აეროფოტომოწყობილობა
აეროფოტომოწყობილობა - აეროფოტოგადაღების საბორტო და სახმელეთო საშუალებები, განკუთვნილი სათანადო სურათების მისაღებად და ფოტოსაბუთების შესაქმნელად.
საბორტო აეროფოტომოწყობილობა არის მოსახსნელი, (რომელშიც შედის აეროფოტოაპარატის საფრენი კომპლექტი) და სტაციონარული, რომელსაც მიეკუთვნება აეროფოტოდანადგარები და მოწყობილობები ფრენის დროს გადაღებების განსახორციელებლად.
სახმელეთო აეროფოტომოწყობილობაში შედის ფოტომასალების დამუშავების და შესწავლის ტექნიკური საშუალებები, რომელთაც მიეკუთვნება ფოტოლაბორატორიული მოწყობილობა, ფოტოგრამეტრიული ხელსაწყოები, აეროფილმების და ფოტოანაბეჭდების გამშიფრავი მოწყობილობა, ფოტოდოკუმენტების დამზადება. სახმელეთო აეროფოტომოწყობილობის უმრავლესობა არის ავტომატები მასალების დამუშავების დიდი მწარმოებლობითი და მაღალი ხარისხით.
