ასურბანიფალი
NPLG Wiki Dictionaries გვერდიდან
ასურბანიფალი - ასურეთის მეფე ძვ. წელთაღრიცხვის 669-633 წლებში. იგი თავგამოდებით ცდილობდა მემკვიდრეობით მიღებული იმპერიის შენარჩუნებას; ებრძოდა სკვითებს, კიმერიელებს, სპარსელებსა და მიდიელებს.
ცნობილია ე.წ. ასურბანიფალის ბიბლიოთეკა, რომელიც ქალაქ ნინევიის გათხრების დროს აღმოაჩინეს. ეს არის ლურსმნულით ნაწერი ათეულ ათასობით თიხის ფირფიტა, რომლებიც შეიცავს სხვადასხვა დროის რელიგიურ, მაგიურ და ლიტერატურულ ტექსტებს.
წყარო
- ბარბაქაძე ლია. ჯიბის ცნობარი მართლმორწმუნე ქრისტიანისათვის; თბილისი, 2013 წ.