ავჩიანი სურენ
NPLG Wiki Dictionaries გვერდიდან
ავჩიანი სურენ (1904 − 1985), მთარგმნელი, მწერალი დრამატურგი და პოეტი, დაიბადა თბილისში. 1916-1920 წლებში სწავლობდა თბილისის ნერსესიანის სემინარიაში. პირველი ლექსი გამოაქვეყნა 1923 წელს. ავტორია პიესებისა: „სოსი და ვარდითერი” (1946), „ქოროღლი” (1948), „საიათნოვა” (1950), „პელპუღი” (1956), ლექსთა კრებულისა „ლექსები” (1959). მისი შრომებიდან აღსანიშნავია ვხელოვნება და ხელოსნობა” (1930), „ქართულ-სომხური თეატრალური ურთიერთობანი” (1960). ეწეოდა მთარგმნელობით მოღვაწეობას. სომხურიდან ქართულად თარგმნა ო. თუმანიანის „დავით სასუნცი” (1939), ა. შირვანზადეს „ქაოსი” (1950) და სხვა. ქართულიდან სომხურად − ნ. ბარათაშვილის ლექსები და „ბედი ქართლისა” (1946), კ. გამსახურდიას „დიდოსტატის მარჯვენა” (1961).
