არაფორმალური ეკონომიკა
არაფორმალური ეკონომიკა - (informal economy) ეკონომიკის, კერძოდ შრომის ბაზრის მნიშვნელოვანი ნაწილი (განსაკუთრებით განვითარებად ქვეყნებში). დიდ როლს ასრულებს დასაქმებისა და შემოსავლების ფორმირებაში. იმ ქვეყნებში, სადაც მოსახლეობის ზრდის ტემპები ან ურბანიზაცია მაღალია, არაფორმალური სექტორი სწრაფად იზრდება ქალაქებში მზარდი სამუშაო ძალის ხარჯზე, ამიტომ არაფორმალურ სექტორში წარმოებული საქონლისა და მომსახურების აღრიცხვა ძალზე მნიშვნელოვანია მშპ-ის ასახვისათვის. არაფორმალური სექტორის საერთაშორისო განსაზღვრება მიღებულ იქნა 1993 წელს შრომის საერთაშორისო ორგანიზაციისა და შრომის ბაზრის სტატისტიკოსთა მეთხუთმეტე საერთაშორისო კონფერენციის გადაწყვეტილებით. არაფორმალურ სექტორში დასაქმებულთა უმეტესი ნაწილის საქმიანობა სავსებით ლეგალურია, ამასთან, არარეგისტრირებული ან არალიცენზირებული, რაც განაპირობებს წარმოების დანახარჯების შემცირებას.
