აღუ-თძი
NPLG Wiki Dictionaries გვერდიდან
აღუ-თძი (აღοჷ-თძჷ) - აფხ. „ფიცრის კედელი“. უბრალო ხის სახლი, ფიცრული. ერთოთახიანი, კერიანი, მიწის იატაკიანი საცხოვრებელი. ფიცრები ნაჯახით ითლებოდა. თავდაპირველად ამ საცხოვრებელსაც ჭერი არ ჰქონდა. ზოგჯერ მას ფასადის მხრიდან ღია ჩარდახს უკეთებდნენ. სახურავი ოთხფერდა იყო, იფარებოდა თივით, გვიმრით ან ლელქაშით. შიგნით გადატიხრული, ორკარიანი იყო, შიდა კარი, წნული და მოკლე ჰქონდა. მოგვიანებით, ზოგჯერ ტიხრულით რამდენიმე ოთახი კეთდებოდა, პატარა ღიობი ფანჯრებით. ოთახები შიგნიდან კარებით იყო დაკავშირებული. ერთ-ერთი ოთახი სასტუმროდ მოიხმარებოდა.
