ასპარუხოვი გიორგი

გიორგი ასპარუხოვი

გიორგი ასპარუხოვი – (ბულგ. Георги Аспарухов Рангелов; დ. 4 მაისი 1943, სოფია — გ. 30 ივნისი 1971), ბულგარელი ფეხბურთელი, თავდამსხმელი. თამაშობდა „ლევსკიში“ (1960-61, 1964-69), პლოვდივის „ბოტევში“ (1961-63) და „ლევსკი-სპარტაკში“ (1969-71). ბულგარეთის სამგზის ჩემპიონი და თასის მფლობელი. 1965 წ. ჩემპიონატის საუკეთესო ბომბარდირი (27 გოლი). ბულგარეთის 1965 წ. საუკეთესო სპორტსმენი. ბულგარეთის ჩემპიონატებში ჩაატარა 245 მატჩი და გაიტანა 150 გოლი. მონაწილეობდა მსოფლიოს 1962, 1966 და 1970 წლების ჩემპიონატებში. ნაკრების შემადგენლობაში ჩაატარა 50 მატჩი (პირველი: 6.5 1962 ავსტრია 0-2, ბოლო: 11.6.1970 მაროკო 1-1) და გაიტანა 19 გოლი. დაიღუპა საავტომობილო კატასტროფაში.