აარნე ანტი ამატუს
ანტი ამატუს აარნე − (ფინ. Antti Amatus Aarne, 1867-1925) − ფინელი ფოლკლორისტი, ისტორიულ-გეოგრაფიული სკოლის ერთ-ერთი წარმომადგენელი იულიუს და კარლ კროონების მოწაფე. შეადგინა და გამოსცა „ზღაპართა ტიპების საძიებელი“ (1910), რომელში (პირველად იყო მოცემული ევროპული, ძირითადად სკანდინავური ზღაპრის სიუჟეტების თემებისა და მოტივების კლასიფიკაციის ცდა. აარნემ ზღაპრები ოთხ ძირითად ჯგუფად გაყო: 1. ზღარები ცხოველების შესახებ, 2. საკუთრივ ზღაპრები რომლები; ჯადოსნური, ნოველისტური და ლეგენდარული ზღაპრების ქვეჯგუფებისგან შედგება, 3. ანეგდოტები, 4. ზღაპრები სულელი ეშმაკის შესახებ. მიუხედავად კლასიფიკაციის პირობითი ხასიათის. ეს შრომა საფუძვლად დაედო ზღაპრის საერთაშორისო კლასიფიკაციას ამ მიმართულებით განაგრძეს მუშაობა ამერიკის (ვ. ტილლე), სკანდინავიის ქვეყნების (რ. დ. ქრისტიანსენი, ვ. ანდერსონი), რუსეთის (ნ. პ. ანდრეევი), ჩეხეთის (ბოლტე და პოლივკა), საქართველოს (ელ. ვირსალაძე) და სხვა ქვეყნების მეცნიერებმა აარნეს მუშაობა განავრცო და ფოლკლორის მოტივთა საერთაშორისო ინდექსი შეადგინა ამერიკელმა მკვლევარმა სტიტ ტომპსონმა, აარნეს კალამს ეკუთვნის გამოკვლევები: „ზღაპრების შედარებითი შესწავლის საფუძველი“ (1913), „გამოცანების შედარებითი კვლევა“ (1918),
ელ. ვირსალაძე
ლიტერატურა
მ. ჩიქოვანი, ქართული ფოლკლორი, თბ., 1946, გვ. 359;
ელ. ვირსალაძე, ქართული ზღაპრების სიუჟეტების საძიებელი აარნე-ანდრეევის სისტემის მიხედვით. ნაკვ. I, ლიტ. ძიებანი, XIII, 1961,
