არშუშა
NPLG Wiki Dictionaries გვერდიდან
არშუშა – (VII ს. II ნახ.), [(VII ს. II ნახ.), ქართლის ერისმთავარი დაახლ. 689 წლიდან. ბაგრატიონთა სახლის წარმომადგენელი. არშუშა იხსენიება „მოქცევაჲ ქართლისაჲს“ ქრონიკის გვიანდელი დანართის ქართლის ერისმთავართა ჩამონათვალში, აგრეთვე 685-711 წწ. შორის ამოკვეთილ აბასთუმნის ეკლესიის ჯვრის კვარცხლბეკის წარწერაში (პატრიკიოსის ტიტულით) იმპპერატორ იუსტინე II-თან ერთად. ქართულ ისტორიოგრაფიაში გამოთქმული მოსაზრებით, არშუშა ვარაზ-ბაკურის უფროსი ძმა უნდა ყოფილიყო. როგორც წარწერიდან ირკვევა, არშუშას ბრძანებით აღუმართავთ დღევანდელი აბასთუმნის პატიოსანი ჯვარი „წმიდისა ღმრთისმშობლისა“ სახელზე.
მ. გოილაძე
ლიტერატურა
გოილაძე ვ., ვის სახელზეა აბასთუმნის ჯვრის კვარცხლბეკის წარწერა? საქართველოს შუა საუკუნეების ისტორიის საკითხები, წგ. 8, თბ., 2005.
