ანთეოსი
NPLG Wiki Dictionaries გვერდიდან
ანთეოსი – ანთეოსთან ბერძნებმა გააიგივეს ეგვიპტური ღვთაება ანტიუი (ეგვ. 3ntjwj, „ორი ბრჭყალებიანი“), რომელიც ორი შევარდნის ან სხვა მტაცებელი ფრინველის სინკრეტულ სახეს წარმოადგენდა. გაიგივებული იყო ანტიუისთან სეტხიც, რომელსაც აქ უძველესი დროიდან ეთაყვანებოდნენ. ანთეოსთან გაიგივება, როგორც ჩანს, ფონეტიკურ მსგავსებაზე და ღვთაების მებრძოლ ხასიათზე იყო დამყარებული. ხორის კულტის გაძლიერებასთან ერთად ანიტუი, როგორც ბევრი სხვა შევარდნის სახის ღვთაება, შთანთქა ხორმა. თვითონ ანტიუი კი ალბათ იყო ერთ-ერთი ეგვიპტური ელემენტი, რომლის ინკორპორირებაც ბერძნულ-ეგვიპტურ ღვთაებაში, სერაპისში მოხდა.
