აპოლონ ქუთათელაძის ქუჩა

აპოლონ ქუთათელაძის ქუჩა – ქუჩა თბილისში, ძველი თბილისის რაიონი (გარეთუბანი); რევაზ ლაღიძის ქუჩიდან შოთა მესხიას ქუჩამდე. წარმოიქმნა XIX საუკუნის II ნახევარში. თბილისის 1867 წლის გეგმაზე დატანილია როგორც სალდათის შესახვევი. თბილისის გამგეობის მიერ 1903 წელს შედგენილ ქუჩების სიაში შეტანილია კადეტის შესახვევის სახელწოდებით; 1923 წლიდან – კურსანტების შესახვევი, 30-იანი წლებიდან ა. გერცენის შესახვევი ერქვა. 1992 წელს ა. ქუთათელაძის სახელი ეწოდა. შემონახულია XIX საუკუნის დასასრულის საცხოვრებელი სახლები.