ბალატონის ოპერაცია 1945
NPLG Wiki Dictionaries გვერდიდან
ბალატონის ოპერაცია 1945 (6-15 მარტი) – ბრძოლა გერმანია-სსრ კავშირის ომის დროს. უკრაინის III ფრონტის ჯარებმა (საბჭოთა კავშირის მარშალი თ. ტოლბუხინი) ბალატონის ტბის რაიონში (უნგრეთი) მოიგერიეს გერმანელთა ჯარების კონტრშეტევა და ჩაუშალეს მათ დუნაისკენ გაჭრის გეგმა, რათა აღედგინათ თავდაცვის ზღუდე მის დასავლეთ ნაპირზე. ბალატონის ოპერაციის წარმატებით დამთავრებამ საბჭოთა ჯარებს საშუალება მისცა დაეწყოთ შეტევა ქალაქ ვენის მიმართულებით.