ბარათაშვილი ლინა
NPLG Wiki Dictionaries გვერდიდან
ბარათაშვილი ლინა – (1942), პოეტი, ჟურნალისტი, ფილოლოგი დაიბადა ბორჯომში. სწავლობდა ხარაგაულის პირველ სკოლაში. 1968 წელს დაამთავრა თსუ-ს ფილოლოგიის ფაკულტეტი. იყო ხარაგაულის რაიონული გაზეთის კორესპონდენტი, 1973 წლიდან მუშაობდა გაზეთ „ნერგის” ლიტერატურული განყოფილების გამგედ, რედაქტორობდა გაზეთ „დედას”. მისი პირველი ლექსი – „ვაჟა-ფშაველა” – 1961 წელს დაიბეჭდა ხარაგაულის რაიონულ გაზეთში – „ლენინის დროშით”. ავტორია პოეტური და პროზაული კრებულებისა: „მოლოდინი”, „მარტოობის კუნძულები”, „მზითვის წიგნი”, „საქართველოში იბადებოდნენ”.
- * * *
- ამ მთასა და იმ მთას შუა
- თითქოს უფალს გაუვლია,
- წალკოტს იქით წალკოტია,
- გაღმა ხარაგაულია.
- მართლა უცხო სამზეროა,
- ტყემლის ბევრი ფთილებია
- იმერეთი გვეტკინა და
- თვალში წამოგვკიდებია.
- ისე მკაცრი სიცხადეა,
- ისე სუფთა ნათელია
- ვფიქრობ, ღრუბლის თეთრი არვე
- ქართლზეც გადამადენია.
- მეუბნები – სამოთხეა,
- გეუბნები ედემია,
- ხედებია იმოდენა
- თვალში ვეღარ ეტევიან.
- ისე თითო აპრილია,
- საბნად ნისლი აფარია,
- მეუბნები – სიზმარია ,
- გეუბნები, ზღაპარია!
- ამ მთასა და იმ მთას შუა,
- თითქოს უფალს გაუვლია,
- წალკოტს იქით წალკოტია,
- გაღმა ხარაგაულია.