ატელანა
NPLG Wiki Dictionaries გვერდიდან
ატელანა − (ლათ. atellana), ძველ რომში ხალხური იმპროვიზებული სცენების სახეობა. ატელანას მთავარი მოქმედი პირები იყვნენ ნიღბები – ბუკონი, დოსენი, მაკი, პაპი და სხვ. ტრადიციული პერსონაჟების არსებობა განაპირობებდა ატელანას სიუჟეტური სიტუაციების ერთგვაროვნებას. ამ სცენებს საფუძვლად ედო მაკის რეგვენობა, ბუკონის მზაკვრული ეშმაკობა, პაპის სიძუნწე და პატივმოყვარეობა, დოსენის ყალთაბანდობა. ატელანას – ენათესავება იტალიური კომედია დელ’არტეს, რუსული პეტრუშკას, გერმანული კაშპერლის წარმოდგენები და სხვა. ატელანა იყო დემოკრატიული ჟანრი, რომელიც ნართაულად აკრიტიკებდა რომის საზოგადოების მმართველი წრეების პოლიტიკას, რის გამოც იგი იმპერიის ხანაში იდევნებოდა ფართო მასებში კი პოპულარობით სარგებლობდა.
