ანტაბლემენტი
NPLG Wiki Dictionaries გვერდიდან
(გადმომისამართდა ანტაბლემანი-დან)
ანტაბლემანი, ანტაბლემენტი — (ფრანგ. entablement), არქიტექტურული ორდერის ზედა (საზიდი) ნაწილი, რომელიც შედგება არქიტრავის, ფრიზისა და კარნიზისაგან.
ყოველ ცალკეულ არქიტექტურულ ორდერში ანტაბლემენტს აქვს განსხვავებული პროპორციები და პლასტიკურად სხვადასხვანაირად მუშავდება. კლასიკურ არქიტექტურულ ორდერებში (დორიული, იონიური, კორინთული) სხვადასხვაგვარია. ძველრომაულ და აღორძინების არქიტექტურაში ანტაბლემენტის სიმაღლე, როგორც წესი, სვეტის სიმაღლის 1/4-ია.
