აქცესიური კომპლექსები

აქცესიური კომპლექსები – (ლათ. < accession – აქეთ მოსვლა), ორთანხმოვნიანი ჯგუფები, რომლებშიც პირველ ადგილზე წარმოთქმული ბგერა უფრო უკანა წარმოებისაა, ვიდრე მეორე ადგილზე წარმოთქმული. მაგ., დბ, გდ. გზ, შფ. ხთ და მისთ. აქცესიური კომპლექსების კომპონენტები ჰომოგენური და ჰეტერორგანული არიან.

აქცესიური კომპლექსების შემცველი სიტყვები ქართულში არც ისე მრავალრიცხოვანია. ძალზე იშვიათია ისინი სხვა ქართველურ ენებშიც. აქცესიური კომპლექსები ფიზიოლოგიურად ნაკლებ „ბუნებრივი“ მიმდევრობებია და გამოთქმის სინელის გამო სხვადასხვა ენაში მათი აცილების სხვადასხვა გზაა გამოყენებული.

ნ. იმნაძე

ლიტერატურა

ახვლედიანი გ. ზოგადი ფონეტიკის საფუძელები, თბ., 1949 (1999).