აშაუჳჷ
აშაუჳჷ - აფხ. სისხლის მკეთებელი, შურისმაძიებელი, სისხლის ამღები. შურისმაძიებელი მოკლულის ყველაზე ახლობელი ადამიანი უნდა ყოფილიყო, მაგრამ თუ ავადმყოფი ან ასაკოვანი იყო, მაშინ ამ აქტს თავის თავზე მომდევნო საფეხურის ნათესავი კისრულობდა. იგი მოკლულის ნეშტთან ფიცს დებდა შურისძიებაზე. იმ დღიდან იგი თემის საზოგადოებრივ თუ ოჯახის საქმიანობაში, ან რაიმე დღეობა-დღესასწაულებში მონაწილოებას არ იღებდა. საკუთარი სახლიდან მოშორებით ტყეში განდეგილ ცხოვრებას ეწეოდა. თავს შავი ყაბალახით იფარავდა, რაც გლოვის გამოხატულებაც იყო. იგი მხოლოდ შურისძიების შემდეგ თავისუფლდებოდა ფიცისაგან და სახლში ბრუნდებოდა. მოკლულის სისხლი მხოლოდ დამნაშავის ან მისი ახლო ნათესავი მამაკაცის სისხლით უნდა ჩამორეცხილიყო. შურისძიების კვალზე შემდგარი ადამიანი ნორმატიულ წესებს იცავდა. სისხლ-მესისხლეობის კანონების დარღვევა თავის შერცხვენას მოასწავებდა.
