ბარდი
NPLG Wiki Dictionaries გვერდიდან
ბარდი - (ფრანგ. barde, < კელტ. bard), კელტების მოხეტიალე პოეტი და მომღერალი; ცხოვრობდნენ ძირითადად ამჟამინდელი ირლანდიის, უელსის და შოტლანდიის ტერიტორიაზე.
ბარდები პირველად მოხსენიებულნი არიან ბერძენი და რომაელი ისტორიკოსების მიერ მე-3-1 სს. ძვ.წ. (bardus). მე-15 საუკუნემდე ბარდები ცხოვრობდნენ უელსში, 15-18 საუკუნეებიდან – ირლანდიასა და შოტლანდიაში. პერიოდულად ხდებოდა ბარდების თავმოყრა, სადაც გაიცემოდა ჯილდოები საუკეთესო სიმღერის, მუსიკალური ნაწარმოების და ინსტრუმენტზე დაკვრისათვის. ბარდები სიმღერებს ასრულებდნენ არფის ან ძველებური კელტური სიმებიანი ინსტრუმენტის – კროუდის თანხლებით.
წყარო
მუსიკის ენციკლოპედიური ლექსიკონი
მსოფლიო თეატრის ენციკლოპედიური ლექსიკონი