ატიტიუდი
NPLG Wiki Dictionaries გვერდიდან
ატიტიუდი — (ფრანგ. attitude), კლასიკური ცეკვის ერთ-ერთი ძირითადი პოზა. მოცეკვავე (მამაკაცი ან ქალი) დგას ცალ ფეხზე, მუხლში მოხრილი მეორე ფეხი უკანაა აწეული, ტანი ძალზე გაზნექილია ზურგში, აწეული ფეხის შესაბამისი ხელი თავს ზემოთაა აწეული, ხოლო მეორე – გვერდზეა გაყვანილი. კლასიკური ცეკვის რუსულ სკოლაში არსებობს ატიტიუდის ორი ფორმა attitude cróisée და effacée, რომლებიც სრულდება ტერფზე, ცერებზე, ერგცერებზე, plié ნახტომში, ბრუნში, ხელების სხვადასხვაგვარი მდგომარეობით.
