ბაროკოს არქიტექტურა
NPLG Wiki Dictionaries გვერდიდან
ბაროკოს არქიტექტურა − ჩაისახა იტალიაში XVI ს. II ნახევრიდან, შემდეგ გავრცელდა მთელ დასავლეთ ევროპაში, ლათინურ ამერიკაში. განსაკუთრებით ფართო გავრცელების ხანაა XVII ს., რუსეთში – XVIII ს. აღორძინების ხანის კლასიკური კომპოზიციები ბაროკოს არქიტექტურის ხანაში ადგილს უთმობს უფრო მასიურ, მოძრავ ფორმებს, მორთულობის სიუხვეს. ფართო განვითარებას აღწევს მდიდრულად მორთული სასახლეების, საქალაქო საზეიმო მოედნების, ბაღ-პარკების მშენებლობა.