურსით. ჩვენ უნდა გამოვიყენოთ ის რესურსი და უზარმაზარი ენერგია, რომელიც რევოლუციამ გამოათავისუფლა.

ჩვენ უნდა დავწიოთ გადასახადები, ვცადოთ დავარწმუნოთ სავალუტო ფონდი და სხვა საერთაშორისო ორგანიზაციები, რომ გვაქვს ზედმეტობა გადასახადების; ასევე უნდა დავარწმუნოთ ჩვენი მოსახლეობა, რომ ეს მარტო ხელფასებად და პენსიებად კი არ უნდა დავარიგოთ, არამედ ბიზნესმენსაც უნდა მივცეთ განვითარების, გაფართოების, ახალი ხალხის დასაქმების საშუალება.

ასე უფრო მეტად დავეხმარებით პენსიონრებს და სხვა სოციალურად დაუცველ ფენებს. ეს არის პარლამენტის გადასაწყვეტი და ეს პარლამენტმა უნდა აუხსნას ჩვენს საზოგადოებას.

გვაქვს მატება? შეგვიძლია წავიდეთ სავალუტო ფონდთან და ვთქვათ, რომ ჩვენ შეგვიძლია გავაიაფოთ სოციალური გადასახადები, შეგვიძლია დავწიოთ მოგების გადასახადი...

უკვე გავათავისუფლეთ ინდივიდუალური მეწარმეები ყველანაირი გადასახადისაგან, ასევე შეგვიძლია გავათავისუფლოთ მიწის გადასახადისაგან 5 ჰექტარამდე მიწა და, ამავე დროს, მივცეთ სტიმული მათი წარმოების გასაფართოებლად.

აი, ამისათვის გვჭირდება დისციპლინის გაუმჯობესება და საგადასახადო რეჟიმის უკეთესი ადმინისტრირება.

ეს კოდექსი თქვენთან ერთად უნდა განვიხილოთ მაისში. მინდა, რომ ყველამ ერთად ვიმუშაოთ მასზე, ყველამ შევიტანოთ წვლილი მის განხილვაში.

უნდა გვახსოვდეს, რომ, ერთი მხრივ, გვჭირდება წარმოების, ბიზნესების სტიმულირება, ხოლო მეორე მხრივ, არ უნდა დავუშვათ, რომ სოციალური ბაზა საქართველოში ჩამოინგრეს. ეს აუცილებელია იმისათვის, რომ ამ ბალანსის ზუსტი პოვნა შეგვეძლოს, ასევე პენსიებისა და ხელფასების დროულად გაცემა, თანაც შეგვეძლოს ბიზნესის დახმარება. ეს პარლამენტის სიბრძნისა და გამოცდილების ერთ-ერთი მთავარი შედეგი უნდა იყოს და ალბათ, იქნება კიდეც.

ასევე გვჭირდება მაღალტექნოლოგიური საწარმოების განვითარება და ამისათვის იმ ბიუჯეტში, რომელიც შემოდის, თითქმის ორჯერ იზრდება განათლებაზე გაწეული ხარჯი, რადგან ამ სფეროს განსაკუთრებული ყურადღება ეთმობა.

რატომ? იმიტომ, რომ ჩვენი პრიორიტეტი ქვეყნის ძირითადი სისტემების გაძლიერებასთან ერთად, არის განათლების სისტემის შექმნა, მისი სერიოზული რეფორმირება.

მინდა ხაზგასმით აღვნიშნო აგრეთვე ის, რომ ჭორები სამეცნიერო ინსტიტუტების დახურვის, მეცნიერების ქუჩაში გაყრისა და რაღაც რეპრესიების დაწყების თაობაზე არის აბსურდი, ბლეფი, მოგონილი უვიცი და დემაგოგი ადამიანების მიერ.

ჩვენ შევინარჩუნებთ ყველა მეცნიერს და არა მხოლოდ შევინარჩუნებთ, შევუქმნით მათ პირობებს.

ჩვენ მართლაც ეფექტიან რეფორმებს ჩავატარებთ, გავიტანთ საუნივერსიტეტო დაწესებულებაში, მაგრამ კორუფციულ სისტემას, რომელიც არის საუნივერსიტეტო დაწესებულებებში და ეს ყველამ ძალიან კარგად იცით, იმედია, ამ დაწესებულებების ხელძღვანელებთან ერთად მოვსპობთ.

ხელმძღვანელებს, რომლებიც არ ითანამშრომლებენ ამ მიმართულებით, შევცვლით, მაგრამ მაინც შევძლებთ კორუმპირებული სისტემის აღმოფხვრას საქართველოს უმაღლეს განათლებაში. ეს არის ძალიან მნიშვნელოვანი.

აი, ეს არის ის, რისი გაკეთებაც პარლამენტს სჭირდება, ეს არის ნამდვილი რეფორმების პარლამენტი.

ის, რაც დავიწყეთ 1995 წელს სანახევროდ, სუსტი ნაბიჯებ ბით, ამ პარლამენტმა უნდა მიიყვანოს ბოლომდე. აუცილებელია ყველაფრის ინსტიტუციონალიზაცია და ამას შეძლებთ, რადგან ამჯერად თქვენ მხარეს არის პრეზიდენტი და აღმასრულებელი ხელისუფლება.

ამიტომ იდეები, ხედვა უნდა მოდიოდეს თქვენგან. ყველაზე მეტი კავშირი ხალხთან გაქვთ თქვენ და ყველაზე მეტი იდეის მოძიება შეიძლება სწორედ ხალხთან უშუალო კავშირის შედეგად. მთავარია, რომ ეს კავშირი იყოს მუდმივად ინტერაქტიური, რომ მუდმივად გრძნობდეს ხალხი, რომ თქვენ მათთან მიდიხართ და მათგან იღებთ ენერგიას.

მაგალითად, მე, მთელ ჩემს ენერგიას ვიღებ ხალხთან ურთიერთობით. საკმარისია გული გამიწყალონ, ჩვენმა მინისტრებმა და მთავრობის წევრებმა, რაც ზოგჯერ ხდება ხოლმე, რომ მაშინვე გავდივარ ქუჩაში ხალხთან საურთიერთოდ.

მათგან სულ სხვა ენერგიით დამუხტული ვბრუნდები და ეს არის თითოეული ნამდვილი პოლიტიკოსის მთავარი საყრდენი, მოქმედების მთავარი წყარო.

მოგიწოდებთ, რომ მუდმივად ახალი რეფორმატორული იდეები წამოიღოთ ხალხისგან. მით უმეტეს, რომ თქვენი უმეტესობა სწორედ ინტენსიური ბრძოლის შედეგად მოვიდა ხელისუფლებაში.

თამაზ ხიდაშელმა დაამხო მედიკო მეზვრიშვილი ჩვენს სხვა კოლეგებთან ერთად. მინდა გითხრათ, რომ შევარდნაძის დამხობა უფრო ადვილი იყო, ვიდრე მედეა მეზვრიშვილის გამ მოყვანა თელავის გამგეობის შენობიდან. ხომ მოახერხეს ამის გაკეთება ჩვენმა გურჯაანელმა, ლაგოდეხელმა, თელაველმა, საგარეჯოელმა, ყვარლელმა და სხვა კოლეგებმა?

ამიტომ, ეს ბრძოლა, რომელიც ჩვენ დავიწყეთ არ დამთავრებულა. ის ხალხი კი გამოუშვით, მაგრამ მთავარია ახლა ისინი იყვნენ განსხვავებული და წარმატებული, ვინც შევუშვით.

ამის გაკეთება ბევრად უფრო ძნელია და ეს არის თითოეული ჩვენგანის მოვალეობა და ამოცანა.

ჩვენ გვინდა თქვენი დახმარება იმ მხრივაც, რომ მუდმივად აკონტროლოთ აღმასრულებელი ხელისუფლება. რატომ? მიუხედავად იმისა, რომ მინისტრები ჩვენთან აღარ აიღებენ ქრთამებს, მებაჟეები და საგადასახადო ინსპექტორები მაინც იღებენ, შესაძლოა, ნაკლებს, მაგრამ მაინც.

საგზაო ინსპექტორს ვუხდით 400-600 ლარს. ადრე ქრთამის სახით რჩებოდა მხოლოდ თვეში 100-150 ლარი, მეტი არა, მაგრამ ნახევარი მაინც ისევ იღებს ქრთამს.

ამიტომ რამდენიმე წყება ხალხის გამოცვლა დაგვჭირდება, ვიდრე არ მიხვდებიან, რომ ხელფასს თუ იღებენ, წესიერადაც უნდა იმუშაონ, ხოლო თუ წესიერად არ იმუშავებენ, ვერც ხელფასს ვეღარ მივცემთ, რადგან სახსრები აღარ გვექნება...

გაუმჯობესება აშკარად შეინიშნება, მაგრამ, პრაქტიკლად, სისტემური რეფორმები ჯერ კიდევ ყველა დონეზე არის გასატარებელი; ამ მხრივ პარლამენტის როლი განსაკუთრებულია.

რაც შეეხება ჩვენს შემდგომ რეფორმებს, ადმინისტრაციული რეფორმების მსგავსად, ადგილობრივი მმართველობის რეფორმებიც უნდა განვახორციელოთ.

მომავალ წელს ადგილობრივი მმართველობის არჩევნებია გასამართი. ჩვენ უნდა გვყავდეს ეფექტიანი ადმინისტრატორები, რომლებსაც ხალხი აირჩევს.

მათ მიმართაც აუცილებელია კონტროლი, რადგან არჩეული ადმინისტარტორებიც მინახავს, ერთ თვეში რომ გაბანდიტებულა, თავზე ხელი აუღია და უფრო მძიმე ტვირთად დასწოლია საკუთარ მოსახლეობას.

ამიტომ კონტროლი ორივე მხრიდან, ერთი მხრივ, ცენტრალიზირებული კონტროლი და, მეორე მხრივ, ადგილობრივი თვითმმართველობის გაძლიერება - ეს შეთავსებადი ცნებებია და ეს ბალანსი ყველამ ერთად უნდა ვიპოვოთ.

ჩვენ გვჭირდება ჯანდაცვისა და სოციალური დაცვის სისტემების სერიოზული ცვლილება.

ჩვენი ჯანდაცვის სისტემა ერთ-ერთი ყველაზე ბარბაროსულია მთელ მსოფლიოში. დღეს ადამიანი შეიძლება მოკვდეს იმის გამო, რომ ოპერაციის გასაკეთებელი ფული არ აქვს და საქართველო არის ერთ-ერთი ყველაზე იშვიათი ქვეყანა, რომელში ასეთი რამ შესაძლებელია.

მსოფლიოში თითქმის არ არსებობს და ევროპაში ნამდვილად არ არის ისეთი ქვეყანა, სადაც ეს შეიძლება მოხდეს.

საქართველოში ეს ხდება ყოველდღიურად. თბილისში ამის შეცვლა შევძელით, მაგრამ ქალაქგარეთ, შეიძლება, დაგეჯახოს მანქანა და თუ თავი არ წამოყავი იმის სათქმელად, რომ ფული გაქვს, მილიონერიც რომ იყო, სასწრაფოც არ დაგეხმარება. აი, ამის შეცვლა არის ჩვენი მთავარი ამოცანა.

აღრიცხვიანობის მოწესრიგება. საქართველოში დღეს სოციალურ შემწეობას იღებს 300 ათასამდე დევნილი კონფლიქტური ზონებიდან. საქართველოში არ არის 120 ათასზე მეტი დევნილი, დანარჩენი 180 ათასი იმ ხალხის ჯიბეებში ნაწილდება, ვინც ამ სოციალურ დახმარებას არიგებს.

ისევე, როგორც საქართველოში არ არის ამდენი პენსიონ ნერი, არ არის 950 ათასი პენსიონერი და არ არის ამდენი სპეციალური შეღავათებით მოსარგებლე ხალხი.

ყოველივე ეს თითიდანაა გამოწოვილი.

აუცილებელია ამ სისტემის მოწესრიგება, რათა გავიგოთ რამდენია პენსიონერი, რამდენია დევნილი, რამდენია მართლა გაჭირვებული და რამდენია ძალიან მდიდარი, რომელიც სახელმწიფოსაგან დამატებით იღებს ამგვარ შემოსავალს. ეს არის ჩვენი ერთ-ერთი მთავარი ამოცანა და მუდმივი წუხილი.

როდესაც მთავრობას შენიშვნა მივეცი, რომ არაფერი არ იცვლება, უპირველესად, იმას ვგულისხმობდი, რომ სოციალური დაცვისა და ჯანდაცვის სამინისტრომ უნდა მოახერხოს სწორედ აღრიცხვიანობის სისტემის უკეთესობისაკენ შემობრუნება. დაეხმარეთ მას ამაში, რადგან თქვენ ყველანი, განსაკუთრებით კი მაჟორიტარი დეპუტატები, ინფორმირებული ხართ იმის შესახებ, თუ რა ხდება.

ჩვენ გვჭირდება ჩვენი მთავრობის რეფორმირება სხვადასხვა დონეზე და ამის დრო არ იქნება ძალიან ბევრი.

მინდა გითხრათ, რომ ყველა რეფორმატორისათვის გამოყოფილი დრო არის ძალიან შეზღუდული. ვერ გამოიყენებს შესაძლებლობას, შესაძლებლობების ფანჯარა იხურება და შემდეგ შეიძლება არასოდეს აღარ გაიხსნას.

მე და ჩემი მეგობრები ვართ ბედნიერები, რომ რეფორმების გატარების მეორე შანსი მოგვეცა.

პირადად ჩვენ ეს შანსი ბოლომდე ვერ გამოვიყენეთ, ვერ გამოვიყენეთ ჩვენივე, ზოგჯერ, გადაუწყვეტელობის გამო და ზოგჯერ (უმეტესად) იმის გამო, რომ აღმასრულებელი ხელისუფლება ამ რეფორმებს შეეწინააღმდეგა. აი, ახლა ჩვენ გვაქვს უნიკალური შანსი: არის რეფორმატორი პრეზიდენტი, რეფორმატორული მთავრობა და რეფორმატორული პარლამენტი და ჩვენ შეგვიძლია საქართველო მთლიანად შემოვაბრუნოთ უკეთესობისაკენ.

რა არის ჩვენი მომავალი? ჩვენი მომავალი არის ევროპის კავშირის წევრობა და ყველა ჩვენთვის მნიშვნელოვან ევროპულ და ევროატლანტიკურ სტრუქტურებში სრული გაწევრება.

ეს უკვე აღარ არის ფანტაზია. ივნისში ჩვენ გვაქვს შანსი, რომ ევროპის კავშირმა საქართველო აღიაროს ევროპის კავშირის უახლოესი სამეზობლოს წევრად. ეს ნიშნავს იმას, რომ, პრაქტიკულად, ევროკავშირის გაფართოების მთავარი ორიენტირი ახლა ხდება საქართველო და შემდგომში, ალბათ, საქართველოს მეშვეობით სამხრეთ კავკასიის ქვეყნები.

ბულგარეთი და რუმინეთი უკვე შედიან ევროკავშირში. ბულგარეთის დონე 3-4 წლის წინ ძალიან ჰგავდა საქართველოს დონეს. ალბათ მონაცემებიც ასეთია.

უკვე დღეს ბულგარეთი არის ევროკავშირის წევრობის რეალური კანდიდატი. საქართველო თუ წავიდა სწორი გზით, შეძლებს ევროპის კავშირში გაწევრებას.

რას ნიშნავს ევროპის კავშირში ინტეგრაცია? ეს ნიშნავს თითოეული ქართველისათვის ცხოვრების 3-ჯერ, 4-ჯერ მაღალ დონეს და საერთოდ პერსპექტივების სრულიად განსაკუთრებულ გახსნას.

ჩვენ გვაქვს საშუალება, რომ მივიღოთ ბევრად მეტი დახმარება თავდაცვის სფეროში. ჩვენ გვაქვს ინდივიდუალური პარტნიორობის პროგრამა ნატოსთან, რომელიც მტკიცდება სტამბოლში ივნისის ბოლოს და ამ პროგრამის მეშვეობით ჩვენ შეგვიძლია გადავდგათ შემდგომი ნაბიჯი, რათა მომავალ წელს საქართველომ მიიღოს გაწევრების სამოქმედო პროგრამა.

ეს არის პირდაპირი მიწვევა ჩრდილოატლანტიკურ ალიანსში, მაგრამ ჩემთვის, ფორმალობასთან შედარებით ბევრად მეტია კონკრეტული დახმარების მიღება იმ თვალსაზრისით, რომ ჩვენი შეიარაღებული ძალები დადგეს ფეხზე.

ჩვენ გვყავს ერთი თითქმის ჩამოყალიბებული ბრიგადა აღმოსავლეთ საქართველოში. ჩვენ გვჭირდება ასევე მეორე, 5000-კაციანი ბრიგადა დასავლეთ საქართველოში და ეს უნდა მოვახერხოთ მაქსიმუმ 2-3 წელიწადში.

მაშინ შეგვიძლია ვთქვათ, რომ საქართველოს ჰყავს რეგიონში საუკეთესო შეიარაღებული ძალები, ბირთვი, ყოველ შემთხვევაში. 10 ათასი მაღალი დონის ჯარისკაცი ჯობია 150 ათას საბჭოთა პერიოდში მომზადებულ ჯარისკაცს თავისი შესაძლებლობებითა და მოქმედების ხარისხით. ვისაც უნახავს ამერიკელების გაწვრთნილი კომანდოსები, ამაში დამეთანხმებიან.

ჩვენთვის განსაკუთრებული მნიშვნელობის არის ჩვენი ურთიერთობა რუსეთთან და მთავარი, რასაც ჩვენ მივაღწიეთ, არის ის, რომ არ უნდა დავსვათ საკითხი ასე: ან ამერიკა ან რუსეთი, ან ევროპა ან ამერიკა.

ჩვენ გვინდა ყველაფერი, რაც ჩვენთვის კარგია. ჩვენ გვინდა ამერიკაც, რუსეთიც, ევროპაც და ახლო აღმოსავლეთიც, თუ ეს წაადგება საქართველოს ინტერესებს. მეზობლებთან ურთიერთობა არის ჩვენი ინტერესების ძალიან მნიშვნელოვანი ნაწილი. რუსეთის ხელოვნურად გაღიზიანება, წინა მთავრობის მიერ გადადგმული ნაბიჯები, რომ შინაგანი სისუსტეების კომპენსირება მოეხდინა რუსეთთან აგრესიული რიტორიკით, ძალიან ცუდად დამთავრდა ჩვენთვისაც და ჩვენი და რუსეთის ურთიერთობისთვისაც.

დარწმუნებული ვარ, თანმიმდევრული, პრინციპული, ღირსეული საუბრით რუსეთთან ჩვენ შევძლებთ ამ ქვეყნის შემობრუნებას და ამის ყველა სიმპტომი უკვე სახეზეა. დღეს, 3 თვის წინანდელისაგან განსხვავებით, რუსეთის საზოგადოებრივი აზრი მკვეთრად პოზიტიურია საქართველოს მიმართ. ვერ წარმომედგინა, რომ ეს ასე ჩქარა შეიძლება მომხდარიყო.

დღეს საქართველოს ხსენებაზე რუსეთში უკვე აღარ არის ის უარყოფითი რეაქცია, რომელიც აქამდე იყო და რომელმაც ძალიან დაგვაზარალა თავის დროზე.

დღეს აღარ არის მოდაში თუნდაც ყველაზე ნაციონალი პოლიტიკოსების მხრიდან საქართველოს ლანძღვა და ამით პოლიტიკური ქულების დაწერა, რადგან ამას აზრი აღარ აქვს და თავის დროზე ასეთმა რიტორიკამ საქართველოში 10-ჯერ და 100-ჯერ დაგვაზარალა - სერიოზულად მოგვითხარა ძირი აფხაზეთშიც და საქართველოს სხვა რეგიონებშიც.

ამიტომ სერიოზული პარტნიორული ურთიერთობის წარმოება რუსეთთან ჩემს ერთ-ერთ მთავარ ამოცანად მიმაჩნია. ამ მხრივ, იმედია, უახლოეს პერიოდში მივიღებთ სავიზო რეჟიმის გამარტივების გადაწყვეტილებას, რაც ძალზე მნიშვნელოვანია. შეიძლება მთლიანად გაუქმება სწორი არც იყოს, მაგრამ გამარტივება სრულიად აუცილებელია.

ჩვენ მივიღებთ ეკონომიკური, ახალი პრეფერენციების მიღების გარანტიებს რუსეთისაგან, ყოველ შემთხვევაში, ამის შესახებ ვლაპარაკობთ.

მნიშვნელოვანია, რომ სხვა ნაბიჯები გადმოდგა რუსეთმა ჩვენთან შესახვედრად და ჩვენც უნდა გვესმოდეს, რომ ეს არის მხოლოდ ჩვენთვის სასარგებლო, ჩვენს წინაშე ასევე არსებული შიდა ამოცანების უახლოეს მომავალში გადასაწყვეტად. ეს არის ერთ-ერთი ყველაზე სერიოზული ფაქტორი.

ჩვენ ასევე გვინდა ურთიერთობის განვითარება არა მხოლოდ ევროპულ ინსტიტუტებთან, ამერიკასთან. აქ ჩვენ ვერანაირ განსხვავებას ვერ ვხედავთ და ვერანაირ წინააღმდეგობას ვერ ვხედავთ, ყოველ შემთხვევაში, მე ვერ ვხედავ; ასევე ახლო აღმოსავლეთთან, როგორც არაბულ ქვეყნებთან, ისე ისრაელთან.

ტრადიციულად, არაბული ქვეყნები ჩვენთვის, პრაქტიკულად, უცნობი ზონა იყო. არადა, ეს არის უმნიშვნელოვანესი სავაჭრო ბაზრები და სხვა ეკონომიკური სიძლიერის წყარო, მაგრამ ისრაელი ასევე არის ჩვენი ქვეყნის ტრადიციული, მნიშვნელოვანი პარტნიორი. ამიტომ ისრაელთანაც უნდა შევინარჩუნოთ და განვავითაროთ ძალიან თბილი და ახლობლური ურთიერთობა. ჩვენი საგარეო პოლიტიკის მთავარი მახასიათებელი უნდა იყოს ღირსება და პრაგმატულობა.

ჩვენ გვყავს საგარეო საქმეთა მინისტრი, რომლის დონე შეშურდება ნებისმიერ ევროპულ ქვეყანას.

სალომე ზურაბიშვილის დონის მინისტრი ძალიან იშვიათია ევროპაში. ზოგადად, ჩვენი მთავრობა არის ერთ-ერთი ყველაზე კომპეტენტური და, ალბათ, ყველაზე კომპეტენტური პოსტსაბჭოთა სივრცეში. როდესაც გელა ბეჟუაშვილი მივიდა თავდაცვის სამინისტროში, ჩვენ გვყავდა 28 გენერალი, ახლა დარჩა შვიდი. დაიწყო ამ სფეროს სწრაფი რეფორმირება და უცებ აღმოიფხვრა იქ არსებული კორუფციული სისტემა.

განსაკუთრებით მინდა აღვნიშნო ზურაბ ადეიშვილის მუშაობა უშიშროების მინისტრის პოსტზე. პრაქტიკულად, უმოკლეს პერიოდში მთელი ის მითი, რომ თურმე უშიშროების მინისტრი ვერ გახდება ის კაცი, ვინც თავის დროზე საბავშვო ბაღში ჯერ უშიშროების აგენტი არ იყო, შემდეგ უშიშროების ოფიცერი არ გახდა და მთელი ცხოვრება იქ არ მუშაობდა, მთლიანად დაინგრა.

პირველად ქვეყანაში იგრძნობა, რომ არის უშიშროების სისტემა და ჩვენ პირველად ვიღებთ ინფორმაციას იმ ადგილებ ბიდან, საიდანაც მხოლოდ ჩვენგან იღებდნენ ხოლმე ინფორმაციას და მათზე არაფერი ვიცოდით. დამთავრდა ეს. პირველად გვაქვს ეს შესაძლებლობა და ტექნიკური რესურსებითაც აღვიჭურვეთ.

როცა კითხულობენ - სად იხარჯება ფული, პასუხი ერთია: ჩვენი სამინისტროების მოდერნიზაციაზე. პირველად გაგვიჩნდა სამინისტრო, რომელიც გვაძლევს ყოველმხრივ და ამომწურავ ინფორმაციას ძალიან ბევრი მნიშვნელოვანი სტრატეგიული მიმართულებით.

უმნიშვნელოვანესი რაღაცები კეთდება შინაგან საქმეთა სამინისტროში. გია ბარამიძე აღმოჩნდა ბრწყინვალე მინისტრი და მიუხედავად იმისა, რომ ეს სისტემა არის ძალიან დასნეულებული, ვამზადებთ თბილისის საპილოტო პროგრამას.

თბილისში პირველად შეიქმნება მუნიციპალური პოლიცია, წლის ბოლომდე, ე.ი. იქნება თავაზიანი, წესიერი, კულტურული და არაკორუმპირებული. აი, ეს არის ჩვენი პროგრამა და ამას აუცილებლად გავაკეთებთ.

ასეთივე სერიოზული რეფორმები ხორციელდება საგზაო პოლიციაში.

დეცენტრალიზაციის პარალელურად სერიოზული რეფორმები მიმდინარეობს ადგილობრივი სტრუქტურების შექმნის თვალსაზრისით.

ვფიქრობ, ძალიან მნიშვნელოვანი ფინანსური ნაბიჯები გადადგა ზურაბ ნოღაიდელმა. ჩვენ მასთან ხშირად გვაქვს პრეტენზიები, მაგრამ ამავე დროს, უნდა ითქვას, რომ ზედა დონეზე სამინისტრო დალაგდა.

ძალიან ეფექტიანად მუშაობს საგადასახადო პოლიცია. პრობლემებია ჯერ კიდევ სერიოზული, როგორც მოგახსენეთ, საგადასახადოსა და საბაჟოში.

მნიშვნელოვანი ნაბიჯები გადადგა, ვფიქრობ, ბატონმა გურამ აბსანძემ, რეალური ნაბიჯები გადაიდგა ეროვნული შერიგებისთვის და ამისათვის მას განსაკუთრებული მადლობა მინდა ვუთხრა.

ეს არ არის რაღაც აბსტრაქტული კატეგორია, ეს არის ადამიანების ბედის შემობრუნება უკეთესობისაკენ. ეს შეეხება როგორც წალენჯიხაში შემორიგებულ ბიჭებს, ასევე ასობით სხვა ადამიანს; მათ შორის, ქართველ ემიგრანტებს, რომლებიც წასული იყვნენ საზღვარგარეთ და დაბრუნდნენ ახლა უკან. პრაქტიკულად ყველა მინისტრი კარგად მუშაობს, ზოგიერთი სხვებზე გვიან შევიდა ფორმაში, მაგრამ ფაქტია, რომ შედეგები სახეზეა და ამ მთავრობას აქვს მართლაც მნიშვნელოვანი წარმატება.

მე მინდა გთხოვოთ, რომ ჩვენ ყველა დავეხმაროთ კონსტრუქციული კრიტიკით და რჩევებით, რომ იყვნენ ეფექტიანები. დავეხმაროთ, რომ აქ კანონპროექტები არ გაიჭედოს თვეობით, დავეხმაროთ იმაში, რომ არ მოხდეს კორუმპირებული ლობირება, როგორც ხდებოდა წინა პარლამენტში და კანონპროე ექტებში არ ჩაიდოს ვიღაცის ინტერესი.

ეს პარლამენტი ხალხს ამისთვის არ აურჩევია, ხალხმა მოგვიყვანა აქ და ხალხი გვიხდის ხელფასს იმისათვის, რომ დავდგეთ ყოველგვარ პარტიკულარულ და თუ სხვა ინტერესებზე მაღლა და ამოვიდეთ ქვეყნის მთავარი საჭიროებიდან.

თუ ყოველივე ამას გავაკეთებთ, ვფიქრობ, საქართველოში სრულიად განსაკუთრებული სიტუაცია შეიქმნება. ოპტიმიზმის ტალღა, რომელიც საქართველოში არსებობს, შენარჩუნდება და შეუქცევადი იქნება.

განსაკუთრებით მსურს აღვნიშნო ჩვენი ეკლესიის როლი. უკვე ვისაუბრე მისი უწმინდესობის როლზე რევოლუციაში.

განსაკუთრებული როლი აქვს ქართულ მართლმადიდებელ ეკლესიას. ვფიქრობ, ჩვენმა ეკლესიამ დაამტკიცა, რომ მას აქვს სახელმწიფოებრიობის განცდა და უზარმაზარი ტრადიციები; ის გამოირჩევა არა მხოლოდ ეროვნულობით, არამედ დიდი ტოლერანტულობითაც. ძალიან პროგრესული როლის შესრულება შეუძლია იმ პერიოდშიც კი, როდესაც საერო ცხოვრება მეტად არეულია.

ეკლესიას ასევე სჭირდება ყოველნაირი ხელშეწყობა და გვერდზე დადგომა იმისათვის, რომ ისიც დადგეს ფეხზე, იყოს წელში გამართული და არ ჰქონდეს მატერიალური პრობლემები, რომელიც დღეს მას, რა თქმა უნდა, როგორც მთლიანად საზოგადოებას, აქვს.

ჩვენ ვაპირებთ დიდი ზარ-ზეიმით აღვნიშნოთ საქართველოში ქრისტიანობის შემოსვლის 2000 წლისთავი. ეს არის იუნესკოს გადაწყვეტილება და 2000 წლისთავის აღნიშვნისას აუცილებლად უნდა გავხსნათ და ვაკურთხოთ სამების ტაძარი; მთელი მსოფლიოდან უნდა ჩამოვიყვანოთ კულტურისა და რელიგიის ლიდერები ამ მნიშვნელოვანი თარიღის ერთად აღსანიშნად.

ასე რომ, ჩვენ გვაქვს დიდი გეგმები, უახლესი ამოცანები და უახლოესი დაბრკოლებები. რა თქმა უნდა, ძალიან ბევრი პრობლემა შეგვხვდება და მინდა გთხოვოთ, რომ გავუწიოთ ერთმანეთს ანგარიში. შეიძლება რაღაცა პატარა ქულა დაიწერო ტელევიზიით გამოსვლით რაღაც თემაზე, მე ამის დიდი გამოცდილება მაქვს, მეც ვცდილობდი მთელი ცხოვრება ამ დარბაზში პოლიტიკური ქულების დაწერას, მაგრამ შეიძლება 5 წლის შემდეგ ამ შენმა დაწერილმა ქულამ შენც დაგაზარალოს. ამიტომ გთხოვთ, რომ ყველა ჩვენი ნაბიჯი განსაკუთრებულად ავწონ-დავწონოთ.

უახლოესი არჩევნები არის 4 წელიწადში - საპარლ ლამენტო. დრო ყველას ექნება თავის გამოსაჩენად. ამიტომ გთხოვთ, გეგმაზომიერად მივუდგეთ, რადგან ეს არის მარათონული დისტანცია. ვისაც ეყოფა გამძლეობა და გამბედაობა, რომ გაუძლოს, საბოლოოდაც ის იქნება გამარჯვებული. ამაში ვარ დარწმუნებული.

მინახავს აქ ხალხი, რომლებიც ერთი წლის წინ მიიჩნევდნენ, რომ თეთრ ცხენზე ისხდნენ და მათ წინ ვერაფერი აღუდგებოდა, მაგრამ ახლა ყველანი ისტორიის სანაგვეზე არიან. ეს თქვენ ნამდვილად არ გემუქრებათ, არ გაშინებთ, უბრალოდ, დარწმუნებული ვარ, რომ ეს იქნება პარლამენტი, რომელიც საქმეს სტრატეგიულად, გეგმაზომიერად მიუდგება თავის ხელმძღვანელთან ერთად.

მიხარია, რომ ქალბატონი ნინოს კანდიდატურა სახელდება. ეს ძალიან მნიშვნელოვანია.

ჩვენ თანამებრძოლები და მეგობრები ვართ და მოწინააღმდეგის მთავარი პროგნოზი ჩვენი დაშლისა და ერთმანეთის გადამტერების თაობაზე, აბსოლუტური სისულელე აღმოჩნდა, როგორც სხვა პროგნოზები.

საკუთარ სიტყვას ყოველთვის ვიცავ და ჩვენ შეთანხმებებსაც ყოველთვის დავიცავთ.

თუ გვინდა, რომ პოლიტიკაში მართლა გვქონდეს გრძელვადიანი წარმატება, ეს არის ერთ-ერთი მთავარი საწინდარი. ამ შემთხვევაში, შეთანხმებას ვიცავ სიამოვნებით, პლიუს, იმიტომ, რომ საქმე გვაქვს ჩვენს მეგობართან, ჩვენს პარტნიორთან და ასევე რეფორმატორთა გუნდის ძალიან მნიშვნელოვან წარმომადგენელთან.

აი, ეს არის, რისი თქმაც ამ თვალსაზრისით თქვენთვის მსურდა.

მინდა გისურვოთ წარმატება; მინდა გისურვოთ, რომ ეს პარლამენტი და მისი საკანონმდებლო საქმიანობა გაფურჩქნულიყოს, როგორც ეს ვარდი; მსურს ასევე გისურვოთ ერთი რამ, თქვენმა შვილებმა და შვილიშვილებმა იამაყონ იმით, რომ მათი წინაპარი იყო იმ პარლამენტის წევრი, რომელმაც საქართველო დააყენა ფეხზე.

ჩვენ საქართველო უნდა დავაყენოთ ფეხზე, წინ არის დიდი ბრძოლა, მაგრამ აქ ის ხალხი არ ხართ, რომელსაც რამის შეიძლება შეეშინდეს.

თქვენ უკვე დაამტკიცეთ, რომ არაფრის არ გეშინიათ. ახლა ყველამ ერთად ეს გრძნობა უნდა გადავდოთ დანარჩენ საზოგადოებას, შიშით ახალი ქვეყანა არ შეიქმნება.

გამბედაობით, რეფორმატულობით, ურთიერთდახმარებით, ურთიერთთანადგომით, პრინციპულობით, ნამდვილი პატრიოტიზმითა და სამშობლოს ჭეშმარიტი სიყვარულით საქართველო დადგება ფეხზე.

საქართველო დადგება ფეხზე და მაშინ ყველანი ვიქნებით გამარჯვებული!

დიდი მადლობა ყურადღებისათვის.

საქართველოს პრეზიდენტის მიხეილ სააკაშვილის წლიური საანგარიშო მოხსენება პარლამენტის პლენარულ სხდომაზე // საქართველოს პრეზიდენტის ადმინისტრაციის პრესსამსახური / 22 აპრილი, 2004. - ხელმისაწვდომობ ბის რეჟიმი: http://www.saakashviliarchive.info/ge/PressOffice/Documents/AnnualReports?p=8523&i=1

მოგესალმებით, პარლამენტის წევრებო!

მე მეორედ შემოვდივარ ამ დარბაზში უკანასკნელი თვეების განმავლობაში და შემოვდივარ ამჯერად თქვენთან ერთად!

მინდა გვახსოვდეს ყველას, რომ თქვენი უმრავლესობა და თითოეული პარლამენტარი ამ დარბაზში მოიყვანა ქართველმა ხალხმა. იმ ხალხმა, რომელიც კვირების განმავლობაში, დიდი წინააღმდეგობის მიუხედავად, ერთად დადგა და ჩვენ ყველანი აქ მოგვიყვანა. მინდა გთხოვოთ, ფეხზე ავდგეთ და ტაში დავუკრათ ამ ხალხს! მივესალმები მის უწმინდესობას და უნეტარესობას ილია მეორეს და უნდა აღვნიშნო მისი განსაკუთრებული როლი ვარდების რევოლუციაში. მისმა შემართებამ და გამბედაობამ ბევრწილად განაპირობა ჩვენი ბრძოლის ლეგიტიმაცია!

ჩვენ ვალში ვართ ჩვენს ხალხთან! პირველად ამ ბოლო თვეების მანძილზე ამ ხალხში გაჩნდა ოპტიმიზმი. მე მიხარია, რომ რამდენიმე პარლამენტარი აქ არის მოსული ჩოხაში, იმიტომ, რომ, ხალხი ამაყობს თავისი ეროვნული სიმბოლოებით!

ვფიქრობ, რაც ახლა ხდება საქართველოში, ეს არის ახალი აღორძინების პერიოდი, რომელიც თითოეულ ჩვენგანს სრულიად განსაკუთრებულ შანსს გვაძლევს.

ქვეყანა დაშლილია მარტივ მამრავლებად და ეს არ არის მხოლოდ აფხაზეთი, არამედ ჩვენ ვერ ვაკონტროლებთ ზოგიერთ სხვა რეგიონსაც და ეს არის რეალობა, რაც მოხდა საქართველოში უკანასკნელი ათი წლის მანძილზე.

საქართველო ძალიან მძიმე მდგომარეობაშია!

პირველ რიგში ჩვენ თვითონ უნდა ვიყოთ ერთიანები!

ამ დარბაზში სხედან ადამიანები, ვინც იყო ეროვნულ მოძრაობაში, ვინც იყვნენ საქართველოს პირველი პარლამენტის წევრები და შემდეგ, სამხედრო გადატრიალების გზით, გააძევეს და გაყარეს.

ჩვენი პარლამენტი არის სიმბოლო ერთიანობისა და გამთლიანებისა!

აქ არის სრულიად სხვადასხვა ხალხი და მგონი, ყველამ უნდა დავივიწყოთ ის, თუ რომელ პოლიტიკურ ძალაში ვიყავით 5-10 წლის წინ. ჩვენ დღეს ყველანი ვართ საქართველოს აღმშენებელი ახალი ძალის წევრი!

უნდა გვესმოდეს, რომ პარლამენტის უფლებამოსილებები არის ძალიან ფართო. ყველგან გასაგებად ითქვა, რომ საქართველო საპრეზიდენტო მოდელიდან გადავიდა ნახევრად საპრეზიდენტო მოდელზე. წინა პარლამენტს არ ჰქონდა უფლება მთავრობის გადაყენების და ეს ყველამ კარგად იცის. მთავრობის გადაყენების ინსტრუმენტი არის უმნიშვნელოვანესი ინსტრუმენ ნტი, რომელიც შეიძლება გააჩნდეს საკანონმდებლო ორგანოს.

ამავე დროს, დღევანდელი კონსტიტუცია მეტ უფლებამოს სილებას და მეტ პასუხისმგებლობას აკისრებს პარლამენტს და ძალიან მნიშვნელოვანია, რომ ეს მოდელები სწორი მიმართულებით გამოვიყენოთ.

დღეს საქართველოში არსებობს რამდენიმე პოლიტიკური რეჟიმი და რამდენიმე მთავრობა, ყველა მათგანი იმყოფება ერთმანეთთან კონფრონტაციულ მდგომარეობაში და თითქმის არც ერთი მათგანი არ აღიარებს საქართველოს სუვერენიტეტს და ტერიტორიულ მთლიანობას!

მინდა ყურადღება განსაკუთრებით გავამახვილო ასლან აბაშიძესთან დაკავშირებულ სიტუაციაზე. ხაზს ვუსვამ, ასლან აბაშიძესთან და არა - აჭარასთან.

დღეს ერთი კრიმინალური ჯგუფი, რომელიც დაკავებულია ნარკოტრანზიტით, ლაპარაკობს აჭარის მოსახლეობის სახელით, მაგრამ ამისი არანაირი ლეგიტიმური უფლება არ აქვს.

ამას ვაცხადებ პრეზიდენტი, რომელმაც საპრეზიდენტო არჩევნებში აჭარაში ხმების 90 პროცენტი მივიღე!

ჩვენ ვსაუბრობთ იმაზე, რომ აჭარისთვის არავის უკითხავს, როდესაც რეგიონის ამ მთავრობას ნიშნავდნენ, ასლან აბაშიძე არც ერთხელ აჭარის მოსახლეობას არ აურჩევია, იმიტომ, რომ აჭარაში არ ჩატარებულა თავისუფალი არჩევნები.

პაციფისტები ამბობენ, რომ ჩვენ გვინდა მშვიდობა და არ გვინდა დაპირისპირება...

ვისთან გვინდა მშვიდობა?

მკვლელებთან გვინდა მშვიდობა?

ნარკობარონებთან გვინდა მშვიდობა?

მაშინ შევეგუოთ, რომ მშვიდობიანად დაგვენგრევა და დაგვეშლება საქართველო!

ამიტომ ყალბი პაციფიზმი და ყალბი შემრიგებლობა, ეს არის ყველაზე დიდი ღალატი, რომელიც შეიძლება ჩაიდინოს ნებისმიერმა ადამიანმა საკუთარი სამშობლოს მიმართ!

საკმაოდ ქმედითი ღონისძიებებია გატარებული საქართველოში კორუფციის აღმოსაფხვრელად და ძველი მთავრობის კორუმპირებული ჩინოვნიკების დაპატიმრებაც ამის ნათელი მაგალითია. ამავე დროს, ჩვენ ვითვალისწინებთ ჩვენი სიცილიელი მეგობრების რჩევებს, რომ უმჯობესია მაფიოზი გყავდეს გარეთ და უფულოდ, ვინემ ციხეში და ფულით.

ჩვენ პარლამენტში შემოგვაქვს ორგანიზებულ დანაშაულთან ბრძოლის ამომწურავი პაკეტი და გთხოვთ, რომ უახლოეს ხანში ეს პაკეტი განიხილოთ და მიიღოთ, რათა სამართალდამცავ ორგანოებს ჰქონდეთ კორუფციასთან უფრო ეფექტურად ბრძოლის საშუალება!

ჩვენ პირველად გავაძლიერეთ არმიაც!

დღეს ყველა ჯარისკაცი და ოფიცერი გეტყვით, რომ მეტნაკლებად ყველა ნაწილში არის პირობების გაუმჯობესების ნიშნები.

საქართველოს გააჩნია საკმარისი იარაღი იმისთვის, რათა ნებისმიერ აგრესიულ ქმედებას ღირსეულად შეხვდეს!

ყველაფერი ეს მხოლოდ 2-3 თვეში მოხერხდა და ეს ყველა ჩვენგანის ერთობლივი დამსახურებაა!

ასევე მინდა გთხოვოთ, რომ დიდი დრო დაუთმოთ ხალხთან მუშაობას.

ხომ ფაქტია, რომ ამ ხალხის ფულს ჯიბეში აღარავინ იდებს!

დამისახელეთ ერთი მინისტრი, ერთი გამგებელი ან გუბერნატორი, რომელიც შეიძლება პენსიონერების თანხების მითვისებაში დაადანაშაულონ და ის იმწამსვე მოიხსნება!

მაგრამ ამაზე უკვე აღარავინ ლაპარაკობს.

ჩვენ უნდა ავუხსნათ ხალხს, რომ გვჭირდება დრო, რათა მოხდეს გაუმჯობესება!

დადგება დრო და ჩვენ დავეწევით ლატვიასაც და ლიტვასაც!

საქართველოს გააჩნია განსაკუთრებული რესურსები!

რევოლუციამ გამოათავისუფლა უამრავი ენერგია!

ასევე ჩვენ გვჭირდება მაღალტექნოლოგიური საწარმოების განვითარება და ამისთვის ახალ ბიუჯეტში განსაკუთრებული აქცენტი გადადის განათლებაზე, თითქმის ორჯერ იზრდება განათლებაზე გაწეული ხარჯები, იმიტომ, რომ ჩვენი მთავარი პრიორიტეტი განათლების ახალი სისტემის შექმნაა!

ეს არის რისი გაკეთებაც ამ პარლამენტს სჭირდება!

ეს არის ნამდვილი რეფორმების პარლამენტი!

იდეები უნდა მოდიოდეს თქვენგან!

ყველაზე მეტი კავშირი ხალხთან გაქვთ თქვენ!

ყველაზე მეტი იდეების მოძიება შეიძლება სწორედ ხალხთან უშუალო კავშირის შედეგად, მაგრამ მთავარია, რომ ეს კავშირი იყოს მუდმივად ინტერაქტიული.

ასევე გვჭირდება ჯანდაცვის სისტემის სერიოზული შეცვლა. ჩვენ მსოფლიოში ერთ-ერთი ყველაზე ბარბაროსული ჯანდაცვის სისტემა გაგვაჩნია. დღეს შეიძლება ადამიანი მოკვდეს იმის გამო, რომ არა აქვს ფული ოპერაციის გასაკეთებლად. მსოფლიოში არ არსებობს ქვეყანა, სადაც შეიძლება ეს მოხდეს, საქართველოში კი ეს ყოველდღიურად ხდება!

საჭიროა რეფორმები მთავრობის კიდევ სხვადასხვა დონეზე. მინდა გითხრათ, რომ ყველა რეფორმატორისთვის გამოყოფილი დრო არის ძალიან შეზღუდული. ჩვენ ახლა გვაქვს უნიკალური შანსი - არის რეფორმატორი პრეზიდენტი, რეფორმატორი მთავრობა და პარლამენტი.

ჩვენ საქართველოს მთლიანად უკეთესობისკენ შემობრუნება შეგვიძლია!

ჩვენი მომავალი არის ევროპის კავშირის წევრობა და სრული გაწევრიანება ყველა ჩვენთვის მნიშვნელოვან ევროპულ და ევროატლანტიკურ სტრუქტურებში და ეს აღარ არის უკვე ფანტაზია.

განსაკუთრებულ მნიშვნელობას ვანიჭებ რუსეთთან ურთიერთობას. მთავარი, რასაც ჩვენ მივაღწიეთ, არის ის, რომ დაბალანსების საგარეო პოლიტიკა უნდა ამოიძირკვოს.

არ უნდა დავსვათ შეკითხვა - ან ამერიკა ან რუსეთი, ან ევროპა ან ამერიკა!

ჩვენ გვინდა ყველაფერი, რაც ჩვენთვის კარგია!

ჩვენ გვინდა ყველა, თუ ეს წაადგება საქართველოს ინტერესებს!

სამი თვის წინანდელისგან განსხვავებით, დღეს რუსეთის საზოგადოებრივი აზრი მკვეთრად პოზიტიურად განეწყო საქართველოს მიმართ. დღეს საქართველოს ხსენებაზე რუსეთში აღარ არის ის უარყოფითი რეაქცია, რომელიც იყო და რომელმაც თავის დროზე ძალიან დაგვაზარალა.

ჩვენ, ასევე, გვინდა ურთიერთობების განვითარება როგორც ევროპასთან და ამერიკასთან, ასევე ახლო აღმოსავლეთთან, როგორც არაბულ ქვეყნებთან, ასევე ისრაელთან.

ფაქტია, რომ ამ მთავრობას გააჩნია სერიოზული წარმატებები.

მინდა გთხოვოთ დეპუტატებს, რომ კონსტრუქციული კრიტიკით და რჩევებით დავეხმაროთ მთავრობას, იყოს ეფექტური.

დავეხმაროთ იმით, რომ კანონპროექტები აქ თვეობით არ გაიჭედოს!

დავეხმაროთ იმით, რომ არ მოხდეს კორუმპირებული საქმიანობის ლობირება, როგორც ხდებოდა წინა პარლამენტში და ყველა კანონპროექტში არ იყოს ვიღაცის ინტერესი ჩადებული!

ეს პარლამენტი ხალხს ამისთვის არ აურჩევია!

ხალხმა მოგვიყვანა და ხალხი გვიხდის ხელფასს იმისთვის, რომ დავდგეთ ყოველგვარ პარტიკულარულ ინტერესებზე მაღლა და გამოვიდეთ ქვეყნის მთავარი საჭიროებიდან!

ასე რომ, ჩვენ გვაქვს დიდი მიზნები! მე დარწმუნებული ვარ, ეს იქნება პარლამენტი, რომელიც თავის ხელმძღვანელებთან ერთად ყველაფერი გეგმაზომიერად და სტრატეგიულად მიუდგება!

მიხარია, რომ სახელდება ნინო ბურჯანაძის კანდიდატურა და ვფიქრობ, ეს ძალიან მნიშვნელოვანია იმ კუთხით, რომ რევოლუციის შემდეგ საუბრები იმის შესახებ, თითქოს ლიდერები ერთმანეთს დაჭამენ, არ გამართლდა.

იმიტომ, რომ მე ყოველთვის ვიცავ ჩემს სიტყვას!

მინდა გისურვოთ წარმატება და მინდა გისურვოთ, თქვენმა შვილებმა და შვილიშვილებმა იამაყონ იმით, რომ მათი წინაპ პარი იყო იმ პარლამენტის წევრი, რომელმაც საქართველო ფეხზე დააყენა!

წინ დიდი ბრძოლაა, მაგრამ აქ ის ადამიანები ბრძანდებით, რომ არაფრის გეშინიათ!

თუ საქართველო ფეხზე დადგება, მაშინ ყველანი გამარჯვებულები ვიქნებით!

დიდი მადლობა ყურადღებისთვის!

საქართველოს პრეზიდენტის გამოსვლა პარლამენტის პირველ სხდომაზე // 24 საათი. - 2004. - 23 აპრილი. - 95 (644). - A1, A3 გვ.

საქართველოს მთავარსარდლის - მიხეილ სააკაშვილის
სიტყვა წარმოთქმული საქართველოსა და ამერიკის
შეერთებული შტატების „წვრთნისა და აღჭურვის“
ერთობლივი პროგრამით გაწვრთნილი ჯავშანჯგუფის
გამოშვების ცერემონიაზე

პატივცემულო ელჩო, პატივცემულო სტუმრებო, ქალბატონო პარლამენტის თავმჯდომარევ, უპირველესად, მინდა, დიდი მადლობა გადავუხადო ამერიკის მთავრობას და ამერიკის პრეზიდენტს ჩვენთვის აღმოჩენილი დახმარებისთვის. ჩვენ არასოდეს დაგვავიწყდება, რომ გადამწყვეტ მომენტში, როცა საქართველოს ყველაზე მეტად სჭირდებოდა გაწვრთნილი შეიარაღებული ძალა, პირველად ჩვენს ისტორიაში, მივიღეთ საერთაშორისო დონეზე გაწვრთნილი ქართველი ჯარისკაცები. თქვენ არა მხოლოდ ძლიერი ქართული სამხედრო შენაერთი ხართ, არამედ მთელ რეგიონში, მთელ პოსტსაბჭოთა სივრცეში ყველაზე ძლიერი სამხედრო შენაერთი და ეს არის თქვენი შრომის, თქვენი ოფლისღვრის და ჩვენი ამერიკელი მეგობრების დამსახურება. და ეს არის ისტორიული წვლილი, რომელიც ამერიკას არასდროს არ უნდა დავუვიწყოთ. ჩვენ მზად ვართ, ამერიკას გვერდში დავუდგეთ ყველგან, სადაც არის საერთაშ შორისო ინტერესები, სადაც იბრძვიან დემოკრატიისათვის, სადაც ებრძვიან ტერორიზმს და ეს თითოეულმა ქართველმა უნდა გააცნობიეროს, რომ ჩვენ ამით გვერდზე ვუდგევართ როგორც საერთაშორისო საქმეს, ასევე ქართულ საქმეს და ქართულ ინტერესებს. მე, ასევე, ვუხდი მადლობას ამერიკის კონგრესს და ამერიკის ადმინისტრაციას იმისთვის, რომ პროგრამა გრძელდება და ჩვენ შევძლებთ, თქვენს დონეზე მომზადებული ბევრად მეტი ჯარისკაცი და ოფიცერი მიიღოს საქართველომ.

მეგობრებო, ჩვენო საამაყო ოფიცრებო და ჯარისკაცებო, თქვენს უკან დგას ორი სიმბოლო, თქვენს უკან დგას დავით აღმაშენებელი, რომელმაც გააერთიანა და ერთ მუშტად შეკრა საქართველო, რომლის დროსაც საქართველო, როგორც არასდ დროს, იყო ერთიანი, რომელმაც აღკვეთა ფეოდალების თარეში, რომელსაც არ შეშინებია ბრძოლის, არ შეშინებია დამარცხებისა და ყოველთვის იმარჯვებდა, რადგან არ ჰქონდა დამარცხების შიში. თქვენ უკან დგას სასტუმრო „ივერია“, რომელიც არის გაჩანაგებული, დანგრეული, დამახინჯებული, დაშლილი საქართველოს ერთ-ერთი გამოხატულება. ჩვენ გვაქვს არჩევ ვანი - თქვენ და ჩვენ მუდმივად ვიყოთ იმ მდგომარეობაში, როგორშიც არის ეს სასტუმრო, თუ წავიდეთ იქ, საიდანაც მოგვიყვანა დავით აღმაშენებელმა და დღემდე შევნარჩუნდით სწორედ იმის გამო, რომ საქართველო იყო ოდესღაც ერთიანი და ძლიერი. ჩვენ ყველას გვაკისრია ისტორიული მისია, დღეს საქართველო დაშლილი და დამცირებულია. როცა ჩვენ მოვედით, დაგვხვდა დღენახევრის საკვები ჯარისკაცებისთვის და ნახევარი საათის ტყვია-წამლის მარაგი. მტრის ნებისმიერ ასკაციან შენაერთს იმ წუთში შეეძლო საქართველოში შემოჭრა და შესაბამისი აღჭურვის პირობებში საქართველოს დამარცხება. მაგრამ, ამავე დროს, ჩვენ დაგხვდით თქვენ. ჩვენ დაგვხვდა ასიათასობით ქართველი და მილიონობით ქართველი, რომლებიც მზად არიან თავი გაწირონ სამშობლოსთვის. დღეს, როგორც არც ერთი ქართული თაობის წინაშე, უზარმაზარი გამოწვევებია. ჩვენს შვილებს ვერ შევხედავთ თვალებში, თუ ხუთი-ათი წლის შემდეგ საქართველო ისევ ამ მდგომარეობაში იქნება. ჩვენ შვილებს ვერ შევხედავთ თვალებში, თუ საქართველო მუდმივად იქნება შანტაჟის საგანი და სხვადასხვა ჯგუფების მხრიდან დაშინებისა და უხეში ტონით საუბრის საგანი. ჩვენ აფხაზეთის ომი იმიტომ კი არ წავაგეთ, რომ ვიბრძოლეთ, არამედ იმიტომ წავაგეთ, რომ ყველამ არ იბრძოლა. ჩვენ ომი წავაგეთ არა იმის გამო, რომ ზედმეტი გაბედა მთავრობამ, არამედ იმის გამო, რომ იყო გამყიდველი მთავრობა, რომელიც ჯარისკაცების საკვებს ყიდდა. იყო მთავრობა, რომელიც ლაყბობაში ატარებდა ოცდაოთხ საათს და არ იზრუნა იმისთვის, რომ ებრძოლა ბოლომდე და შეენარჩუნებინა ქვეყნის ტერიტორია. ჩვენ ომი წავაგეთ, არა იმის გამო, რომ ვერ შევძელით საკუთარი ხალხის, საკუთარი საზოგადოების, ყველა ეროვნების წარმომადგენლის დაცვა. საქართველოს სახელმწიფოს მთავარი ფუნქციაა საკუთარი საზოგადოების, მშვიდობის, სტაბილურობის და ადამიანის უფლებების დაცვა. დისციპლინირებული ჯარი არასოდეს ჩაიდენს სამხედრო დანაშაულს, იმიტომ, რომ, მშვენივრად იცის თითოეულმა ჯარისკაცმა, რას ნიშნავს ბავშვების, ქალების, იმ ადამიანების გაფრთხილება, რომელთაც ხელში იარაღი არ უჭირავთ. აქვე მინდა ვთქვა, ის, ვინც აიღებს იარაღს ქართული სახელმწიფოს წინააღმდეგ, იარაღითვე იქნება განგმირული. გუშინ ვიღაცას ყურში მოხვდა სიტყვა „ლიკვიდაცია“. ჩვენ ბოლომდე დავიცავთ საქართველოს საზოგადოებას, მაგრამ ის, ვინც იარაღს აიღებს და საქართველოში დააწესებს საზღვრებს, იქნება ლიკვიდირებული და განადგურებული ქართული არმიისა და ქართული სახელმწიფოს მიერ. ყველამ კარგად დაიმახსოვროს ეს. ენის მოჩლექის დრო დამთავრდა. ჩვენ ყველგან და ყველაფერში დავიცავთ ჩვენს მოქალაქეებს. ბანდიტებს, ნარკოტიკებით მოვაჭრეებს, ადგილობრივ ფეოდალებს, ადამიანის უფლებების დამრღვევებს, ადამიანების უკანონოდ დამპატიმრებლებს, მოძალადეებს საქართველოს არც ერთ კუთხე-კუნჭულს აღარ ჩავუგდებთ ხელში. ეს უნდა იცოდეს ყველამ ძალიან კარგად. ჩვენ არ ვაპირებთ ვინმეს წინაშე თავის მართლებას. არ ვაპირებთ, ვინმეს ენა მოვუჩლიქოთ. დღეს აქ, თქვენს უკან, ბათუმის 25-ე ბრიგადის ჯარისკაცები და ოფიცრები დგანან, იმ ბრიგადისა, რომლის მეთაურმა, ჩვენდა სამარცხვინოდ, საქართველოს ისტორიაში ერთ-ერთი უმძიმესი დანაშაული ჩაიდინა - სამშობლოს ღალატი. საქართველოში ყოველთვის იყო 300-400 კაცში ერთი ნაძირალა დუმბაძე, მაგრამ საქართველოში ყოველთვის იყო დანარჩენი 299 ოფიცერი და ჯარისკაცი, რომელთაც მიატოვეს ეს დუმბაძე, დაგმეს მისი საქციელი და დადგნენ საქართველოს, საკუთარი სახელმწიფოს ინტერესების დასაცავად. მე მინდა, განსაკუთრებით მივესალმო და მოვეფერო ამ ჯარისკაცებს, ბათუმის 25-ე ბრიგადას, რომელიც მთელი შემადგენლობით დღეს იმყოფება საქართველოს დედაქალაქში იმისთვის, რომ დაბრუნდეს ბათუმში და გაათავისუფლოს ბათუმი. ჩვენ მივესალმებით ჩვენს მეგობრებს, ჩვენს აჭარელ ძმებს, ჩვენს მოსახლეობას, რომელთაგან თითოეული მზად არის, ბოლომდე დადგეს ქართული სახელმწიფოს დასაცავად. თავის დროზე, თბილისის მთავრობამ ჩვენს უძვირფასეს ნაწილს - აჭარას თავს მოახვია დანაშაულებრივი კაცი და რეჟიმი. დღეს თბილისის მოვალეობაა, გაათავისუფლოს აჭარა დამნაშავეებისაგან და დანაშაულებრივი რეჟიმისაგან, რომელიც თბილისმა მოახვია ამ უმშვენიერეს კუთხეს. ჩვენ გვინდა ყველა პრობლემის მშვიდობიანი გადაწყვეტა, მაგრამ არავის შეეპაროს ეჭვი, თუ საქართველო დადგა დაშლის საფრთხის წინ ნაშე (მე ყოველთვის ვიბრძოლებ იმისთვის, რომ მშვიდობიანად გადაწყდეს პრობლემა), მაგრამ თუ საქართველო დაშლის წინაშე დადგა, ეჭვგარეშე, უყოყმანოდ, საქართველო გამოიყენებს იარაღს საკუთარი ტერიტორიული მთლიანობის გადასარჩენად და ამაზე არ ვაპირებ, ვინმეს ბოდიში მოვუხადო. დიახ, იცოდნენ მათ, საქართველოს დაშლის ნებისმიერი მუქარა, საქართველოში უცხოური ჯარების მოწვევის მუქარა, რომელიც ბოლო ხანს მრავალჯერ გაისმის; მუქარას - როგორც გუშინ, გუშინწინ, სამი წლის წინათ იყო ლაპარაკი იმის შესახებ, რომ უცხო ქვეყანას ეპატიჟებიან საქართველოში ჯარის გამოსაყენებლად - დახვდება თითოეული ქართველის, თითოეული სახელმწიფო მოღვაწის, თითოეული პოლიტიკოსისა და ჯარისკაცის ასევე შეიარაღებული წინააღმდეგობა. ნუ გექნებათ ილუზიები, ჩვენი ამოცანაა, საქართველოში მშვიდობის შენარჩუნება, ჩვენი ამოცანაა, რომ თითოეული თქვენგანის სიცოცხლე, თითოეული ჩვენი მოსახლის სიცოცხლე ხელშეუხებელი იყოს. მაგრამ სწორედ აქედან გამომდინარე, არავის მივცემთ საშუალებას, რომ დაგვაშანტაჟოს. ასევე მინდა მივმართო თქვენს მშობლებს, ახლობლებს, ოჯახის წევრებს, მათ შეუძლიათ თქვენით იამაყონ. რატომ? - იმიტომ, რომ საქართველოს ყოველთვის ჰყავდა ძლიერი მეომრები, მაგრამ საქართველოს ისტორიაში თქვენ ხართ პირველი გაწვრთნილი მეომრები. მეომრები, რომლებიც (ჩვენი ამერიკელი მეგობრები დამიდასტურებენ), არაფრით ჩამოუვარდებიან განვითარებული ქვეყნების საუკეთესო მეომრებს. ეს ნიშნავს, რომ ქართული მხედრული სული, რომლის ჩაკვლასაც ჩვენი დამმონებელი იმპერიები საუკუნეების განმავლობაში ცდილობდნენ, უკვდავია და კვლავ ცოცხალი და აღსდგება. დღეს თქვენ აბარებთ გამოცდას და იღებთ საბოლოო კვალიფიკაციას, როგორც „წვრთნისა და აღჭურვის პროგრამის“ ჯარისკაცები. მაგრამ ნამდვილი გამოცდები თქვენთვის, ჩვენთვის და ქართული სახელმწიფოსთვის არის წინ. გამოცდა იმის, რომ შევძლოთ მშვიდობის შენარჩუნება, გამოცდა იმის, რომ მშვიდობის ყველა მტერს გავცეთ შესაბამისი პასუხი და გამოცდა იმისა, რომ თუ საქართველოს დასჭირდა, მზად ვიყოთ საკუთარი თავის გაწირვისა და საკუთარი სისხლის დასაღვრელად. საქართველოს მე-3 პრეზიდენტი, პირველი ვიქნები თქვენს რიგებში, რომელიც, თუ სამშობლოს თავგანწირვა დასჭირდა, გაწირავს თავს საკუთარი სამშობლოსთვის. მაგრამ, როგორც მე ვარ ასეთი ჯარისკაცი, ასევე მთელი საზოგადოება უნდა იყოს ჯარისკაცი. დღეს ოფიცრები უნდა გახდნენ ქართული საზოგადოების ელიტა. თქვენ გჭირდებათ განსაკუთრებული ყურადღება; ჯარისკაცებს სჭირდებათ განსაკუთრებული ყურადღება. მინდა გითხრათ, რომ იმ ფულის უმეტესობა, რომელიც ჩვენს წინა რეჟიმის დამცველებს მივატანინეთ უკან - სახელმწიფო ბიუჯეტში და კიდევ მივატანინებთ, მოხმარდება ქვეყნის სიძლიერის განმტკიცებას, მათ შორის, ქვეყნის თავდაცვისუნარიანობის ამაღლებას. გუშინ ჩვენ უკრაინიდან 5 საბრძოლო ვერტმფრენი ჩამოვიყვანეთ, რათა აღგვეჭურვა ჩვენი შეიარაღებული ძალები. 28 აპრილს შემოდის სამი სამხედრო ხომალდი საბერძნეთიდან, მათ შორის, საბერძნეთის არმიის მიერ გადმოცემული ჩვენი ფლოტის ფლაგმანი - უმაღლეს დონეზე აღჭურვილი გემი, სწორედ ჩვენი წყლებისა და სანაპირო ზოლის დასაცავად და გასაწმენდად, თუ ეს დაგვჭირდა. ჩვენ შემოგვაქვს სხვა ტექნიკა და სხვა აუცილებელი მოწყობილობები იმისთვის, რომ თქვენ იყოთ უზრუნველყოფილნი. მშვიდობას აქვს თავისი ფასი. მშვიდობას სჭირდება დაცვა. საქართველოს სჭირდება დაცვა. მინდა ყალბ პაციფისტებს გავცე პასუხი, ნუ გგონიათ, რომ საქართველო ყოველთვის დამარცხდება, ნუ გგონიათ, რომ ქართველი ხალხის მთავარი ინსტიქტი არის თავის დახრა, გაჩუმება და შეგუება იმისა, რომ ქვეყანა დაშლილია. ეს იმ პოლიტიკოსების ინსტიქტია, რომელთაც თავმოყვარეობა არ გააჩნიათ. ქართველ ხალხს აქვს ღირსება და თავმოყვარეობა, ქართველ ხალხს აქვს განცდა, რომ დაიბრუნოს საკუთარი სამშობლო. ჩვენ დავიბრუნებთ ჩვენს სამშობლოს ჩვენი დროშებით! ჩვენი სიძლიერით! ჩვენი გამბედაობით! ჩვენი თავდადებით! ჩვენი მომზადებით და ჩვენი დაუღალავი შრომით! საქართველოს აქვს მომავალი და ეს მომავალი არის ევროპულ ოჯახში ყოფნა. მაგრამ ევროპულ ოჯახში შევალთ როგორც ერთიანი, მშვიდობიანი, სტაბილური ქვეყანა, სადაც არმია დაფასებულია და მთელი საზოგადოების მიერ ხელში არის აყვანილი. ჩემი მთავარი ამოცანაა სწორედ ასეთი შეიარაღებული ძალების შექმნა ჩვენს მოკავშირეებთან ერთად. თქვენი მთავარი ამოცანაა, რაც ისწავლეთ, მოახმაროთ სამშობლოს. დღეს შეგყურებთ მთელი საქართველო, რომელსაც უჭირს, საზოგადოების ის ნაწილი, რომელსაც შია, შეგყურებენ ის ადამიანები აივნებიდან, რომლებიც ელოდებიან საკუთარ ოჯახებში დაბრუნებას, საკუთარ კერიებში დაბრუნებას, საიდანაც ისინი გამოდევნეს ჩვენი უუნარობის გამო, ქართული სახელმწიფოს სისუსტის გამო. დღეს თქვენს ზურგს უკან არიან სწორედ ეს ადამიანები ამ სასტუმროდან, დღეს თქვენს უკან არიან ჩვენი ბავშვები, რომლებიც შემოგვყურებენ იმედის თვალით. ჩავხედოთ მათ თვალებში, ჩვენ არ შეგვიძლია, მათ იმედი გავუცრუოთ. ძმებო, ჩვენ თქვენი იმედი გვაქვს! ერთად დავიბრუნოთ საქართველო! ერთად აღვიდგინოთ ღირსება! ჩვენ აუცილებლად გავიმარჯვებთ! გმადლობთ.

„ძმებო, ჩვენ თქვენი იმედი გვაქვს!“ / საქართველოს მთავარსარდლის - მიხეილ სააკაშვილის სიტყვა წარმოთქმული საქართველოსა და ამერიკის შეერთებული შტატების „წვრთნისა და აღჭურვის“ ერთობლივი პროგრამით გაწვრთნილი ჯავშანჯგუფის გამოშვების ცერემონიაზე // დილის გაზეთი. - 2004. - 26 აპრილი. - N96 (2422). - 8 გვ.

„ჩვენ ვაძლევთ ასლან აბაშიძეს ათ დღეს, რათა ის დაბრუნდეს საქართველოს საკონსტიტუციო სივრცეში, შეწყვიტოს ადამიანის უფლებების დარღვევა, ადამიანების ცემა, აღადგინოს ნორმალური კანონიერი რეჟიმი და დაიწყოს იარაღის ჩაბარება. თუ ათი დღის განმავლობაში მისგან შესაბამის რეაქციას ვერ მივიღებთ, საქართველოს პრეზიდენტი იძულებული იქნება, დაითხოვოს აჭარის მთავარი ადგილობრივი ორგანოები და უზენაესი საბჭოს ვადამდელი არჩევნები დანიშნოს ისე, რომ არავინ არ შეეხოს აჭარის სტატუსს. აჭარის მოსახლეობა თავად აირჩევს ადგილობრივ ხელისუფლებას“, - ასეთი ულტიმატუმი მიიღო აჭარის მეთაურმა საქართველოს პრეზიდენტისგან. გუშინ ფოთში მიმდინარე სამხედრო წრთვნებიდან დაბრუნებული პრეზიდენტი უშიშროების საბჭოს სხდომას იწვევს, მოგვიანებით კი, აჭარაში მიმდინარე პროცესებთან დაკავშირებით, საგან ნგებო განცხადებას აკეთებს:

„ვარდების რევოლუციის“ შედეგად, საქართველოს პოზიციები მთელ მსოფლიოში მკვეთრად გაძლიერდა. საქართველოს მიეცა რეალური შანსი, დადგეს ფეხზე და ევროკავშირის წევრობის კანდიდატი გახდეს. მთელი მსოფლიო მზადაა დახმარების ხელი გაუწოდოს საქართველოს, გაჩნდა შანსი იმისა, რომ ინვესტორებმა საქართველოში ფული დააბანდონ. ეს ყველაფერი არ მოსდით თვალში საქართველოს მტრებს, რადგან ფეხზე დამდგარი საქართველო აუცილებლად გადაწყვეტს ტერრიტორიული მთლიანობის პრობლემებს - აფხაზეთს, სამაჩაბლოს. ამ სიტუაციაში ისინი საქართველოს შიგნით არსებულ ბოლო მტრულ ძალას იყენებენ, რათა საქართველოში ვითარება არიონ.

ბოლო წლებში, თვეებში, კვირებში ასლან აბაშიძის და მისი ჯგუფის მიერ ხორციელდება მასობრივი რეპრესიები, უკანონო დაპატიმრებები, ბევრი სხვა კანონსაწინააღმდეგო ღონისძიება. აბაშიძის მომხრეები შეიარაღებული დაპირისპირების პროვოცირებას ნოემბერშიც შეეცადნენ, მაგრამ არ გამოუვიდათ...

უკანასკნელი სამი დღეა, ყულევში წვრთნები მიმდინარეობს. მსგავსი წვრთნები ყოველწლიურად ტარდება, თუმცა წელს, მას შემდეგ, რაც ჩვენი არმია უფრო მომძლავრდა, წვრთნები უფრო მასშტაბური და ორგანიზებული იყო. აბაშიძემ კარგად იცოდა, რომ მე ყულევში ჩავედი და მან სწორედ დღეს, ამ წვრთნების პერიოდში მოაწყო პროვოკაცია. მან ააფეთქა ხიდები, რითაც, ფაქტობრივად, აჭარის ტერიტორიული იზოლაცია მოახდინა. სულელური და უაზროა ის ახსნა, რომ ამით აბაშიძემ სამხედრო ძალების აჭარაში შესვლა შეაჩერა. აბაშიძემ კარგად იცოდა, რომ ასეთი რამ არ იგეგმებოდა. სხვათა შორის, გუშინ ყულევში ჩატარებული წვრთნებისას ჩვენმა სამხედროებმა სწორედ საჰაერო და საზღვაო გზებით იერიშის დემონსტრირება მოახდინეს. აბაშიძემ უნდა იცოდეს, რომ შუა საუკუნეების ეპოქაში არ ვცხოვრობთ და ორ ხიდზე არ ვართ დამოკიდებული. თუ აჭარაში შესვლა გვინდა, ამ ხიდების გარეშეც მშვენივრად მოვახერხებთ.

აბაშიძემ გუშინ ჩვენ დიდი პროვოკაციის წინაშე დაგვაყენა: მან იცოდა, რომ ყულევში განლაგებულია სამხედრო ტექნიკა, იცოდა, რომ საქართველოს უმაღლესი მთავარსარდალი ყულევშია, მას, უბრალოდ, ჩვენი გამოწვევა უნდოდა. აბაშიძეს სურს თავის მართლება იმით, რომ მას ვინმე თავს დაესხა... აბაშიძეს ყოველდღე აკლდებიან მომხრეები. აბაშიძე დატოვა შინაგანი ჯარების ბირთვმა მთელი შემადგენლობით. ყოველდღე აჭარიდან მოდიან ჩვენი მოქალაქეები, ჩვენი სისხლი და ხორცი, მათ შორის, აბაშიძის გარემოცვიდან, და გვეუბნებიან, მოგვაშორეთ ეს კაციო. აი, ამის ეშინია აბაშიძეს.

მან რამდენიმე დღის წინ სასუქების შეტანა შეაჩერა, რითაც ძალიან დააზარალა აჭარის მაღალმთიანი რაიონების მოსახლეობა. დღეს, იმ ხიდების აფეთქებით, მან აჭარის მთელი მოსახლეობა ჰუმანიტარული კატასტროფის წინაშე დააყენა, ხალხი, პრაქტიკულად, მშიერი დარჩა. აჭარის მოსახლეობა მთელი წელი ელოდება იმ თვენახევარს, როცა აჭარაში დამსვენებლები ჩადიან. მთელი წელი მოსახლეობა ამ თვენახევრით ცხოვრობს. ხიდების აფეთქება ნიშნავს საკურორტო სეზონის ჩაშლას აჭარაში.

აბაშიძეს სურს დააფიქსიროს, რომ არსებობს პრობლემა აჭარასა და დანარჩენ საქართველოს შორის, რაც სინამდვილეში არ არსებობს. მე არა მაქვს არავითარი პრობლემა იმ ხალხთან - აჭარლებთან, ვინც ხმების 90 პროცენტი მომცა, იმ ხალხთან, ვინც ყველაზე გულმხურვალე ქართველია. არსებობს მხოლოდ ერთი კაცის პრობლემა - ეს არის ასლან აბაშიძე. ამ კაცს პრობლემა აქვს მთელ აჭარასთან, ეს კაცი ეწევა მტრულ პოლიტიკას თითოეულ აჭარელთან მიმართებაში.

მივმართავ აბაშიძის გარემოცვას - ნუ გადააყოლებთ თქვენს მომავალს, რეპუტაციას, უსაფრთხოებას ამ ერთი კაცის ახირებას. ნუ გადააყოლებთ თქვენი შვილების მომავალს ამ ერთ კაცს. დღეს წყდება საქართველოს მომავლის საკითხი, დღეს წყდება, ვართ თუ არა ჩვენ ერთი ერი. ჩვენს ქვეყანას, რომელსაც დღეს ისტორიული შანსი აქვს ფეხზე დადგეს, ამ პერსპექტივას ართმევს შუასაუკუნოვანი ტრადიციის მქონე, კრიმინალური საქციელის ფეოდალი.

ყველა აჭარელმა უნდა იცოდეს, რომ დღეს კონსოლიდაციის პერიოდი დაგვიდგა. უნდა იცოდეთ, რომ ყველაფერს გავაკეთებ თქვენს დასაცავად. ამავე დროს, არსებობს კონსტიტუციური მექანიზმები და საქართველოს კონსტიტუციას დაცვა სჭირდება. უშიშროების საბჭოს სხდომაზე ჩვენ ერთხმად მივიღეთ ასეთი გადაწყვეტილება:

ჩვენ ვაძლევთ ასლან აბაშიძეს ათ დღეს, რათა ის დაბრუნდეს საქართველოს საკონსტიტუციო სივრცეში, შეწყვეტოს ადამიანის უფლებების დარღვევა, ადამიანების ცემა, აღადგინოს ნორმალური კანონიერი რეჟიმი და დაიწყოს იარაღის ჩაბარება. თუ ათი დღის განმავლობაში მისგან შესაბამის რეაქციას ვერ მივიღებთ, საქართველოს პრეზიდენტი იძულებული იქნება, დაითხოვოს აჭარის მთავარი ადგილობრივი ორგანოები და უზენაესი საბჭოს ვადამდელი არჩევნები დანიშნოს ისე, რომ არავინ არ შეეხოს აჭარის სტატუსს. აჭარის მოსახლეობა თავად აირჩევს ადგილობრივ ხელისუფლებას.

ჩემი მოვალეობაა, დავიცვა სამოქალაქო მშვიდობა, მაგრამ, ამავე დროს, არავის მივცემ უფლებას, საქართველოს სახელმწიფოებრივი ინტერესები შელახოს.

მე მაქვს თქვენი იმედი, ჩემო თანამოქალაქენო, ჩემო აჭარლებო, ჩემო დებო და ძმებო, მე მაქვს იმედი თქვენი გამძლეობის, სულგრძელობის.“

ათდღიანი ულტიმატუმი / მიხეილ სააკაშვილი // 24 საათი. - 2004. - 3 მაისი. - N103 (652). - A1, A3 გვ.

როგორც იცით, აჭარაში განვითარდა მოვლენები და მოხდა ადგილობრივი ხელმძღვანელობის, კერძოდ ასლან აბაშიძის ბრძანებით სპონტანური მიტინგების დარბევა ბათუმის რამდენიმე წერტილში და ქობულეთში.

გარდა ამისა, რუსეთიდან ჩამოსულმა გენერალმა ნეტკაჩოვმა დანაღმა ბათუმის ტერმინალის მიმდებარე ტერიტორია და ჩაქვის ხიდი, რათა არ დაეშვათ მოძრაობა ქობულეთიდან ბათუმისკენ.

ჩვენთვის სრულიად ნათელია, რომ ადგილობრივი ხელმძღვანელის პოლიტიკა სცდება ყველა დასაშვებ ზღვარს. მე დღეს აღარ მივმართავ ადგილობრივ ხელმძღვანელობას, მაგრამ მინდა, მივმართო აჭარაში დისლოცირებულ შეიარაღებულ ფორმირებებს და ადგილობრივ პოლიციას:

როგორც იცით, უკანასკნელი დღეების განმავლობაში აჭარაში დისლოცირებული შეიარაღებული ძალების უმრავლესობა ჩემი ბრძანებით გამოყვანილი იქნა. აჭარიდან გამოვიდა შინაგანი ჯარის მთელი შემადგენლობა, გარდა სამი კაცისა. გამოვიდა 25-ე ბრიგადის მთელი შემადგენლობა, გარდა ორი კაცისა და საგანგებო სწრაფი რეაგირების რაზმის შემადგენლობის ძირითადი ბირთვი. ვიცი ისიც, რომ ბათუმის პოლიციის თანამშრომლების უმრავლესობამ უარი თქვა დარბევაში მონაწილეობის მიღებაზე და არ შეასრულა ადგილობრივი ხელმძღვანელის დანაშაულებრივი ბრძანება.

მე მინდა, ვუბრძანო ყველა შეიარაღებულ პირს აჭარაში და აჭარის პოლიციის ყველა წევრს: მე გიბრძანებთ თქვენ, არ შეასრულოთ ასლან აბაშიძის არც ერთი ბრძანება საგანგებო მდგომარეობასთან და ხალხის დარბევასთან დაკავშირებით!

ამ საგანგებო მდგომარეობას ვაცხადებ სრულიად უკანონ ნოდ!

მე მოვუწოდებ ყველას, შეძლებისდაგვარად დაგვეხმარონ იმაში, რომ სიტუაცია განვმუხტოთ და დავიცვათ ჩვენი მოქალაქეები!

ასლან აბაშიძის თამაში არის ძალიან მარტივი. ის ცდილობს დააფიქსიროს კონფლიქტი საქართველოსა და აჭარას შორის. დღეს, ჩვენმა აჭარლებმა მთელი მსოფლიოს თვალში ძალიან ნათლად გასცეს პასუხი ამ კითხვაზე - არ არსებობს არანაირი კონფლიქტი საქართველოსა და აჭარას შორის!

არსებობს კონფლიქტი ადგილობრივ თავგასულ ფეოდალსა და მის მოსახლეობას შორის!

აბაშიძის თამაში არის ის, რომ აჭარა გამოყოს საქართველოდან!

სრულიად ნათელია, რომ ის სწორედ ამისკენ მიილტვის და კონფლიქტური სიტუაციის ინსპირირებას ცდილობს იმისთვის, რათა შექმნას გარეშე ძალის ჩარევისთვის იურიდიული საფუძველი!

მე ვფიქრობ, დღევანდელი დღის შემდეგ ის ამის გაკეთებას ვერც ერთ შემთხვევაში ვეღარ მოახერხებს!

სრულიად ნათელია, რომ საქართველოს ამ კუთხეში ცხოვრობს ღირსებით, პატრიოტიზმით, სამშობლოს უზომო სიყვარულით აღჭურვილი ხალხი, რომელიც ძალიან სერიოზულ პასუხს გასცემს ყველანაირ სამარცხვინო და, მით უმეტეს, სეპარატისტულ მოქმედებებს!

აჭარის მოსახლეობამ მთელ საქართველოს დაანახა გამბედაობის და სიმამაცის არნახული მაგალითები და აჩვენა ღირსებ ბის უზარმაზარი შეგრძნება, რომელიც ამ ხალხს გააჩნია!

ეს არის აჭარის მთელი მოსახლეობა! დღეს ისინი დაარბიეს კრიმინალური ელემენტების გამოყენებით, მაგრამ ეს არ ნიშნავს, რომ ვინმე შეაჩერებს ხალხის ნებას. ვერც ადგილობრივი მმართველი შეაჩერებს ამას და ვერც ვერანაირი გარეშე ძალა!

გაკეთდა აშშ-ს ძალზე მკაცრი განცხადება, სადაც კატეგორიულად დაგმობილია აბაშიძის რეჟიმი და მისი ქმედებები! ეს არის იმ ადამიანების დამსახურება, რომლებმაც დღეს ეს გმირობა ჩაიდინეს. აღნიშნული მიტინგები ორგანიზებული არ ყოფილა, ისინი სპონტანურ ხასიათს ატარებდნენ!

არ შეიძლება იქ, სადაც არის ღირსებით აღჭურვილი ხალხი, ბოგინობდეს ვიღაც გაუნათლებელი, სამშობლოს ღალატის გრძნობით განმსჭვალული ადამიანების ჯგუფი! ჩვენ ყველანი ვდგავართ თქვენ გვერდით, უბრალოდ უნდა გამოვიჩინოთ მაქსიმალური წინდახედულობა და სიფრთხილე, მაგრამ, ამავე დროს, არ უნდა შევეგუოთ უსამართლობას!

უნდა გამოვიჩინოთ ბევრად მეტი ორგანიზებულობა, დარაზმულობა, შეკრულობა!

დღეს მთელი საქართველო თქვენ იმედის თვალით შეგყურებთ!

საქართველოს ეკლესიის წმინდა სინოდი აკეთებს ძალიან მნიშვნელოვან განცხადებას. ასევე, ჩვენ მივმართავთ მუსლიმანურ ლიდერებს აჭარაში და მის გარეთ: ძალიან დიდ პატივს ვცემთ ამ რელიგიას და ჩვენ ყოველთვის ვიქნებით აჭარაში მუსლიმანების უფლებების დამცველი, ისევე, როგორც დავიცავთ აჭარის ავტონომიურ სტატუსს და ადგილობრივი მოსახლეობის უფლებას, აირჩიოს საკუთარი ხელისუფლება ყოველგვარი ჩარევის გარეშე; აირჩიოს ისეთი ხელისუფლება, რომელიც ემსახურება საქართველოს და თითოეული მათგანის ინტერესებს!

ამიტომ ჩვენ ვდგამთ გადაუდებელ საორგანიზაციო ნაბიჯებს!

ჩვენ არ მიგატოვებთ გაჭირვებაში!

ჩვენ ერთმანეთს უნდა დავუდგეთ გვერდში, არა მხოლოდ პრეზიდენტი და მთავრობა, არამედ მთელი საქართველო! მთელ საქართველოს სჭირდება განსაკუთრებული მობილიზება ამ დღეებში და განსაკუთრებული სიმტკიცე!

მე დარწმუნებული ვარ და დარწმუნებული იყავით თქვენც, რომ არც ერთ თქვენგანს არ მივატოვებ გაჭირვებაში!

მზად ვარ, ყველანაირი ნაბიჯი გადავდგა, როგორც თქვენ მიერ არჩეულმა ხელისუფალმა, ჩვენს პარლამენტთან და მთავრობასთან ერთად და როგორც ამ ქვეყნის ერთ-ერთმა შვილმა იმისთვის, რომ ეს სამარცხვინო ფურცელი საქართველოს ისტორიაში ერთხელ და სამუდამოდ ყველამ ერთად გადავფურცლოთ!

სახელმწიფო საინფორმაციო სამსახური

საქართველოს პრეზიდენტის საგანგებო განცხადება // 24 საათი. - 2004. - 5 მაი ისი. - N105 (654). - A3 გვ.

ქართველებო! ასლანი გაიქცა! აჭარა თავისუფალია! - გილოცავთ ახალი ეპოქის დასაწყისს!

რასაც ვამბობდით, რომ საქართველო უნდა გამთლიანდეს, საქართველო უნდა დადგეს ფეხზე, - დღეს ამისკენ მთავარი და ძალიან მნიშვნელოვანი ნაბიჯი გადაიდგა.

მინდა მივულოცო ყველას, ვინც დღეს ბათუმის ქუჩებში დგას, ვინც ბოლო თვეების განმავლობაში ჩვენთან ერთად მუშაობდა იმაზე, რომ აჭარა განთავსუფლებულიყო და დაბრუნებოდა საქართველოს.

მინდა მივულოცო ყველას, რომ პოსტსაბჭოთა სივრცეში სეპარატიზმის აღკვეთის პირველი წარმატებული პრეცედენტი სწორედ საქართველოში დაფიქსირდა. ეს მთელი მსოფლიოსთვის არის მნიშვნელოვანი. ვერავინ შეაჩერა ქართველი ხალხის ნება ახლა და ვერავინ შეაჩერებს ჩვენ ნებას, გამარჯვებისკენ ლტოლვას მომავალში.

ეს არის ნათელი მაგალითი არა მხოლოდ დღევანდელი თაობებისთვის, არამედ საქართველოს ისტორიისთვის, საქართველოს მომავლისთვის. ჩვენ გვეხსნება აღმშენებლობის უზარმაზარი პერსპექტივა.

საქართველო უნდა დადგეს ფეხზე. დღეს დაიწყო ახალი ეპოქა ჩვენი ქვეყნის ცხოვრებაში.

მინდა მივულოცო ყველას და ვთხოვო ბათუმში ჩვენს წარმომადგენლებს, დაცვის ქვეშ აიყვანონ ყველა სტრატეგიული ობიექტი, დავამყაროთ ქალაქში წესრიგი, დავამყაროთ სიმშვიდე, არ დაუშვათ დარბევები, არ დაუშვათ იარაღიანი ხალხის თარეში არასად, - აჭარაში და მთელ საქართველოში.

ჩვენ ახლა გვჭირდება სიმშვიდე, სიწყნარე და ახალი ცხოვ ვრების დაწყება. უკვე თენდება ახალი დღე - გიორგობის დღესას სწაული და საქართველო არის გამარჯვებული. დიდი მადლობა.

საქართველოს პრეზიდენტის სპეციალური განცხადება // 24 საათი. - 2004. - 6 მაისი. - N106 (655). - A1 გვ.

საქართველოს პრეზიდენტის
მიხეილ სააკაშვილის განცხადება

მე მინდა გავაკეთო განცხადება ისტორიულ დღესთან და იმ მოვლენებთან დაკავშირებით, რომლებიც განვითარდა საქართველოში.

სულ ცოტა ხანში ჩემი ბრძანებით სპეციალური ტექნიკა აიღებს ჩოლოქზე ყველანაირ ბარიერებს და ერთხელ და სამუდამოდ, სამარადისოდ დამთავრდება შიდა საზღვრების და გამყოფი ხაზების სიტუაცია საქართველოსა და მის უმშვენიერეს კუთხეს - აჭარას შორის!

საქართველოს ისტორიაში ვერასოდეს ვეღარავინ ვეღარ გაყოფს საქართველოს და აჭარას ვერანაირი ბარიერით და მე ამას უზრუნველვყოფ, სანამ პირში სული მიდგას და სანამ ამ აზრზე იქნებიან ჩვენი უსაყვარლესი აჭარლების მომავალი თაობები!

აჭარლებმა გუშინ და დღეს აჩვენეს გამბედაობის და გმირობის არნახული მაგალითები!

მთელი მსოფლიო აღტაცებით უყურებს აჭარლების გმირობას!

მე მინდა გავაკეთო განცხადება, რომ იმისათვის, რათა ავიცილოთ თავიდან თუნდაც ერთი ქართველის სისხლის უაზრო დაღვრა, მზად ვარ მივცე სრული ხელშეუხებლობის გარანტიები ასლან აბაშიძეს და მისი ოჯახის წევრებს. მზად ვარ, შევუქმნა მათ სრული უსაფრთხოების გარანტიები საქართველოს შიგნით და მივცე მათ საშუალება, თუ ისინი გადაწყვეტენ, დატოვონ საქართველოს ტერიტორია და გაემგზავრონ უცხოეთის ნებისმიერ ქვეყანაში.

დღის განმავლობაში მე ორჯერ მქონდა სატელეფონო საუბარი რუსეთის პრეზიდენტ ვლადიმერ პუტინთან, ასევე მქონდა საუბარი თეთრ სახლთან ვაშინგტონში. მე ვთხოვე რუსეთის პრეზიდენტს (და ისინი განიხილავენ ამ თხოვნას, ჩვენ საბოლოო პასუხი ჯერ არ მიგვიღია, მიუხედავად პრესის ინფორმაციისა), რომ მიანიჭონ პოლიტიკური თავშესაფარი აბაშიძეს და მე აღარ მოვითხოვ მის გადმოცემას უკან საქართველოში!

კიდევ ერთხელ ვიმეორებ, მიუხედავად იმისა, რომ ჩვენ გვაქვს ბევრი პრეტენზია, უამრავი დანაშაულია ჩადენილი, მე ჩემ თავზე ვიღებ ამას, იმიტომ, რომ ჩვენ თავიდან უნდა ავიცილოთ ნებისმიერი სისხლისღვრა საქართველოში. ნებისმიერი სისხლისღვრა იქნება საქართველოსთვის ტრაგედიის მომასწავებელი და ჩვენ ეს არ გვჭირდება!

რა თქმა უნდა, ეს პირობა შესრულდება იმ სიტუაციაში, თუ ასლან აბაშიძე გადადგება თავისი ნებით და დატოვებს აჭარის ავტონომიური რესპუბლიკის მეთაურის სავარძელს!

როგორც მე არაერთხელ განვაცხადე, ჩვენ არ ვაპირებთ შევეხოთ აჭარის ავტონომიას, მაგრამ გარდამავალ პერიოდში მე შემომაქვს აჭარაში პირდაპირი საპრეზიდენტო მმართველობა, დაინიშნება დროებითი საბჭო, რომელიც მართავს აჭარის ტერიტორიას მანამ, სანამ უახლოეს პერიოდში არ ჩატარდება ადგილობრივი მმართველობის არჩევნები და არ აირჩევა ის ადგილობრივი მმართველობა, რომელიც უნდა აჭარის მოსახლეობას!

აჭარლებმა მთელ მსოფლიოს დაანახეს, რომ ისინი არიან ნამდვილი პატრიოტები საქართველოსი! ისინი არიან ქართველი ერის საუკეთესო წარმომადგენლები!

მათ ყველას აჩვენეს, რომ მომავალში ვერასოდეს აჭარაში ვერ გავა ვერანაირი სეპარატისტული თამაშები, ვერც ერთი ძალა ვერ გამოიყენებს ჩვენს აჭარლებს საქართველოს საწინააღმდეგოდ!

აჭარლებმა გადაიტანეს გმირული ბრძოლა საქართველოსთვის!

მე მზად ვარ, ასევე, მივცე ხელშეუხებლობის გარანტია (და ამის შესახებ მე ვუთხარი სატელეფონო საუბრისას) ჯემალ გოგიტიძეს და აჭარის უშიშროების მინისტრს სოსო გოგიტიძეს, ისევე როგორც მივეცი უსაფრთხოების გარანტიები და იმუნიტეტის გარანტიები სხვა თანამდებობის პირებს. ქალბატონ ნინო ბურჯანაძესთან ერთად, თუ საჭიროა ჩვენ კანონსაც მივიღებთ ამისათვის.

ამ წუთებში მიმდინარეობს იარაღის ჩაბარების პროცესი და ჩვენ შევძლებთ, რომ ეს პროცესი უმტკივნეულოდ წარვმართოთ.

ხვალ არის გიორგობის ბრწყინვალე დღესასწაული!

ისევ გიორგობაა!

მართლაც საქართველოს მფარველობს უზარმაზარი ძალა!

ის რაც მოახერხა ქართველმა ხალხმა რამდენიმე თვეში ორჯერ, შარშან ნოემბერში და ახერხებს ახლა, ამ დღეებში, არის უპრეცდენტო შემთხვევა მსოფლიოს ისტორიაში!

მთელი მსოფლიო სატელევიზიო არხებით უყურებს ახლა საქართველოს!

ჩვენ ვართ მართლაც ამაყი და ძალიან ნიჭიერი ერი!

ჩვენ ვართ უნიკალური ერი!

ვერც ერთმა მსოფლიოში ვერ შეძლო რამდენიმე თვის განმავლობაში ორი უსისხლო რევოლუციის ჩატარება გართულების გარეშე და ღმერთმა ჰქნას, რომ ამჯერადაც ასე მოხდეს!

მე მადლობელი ვარ თქვენი, გულის ფანცქალით ველი იმ წუთებს, როდესაც ჩავალ ჩემს ბათუმში, ჩემს აჭარაში, ჩემს გმირ თანამემამულე აჭარლებთან, რომლებმაც დაუმტკიცეს ყველას, რომ ისინი არიან ამ ქვეყნის ყველაზე დიდი პატრიოტები!

დღესაც, ამ წუთებშიც, ეს ხალხი შეკრებილია ბათუმის ცენტრში, მე ქედს ვიხრი თითოეული თქვენგანის წინაშე!

მთელი საქართველო იხრის ქედს თითოეული თქვენგანის წინაშე!

თქვენ შეძელით პრაქტიკულად სასწაულის მოხდენა!

მე არავისზე გაბრაზებული არ ვარ. არც იმ ადამიანების პატარა ჯგუფზე, რომლებიც, ზოგი ფულის გამო, ზოგი სხვა პირადი ინტერესების გამო, ბოლო დღეების განმავლობაში ეწინააღმდეგებოდა ყველაფერ ამას, ვინც გვლანძღავდა ტელევიზიით, ჩვენ იმათაც უნდა ვაპატიოთ, ვინც გვცემდა მიტინგებზე, იმათაც, ვინც გაისროლა გუშინ და დაჭრა რამდენიმე ადამიანი; იმიტომ, რომ საბოლოო ჯამში ეს არის ჩვენი საერთო ქვეყანა და საქართველოს სჭირდება პატიება, ეროვნული თანხმობა, ერთიანობა; ჩვენ ყველამ ერთად უნდა გავაერთიანოთ ჩვენი ქვეყანა!

ჩემი ცხოვრების მთავარი მიზანი, ყველა სხვა პრობლემის გადაჭრასთან ერთად, არის ის, რომ საქართველო იყოს ერთიანი და ძლიერი სახელმწიფო!

კიდევ ერთხელ მინდა მოვუწოდო ყველას, დავდგეთ ერთად და ვიზეიმოთ ეს დღესასწაული - საქართველოში ყველანაირი საზღვრების აღება, ჩოლოქზე, ქაქუთზე, და სხვა ადგილებში!

რამდენიმე წუთში ეს უკვე საბოლოო შეუქცევად ხასიათს მიიღებს!

დღეს არის დიდი დღესასწაული, ხვალ კიდევ უფრო დიდი დღესასწაულია, გიორგობა, და მე მინდა ვუთხრა ყველას, ბოლო საათები ჩვენ ისე უნდა ჩავატაროთ, რომ ის აღტაცება, რომელიც არის დღევანდელ მსოფლიოში, გაათმაგდეს. არ უნდა იყოს არც ერთი ინციდენტი, არც ერთი შეტაკება, არც ერთი ძალადობის ფაქტი და თუკი ვინმე ამას დააპირებს, ყველამ ერთად უნდა გავცეთ პასუხი!

ჩვენ მზად ვართ, ვიყოთ სულგრძელნი, ყველას ყველაფერი ვაპატიოთ, ოღონდ ახლა განიარაღების დროა, ახლა საქართველოსადმი დამორჩილების და მთელი ქართველი ხალხის და, მათ შორის, აჭარლების გამარჯვების საბოლოო აღიარების დრო არის!

გილოცავთ ყველას და მე ვიმედოვნებ, რომ საბოლოო გამარჯვებამდე სულ რამდენიმე საათი რჩება!

სახელმწიფო საინფორმაციო სამსახური

მთელი მსოფლიო აღტაცებით უყურებს აჭარლების გმირობას / საქართველოს პრეზიდენტის მიხეილ სააკაშვილის განცხადება / სახელმწიფო საინფორმაციო სამსახური // 24 საათი. - 2004. - 6 მაისი. - N 106 (655). - A3 გვ.

პრეზიდენტ მიხეილ სააკაშვილის მიერ
ბობოყვათში გამართულ საგანგებო
პრესკონფერენციაზე წარმოთქმული სიტყვა

აჭარაში აქამდე არ იყო თვითმმართველობა, აჭარაში აქამდე იყო ერთმმართველობა და აჭარა, პრაქტიკულად, გამოყოფილი იყო საქართველოდან. მე ამას აღარასოდეს დავუშვებ. მიმდინარეობს შეიარაღებული ფორმირებების განიარაღება და ერთადერთი შეიარაღებული ფორმირება, რომელიც დარჩება აჭარაში, იქნება საქართველოს შეიარაღებული ძალების ბრიგადა, რომელიც განთავსდება ბათუმში. ჩვენ გავაძლიერებთ ოცდამეხუთე ბრიგადას, აქ ადგილობრივ კადრებთან ერთად იქნებიან ის კადრები, რომლებიც გაწრთვნეს ამერიკელებმა. ასევე, აჭარაში განლაგდება საქართველოს შინაგანი ჯარის ბრიგადა და თუკი როდესმე აქ ვინმეს შეიარაღების სურვილი აღეძრება, ჩვენ ამას ექვსი და ათი დღის შემდეგ კი არა, რამდენიმე საათში გავცემთ პასუხს და ამ ადამიანებს სამუდამოდ ჩამოვაშორებთ აჭარას და საზოგადოებას. ჩვენ ასევე არ დავუშვებთ, რომ აჭარაში როდესმე შეიქმნას ერთმმართველური სიტუაცია და ჩამოყალიბდეს ისეთი კლანი, რომელიც აჭარლების ხარჯზე გამდიდრდება და გააუბედურებს ამ საზოგადოებას. აქ იქნება აჭარლების კოლექტიური თვითმმართველობა, იქნება უზენაესი საბჭო, უზენაესი საბჭო ძირითადში დააკომპლექტებს აღმასრულებელ ხელისუფლებას, თუმცა, რა თქმა უნდა, ალბათ, იკითხავს ამ საკითხზე საქართველოს ხელისუფლების აზრს და ვაკითხვინებთ ამ აზრს. რა თქმა უნდა, უზრუნველვყობთ იმას, რომ პროცესები წავიდეს კანონის ფარგლებში და ადგილობრივი მოსახლეობის საკეთილდღეოდ. ნებისმიერი ვინმეს მცდელობა, რომ მოახდინოს საბაჟოს და პორტის შემოსავლების მიტაცება და აჭარის ბიუჯეტი ჩაიდოს ჯიბეში, იმავე დღეებში და წუთებში შეხვდება რეაგირებას საქართველოს ხელისუფლების მხრიდან. ჩვენ ამ ადამიანებს დავაპატიმრებთ და არ გავახარებთ. ყველას უნდა ესმოდეს, რომ ყველაფერი აწი ხალხის საკეთილდღეოდ უნდა იყოს და ვერავინ გაბედავს იმ მეთოდებით მართვას, რომლითაც აქამდე იმართებოდა საქართველოს ეს უმშვენიერესი კუთხე. აი, ეს არის ჩემი მოსაზრებები იმ თემაზე, თუ როგორ უნდა მოეწყოს ადგილობრივი თვითმმართველობა აჭარის ავტონომიურ რესპუბლიკაში.

რა თქმა უნდა, ყველაფერი, ჯერ კიდევ, დაულაგებელია, არის პროვოკაციები, აშკარად არის სხვადასხვა შეიარაღებული ძალის აქტიურობა, მიუხედავად იმისა, რომ ძირითადში განიარაღება დამთავრებულია. ჩვენმა ძალებმა დააპატიმრეს პოლიციის უფროსი ცინცაძე და შინაგანი ჯარების სარდალი მამაშვილი, რომელთაც დახვრიტეს შუახევიდან, ხულოდან და ქედიდან ბათუმისკენ მომავალი მშვიდობიანი მანიფესტაცია, ოთხი ადამიანია დაჭრილი. მე მივეცი გარანტია იმ ხალხს, ვინც იარაღს არ გამოიყენებდა. ვინც იარაღი გამოიყენა, ყველას გავცემთ პასუხს, თუ მომავალში ვინმე იარაღის გამოყენებას გაბედავს, უმკაცრესად გავუსწორდებით. იყო ხალხი, ვინც ჩვენთან თანამშრომლობდა, ჩვენ მათ მივეცით უსაფრთხოების გარანტია, მაგრამ ის ადამიანი, გენერალი დუმბაძე, რომელიც ხმამაღლა ტრაბახობდა, რომ ააფეთქა ხიდები, უღალატა საქართველოს კონსტიტუციას და ფიცს, უმკაცრესად აგებს პასუხს საქართველოს კანონმდებლობის წინაშე და წარდგება სასამარ რთლოს წინაშე, როგორც დავპირდი. მე ჩემს სიტყვას ყოველთვის ვასრულებდი. მე ვარ ძალიან რბილი ადამიანი, თუ საქმე ეხება ადამიანურ დამოკიდებულებას, მაგრამ, სამშობლოს ღალატს და ინტერესებს რაც შეეხება, ჩემი, როგორც პრეზიდენტის მოვალეობაა, არ დავიხიო უკან.

შეიქმნა აჭარის დროებითი ადმინისტრაციის საბჭო და მე გაგაცნობთ მის შემადგენლობას. აქ შედიან ძალიან კარგი ადამიანები, ის ადამიანები, რომლებმაც თავი გამოიჩინეს, ძალიან ბევრი იტანჯეს, ის ადამიანები, რომლებიც იბრძოდნენ ამ წლების განმავლობაში და არ შეეგუვნენ უსამართლობას, რაც აჭარაში ხდებოდა. აქ შედიან სხვადასხვა ასაკის ადამიანები, სხვადასხვა რაიონის წარმომადგენლები, მაღალმთიანი აჭარის, ბათუმის, ქობულეთის. აქ არიან სტუდენტური ორგანიზაციების ლიდერები, რომლებმაც გმირულად იბრძოლეს ბოლო დღეებში და არ შეეგუვნენ უსამართლობას. მე ქედს ვიხრი ჩვენი სტუდენტების, ჩვენი ახალგაზრდობის წინაშე.

საბჭოს შემდეგი შემადგენლობაა: კობა ხაბაზი, იოსებ ხიმშიაშვილი, თამაზ დიასამიძე, სულხან ღლონტი, ელგუჯა მაკარიძე, თენგიზ ასანიძე, ედვარდ სურმანიძე, ნატო იმნაძე, კახა მიქელაძე, ოთარ მიქელაძე, მერაბ ქიძინიძე, ბეჟან კოპაძე, ჯემალ ინაიშვილი, მურმან დუმბაძე, ავთანდილ ბეჟანიძე, ედვარდ ფუტკარაძე, ზურაბ მიქელაძე, არმაზ ახვლედიანი. ჩვენ დავტოვეთ სპეციალურად მეოცე ადგილი, კიდევ თუ ვინმე გამოგვრჩა საზოგადოების წარჩინებული წარმომადგენელი, შევიდეს ამ საბჭოში. ეს საბჭო შეიკრიბება რეგულარულად და იქნება მმართველობის განმახორციელებელი ძირითადი ორგანო, იგი ხვალიდან დაჯდება აჭარის პარლამენტის შენობაში. აქვე ვიღებ გადაწყვეტილებას და საქართველოს კონსტიტუციის 79-ე მუხლის მეორე პუნქტის და 73-ე მუხლის პირველი პუნქტის მიხედვით, საქართველოს ორგანული კანონის 44-ე მუხლის თანახმად და პირდაპირი სახელმწიფო მმართველობის შესახებ საქართველოს კანონის მე-4, მე-6 და მე-7 მუხლების შესაბამისად, საქართველოს პრეზიდენტი ბრძანებს:

1. დათხოვნილ იქნას აჭარის ავტონომიური რესპუბლიკის პარლამენტი;

2. აჭარის ავტონომიური რესპუბლიკის ტერიტორიაზე შემოღებულ იქნას პირდაპირი სახელმწიფო მმართველობა;

3. შემოღებულ იქნას აჭარის ავტონომიურ რესპუბლიკაში საქართველოს პრეზიდენტის სახელმწიფო რწმუნებულის თანამდებობა;

4. შეიქმნას დროებითი საპრეზიდენტო ადმინისტრაცია.

ამას ვაწერ ხელს და ამ წუთიდან აჭარის პარლამენტი არის დათხოვნილი. ამავე დროს, ვაწერ ხელს განკარგულებას აჭარის ავტონომიურ რესპუბლიკაში საქართველოს პრეზიდენტის სახელმწიფო რწმუნებულად ლევან ვარშალომიძის დანიშვნის შესახებ. ბატონი ლევანი არის ბათუმში დაბადებული და გაზრდილი, არის ძალიან კარგი ოჯახიდან და ბოლო რამდენიმე თვე ხელმძღვანელობს „საქართველოს რკინიგზას“, ძალიან წარმატებულად. მიმაჩნია, რომ ეს ახალგაზრდა კადრი ყველა სხვა ჩვენ ადამიანთან ერთად (კოლექტიური მმართველობაა და კიდევ ერთხელ ვიმეორებ, რომ აქ არ იქნება ერთპიროვნული მმართველობა), შეძლებს ამ ფუნქციის შესრულებას. ახლა მთავარია ეკონომიკა, მენეჯმენტი, ახლა მთავარია ხალხს დავეხმაროთ და ეს არის ჩვენი ფუნქცია. ბატონი ლევანი შეძლებს კოორდინაციას საქართველოს ხელისუფლებასთან და იმუშავებს. მთავარია ხიდების და გზების აღდგენა და ხალხის დახმარება, ამის გამოცდილება მას მიღებული აქვს.

მინდა კიდევ ერთხელ ვუთხრა აჭარის ყველა მცხოვრებს: მადლობელი ვარ თქვენ მიერ გამოჩენილი გმირობისათვის, მადლობელი ვარ იმისა, რომ ბოლო დღეებში საქართველოს შეიარაღებული ძალების წარმომადგენლები, რომლებიც პატრულირებენ ბათუმში, ხვდებიან თქვენი მხრიდან სითბოს, მხარდაჭერას და ეს არის ყველაზე დიდი ჯილდო ნებისმიერი ჯარისკაცისთვის. მაგრამ, რა თქმა უნდა, ჩვენ არ ვაპირებთ, რომ აქ იყოს საგანგებო მდგომარეობა, ყველაფერი უნდა დაუბრუნდეს ნორმალურ ვითარებას, ერთად უნდა მოვახერხოთ განიარაღება და კიდევ ერთხელ მოვუწოდებ ყველას, რომ განიარაღების პროცესი არ შეჩერდეს, რომ ჩვენ შევძლოთ წესრიგის დამყარებაში საზოგადოების მხარდაჭერა. არავითარ შემთხვევაში არ შეიძლება შურისძიება, ძველი წყენები უნდა დავივიწყოთ, მაგრამ ყველას უნდა ესმოდეს, რომ, თუკი ვინმე ძველებურ საქმიანობას გააგრძელებს, გავცემთ პასუხს. ყველა პროფესიონალი უნდა დარჩეს თავის ადგილზე, თუ მას არ მიუძღვის დანაშაული. რა თქმა უნდა, იქნება გარკვეული საკადრო ცვლილებები, მაგრამ ეს ცვლილებები არ უნდა ატარებდეს ნადირობის ხასიათს.

აჭარაში მცხოვრებმა ხალხმა ერთად იბრძოლა და მოახდინა სასწაული. ერთმანეთისგან განვსხვავდებით მეც, ნინო ბურჯანაძეცა და ჟვანიაც, მაგრამ, ვართ ერთი გუნდი. ჟვანიამ გმირულად იბრძოლა აჭარაში ბოლო დღეებში და არ შეიძლება ეს არ დაუფასო, ისევე, როგორც ქალბატონი ნინო ყველაფერში გვედგა გვერდით. სულ ამბობდნენ: ესენი ახლა არიან ერთად, იმიტომ, რომ ერთად დაამხეს ხელისუფლება და მერე დაიყოფიანო. ხომ არ მოხდა ასე. ყველა ეს ადამიანი იქნება ერთად. ახალ პოსტების გადანაწილებაზე საუბარი არის ნაადრევი. აჭარლებმა უნდა აირჩიონ ის თვითმმართველობა, რომელიც გადაინაწილებს პოსტებს. ახლა დროებით ადმინისტრაციასა და საბჭოზეა საუბარი, ყველამ იცოდეს, რომ ეს არის საპრეზიდენტო ადმინისტრაცია, ამ ადმინისტრაციის ხელმძღვანელი ვარ მე. პრეზიდენტის რწმუნებული არის ლევან ვარშალომიძე და ყოველდღიურ საქმიანობაში უშუალო კოორდინაციას ის განახორციელებს, მაგრამ საბჭოს თითოეული წევრი თანასწორია და ყველა ერთად განახორციელებს იმას, რომ აჭარა დავაყენოთ ფეხზე. ვინ რა პოზიციას დაიკავებს თბილისში ან აქ, ეს გადაწყდება ადგილობრივი არჩევნების შემდეგ. ვინ როგორ იმუშავებს, ამას აჭარის საზოგადოება განსჯის. მე ამას გავითვალისწინებ მათთან ერთად. ახლა მთავარია, ხალხმა ძალიან მოკლე პერიოდში იგრძნოს, რომ უკეთესობა შეიმჩნევა. მთავარია, აღდგეს ხიდები და ტურისტული სეზონი ჩატარდეს ძალიან კარგად. მე მოვუწოდებ თბილისელებს, ყველა სხვას, ვინც აპირებდა თურქეთში თუ, თუნდაც, საქართველოს სხვა რაიონებში დასვენებას, ახლა საქართველოს ყველა რაიონს სჭირდება ტურისტი, მაგრამ ახლა ყველაზე მეტად სჭირდება აჭარას და აჭარლებს. ამიტომ ახლა ყველანი უნდა ჩამოვიდეთ აჭარაში. დარწმუნებული ვარ, რომ ჩოლოქთან არანაირი ბარიერი არ იქნება აღარასოდეს, არ იქნება რაღაც პატრულები და კომენდანტის საათი. არ იქნება ამ ადამიანებზე ის წნეხი, რაც იყო ადგილობრივი საგადასახადო თუ კრიმინალური სტრუქტურებიდან. ადგილობრივი მოსახლეობა უკიდურესად კეთილგანწყობილია, მოსახლეობამ დაამტკიცა თავისი სიყვარული საქართველოს მიმართ. ამ ხალხს ახლა სჭირდება ჩვენი დახმარება, ჩვენი დახმარება არის თითოეული ლარი, რომელსაც ჩვენ დავხარჯავთ აჭარაში. დღეს აჭარას სჭირდება თითოეული ქართველი ოჯახის სოლიდარობა და დახმარება.

პირველი ნაბიჯები სასწაულების შემდეგ / პრეზიდენტ მიხეილ სააკაშვილის მიერ ბობოყვათში გამართულ საგანგებო პრესკონფერენციაზე წარმოთქმული სიტყვა // დილის გაზეთი. - 2004. - 8 მაისი. - N107 (2433). - 2 გვ.

პრეზიდენტ მიხეილ სააკაშვილის გამოსვლა
ჟურნალისტების წინაშე 2004 წლის 11 მაისს

შეიძლება ზოგიერთმა პოლიტიკოსმა ვერ გაიზიარა, რა ისტორიული მოვლენა განხორციელდა საქართველოში გასულ კვირას. მრავალი წლის განადგურების, დაშლის, დასუსტების შემდეგ, საქართველომ დაიწყო გამთლიანება. გასულ კვირას ჩვენ დავძლიეთ ჩვენი მთავარი კომპლექსი, რაც გაგვინვითარა შევარდნაძის მმართველობამ, რომ საქართველო ყოველთვის მარცხდება, რომ ჩვენი ჯარი ყოველთვის მარცხდება, რომ მეზობელი სახელმწიფოები ყოველთვის ჩვენზე ძლიერები არიან და ყოველთვის აგრესიულები ჩვენს მიმართ. ქართველმა ხალხმა დაამტკიცა, რომ დამარცხების ეპოქა დამთავრდა. საქართველო აღარ აპირებს წაგებას, აღარ აპირებს, რომ იყოს დამცირებული. სამი თვეა, რაც ახალი მთავრობა მუშაობს და მთავარი საკითხი უკვე მოგვარდა. ამ რამდენიმე თვეში, ნოემბრის რევოლუციის შემდეგ, სახელმწიფოდ ვიქეცით. ბოლო ერთი კვირაა ბათუმის ქუჩებში შინაგანი ჯარის 2000-ზე მეტი ჯარისკაცი ეწევა პატრულირებას. თქვენ გახსოვთ, რა ხდებოდა, როცა ჯარი აფხაზეთში იყო. იყო ათასგვარი უბედურება, ძარცვა-გლეჯა, იქაც იყვნენ გმირები, მაგრამ მათ უკან არ იდგა სახელმწიფო. ერთი მაროდიორობის ფაქტიც არ მომხდარა ბათუმში, ეს არის უკვე სხვა ჯარი, ეს არის ჯარი, რომელსაც სამზარეულო აქვს, რომელსაც დღეში სამჯერ კვებავენ, ეს არის ჯარი, რომელიც დროზე იღებს ხელფასს და რომელსაც აქვს გამარჯვებულის სულისკვეთება. იმ მანევრებმა, რომელიც ყულევში ჩავატარეთ, საბოლოოდ დაარწმუნა აბაშიძე, რომ ჩვენთან დაპირისპირებას აზრი არ ჰქონდა. თუ არა ის სულისკვეთება, რომელიც დაინერგა, სხვანაირად ეს ისტორიული საკითხი ასე წყნარად და მშვიდად ვერ მოგვარდებოდა. მთელი მსოფლიოს თვალში საქართველოს ახლა სულ სხვა სახე აქვს. ყველა ამბობდა, ნოემბრის რევოლუცია მოხდა, ახლა ისინი დაიშლებიანო და ისევ იმ უბედურებას გაიმეორებენ, რაც წინა ხელისუფლებამ საქართველოს დამართაო. არ გამოუვიდათ, იმიტომ, რომ ჩვენ ამას სხვანაირად მივუდექით, ჩვენ დავიწყეთ სახელმწიფოს მშენებლობა, ახლა ჩვენ ვიწყებთ სახელმწიფოებრიობის ახალ ეტაპს. აჭარის შემოერთებამ, პრაქტიკულად, გააორმაგა საქართველოს ეკონომიკური პოტენციალი. ძალიან კარგად მიდის აღდგენითი პროცესები, დღეს დააკავეს მთავარი ქილერი, რომელიც აბაშიძეს ჰყავდა - სიამაშვილი, რომელიც მისი ბოლო საყრდენი იყო. აჭარაში 200-ზე მეტი ქილერის იარაღი ამოიღეს. განიარაღებისთვის ხვალ საღამომდე მივეცით ვადა დარჩენილ ფორმირებებს, მაგრამ, ამავე დროს, ლევან ვარშალომიძე, ედვარდ სურმანიძე, თამაზ დიასამიძე უკვე მუშაობენ, რომ მთელი ზაფხულის მანძილზე აჭარაში საგზაო სამუშაოები ჩატარდეს, ზაფხულში უნდა გაიხსნას ათასობით ახალი რესტორანი, განვითარდეს ტურისტული ინფრასტრუქტურა, გამოჩნდეს ახალი შესაძლებლობები ხალხისთვის. კიდევ ერთხელ მინდა ყველას ვთხოვო, რომ წავიდნენ აჭარაში, მეც ვაპირებ ჩასვლას, მინდა იქ ყოფნით გამოვუცხადოთ სოლიდარობა ჩვენს საყვარელ აჭარლებს.

პარტიაში ვერანაირ განხეთქილებას ვერ ვხედავ, შეიძლება, რამდენიმე ადამიანს აქვს განსხვავებული აზრი, ამის წინააღმდეგი არასოდეს ვყოფილვარ. მინდა ვთქვა, რომ „ნაციონალური მოძრაობის“ და „დემოკრატების“ ერთობა ძალიან მტკიცეა. ჩემი, ნინო ბურჯანაძის, ზურაბ ჟვანიას ერთობა არის ძალიან მტკიცე. ზოგიერთ ჩემს თანაპარტიელს ეს არ მოეწონა, ეს მათი პრობლემაა. ვიცი, რა გააკეთეს „ნაციონალური მოძრაობის“ აქტივისტებმა აჭარაში. დანარჩენი საქართველოდან აჭარაში 2000 კაცი ჩავიდა იმ დღეს, როცა მომიტინგეების დარბევის საფრთხე იყო. ჩვენ დავძლიეთ ყველა ბარიერი. კახელები, ქართლელები, იმერლები, მეგრელები - ყველა ჩავიდა აჭარაში. ადამიანები, ვინც ნოემბრის რევოლუცია მოახდინეს, გადავიდნენ ტყე-ტყე, ზოგმა გადაცურა, ზოგი ავტომობილის ძარაშიც ჩაწვა და „კონტრაბანდულად“ შევიდა აჭარაში.

როგორც კი ასლან აბაშიძე გაიქცა, იმავე ღამეს ამ ხალხმა მიულოცა აჭარლებს გამარჯვება, დაიხურეს ქუდი, დასხდნენ მანქანებზე და უკან წამოვიდნენ. ეს ხალხი ისე მოიქცა, როგორც კარგად გაწვრთნილი არმია, ისინი იქ სიკვდილზე წავიდნენ, რადგან იქ რომ ცეცხლი გაეხსნათ, მათ იარაღი არ ჰქონდათ, ამიტომ „ნაციონალური მოძრაობა“ არის ბევრად მეტი, ვიდრე თუნდაც სააკაშვილი და თუნდაც საპარლამენტო ფრაქცია. რა თქმა უნდა, იქნება გარკვეული აზრთა სხვადასხვაობა, მაგრამ დეზინტეგრაციულ პროცესებს ნამდვილად არ ველი. ჩვენ ახლა ვართ აღმშენებლობის პერიოდში. დღეს „ნაციონალურ მოძრაობაში“ არის უფრო მეტი წევრი, ვიდრე პარტიამ პარლამენტში გაიყვანა. ეს ნიშნავს, რომ პარტიის მიზიდულობა დიდია, თუ ერთი-ორი კაცი გავა, ათი ამდენი შემოდის. პარტიის გაზრდა თვითმიზანი არ არის, მაგრამ გამოჩნდება, ვის რისი თავი აქვს. მუდმივად იქნება ახალი სისხლის გადასხმა მთავრობაშიც და პარლამენტშიც. ეს უნდა იყოს მუდმივი განახლების პროცესი. გამოჩნდებიან ახალი აქტივისტები პარლამენტის გარეთ, რომლებიც თავს გამოიჩენენ პოლიტიკაში. ყველამ შეიძლება ვერ გაამართლოს, მაგრამ დარწმუნებული ვარ, აბსოლუტური უმრავლესობა გაამართლებს, რადგან ინტელექტუალური პოტენციალი ამ პარლამენტში ძალიან დიდია. ასე რომ, დღეს ჩვენ ზრდის პერიოდი გვაქვს, საქართველოს გაუჩნდა რეალური გაერთიანების შანსი. ამას დასჭირდება დრო, გამძლეობა, მოთმინება, მაგრამ ამის არ დანახვა შეუძლებელია. ჩვენი პარტიის მთავარი ამოცანაა ადგილებზე შევქმნათ სიღარიბის აღმოფხვრის ქსელი. საზოგადოების ყველაზე ღარიბ წევრებს ჩვენ ერთად უნდა დავეხმაროთ. საზოგადოების 10-15 პროცენტი შიმშილობს, ამ ხალხის აღმოჩენა, იდენტიფიცირება და ბოლო რესურსების მათზე გადანაწილება უნდა მოხდეს. მინდა, რომ ამ პროცესში თავად ჩავება. ადმინისტრაციების საქმიანობა მაქსიმალურად უნდა გავაკონტროლოთ და თუ ვინმე ოდნავ გაიხრწნება, მაშინვე უნდა შეიცვალოს ახალი წევრით. უნდა მიმდინარეობდეს მუდმივი განახლება, რომ არ მოხდეს დაჭაობება, დახავსება. ჩვენ ამ პოზიტიური მოძრაობის შეჩერება არ გვეპატიება.

მე არ მინდა წალკის ინციდენტის დრამატიზირება მოვახდინო, ამ ხალხს შეხვდნენ ჩემი წარმომადგენლები, ეს არ იყო ორ ერს შორის ჩხუბი, დაპირისპირება მოხდა ორ ჯგუფს შორის. ჩვენი მიზანი არ არის დამნაშავის გარკვევა. ჩვენი მიზანია, დავიცვათ თითოეული მოქალაქე, მიუხედავად მათი ეროვნული წარმომავლობისა. დღეს საქართველოს იმის რესურსები აქვს, რომ ყველანაირ პროვოკაციას პასუხი გასცეს. ვერანაირ პროვოკაციას, რიტორიკას თავს ვერ მოგვახვევენ. საქართველოში დღეს ბევრად უფრო ძლიერი პოლიციაა. გუშინ მან აღმოაჩინა 50 მილიონად ღირებული კრანახის ნახატი. თითქმის ყველა დარწმუნებული იყო, რომ მას საზღვარგარეთ გაიტანდნენ. ძველ დროში ნამდვილად გაიტანდნენ, მაგრამ გამიოფხიკა ყურები პოლიციამ, სხვა სულისკვეთება აქვს და ეს ყველა მიმართულებით ასეა. მაგალითად, სარფის საბაჟოზე ასლან აბაშიძე თვეში 300 000 დოლარს არეგისტრირებდა. ახლა ერთ დღეში შემოვიდა 100 000 დოლარზე მეტი. წარმოიდგინეთ, რამდენი ფული იკარგებოდა. ჩვენ არავის ვურჩევთ გვაშანტაჟონ. ყველას პასუხს გავცემთ. აჭარაში უშიშროება ამუშავდა, აჩვენა თავის ძალა, სხვა რეგიონებში სიტუაცია ნელ-ნელა დალაგდება, საქართველოს მტრები დღეს „ადგილზე არიან მომჯდარი“ მას შემდეგ, რაც აჭარაში მოხდა. მთელი აზერბაიჯანი ჩვენზე მეტად ზეიმობს აჭარის მოვლენების გამო, რადგან იმათაც, პერსპექტივის განცდა გაუჩნდათ მთელი რეგიონისთვის. საქართველო, სხვა თუ არაფერი, მთელი რეგიონისთვის უზარმაზარი ეკონომიკური კვანძია. პოზიტიური რეაქცია იყო სომხეთში, უკრაინის პრეზიდენტმა აღტაცებულმა დამირეკა. ამ ყველაფრის მერე რომ ვიღაც ხულიგნებმა გვაშანტაჟონ, არ გამოუვათ. ნელ-ნელა წყნარად, სოლიდურად ყველა პასუხს გავცემთ.

რაც შეეხება ევროპის საბჭოს, მე გამოვხატე ჩემი პოზიცია არა ევროპის საბჭოსთან დაკავშირებით, არამედ მისი გენერალური მდივნის, ვალტერ შვიმერის საქციელთან დაკავშირებით. ევროპის საბჭო არის საპარლამენტო ასამბლეა და სამდივნო, რომელსაც გენერალური მდივანი ჰყავს. ასამბლეამ მთლიანად ჩვენ დაგვიჭირა მხარი, ამის გარდა, მხარი დაგვიჭირა ევროპის კავშირმა და დაგმო ასლან აბაშიძის საქციელი. აშშ-მ უმკაცრესად დაგმო აბაშიძის ნაბიჯები. ევროსაბჭოს ფუნქციაა რეაგირება მოახდინოს ადამიანის უფლებების დარღვევაზე. ეს არის დემოკრატიის დამცველი ორგანიზაცია. მან, პრაქტიკულად, ხმა არ გაიღო მაშინ, როცა მისი მხარდაჭერა ყველაზე მეტად გვჭირდებოდა. ევროპის საბჭო ჩვენი უფროსი არ არის. ეს არის ის ორგანიზაცია, რომლის უფროსი საქართველოც არის, რაკი ჩვენ ვართ მისი ერთ-ერთი წევრი - ვუხდით ხელფასს სამდივნოს თანამშრომლებს, ყოველწლიურად შეგვაქვს შესატანი, რომელსაც ვიხდით იმისთვის, რომ ამ ორგანიზაციამ დაიცვას დემოკრატია და ადამიანის უფლებები. ასანიძის შემთხვევაში სასამართლომ კარგად იმუშავა, გენერალური მდივნის შემთხვევაში მისი რეაქცია აბსოლუტურად არაა ადეკვატური იყო. ჩემს განცხადებას ძალიან დადებითი რეაქცია ჰქონდა დასავლეთის პრესაში, ერთხელ და სამუდამოდ ყველამ უნდა გავიაზროთ, რომ ჩვენ ვართ თავმოყვარე ქვეყანა, ჩვენი უფროსი არის ქართველი ხალხი და ამის ზემოთ ჩვენი უფროსი არ არსებობს. რაც შეეხება ევროსაბჭოს წარმომადგენელს საქართველოში, სალომე ზურაბიშვილი აწარმოებს ჩვეულებრივ პროცედურას, რაც საბოლოოდ დიპლომატიური არხებით გადასაწყვეტია. ვფიქრობ, ეს ყველა ევროპელისთვის გაკვეთილია. ნინო ბურჯანაძე ესაუბრა ვალტერ შვიმერს და ისიც წუხს იმის გამო, რომ თავის დროზე ადეკვატური რეაგირება ვერ მოხერხდა, რაც აჭარაში ხდებოდა. ყველამ გააკეთოს თავისი დასკვნები. ჩვენი პოზიცია ნათელია. ევროსაბჭოს გაჩუმება მხოლოდ აბაშიძეს წაადგა. ეს წარსულია და შეიძლება ამაზე ლაპარაკი აღარც ღირდეს, მაგრამ წინ აფხაზეთი გვაქვს და ამიტომ ჩვენი პრინციპული პოზიცია ძალიან მნიშვნელოვანი იყო. მინდა ჟურნალისტებსაც დიდი მადლობა გითხრათ, რადგან აჭარაში რაც ხდებოდა, ეს იყო გმირული საქციელი. აჭარაში ერთ-ერთი მთავარი გმირები ჟურნალისტები არიან, იქ მათ ისეთი ინტენსიურობით და აზარტით სცემდნენ, ბოლოს ამაზე უკვე აღარავინ საუბრობდა, იმდენად შეეჩვია ყველა. თითქოს ჟურნალისტის ცემა აუცილებელიც კი იყო. მინდა გამოვხატო ჩემი განსაკუთრებული პატივისცემა თქვენს მიმართ. რაც შეეხება ლოთი ქობალიას, ძალიან ბევრი ვიფიქრე, სანამ მისი გათავისუფლების გადაწყვეტილებას მივიღებდი. შევხვდი დათო ბოლქვაძის დედას. არაფერს დავპირებივარ, მაგრამ ყურადღებით მოვუსმინე. მართლაც, ცამდე მართლები არიან, მაგრამ ჩვენ უნდა გვესმოდეს, რა სიტუაციასთან გვაქვს საქმე. იყო სამოქალაქო ომი, ქობალია და მისთანები თავიანთი გადმოსახედიდან მართლები არიან, რადგან ისინი დამხობილ კანონიერ ხელისუფლებას იცავდნენ. ამგვარად, ისინი მოღალატეები არ იყვნენ. რა თქმა უნდა, ამ დაპირისპირების დროს ორივე მხარემ ჩაიდინა დანაშაული, მათ შორის, მკვლელობებიც. ყველა სახლშია გაშვებული, ერთადერთი, ვინც ამ პერიოდიდან ციხეში დარჩა, ქობალია იყო. ის 10 წელი ციხეში იჯდა, აქედან 5-ზე მეტი სიკვდილმისჯილთა საკანში გაატარა. გარწმუნებთ, სიკვდილმისჯილთა საკანში გატარებული ერთი დღე უტოლდება 10 დღეს. ამ ადამიანმა სერიოზულად ზღო იმ დანაშაულისთვის, რაც ჩაიდინა. მაგრამ მიმდინარეობს ეროვნული შერიგების პროცესი, ომის ფურცელი უნდა გადავფურცლოთ, ამიტომ ეს გადაწყვეტილება დიდი ყოყმანის შემდეგ მაინც მივიღე. მართალი გითხრათ, იმ ღამეს არ მეძინა, როგორც ადამიანს შეიძლება ეს არ მინდოდა, მაგრამ როგორც პრეზიდენტი, ვალდებული ვიყავი ეს გამეკეთებინა. ხანდახან პრეზიდენტმა უნდა გააკეთოს ის, რაც ადამიანურად ძნელი გასაკეთებელია. რაც შეეხება რომან დუმბაძეს, ის იყო კანონიერი პრეზიდენტის სამსახურში მყოფი მაღალი რანგის სამხედრო. როდესაც ეს ამბები ატყდა აჭარაში, დუმბაძეს ტელევიზიითაც და მისი მეგობრების პირითაც შევუთვალე, რომ ოღონდ შენ გვერდზე მაინც გადექი და არავინ არასოდეს არ შეგეხება მეთქი. მან თავხედურად თქვა, რომ ამას არ გააკეთებდა. უფრო მეტიც, მაშინ, როცა ხიდები ნეტკაჩოვმა ააფეთქა, გამოვიდა და განაცხადა, რომ ხიდები მან ააფეთქა. მან გადაგვიკეტა ჩოლოქზე გზა, იარაღი გადასცა უკანონო ფორმირებებს, რაც მძიმე დანაშაულია. ახლა ხშირად ამბობენ, ის ხომ ორმხრივი წნეხის ქვეშ იყოო. ის ბიჭები, ვინც წამოვიდნენ, ორმხრივი წნეხის ქვეშ არ იყვნენ? მიუხედავად ყველაფრისა, ისინი თავიანთი ქვეყნის ერთგულები დარჩნენ. ამიტომ, თუ ჩვენ როდისმე აფხაზეთის დაბრუნება გვინდა, ყველას უნდა ახსოვდეს, რომ მოღალატეობა ისჯება, არის წერტილი, საიდანაც მობრუნება ძალიან მძიმეა. ჩვენ იმ ბიჭებს, რომლებიც გამოვიდნენ, რა თქმა უნდა, შევუნარჩუნებთ ხელფასებსაც და კარიერასაც გავუკეთებთ. იმ ბიჭებს, რომლებმაც არ გაისროლეს, მაგრამ იქით დარჩნენ, არაფერს ვუზამთ, გავუშვებთ, მაგრამ თუ ქართველი გენერალი, რომელმაც იანვარში პატაკი ჩამაბარა, როგორც ქვეყნის მთავარსარდალს და ღიად გამოხატა ამბოხი, არ დაისჯება, საქართველო ვერასოდეს ფეხზე ვერ დადგება. ეს არის განსხვავებული სიტუაცია და აქ ჩვენ სიმტკიცე გვმართებს. ეს, აგრეთვე, ეხება რამდენიმე უმაღლესი თანამდებობის სამხედრო პირს, მათ შორის, შინაგანი ჯარის სარდალს - ცინცაძეს. მისი მთელი შემადგენლობა წამოვიდა თბილისში, მან კი ღიად გამოაცხადა დაუმორჩილებლობა. მინდა, რომ 26 მაისს დიდი აღლუმი გავმართოთ, სადაც ყველა მიიღებს მონაწილეობას. აღლუმში მონაწილეობას მიიღებს 100 ტანკი, ბრონირებული მანქანა, ბათუმში გემების დიდი აღლუმი ჩატარდება, დიდი სახალხო სეირნობა ბათუმსა და თბილისში. სხვათა შორის, ივნისში ბათუმში სუამის სამიტის ჩატარებას ვგეგმავთ. მინიმუმ, სამი პრეზიდენტი ჩამოვა, უზბეკეთთან ახლა ვაწარმოებთ მოლაპარაკებას. სხვათა შორის, აჭარაში ვმართავთ დიდ ეკონომიკურ ფორუმს, რომელზეც მთელი რუსეთის ბიზნესმენები ჩამოდიან პრეზიდენტ პუტინის დავალებით. ახლა დელეგაცია მიმყავს რუმინეთში და თურქეთში, მიმყავს აჭარლები, რათა ბათუმთან კავშირები აღდგეს, რაც საქართველოს გაამდიდრებს. იმედია, რომ ასლან აბაშიძისგან ამოვიღებთ ფულს. როგორც შევარდნაძის ოჯახისგან გადმორიცხული ფული დავურიგეთ ხალხს, ასევე დავურიგებთ ამ ფულს აჭარლებს და რაც მორჩება, დანარჩენ საქართველოს. უნდა აღდგეს საწარმოები აჭარაში, კატერები გადავეცით ფოთის სასაზღვრო დაცვას, რადგან სამხედრო დანიშნულების იყო. ბათუმში მხოლოდ ორი დავტოვეთ. რაც შეეხება სამხედრო დანიშნულების ტექნიკას, ზოგი შეკვეთა წამოვა საქართველოს თავდაცვის სამინისტროდან, ზოგიერთი უცხოეთიდან, რისი გაცოცხლებაც არ შეიძლება, უნდა გაიყიდოს.

იყო კომპანია „ბასრი“, რომელიც ათასგვარ უკანონობას ჩადიოდა, იყო ადამიანების წრე, რომელიც ასევე უკანონობას ჩადიოდა, მათ ქონება უნდა ჩამოერთვათ. ას ერთი კომპიუტერი გავუგზავნეთ სკოლებს. ამ კომპიუტერებით აბაშიძე აკეთებდა ქსელს, რათა ყველა ადამიანზე ჰქონოდა კარტოთეკა, დაწყებული თითის ანაბეჭდებიდან, ფეხის ზომით, თვალის ფერით და პოლიტიკური შეხედულებებით დამთავრებული. ეს ყველაფერი მოაწყვეს უშიშროების სამინისტროს სარდაფში, ამის შესახებ აბაშიძემ მეც მითხრა ბოლო შეხვედრაზე. სექტემბრისთვის ექნებოდათ აბსოლუტური მონაცემები, ვინ რა შეხედულების არის აჭარაში, როგორ გამოიყურება, ვინ ჰყავს მეზობელი და დამსმენი. ასეთი ტოტალიტარული სამოთხე ჰქონდა მას მოწყობილი. რა თქმა უნდა, ეს ჩავუშალეთ. ამ კარტოთეკებში საპატიო ადგილი გვეკავა მეც, ნინო ბურჯანაძეს, ზურაბ ჟვანიას, ვუპოვეთ დოკუმენტები, სადაც ჩვენი ცხოვრება დეტალურად იყო აღწერილი. ჩემს შესახებ ისეთი დეტალები გავიგე, რომ ზოგიერთი მეც აღარ მახსოვდა. ამაზე ისინი მუშაობდნენ, მაგრამ დროულად ჩაეშალათ. მისი ქონებიდან რისი გაყიდვაც შეიძლება, უნდა გაიყიდოს და ყველაფერი გადაეცეს აჭარლებს.

დაბოლოს, კიდევ ერთ საკითხზე მინდა გავაკეთო კომენტარი. გამიკვირდა, პენსიებთან დაკავშირებით როგორ იღებს ვინმე ხმას. არანაირ პარალელებს არ ვავლებთ, მაგრამ, პირველად სტალინის დროიდან, საქართველოში დაიწყო პენსიის ისეთი ზრდა, რომ ყოველთვიურად პენსია იზრდება ზოგან 3 ლარით, ზოგან - ერთით, ზოგან ორით. იურისტებმა ამაზე შეიძლება იკამათონ, მაგრამ რეალურად ჩვენ რომ ხელისუფლებაში მოვედით, ყველაფერი გაძარცვული დაგვხვდა, შევარდნაძეს ჩვენთვის მემკვიდრეობით ფული არ დაუტოვებია. ყველაფერი წაიღეს შინ და შეჭამეს, ზოგი მამალაძემ წაიღო, ზოგი რჩეულიშვილმა, ზოგი სხვა მუქთამჭამელმა, ჩვენ შემოვ ვედით ცარიელ-ტარიელ ბიუჯეტზე და მოვახერხეთ შემოსავლების თითქმის ორჯერ გაზრდა არა მხოლოდ ოქრუაშვილის მეშვეობით, არამედ საგადასახადომაც იმუშავა. როცა საკრებულოს თავმჯდომარე გავხდი, თბილისში პენსია 14 ლარი იყო, ახლა 20 ლარია. რეგიონებში 12-13 ლარი იყო, რადგან ბანკი 1-2 ლარს აჭრიდა, ახლა რეგიონებში იღებენ 17 ლარს და გვაქვს შანსი, რომ გავხადოთ 18 ლარი, შემდგომ - 19 ლარი. მომავალი წლისთვის თავისუფლად შეიძლება, რომ 28 ლარი გახდეს. ფაქტია, რომ პენსიონერები ახლა გაზრდილ პენსიას იღებენ და იღებენ დროზე. მე ვიცი, რომ ეს არ არის საკმარისი, მაგრამ ჩვენ ასევე ფული უნდა ვხარჯოთ ბევრ სხვა რამეზე, ფული გვჭირდება არმიისთვის, საქართველო არმიის გარეშე არ აშენდება და აქ ძალიან ბევრი ხარჯი გვაქვს. აუცილებლად ფული უნდა დავხარჯოთ იმაში, რომ გვქონდეს რეზერვი, იმისათვის, რომ გადასახადები შემცირდეს და ხალხი დასაქმდეს. ჩემი დავალებაა, რომ უახლოეს ერთ წელიწადში საქართველოში შეიქმნას ასობით-ათასი ადგილი. მეორე მხრივ, ყველა ადამიანი, რომელიც იღებს სხვადასხვა შეღავათს, უნდა გავარკვიოთ, საჭიროებს თუ არა ამ შეღავათებს. მაგალითად, ლტოლვილები ორჯერ მეტია გაფორმებული, ვიდრე სინამდვილეში არიან. პენსიონერებს შორის მკვდარი სულებია. გაჭირვებულ პენსიონერად გაფორმებულია ისეთი ხალხი, რომელიც სიმდიდრეში ბანაობს, ამ დროს მართლაც გაჭირვებული ვერაფერს იღებს. ეს ყველაფერი გადასახედია და ამ მხრივ ნამდვილი რეფორმაა ჩასატარებელი. ახლა შევდივართ რეფორმების ეპოქაში, შევდივართ საქართველოს გაძლიერების, გამთლიანების ეპოქაში და, როგორც არასდროს, საქართველოს სჭირდება ერთიანობა. რა თქმა უნდა, აზრთა სხვადასხვაობა იქნება, მაგრამ ინტრიგანობა და ჩხირკედელაობა ძალიან ცუდია. ჩვენ ყველანი ვიამაყებთ, რომ ამ ეპოქაში ვცხოვრობთ, ჩვენი შვილიშვილები იამაყებენ, რომ საქართველოს დაშლის, განადგურების, დაკომპლექსების დრო მთავრდება და იწყება პერიოდი, როცა დავიბრუნეთ ჯერ აჭარა, შემდეგ აუცილებლად დავიბრუნებთ აფხაზეთს და ცხინვალის რეგიონს, ეს არის გარდაუვალი თუ ჩვენ თვითონ შიგნიდან არ ავიფეთქებთ თავს. რაც შეეხება სიღარიბეს, ეს არის ჩემი ნომერ პირველი მტერი, მთელი ხელისუფლება ორიენტირებული იქნება დაეხმაროს გაჭირვებულებს, სამუშაო ადგილების შექმნა მთავრობის მთავარი პრიორიტეტია. პენსიების ზრდა გაგრძელდება, ჯოხთაბერიძეს ფული ჩვენ დავაბრუნებინეთ. იმ წუთში ძალიან გვჭირდებოდა ამ ფულის დახარჯვა იარაღზე, რადგან რა პროვოკაციებს მოგვიწყობდა აბაშიძე, არ ვიცოდით. მიუხედავად ამისა, ბევრი ფიქრის მერე ვთქვით, რომ ეს ფული პენსიონერებზე და მასწავლებლებზე დაგვეხარჯა. მასწავლებლებზე იმიტომ, რომ რეგიონებში ისინი არიან საზოგადოების მთავარი საყრდენი. ამჟამად მიმდინარეობს მიწათმოქმედების სამუშაოები და ახლა, როგორც არასდროს, ისე სჭირდება, თუნდაც, რამდენიმე ლარი ადამიანს იმისათვის, რომ შემოდგომ მისთვის მოემზადოს. ამიტომ აღმოვჩნდით არჩევანის წინაშე, მილიონი ადამიანის ოჯახში შევიდა შევარდნაძის ოჯახის მიერ გადმორიცხული თანხა. მომავალში ვაპირებთ ორჯერ-სამჯერ ასე წართმეული თანხებით დავალიანების გასტუმრებას. მაგრამ, ამის პარალელურად, უნდა გავზარდოთ პენსიები და ხალხს დროზე მივცეთ. რაც უნდა გვლანძღონ, ხომ ფაქტია, რომ პენსიონერები მომატებულ პენსიას იღებენ, მე მივმართავ მათ - ხომ იღებთ მეტს და დროულად, ბოლოს ხომ ნამდვილად აღარაფერს აღარ იღებდით. ასე რომ, თუ დაინახავთ, სად არის საქმის გამკეთებელი, თქვენი ძალიან დიდი მადლობელი ვიქნები, რადგან ჩემთვის თქვენს დახმარებაზე მეტი მთავარი პრიორიტეტი არ არსებობს. მე მყავს ბებია და ბაბუა სახლში, ორივენი ჩემთვის ძალიან ძვირფასები არიან, მათი თაობისთვის დახმარების გაწევა ჩემი მთავარი ამოცანაა. ამას ყველანი ერთად შევძლებთ უფრო ძლიერი სახელმწიფოს პირობებში, მთავარია ერთმანეთს ვენდოთ და გარწმუნებთ, რომ სიტუაცია მომავალში კიდევ უფრო უკეთესი იქნება. ყოველ შემთხვევაში, სიტუაციის არევას ვეღარავინ მოახერხებს. საქართველო ძლიერდება, ჩვენ ვიბრუნებთ ჩვენს ქვეყანას, ვდგებით ფეხზე და საზოგადოების ყველა შრეს თავისი სარგებელი ექნება. დამნახავი ამას დაინახავს. სამწუხაროდ, დაუნახავი ადამიანებიც არსებობენ.

დამარცხების ეპოქა დამთავრდა / პრეზიდენტ მიხეილ სააკაშვილის გამოსვლა ჟურნალისტების წინაშე 2004 წლის 11 მაისს // დილის გაზეთი. - 2004. - 12 მაისი. - N110 (2436). - 1-2 გვ.

2004 წლის 24 მაისი, ქ. თბილისი

საქართველოს მეცნიერებისა და ტექნიკის დარგის
2004 წლის სახელმწიფო პრემიების მინიჭების შესახებ

მიენიჭოთ საქართველოს მეცნიერებისა და ტექნიკის დარგის 2004 წლის სახელმწიფო პრემიები და საქართველოს სახელმწიფო პრემიის ლაურეატის წოდება:

საბუნებისმეტყველო მეცნიერებათა დარგში:

1. ლეონიდე გაბუნიას - (გარდაცვალების შემდეგ), აბესალომ ვეკუას - გეოლოგია-მინერალოგიის მეცნიერებათა დოქტორს, საქართველოს მეცნიერებათა აკადემიის წევრ-კორესპონდენტს, საქართველოს მეცნიერებათა აკადემიის ლ. დავითაშვილის სახელობის პალეობიოლოგიის ინსტიტუტის ხერხემლიანთა პალეობიოლოგიის განყოფილების ხელმძღვანელს, დავით ლორთქიფანიძეს - გეოგრაფიის მეცნიერებათა დოქტორს, საქართველოს მეცნიერებათა აკადემიის ს. ჯანაშიას სახელობის საქართველოს სახელმწიფო მუზეუმის დირექტორის მოადგილეს, მედეა ნიორაძეს - ისტორიის მეცნიერებათა დოქტორს, საქართველოს მეცნიერებათა აკადემიის არქეოლოგიური კვლევის ცენტრის ძველი ქვის ხანის არქეოლოგიის განყოფილების გამგეს - 1992-2001 წლებში შესრულებული შრომათა ციკლისათვის - „დმანისელი ადამიანის ადგილი ადრეულ ჰომინიდებს შორის, მისი მატერიალური კულტურა და ბუნებრ რივი გარემო“.

2. ეთერ ქემერტელიძეს (ხელმძღვანელი) - ფარმაცევტულ მეცნიერებათა დოქტორს, პროფესორს, საქართველოს მეცნიერებათა აკადემიის აკადემიკოსს, საქართველოს მეცნიერებათა აკადემიის ი. ქუთათელაძის სახელობის ფარმაკოქიმიის ინსტიტუტის დირექტორს;

მერი ალანიას - ფარმაცევტულ მეცნიერებათა დოქტორს, საქართველოს მეცნიერებათა აკადემიის ი. ქუთათელაძის სახელობის ფარმაკოქიმიის ინსტიტუტის ფიტოქიმიის განყოფილების წამყვან მეცნიერ თანამშრომელს; ვახტანგ ბარბაქაძეს - ბიოლოგიის მეცნიერებათა დოქტორს, საქართველოს მეცნიერებათა აკადემიის ი. ქუთათელაძის სახელობის ფარმაკოქიმიის ინსტიტუტის ფიტოქიმიის განყოფილების წამყვან მეცნიერ თანამშრომელს; ცარუ დალაქიშვილს - (გარდაცვალების შემდეგ); გენრი დეკანოსიძეს - ფარმაცევტულ მეცნიერებათა დოქტორს, საქართველოს მეცნიერებათა აკადემიის ი. ქუთათელაძის სახელობის ფარმაკოქიმიის ინსტიტუტის ფიტოქიმიის განყოფილების უფროს მეცნიერ-თანამშრომელს; დურმიშხან ტურაბელიძეს - ფარმაცევტულ მეცნიერებათა კანდიდატს, საქართველოს მეცნიერებათა აკადემიის ი. ქუთათელაძის სახელობის ფარმაკოქიმიის ინსტიტუტის ფიტოქიმიის განყოფილების უფროს მეცნიერ თანამშრომელს - 1960-2001 წლებში შესრულებული შრომათა ციკლისათვის - „ბიოლოგიურად აქტიურ მცენარეულ ნივთიერებათა შესწავლა და ახალი სამკურნალო პრეპარატები“.

მედიცინის მეცნიერებათა დარგში:

1. ლავრენტი მანაგაძეს - მედიცინის მეცნიერებათა დოქტორს, პროფესორს, საქართველოს მეცნიერებათა აკადემ მიის წევრ-კორესპონდენტს, საქართველოს შრომის, ჯანმრთელობისა და სოციალური დაცვის სამინისტროს ალ. წულუკიძის სახელობის უროლოგიის ეროვნული ცენტრის სამეცნიერო ხელმძღვანელს; დავით გოცაძეს - მედიცინის მეცნიერებათა დოქტორს, საქართველოს შრომის, ჯანმრთელობისა და სოციალური დაცვის სამინისტროს ა. ღვამიჩავას სახელობის ონკოლოგიური ეროვნული ცენტრის უროლოგიური განყოფილების ხელმძღვანელს; აკაკი ნადარეიშვილს - მედიცინის მეცნიერებათა დოქტორს, პროფესორს, საქართველოს მეცნიერებათა აკადემიის სხივური და ინტერვენციული დიაგნოსტიკის სამეცნიერო-კვლევითი ინსტიტუტის ულტრაბგერითი დიაგნოსტიკის და სისხლძარღვთა დოპლეროგრაფიის განყოფილების ხელმძღვანელს; თეიმურაზ ჩიგოგიძეს - მედიცინის მეცნიერებათა დოქტორს, პროფესორს, საქართველოს შრომის, ჯანმრთელობისა და სოციალური დაცვის სამინისტროს ალ. წულუკიძის სახელობის უროლოგიის ეროვნული ცენტრის წამყვან სპეციალისტს; გიორგი ხვადაგიანს - მედიცინის მეცნიერებათა დოქტორს, საქართველოს შრომის, ჯანმრთელობისა და სოციალური დაცვის სამინისტროს ალ. წულუკიძის სახელობის უროლოგიის ეროვნული ცენტრის წამყვან სპეციალისტს - 1988-2000 წლებში შესრულებული შრომათა ციკლისათვის - „შარდის დერივაციისა და ენტეროცისტოპლასტიკის ახალი მიმართულებები - ხელოვნური შარდის ბუშტის ფორმირება ნაწლავის დეტუბულირებული სეგმენტით“.

2. გულნარა ჩაფიძეს - მედიცინის მეცნიერებათა დოქტორს, პროფესორს, საქართველოს შრომის, ჯანმრთელობისა და სოციალური დაცვის სამინისტროს გადაუდებელი კარდიოლოგიის ცენტრის დირექტორს; ალექსანდრე ალადაშვილს - მედიცინის მეცნიერებათა დოქტორს, პროფესორს, საქართველოს შრომის, ჯანმრთელობისა და სოციალური დაცვის სამინისტროს გადაუდებელი კარდიოლოგიის ცენტრის გულსისხლძარღვთა კათეტერიზაციის ლაბორატორიის ხელმძღვანელს; სიმონ კაპანაძეს - მედიცინის მეცნიერებათა დოქტორს, საქართველოს შრომის, ჯანმრთელობისა და სოციალური დაცვის სამინისტროს გადაუდებელი კარდიოლოგიის ცენტრის დირექტორს სამკურნალო დარგში - 1988-2000 წლებში შესრულებული ნაშრომისათვის - „საქართველოში გულის იშემიური დაავადებების დიაგნოსტიკისა და მკურნალობის მაღალტექნოლოგიური (ინვაზიური და ინტერვენციული) მეთოდების დანერგვა.“

ჰუმანიტარულ მეცნიერებათა დარგში:

1. იური ანანიაშვილს - ეკონომიკის მეცნიერებათა დოქტორს, ივ. ჯავახიშვილის სახელობის თბილისის სახელმწიფო უნივერსიტეტის მენეჯმენტისა და მიკროეკონომიკის ფაკულტეტის ეკონომიკის ანალიზის მათემატიკური მეთოდების კათედრის პროფესორს; კლიმენტი აჩელაშვილს - ეკონომიკის მეცნიერებათა დოქტორს, პროფესორს, ივ. ჯავახიშვილის სახელობის თბილისის სახელმწიფო უნივერსიტეტის ეკონომიკის ანალიზის მათემატიკური მეთოდების კათედრის გამგეს; იაკობ მესხიას - ეკონომიკის მეცნიერებათა დოქტორს, პროფესორს, საქართველოს ფინანსთა სამინისტროსთან არსებული ფინანსების სამეცნიერო-კვლევითი ინსტიტუტის დირექტორს; ვლადიმერ პაპავას - ეკონომიკის მეცნიერებათა დოქტორს, პროფესორს, საქართველოს მეცნიერებათა აკადემიის წევრ-კორესპონდენტს, ივ. ჯავახიშვილის სახელობის თბილისის სახელმწიფო უნივერსიტეტის მაკროეკონომიკის კათედრის გამგეს, საქართველოს სტრატეგიისა და საერთაშორისო ურთიერთობათა კვლევის ფონდის უფროს მეცნიერ-თანამშრომელს; ავთანდილ სილაგაძეს - ეკონომიკის მეცნიერებათა დოქტორს, პროფესორს, საქართველოს მეცნიერებათა აკადემიის წევრ-კორესპონდენტს, ივ. ჯავახიშვილის სახელობის თბილისის სახელმწიფო უნივერსიტეტის საერთაშორისო ეკონომიკისა და ეკონომიკურ მოძღვრებათა ისტორიის კათედრის გამგეს; გიორგი წერეთელს - ეკონომიკის მეცნიერებათა დოქტორს, პროფესორს, საქართველოს მეცნიერებათა აკადემიის პ. გუგუშვილის სახელობის ეკონომიკის ინსტიტუტის დირექტორს 1965-2001 წლებში შესრულებული შრომათა ციკლისათვის - „მაკროეკონ ნომიკური რეგულირების მეთოდები და მოდელები“.

2. გიორგი ჩიტაიას (გარდაცვალების შემდეგ); თამილა ცაგარეიშვილს - ისტორიის მეცნიერებათა დოქტორს, ივ. ჯავახიშვილის სახელობის თბილისის სახელმწიფო უნივერსიტეტის ეთნოლოგიის კათედრის პროფესორს; ზურაბ წერეთელს - პროფესორს, საქართველოს მეცნიერებათა აკადემიის აკადემიკოსს, რუსეთის სამხატვრო აკადემიის პრეზიდენტს - 1997-2001 წლებში გამოცემული - „შრომების“ (5 ტომი) და „ეთნოგრაფიუ ული ალბომისათვის“.

ტექნიკის დარგში:

1. ჯუმბერ იოსებიძეს - ტექნიკის მეცნიერებათა დოქტორს, პროფესორს, საქართველოს ტექნიკური უნივერსიტეტის საავტომობილო ტრანსპორტის კათედრის გამგეს; თორნიკე აფაქიძეს - ტექნიკის მეცნიერებათა დოქტორს, საქართველოს ტექნიკური უნივერსიტეტის საავტომობილო ტრანსპორტის კათედრის პროფესორს; ალექსანდრე ჩხეიძეს - ტექნიკის მეცნიერებათა კანდიდატს, პროფესორს, საქართველოს ტექნიკური უნივერსიტეტის სატრანსპორტო ფაკულტეტის დეკანს; ელგუჯა ქუთელიას - ფიზიკა-მათემატიკის მეცნიერებათა დოქტორს, პროფესორს, საქართველოს ტექნიკური უნივერსიტეტის ფიზიკური მასალათმცოდნეობის კათედრის გამგეს, სტრუქტურული კვლევების რესპუბლიკური ცენტრის ხელმძღვანელს; გიორგი აბრამიშვილს - ტექნიკის მეცნიერებათა კანდიდატს, დოცენტს, საქართველოს ტექნიკური უნივერსიტეტის საავტომობილო ტრანსპორტის კათედრის გამგის მოადგილეს; გელა ყიფიანს - ტექნიკის მეცნიერებათა დოქტორს, პროფესორს, საქართველოს ტექნიკური უნივერსიტეტის სამეცნიერო-კვლევითი სამუშაოების სამმართველოს უფროსს - 2000 წელს რუსულ ენაზე გამოცემული მონოგრაფიისათვის - „ავტომობილების ხანგამძლეობის, ეკონომიურობისა და ეკოლოგიურობის ამაღლება ახალი თაობის ზეთების დამუშავებითა და გამოყენებით“.

2. ვლადიმერ ჟოჟიკაშვილს - ტექნიკის მეცნიერებათა დოქტორს, პროფესორს, საქართველოს მეცნიერებათა აკადემიის უცხოელ წევრს, რუსეთის მეცნიერებათა აკადემიის მართვის პრობლემების ინსტიტუტის ლაბორატორიის ხელმძღვანელს; ირინე ხომერიკს - ტექნიკის მეცნიერებათა დოქტორს, საქართველოს ტექნიკური უნივერსიტეტის ინფორმატიკის საფუძვლების და კომპიუტერული ტექნოლოგიების კათედრის პროფესორს - 1986-2001 წლებში შესრულებული შრომათა ციკლ ლისათვის - „ინფორმაციის რაციონალური განთავსება მსხვილ განაწილებულ გამოთვლით ქსელებში“.

უმაღლესი სასწავლებლების სახელმძღვანელოებისათვის:

ალმასხან გუგუშვილს - (გარდაცვალების შემდეგ); მინდია სალუქვაძეს - ტექნიკის მეცნიერებათა დოქტორს, პროფესორს, საქართველოს მეცნიერებათა აკადემიის აკადემიკოსს, საქართველოს მეცნიერებათა აკადემიის ა. ელიაშვილის სახელობის მართვის სისტემების ინსტიტუტის დირექტორს, საქართველოს მეცნიერებათა აკადემიის გამოყენებითი მექანიკის, მანქანათმშენებლობისა და მართვის პროცესების განყოფილების აკადემიკოს მდივანს; ვახტანგ ჭიჭინაძეს - ტექნიკის მეცნიერებათა დოქტორს, პროფესორს, საქართველოს მეცნიერებათა აკადემიის აკადემიკოსს, საქართველოს მეცნიერებათა აკადემიის ა. ელიაშვილის სახელობის მართვის სისტემების ინსტიტუტის დირექციის მრჩეველს - 1997 წელს გამოცემული სახელმძღვანელოსათვის - „ოპტიმალური და ადაპტური სისტემები“.

საშუალო და საშუალო სპეციალური სასწავლებლების სახელმძღვანელოებისათვის:

დემი ლაოშვილს - ტექნიკის მეცნიერებათა დოქტორს, პროფესორს, საქართველოს ტექნიკური უნივერსიტეტის ენერგეტიკის ფაკულტეტის დეკანს - 2000 წელს გამოცემული სახელმძღვანელოსათვის - „ენერგეტიკა.“

ქვეყნის თავდაცვისუნარიანობის გამტკიცების დარგში:

თეიმურაზ შარაშენიძეს (ხელმძღვანელი); თამაზ ნინუას, გელა სულაძეს, ვალერიან ბიბილურს, ანდრია გიგუაშვილს, ალექსანდრე გოგავას - საქართველოს უშიშროების სამინისტროს თანამშრომლებს - ქვეყნის თავდაცვისუნარიანობის განმტკიცების საქმეში შეტანილი წვლილისათვის.

II. ბრძანებულება გამოქვეყნდეს პრესაში 2004 წლის 26 მაისს.

მიხეილ სააკაშვილი