აზოვის პაღვიანი ქაშაყი
აზოვის პაღვიანი ქაშაყი – Caspialosa Caspia tanaca Grimm, 1901
ტიპი: ქორდიანები
კლასი: სხივფარფლიანი თევზები
რიგი: ქაშაყისნაირნი
ოჯახი: ქაშაყისებრნი
სახეობა: აზოვის პაღვიანი ქაშაყი
თევზი ქაშაყისებრთა ოჯახისა. ზრდასრულების ლაყუჩთა ჩხირების რაოდენობა ლაყუჩის პირველ რკალზე 59-78, საშუალოდ – 70. მალების რაოდენობა 47-51 (უროსტილის გარეშე). თავის სიმაღლე კეფის არეში მისი სიგრძის 79-84%-ს, ხოლო თავის სიგრძე სხეულის საერთო სიგრძის 22,3-22,5%-ს შეადგენს, სხეულის სიმაღლე კი 19-22%-ს. სხეულის უდიდესი სიმაღლე, სხეულის კუდის შუალედური სხივების ბოლომდე, არსებული სიგრძის საშუალოდ გამოსახულ პროცენტებში შეადგენს 24,2-ს, თავის სიგრძე – 24,6-ს, სიმაღლე – 18,5-ს, ანტიდორსალური მანძილი – 44,1-ს, სხეულის უმცირესი სიმაღლე – 8,1-ს, დინგის სიგრძე – 6,3-ს, თვალის უკანა მანძილი – 13,1-ს, ქვედა ყბის სიგრძე – 14,3-ს; თავის სიგრძის პროცენტებში: თვალის დიამეტრი – 24,3-ს, თავის სიმაღლე კეფის არეში – 75,1-ს. ქვედა ყბა კბილებს მოკლებულია. აბსოლუტური სიგრძე 200 მმ-მდე აღწევს, ჩვეულებრივ კი უფრო ნაკლებია – 148 მმ. აზოვის პაღვიანი ქაშაყი 25 გ იწონის. მაქსიმალური სიგრძე 193 მმ.ს. აღწევს, წონით – 50 გრამს.
გამოყენება
მთელ ნანადირევ თევზს ამარილებენ. დამარილებული პაღვიან ქაშაყების ნაწილს მარინადებად ან შებოლვილის სახით ამზადებენ. აზოვის პაღვიანი ქაშაყი ყველაზე მსუქანია შემოდგომაზე (ცხიმის 33-35%-ს შეიცავს). გახაფხულზე ტოფობის. პერიოდში კი ცხიმიანობა 7-11%ე-მდე ეცემა.
