ბარათაშვილი მარიკა

მარიკა ბარათაშვილი

ბარათაშვილი მარიკა – (1908 – 2008), დრამატურგი, პოეტი. დაიბადა სოფელ მერევში (ჭიათურა), იქვე მიიღო საშუალო განათლება, 1945 წელს კი დაამთავრა თსუ-ს ფილოლოგიის ფაკულტეტი. ეწეოდა აქტიურ საზოგადოებრივ ცხოვრებას, 1965 წლიდან იყო ჟურნალ „საქართველოს ქალის” მთავარი რედაქტორი. მისი პირველი ლექსი 1936 წელს გამოქვეყნდა, ლექსების პირველი კრებული კი – 1945 წელს. დიდი პოპულარობა მოი პოვა მისმა პიესამ „ჭრიჭინა”. აღსანიშნავია მისი ლექსთა კრებულები: „ლექსები” (1948), „საპოვნელა” (1958), „დღე დღევანდელი” (1969), საბავშვო ლექსებისა და პოემების კრებულები: „ნანული” (1941), „სოფელა, თინა და ჭიანჭველები” (1949) და სხვა.

საპოვნელა

ოქტომბერში თუ ჩვენს მხარეს გაგივლია,

შეამჩნევდი მიმობნეულს მინდორ-ველად.

პაწაწინა, მარჯნისფერი ყვავილია,

იმერეთში ეძახიან „საპოვნელას”.

შევხედე და მიმიზიდა იმთავითვე.

თურმე ყველა სასოებით ანდობს იმედს,

ბედს დაეძებს თუ დანაკარგს, რამე ნივთებს,

ევედრება: „საპოვნელა, მაპოვნინე!”

მეც სათუთად მივიბნიე იგი მკერდზე,

ჩემს გულშიაც მივუჩნიე მყუდრო ბინა.

ვენაცვალე! სხვა საუნჯეს აღარ ვეძებ,

რადგან, ჩემო, შენი გული მაპოვნინა.

წყარო

ქართველი პოეტები (ენციკლოპედია)