ბალავაძე ნუნუ
NPLG Wiki Dictionaries გვერდიდან
ბალავაძე ნუნუ – (1985), – ქართველი პოეტი. დაიბადა მარტყოფში (გარდაბანი), იქვე დაამთავრა სკოლა. შემდეგ სწავლა განაგრძო თსუ-ს ჰუმანიტარული ფაკულტეტის მაგისტრატურის მეორე კურსზე ქართული ლიტერატურის მიმართულებით. 2001 წელს დაამთავრა მარტყოფის სულხან ცინცაძის სახელობის მუსიკალური სკოლა. იყო ფოლკლორული ანსამბლის „ულავარის” სოლისტი. წერს ლექსებს და სიმღერებს, იბეჭდება ჟურნალ-გაზეთებში: „მწერლის გაზეთი”, „ციცინათელა”, „ნერგი”, „ლიტერატურული საქართველო” და სხვა.
- პირამიდების გზა...
- ცხოვრებამ ხარკის გადახდა მთხოვა
- მაგრამ საიდან?!
- მე ერთი პეშვი სულიღა დამრჩა,
- უნდა ვიმყოფო...
- ბეთლემისფერი წარსული დადნა
- სულის ნალექა,
- მწყემსი მოვიდა,
- ცხვარნი თვისნი უკვე გარეკა...
- და ეგვი პტური სიცხეები
- წამომეწია,
- უნდა დროება საბრძოლველად
- გამოვიწვიო...
- აწმყოს თვალები ბებერ ფესვებს
- აჩანაგებენ,
- ფარაონთათვის აკლდამებსაც
- აღარ აგებენ...
- მინის ღრუბლებში სახეცვლილი
- ეს მზე აანთეს,
- ხარკი არ დავდე, შრება ჩემი
- ქვიშის საათი...
- აღარა მჯერა ოცნებების,
- გამოგონილის,
- მიწაზე ისევ სიცხეები
- წამოწოლილა...
- რა დააწყნარებს, რა უშველის
- ნაცნობ ამინდებს?!.
- ხვალე მე უნდა დავემგზავრო
- ცად პირამიდებს...
