ავსაჯანიშვილი მირანგულ
NPLG Wiki Dictionaries გვერდიდან
ავსაჯანიშვილი მირანგულ − (1938 − 2001), ქართველი პოეტი, დაიბადა ყაზბეგში. დაამთავრა თბილისის შოთა რუსთაველის სახელობის თეატრალური ინსტიტუტი. არის შვიდი პოეტური კრებულის ავტორი, მათ შორისაა: „გამოღვიძება” (1981), „სიცხადე” (1986), „რაღაც ვერა ვთქვი” (1990), „ვთქვა თუ არა ვთქვა” (1995), „ამაღლება და დაცემა” (1998).
- * * *
- უკუღმართია ქვეყანა,
- არად დაგიდევს ჩენასა,
- გინდ მაჰკვდი, გინდაც ქვად ეგდე,
- არარას მატებს რჩენასა.
- ეს რა ჭირი და რამ ეცა,
- ამდენ თმენას და სურვილსა,
- რომ აღარ უჩანს მკურნალი,
- დროს, ნისლით გადაბურვილსა?!
- მატებ, რას მატებ სიცოცხლეს,
- ლოდინს სამეხოდ უგბილსა?
- საით ველოდო, ეს ზეცა
- როდის დაიწყებს ქუხილსა?!
- დამბადე - რისთვის დამბადე,
- შენ გეკითხები მამულო,
- იმად ხომ არა, ვისაცა
- დრონი უდროოდ არ გულობს?!
- ჰაი, ჰაი, რომ ვერა მცნობ,
- მტრის გასახარად - ნეტარის...
- შვილსა მკლავ, ჰაი, დედასა!
- სხვას ვის მაჰკლავდი ნეტავი?!
- უკუღმართია ქვეყანა,
